الله الله على باك زمان [الأرشيف] - منتديات الجلفة لكل الجزائريين و العرب

رنيم الامل

2011-06-13, 16:53

كان يا ما كان في قديم الزمان كانت البكالوريا عزيزة ما يفوز بيها غيرشكون و شكون .

في قسم كامل و كلهم قرايين ينجح واحد لا غير

اما اليوم ما يخسر في القسم غير واحد .

بالله عليكم اذا كنت غالطة صححوا لي .

بن بوزيدحط 15 ملاحظ في كل مركز .كان الاجدر بيه انو يحط مشوش للهواتف النقالة و يهنينا .

وهكذا تنتهي الحكاية و الناس كلها عندها الباك و السلام.

al ikhlasse

2011-06-13, 19:42

تبارك الله في هذا الكلام دورك الي قرا قرا بكري

stulipe

2011-06-13, 20:31

الله الله عليك أختي الكريمة
الباك كيما تاع هد الوقت والا بطل
علاش بقا باك ولا بقات قرايا
نموت ونعرف علاش بن بوزيد راه يدير هكدا راه النيفو ولا ارض ارض...والمشكل السي الوزير علابالو....
ما بقات قرايا ....والله البارح شافت عيني مش قالولي ..جيت جايزة على اليسي والله غير الاولياء يمليو على أولادهم الاجتماعيات بالبورتابل...وخلي وخلي
الله يرحمك يا بك ...اللللللله يرحمك...
عاااااااااام كامل وهوما راقدين ويجو دركة بالواجد يدوه والناس لي كانت تاعبة وسهرانا تجيب معدلات أقل ملي يغشوا...
وين هو العدل...والمشكل كي يروحو للجامعة يطلعوا يطبطبو....النيفو والو
une demande ما يعرفوش يكتبوها... العديل والحطة والدماغ فرغان....
الله يرحمك يا بك زمان

saida5

2011-06-13, 21:43

حشبنا الله ونعم الوكيل . عارفين وين يضربوا . الصحة و التعليم .........لا جسم سليم و لا حتى عقل بهيم . اكرمكم الله . والله حائفة على وليداتي من اللاتي ؟؟؟؟؟؟

يمينة ط

2011-06-13, 21:53

الغلطة في الآباء اللي يشجعوا ولادهم . في باك زماااااان كان الولي يربي ابنه على الاحترام للكبار وهذا ينعكس على السلوك في القسم
وبالتلي على استيعابه للدرس ...في يومنا هذا الأب عام كامل وهو شبه غافل في النهاية يتهم الأستاذ وكأنه المسؤول الوحيد ......
فمن نلوم؟؟؟؟؟؟؟؟؟؟؟

سلامو بولحية

2011-06-15, 20:46

الحطة و التبياش و القرايا يجيب ربي

lona-99

2011-06-15, 20:54

تخيلي من صحاب باك العام لي فات اشتقاق لدالة تع الجمع مايعرفووووووووووووووووووش و اللله غير يحشموووووووووووووووووووووووو

sabrin615

2011-06-15, 20:54

عندك الحق اختي هذاك الباااااااااااااااك نتاع بكري كان باك نتاع الصح مي ظرك اسمحيلي مش باك مدام كاين تسرب

نقلك الامتحان الفصل اصحب من الباك بين قوسين يفصلو ويخيطو وحدهم اي يتعبواااااا في رواحهم في الاسئلة +الاجوية

دور التلميذ مفقود

انا اتسائل ماهي رد فعل ذاك التلميذ /ة/ المجتهد الذي سهر ليلا و عطش صيفاا وما عساه ان يفعل

اميمة

2011-06-15, 21:47

حسبنا الله و نعم الوكيل على كل مسؤول أهمل مسؤوليته و كان سببا فيما نحن نراه و نسمعه و نعيشه اليوم
حسبنا الله ونعم الوكيل ........ضيعوا البلاد

LE PROF

2011-06-17, 11:59

لا الباك باك ولا الجامعة جامعة راه كلش رجع طايوان ...سراول مقطعة ونازلة وشعر مجلجل وباك بالمزية وجامعة اشبه بالمنتجعات السياحية اكل وشرب ومواعدات ونوم ونقاط بالمعريفة وهي رايحة
راني خايف على مستقبل اولادي ياجماعة رانا في اشد الاوقات ظلمة وجهل

chedni

2011-06-20, 10:57

حرام عليكم راكم ظالمينا هاذي الشيء راه يبانلكم برك
ماشي كامل الممتحنين كيما راكم شايفين ولا الاسئلة سهلة كيما راكم متوقعين
و التسريب ماكانش للكامل كان لفئة معينة و الحراسة مشددة .............

لوكان جيتو في بلاصتنا تحسو بينا

كمال-رياضيات

2011-06-20, 12:39

موضوع يستحق 5 نجوم وأنا أعترف به .....المشكل في نظري يعود الى الأولياء بنسبة 60 بالمائة ثم الوزارة بنسبة 39 بالمائة ثم ....بنسبة ....الله يهدينا ويهديهم الى ما يحبه ويرضاه.

