دعوة لكل الطلاب الممتحنين للثانية ثانوي بكل فروعها......أرجو التفاعل

[ورود الشتاء]

شكرااااااااااااااااااااا لينه جزالك الله خيرا

[ورود الشتاء]

فاه حابة نعاونوك اختى

[ورود الشتاء]

اسمحولى نروح دك باى باى

[lynz hardoussa]

هربت الطفلة هههههه

[lynz hardoussa]

اسمحولى نروح دك باى باى

انا تاني
بالتوفيق ان شاء الله :d

[*أســيـــــرツالــبــســـمـــة*]

السلام عليكم كيف الأحوال؟

سامحوني أنا راني ماعنديش الأنترنات راه صرا بروبلام في الخيط ههههههه

راني غير من السيبار

لينا راني درت المواضيع تاعك وحطيتهم مع المواضيع تاعي ماعليش؟

سامحوني بزااااف والله حاب نراجع معاكم بصح ماكتبتليش

تهلاو في رواحكم وسامحوني

إن شاء الله تكونو خدمتو مليح

أنا راني خدمت الحمد لله وكل هذا بفضلكم ربي يخليك

في حفظ الله

[روعة الوجود]

وعليكم السلام
لا عليك أخي شعيب المهم انك خدمت في امتحاناتك

[rossal]

اختي عاونوني في درووس الفحوم الهيدروجينية

[lynz hardoussa]

السلام عليكم كيف الأحوال؟

سامحوني أنا راني ماعنديش الأنترنات راه صرا بروبلام في الخيط ههههههه

راني غير من السيبار

لينا راني درت المواضيع تاعك وحطيتهم مع المواضيع تاعي ماعليش؟

سامحوني بزااااف والله حاب نراجع معاكم بصح ماكتبتليش

تهلاو في رواحكم وسامحوني

إن شاء الله تكونو خدمتو مليح

أنا راني خدمت الحمد لله وكل هذا بفضلكم ربي يخليك

في حفظ الله

معليش يا شعيب المهم خدمتي :d
ان شاء الله كي ترجع الانترنيت نرجعو للمراجعة كالعادة
دمت في امان الله
بالتوفيق
سلام :d

[*أســيـــــرツالــبــســـمـــة*]

السلام عليكم ورحمة الله تعالى وبركاته كيفكم يا أعز الأصدقاء؟

راني جبت ميكرو بورطابل ويفي علاجال باه نراجع معاكم غدوا نسامي السيبار كافي ونبدا هههههه نسرق لاكوناكسيون

غدا إن شاء الله نتلاقاو لي حاب يراجع فيزيا صباحا أوكي؟

أيا تصبحو بخير وتهلاو في رواحكم

نروح نرقد بكري باه نزرب أنود غدا

في رعاية الله

[lynz hardoussa]

السلام عليكم ورحمة الله تعالى وبركاته كيفكم يا أعز الأصدقاء؟

راني جبت ميكرو بورطابل ويفي علاجال باه نراجع معاكم غدوا نسامي السيبار كافي ونبدا هههههه نسرق لاكوناكسيون

غدا إن شاء الله نتلاقاو لي حاب يراجع فيزيا صباحا أوكي؟

أيا تصبحو بخير وتهلاو في رواحكم

نروح نرقد بكري باه نزرب أنود غدا

في رعاية الله

انا دائما هنا هههه

ليوم ما نقراش و غدوا نعقب
لحاب حاجة من بعد على 14 سا ان شاء الله نكونكتي
دمتم في امان الله
سلام :d

[روعة الوجود]

salam
kirakom
cho3aib rak seraaaa9 ta3 net hhhhh
ana 3andi 2 micro normal w portable fi zooge fihom net neb3atlek wahed

rabi ywef9ekom kamel
en voir

[*أســيـــــرツالــبــســـمـــة*]

انا دائما هنا هههه

ليوم ما نقراش و غدوا نعقب
لحاب حاجة من بعد على 14 سا ان شاء الله نكونكتي
دمتم في امان الله
سلام :d

آآآآه بصحتك لينا خوتي

راكي روبو اليوم؟

أنا راهي شارجي حتان الخميس نخلص مره ونتهنى هههههه

بصح مانيش حاب نحكم الحطلة

المهم أنا على الساعتين كيتجي نتي نكون نعقب في الفيزياء ماتنسايش تبعثيلي الحلول تاع التمارين بار ساتيلايت أوكي؟

المهم إن شاء اللله تكوني لحد الساعة تمام

ربي يوفقك ختي

سلااااااااام

[*أســيـــــرツالــبــســـمـــة*]

salam
kirakom
cho3aib rak seraaaa9 ta3 net hhhhh
ana 3andi 2 micro normal w portable fi zooge fihom net neb3atlek wahed

rabi ywef9ekom kamel
en voir

كيف ك مينة؟

هههههه لالا نسرق غير كي عدت راح نراجع برك

بصح راني مالقيتش لي راح يدير فيزياء يراجع معايا

درك نهز تمارين ونحلهم وخلاص

بصحتك مينة خلصتي الإمتحانات راكي كي السلطانة هههههههه

تهلاو في رواحكم

في حفظ الله

[lynz hardoussa]

كيف ك مينة؟

هههههه لالا نسرق غير كي عدت راح نراجع برك

بصح راني مالقيتش لي راح يدير فيزياء يراجع معايا

درك نهز تمارين ونحلهم وخلاص

بصحتك مينة خلصتي الإمتحانات راكي كي السلطانة هههههههه

تهلاو في رواحكم

في حفظ الله

اذا تحب نراجعو فيزياء درك نراجعو معليش لانو غدوا الاختبار تيعي :d

[*أســيـــــرツالــبــســـمـــة*]

اهليييييييييييييييييين لينا كيفك ختي؟

نراجعو دركا؟

هيا نبداو؟

[lynz hardoussa]

اهليييييييييييييييييين لينا كيفك ختي؟

نراجعو دركا؟

هيا نبداو؟


هيا
انت اخي وشي هو الدرس لي ماشك فاهمو بالاك نقدر نعاونك :d

[*أســيـــــرツالــبــســـمـــة*]

الله يخليك لينا

قاللنا الأستاذ يطيحلكم المغناطيس والمعايرة كاملة والكيمياء العضوية

راني مراجع كلش مازالي غير شوي مغناطيس مانيش مراجعو برك

[lynz hardoussa]

الله يخليك لينا

قاللنا الأستاذ يطيحلكم المغناطيس والمعايرة كاملة والكيمياء العضوية

راني مراجع كلش مازالي غير شوي مغناطيس مانيش مراجعو برك

حسنا في المغناطيس كاين قوانين تطبق :d
اول حاجة الديرها احفظهم و اتهنى
اذا عندك مشكل في التطبيقات قولي لانو المغناطيس فاهماتو كامل:d

[lynz hardoussa]

وينك اااا شعيب

[*أســيـــــرツالــبــســـمـــة*]

راني هنا لينا

حبسي درك نقولك

[lynz hardoussa]

http://www.4shared.com/photo/msAt_Vh3/img065.html?

http://dc351.4shared.com/img/MddXkf_j/s7/img072.jpg

http://dc389.4shared.com/img/AYOHhtlP/s7/img071.jpg

اذا مافهمتيش نحطلك الحل و نفهمك
ok :)

[lynz hardoussa]

راني هنا لينا

حبسي درك نقولك

حسنا انا انتظر :d

[*أســيـــــرツالــبــســـمـــة*]

F=B+L+I+cosa

ياك راني صحيح؟

كيشما كاين قوانين خراين؟

[*أســيـــــرツالــبــســـمـــة*]

لينا شكرا علبى التمارين

درك نيسيي نحلهم

سؤال صغييير

كي تكون القوة داخلة نديرو دائرة فيها نقطة ولا علامة ضرب؟

[lynz hardoussa]

كي تكون داخلة دير علامة ضرب
خارجة دير نقطة

[*أســيـــــرツالــبــســـمـــة*]

في العلاثقة لي درتها ياك بيناتهم علامة ضرب ماشي جمع؟

[*أســيـــــرツالــبــســـمـــة*]

أوكي دركا نبدا نحل

[lynz hardoussa]

القانون راهو غالط
ميشي + راهي x
F= I x B x L x sin a

[lynz hardoussa]

اخي شعيب تحب نكتبلك القوانين ???

[*أســيـــــرツالــبــســـمـــة*]

الله يخليك لينا أطيني كامل القوانين نتاع المغناطيش إيلا عندك

وشكرا سلفا

[lynz hardoussa]

الله يخليك لينا أطيني كامل القوانين نتاع المغناطيش إيلا عندك

وشكرا سلفا

حسنا انتظر قليلا

[*أســيـــــرツالــبــســـمـــة*]

راني نستنا لينا

شكرا ختي الله يخليك

[lynz hardoussa]

راو عندي ملخص رااااائع تع مغناطيس
1 د نسكانيه و نحطو اوكي =)

[*أســيـــــرツالــبــســـمـــة*]

أوكي لينا راني نستنا ربي يخليك ختي على هاذ المجهود لي يعنيلي بزاف

[lynz hardoussa]

ها هي الصفحة 1
http://dc353.4shared.com/img/uBm6o6QA/s7/0.6325308068470158/img114.jpg

[lynz hardoussa]

ها هي الصفحة 2
http://dc353.4shared.com/img/Om-uMMHG/s7/0.3082503306251676/img115.jpg

[soumia1604]

مرحباااااااا لينة و شعيب ....... واش اكم مع الفيزياء ؟؟؟؟،
راكم تتناقشو على المغناطيس
احنا قريناه في الثلاثي الثاني
alors ربي يكون معاكم
و تخدمو مليح في الامتحان
عندي سؤال اخي شعيب .. هل خدمتو الرياضيات و الا مازال

[lynz hardoussa]

و هادي ص 3
اسفة ما حبتش تخرج الصورة لازم تحملها
http://www.4shared.com/photo/r9KEoaK6/img116.html?

