عاجل الثانوية تنتفض من اجل العتبة [الأرشيف] - منتديات الجلفة لكل الجزائريين و العرب

مشاهدة النسخة كاملة : عاجل الثانوية تنتفض من اجل العتبة

قلب فلسطيني حر

2011-05-15, 22:25

السلام عليكم ورحمة الله تعالى وبركاته

:dj_17:

حبيت نخبركم اليوم ... خبرية عبالي باللي راح تتخلعواا .. mais لازم تعرفوا :19:

كلكم تعرفون العتبة ... وماذا جاء في العتبة

بالنسبة لنااا .. ثــــــــــ:Dــــــــــآنوية بئر توتة .. التابعة للمقاطعة الغربية للجزائر

الدروس وقفت عند

التاريخ ... الجزائر

الجغرافياا ... البرازيل

الرياضيات .... التكامل ومادرناش توظيف التاكمل في حساب المساحات والحجوم

العلوم ... الفسفرة التاكسدية

الفيزياا .. ميكانيك

فلسفة ... الشعور بالانا والشعور بالغير وماكملناهش

عربية .. مادرناش القصة ؟؟

انجلش ... مادرناش feeligs

فرنسي ... كملنا

.....

حب يقول عتبة مجرد حبر على ورق :1:... ماكاش منها :mh5858:.... يمالا .. درنا اضراب .:cool:... فريد من نوعوو :cool:

بما انو الدراسة انتهت ... ماكاش علامش نديروو ...

درنا علاا الامتحان التجريبي .... bac blanc ... :19:

ماجوزناش .... ولمزيد من المعلومات .... تقدرو تشوفو الشوروق هدرو علينا ..... :1:

http://www.echoroukonline.com/ara/national/75269.html

عبرووا عن رأيكم ... حتى لوكان ماسمعوناش وماححقوش واش رانا حابين .. بصح عالاقل نكونو درنا حاجة

وديرو في بالكم حنا ماراناش خاسرين والو .. هوما اللي راهم خااااااااااااااااسرين ...

صدقوني لدرجة ولاو يحلو فينا باش نجوزو الباك التجريبي ... أطلـــــــــــــــــــــــــــــق العـــــــنــآن لابداعك

asmar&zizo

2011-05-15, 22:56

nessta3ref bikom.bzf wallah ghir bzf.

°واحد من الناس °

2011-05-16, 06:13

احناااا كملنا دروووسنااا كااامل وربي يوفقكم

مي اذا تسحقوونا انا معاااكم

بااااه يولي عندنا وزن اعتراااضي

ههه

°واحد من الناس °

2011-05-16, 06:20

من بصح لي يعجبك الغلطة نتااع الشيووخة نتااوعنا اعطااوهم العتبة هكا باااش ميتحااسبووش ولا الوزااارة راااحت لليسي واااحد
وسقسااات وداارت العتبة

سنة4

2011-05-16, 11:11

يعطيكم الصحة راني معاكم
نرييييييييييييد اسقاط بن بوزيد الكلب ونرييييد التغييير في العتبة

tedj eddine3

2011-05-16, 11:18

وشي يا خاوتي واش كاين
احمدوا ربي بلي راه كاين عتبة

anis_crb

2011-05-16, 11:23

يا اختي انا نقرا فالتانوية نتاع بئر التوتة بالاك نعرفك المهم راح نكتبوا شكوى او نبعتوها لمديرية التربية

To Gether

2011-05-16, 11:31

لكن نظن الي حلوكم باش تديرو هما الاساتذة مشي بن بوزيد العربيد الشمقمق المريد :)

حنا رانا نطالبو ينقصو من هم الحفظ هدا ماكان الباقي كلو عادي متنساوش حنا تجريبيين كيفاش تقولو نقص في الرياضيات و الفيزياء ؟

مابقاش باك يا الخاوة ، ان شاء الله قاع رانا ناجحين مي اذا رضا واحد بالباك ديالو وبتعبو لي تعبو عام كامل نعطيلو واش يحب :)

