ادخل وعرف عن الجيجلية الكثير * لهجة سبكتور الطاهر* [الأرشيف] - منتديات الجلفة لكل الجزائريين و العرب

aabdellah18

2008-09-17, 23:08

ان اللهجة الجيجلية عموما من ارقى اللهجات الجزائرية . فهي مفهومة من اغلب اللهجات الاخري . ويوجد بها عدة انواع . فلهجة قلب الولاية تختلق اختلافا واضحا عن لهجة اهل الطاهير او الشقفة مثلا . الا ان اغلبها يتفق في نطق لتاء بالضغط عليها . ونطق القاف كاف ......وغيرها.

علاء محب الدين

2008-10-08, 07:10

من عكلك راك تهدر .. ههههههههههههههههههههههه تعلمتها من المدام ...

موح الحراشي

2008-11-19, 01:58

اني نشوف الكل يقول لهجتي مفهومة و حنا نحصلو كي نتقلو ههههه
ولاسبيكتور طاهر من الحراش و هو قبايلي وليست لهجته،و رفدها لانه كان جارهم يديه و هو صغير للمنطقة فرفد لهجتهم

المتحررة

2008-11-27, 13:55

هادي يفهموها غير الجواجلة

دش كا يكول الزرزور................jsd la milleure.....

adel95

2008-12-01, 20:31

انا من الطاهير ... ولهجة الطاهريين مختلفة عن لهجة الجيجليين

طالب العلم2

2008-12-01, 22:09

اماا تيح انوط تشرب حنكهيوه معاي هدي دالهدره دي الميلية

B.Badis

2008-12-01, 22:50

اماا تيح انوط تشرب حنكهيوه معاي هدي دالهدره دي الميلية

انا قسنطيني أصلي من الميلية ....لافامي تاعي لي يسكنو لتمة مايهدروش خلاص بالنون كيما قلت أنت حنكهيوة ...يقولو حلكهيوة

@mira

2008-12-01, 23:17

je suis d'origine jijilienne , et je veux vous poser une question ; svp c'est quoi la déffinition du mot aallawla ; c'est un mot mta3 nass el tahir que je les saluts

B.Badis

2008-12-01, 23:45

أنا قسنطيني لكن نعرف معنى كلمة علاولا ....معناها هو ...مرة وحدة أو جملة وحدة

holtex

2008-12-02, 09:14

Salam .
Mes salutations a tous les jijeliens.
:mh31:

Noumidy

2008-12-20, 02:36

انا قسنطيني أصلي من الميلية ....لافامي تاعي لي يسكنو لتمة مايهدروش خلاص بالنون كيما قلت أنت حنكهيوة ...يقولو حلكهيوة
كاين قبيلة من قبائل الميلية يهضرو بالنون وهم على حسب علمي "بني عيدون" بصح ماشي كامل تاني

Noumidy

2008-12-20, 02:41

أنا قسنطيني لكن نعرف معنى كلمة علاولا ....معناها هو ...مرة وحدة أو جملة وحدة
"علاولة" معناها كامل أو مثلما ذكرت " جملة واحدة " ويهضروها هنا في قسنطينة .... وساعات يقولو "علاول" وساعات يستعملو " "بلكل" كلها بالسكون لاضم ولا كسر و لا هم يحزنون هاذه هي اللهجة الجيجلية

مع العلم ان في قسنطينة أغلب سكانها هم قبايل حضرة

shinypro

2008-12-24, 16:58

السلام عليكم ....
علاوله=مرة مرة=كامل=ديمرةوماشي كامل ناس الميلية يهدرة بالنون........
وشي هو نوني؟.؟؟؟؟؟
دلخشم؟
هاودي ماشي دلخشم دسرير
وشي هو نوني ؟؟؟؟
دسرير؟؟؟؟
اواه دنعش=العش
وشي هو نوني؟؟؟؟؟؟؟
دنعش؟؟؟؟؟؟؟؟
هاودي دنحنيب.....
تحياتي هاذي نكتة كان يقولها لي واحد جاري من الميلية