ان شاء الله يكون الشرح وافي و ساهل ادا كاين حاجة ميشك فاهمها قلي =)

[lynz hardoussa]

مرحباااااااا لينة و شعيب ....... واش اكم مع الفيزياء ؟؟؟؟،
راكم تتناقشو على المغناطيس
احنا قريناه في الثلاثي الثاني
alors ربي يكون معاكم
و تخدمو مليح في الامتحان
عندي سؤال اخي شعيب .. هل خدمتو الرياضيات و الا مازال

انا درتها ....... الموضوع راهو في الصفحات لي قبل :d

[*أســيـــــرツالــبــســـمـــة*]

لينا شوفي الحل
(http://up.arab-x.com/May11/tPK33682.jpg)

[*أســيـــــرツالــبــســـمـــة*]

شكرا شكرا لينا ربي يخليك

والله عمليتيلي الكثير ربي يوفقك ختي

سمية الرياضيات رناها وسكانيتها راح نحطها بصح ماحبتش تتحمل

[lynz hardoussa]

أوكي لينا راني نستنا ربي يخليك ختي على هاذ المجهود لي يعنيلي بزاف


وينك حصلتي :confused:

[*أســيـــــرツالــبــســـمـــة*]

راني هنا لينا هههههه

[lynz hardoussa]

صحيح
اعطيك الصحة =)
درك طبق التمارينات

[lynz hardoussa]

راني نحملك في تمارينات اخرى مع الحل =)

[*أســيـــــرツالــبــســـمـــة*]

لينا حنا ماقريناش على الوشيعة نحيناها

في المغناطيس كاين غير القانون تاع القوة f برك؟

مكانش واحدفيه m ولا مانيش عارف؟

[soumia1604]

شكرا شكرا لينا ربي يخليك

والله عمليتيلي الكثير ربي يوفقك ختي

سمية الرياضيات رناها وسكانيتها راح نحطها بصح ماحبتش تتحمل

اووووكي ماعليش الا ماقدرتش
أني برك حبيت نحل اكبر عدد من التمارين باه ندير مليح في الامتحان

[*أســيـــــرツالــبــســـمـــة*]

راني قريب نروح نعقب ههههههههههه

لازم أنوض نطيب لغدا راني وحدي في الدار وأنروح بويسك راني نبدا على 12:30

لينا أعكيني نصيحة على المغناطيس بليز

[*أســيـــــرツالــبــســـمـــة*]

سمية ماتخميش قبل ماتبداي الإختبارات نكون جبتولك ماتكسريش راسك هههههه

[lynz hardoussa]

لينا حنا ماقريناش على الوشيعة نحيناها

في المغناطيس كاين غير القانون تاع القوة f برك؟

مكانش واحدفيه m ولا مانيش عارف؟


شعيب m هي الكتلة
ما عندها حتى علاقة بالمغناطيس :1:

[*أســيـــــرツالــبــســـمـــة*]

لينا في اتمرين لي حليتو قالك إستنتج القوة f و شدة التيار

كيفاه نديروها

[lynz hardoussa]

نصيحتي
هي القوانين و ثم القوانين
ماتعقدش لحكاية راهو كلش تطبيق للقوانين
و تاني عندك تنسى الاصابع الثلاثة
يالتوفيق ان شاء الله
صحا غداك
في امان الله
سلام =)

[*أســيـــــرツالــبــســـمـــة*]

لينا كاين غير قانون واحد؟

قصدي من غير الوشيعة

[lynz hardoussa]

كاين حاجة ناقصة i = 5 A
راهي عندي في الكراس

[*أســيـــــرツالــبــســـمـــة*]

لينا شكرا وشكرا وشكرا وشكرا شكرا شكرا شكرا على المجهد لي عملتيه معايا

ربي يخليك ختي والله ماننساهالك طول حياتي

وتطلبي مني أي حاجة نديرهالك إن شاء الله

ربي يخليك ختي

وربي ينجحك في كل أمور حياتك

[*أســيـــــرツالــبــســـمـــة*]

آآآآآآ خلاص فهمت التمرين ربي يخليك ختي شكرا بزااااااااااف

علابالك ماعرفتش نشكرك هههههههه

ربي يوفقك ختي

[lynz hardoussa]

لينا كاين غير قانون واحد؟

قصدي من غير الوشيعة

اخي القوانين كامل تع المغناطيس في الملخص
ماكانش وحدخرين :o

[lynz hardoussa]

آآآآآآ خلاص فهمت التمرين ربي يخليك ختي شكرا بزااااااااااف

علابالك ماعرفتش نشكرك هههههههه

ربي يوفقك ختي

ان شاء الله
بالتوفيق ليك و عندك تنسى القوانين
دمت في امان الله
سلام :d

[lynz hardoussa]

صح غداك :1:

بالتوفيق :d

[*أســيـــــرツالــبــســـمـــة*]

في رعاية الله وحفظه أختاه

ربي يوفقك

وكيما قتلك أي حاجة تحتاجيها قوليلي

ربي ينجحك

سلااااااام

[*منارةツالبحر*]

شوشو خسارة ملحقتكش ربي يوفقك خويا
انا صبح درت مات و ادب عربي هبلوني بالهدرة شوي و نضربهم ههههه
ختي لنا مرحبا الا حبيتي نمدلك السوجي اللي دمونديتيه و لا اي سوجي من الي درناهم قوليلي

[*منارةツالبحر*]

السلام عليكم كيف الأحوال؟

سامحوني أنا راني ماعنديش الأنترنات راه صرا بروبلام في الخيط ههههههه

راني غير من السيبار

لينا راني درت المواضيع تاعك وحطيتهم مع المواضيع تاعي ماعليش؟

سامحوني بزااااف والله حاب نراجع معاكم بصح ماكتبتليش

تهلاو في رواحكم وسامحوني

إن شاء الله تكونو خدمتو مليح

أنا راني خدمت الحمد لله وكل هذا بفضلكم ربي يخليك

في حفظ الله


شوشو الا حتجت اي موضوع مالاختبرات اللي درتهمانا قولي اوكي

[JSKaminedz]

أحتاج اختبار 2 ثانوي لغات فرنسية

[lynz hardoussa]

من هنا ??? :o

لاني احتاج مساعدتكم:confused: في الكيمياء العضوية

[*أســيـــــرツالــبــســـمـــة*]

شوشو خسارة ملحقتكش ربي يوفقك خويا
انا صبح درت مات و ادب عربي هبلوني بالهدرة شوي و نضربهم ههههه
ختي لنا مرحبا الا حبيتي نمدلك السوجي اللي دمونديتيه و لا اي سوجي من الي درناهم قوليلي

خسارة لي متلاقيناش أمورة

ماعليش مرة أخرى

الله يخليك أمورة راكي علابالك لي نحتاجها نطلبها ههههه

ياك وجهي صحيح ههههه

[*أســيـــــرツالــبــســـمـــة*]

لينا جينا في وقت واحد هههه

شفتي المكتوب؟

واش تحتاجي نمدولك غير أطلبي وأنا نلبي إن شاء الله

واشمن حاجة إيقساكت في الكيمياء العضوية؟

[البلبلة]

السلام عليكم ورحمة الله

[lynz hardoussa]

عندي مشكلة مع التسميات
نحساب فاهمتهم
شوي حصلت

[lynz hardoussa]

السلام عليكم ورحمة الله


و عليكم السلام :rolleyes:

[*أســيـــــرツالــبــســـمـــة*]

التسميات؟

درك نفهمك داشا داشا أوكي؟

نبداو مع الألكنات؟

[lynz hardoussa]

حقا شعيب وش خدمتي???

[lynz hardoussa]

التسميات؟

درك نفهمك داشا داشا أوكي؟

نبداو مع الألكنات؟

حسنا
شكرا مسبقا :o

[*أســيـــــرツالــبــســـمـــة*]

و عليك السلام اختي البلبلة

كيف الأحوال؟

هيه لينا والله خدمت وإن شاء الله 20

عطانا تمرين في المغناطيس وفيه وحد القانون جامي سعت بي=ه خرجتو من راسي لقيتو صحيح ههههههههه

وكل هذا بفضل مذاكرتي معاك

دركا كي نفهمك نمدلك السيجي تحلي عليه يعاونك في التسمية

[*أســيـــــرツالــبــســـمـــة*]

لينا حاب نطلب منك طلب

قد مانديرلك ماتقوليليش كلمة شكرا أوكي؟

هكدا نحبها بين الأصدقاء بلا شكر

فاهمتني؟

فقط إيلا تقبلتيها إيلا عاد ماكنش مشكل

[البلبلة]

الحمد لله

ونتوما وشراكم؟

حبيت نسقسيكم حاجة

ممكن ولا راكم تراجعو؟

[lynz hardoussa]

و عليك السلام اختي البلبلة

كيف الأحوال؟

هيه لينا والله خدمت وإن شاء الله 20

عطانا تمرين في المغناطيس وفيه وحد القانون جامي سعت بي=ه خرجتو من راسي لقيتو صحيح ههههههههه