رهف فتاة

2011-05-16, 12:02

l3ataba tbka kima rahi je pens pa ynksso mem benbouzid demanda yakraw f had 2 sem lli makmloch programm
w à mon avi c ça le vrai bac

To Gether

2011-05-16, 12:09

شوف اعلنوا الزحف المقدس ، لازم قاع الجيوش تجي من الصحرا وتاني من اوروبا ، الملايين راهم معاكم
بصح ماتضيعوش وقتكم :)

faty203

2011-05-16, 12:10

احناااا كملنا دروووسنااا كااامل وربي يوفقكم

مي اذا تسحقوونا انا معاااكم

بااااه يولي عندنا وزن اعتراااضي

ههه

حتى ولو كملتي البرنامج في رايك فاهمتيه كامل ؟؟؟
نفرض انك فاهمتيه كامل تقدري تروحي للاختبار وانتي محضرة مجلد على جال باش تمتحني في ورقة تشمل موضوع
ربي يهديهم واخلاص المشكلة ماهيش مادة ولا جوز راهم مواااااااااااااااااااد مواد
والمشكلة الاكبر والي من حقهم العتبة شعبة العلوم التجريبية لانهم لازمهم كيما المواد الادبية المواد العلمية ما يقدروش يركزو حاجة ويخلو حاجة لازم يتوفقو فيهم اكل وهدا الشئ ماشي ساهل
نتمنى صوت مدرسة عين توتة يوصل على الاقل هم اقرب للسماع احنا في الجنوب كون نديرو مش راح يسمعونا
نتمنى التوفيق للجميع

leen ahmed

2011-05-16, 12:17

من فضلكم حبيت نسقسيكم حاجة لما ذا التعليق تاعي كي نكتبو في الشروق اون لاين ما يظهرش بليييييز جاوبوني

leen ahmed

2011-05-16, 12:19

شوف اعلنوا الزحف المقدس ، لازم قاع الجيوش تجي من الصحرا وتاني من اوروبا ، الملايين راهم معاكم
بصح ماتضيعوش وقتكم :)
عندك الحق .....

همس المطر

2011-05-16, 12:26

عندكم الحق ديروا اضراب وانا مساندتكم حنا تاني درس فلسطين ماقريناش ودرس الاخير في الجغرافيا ماقريناش ودرس الفلسفة العلوم الانسانية ماقريناش وماناش قادرين نديروا والوا الا اننا نقراوهم وربي يوفقنا

‘♥’حسناء‘♥’ او ‘♥’جسناء’22‘♥

2011-05-16, 12:28

الشعب يريد اسقاط السكير

الشعب يريد اسقاط الحقير

جماعة لازم نديروها نهار الخميس موحدة على كامل التراب الوطني من 10اصباحا

اريد اراؤكم حتى نبدا فياستدعاء بالفايسبوك

°واحد من الناس °

2011-05-16, 12:32

انا نقدر نعاااونكم بعدد كبير من الطلبة ماا يفووق 10 طالب
لانو نعرف مدييير منتدى نتاااع التعلييم لاثاانوي وفييه الاعضااء

مي

زعما يبدلووها

بالنسبة لي العتبة منااسبة

مي مدااام فيه نااس مكملتش معلييش نعااونووها

ولي محبش

ربي يسهل

نتااع مصلحتو ويحوس الغااشي برك تريكلااامي علييه

مي رجاااء بدوون شتم ياا نااس لانو مش من شيمنا نشتمووو

لانو وااحد منا وفيينا
ووممكن الخطا في الاسااتذة يكونو غاالطوووه بدروووس لم تدرس بعد

على اساس باتاش يقرووها من بعد

باااش ميتحااسبوووش

jojo-angle

2011-05-16, 12:35

ولله نستعرف بيكم وخصنا كامل نديرو اضرااااب علي هاد العتبة

leen ahmed

2011-05-16, 12:35

we are ready

°واحد من الناس °

2011-05-16, 12:54

هااااااااااه وش قلتوووووووووو

To Gether

2011-05-16, 13:28

هيا قاع الى الاضراب
راني معاكم بالقلب يا اخوان
يا ريت يدخل الفصل الاول فقط

‘♥’حسناء‘♥’ او ‘♥’جسناء’22‘♥

2011-05-16, 13:42

انا معكم لكن حددو متى

رهف فتاة

2011-05-16, 13:54

yarit annuler had chahr yzidlnachwia wakt w tani ydirlna haja khfifa

قلب فلسطيني حر

2011-05-16, 18:12

عااجل الاضراب يواصل يومه التاني .... :d

نداء لكل الثانويات التي لم تقدم بعد الامتحانات .. يرجى ان تسمعوا اصواتكم ....