shinypro

2008-12-24, 17:00

ديش دي كايقول الزرزور جي از دي لاميور

shinypro

2008-12-24, 17:02

وخاوتي؟؟ المفتش الطاهر ربي يرحمو وليد بلادنا صح يعني جزائري الجنسية
لكن مشي جيجلي وما كيهدرش كيما حنا

aabdellah18

2008-12-24, 23:49

اعتق ان هده لهجة لجواجلة سونطر

aabdellah18

2008-12-25, 00:28

http://www.djelfa.info/vb/http://www.atyab.com/uploadscenter/uploads/72fa5b5394.jpg (http://www.atyab.com/uploadscenter/)

*مريم*

2008-12-25, 23:50

هادي يفهموها غير الجواجلة

دش كا يكول الزرزور................jsd la milleure.....

اش ت تكول النحلة.........jsd دا الفحلة:19:

هذه كان ولد خالي ديما يتمسخر بيا ويقولهالي
يالجواجلة شوفو انتم في السطاد كيفاش تسيبورطيو.........

معلومة:ولد خالي عنابي يعني...........؟؟

هدرتنا مفهومة بصح حابة نعرف،علاه الغاسشي مايفهمناش كي نهدرو معاه؟والا كا يتمسخرو بينا؟:19:

shinypro

2008-12-26, 10:04

كايفهمو الهدرة ديانا غير شي الكلمات مامفهومينش كيما ...السلسلة هذي
ديش منيش عليش كيفش فايوق منايوق قدش
هههههههههههههه
انا كينروه للدزاير نهدر بلجيجلية ويفهموني
بصح هذاك الدي كيتمسخر مفهمش المغزى والحكمة الالهية من تعدد اللهجات واللغات
قال الله في محكم التنزيل:
وَمِنْ آيَاتِهِ خَلْقُ السَّمَاوَاتِ وَالْأَرْضِ وَاخْتِلَافُ أَلْسِنَتِكُمْ وَأَلْوَانِكُمْ إِنَّ فِي ذَلِكَ لَآيَاتٍ لِّلْعَالِمِينَ (22) سورة الروم
قال الله للعالمين وهذو اللي يتمسخرو على اللهجات جهال
كيما الدي كيطحكو على السطيكدية والصحاروة والتلمسانية
ربي يهدينا واياهم اجمعين
اميييييييييين

Noumidy

2008-12-26, 18:53

وخاوتي؟؟ المفتش الطاهر ربي يرحمو وليد بلادنا صح يعني جزائري الجنسية
لكن مشي جيجلي وما كيهدرش كيما حنا
سبكتور الطاهر مش جيجلي وكان يحاول يهضر جيجلي لاعجابه بهذه اللهجة لكن ماكانش يجيبها قد قد كيما الجواجلة

--

shinypro بارك الله فيك راك متمسك بالهجة الجيجلية في كل مشاركاتك أحيي فيك ذلك
هكا باش تحيي اللهجة الجيجلية

وما أجملها هذه اللهجة

لكن للاسف فيه ناس ماتعجبهمش اللهجة الجيجلية لانهم يحبو الكلام المتصنع ولايحبون الكلام الاصيل الصافي والخالي من كل تصنع أو تقليد

Noumidy

2008-12-26, 18:55

اش ت تكول النحلة.........jsd دا الفحلة:19:

هذه كان ولد خالي ديما يتمسخر بيا ويقولهالي
يالجواجلة شوفو انتم في السطاد كيفاش تسيبورطيو.........