وكل هذا بفضل مذاكرتي معاك

دركا كي نفهمك نمدلك السيجي تحلي عليه يعاونك في التسمية

ولله وليتي طلع و تهبط في القوانين من راسك
المهم صلحت :1:
على كل حال وش عندك غدوا :confused:
حقا حط السيجي سح :D
راني نطلب ياسر اليوم
كترت عليك :o

[*أســيـــــرツالــبــســـمـــة*]

تفضلي أختي البلبلة بأي سؤال

نحن في الإستماع ياك لينا؟

[*أســيـــــرツالــبــســـمـــة*]

السيجي؟ حبسي حتان نفهمك ونمدولك راه واجد أوكي؟

وماتقوليليش كثرت عليك واش تفاهمنا؟

[lynz hardoussa]

الحمد لله

ونتوما وشراكم؟

حبيت نسقسيكم حاجة

ممكن ولا راكم تراجعو؟

درك راح نبداو اختي بالتسميات تع الكيماء العضوية
تحبي تشاركينا:rolleyes: ولا جوزتي فيزياء :confused:

[*أســيـــــرツالــبــســـمـــة*]

ياك تعرفي الألكان والجذر الألكيني؟

[lynz hardoussa]

السيجي؟ حبسي حتان نفهمك ونمدولك راه واجد أوكي؟

وماتقوليليش كثرت عليك واش تفاهمنا؟

هاني سكت :d

[البلبلة]

تفضلي أختي البلبلة بأي سؤال

نحن في الإستماع ياك لينا؟


مرسي خويا

حبيت نسقسيكم كشما بديتو تحملو من مواضيع ولا كتب للعام الجاي؟

ولا بديتو تبحثو على مواضيع؟

ولا راكم شايفين بلي مازال الحال عليها؟

[*أســيـــــرツالــبــســـمـــة*]

درك نسكاني لوراقي لي نسحقوهم

[lynz hardoussa]

ياك تعرفي الألكان والجذر الألكيني؟

باينا هادي

[*أســيـــــرツالــبــســـمـــة*]

أختي البلبلة نعطيك نصيحة عطاوهالي طلبة الباكالوريا

ماكان لاه أتعبي نفسك على الباكالوريا حتان لأوت أبداي لمي المواضيع برك وماتقرايهمش

وفي الصيف حسني مستواك في اللغتين الفرنسية والإنجليزية ياك علوم تجريبية؟

وكي تبدا لقراية أبداي لقراية تاع الصح

لكن كي تبداي تقراي من الصيف راح كي يلحق وقت الباك تفشلي وتلاشي وتروح قرايتك كاااامل

طبعا لك الإختبار في تقبل النصيحة أو عدم تقبلها

ربي يوفقك ختي

[lynz hardoussa]

مرسي خويا

حبيت نسقسيكم كشما بديتو تحملو من مواضيع ولا كتب للعام الجاي؟

ولا بديتو تبحثو على مواضيع؟

ولا راكم شايفين بلي مازال الحال عليها؟



انا حابا نكمل الامتحانات و نرتاح شوي
و في جويلية ان شاء الله نبدا مراجعة خفيفة
اصلا ما نقلقش روحي لانو عندي حوايج اختي :d
و جاتني فكرة تاني
حاب نسكاني كلش و نحطو في المنتدى
باه نستفادو كامل :19:

[lynz hardoussa]

أختي البلبلة نعطيك نصيحة عطاوهالي طلبة الباكالوريا

ماكان لاه أتعبي نفسك على الباكالوريا حتان لأوت أبداي لمي المواضيع برك وماتقرايهمش

وفي الصيف حسني مستواك في اللغتين الفرنسية والإنجليزية ياك علوم تجريبية؟

وكي تبدا لقراية أبداي لقراية تاع الصح

لكن كي تبداي تقراي من الصيف راح كي يلحق وقت الباك تفشلي وتلاشي وتروح قرايتك كاااامل

طبعا لك الإختبار في تقبل النصيحة أو عدم تقبلها

ربي يوفقك ختي

عندك الحق حتى اختي قاتلي نفس الشي:19:

[*أســيـــــرツالــبــســـمـــة*]

لينا ياك كاتبة الدروس

أجبدي الدروس الأولين في الكيمياء العضوية

شوفي الصيغ النصف المفصل تاعكم

كي تلقايهم قوليلي نبدا اوكي؟

[*أســيـــــرツالــبــســـمـــة*]

هذا نتاع الجذر الألكيني (http://up.arab-x.com/May11/mkg60012.jpg)

[*أســيـــــرツالــبــســـمـــة*]

هذا نتاع الألكان (http://up.arab-x.com/May11/CTX60066.jpg)

[lynz hardoussa]

لينا ياك كاتبة الدروس

أجبدي الدروس الأولين في الكيمياء العضوية

شوفي الصيغ النصف المفصل تاعكم

كي تلقايهم قوليلي نبدا اوكي؟

انا راني فاهمة الدرس
المشكل لي عندي في الاسم
متال بعد ما ندير الصيغة النصف مفصلة نغلط كي ندير الاسم

[lynz hardoussa]

حقا انتا وش عندك غدوا
نسيتك =)

[*أســيـــــرツالــبــســـمـــة*]

لينا راني فاهمك خير مما راكي فاهمة روحك

حبسي درك نديرلك صيغ من عندي ونسكانيهم ونعاونك أوكي؟

إنتظريني شوي برك

[البلبلة]

أختي البلبلة نعطيك نصيحة عطاوهالي طلبة الباكالوريا

ماكان لاه أتعبي نفسك على الباكالوريا حتان لأوت أبداي لمي المواضيع برك وماتقرايهمش

وفي الصيف حسني مستواك في اللغتين الفرنسية والإنجليزية ياك علوم تجريبية؟

وكي تبدا لقراية أبداي لقراية تاع الصح

لكن كي تبداي تقراي من الصيف راح كي يلحق وقت الباك تفشلي وتلاشي وتروح قرايتك كاااامل

طبعا لك الإختبار في تقبل النصيحة أو عدم تقبلها

ربي يوفقك ختي


هاذي علابالي بيها

حتى انا اللي عقبو كااااامل اللي تسقسيه يقولك ماتبداش من الصيف

انا مانيش رايحة نبدا من الصيف

حتى اللغات انا فووووووووور فيهم

مانهبطش من 18

وايه انا علوم كيفكم

بصح انا قصدي على المواضيع اللي نجمعوهم هوما تاع ضرك

مادام تاع الباك راهم ناشطين والمواضيع تاعهم والامتحانات والباك التجريبي راهم فالصفحات لولين

هكذا يسهل البحث

من بعد ترجع تحوس وتتعب شوية

مي ضرك راهم في المتناول وعلى كل نوع

انا قلت نجمعهم من ضرك

لانهم من بعد يرجعو مواضيع النتائج والمعدلات والتوجيه والتهنئة ويروحو المواضيع للصفحات لخرين

هذا رايي

ونصيحتي ليكم ابداو من ضرك ومش شرط تقراوهم ولا تحلوهم

هاذي نصيحتي ليكم

نتوما ثاني اتقبلوها ولا لا:1:

الراي رايكم

[lynz hardoussa]

راك نسيتي بلي حتى انت عندك امتحانات
وش عندك غدوا ?

[*أســيـــــرツالــبــســـمـــة*]

غدوا عندي علوم وإنجليزية

مبعدا نروح نراجع مع صاحبي العلوم علابالك باباه أستاذ علوم باه كيمانفهموش حاجة يشرحالنا

بصح مانروحش حتان نكملك نخرجك فاهمتم قاطو أوكي؟

[lynz hardoussa]

غدوا عندي علوم وإنجليزية

مبعدا نروح نراجع مع صاحبي العلوم علابالك باباه أستاذ علوم باه كيمانفهموش حاجة يشرحالنا

بصح مانروحش حتان نكملك نخرجك فاهمتم قاطو أوكي؟

اوكي
شكرا :1:

[*أســيـــــرツالــبــســـمـــة*]

أختي البلبلة عندك الحق متقبل النصيحة تاعك مئة بالمئة

المواضيع تقدري تجمعيهم دركا

بصح لقراية ننصحك ماتقرايش خير

والخيار لك ربي يوفقك ختي

[*أســيـــــرツالــبــســـمـــة*]

لينا تفضلي وأكتبي المركب الأول في الورقة لي توالك وحبسي أوكي؟ (http://up.arab-x.com/May11/VZa60669.jpg)

[*أســيـــــرツالــبــســـمـــة*]

دركا تبعي خطواتي خطوة بخطوة

مادام عندنا مركب ألكاني عادي مافيهش جذور ومافيه والو

نبداو نرقمو ذرات الكربون من أي جهة فاهمة؟

أكتبي توال كل ذرة كربون الرقم تاعها بالترتيب أوكي؟

ومبعدا شوفي قداه عندك ذرة كربون وشوفي الإسم الموافق ليها وأكتبيه

ماتقوليليش هاذا فاهماتو أوكي؟

نبدالك هكا باه نقدر نفهمك

[البلبلة]

ختي نتي تهنيتي كي عندك حوايج ختك

وحتى ختك ممكن تفهمك وتعاونك العام الجاي

انا للاسف نقرا وحدي لاني لكبيرة وماكانش اللي يخليلي كراريسو

ونهار تحبي تسكاني قوليلنا برك باه نهزوهم ونستفادو كامل

صحيتي

[*أســيـــــرツالــبــســـمـــة*]

وين راكي لينا؟

[lynz hardoussa]

دركا تبعي خطواتي خطوة بخطوة

مادام عندنا مركب ألكاني عادي مافيهش جذور ومافيه والو

نبداو نرقمو ذرات الكربون من أي جهة فاهمة؟

أكتبي توال كل ذرة كربون الرقم تاعها بالترتيب أوكي؟

ومبعدا شوفي قداه عندك ذرة كربون وشوفي الإسم الموافق ليها وأكتبيه

ماتقوليليش هاذا فاهماتو أوكي؟

نبدالك هكا باه نقدر نفهمك

راني بديت نفهم
1د و نحطلك الحل تع لاولى سح :o

[lynz hardoussa]

http://dc397.4shared.com/img/gj6gUPTs/s7/0.3700971369739907/img120.jpg
راني بديت فيلي بعدها

[*أســيـــــرツالــبــســـمـــة*]

بديتي في اللي بعدها ديريها وقوليلي

بصح الثالثة ماتبدايش حتان نقولك اوكي؟

الأولى راهي صحيحة

[lynz hardoussa]

انا درك لقيت عندي مشكلة وقتاه نحط Methyle
و وقتاه نحط Ethyle ??

