سييت ليوم رولي ومنجحليش

[pr.amina]

صباح الخير اخواتي راني زعفانة ليوم سييت الرولي ومنجحليش نتمنى تساعدوني درت لا غوسات انتاع واحد الرولي لقيتو فاللنترنت بصح مخرجليش الي تساعدني ربي يعطيها ما تتمنى

[قدوتي رسولي]

معليهش اختي مرة ينجح ومرة يفشل في المرة القادمة ان شاء الله

[pr.amina]

معليهش اختي مرة ينجح ومرة يفشل في المرة القادمة ان شاء الله



انشاله مارسي حنونه

[bassamat]

اختى كون تقوليلى في واش مانجحش
ممكن نساعدك

[*بيتي مملكتي*]

عزيزتي هذه الوصفة مجربة و مضمونة 100 ب ال100 بإذن الله

المقادير:

7بيضات+7ملاعق أكل سكر عادي+7ملاعق أكل فرينة +1ملعقة أكل زيت+2 كيس خميرة الحلويات إلا ربع كيس (يعني كيس و ثلاثة أرباع كيس)

السر لنجاح البيسكوي رولي هو الخفق الجيد جدا للبيض

اخفقي البيض بالباتور جيدا جدا حتى يطلع مليح مليح ثم زيديلو السكر بالتدريج مع الخفق الجيد و المستمر ثم بواسطة الملعقة أو السباتولا ضفي الفرينة و الخميرة تكوني غربلتيهم من قبل بواسطة مصفاة الحليب فقط ملعقة بملعقة مع التحرك من أسفل إلى أعلى باش ما يهبطش البيض ويزيد يدخلو الهوا أكثر إلى أن تفرغي من الكمية ثم ضفي ملعقة الزيت بنفس الطريقة حتى يتجانس الخليط

في بلاطو مفروش بورق ألمنيوم مدهون الورق بالزبدة أفرغي الخليط و حاولي تسويته و ضعيه في فرن مسخن مسبقا في الرف الذي يأتي فوق الوسط على نار متوسطة

حتان يطيب تعرفيه طاب بالموس لازم بخرج ناشف

التزيين لك الإختيار

[pr.amina]

صحيتي وربي يكثر من امثالك المرة الجاية نسيي هادي الطريقة بصح انا مستعملتش الباتور علاديك جاني ميترولاش
تعيشي يا ام اياد قوليلي شحال يطيب نانا خليتو ربع ساعة

[pr.amina]

اختى كون تقوليلى في واش مانجحش
ممكن نساعدك


جا شويا يابس وميترولاش اصلا رجعتو مقروطات وكلاوه نورمال بصح ماجاش يترولا

[ام جويرية ورقية]

مساء النور اختي راح نمدلك هذي وصفة راني مجربتها ومضمونة ودايمن نديرها هذي مقادير وان شاء لله تنجحلك
4 بيضات 120 غرام سكر 100 غرام فرينة 2 فاني ملعقة صغيرة خميرة
افصلي بياض البيض وحدو وضفار وحدو وضربي بياض مليح حتى يولي كي ثلج ومبعد ضفيلو سكرا وفاني تدريجيا ومبعد لفرينة ولخميرة تدريجيا وحركي مليح وضفي صفار البيض حتى جي عجينة سائلة في بلاطو تاع فور فرسي ورق الشمع وطرحيها بسبتيلوحطيها طيب وكي تحمار تكوني مشمخة فوطة نضيف مشي مشمخة بزاف وضعيها فوقها ورولي
وان شاء لله تنجهلك انا مجربتها ودايمن نديرها