ramzi nassim
2011-05-20, 19:28
يا وردة طلعت في جناني****ما زرعت ما عرفت نحصد
قـرّحتي و بـديتي تـــباني****مــقدوده و الخــد مـــــورد
دخـلتي قــلـبي بالعــــاني****عـدت مـــقابلك و نـــــسهد
كـل يـوم نـطل بأعـــياني****يـلاقـيني ورقـــك يــــتـمـدد
زينك ما ريته في زماني****والقـــلب يا حـوجي تــــعوّد
عدتي ونيسي في مكاني****تــحكي لي ولـــيك نــــتودد
ومتى نديرك فاحــضاني****والطـــيور فــــوقنا تــــغرد
ونـسقيك بـريق لــساني****و نـــشم طــيبك و نــــشهّد
و نقول انا ربي عطاني****أفــرح يــا قـــلبي و أســـعد
حسبت ودّعت احـزاني****ما عـات ســمايا تــــــرعد
تـراه الـــزمان لاقــاني****بــغـــدره صــــايل يــتوعد
حط الكية في أحضاني****ويـــزيد كالكــــــية تــــبرد
اَدّى سعدي ونا خلاني****على نيران الصـد تـــصهد
خـلالي الولف دخلاني****يا خّاه ذا الوحش ما يـهمد
راه غرّبني علأوطاني****هملت طريقي راني مشرد
أفراق لحباب يا جاني****عــلى غــره بــيهم تترصد
ما تخاف من لفوقاني****اللي مـا يــظلم عــنده حــد
نا ولفي بغيته وبغاني****وعـلى الوفـا بيـناتنا عـهد
حـبيته ونـحبه ثــاني****ونـحبه غـدوه وبــعد الــغد
طيته قلبي و عطاني****قـلبه مـا نـخليهش يـتمرمد
قـرّحتي و بـديتي تـــباني****مــقدوده و الخــد مـــــورد
دخـلتي قــلـبي بالعــــاني****عـدت مـــقابلك و نـــــسهد
كـل يـوم نـطل بأعـــياني****يـلاقـيني ورقـــك يــــتـمـدد
زينك ما ريته في زماني****والقـــلب يا حـوجي تــــعوّد
عدتي ونيسي في مكاني****تــحكي لي ولـــيك نــــتودد
ومتى نديرك فاحــضاني****والطـــيور فــــوقنا تــــغرد
ونـسقيك بـريق لــساني****و نـــشم طــيبك و نــــشهّد
و نقول انا ربي عطاني****أفــرح يــا قـــلبي و أســـعد
حسبت ودّعت احـزاني****ما عـات ســمايا تــــــرعد
تـراه الـــزمان لاقــاني****بــغـــدره صــــايل يــتوعد
حط الكية في أحضاني****ويـــزيد كالكــــــية تــــبرد
اَدّى سعدي ونا خلاني****على نيران الصـد تـــصهد
خـلالي الولف دخلاني****يا خّاه ذا الوحش ما يـهمد
راه غرّبني علأوطاني****هملت طريقي راني مشرد
أفراق لحباب يا جاني****عــلى غــره بــيهم تترصد
ما تخاف من لفوقاني****اللي مـا يــظلم عــنده حــد
نا ولفي بغيته وبغاني****وعـلى الوفـا بيـناتنا عـهد
حـبيته ونـحبه ثــاني****ونـحبه غـدوه وبــعد الــغد
طيته قلبي و عطاني****قـلبه مـا نـخليهش يـتمرمد