مشاهدة النسخة كاملة : هيا لنودع هذا العام باجمل الذكريات
جزائرية اصيلة
2011-05-30, 10:44
السلام عليكم ورحمة الله وبركاته
بينما انا جالسة اتفقد كتبي وكراريسي لهذا العام خطرت هذه الفكرة في راسي وهي ان يقوم كل واحد منا بكتابة اجمل الذكريات واللحظات التي مر بها وعاشها في هذا العام لكي تبقى لنا ذكريات جميلة في هذا القسم قبل ان ننتقل الى القسم الاخر قسم السنة الثانية ثانوي.
في انتظار ارائكم ومشاركاتكم
سلام
اجمل ذكرى كي حرقنا الحصة انتاع الرياضيات نهار الخميس لعشية .ونهار الاحد جاء المراقب على 8 قالنا برا ....وقعدنا ل10 وحنا برا والضباب والبرد يقتل بصح اكل كنا نضحكو غير 2 بنات معروفين رجعو كامل اللوم عليا وعلى عبد الفتاح زميلي خاطر هو الي خطط وانا الي قنعتهم باش نروحو المهم على 10 جاء المدير بهدلنا ودخلنا نقراو ....اي ذكريات اخرى امبعد نذكرهالكم
جزائرية اصيلة
2011-05-30, 11:34
مرة احنا عندنا اجتماعيات ومادخلنالوش حتى عقبت 15 دقيقة ومن بعد جينا ندخلو ما خلاناش وراح عيط للمراقبين كامل وقعدو يعيطو عليناوقالولنا علاه مادخلتوش قلنالو ماشفناهش كي دخل ومن بعد قالولو اكتب اسماءهم ونديرولهم تقرير ومن بعد زعفوا كامل وقالولي هيا نروحو ما نقراوش قلتلهم لالا انا ندخل ونقرا وزعفناه ولا دخلنا وكنا ملي دخلنا واحنا نكتبو ماشرح الدرس ماوالو تسقسيه مايجاوبكش.
هو ماكانش زعفان وعبو الحال كي مادخلناش وقعد هكذاك حتى صونات وقال ذرك نروح ندي الورقة للادارة وكي خرج تبعناه وشفناه قطع هذيك الورقة ورماها .
assil2006
2011-05-30, 16:12
الصراحة الذكرى الوحيدة الي بقات في بالي انو
مرة كنا انا وصحباتي كارهين الدرس تع الاجتماعيات امالا كنا نحوسو علا سبة باه نخرجو من الحصة
ومبعد خرجت وحدة منا بدون سبب وقالت للاستاذة منقراش عندك زدنا لحقناها حنا لبنات ومبعد لوكان حابين تضحكو ذراري ثاني خرجوا
قلولها حتى حنا عدنا حق نكرهو الدرس كيما لبنات كرهوه ستغربت الاستاذة من الموضوع
وكانت حابة دير للقسم كامل استعاء للاولياء وكي قالت للمراقب الموضوع مات من الضحك قلها شكون الي رح يطبعلك كامل هاذو الاستدعاءات ومبعد غلبناها وقرينا الدلرس الي بعدو من غير ما درلنا والو
http://www.scenicreflections.com/ithumbs/beautiful-roses-screensaver.jpg
جزائرية اصيلة
2011-05-30, 16:26
هههههههههههههههههههههه
شكرا لكما على المرور
assil2006
2011-05-30, 16:30
العفو ولو هذا الواجب وشكرا على الوضوع يا جزائرية اصيلة ممكن اعرف شواسمك انا ياسمين اتمنى نكون اصدقاء
شكراا هالة على موضوعك اجمل الذكريات هو انه مرة جابونا استاذة العربية جديدة بدات تتقلش علينا و تنقصنا في النقاط بلا سبب مرة دخلت و احنا تفاهمنا بلي نخرجوا في حصتها قالتنا هيا لي ميش عاجبو الحال يخرج القسم كامل هز قشو و خرج بقات وحدها منبعد جاء الناظر و المدير بهدلونا و دارونا تقارير و هيا عدلت روحها و اصبحت اجمل استاذة و الذكرى الثانية نهار دخلت نحلة للقسم و لصقت بالطابلية و نضت نزوي و نعيط و نبكي و طلعت للاستاذة للمكتب و نقلها نحيهالي و القسم كامل شابع عليا ضحك
