ترقيد الفلفل حار مشوي

[fahouma2]

من تعرف ترقد الفلفل افيدوني جازاكم الله خيرا:mh31:

[ام ظافر]

اختي قومي بشوي الفلفل الحار والحلو وانزعي عليهم القشرة وما تغسليهمش بالماء ابدا وحطي في علبة طبقة فلفل وبيناتهم الثوم قطع وهكذا حتى تكملي ما ديريش الملح يلملك غير الماء وكي تكملي اغمري العلبة بزيت الزيتون ما تخافيش ما تستعمليش بزاف غير قدر المسامات الي بقات ومن بعد اغلقيها مليح وحطيها في الفريزر اي المجمد وانسيها خلاص وكل وين تحبي هزي شوي وديريلو لاسوس والطماطم والملح وووووالباقي رديه للمجمد انا هذه الطريقة نستعملها من سنين ويجي طعمة الفلف المشوي الي خدمة فيه طعمة الثوم روعة

[كريمة عضو جديد]

يعطيك الصحة اختي

[سارة يعرب]

ختي فكرة شابة مي قوليلي لازم زيت الزيتون الا نعوضه زيت عادي

[fahouma2]

:19:ربي يجازيك

[ام ظافر]

تقدري تعوضيه بالزيت العادي ولكن ما يجيش طعمتو مليحة كيما زيت الزيتون ولا فائدته

[نوال السطايفية]

أختي أنا عندي طريقة تقلي لفلفل وتقشريه ودريه في علبة وقطعيلو ثوم ورقة او 2 رند وملح وخل وماء وكثري نسبة لخل على لماء وغلقيه مليح والله جي عندو ذوق مليح

[khaloussa]

dsllllllllllllllllllllllllllll

[zakia05]

انا نغلي الفلفل في الخل مدة 10دقائق و امبعد نفرغو من الزريعة و نخشيه بالطماطم المقطعة و الثوم و الزيتون المقطع و الخلات( خل و زيت و ملح) ثم حطيهم في وعاء وصبي عليهم الخلات و حطي العلبة في الثلاجة ثلاثة ايام ثم استعمليهابعددلك

[sorour43]

يعطيكم الصحة خياتي على هذه الإفادة نحن نستعمله كما قالت الأخت أم ظافر بارك الله فيكن

[سرور الفيرجينية]

سلام اختي سرور من اين انت في ميلة لاني انا ايضا ميلية