معلومة:ولد خالي عنابي يعني...........؟؟

هدرتنا مفهومة بصح حابة نعرف،علاه الغاسشي مايفهمناش كي نهدرو معاه؟والا كا يتمسخرو بينا؟:19:
يتمسخرو بيكم خاطر مايفهموش

shinypro

2008-12-26, 20:19

صحيت وربي يحفظك يا الغالي

ساكورا

2008-12-28, 11:34

انا بالنسبة ليا الهدرة ديانا مفهومة
وحنا مستعدين نفهمو دي ما يفهمش اللهجة ديانا

همس الايمان

2008-12-28, 18:04

هدرة جيجل مفهومة مي ضحك شويا

هالة

2008-12-28, 19:32

هدرتا الهدرة الجيجلية نتاع السونطر ونتاع كبها هي دي مايفهمهاش الغشي

aabdellah18

2008-12-29, 23:29

اخواني ارى ان في المنتدى الكثير من لجواجلة مارايكم ان نشكل تكتلا جيجليا لتعريف بالولاية بالصور والثقافة ووووووووووو

aabdellah18

2008-12-29, 23:42

http://up106.arabsh.com/s/vhhjas2t8x.jpgمدخل بلدية الطاهير وتلك البناية هي محطة الحافلات دائرة الطاهير من اكبر دوائر الولاية
بها منطقة تجارية مزدهرة ببيع الملابس الجاهزة تسمى ولاد سويسي كما توجد بها منطقة صناعية
http://up106.arabsh.com/s/xreexk9l3t.jpg الكهوف العجيبة من بين اهم المناطق السياحية بالولاية تعج صيفا بالزوار
http://up106.arabsh.com/s/016s914q86.jpg سفينة باب عروج معلم تاريخي يتوسط عاصمة الولاية يرغب جل الزوار في التقاط صور تذكارية معها
http://up106.arabsh.com/s/e80fn4q4gr.jpg المنارة الكبيرة بها مناظر فاتنة لا تقاوم ادعوكم لزيارتها

*مريم*

2008-12-31, 22:58

والله فيكم الخير يا الزريعة...وهذا او متهليين فيها بالبيا.......

ادي ما يفهمش يتعلم......هكدا؟

اوكي انا مع التكتل والاتحاد.......نديرو فيها ملتقى ونتفاهمو .......

قاسم بوالعيش

2009-01-01, 18:42

السلام عليكم
وواش راهم ناس جيجل
راكم cava?
المفيد والله غير اللهجة تاكم خفيفة وساهلة
وباعتباري نسكن في ميلة43
عندي احتكاك بناس جيجل

منه انا هزيت بعض الكلمات منها

مي الحقيقة تاع الصح والله غير مرات نضحك من قلبي كيما نسمع بعض الجواجلة كيما يهدرو
المهم ربي معاكم

نسيم الجود

2009-01-01, 20:40

.................................................. .............................

aabdellah18

2009-01-07, 00:35

مظاهرات حاشدة بجامعة جيجل و كذا القطب الجامعي تاسوست من نتظيم الاتحاد العام الطلابي الحر لدعم غزة ....... شارك فيها ازيد من 5000 طالب
لجواجلة فحولة وعندهم النيف الله يبارك عليهم

نوسطالجي

2009-01-18, 23:51

اولا اريد توضيح نقطة***
نحن هنا في جيجل نتكلم عدة لهجات حتي من بينها القبائلية في بوبلاطن
فالميلية والطاهير وتاكسنة وجيجل يختلفون فيما بينهم كثير
تاخد مثال ناخد كلمة امس ***
في جيجل يقولون ***ابارح
تاكسنة*************ايبارح وكدلك الطاهير
الميلية ***********البارح مع الضغط عليها
وكلمة علاولاة تقال بكثرة في الطاهير ولا تكاد تسمعها في متطقة اخري
اريد ان اكلمك عن اكلة مشهورة في جيجل
وهي اربيط
اربيط مصنوع من عدة حشائش من الارض تنزع بسكين ثم تغسل جيدا بالماء ثم تقطع بالسكين الي عدة اطراف صغيرة
وبعدها توضع في القدر ونضيف لها قليلا من الدشيش وتترك حتي تطهي جيدا تم نقدم للاكل مع اضافة زيت الزيتون وهي اكلة نافعة جدا جدا
تقبلو مرور موح من جيجل المقاسب

