كيف تتوقعون ان تكون بكالوريا 2012

[tassan93]

مرحبا زملائي

يكثر الان القيل و القال حول امتحان شهادة البكالوريا خصوصا واننا مقبلون عليه العام المقبل

فهل تتوقعون ان تتم عتبة الدروس لنا ام لا تحديد ولا هم يحزنون ?

وهل سيكون في المتناول ام انتقاما لسنتين اي اصعب ?

المهم اتمنى لكم النجاح جميعكم وتحقيق اعلى نسبة نجاح

[dali rami]

السلام عليكم
مسألة البكالوريا دائما ما يسيل فيها الحبر الكثير بدون فائدة .. حقيقة في بلادنا البكالوريا نوعا ما فقدت هيبتها اذ اصبح الداني والقاصي يتحصل عليها بدون عناء يذكر .. وهذا مشكل كبير يجب على كل الاطارات العاملين في هذا القطاع بذل مجهودات اكبر من اجل النهوض بها دوليا
1 مسألة العتبة في نظري تحط كثيرا من مستوى البكالوريا و أتمنى ان لا يحددوا لنا الدروس وهذا كما تفعل الدول الاخرى المتقدمة
2 اظن ان البكالوريا في متناول كل من جد واجتهد لذا انا لا اخاف من هذا الجانب
سعدت كثيراااا ببادرتك الطيبة اختي الكريمة .. على الرغم ان الموضوع وقته بعد انتهاء باك 2011 لكن معلش نحن مقبلون على كل على حال على هذا الامتحان عاجلا ام اجلا .... تقبلي مروري المتواضع على موضوعك الجميل ..سلام

[asma4]

اتوقع انها ملايئة بالنجاحات و مادام هنالك ثقة في النفس و الاجتهاد فاكيد سوف يكون نجاااح كبير ان شاء الله
شكرا على الموضوع المفتوح للنقاش

[بلال القلعة]

لالا متخلعيناش خويا اكيد راح تكون في متناول الجميع والاسئلة راح تكون واضحة كل الوضوح واكيد راح يدير العتبة وعلاش غير في عامنا حنا ينحوها ولا يصعبوها
وكيما قالك خويا رامي البكالوريا فقدت هيبتها دك يتحصلوا عليها دون عناء وانا نقلك لازم علينا الجد والعمل حتى ويصعبوها راح تلقى روحك ونشاء الله مجيش صعيبة برك ونتمنى النجاح للجميييع

[heraizhouda]

و الله نتوقعها تشكشط بكثرة الدروس و الاساتدة الخايبين *اقصد نتاوع ثانويتنا - ربي يستر برك

[كادي12]

والله نتائج البكالوريا بايدينا خاصة وان الفرص متاحة للجميع بغض النظر لما يمكن ان يحدث من ظروف غير المقبولة.المهم ربي يوفق الجميع على نيل المبتغى واسعاد الوالدين والاحباب .اميــــــــــــــــــــن با رب

[bellmere]

شوفوا نتوما ما يهمكمش كيفاه تكون الياكالوريا نتوما أخدموا وجامي تخافوا لاه عجبوكم تاع السنا كي نحاولهم الفصل الثالث مالا واش قراو وشمن باك رايحين يجيبوه أنا ندير الباك نتاععي واعر ومانديروش ساهل باه كي نطلع للجامعة نطلع بفخر ميش لي جي نقوللوا جبت معدل كذا فيقولي يخي نتوما حقا سهلولكم الباك ............والله الباك ماراهوا والوا ولكن يحتاج إلي تنظيم وقت ميش لعب آش فانت كات وميش قراية آش فانت كات خطراكش ختي جربت وكانت تقرا بزافو عيات فيه بزاف ونهار الباك تخربطلها كلش

[خديجةRMA]

ننصحكم بحاجة وحدة بن بوزيد هذاك متديرولو حتى قيمة انسااااااااااوه
اقراو عادي طول لا عتبة ولا هم يحزنون متتخدعوش كي نتاع باك 2011 كانو معولين عليها ومن بعد حشاوهالهم هههههههه
اتكلو على ربي مينفعناش بن بونقص عفوا بن بو زيد
ديرو القلب وان شاء الله تنجحوا كااااااااااااامل

[manel.1706]

أنا نتمنى مايحدوناش الدروس
بصح راني نشوف قاع الناس راهي كوراج وأنا من دروك راني خايفة بصح أنا مانيش باغية ربح وصايي راني باغية تفوق انشاء الله لي ولكم جميعا

[nor4ever]

باين كي نجوا نعقبوا حنا كل شيء يتبدل....

[fatiaze]

الخوف يأكلني من الماضي حول شهادة الباكالوريا اما في هذا الوقت وقد صرت مقبلة عليها فقد اختلف الخوف فقد صرت ا اخاف من أن يأكلني الخوف من شهادة الباكالورياء ....................و يتلاشى كل شيئ احلم به .........لذا اسألكم الدعاء.
لا تعتمدو على الفرضيات الخاطئة دائما .........لا عتبة ولا هم يحزنون .................... ابذلو طاقة مضاعفة للنجاح وحسب و لا تلتفتو الا ما ليس مهما بالنسبة ..... وضعو الثقة الاكبر بالله .........فلن تنفع العتبة ولا غيرها يوم الامتحان بل اعانته سبحانه هي التي تمكننا من النجاح............
كلنا يسعى نحو النجاح لذا اتمنى ان اكون قد استفدت و افدت من خلال هذه النصائح.......