حنا ماراناش نادمين ... درنا حاجة بقناعتنا ... وهاد الشي فرحنااا .... الى الامام ...

للعلم ... راهم كتبو علينا فالجريدة اليوم ... .. .. .:1:

كل ثانوية ..... حرة ....

asma1856

2011-05-16, 18:26

كون راكوا قولتولنا رانا ساندناكم انا زعفت كي ما درناش

boughaba mohamed

2011-05-16, 18:30

واعريييييييييييييييييييييييييييييييين

°واحد من الناس °

2011-05-16, 18:57

اختي
صاااحبة الموضوووع

مشي لي ميهدرش معنااه مشي حر ولا خوااف

كل وااحد واعتقاادو انا حبذت لو كاان يدخل كل البرناامج

ومستعد نريكلااامي على لي ملحقوووش

fiiida

2011-05-16, 20:53

سلام ............ بن بوزيد ره ديارنا كما فاران التجارب .............و ربي يخد فيه الحق:confused::confused::confused::mh5858:

قلب فلسطيني حر

2011-05-16, 21:12

nesrine bou

2011-05-16, 21:52

asmar&zizo

2011-05-16, 22:19

je ss dacor avec vouuuuuuuuuuuuuuuuuuuuuuuuuuuuuuuussssssssssssssss sssssssss

قلب فلسطيني حر

2011-05-16, 22:40

صراحة عندكم الصح ماكملتوش الدروس بصح الحق على الثانوية ديالكم و على الاساتذة و المدير بالدرجة الاولى نتمنى ينصرنا ربي و ندوا كامل حقوقنا و احنا علينا نقراوا و نجيبوا الباك ان شاء الله شكرا على المشاركة

لالا الحق على الوزارة والمفتشية اللي ضغطت على الساتذه مسااكن .. ياتكمل البرنامج يا تتقلع .. هما تان يخافو على الخبزة تعاهم كيما حنا نخافوا لى المستقبل تعنا ...

انا الاساتذة على عيني وراسي ... المشكل ما راهوش هنااا .. االمشكل راهو الفووق ...

اريد ان اسالك سؤال هل انت راضي بالبرنامج او بصيغة اخرى هل راك فاهم كللللللللللش ... وضامن 15 او 16 ؟؟؟

لانو من 10 لل13 ... مايتسماش باك دوكاا ..

khairo17

2011-05-16, 23:01

ربي يعونكم وانشاء الله الثورة لاسقاط بن بوزيد

4MAYJRH

2011-05-17, 00:04

احنا كملنا الدروس وربي يستر

ماتفهم والو

كيفاش راح يديرولكم انتوما

°واحد من الناس °

2011-05-17, 06:32

اخي واحد من الناااس ....

نفهم من هدرتك بللي راك واااجد 100 بال100 .. الله يبارك .. بصح هل انت مقتنع بالبرنامج اللي داروه .. بغش النظر عن العتبة ...

اذا الحرية والمسؤولية داخلة في الفصل الثاني حسب التوزيع السنوي .. كاش ما بقااا .. حنا بسب ضيق الوقت ... نديرو الدرس على شكل مقال والمفروض الدرس وحدوو وتطبيقاتت وحدها ....
حليتو تمارين في العلوم ؟؟؟؟؟؟؟؟؟؟؟؟؟؟؟؟؟؟
لوكان ماشي لي كور ... Les cours ... ماراحش تضمن حتى 10 تاعك ...

يمالا اللي ماعندوش ماكالاه يجوز ....