أمين 15

2011-06-25, 14:19

أمين 15

2011-06-25, 14:21

sousou051

2011-06-25, 20:55

المشكل ما يعود لا على الاولياء ولا الوزراء لانض الطلبة كن عندهم مبادئ مقتنعين بها وهي انو الغش حرااااااااام بشتى انواعه

attaoui

2011-06-27, 11:45

الي قرا قرا بكري

رشاد

2011-06-27, 20:14

والله تحيروا
كل زمان اعقليتوا
لي فات عليه زمانوا ............لي يعرفها يكملها
وشكرا

رشاد

2011-06-27, 20:15

واش درتوا بقرايتكوم لي قريتوا بكري طلعتوا الجزائر لقمر والوا ايمالا مكلاه الهدرة بزاف من فضلكم

رشاد

2011-06-27, 20:16

قالك لي قرا قرا بكري
يسيدي تهدر على البكالوريا
يو لي طلعوا لعام لي فات نسبة كبيرة عاودت في الجامعة
نورمال
شغول تجيبوا ولا مجيبوش كيف كيف

chedni

2011-06-27, 22:59

ما عندكمش الحق باش تعموا هدرتكم على كامل الطلبة

والله كاين لي نسى طعم الحياة وهو يدرس من أجل الباك

ومن بعد تجو نتوما وتقولو الله الله على باك زمان

الله يهديكم

ان شاء الله النجاح لكل من يستاهل النجاح

:dj_17:
راك تشوف واحد يقولك 5 نجوم وواحد يقول لقرا بكري و هي رايحة
الباك مازالو بشانو .........مهما كان

manou2009

2011-07-02, 16:38

mab9ach bac l3am ljay ymedoulehoum les questions avec les reponses

عاشقة الدراسة

2011-07-02, 17:55

بكل صرااااااااااحة طالبة بكالورياااااااا 2011 جدييييييييد
وسابقا نظااااااااااااام قديم غير 4 سنوات هكاااااااااااااا
ولاااااااحظت فارق كبير بين باك السنا وباك قديمة
ربي يسهل وخلاااااااص الباك كتعود باك بكل معنى الكلمة لازم يخرج السي بوزيد هو الاول سع

minou770

2011-07-02, 19:15

واش درتوا بقرايتكوم لي قريتوا بكري طلعتوا الجزائر لقمر والوا ايمالا مكلاه الهدرة بزاف من فضلكم

+1

المشكلة هي إعتقاد البعض أن كل شيء قديم هو بالضرورة أفضل من الجديد وهذا إعتقاد خاطئ 100 %

mangood

2011-07-02, 21:24

حسب اعتقادي لي قاعدين يقولو لي قرا قرا بكري والباك معندوش قيمة حاب نسقسيكم ونتوما واش درتو فيها يا صحاب باك زمان انا شايف نتوما لي هلكتوا الدنيا
وزيد الوزراء هادوا تاعنا يا خي الباك تاعهم باك تاع بكري والاطارات كامل تاع الدولة باكهم تاع باك اللي قرا واش دارو فيها ؟؟؟؟؟

ويرحم باباكم ماتزيدوش تهدرو وتقارنو في الباك وووووووووووو ...ووووووووووووووووو..ووووووووووو

chedni

2011-07-02, 22:23

حنايا باك 2011 تعبنا عليه وشقينا واذا ماعتارفوش بينا
وما عطاوناش قيما احنا نعتارفو بانفسنا و نقيمو رواحنا
لانو موحال واحد من جيلنا يطيح بقيمتو
حنا شباب اليوم والغد
ونحلمو بالافضل دوما
حنا عزيمة وارادة
وتحدي :19:

moussa djamel

2011-07-03, 09:48

ونتاعو باك بكري رانا نشوفوا فيهم لا علاقة الا القليل والقليل جدا الاستاذ ماشي في بلاصتوا والمدير كيف كيف الوزراء رانا نشوفو العربية ما يعرفش يهدر بيها ووووماخفية كان اعظم فدعك من التخاريف

عُضو مُحترم

2011-07-03, 19:24

الله الله على اساتذة زمااان

بصيص أمل

2011-07-04, 12:15

مع بن بوزيد الباك في الإيد .
راني خايفة يجي نهار تلقى واحد جاب الباك بصح ما يعرفش يكتب اسمو.
ياك التعليم هو أهم قطاع منو يجو الاطباء و الأساتذة ووووو ..... كيفاش راهم يطلعوا في الغاشي وخلاص؟

smahi_hb

2011-07-04, 12:30

واش تنتظر من واحد لابس نص سروال تحت غطاء الثقافة؟؟؟؟ نص سروال اليوم غدوة طبيب يقتل الناس.....

mangood

2011-07-04, 13:21

خويا هدي في التسعينات وكانولابسين هك
وزيد المظاهر خداعة

bellmere

2011-07-04, 15:35

أنت محق بورك فيك موضوع قيم

البركان الخامد

2011-07-11, 19:39

فكرتوني بالباك تاع السبعينات و الثمانينات مي كان الواحد مي يدي الباك يديروله وعدة مدة أسبوع بالخيل و البارود و معهم الشيوخ، و في ثانوية تلقى خمسة و لا ستة ناجحين ، بصح كان الواحد مين يروح للخارج باه يكمل قرايته كانوا الأجانب يقيموه لأن وين يسألوه يجاوب ، ماشي كباك بن بوزيد ما تقرا بيه الا في الجزائر لأنو ما عندو حتى قيمة في الخارج.......
الله يرحم يامات بومدين......

البركان الخامد

2011-07-11, 19:53

في 2011 شفت واحد داخل يفوت الباك و داير كيتمان و يسمع في الموسيقى و يهز في راسه، اندهشت كثيرا لهذا الموقف.
يا حسراه على باك بكري، كان الواحد يدخل يفوت و قلبه في كراعه من الخوف و هو يقرا في القرأن و داير السكر في فمه ،و تلقاه فاتح الكتاب و يراجع في الطريق حتى يوصل ، و من بعد يجي واحد من 2011 و يقولك باك هذا العام صعيب ،نقوله حتى التسعينات كانت الألة الحاسبة العادية ممنوعة تحسب بيدك ماشي دايرين كيتمان و يملوا عليك الأجوبة..........