[hamza yacine]

و الله البكلوريا يلزملو خطة و تحضير جيد انا عن نفسي اريد الحصول علي معدل جيد

[meryem achraf]

انا في رايي رايح تكون كيما لعوام ليجازو عادي يعني

[زمهرير ولى الاثر]

السلام عليكم
مسألة البكالوريا دائما ما يسيل فيها الحبر الكثير بدون فائدة .. حقيقة في بلادنا البكالوريا نوعا ما فقدت هيبتها اذ اصبح الداني والقاصي يتحصل عليها بدون عناء يذكر .. وهذا مشكل كبير يجب على كل الاطارات العاملين في هذا القطاع بذل مجهودات اكبر من اجل النهوض بها دوليا
1 مسألة العتبة في نظري تحط كثيرا من مستوى البكالوريا و أتمنى ان لا يحددوا لنا الدروس وهذا كما تفعل الدول الاخرى المتقدمة
2 اظن ان البكالوريا في متناول كل من جد واجتهد لذا انا لا اخاف من هذا الجانب
سعدت كثيراااا ببادرتك الطيبة اختي الكريمة .. على الرغم ان الموضوع وقته بعد انتهاء باك 2011 لكن معلش نحن مقبلون على كل على حال على هذا الامتحان عاجلا ام اجلا .... تقبلي مروري المتواضع على موضوعك الجميل ..سلام


كَلام جوهري أخي الفَاضل ، وأنسب رأي إلى رأيك

وأفضل أن ندرس ونُمتحن للبَكلوريا دون تحديد لدروس ولن نُخَيب بمعونة الله والإجتهاد والمثَابرة مطلوبة منا

المستوى التعليمي في الجزائر من خلال بعض التعليمات يمشي نحو انحدار مجهول المدة التي سيتوقف عندها ، الحمد لله صرنا على اطلاع بما يجري حولنا من خلال الجرائد والتلفاز والانترنيت وغيرها


لكن معلش نحن مقبلون على كل على حال على هذا الامتحان عاجلا ام اجلا
باذن الله تعالَـــى



شُكرُا أُخيتـــي ، أَسعدك الله

[oscar_19]

مسأأأأأأأأأء الخـــــــــــــــــــير
موضوووع ساابق لأوانه لكن ان شاء الله ما تكونش كاينة عتبة العام الجاااي وان شاء الله ما يكونش سااهل بزاااف
نتمنى يكوون في المستوى باه يعتارفولنا بالمعدلات ماشي كيما صرا العام اليي فات اللي جاب13و14 ما دار فيها والو
وانا راني حاسة راح يكووون العام هدا و العام الجاي انتقام للعامين اللي فاتو
شكــــــــــــــــــــــــــرا على الموضوع

[dalel1993]

السلام عليكم كامل
انا راني نرجف بالخوف من الباك....والله خايفة نجيبو بمعدل مايسمحليش ندير طب ولا صيدلو ولا معهد الاساتذة
ونتمنى تكون كاينة عتبة و ينحيولنا نص الدروس كيما الباك تاع 2010 لاشتا مايعتارفوش بيه....... راني علابالي بلي راني غالطة بصح والله نتمنى من قلبي تكون كاينة عتبة
واش قصدكم ب الباك تاع السنا راح يكون انتقام للعامين لي فاتو......فهموني بليز.....والله زدتو خوفتوني كتر
نتمنى العام الجاي نتوفقوا ونتفوقوا كاملين.....وكل واحد فينا يحقق حلمو
وحابة نطلب منكم نتعاونوا العام الجاي ونعاونوا بعضانا
ردوا علياا ربي يخليييييييييييييييييكم

[moonalgeria]

انا هدارت مع الاساتدة او قلولي باك 2012 مافيهش العتبة لا زمنا نحضرولو مليح او مانسناوش العتبة هادي

[oussamabelguet]

السلام عليكم
يا جماعة ما كان لاه الخوف من الباك بربي انشاله قاع تديوه بمعدل باهي برك زيروا شوية وهدا واش كاين

:1:

[bouchra math]

نتمنى يكون في المستوى وهدا تقييم لينا انشاء الله ميكونش فيه عتبة كيما لي سبقونا وخصوصا باك 2011 عتبة غير مرضية بالتوفيق للجميع انشاء الله بالجد والإجتهاد يتحصل كل واحد على البكالوريا بالمعدل لي يتمناه

[mizoh]

السلام عليكم كامل
انا راني نرجف بالخوف من الباك....والله خايفة نجيبو بمعدل مايسمحليش ندير طب ولا صيدلو ولا معهد الاساتذة
ونتمنى تكون كاينة عتبة و ينحيولنا نص الدروس كيما الباك تاع 2010 لاشتا مايعتارفوش بيه....... راني علابالي بلي راني غالطة بصح والله نتمنى من قلبي تكون كاينة عتبة
واش قصدكم ب الباك تاع السنا راح يكون انتقام للعامين لي فاتو......فهموني بليز.....والله زدتو خوفتوني كتر
نتمنى العام الجاي نتوفقوا ونتفوقوا كاملين.....وكل واحد فينا يحقق حلمو
وحابة نطلب منكم نتعاونوا العام الجاي ونعاونوا بعضانا
ردوا علياا ربي يخليييييييييييييييييكم
امين يارب انشاء الله كل يتوفق في الباك وصدقوني اني من الان وانا ندعي لي ولكل يتفوق يارب