[lynz hardoussa]

http://dc397.4shared.com/img/Fwb0k_OP/s7/0.5962080307366546/img121.jpg

[lynz hardoussa]

وينك شعيب ??

[*أســيـــــرツالــبــســـمـــة*]

علاه حليتي الثالثة؟ ياك قتلك الثانية؟

ماعليش

شوفي تحطي ميثيل كي يعود عندك ذرة كربون واحدة

وتحطي إيثيل كي يكون عندك ذرتي كربون لازقين في بعضاهم اوكي؟

عندي سؤال ليك في السلسلة لي درتيها الثالثة

علاه قمتي من اليسار ومرقمتيش من اليمين؟

[lynz hardoussa]

علاه حليتي الثالثة؟ ياك قتلك الثانية؟

ماعليش

شوفي تحطي ميثيل كي يعود عندك ذرة كربون واحدة

وتحطي إيثيل كي يكون عندك ذرتي كربون لازقين في بعضاهم اوكي؟

عندي سؤال ليك في السلسلة لي درتيها الثالثة

علاه قمتي من اليسار ومرقمتيش من اليمين؟

اسفة نحساب في روحي حليت التانية
نحط اثيل كي تكون درتي كربون في الجدر :confused:
حقا رقمت من اليسار لانو الاقرب الى الجذر

[*أســيـــــرツالــبــســـمـــة*]

لينا كي تكون ذرة واحدة في الجذر أكتبي ميثيل

وكي تكون ذرتين في الجذر أكتبي إيثيل

طلي على الجدول تاعي لي راه عندك

[lawano]

slt chabab çava
kach les hbal man les examan
el mohim tkono mlah w takhadmo b1 f les examan

[lynz hardoussa]

لينا كي تكون ذرة واحدة في الجذر أكتبي ميثيل

وكي تكون ذرتين في الجذر أكتبي إيثيل

طلي على الجدول تاعي لي راه عندك

نظن راك بديت تقلق :confused:

[*أســيـــــرツالــبــســـمـــة*]

آآآآآآآآآآآ لينا ماتعاوديش هاذ الهدرة والله مانقبلها

ماكانش مايحلالي كي نكون نراجع معاك

ومانيش رايح غالا فهمتك اوكي؟

[*أســيـــــرツالــبــســـمـــة*]

slt chabab çava
kach les hbal man les examan
el mohim tkono mlah w takhadmo b1 f les examan

والله الحمد لله نوال ونتي كيفك؟

خدمتي مليح ختي؟

ربي يوفقك إن شاء الله

[lynz hardoussa]

آآآآآآآآآآآ لينا ماتعاوديش هاذ الهدرة والله مانقبلها

ماكانش مايحلالي كي نكون نراجع معاك

ومانيش رايح غالا فهمتك اوكي؟

حسنا :d
راني درك نكمل 2 و 4

[*أســيـــــرツالــبــســـمـــة*]

ديري الثانية وكي تخلصيها حتان نقولك وباه تديري الرابعة أوكي؟

[*أســيـــــرツالــبــســـمـــة*]

ماجوبتينيش علا السؤال تاعي كيقتلك لاه في الثالثة بديتي من اليسار ومابديتيش من اليمين؟

[lynz hardoussa]

د1
راني نسكاني

[ورود الشتاء]

انا تاني
بالتوفيق ان شاء الله :d
تعيييييييييييشى انشاء الله و دائما متالقة شكرا

[lynz hardoussa]

ماجوبتينيش علا السؤال تاعي كيقتلك لاه في الثالثة بديتي من اليسار ومابديتيش من اليمين؟

سي جاوبت
عاود اقرى :1:

[ورود الشتاء]

السلام عليكم كيف الأحوال؟

سامحوني أنا راني ماعنديش الأنترنات راه صرا بروبلام في الخيط ههههههه

راني غير من السيبار

لينا راني درت المواضيع تاعك وحطيتهم مع المواضيع تاعي ماعليش؟

سامحوني بزااااف والله حاب نراجع معاكم بصح ماكتبتليش

تهلاو في رواحكم وسامحوني

إن شاء الله تكونو خدمتو مليح

أنا راني خدمت الحمد لله وكل هذا بفضلكم ربي يخليك

في حفظ الله
واااااااااااااااااااااااااااااااااااااى شعيب خدم يا مرحا مرحا مرحا ربى يوفقك انشاء الله تكون من المتفوقين بدرجة تقدير

[lawano]

walahi lhmd swal 3likom
çava khdamt math rani bazaf farhana ki khdamt fiha
balak traty 3la lokhrin
mais mazalna m3ahom halfo la yakhlaso
w ida staha9ito kach hadja rani hna inchalah

[lynz hardoussa]

http://dc397.4shared.com/img/PVYxS6bI/s7/0.3536220430961141/img122.jpg

[*أســيـــــرツالــبــســـمـــة*]

زدتيها هذاوين؟ ههههه فقتلك

يعطيك الصحة جوابك صحيح

دركا أخدمي الرابعة

[*أســيـــــرツالــبــســـمـــة*]

واااااااااااااااااااااااااااااااااااااى شعيب خدم يا مرحا مرحا مرحا ربى يوفقك انشاء الله تكون من المتفوقين بدرجة تقدير

شكرا مونة على لمباركة ولعقوبة ليك ختي

ان شاء الله ربي يوفقنا كاااااااااااامل

ونكونو كامل متفوقين بدرجة تقدير غن شاء الله

[ورود الشتاء]

واش راكم تراجعو نراجع معاكم انا غدوة نخلص عندى مات و انجليزية

[*أســيـــــرツالــبــســـمـــة*]

walahi lhmd swal 3likom
çava khdamt math rani bazaf farhana ki khdamt fiha
balak traty 3la lokhrin
mais mazalna m3ahom halfo la yakhlaso
w ida staha9ito kach hadja rani hna inchalah

ربي يجعلك ديما من المتفوقين ختي نوال

إن شاء اللهربي ينجحك في كل أمور حياتك

[ورود الشتاء]

شكرا مونة على لمباركة ولعقوبة ليك ختي






ان شاء الله ربي يوفقنا كاااااااااااامل


ونكونو كامل متفوقين بدرجة تقدير غن شاء الله

امييييييييييييييييييييييييييييين يارب

[*أســيـــــرツالــبــســـمـــة*]

مرحبا بيك معانا مونة

رانا نراجعو في الفيزياء تراجعي معانا؟

[lynz hardoussa]

شعيب راك تتفكر الملخص لي حطيتو مرة
حفظتو و راني درك نطبق
ان شاء الله صحيحة
د1 و نحط الحل

[*أســيـــــرツالــبــســـمـــة*]

أنا عطيتلك الملخص؟ والله ماشفيت هههههههههههه

[lynz hardoussa]

http://dc397.4shared.com/img/NLtGKceG/s7/0.14455607534019466/img123.jpg

[*أســيـــــرツالــبــســـمـــة*]

لينا سامحيني راه أذن المغرب درك نروح نصلي دقيقة ونولي أوكي؟

ماتروحيش

[lynz hardoussa]

أنا عطيتلك الملخص؟ والله ماشفيت هههههههههههه

لا لا انا حطيت ملخص :1:

[lynz hardoussa]

لينا سامحيني راه أذن المغرب درك نروح نصلي دقيقة ونولي أوكي؟

ماتروحيش

حسنا راني لهنا
نكمل لخرين :d

[*منارةツالبحر*]

السلام عليكم و رحمة الله و بركاته
موفقين انشاء الله

[lynz hardoussa]

السلام عليكم و رحمة الله و بركاته
موفقين انشاء الله

ان شاء الله يا رب
كلنا موفقين :d

[ورود الشتاء]

صلاة مقبولة شعيب شكون دار مات و خلص يوريلى السيجى تاعو

[ورود الشتاء]

وينكم و لا كى راح شعييييييييييييييييييييييييييييييييييييب خلاص تروحو

[*منارةツالبحر*]

اختي لينا مشفتش الردود اللي منقبل سيبوغسا معمباليش الا كاشما طلبتو مني موضوع
راهو يأتذن راني رايحا نصلي
تقبل الله صلاة الجميع
الله يقبل شوشو

[lynz hardoussa]

انا راني لهنا
نحل في التمارين تع شعيب قدام الميكرو نسنا في المشاركات الجديدة =)

[lynz hardoussa]

اختي لينا مشفتش الردود اللي منقبل سيبوغسا معمباليش الا كاشما طلبتو مني موضوع
راهو يأتذن راني رايحا نصلي
تقبل الله صلاة الجميع
الله يقبل شوشو

