الحراسة المشددة في الباك ؟؟؟؟

[Mustapha93]

سلام عليكم
المترشحون في اختبار الباكالوريا اليوم راح يعقبو لمواد الاساسية في امتحان العمر وبناء او لبنات المستقبل الدراسي
لكن الي نقروه في شروق والاذاعة عن الحراسة المشددة والتي وصفها البعض بالمبالغ فيها
وهناك بعض الطلاب رفضو دخلو القاعات احتجاجا على الوضع الراهن للحراسة علما ان في كل قاعة ملاحظ و4 حراس يعني لجموع 5 في القاعة الواحدة °والجديد ان المعلمين في سلك الابتدائي لم يؤهلو للحراسة لانهم هم الحبل الاول في تسيبها °°°هم لي يطلقو في لعسة °°° كما يقول بعض الاساتذة المستائين من حالة الغش وانتشاره حتى كاد ان يكون مشروعا وفرض عين لى الطالب للنجاح ...... مع اني السنة المقبلة ان شاء الله راح اكون في الباك وانا حسب رئي الشخصي انو تشديد الحراسة مستحسن للتلميذ الذي كافح طوال العام وهذا امر مشجّع على الدراسة وانو تلاميذ يعتمدو على انفسهم لاني شخصيا وكل طالب سهر الليالي في تحضير للباكالوريا يمكن ينجح بمعدل 10 فاصل واخر بالحروز او الغش ينجح ب12 ويصبح في شعبة افضل منك
ونقولهلكم صراحة انا نحبها مشددة الحراسة في مواد الاساسية لانو يساعدك على تركيز وتعمل براحة وفي مواد الحفظ معليش اذا طلقت °°°° ههههههههه رايي كتلميذ سنة القادمة ممتحن ==== اريد ان اسمع رأي الاخوة في اصداء الحراسة الي اكيد انكم هلى اطلاع ولو سريع على وضع الحراسة

ربي ينجــــــــــــــح ولد عمي وجميع الطلاب يارب قولو امـــــــــــــــين ويسهل ربي لينا الحال سنة القادمة °°°°الحال مش الحراسة ههههههه°°°
ارجو ان تفيدونا بمشاركاتكم الطيبة

[الغريبه..~]

نعم الحراسة مشددة وهذا مستحسن لانه من صالح التلميذ وخاصة التلميذ النجيب يظهر مستواه حتى بدون حراسة

[الغريبه..~]

دخلوا الطلاب واحد واحد وشدو طابلة طابلة ومن بعد جاهم الحراس حارس حارس وحطوا لهم ورقة ورقة و زادولهم السيجي ولحقولهم خلعة خلعة ومن بعد ما كتبوا مقالة مقالة ربحوا قاع دوخة دوخة ومن خرجوا زنقة زنقة دار دار بيت بيت ..........
وبصح ماتخافوش يمدلكم عمي القذافي كامل 20 20

[رشيد آل عمر]

السلام عليكم ورحمة الله وبركاته


أولا
ربي يوفق كل مترشح
العام هذا والعام الجاي والعام اللي من بعدو

ثمّ
ألا ترى أن المترشح للبكالوريا
يفوت نهارو الاول كل نشايع :D

كيف ذلك ؟؟:mh31:

أول ساعة من ساعات الصباح:
تجيه ماماه تنوضو وفي يدها كاس حليب ابيض باآآآآرد ...


صباح الخير "مموش" ياك ما نسيتش ... اليوم الباكhttp://www.djelfa.info/vb/images/icons/linkicon.gif

أول نشعة
ثم بعد ذلك
بدلة بيضاء بدل المئزر

- سروال وتريكو لا كوست
"البس وليدي فال خير"

- شوية ريحة وباط ياوورت
واحسب شحال

المهم ما توصلش 8
حتى تكون القلوب لدى الحناجر

بسم الله
ويخرج باليمين من دارهم

وما أن يصل الى مؤسسة الامتحان:

3 تويوتا درك وطني عند الباب
+ مجموعة من الحرس البلدي

والبواب:
هات الاستدعاء
ومن بعد
سنية حلوى عند الحجابة واقف بجنبها عساس يعطيك حبتين

(بكري كانت، ضرك مانعرف)

تهز عينك لساحة المدرسة
سيارتين للاسعاف موزعتين توزيعا لافتا للانتباه

قلي كيفاه راح تخطيك النشعة ؟؟

ومن بعد تدخل للقاعة
و5 حراس أولا

ومن بعد توزيع الأوراق
واقبل التوزيع
5 خلاف يدخلوا مع الأوراق

أرواح انت وزيد انت

أفتح لونفلوب
سنيي بلي ماكانش مفتوح
:sdf::sdf:


