نداة للاخوات الجيجليات

[gigi43]

حبيتكم تعاونني انا من شلغوم العيد ومخطوبة للجيجل ومابقى والوا للعرس وحايرة فالقنادر وش يلبسو عندي حوايج بزاف مش فاهمتهم وحابة وحدة تعاوني على وجه ربي

[gigi43]

او وحدة متقدر تعاوني ولا انا كنت جايبتلكم ليمودلات شباب مي ي مالقيت حتى وحدة حتى ولكان قاتلي سمحيلي منعرفش

[ياسمين16]

salam gigi ana yasmine ksamtinia w 3aycha f alger rayha nfidék b chwia li na3rfou choufi normalement ydirou kima nas lokhrine ydirou chamsa w fergani w caftan w ay haja ziada okhra yhabou yéllabsouha w hata fél djehaz yéddou kima hna f ksamtina mtarah w choura w canapé w.......................hata tkamli la liste w normalement yachartou pk hna nachartou tani hadi hya w ida kachema bkalék zidi saksi ok rabi yhannik nchallah

[gigi43]

ربي يعيشك حنونتي وكشما خص اختي نحطهولك بسك ماما خياطة نتاع الصح

[ياسمين16]

dabartiha mala lhaja li tji f balék tdirhalék wallah 3yite nhawase 3la des modéles ta3 chamsate mlah malkitch pk hna f alger makanch ménhoum w lazem hata nrouh lksamtina béh néchri wahda ida kachma 3andék jibilna haya rabi ykhallik bye ani rayha kachema nergod chwia w la3chia nwalli hadak howa balak ykounou kamél lébnate hna ok bye bye gigi

[mirel]

السلام عليك اختي gigi43انا حقيقة من ميلة بصح عندي خوالي في جيجل وحبيت نفيدك بالشي اللي نعرف الشورا راهم يديو كما احنا تقريبا يعني لمارح تاع الصوف واللبسة تاع الدار وتاع الخروج وووووو.......الخ والتصديرة يديو القطيفة يعني الفرقاني والشامسة والسطايفي والقفطان وان امكن روب سواريه وكوكتال اوحتى تونسي وقنيدرات تاع الخيط يعني الكروشيه يكونو شابين وحطة وطبعا كل هدا حسب مقدور كل وحة يعني ادي اشي اللي يعجبك وتقدري عليه ومقتنعة بيه....نتمنى نكون افدتك اختي

[souad jijel]

سلام اختي انا من جيجل و حبية نفيدك اختي حنا كيفكم ديري روحك تزوجتي في قسنطينة نفس العادات سوى في الشورة ولا التصديرة داكور و ربي يهنيك