ربي يقبل صلواتكم و صلاتي ايضا :rolleyes:

[*منارةツالبحر*]

ايمان انا درتو تمرين حول الهندسة الفضائية و تمرين حول الاحتملات

[*أســيـــــرツالــبــســـمـــة*]

http://dc397.4shared.com/img/nltgkceg/s7/0.14455607534019466/img123.jpg

يعطيك الصحة لينا راكي صحيحة دركا ديري الخامسة

[*أســيـــــرツالــبــســـمـــة*]

لا لا انا حطيت ملخص :1:

ههههههههه شفتي كي راني نشكر في روحي؟ ههههههههههه

السلام عليكم و رحمة الله و بركاته
موفقين انشاء الله

أهلين أمورة كيفك؟

إ نشاء الله ربي يوفقنا كامل

[lynz hardoussa]

يعطيك الصحة لينا راكي صحيحة دركا ديري الخامسة

هههه
و الله فرحت :d

[*أســيـــــرツالــبــســـمـــة*]

راكم تشوفي هذك العشية

رحت للجامع نصلي خرجت مالقيتش كلاكاتي

تقول كانو يعسو فيا ههههههههه

[lynz hardoussa]

د1 راني طخلت
د برك

[lynz hardoussa]

راكم تشوفي هذك العشية

رحت للجامع نصلي خرجت مالقيتش كلاكاتي

تقول كانو يعسو فيا ههههههههه

ههههههههههههههههههههههههه
:1::1::1::1::1::1:
ههههه

[*أســيـــــرツالــبــســـمـــة*]

لينا سامحيني كثرت عليك

دركا نروح نتعشى ونولي

سامحيني وماتزعفيش مني الله يخليك

ماتروحيش اوكي؟
زيدي حلي كاش تمارين على التسمية وكي نجي نشوفهم أوكي؟

[lynz hardoussa]

لينا سامحيني كثرت عليك

دركا نروح نتعشى ونولي

سامحيني وماتزعفيش مني الله يخليك

ماتروحيش اوكي؟
زيدي حلي كاش تمارين على التسمية وكي نجي نشوفهم أوكي؟

ماكانش مشكل المهم ارجع صلحلي
حقا صحا عشاك
سلام :mh31:

[*منارةツالبحر*]

هههههه الجامع يسرقو فيه سور رحت بلا كلاكات و حسبتلك سرقوها تضحك
انا الفيزيك درتها بصح نحل معاكم قولولي واش راكم تحلو

[lynz hardoussa]

لينا سامحيني كثرت عليك

دركا نروح نتعشى ونولي

سامحيني وماتزعفيش مني الله يخليك

ماتروحيش اوكي؟
زيدي حلي كاش تمارين على التسمية وكي نجي نشوفهم أوكي؟

حقا نسيت نقلك
جامي تقول للاصدقاء
سامحوني اوكي :d

[ورود الشتاء]

صح عشاااااااااااااااااااااااااااك شعيب

[*أســيـــــرツالــبــســـمـــة*]

راني وليت وراني نشوف فيك تضحكي عليا ههههههههه

[*أســيـــــرツالــبــســـمـــة*]

هههههه الجامع يسرقو فيه سور رحت بلا كلاكات و حسبتلك سرقوها تضحك
انا الفيزيك درتها بصح نحل معاكم قولولي واش راكم تحلو

أمورة نتي تاني راكي تضحكي عليا؟ ههههههههه

انا تاني درت الفيزياء راني نعاون في لينا برك

واش عندك غدوا؟

[*أســيـــــرツالــبــســـمـــة*]

حقا نسيت نقلك
جامي تقول للاصدقاء
سامحوني اوكي :d

هههههههه تخلفي فيها؟

خلاص مانقولكش


صح عشاااااااااااااااااااااااااااك شعيب


يسلمك مونة وصحا عشاك نتي تاني

[lynz hardoussa]

راني وليت وراني نشوف فيك تضحكي عليا ههههههههه

ادا كامل كليتي فيه
بعقلك :d:1:

[*منارةツالبحر*]

شعيب عندي فرنسية اليوم درت عربية
شوف شوشو الا راك عارف الموضوع تاع الفرونسي ونراه قولي على السيت تاعو باش نحلو اللي يهدر على الطاقة النووية اكي
ونتا واش عندك
حقا صحا عشاك انا راني وحدي فالدار و العشا عليا و مزال مدرت والوا

[*أســيـــــرツالــبــســـمـــة*]

ههههههههه مااسترحتش نوكل ومانيش مفهمك

حتان نفهمك وباه نستراح

هيا أعطيني الحل الخامس

[*أســيـــــرツالــبــســـمـــة*]

شعيب عندي فرنسية اليوم درت عربية
شوف شوشو الا راك عارف الموضوع تاع الفرونسي ونراه قولي على السيت تاعو باش نحلو اللي يهدر على الطاقة النووية اكي
ونتا واش عندك
حقا صحا عشاك انا راني وحدي فالدار و العشا عليا و مزال مدرت والوا

أمورة ويناه الموضوع تاع الفرنسية لي راكي تحكي عليه؟

وضحيلي

أرواحي تتعشاي عندنا راهي متولة ههههههههههه

[lynz hardoussa]

ههههههههه مااسترحتش نوكل ومانيش مفهمك

حتان نفهمك وباه نستراح

هيا أعطيني الحل الخامس

ياااا شكرا :d
د1 اك نحطو

[ورود الشتاء]

تعيييييييييييييييييييييييييييييييييييييييييشو انشاء دائما اخوة هكدا

[*أســيـــــرツالــبــســـمـــة*]

ياك قتلك ماتشكرينييييييييييييييش

راني نستنى

إن شاء الله مونة وتموني نتي أعز الإخوة تاعنا

[lynz hardoussa]

راني خايفة لا تظهر غالطة باسك 5 راهي واعرة =(

[*أســيـــــرツالــبــســـمـــة*]

لالا مايكون غير الخير

غير هاتيها برك ونشوفو

[lynz hardoussa]

د 111111111
راني كثرت :o

[lynz hardoussa]

http://dc397.4shared.com/img/JBSJVY0I/s7/0.30117948105534287/img124.jpg

[*أســيـــــرツالــبــســـمـــة*]

1 و 1 و 1 هههههههههه

ماعليش في راحتك ختي

[lynz hardoussa]

راني متاكدة بلي غالطة

[*منارةツالبحر*]

شوشو يعطيك الصحة كاين 6 لازم نوجدلهم لعشا ماشي غير ليا ضرك نديرلهم شربة عدس ههه
شوشو السوجي تاع الطاقة النووية نتا حطيتو و انا حليت منو شويا برك و الباقي مكملتوش اشفا مكتوب بالغوز و لا بالبرتقالي

[*أســيـــــرツالــبــســـمـــة*]

خاطئة يا لينا

بصح ماعليش

شوفي هذي القاعدة

يتم العمل بإتباع أطول سلسلة

شوفي ةيناهي الأطول وعاوديها اوكي؟

[*أســيـــــرツالــبــســـمـــة*]

شوشو يعطيك الصحة كاين 6 لازم نوجدلهم لعشا ماشي غير ليا ضرك نديرلهم شربة عدس ههه
شوشو السوجي تاع الطاقة النووية نتا حطيتو و انا حليت منو شويا برك و الباقي مكملتوش اشفا مكتوب بالغوز و لا بالبرتقالي

مالا حبسي نوجد لبرمة نتاع العرس هههههههههه


إيه راني شفيت عليه بصح راهم فاساولي الموضوع

ماعليش درك نجيبلك الحل تاعو

[lynz hardoussa]

شوشو يعطيك الصحة كاين 6 لازم نوجدلهم لعشا ماشي غير ليا ضرك نديرلهم شربة عدس ههه
شوشو السوجي تاع الطاقة النووية نتا حطيتو و انا حليت منو شويا برك و الباقي مكملتوش اشفا مكتوب بالغوز و لا بالبرتقالي

ربي يعينك اختي :d
بالتوفيق
سلام:19:

[*منارةツالبحر*]

قلولي اما تمرين راكم تحلو فيه

[*منارةツالبحر*]

شوشو نستحق السوجي باش نحلو وحدي ماشي الحل
قتلك واش عندك غدوة مجاوبتنيش

[*أســيـــــرツالــبــســـمـــة*]

تفضلي أمورة

voici la correction du sujet de français


1- Selon l'auteur, la nouvelle dimension de la violence a conduit l'être humain à la guerre au lieu de la paix.
Retrouver la phrase qui justifie cette affirmation



Il n'existe en effet aucune distiction fondamentale entre les atomes pour la guerre et les atomes pour la paix.


2-- Les partisans eux-mêmes sont contraints d'admettre qu'il ne sera jamais possible de les supprimer complètement.
A quoi renvoie le pronom souligné pour préciser supprimer quoi?


Les efforts déployés en vue de dominer

3- "... causerait non suelement d'énormes dégâts dans l'immédiats."
Le mot souligné veut dire:
- catastrophes? -

4- Selon le texye, l'énergie nucléaire serait un défit pour les ingénieurs et les économistes.
Relevez des exemples pour dire pourquoi

Ils sont, certes, persuadés de pouvoir protéger lears citoyens grâce à des mesures de sécurité sans précédent. Si cette protection était uniquement d'ordre technique, ce serait principalement le probleme des ingénieurs, et aussi à cause de son coût particulieèrement élevé des économistes

5- Comment protéger cettecontre les homme eux-mêmes?
Relever des examples à partir du 3ème paragraphe

contre leurs erreurs, leurs faiblesses, leur dépit, leur ruse, leur volonté de puissance, leur haine.


