اسهل طريقة لغسل بساطات الصوف

[ام راضية]

صباح الخير لكل الاخوات
ارجوا من كل اخت لها تجربة ان تعطيني طريقة لغسل البساطات بدون ان يفقدوا شكلهم واكون شاكرة لكن:sdf:

[sihem18]

السلام عليكم أختي أنا طريقتي في غسل بطانياتي نحط الماء فاتر في البنوار وحط أزيس تاع الساشي أصفر اللون اللي بالليمون نرغي الماء مليح ونغمس البطانية ديالي فيها نمعكها مليح نخليها تبات فيها الصباح بكري نوض نشللها ونحطها تقطر وننشرها لما تنشف نجيب منديل ورقي نحط فيه عطري المفصل ونطبق البطانية في وسطها المنديل المعطر و نخبيها لشتا الجاية إلا عيشنا ربي هذه أفضل طريقة عندي أختي الكريمة

[ام راضية]

:dj_17:جزاك الله كل خير اختي سهام

[ام راضية]

السلام عليكم
بعد قراءة موضوعي من طرف اكثر من 700 فرد واحدة فقط وهي مشكورة اعطتني طريقتها في غسل بساطات الصوف
ساعطيكم طريقة اعجبتني قالتها لي صديقة جزاها الله كل خير :mh92:ترجع بساطك جديد
لكن ليس الان




ساجربها واقولها لكن سلاااااااااااااااااااااااام

[samasima]

حنا نحطوهم في أي مكان مفتوحين نصبو عليهم الماء والصابون ونحكوهم بالشيتة هذا ماكان ونشلوهم مليح ونخلوهم يشيحو

[*المشتاقة للرحمن*]

راني نستنا في الطريقة
شكرا

[zina jamal]

واش بساطات الصوف هي الي تانتغطاو بيها؟ إلى هادو هوما أنا تانديرهوم فالما و الصابون مسحوق يباتو فيه, ولابد يكون الإناء واسع و الما كثير باش ما يخسروش و يديرو طاشات صفرين, واحد النوع تاني تانصبنو بالشامبوانمن نوع رخيص تايبقاو ديما جداد .
سمحولي على اللغة ونتمنى تفهموني

[sisiii]

حتى حنا نغسلوهم كيما قالت الاخت
نحطوهم مفتوحين ونديرولهم الماء والصابون وحكوهم بالشيتة

[bibicha]

ida raki taksdi les couverure? ben ndirohom f une bassine kibra w ndirlhom isis wala ariel w nkhalouhom ybato sabha na3rkohom chwiya w nsafohom bel ma hata ywali el ma safi ltem n3awdo nchalouhom b minido vanille wala lavande w nanchrohom tabka rihathom mliha w ki tanchaf ndiroha f braya makhdouma b elkmach w nhato fiha mindil m3atar b ay riha tayba w haka tabka hata l3am ljay nchalah ida hyana rabi sobhano

[sihem18]

لا شكر علة واجب أختي شميسة أنا مديتلك طريقني عن تجربة جربيها وشوفي و انا نعرف حاجة ما نبخل بيها وحتى واحد هذا هو طبعي بصح نها

[ام راضية]

السلام عليكم
الطريقة التي جربتها هي اننى غسلت بساطاتي واشتريت كتان جديد نوع قطيفة بالورود والقماش هذه الايام متوفر واسعاره مقبولة واعدت خياطتهم
الله غالب راني منعرفش نزل الصور
اتمن ان تعجبكم فكرتي

[kokotg]

بارك الله فيك اختي

[ام إثري]

احسن طريقة انك تبعثيه للديقريساج يغسلوهك
على خاطر هوما مايغسلوش بالما
يبقاو محافظين علبى شكلهم ولونهم
عن تجربة اختي

[هدى-12]

اذا تهدري على زاورة لي نتغطوا بيها نحطوها في الماء و الصابون omo مدة من الزمان و نمعكوا مليح ومن بعد نشلوهوم بالماء
اذا تاع الصوف نحكوهوم بالشيتة و الا نحيلوهوم ونخرجوا الصوف نغسلوها و كي تشيح نعودوا نخدموهم

[* دموع الشوق *]

السلام عليكن
أنا بصراحة لو كان نبيتهم في الماء ماما تدفني حية
نحطهم في باسينة كبيرة ونكثر الماء و أحسن صابون للفراش بأنواعه هو شمبوان و طبعا مش ضروري يكون من الغالي
نخليهم شويه في الرغوة و مباعد ندعكهم مليح ونلفهم مع الضغط و نفس الشي نشللهم بالماء ... حتى يخرج منهم صافي
وعلى حساب رأيي... إذا كانت خدمتهم معمرة و متقونة راهم ما يخسروش
عجبتني فكرة الديقريصاج
دمتن...