لاي اسالة بخصوص جيجل انا في الخدمة

المجهـول

2009-01-29, 20:05

راني من الميلية وناسها ما يهدروش بانون غير تانفدو ر يهدرو بانون

سنادس

2009-01-29, 22:52

أنا رحت صيفت في جيجل ونزلنا في الطاهير علماأطن المهم في مدرسة تحديدا في الأمير عبدالقادر بجانب البلديةومسجد يعطيهم الصحة نجيجل قمة في الإحترام والإختلاف الموجود في اللغة حسب رأيي في كالي كتلك وهو إستعمال الكاف بدل القاف

aabdellah18

2009-02-01, 17:26

اخواني اشكركم على المرور
اخي موح متى تعلمت الطبخ لقد تدوقت اربيط نتاعك كان هايل
نعم تختلف لهجات لجواجة حسب المنطقة التي ينتمون لها الا ان هذه اللهجات تتفق على حرف واحد وهو حرف التاء فاغلب اللهجات الجيجلية تفتقد لحرف الثاء في قاموسها ....... اما عن الكاف فتجد ناس الطاهير وخاصة بوشرقة بنطقون القاف اكثر
ســـــــــــــــــــــــــــــــــــــــــــــــلا م

Noumidy

2009-02-21, 09:47

نضحك من قلبي كيما نسمع بعض الجواجلة كيما يهدرو باللغة الفرنسية ويعوجوها

هيه خطراكش اللغة الفرنسية لغة دخيلة وكون نولفو رواحنا نعودو مانستعملوهاش تعود اللهجة تاعنا باهية بزاف

الفرنسية هادي هي اللي فسدت كلشي

Noumidy

2009-02-21, 09:50

راني من الميلية وناسها ما يهدروش بانون غير تانفدو ر يهدرو بانون
هيه طبعا مش كامل ... أظن كاين قبيلة وحدة من الميلية يهضرو بالنون .

aabdellah18

2009-02-23, 11:58

اخواني اريد صورا عن بلدية الشقفة او الطاهير و جيجل ايضا اريد صورا خاصة اي غير الموجودة في كوكل

itihad_el_wafa

2009-02-23, 18:43

شكرا أخي عبد الله

bigpolo

2009-02-24, 00:44

السلام عليكم
وواش راهم ناس جيجل
راكم cava?
المفيد والله غير اللهجة تاكم خفيفة وساهلة
وباعتباري نسكن في ميلة43
عندي احتكاك بناس جيجل
وعندي الجدة تاعي تتكلم باللهجة تاعكم
منه انا هزيت بعض الكلمات منها

مي الحقيقة تاع الصح والله غير مرات نضحك من قلبي كيما نسمع بعض الجواجلة كيما يهدرو باللغة الفرنسية ويعوجوها

كيما وحد المرة سمعت واحد يهدر معا صاحبو فالبورطابل

قالو :

اني دحالراجل تخلادار بوتج

ومن بعد قالو :
ارواح ليا اني حدا لاجانص
لاجانص يعني بيها لا جونس يعني موقف السيارات

بصح هو قالها بفتح الجيم ونطقها على شكل ج مفخمة

المهم ربي معاكم

mé qui t'as dis qu'on parle comme sa,moi en perso je ri tjr sur les gens comme sa,et si c vrai t'as trouver kelk1 comme sa,savoir mnayan ja wqelle dawar ,et pour le français tkt po,oné classé parmet les 1er on algerie,avec les kabyl, cauz notre accent manghniwch comme les autres villes
donc je ss fier de l'accent jijilienne et jla chance jamais,
merciii