6- Pourquoi il est urgent d'exposer les conséqeunces de l'energie atomique pour la société comme pour l'individu

est urgent d'exposer ces conséquences et d'y réfléchir, car les dangers sociaux et politique de l'énergie nucléaire ont jusqu'à présent été éclipsés par des cosidérations sur ses effets biologique et écologique

[ورود الشتاء]

باى صح عشاااااااااكم غدا نشاء الله

[*أســيـــــرツالــبــســـمـــة*]

امورة هاهو الموضوع

La peur du nucléaire



- Avec l'utilisation technologique de la fission nucléaire, l'homme a fait un saut dans une nouvelle dimension de la violence. Au début, celle-ci ne visait que adversaires militaires. Aujourd'hui, elle menace tout un chacun. Il n'existe en effet aucune distiction fondamentale entre les atomes pour la guerre et les atomes pour la paix. La volonté déclarée de ne s'en servir qu'à des fins constructives ne modifie en rien la nature de la nouvelle énergie, qui est ennemia de toute vie. Les efforts déployés en vue de dominer les risques qu'ell présents ne peuvent contrôler le danger que partiellement. Ses partisans eux-mêmes sont contraints d'admaettre qu'il ne sera jamais possible de les suprrimer complètement.



- Une catastrophe atomique qu'elle soit due à un défaut technique, à une défaillance humaine ou à un acte de malveillance, causerait non seulement d'énormes dégâts dans l'immédiat, mais aurait des effets se prolongeant pendant des décennies, des siècles, voir des millénaires. Cette hypothèque sur l'avenir, cette peur des conséquences de l'énergie nucléaire incotrôlée, va devenir le plus lourds fardeau de l'humanité: qu'il s'agisse de traces toxiques persistantes ou simplement d'une peur qui ne disparaîtra jamais.



- Les partisans de l'énergie atomique n'ignorent certainement pas ces sombres perspectives. Ils sont, certes, persuadés de pouvoir protéger lears citoyens grâce à des mesures de sécurité sans précédent. Si cette protection était uniquement d'ordre technique, ce serait principalement le probleme des ingénieurs, et aussi à cause de son coût particulieèrement élevé des économistes. Toutefois, cette invention humaine doit également être protégée, avec une rigueur sans parallèle, contre les hiommes eux-même: cotre leurs erreurs, leurs faiblesses, leur dépit, leur ruse, leur volonté de puissance, leur haine. Si l'on voulait essayer de protéger les installastions nucléaire de façon absolue contre cela, la conséquence inévitable en serait une existance pleine d'interdits, de contrôles et d'obligations, qui chercheraient leur justification dans la magnitude des dangers potentiels.



- Pour la société comme pour l'individu, il est urgent d'exposer ces conséquences et d'y réfléchir, car les dangers sociaux et politique de l'énergie nucléaire ont jusqu'à présent été éclipsés par des cosidérations sur ses effets biologique et écologique

.

L'Etat atomique.
Traduit de l'allemend par Frank Straschitz.










Copréhension:



1- Selon l'auteur, la nouvelle dimension de la violence a conduit l'être humain à la guerre au lieu de la paix.


Retrouver la phrase qui justifie cette affirmation.



2- Les partisans eux-mêmes sont contraints d'admettre qu'il ne sera jamais possible de les supprimer complètement.


A quoi renvoie le pronom souligné pour préciser supprimer quoi?



3- "... causerait non suelement d'énormes dégâts dans l'immédiats."


Le mot souligné veut dire:


- cause? - catastrophes? - technique?



4- Selon le texye, l'énergie nucléaire serait un défit pour les ingénieurs et les économistes.


Relevez des exemples pour dire pourquoi?



5- Comment protéger cettecontre les homme eux-mêmes?


Relever des examples à partir du 3ème paragraphe



6- Pourquoi il est urgent d'exposer les conséqeunces de l'energie atomique pour la société comm pour l'individu.




II- Production écrite: Traitez l'un des deux sujets.



1- Résumez le texte au quart de sa longueur.


2- Rédigez un texte dans lequel vous exposerez votre point de vue sur la possibilité de remplacer les nouvelles technologies actuellement utilisées.

[*أســيـــــرツالــبــســـمـــة*]

باى صح عشاااااااااكم غدا نشاء الله

في أمان الله أختي مونة

تصبحي بخير

والل تحتاجيها قوليهالي اوكي؟

[lynz hardoussa]

د1 راني نسكاني

[lynz hardoussa]

http://dc397.4shared.com/img/013Wlf4j/s7/0.5301511329759193/img125.jpg

[*أســيـــــرツالــبــســـمـــة*]

أنا تاني راني نسكاني في الحل ههههههههه

راني نستنا

[*منارةツالبحر*]

باي ايمان تهلاي فيروحك
شوشو يعطيك الصحة اسمحلي

[lynz hardoussa]

شعييييييييييب =)

[*أســيـــــرツالــبــســـمـــة*]

خاطئة

ماعليش درك نعطيك الحل أوكي؟

راكي قريبة ليه بزاااااااف

[lynz hardoussa]

راح نهبل انا

[*أســيـــــرツالــبــســـمـــة*]

في أمان الله أمورة

ماعليش ختي كي العسل

[*أســيـــــرツالــبــســـمـــة*]

ماتهبلي ماوالو

درك نعطيك الحل تفهميها ملييييييييييييح

[lynz hardoussa]

ان شاء الله

[*أســيـــــرツالــبــســـمـــة*]

تفضلي لينا
(http://up.arab-x.com/May11/FIH66470.jpg)
وشوفي ترا ساهلة ولا لا

[*منارةツالبحر*]

2_اثيل3_ميثيل هكسان

[*أســيـــــرツالــبــســـمـــة*]

خاطئة امورة

شوفي الحل تاعي

[lynz hardoussa]

اك
فهمت درك
حقا حطلي السيجي تيعك =)

[lynz hardoussa]

اميرة
راهي 7 مش 6
معناها هبتان مش هكسان

[*منارةツالبحر*]

في أمان الله أمورة

ماعليش ختي كي العسل


راك تحاوز شوشو
خسارة معنديش سكاناغ
الاختبار طاونا جدول نملأولو الفراغ بالاسم و العائلة

[*منارةツالبحر*]

احنا درنا اطول سلسلة 6 و كي شفتها طويلة بلا منحسب درت 6

[lynz hardoussa]

انا نروح درك نتعشى
فيسع و نرجع اك
باااااااااي

[*منارةツالبحر*]

شوشو غدوة واش عندك فرض

[*أســيـــــرツالــبــســـمـــة*]

حبسي قبل مانحط نزيدلك شوي برك

في الألسنات نحسبو من أقرب جهة للرابطة الثنائية ونكتبوها من الشكل ألس-(كتابة رقم الذرة المرتبطة بالرابطة الثنائية)-إن

في الألسينات نحسبو من أقرب جهة للرابطة الثلاثية ونكتبوها من الشكل ألس-(كتابة رقم الذرة المرتبطة بالرابطة الثلاثية)-إين

وفي الكحولات نحسبو من أقرب جهة لذرة الكربون المرتبطة بالـoh ونكتبوها من الشكل ألكان-(كتابة رقم الذرة المرتبطة بالأكسجين)-ول

وغذا كان مرتبط بالـoh ذرتي هدروجين نسميو الكحول أولي إذا كنت مرتبطة بيها ذرة واحدة من الهدروجين نسميوه كحول ثانوي وإذا ماكانتش مرتبطة بيه أي ذرة من الهدروجين نسميوه ثالثي

فاهمة؟

[*أســيـــــرツالــبــســـمـــة*]

راك تحاوز شوشو
خسارة معنديش سكاناغ
الاختبار طاونا جدول نملأولو الفراغ بالاسم و العائلة

أمورة أنا نحاوزك؟ خسارة عليك

ماعليش ماتعبيش روحك ختي

عندي غدوا إختبار علوم وإنجليزية

ونتي واش عندك؟

[*أســيـــــرツالــبــســـمـــة*]

لينا هاكي الموضوع وحليه وفي الليل راني نولي نصحو

الصفحة الأولى
(http://up.arab-x.com/May11/Z9e67208.jpg)
الصفحة الثانية
(http://up.arab-x.com/May11/Iib67208.jpg)
لازم نروح درك ختي تحوس تقرا فالميكرو ولازم نروح نراجع مع صاحبي راح الحال

أيا تهلاو في رواحكم ملييييح

لينا ماتنسايش راني نولي مبعدا في الليل نصححلك اوكي؟

ردي بالك لا ماتحليش

أيا تهلاو في رواحكم

سامحيني لينا ليماكملتلكش درك

في حفظ الله

[*أســيـــــرツالــبــســـمـــة*]

اسمحولي ندخل معاكم في تمرين الكيمياء غدوا عندنا امتحان فيزياء

أنا نظن التسمية تجي هكذا

2- إيثيل , 3 , 5 ثنائي ميثيل بنتان

اهلا بك أختي معنا

الإسم من فضلك

راكي خاطئة في الإجابة طلي على الحل تاعي راني كتبتو لازم نديو أطول سلسلة أوكي؟

سامحيني ختي لازم نروح في الليل نولي

أيا تهلاو في رواحكم كااااااااااااامل

لينا سامحيني ماتزعفيش

أمورة غير نتي لي مانحاوزكش

تهلاو في رواحكم

[قطرة تفاؤل *أمينة*]