الصراحة الذكرى الوحيدة الي بقات في بالي انو
مرة كنا انا وصحباتي كارهين الدرس تع الاجتماعيات امالا كنا نحوسو علا سبة باه نخرجو من الحصة
ومبعد خرجت وحدة منا بدون سبب وقالت للاستاذة منقراش عندك زدنا لحقناها حنا لبنات ومبعد لوكان حابين تضحكو ذراري ثاني خرجوا
قلولها حتى حنا عدنا حق نكرهو الدرس كيما لبنات كرهوه ستغربت الاستاذة من الموضوع
وكانت حابة دير للقسم كامل استعاء للاولياء وكي قالت للمراقب الموضوع مات من الضحك قلها شكون الي رح يطبعلك كامل هاذو الاستدعاءات ومبعد غلبناها وقرينا الدلرس الي بعدو من غير ما درلنا والو
http://www.scenicreflections.com/ithumbs/beautiful-roses-screensaver.jpg
والله غير قتلتيني بالضحك
مالا قسمكم باينين اشرار....ههههههههههههههه امزح بارك
لي عودة الى الموضوع ان تذكرت شيئا هههه
شكرا لك
دمتي مميزة
سلام
*نور الجنة*
2011-05-30, 19:42
hhhhhhhh
ana had el 3am howa ajmal 3am banassba mia w asswae 3am psk fraht fih bzf w z3aft bzf
merci
جزائرية اصيلة
2011-05-30, 20:57
العفو ولو هذا الواجب وشكرا على الوضوع يا جزائرية اصيلة ممكن اعرف شواسمك انا ياسمين اتمنى نكون اصدقاء
انا اسمي هالة ولي شرف كبير ان اكون من اصدقائك
جزائرية اصيلة
2011-05-30, 20:59
شكرا لكم جميعا
جزائرية كوول
2011-05-31, 00:53
ذكريات جميلة لاتعد و لا تحصى بالنسبة للحرقة من القسم ديما نديروها بصح ميعاقبوناش و لا نهار حكاو معانا تع الادارة.أما أجمل الذكريات التي أفتخر بها هي في الثلاثي الثاني حين تحصلت على امتياز فقام المدير بتكريمي أنا و زميلاتي النجيبات و زاد فخري و اعتزازي بنفسي حين جلست بجانب المدير و اطارات من مديرية التربية .
انشاء الله المزيد من النجاحات لنا جميعا العام المقبل.
❀ بَصْمَـٌﮧْ حُلُمْ ღ
2011-05-31, 11:51
بالنسبة ليا كان عآآآم تاع تمهبيل مع الاول ما عجبونيش الاساتذة مي درنا فيهم راينا والحق هاذ العام ماقريتش بزاف المهم كان لي ذكريات عدة
هاذ العام ماقريناش خلاص فرونسي كل مرة مستخلف جديد وقرايتنا كامل حصص تعارف مرة جاتنا واحد المستخلفة ناضو لولاد تاع الكلاسة لبسولها قنادر تاع الائمة وكل واحد هاز سبحة زعمة مدينين تهدر معاهم يقولولها عيب مانهدروش مع النساء مبعد اذن العصر ناضو كااامل جبدو المصلات وراحو لاخر تاع الكلاسة وبداو يصليو هي مافهمت فيها والو تبالها فيهم ارهابيين ههههههههههههههههه مبعد جا الامتحان مادرناش السؤال لي يجي نكتوبلها حصة تعارف من ورا الامتحانات هربت مابانت ماظهرت هههههههههههههههه