لا تكونوا انانيين .. البكالوريا عمرها ما كانت لاصحاب 17 و18 :19:.... هادوك ما نهدروش عليهم ... بصح اللي موالف يجيب 11 او 12 ... حراام والله غير حراام ...

الرياضيات لوكان ماشي لي كور ما تقدرش تاخد الافكار حتى الفيزيا :mad:...

والله لا يكلف نفسا الا وسعها ....

لذلك اختي قلت بلي مستعد نسااعدكم عبر الانترنييت

المهم اختي
بالنسبة لياا
العلووم كنت نقرااها وحدي

ومقريييتش ليكوور خلااااص في اي ماادة

وكيفي كيف الغااشي زواالي

مي العلم عمرو مكاان بالمااال ولا الاسااتذة

انا معااك بلي كااين لي الله غالب

هذاااك معطى ربي

وانا مقلتش العكس

بالنسبة للبرنااامج
مش عااجبني كاامل

لانو لا علااااقة للعلمييين بالفلسفة والتااريخ
باااش يولووو يعقبوو شهر وهووما يحفظووو

وهذا وش سمااه انشتااين قتل الابداااااااع

مااام احنا الشيووخة جراااو وبطاااو

احنا كيفنا كيفكم في كل الظرووف

وكلاااصتي كلهم يقراااو حصص الدعم وفيهم لي ملحقش

بصح الخطا والعتااب
منظنش غير الوزاارة لي مسؤووولة علييه

مام الاسااتذة شفت نااس الله يهدييهم لا علااااقة بالتعليييم

بالنسبة لجمييع الدروووس اختي
كااين لي يقدر يلحقهم وكااين لي لالا

وانا معارضتكمش في الانتفااضة
ههه

بصح عاارضت لي يشتم وهو يمكن معلابااالو بواالو

لهذا حتى وان كناا ضحااياا لااازم نخلو شوي وعي للغااشي لي جااياا منوراانا بااش يكووونو هوما القتلة مشي الضحااياا

°واحد من الناس °

2011-05-17, 06:33

قلب فلسطيني حر (http://www.djelfa.info/vb/member.php?u=301834)

لااااه اختي لاااقيتي مشكل مع المواااد ؟؟

boudebane ali

2011-05-17, 08:34

هده مجرد مغالطات التلميد الدي يغيب عن الدروس بدون سبب فهو مسؤول.اما بالنسبة للعتبة لاتوجد هناك دولة في العالم تحدد الدروس التي يمتحن فيها التلميد.اما بالنسبة لكثافة البرامج فتحدد من طرف المختصين في التربية وليس من طرف التلميد

قلب فلسطيني حر

2011-05-17, 20:37

مايحس بالجمرة غير اللي كواتوو ... اخي واحد من الناس قالك البكالوريا 2011 نسبة النجاح 90 في المية يعني اللي راه حاب يدير ميدسين لازملو 17 عالاقل ... وباش دير بيولووجي برك يولي لازملك 15.. وراك تشوف واش راهو صاير في الجامعات .. اما بالنسبة للعتبة ماشي غير الدزاير .. وانما كل المغرب العربي واللي قال بللي الدروس يديروها الاستاذة ماشي التاميذ .. الدروس تقرر من منظمة اليونسكوو ...

abdelailah

2011-05-17, 21:09

نحمدو ربي ونشكروه على العتبة مهما مادارت والو مي أحنا تاني نقسنا دوروس في الجغلرافيا البرازيل وراهنا باغين نعوضو يوم السبت انشاء الله وأما المواد الاخرين كيما العتبة