اهلا بك أختي معنا

الإسم من فضلك

راكي خاطئة في الإجابة طلي على الحل تاعي راني كتبتو لازم نديو أطول سلسلة أوكي؟

سامحيني ختي لازم نروح في الليل نولي

أيا تهلاو في رواحكم كااااااااااااامل

لينا سامحيني ماتزعفيش

أمورة غير نتي لي مانحاوزكش

تهلاو في رواحك
م


صايي هاني شفت الحل


والاسم : أمينة


انتهلا في روحك خويا وربي يوفقنا كامل

[*منارةツالبحر*]

ربي يوفقها انشاء الله شعيب حتا انا نروح نراجع فرونسي شويا
في امان الله

[lynz hardoussa]

حبسي قبل مانحط نزيدلك شوي برك

في الألسنات نحسبو من أقرب جهة للرابطة الثنائية ونكتبوها من الشكل ألس-(كتابة رقم الذرة المرتبطة بالرابطة الثنائية)-إن

في الألسينات نحسبو من أقرب جهة للرابطة الثلاثية ونكتبوها من الشكل ألس-(كتابة رقم الذرة المرتبطة بالرابطة الثلاثية)-إين

وفي الكحولات نحسبو من أقرب جهة لذرة الكربون المرتبطة بالـoh ونكتبوها من الشكل ألكان-(كتابة رقم الذرة المرتبطة بالأكسجين)-ول

وغذا كان مرتبط بالـoh ذرتي هدروجين نسميو الكحول أولي إذا كنت مرتبطة بيها ذرة واحدة من الهدروجين نسميوه كحول ثانوي وإذا ماكانتش مرتبطة بيه أي ذرة من الهدروجين نسميوه ثالثي

فاهمة؟


راني فهمت درك
اك نحل السيجي تيعك و نحط الحل
حقا انا ما نقدرش نكونكتي مم بعد لانو اختي تسحق الميكرو
لاكن غدوا مانقراش الصباح و نكونكتي باه نكمل المراجعة
كي ترجع اكتب واش راح تعقب و عا قداش تعقب
تصبحو كامل علا خير
بالتوفيق في الاختبارات شعيب ايمان اميرة
دمتم في امان الله
سلام :mh31:

[lynz hardoussa]

من فضلكم
حاولو في هاد التمرين و ما تبخلوش
http://www.4shared.com/photo/FtR_OZlX/gview.html?

[*أســيـــــرツالــبــســـمـــة*]

صايي هاني شفت الحل


والاسم : أمينة


انتهلا في روحك خويا وربي يوفقنا كامل

متشرف بمعرفتك أختي أمينة

ومتشرف بوجودك معنا

ربي يوفقك ختي

[*أســيـــــرツالــبــســـمـــة*]

ربي يوفقها انشاء الله شعيب حتا انا نروح نراجع فرونسي شويا
في امان الله

ربي يوفقك في الكراجعة تاك أمورة ويجعلك من الأوائل إن شاء الله

شكرا على المناقشة الطيبة ختي

ربي يوفقك

[*أســيـــــرツالــبــســـمـــة*]

راني فهمت درك
اك نحل السيجي تيعك و نحط الحل
حقا انا ما نقدرش نكونكتي مم بعد لانو اختي تسحق الميكرو
لاكن غدوا مانقراش الصباح و نكونكتي باه نكمل المراجعة
كي ترجع اكتب واش راح تعقب و عا قداش تعقب
تصبحو كامل علا خير
بالتوفيق في الاختبارات شعيب ايمان اميرة
دمتم في امان الله
سلام :mh31:

مايكون غير خاطرك ختي لينا

بصح ردي بالك لا تكتبي كلمة شكر أوكي؟

درك نشوف الحل ونصححلك وغدا راكي تشوفيه أوكي؟

لينا غدا راني نعقب من 8 حتان 12 وراح كي نجي طوووول نجيتوالك نشوف واش فهمتي و واش مافهمتيش أوكي؟

نعقب علوم وإنجليزية أدعيلي ربي يوفقني إن شاء الله

تصبحي بخير لينا

وتصبحو بخير كااااااااااامل أمورة وأمينة تهلاو في رواحكم

[*أســيـــــرツالــبــســـمـــة*]

وين راه الحل لينا؟

هرابة لاه ماكملتيش المراجعة تاعك؟

[*أســيـــــرツالــبــســـمـــة*]

سامحيني لينا مانقدرش نحاول مع هذاك التمرين لأني لازم نراجع علوم مانيش مراجعها مليح

تصبحوا بخير كااااااااامل

[*أســيـــــرツالــبــســـمـــة*]

لينا تفضلي ممكن تفيدك (http://www.ziddu.com/download/8445352/_________________________.pdf.html)

[lynz hardoussa]

صباح الخير
للي راحو يعقبو امتحانات ربي ان شاء الله يسهل الهم كامل و انا لعشيا
حقا شعيب سامحني لبارح ماقدرتش نقعد في الميكرو خلاه
حليت السيجي تيعك على 4 تع الصباح :1:
و ها هو الحل
ان شاء الله صحيح و تاني انت كي تجي انا نروح
نرجع لعشيا على ال 5 باذن الله
لانو حابة نراجع معاكم علوم :o
ها هو الحل
http://dc399.4shared.com/img/f8V3xm58/s7/0.8913830352885863/img126.jpg
http://dc399.4shared.com/img/EkzHOQdH/s7/0.5470418264255782/img127.jpg
http://dc399.4shared.com/img/vgV79pA2/s7/9.212779318570341E-4/img128.jpg
http://dc399.4shared.com/img/0WZbgXRi/s7/0.8635897949230672/img129.jpg
http://dc399.4shared.com/img/7PzFIkJF/s7/0.6370449784927916/img130.jpg
http://dc399.4shared.com/img/P_FGgyJ4/s7/0.27315595178410723/img131.jpg
http://dc399.4shared.com/img/3_Ag06mK/s7/0.45628016910927527/img132.jpg

دمتم في امان الله
سلام :mh31:

[*أســيـــــرツالــبــســـمـــة*]

السلام عليكم صباح الخير عليكم كيف أحوالكم؟

لينا الحل راه صحيح فيه بعض الأخطاء فقط

إن شاء الله ربي يوفقك في الإختبار

ويوفقنا كااااااااااامل

أنا راني خدمت في العلوم والإنجليزية

إن شاء الله 18.5 20 على التوالي

وندعيلكم لعلامات أفضل إن شاء الله

ربي يوفقكم كاااااااامل

في المساء مانقدرش نجي رايح توال ولد عمي نطل عليه راه مريض

لينا ممكن غدا إيلا ماقريتيش صباحا نراجع معاك علوم

تهلاو في رواحكم

سلاااااااام

[غصن الأمل]

سلام شعيب
كيف كانت الامتحانات
كملت ولا مازال

[*أســيـــــرツالــبــســـمـــة*]

أهلا سناء والله الحمد لله خدمت مليييييييييح ومازالي غدا إجتماعيات ونخلص

ونتي خدمتي مليح؟ واش مزالك؟

ربي يوفقك سناء وينجحك في حياتك

سلااااام

[قمر الزمان رؤية]

السلام عليكم و رحمة الله

بارك الله فيكم جميعا على تعاونكم

انا كملت اختباراتي امس و الحمد لله


وفقكم الله جميعا

[lynz hardoussa]

اهلا
اليوم اسوا نهار في حياتي
موضوع العلوم الاسلامية كارثة لانو جابلنا مقالة على درس ماقريناهش و جامي سمعت بيه في البرنامج :mad:
اما بالنسبة للفيزياء فهي كارثة اخرى :30:
جابتلنا 2 تمارينات فيزياء و 3 كيمياء
و انا ندير في مسابقة مع الوقت
ربي يستر :(
حقا شعيب خسارة انا غدوا نعقب الصباح
بصح ماعليش علوم راني مراجعتها عندي شوية اشكالية في الجيولوجيا
المهم تهلى في روحك و بالتوفيق في الاجتماعيات غدوا و ربي يجيب الشفاء لولد عمك :rolleyes:
د1 و نحط المواضيع
دمتم في امان الله
سلام

[lynz hardoussa]

موضوع الفيزياء
ص1
http://dc400.4shared.com/img/as4SooMA/s7/img133.jpg
ص2
http://dc400.4shared.com/img/BR_B__X2/s7/img134.jpg

[lynz hardoussa]

موضوع العلوم الاسلامية
http://dc400.4shared.com/img/XjdGaad3/s7/0.40340950786270735/img135.jpg

[غصن الأمل]

أهلا سناء والله الحمد لله خدمت مليييييييييح ومازالي غدا إجتماعيات ونخلص

ونتي خدمتي مليح؟ واش مزالك؟

ربي يوفقك سناء وينجحك في حياتك

سلااااام
والله خدمت لاباس
أنا كملت من يوم 16 ماي
اللهم آمين
باتوفيق في باقي الاختبارات

[غصن الأمل]

موضوع العلوم الاسلامية
http://dc400.4shared.com/img/xjdgaad3/s7/0.40340950786270735/img135.jpg
سلام والله اختبار مليح مي حبيت نسولك
ديرو غير الوضعية الادماجية في الامتحان

[lynz hardoussa]

سلام والله اختبار مليح مي حبيت نسولك
ديرو غير الوضعية الادماجية في الامتحان

الاستاذ تيعنا يحضر فينا للباك
لهذا كل ثلاثي يديرلنا جزء من طريقة طرح الاسئلة في البا ك
الثلاثي هذا المقالة

[soumia1604]