❀ بَصْمَـٌﮧْ حُلُمْ ღ
2011-05-31, 11:56
في الثلاثي الثاني في امتحان الفيزياء تسربت الاسئلة والاجابة النموذجية نهار جاو يعقبو الجماعة كامل جبدت ورقة اجابة واجدة من كلش انا الحق مافقتش حتان كملت الامتحان مي جا ساهل المهم السنة اولى علمي بنسبة 90بالمئة جابو 60 قررت الادارة يعاودولنا الامتحان حددولنا بالثلاثاء العشية حنا رحنا نعقبو ونلقاو لولاد واقفين قدام الباب مع الكلاب (اكرمكم الله) وماخلاو حتى واحد يدخل مبعد ناضويشعلو في الرع ويلوحو في الليسي قريب تحرق وهذا كل باه مانعاودوش وبالفعل ماعاودناش الامتحان وامل دينا مليح مي هاذ الثلاثي دارولنا واااااااااااحد الامتحان يشوييييييييييييييي
❀ بَصْمَـٌﮧْ حُلُمْ ღ
2011-05-31, 11:59
مرة في حصة افواج في الفيزياء هرب فوجي وكان تقريب كامل بنات مالا جينا نعقبو العشية وتحاوزنا المراقبة قالتنا جيبو والديكم الغدوة هذيك دينا والدينا وعقبونا للناظرة بهدلتنا والتنا ذرك كامل انذارات انا ثم عدت نبكيييييييييييي مي مادارولناش بصح دينا بخص ماكانش قدو
هاذي بعض المغامرات لي عقبتها هاذ العام
جزائرية اصيلة
2011-06-02, 12:20
شكراااااااااااا لمروركم
dj-berhom
2011-06-05, 01:01
هههههههههههههههههههههههه والله ذكرياتكم ماتوصلش ذكرياتي
صححنا الفرض نتاع الهندسة الكهربائية وديت 8.5 هههههههههه
مالا راعيت للورقة لقيت الاستاذ موش مصحح لي 2 نقاط '' قلت على الاقل نطلع العشرة '' هههههههههههه
وعندنا واحد الاستاذ يقولولو كهروب مهبرول
طلعت ليه قلت لوا : " الشيخ مكش مصحح لي الورقة مليح "
قال لي : " اقعد عني منصححش متسانيش "
تقلقت وليت طلعت ليه عيطت على وجهوا عيطت عيطت كرهت وهو يتفرج فيا كالصنم تقلقت وليت خرجت ، وين في رايكم رحت ؟؟؟؟؟
والله طلعت للمدير ثاني هرفت هرفت وليت تلاقيت الداعية في كولومبيا " استاذ فيزياء داعية "
ثاني قال لي متقلقش راسك بيه
ومبعد هزيت المحفظة وندرت ديراكتوموا للريسطورا
وش رايكم ؟؟؟؟؟؟؟
ام الطيور
2011-06-05, 15:20
هههههههههههههه راك قتلتني بالضحك خويا شكرا عن الموضوع والله تهبل ذكرياتك
جزائرية اصيلة
2011-06-06, 15:39
هههههههههههههههههههههههههه
شكرا لكم جميعا على المرور
Adjmi hiba terrahman
2011-06-06, 17:05
انا في الفصل الاول كان يدرسنا استاذ ممتاز في التربية الاسلامية لاكن في الفصل الثاني اخدوه للبكلوريا لان استاذتهم في عطلة امومة المهم جاء استاذ ولكن مع كل احترامي للمادة و الشريعة الاسلامية الا انه يشبه منشدين قناة طيور الجنة .....لم اكن اطيق رؤيته فقررت عدم دخول الحصة والاغرب هو ان في احد الايام التقيت معه في الساحة فسألته : استاذ ندرس عندك الحصة الثانية ?
السيد مسكين جاوبني قالي قولي لأصدقائك يحضرو كلهم وفي الاخير اصدقائي حصرو كلهم وأنا زرطيييييت وخرج يحوس عليا وأعطاني استدعاء ....