المهم
ع الاخر
كيفاش راح تجاوب
وكاش مابقالك معلومة








نسأل الله أن يوفق كلهم


:):):):):)
:):):):)
:):):)
:):)
:)
















:)

[hanibalbarca]

خوية 6 حراس ماشي 5 والشرطة كاننا في تكنة عسكرية وين تدور تشوف واحد

[hanibalbarca]

خوية رشيد عمراوي والله عندك الحق حنا و عائلتنا نبنيو و بن بوزيد و جماعتو يهدمو
حسبي الله و نعم الوكيل

[chouchou123]

والله الله يسهل انا عندي ختي تفت ربي يسهلها دعولها رببي يفرج

[hind-algerie]

نعم اخي عندك الحق

[Mustapha93]

دخلوا الطلاب واحد واحد وشدو طابلة طابلة ومن بعد جاهم الحراس حارس حارس وحطوا لهم ورقة ورقة و زادولهم السيجي ولحقولهم خلعة خلعة ومن بعد ما كتبوا مقالة مقالة ربحوا قاع دوخة دوخة ومن خرجوا زنقة زنقة دار دار بيت بيت ..........
وبصح ماتخافوش يمدلكم عمي القذافي كامل 20 20


هههههههههه
شكرا على الرد الطرف والمنطقي
صح هذي هي اجواء البكالوريا

[Mustapha93]

السلام عليكم ورحمة الله وبركاته


أولا
ربي يوفق كل مترشح
العام هذا والعام الجاي والعام اللي من بعدو

ثمّ
ألا ترى أن المترشح للبكالوريا
يفوت نهارو الاول كل نشايع :d

كيف ذلك ؟؟:mh31:

أول ساعة من ساعات الصباح:
تجيه ماماه تنوضو وفي يدها كاس حليب ابيض باآآآآرد ...


صباح الخير "مموش" ياك ما نسيتش ... اليوم الباكhttp://www.djelfa.info/vb/images/icons/linkicon.gif

أول نشعة
ثم بعد ذلك
بدلة بيضاء بدل المئزر

- سروال وتريكو لا كوست
"البس وليدي فال خير"

- شوية ريحة وباط ياوورت
واحسب شحال

المهم ما توصلش 8
حتى تكون القلوب لدى الحناجر

بسم الله
ويخرج باليمين من دارهم

وما أن يصل الى مؤسسة الامتحان:

3 تويوتا درك وطني عند الباب
+ مجموعة من الحرس البلدي

والبواب:
هات الاستدعاء
ومن بعد
سنية حلوى عند الحجابة واقف بجنبها عساس يعطيك حبتين

(بكري كانت، ضرك مانعرف)

تهز عينك لساحة المدرسة
سيارتين للاسعاف موزعتين توزيعا لافتا للانتباه

قلي كيفاه راح تخطيك النشعة ؟؟

ومن بعد تدخل للقاعة
و5 حراس أولا

ومن بعد توزيع الأوراق
واقبل التوزيع
5 خلاف يدخلوا مع الأوراق

أرواح انت وزيد انت

أفتح لونفلوب
سنيي بلي ماكانش مفتوح
:sdf::sdf:


المهم
ع الاخر
كيفاش راح تجاوب
وكاش مابقالك معلومة








نسأل الله أن يوفق كلهم


:):):):):)
:):):):)
:):):)
:):)
:)
















:)









بارك الله فيك على الرد الجميل
صح ربي يعينهم
هادي هي بلادي

[الأثري]

اليوم عندنا في باتنة حكموا طفلة تستعمل في البرتابل

فقام الحراس وأخرجوها ، ومنها الإقصاء ، ولم تشفع دموعها ، لكن هذا مصير من يلعب بمستقبله ، ناسيا أن الله يراه ، نسأل الله السلامة والعافية

[Mustapha93]

خوية رشيد عمراوي والله عندك الحق حنا و عائلتنا نبنيو و بن بوزيد و جماعتو يهدمو
حسبي الله و نعم الوكيل

ربي يهدي
لبوزيد والله كرهت هالاسم
لبو ناقص حاير قلو رجالة والوزراء باش يحطو هالبشر ..............رجعوه وزير الشبيبة والرياضة نجيبو الكاس

[Mustapha93]

والله الله يسهل انا عندي ختي تفت ربي يسهلها دعولها رببي يفرج


امين
ربي يفرج ويسهل وتنجح ياااااااااارب
ولد عمي تاني
يارب يسهل على كل من تعب

[Mustapha93]