موضوع الفيزياء
ص1
http://dc400.4shared.com/img/as4SooMA/s7/img133.jpg
ص2
http://dc400.4shared.com/img/BR_B__X2/s7/img134.jpg

:dj_17: لينة
الله يبااارك و الله عندك الحق السوجي شوية طوييييل

[ورود الشتاء]

السلاااااااااااااااااااااام عليكم

[lynz hardoussa]

و عليكم السلام

[lynz hardoussa]

واشك اختي ايمان :mh31:

[قطرة تفاؤل *أمينة*]

السلام عليكم ومساء الخير إخواني وأخواتي


باركولي أنا اليوم كملت الامتحانات درنا فيزياء وإنجليزية وكانو الحمد لله ساهلين


تحبو نحطلكم مواضيع تاع المواد اللي ماكملتوهمش؟

[lynz hardoussa]

من هناااااااا ???
:confused:

[lynz hardoussa]

السلام عليكم ومساء الخير إخواني وأخواتي


باركولي أنا اليوم كملت الامتحانات درنا فيزياء وإنجليزية وكانو الحمد لله ساهلين


تحبو نحطلكم مواضيع تاع المواد اللي ماكملتوهمش؟

و الله جابك ربي
اختي سدرة نسحق اختبار العلوم لانو عندش غدوا :o
من فضلك

[قطرة تفاؤل *أمينة*]

أختي معاك أمينة من برج بوعرريج السنة الثانية علوم تجريبية

[soumia1604]

السلام عليكم ومساء الخير إخواني وأخواتي


باركولي أنا اليوم كملت الامتحانات درنا فيزياء وإنجليزية وكانو الحمد لله ساهلين


تحبو نحطلكم مواضيع تاع المواد اللي ماكملتوهمش؟

وي أختي مادا بيك بويسك احنا مازلنا ما درناش الامتحانات
شكراا مسبقاا

[قطرة تفاؤل *أمينة*]

إن شاء الله الآن رايحة نحطولك

[lynz hardoussa]

أختي معاك أمينة من برج بوعرريج السنة الثانية علوم تجريبية

انا لينا من عنابة
2 علوم ت
متشرفة بمعرفتك :mh31:

[lynz hardoussa]

إن شاء الله الآن رايحة نحطولك

شكرااااااااااااااااااا :rolleyes:

[قطرة تفاؤل *أمينة*]

التمرين الأول:

تمثل الوثيقة 1 رسما تخطيطيا لمقطع جيولوجي في منطقة ذات طبقات رسوبية.

أ- ماهي المميزات العامة للصخور الرسوبية؟
ب- ماهي المعلومات الجيولوجية الهامة التي يمكن استخلاصها من دراسة هذا المقطع؟
ج- رتب الأحداث الجيولوجية حسب زمن وقوعها من الأقدم إلى الأحدث


http://idata.over-blog.com/3/51/67/63/sanstitrecjk.jpg


هذا التمرين الأول الآن نزيد نكتبلكم التمرين الثاني ونحطولكم اسمحولي ماعنديش سكانير

[lynz hardoussa]

ماعليش اختي بعقلك

[قطرة تفاؤل *أمينة*]

التمرين الثاني:
تمثل الوثيقة 2 عمود طبقي لمنطقة
· حدد وسط الترسيب للطبقات 1,2,3,4,5,7
· رتب السحن أفقيا من القارة إلى البحر مستعملا أرقام الطبقات
· أرسم المنحنى الصخري ثم أنجز تحليلا أوليا لتغيرات متتالية العمود الصخري
· وضح المسار العام للمتاتلية مع تمثيل التغير برسم سهم معاكس
· فسر المتتالية
الوثيقة 2 فيها الطبقات الرسوبية مرتبة على هذا النحو
8- حجر رملي ناعم
7- كلس به صفيحيات
6- كلس به سرئيات
5- كلس به أمونيت
4- كلس به سرئيات

3-حجر رملي ناعم
2- حجر رملي خشن
1- كونغلوميرات


مازال التمرن الأخير ضرك نكتبوا

[lynz hardoussa]

شكراااااااااا

[قطرة تفاؤل *أمينة*]

التمرين الثالث:
1- يتواجد غاز الأوزون في طبقة ستراتوسفير الذي يوجد على ارتفاع 20 إلى 50 كلم من سطح الأرض بنسبة 90 بالمئة. أجريت منذ سنة 1979 إلى غاية سنة 1991 قياسات بواسطة الأقمار الصناعية لتطور نسبة ضياع غاز الأوزون في هذه الطبقة الموافقة لمختلف خطوط العرض للكرة الأرضية
نتائج هذه القياسات هي كالتالي:
-60 جنوبا : نسبة الضياع -9
-40 جنوبا: نسبة الضياع -4
-20 جنوبا نسبة الضياع -1
0 نسبة الضياع 0
20 شمالا نسبة الضياع 1
40 شمالا : نسبة الضياع -3.5
60شمالا : نسبة الضياع -4


الأسئلة:
1-ترجم النتائج المسجلة إلى منحنى بياني تمثل فيه نسبة ضياع غاز الأوزون بدلالة خطوط العرض
2-حلل المنحنى المحصل عليه
3- حدد بواسطة دائرة على المنحنى المحصل عليه على المنطقة من الكرة الأرضية الأكثر ضياعا لغاز الأوزون

4- توجد عدة أدلة تبين أن الكرة الأرضية تشهد حاليا ارتفاع في درجة الحرارة
قدم حججا حول ارتفاع درجة حرارة الأرض ومسؤولية الإنسان في التغيرات التي يشهدها محيط الكرة الأرضية



انتهى


كشما متفهموش قولولي هاني معاكم وإذا تحبوا نتناقشوا

[قطرة تفاؤل *أمينة*]

أين أنتم؟

لينا أين ذهبت؟

[lynz hardoussa]

اختي امينة احنا ما كملناش الجيولوجيا
لذلك ت 3 مانسحقوش اسفة كثيرا تعبتك معايا لاني كنت نحساب فيه عا الطفرات
ت 1 من فضلك اذا قدرتي قوليلي الجواب باش نقارن مع الاجوبة تيعي
اذا حبيتي ^^

[قطرة تفاؤل *أمينة*]

كيما قال المصري: تعبك راحة

والتمرين الأول ماعنديش الإجابة النموذجية مي نقلك أنا كيفاش جاوبت

أ - المميزات العامة للصخور الرسوبية:
- الصخور البارزة صلبة والداخلة هشة
- مرتبة من الأقدم إلى الحديثة حيث تكون الأقدم في الأسفل
- نشأت من الصخور المتحولة والنارية
- هي نوعان فتاتية وكيميائية

(شوفي الخصائص البتروغرافية للصخور الرسوبية)

ب- المعلومات الجيولوجية:
- الطبقات مرتبة من الأقدم إلى الأحدث 7-6-5-4-3--2-1
- الطبقات 7-6-5-4-3 هي طبقات قديمة مطوية تعرضات لعوامل الطي والفوالق
- الطبقات 2-1 هي طبقات حديثة أفقية

ج- الأحداث الجيولوجية
مرحلة التوضع الأول --- مرحلة الحركات التكتونية ----- مرحلة التعرية ---------مرحلة التوضع الثاني



أنا هكذا أجبت ولا أدري إن كان الجواب صحيحا
وأنت كيفاش جاوبتي؟

[lynz hardoussa]

نفس جوابك انتي
شكراااااا جزيلا اختي
ان شاء الله تتسجل في ميزان حسناتك ^^
اختي راهم يعيطولي علا العشاء
مالا صحى عشاك
و شكراااا مجددا
و اذا سحقيتي اي حاجة قوليلي
دمت في امان الله
سلام

[قطرة تفاؤل *أمينة*]

صح عشاك أختي
وربي يوفقك

[ورود الشتاء]

التمرين الثالث:
1- يتواجد غاز الأوزون في طبقة ستراتوسفير الذي يوجد على ارتفاع 20 إلى 50 كلم من سطح الأرض بنسبة 90 بالمئة. أجريت منذ سنة 1979 إلى غاية سنة 1991 قياسات بواسطة الأقمار الصناعية لتطور نسبة ضياع غاز الأوزون في هذه الطبقة الموافقة لمختلف خطوط العرض للكرة الأرضية
نتائج هذه القياسات هي كالتالي:
-60 جنوبا : نسبة الضياع -9
-40 جنوبا: نسبة الضياع -4
-20 جنوبا نسبة الضياع -1
0 نسبة الضياع 0
20 شمالا نسبة الضياع 1
40 شمالا : نسبة الضياع -3.5
60شمالا : نسبة الضياع -4


الأسئلة:
1-ترجم النتائج المسجلة إلى منحنى بياني تمثل فيه نسبة ضياع غاز الأوزون بدلالة خطوط العرض
2-حلل المنحنى المحصل عليه
3- حدد بواسطة دائرة على المنحنى المحصل عليه على المنطقة من الكرة الأرضية الأكثر ضياعا لغاز الأوزون

4- توجد عدة أدلة تبين أن الكرة الأرضية تشهد حاليا ارتفاع في درجة الحرارة
قدم حججا حول ارتفاع درجة حرارة الأرض ومسؤولية الإنسان في التغيرات التي يشهدها محيط الكرة الأرضية



انتهى


كشما متفهموش قولولي هاني معاكم وإذا تحبوا نتناقشوا
هدا التمرين طاحنا فى الاختبار

[*منارةツالبحر*]

وفقكم الله وسدد خطاكم
شوشو غدوة نتلقاو و نهدرو علا الاختبرات
حقا بشفا علا وليد عمك