[ام راضية]

السلام عليكن
أنا بصراحة لو كان نبيتهم في الماء ماما تدفني حية
نحطهم في باسينة كبيرة ونكثر الماء و أحسن صابون للفراش بأنواعه هو شمبوان و طبعا مش ضروري يكون من الغالي
نخليهم شويه في الرغوة و مباعد ندعكهم مليح ونلفهم مع الضغط و نفس الشي نشللهم بالماء ... حتى يخرج منهم صافي
وعلى حساب رأيي... إذا كانت خدمتهم معمرة و متقونة راهم ما يخسروش
عجبتني فكرة الديقريصاج
دمتن...
السلام عليكم
لاحظت الكثير من الاخوات يغسلون افرشتهم عند الدقريصاج انا صراحة ضد هذا
ثانيا تبعي امك راح تكوني امراة فحلة :1:

[ميرة31]

http://idata.over-blog.com/2/45/34/93/gifs-perso/gifs-du-net/5orh8eqd.gif

[ميرة31]

http://files.fatakat.com/signaturepics/sigpic64631_12.gif

[متفائلة خيرا]

شكرا على النصائح

[missossa]

يا أختي إلا بغيتي ترتاحي أغسليهم في الديقريصاج يبقاو كيما راهم حتى الزرابة أي التابيات راهم يغسلوا فيهم في لفاج وين يغسلوا السيارات من جهة ترتاحي ومن جهة الجوارين مايقولوش راه يقطر علينا الماءههههههههههه

[salam dolli]

السلام عليكم أختي أنا طريقتي في غسل بطانياتي نحط الماء فاتر في البنوار وحط أزيس تاع الساشي أصفر اللون اللي بالليمون نرغي الماء مليح ونغمس البطانية ديالي فيها نمعكها مليح نخليها تبات فيها الصباح بكري نوض نشللها ونحطها تقطر وننشرها لما تنشف نجيب منديل ورقي نحط فيه عطري المفصل ونطبق البطانية في وسطها المنديل المعطر و نخبيها لشتا الجاية إلا عيشنا ربي هذه أفضل طريقة عندي أختي الكريمة


شكرا جزيلا لك .

[hoda82]

QNQ nehoteho, f binoir fih ,ma dafi areil ybatou mba3d nhoukhoum bchita w nsafihoo w ndirlhou relaf bash mayetwaskhoch bezaf

[maiar]

السلام عليكم أختي أنا طريقتي في غسل بطانياتي نحط الماء فاتر في البنوار وحط أزيس تاع الساشي أصفر اللون اللي بالليمون نرغي الماء مليح ونغمس البطانية ديالي فيها نمعكها مليح نخليها تبات فيها الصباح بكري نوض نشللها ونحطها تقطر وننشرها لما تنشف نجيب منديل ورقي نحط فيه عطري المفصل ونطبق البطانية في وسطها المنديل المعطر و نخبيها لشتا الجاية إلا عيشنا ربي هذه أفضل طريقة عندي أختي الكريمة

نفس الطريقة المتبعة

بارك الله فيك

[wafa.wafa]

أختي فهمينا واش تقصدي بالبساطات ؟ لان كل جهة وكيفاش يسموهم باش كل وحدة تعطيك طريقتها

[-رودينا-]

ماما علمتنا نعتمدو على روحتنا بصراحة حنا ضد فكرة الدقرساج في البيت مازالنا كي زمان نغسلو الفراش والزرابي في الدار
للاسف ضرك كاين بزاف انسا ولاو كلش برا اذا كان عيد ولا عرس يشرو الحلوى اي القاطو من برا حتى الفراش ولا يتغسل برا الماكلة برة والله غير تبهديلة قدام الراجل واهله مام البنت تكبر على واش شافت يماها دير هكا تتعلم التفنين
خيتو طريقتنا هي كما قالو معظم الاخوات نغسلوها بما والصابون ديال الحوايج ونحكو بشيتة وباليد والرجلين ونشلو مليح حتي يولي الما صافي نخلوها تقطر فوق كرسي امبعد ننشروها تنشف مليح

[marwa maram]

بارك الله فيكم اذا تساعدون بعضكم البعض

[* دموع الشوق *]

أختي فهمينا واش تقصدي بالبساطات ؟ لان كل جهة وكيفاش يسموهم باش كل وحدة تعطيك طريقتها

هو اللحاف في بعض المناطق و هو الفراش الأساسي عند معظم الجزائريين مثل الي تخيطو لعروسة و إذا ما عرفتيش تبعي الرابط
http://www.google.dz/search?hl=fr&q=%D8%A8%D8%B3%D8%A7%D8%B7%D8%A7%D8%AA%20%D8%AC%D8 %B2%D8%A7%D8%A6%D8%B1%D9%8A%D8%A9&psj=1&bav=on.2,or.r_gc.r_pw.r_qf.,cf.osb&biw=1366&bih=624&um=1&ie=UTF-8&tbm=isch&source=og&sa=N&tab=wi&ei=mDwPUJnkOYHKhAeLxYCQCg