مي لوكان درنا كلش خير ديفو فينا حنا

ثانوية مولود قاسم العبادلة ولاية بشار

ونقوليكم احنا العام الفايت في ثانوية نتاعنا 100/100دواو الابك علوم تجريبية

°واحد من الناس °

2011-05-18, 07:11

يااا حسرااه ياا صااحبي الا على النسبة

حط وااحد مجتهد في الكلاااصة وتطلع النسبة 100/100

ورااه معتمد في اغلب الثاانوياات

اختي
الجمرة كاااويتنا من بكري مش حتى لدوووك
ومنبعد حتى لوو كان ندو 18 تكويييناا

مي اختي

اسكو تحوسي على تخصص مليييح وحااابة تدخليلو ب 12

هذا غير ممكن

لاااازملك الاجتهاااد

وبما انك علمية

لااازملك تكووني ملييحة في الموااد العلمية وهكا تقدري تدخلي طب

صاافي النسبة مشي مقيااس

اذا كااان كااين فوقنا 200 واااحد دااااو خير منااا
معناااه هووما احق باااش يدخلو للطب

ولا لالا

واذا ولييينا منهم نكووونو احق من لي بعدنا باااش ندخلو طب ؟؟

هكا ولا لالا اختي

سمير2008

2011-05-18, 09:13

يا جماعة اقتدوا بهؤلاء الأبطال ولنقم جميعا بإضراب على مستوى الوطن ألم يفعلها الأساتذة بنا فلنرد عليهم
الأستاذ يدخل اضراب ويخرج منه ب 10 او 20 مليون زايدة لم يخسر شيء
فلنقم بإضراب من أجل تغيير العتبة ولو قامت على الأقل نصف عدد الثانويات فلا شك أن الوزارة ستستجيب عاجلا أم آجلا مثلما يفعل الأساتذة
و على الأقل أن لم تفعل شيء ستأجل تاريخ أجراء البكالوريا حتى تنتهي الدروس
صدقوني ان تعاونا ستسجيب فلا خيار لها

حمدة 20

2011-05-18, 10:50

والله هاذا واش يلزملهم خاصة المواد العلمية لازم نقصونا شويا من مواد الحفظ والله ياسر

احساس2009

2011-05-18, 11:41

اذا تسحقوونا انا معاااكم

قلب فلسطيني حر

2011-05-18, 13:17

اخي واحد من الناس راني معااك ... بصح في وثتهم كان كاين اضراب ؟؟؟ الاساتذة العام اللي فات اضربو كتر من شهرين .. اثروا علينا حنا بالزيادة علاجال الاضراب تاعهم ما كملناش البرنامج تاع رياضيات اللي يعتبر تكملة تاع ها العام .. انا وحده ماقريتش الفضاء والمتتاليات العام اللي فات ... وانا راني حابة نجيب الباك تاعي اللي نقدر نكمل بيه التخصص اللي راني حاباتو .. حتى لوكان ما كتبليش ربي هاد العام العام الجاي .... بصح الفكرة اللي حبيت نوصلهالك سي كو رانا وراكم مظلوووومين ...........

نسيبةB

2011-05-18, 14:31

بالتوفيق لما فيه خير

°واحد من الناس °

2011-05-18, 14:33

اختي معك الحققق

مي قتلك منعرفووش ليمن نعطو الحق
وليمن لالا

متفرة فييينااا
برك

و قدرااتك اختي تخليييك
تجييبي معدل فووور ؟؟

وش مقريتووووش ؟

قلب فلسطيني حر

2011-05-18, 22:47

رانا حنكملو .. السؤولية والحرية .. والتاريخ والجغرافيا كاين اللي حبسو في الحرب الباردة الدزاير وماداروهاش وحنا تان راح نكملو البرازيل .. اما في الرياضيات راني ندير لي كور رانا فالتكامل .. والفيزيا كيف كيف ما قريتش الاسترة راني نسنا فلي كور ...

صحيح .. ثانوية دويرة راهم اضراب ايضااا ..

شكرا اخي واحد من الناس ...

وشكراا لكل من ساندنا ولو برد ... دامكم بخير

محمد بن فرحي

2011-05-19, 09:11

ان شاء الله ننجحوا كامل

wissam90

2011-05-19, 12:41

ya wadi nasta3ref bikoummmmm
cha777 fihoum yastahlo katerrrrrrr

سمير2008

2011-05-19, 16:36

ادخلوا فيس بوك وساعدونا على هذه الصفحة انشروها
لا لعتبة بن بوزيد-ولا لبكالوريا بيضاء-اضراب يوم الاحد