واش نحكي ومنين نبدا كنت مخرفة استاذ الرياضيات بالأسئلة ومكانش يفوت درس الى مافهمتو و الحمد لله و الأن شعبتي رياضيات
حنا كلاستنا غير طراطق الحرقة دايمن الساعة م 4 لل5 نهربو حتا واحد مايدخل روحو
او خطرة في المخبر تاع الفيزياء الاستاذ كان يحوس على cd تاع المادة باش يوريهولنا انا كرهت وانا نستنا حتا شفت شكارة قدامي
نفست فيها او غلقتها امبعد طرطقتها الكلاسة تهزت الشيخ خلع مسكين حسابلو بومبا قاللنا شكون دار هكا
قوتلو انا استاذ قالي هادي نتيا او قلع يضحك لاخاطر موالفة عاقلة عندو
اما استاذ الرياضيات يتقلق بلخف كي نسقسيوه او انا نهبلو مبعد شبعني دبزات للراسي و يزيد يقولي واشبي جدك نتيا
نقولو جدي الله يرحموا
wafa1994
2011-06-10, 15:49
هذا العام كان أسوأعام عندي لكن عشت العديد من الذكريات الجميلة
مثلا : كانت مدرستنا نتاع العربية جديدة وأول عام ليها مش تقري وكان قسمنا أول قسم تقريه وكانت أستاذة رائعة وأحبها القسم كامل حتى التلاميذ إلي كنا مأيسين منهم عادو يشاركو في مادتها ومرة كانت حصة تعبير وقالتلنا كل واحد يعبر عن شعوره تجاه الأم وسبحان الله القسم كامل عبر ولو شفتو الأشعار والخواطر إلي طلعت من عند التلاميذ يعني حرنا فيهم ما شاء الله حتى الأستاذة صارت تبكي ومبعد تبعوها لبنات وأنا منهم وكان واحد من التلاميذ كتب شعر منسق رووعة قعد يعاود فيه ويلقي في الشعر والقسم كامل يسمع حتى كي دخل المراقب قاله عاود من الأول ومبعد قالتلنا الأستاذة لازم تستغلو مواهبكم وتكبوا أشعار لأن الشعراء والأدباء بداو كيما نتوما بصراحة كانت حصة روعة وأنا كتبت خاطرة عن الأم وصفقلي القسم كامل
شكرا جزيلا على الموضوع لأنه ذكرني بأيام رائعة عشتها وأتمنى أن أعيشها في العام القادم
:mh31::mh31::mh31:
wafa1994
2011-06-10, 16:02
و كن شفتوا حصة الرياضيات ديما نعقبوها لهط وشغب و الأستاذ نتاعنا يخاف من التلاميذ مي يقلهم والو قاعد كن يقول ربي يهديكم ربي يهديكم إنتبهو يا جماعة كانت هذي الجملة الوحيدة إلي نسمعوا فيها منو ومرة واحد تلميذ حل في برطابلها صوت قطة مياو مياو علبالكم الأستاذ مسكين تخلع على باله جابو قطة صح وراح وقف حذا الباب ويقول بلله عليكم يا جماعة خرجوها علينا خلونا نكملو الحصة والأستاذ من كثر خوفه عمره ما قال للإدارة شي من الي يعملو فيه دايرين شهوتهم في القسم وكل يوم يديرو عركة في وسط القسم وحنا لبنات قاعدين غير نتفرجو ههههههه
فكرتيني حنا دايمن نخرجو غير 5 دقايق
واحد زميلي دايمن يدير بلبوغتابل تا عو لاسيغان تاع الليسي هههههههههه
wafa1994
2011-06-10, 20:51
ههههههههه هذا واحد شيطون ماكان حتى واحد فاق بالخطة نتاعكم لعبتو عليهم
والله فكرة روعة
ههههههههههه نعيت لهاداك الطفل غير المهبول يعرف يقرا بصح عندو افكار شيطانية ههههههه
جزائرية اصيلة
2011-06-12, 13:48
والله ذكريات ومواقف رائعة جدا
انا لم اجد من اين ابدا عندي بزاف ذكرايات
vBulletin® v3.8.10 Release Candidate 2, Copyright ©2000-2025, TranZ by Almuhajir