Med213

2011-08-16, 12:00

صحيت أخي. هذه الكلمة علامة مميزة للطاهير.. "علاّولا" معنا الأصل "على الأول" "مثل على اللخر"

my self

2011-08-21, 13:45

و الله يا الجواجلة ماكاين كيفهم في التربية و الاخلاق ناسهم محترمين بزاف انا شخصيا قريت فالجامعة تاع جيجل و لقيت راحتي ما تصوروش قدماه و زيد عندي بزاف تاع الاصدقاء اللي نحبهم و يحبوني و بالنسبة للهجة انا شخصيا مالقيت حتى صعوبة نفهم كل كلمة يقولوها و اللي يضحك على اللهجة تاعهم معناتو هدا واحد فارغ و ماعندوش ثقافة خاطراكش راهو يضحك على تاريخ و تراث بلادو و لكم مني اجمل تحية يالجواجلة .

misa1

2011-08-23, 15:44

[QUOTE=my self;7039890]و الله يا الجواجلة ماكاين كيفهم في التربية و الاخلاق ناسهم محترمين بزاف انا شخصيا قريت فالجامعة تاع جيجل و لقيت راحتي ما تصوروش قدماه و زيد عندي بزاف تاع الاصدقاء اللي نحبهم و يحبوني و بالنسبة للهجة انا شخصيا مالقيت حتى صعوبة نفهم كل كلمة يقولوها و اللي يضحك على اللهجة تاعهم معناتو هدا واحد فارغ و ماعندوش ثقافة خاطراكش راهو يضحك على تاريخ و تراث بلادو و لكم مني اجمل تحية يالجواجلة .[/QUOTE

مرحبا بيك خويا شكراااااااااا

misa1

2011-08-23, 15:47

راني من الميلية وناسها ما يهدروش بانون غير تانفدو ر يهدرو بانون

و ولاد علي حتى هوما يهدرو بالنون

misa1

2011-08-23, 15:50

اخواني ارى ان في المنتدى الكثير من لجواجلة مارايكم ان نشكل تكتلا جيجليا لتعريف بالولاية بالصور والثقافة ووووووووووو

ok انا معاك

حنين موحد

2011-08-23, 16:00

مظاهرات حاشدة بجامعة جيجل و كذا القطب الجامعي تاسوست من نتظيم الاتحاد العام الطلابي الحر لدعم غزة ....... شارك فيها ازيد من 5000 طالب
لجواجلة فحولة وعندهم النيف الله يبارك عليهم

هل تعتبر الفحولة والنيف في خروج النساء عاريات وكاشفات وناعقات أما الرجال في الشوارع يحملن على الأكتاف
هناك مات الحياء وأشيعت جنازته

ثم ماذ> قدم لنا الاتحاد الطلابي الحر من هذه المظاهرات بزعمه " لم يجلب سوى الذل والعار وضحك الاعداء علينا
هل تحررت فلسطين ؟
عندما رأيتهم يخرجون ظننت فلسطين في الغد ستصبح متحررة ؟؟؟؟؟
لكن مجرد صياح بما لا يسمعون وفي الأخير عادوا الى الجامعة وعادوا لممارساتهم اللاأخلاقية

natali farah

2011-08-24, 11:14

انا قسنطيني أصلي من الميلية ....لافامي تاعي لي يسكنو لتمة مايهدروش خلاص بالنون كيما قلت أنت حنكهيوة ...يقولو حلكهيوة
meme moi je suis d origine men meliia mè nsskon f skikda . la famille ta3i mayahadroush b noune kima haka mè kima fhamt kayn plassa men plassa w koul mintaka 3andha lahjja ta3ha

my self

2011-08-27, 14:46

نفوسة

2011-08-30, 11:19

ديش كا يكول الزرزور ج.س.د لا ميور ديش كا تكول النحلة جيسدي دالفحلة

youcef.21

2011-08-30, 11:22

hadi yfahmouha ete3 jijel

خولة من جيجل

2011-08-30, 14:45

واش هذا راني في جيجل و أنا ماعلاباليش ؟؟؟؟؟؟ ههههههههههه
المهم في الميلية غير شوية يهدرو بالنون ماشي كامل و تاني ماشي كامل يهدرو بالكاف فبلاصة القاف ههههههههههههههه
شكون من الميلية هنا ................................... أنا تاني من الميلية