هل تعرفون هذا المصطلح؟

[ام سليمان]

كثرا ما كنا نستعمل هذه اللفظة في اعراسنا . واليوم في الحقيقة لم اسمعها كثيرا.......
المصطلح هو " التاوسة"..



ارجو منكم الرد

[diyaa.alcamare]

لا جامي سمعتو

[نينا الجزائرية]

السلام عليكم
تاوسة معنتها
مبلغ من مال يعطيه المعروض للعرس لاهل العرس
كهدية للعريس او العروسة

[ام سليمان]

السلام عليكم

تاوسة معنتها
مبلغ من مال يعطيه المعروض للعرس لاهل العرس

كهدية للعريس او العروسة

عليك نور . هذا هو المعنى لهذا المصطلح.

[zineb18]

الصراحة انا ولا مرة سمعت به
شكرا لكم على المعلومة الجديدة

[yasmin02]

السلام عليكم
تاوسة معنتها
مبلغ من مال يعطيه المعروض للعرس لاهل العرس
كهدية للعريس او العروسة



انا بصراحة جامي سمعتو بصح اذا كان معناه كيما قالت الاخت دينا حنا عندنا تقوليه-باروك-

[ام سليمان]

انا بصراحة جامي سمعتو بصح اذا كان معناه كيما قالت الاخت دينا حنا عندنا تقوليه-باروك-

اعطيتينا معلومة جديدة مشكورة عليه

[djamel.algerwa]

معناها اعطاء مبلغ من المال أو هدية للمعني به

[tikimiw]

الطاصة.........

[//هاجر//]

والله اول مرة نسمع بيها مي شكرا على المعلومة الجديدة

[امل الجنة]

هو مبلغ يتم تقديمه للعريس في ليلة عرسه من طرف المدعوون وذلك لاعانته في مصاريف الزواج او كهدية

[ام سليمان]

الطاصة.........
شاك تخلط يا وليدي؟؟؟؟؟؟؟؟؟؟؟؟؟

[نهااال]

و الله عمري ما سمعت بيها

عفوا ما قدرتش نعطيك معلومة عليها

[مبْدِعَـﮧْ حَتَّى فِي ـأَخْطَآْئِي]

أول مـــــرة في حياتي

شكرا

[ام سليمان]

هي مبلغ من المال يسلمه المدعوون لاهل البيت وتكون للام في غالب الاحيان............ وتكون قبل القعدة "العروسة" بحيث توضع قصعة امام الملأ ويتقدم المدعوون لتسليم المال او الهدية.
ولقد بدات في الزوال والاضمحلال.

[noussa ايمان]

اول مرة نسمع بيها

[asma1s]

التاوسة ماشي غير للعروسة حتى زعما كي يزيد طفل نقولو -نروحو نتوسو ليماه - او عندما واحد يجيب الباك ولا الليسانس .... نقولو - نتوسولو - ........ يستعمل في عدة مناسابات ماشي محدد غير للعروسة .

[احمدايمن]

هو مبلغ غير معين من المال يقدم في جماعة من كبار المدعوين لأهل العريس يجمع في سنية أو شيء من هذا القبيل ويقدمونه واحدا بواحد الى أن ينتهي اخر فرد معزوم ويتخلله من الحين لآخر الصلاة على النبي وهذه تكون كالمساعدة للعريس على تغطية بعض المصاريف التي انفقها في زفافه ونفس الشئ عند النساء . الدعوة تكون عامة
اما حاليا تغيرت هذه المعطيات واصبح المدعوون يحملون التهاني الشفاهية وأحيانا هداية رمزية والدعوة محدودة على الاقارب والاهل وبعض الاصدقاء.

[الفتاة القائدة]

حنا نسميوها الفال هههههههههههههههههههههه

[ضفاف المجد]

تغيرت بالهدايا من زمن بعيد

[قلب صادق]

التاوسة في جهةالغرب الجزائري معناها مساعدة وتكون اغلب الاحيان للالعريس يوم عرسه وفي الجنوب تسمى التويزة ومعناها المسسسسسسسسسسسسسسسسسسسسسسسسسسسسسسسسسسسسسسسسسسساعدة شكرا

[roooki]

شكرا على الموضوع

[nafla]

تاوسة معناها دوارة لخروف.يقولوها ناس بوسعادة. :mh92:

[ام سليمان]

تاوسة معناها دوارة لخروف.يقولوها ناس بوسعادة. :mh92:



الله يبارك........بصح الدوارة هي الدوارة ماشي التاوسة.

[@[نســـــيم ♥ الجـــــود]@]

احنا نقولو الباروك

[ام سليمان]

ولكن من انتم؟؟؟؟؟؟اقصد في اي جهة انت؟؟

[ميني الجزائرية]

انانعرفها التاوسة ........

[rachidmath]

السلام عليكم
تاوسة معنتها
مبلغ من مال يعطيه المعروض للعرس لاهل العرس
كهدية للعريس او العروسة



جامي لا سمعتوووووووووووووووووو

[minachaouia]

c une saume dargent quon donne a la mariée ou a sa maman qui remplace le cado é ce terme é tré utilisé a alger

[train305l]

هو مبلغ يتم تقديمه للعريس في ليلة عرسه من طرف المدعوون وذلك لاعانته في مصاريف الزواج او كهدية
ouiiiiii c sa

[البلبلة]

حنا نقولولو الفرح

(الراء فوقها سكون)

شكرا على المعلومة

[عاشقة رسول الانام]

هي مبلغ من المال يسلمه المدعوون لصاحب العرس او العروس ليهنئه بالعرس

هذه هي

نحن نستخدمها كثيرا في اعراسنا

[انامل]

ناس الشرق يسموه الحْــطوط أو الفــَرْح

[salah60]

التاوزة او الفال

[دموع الحيــاة]

هو مجموعة من النقود

سواء في مناسبة - حجيلة - أو إعانة لشخص ما ..

يعطيه كثير من الأشخاص لشخص واحد

[asma28hd]

التاوسة لما كانو يديرو العرس بالغايطة يمدو لمعاريض مبلغ لمساعدة العريس

[fee des neiges]

السلام عليكم احنا نقولو البروك او الفال

[chicou]

أول مرة نسمع بهاد المصطلح