اليوم عندنا في باتنة حكموا طفلة تستعمل في البرتابل

فقام الحراس وأخرجوها ، ومنها الإقصاء ، ولم تشفع دموعها ، لكن هذا مصير من يلعب بمستقبله ، ناسيا أن الله يراه ، نسأل الله السلامة والعافية


ربي يهدي
شاطرين في التطور كان في الرجوع ماشريير
لعقوبة قاسية 5 سنين مكانش لحق في لباك زيد غرامة مالية
لكن 5 سنين والله بزاف ..........تدمير للمستقبل لو كانها سنتين تكون اخف
حتى لي يندم ويحب يبدا من جديد يفوتو ترا
ربي يهدي

[ملاك الامل]

اتمنا دايما يدبرو حراصة مشددة لكن ليس مبالغا فيها المهم الي تعب يلقى والله دايما اتمنى تكون حراصة مشددة في المواد الاساسية لخطراكش تحتاج الى تركيز كبير
المهم ربي ينجحكم كامل العقوبة لينا العام جاي

[Mustapha93]

اتمنا دايما يدبرو حراصة مشددة لكن ليس مبالغا فيها المهم الي تعب يلقى والله دايما اتمنى تكون حراصة مشددة في المواد الاساسية لخطراكش تحتاج الى تركيز كبير
المهم ربي ينجحكم كامل العقوبة لينا العام جاي


امين وانا هاد رايي
حتى انا لعام اجاي :confused::confused::confused::confused::confused:
ادعولنا من تو ربي ينجحنا :mh92::19::mh31::mh31::dj_17:

[الغريبه..~]

نشاء الله تنجح العام الجاي

[hanibalbarca]

لمن يتمنا الحراسة المشددة أقول له شيء اليوم خرجة مبكرا في مادة الفلسفة ولا أعلم حقا ماد كتبت من قلة التركيز لأن الأساتدة كانو يمرون كل 15 دقيقة و يفحصون الأوراق التي معنا إلى أن خرج معضم التلاميد قبل حتى نهاية الساعتين الأولى و حدتت مشادات كلامية
أهدا ما تريدون حراسة تعسفية
ملاحضة و لا أحد من التلاميد كان يغش ولا ورقة غش واحدة
حسبي الله و نعم الوكيل

[al ikhlasse]

أنا حرست الباك اليوميين اللولين كاين 3 حراس و 2 حراس الحراس و 2 مراقبيين لكل قسمين يراقبون4 الأولين الله ينجح كل من تعب

[monbled93]

hada houwa bac2011 nta3 benbouzid wala hayat rah yikara3lak khoya adieu algerie

[okba.okba3]

والله أحنا في تبسة مكان لا حراسة مشددة لا والو حراسة مشدد غير على الأاحرار أنا بابا راح يعقب وروح


أدعووووووووووووولي العام الجاي ربي يوفقني



يا جماعة لازم نعملو أضراب ويدرونا غير 2 دروس ومنحفظهمش لازم نحرزوهم

[hichem244]

السلام عليكم
احنا فتنا على هاد المرحلة
اللي يكون محضر و رايح يفوت الامتحان يكون مركز غير على الاسئلة و الورقة ديالو و ما يهموش عدد الحراس يكونو حتى 100
اما اللي داير في بالو حوايج اخرى لازم يلقى السبب باش يبرر الفشل تاعو حتى كون يديرولو حارس واحد
وهدا التفكير من انتاج منظومتنا الحبيبة

[karimb471]

والله يا جماعة انا مترشح حر والحراسة شد مشددة

5 حراس زائد ملاحظ اي ستة في القاعة

ولامجال حتى للذهاب للمرحاض وحتى ان سمح بذلك بمرافقة استاذ

وبعدها تفتش في الامانة

شئ جيد على الاقل يطلع المستوى

بالرغم انني مانيش ضامنو لكن شي رائع

[colby-nassim]

احنا في البويرة هنا عسونا 3 شيوخة برك والملاحظ مايدوش كامل جيهتنا والعسة مطلوقة لي يدخل يقولك اجبد كوبياج وماديرش الحس

[imene bel22]

hna 3andna ri 3 hourasse a oran comment ça ntouma 5 et 6 win hadi Guantanamo

[meriemBAC]

normalement koul wahed ye3ass rouhou

[Mustapha93]

نشاء الله تنجح العام الجاي

امين ولم تحبي
شكرا

[stromae]

يا والله بالغو بزااف و كاين لي خلاوهم ينقلو

[staifia]

حنا 3 حراس وملاحظ حنا الملاحظ تاعنا مسكين عاقل هههههههههههههه