لي كانوا في ...........

[نسرين سامي]

السؤال الاول
هي تاع يقترب من الناظم او يبتعد لكن منيش متذكرة بالظبط

[silya28]

معناه اذا انتقل الشعاع من وسط إلى وسط أكثر كسرا تقترب الزاوية من الناظم ( الزجاج أكبر من الماء )

[silya28]

السؤال الثاني :
يجب ايجاد قرينة الإنكسار .. و لا ؟؟

[نسرين سامي]

ايه هذيك هي
d=i+rهذا هو القانون لي نحسبوا بيه

[silya28]

الزجاج عادة : 1.5
الماء معطى : 1.33
n=1.33/1.5=0.88

[نسرين سامي]

لكن في السؤال الاخير راهو طالب منك انكي تحسبيه

[silya28]

ايه هذيك هي
d=i+rهذا هو القانون لي نحسبوا بيه
هل تقصدين d=r1+r2

[نسرين سامي]

4.4=30-r
r= 25.6

[نسرين سامي]

هل تقصدين d=r1+r2
لا انما هو قانون مقدار الانحراف

[silya28]

معناه في السؤال الأخير لي نستعملوا العلاقة n1 sin i1 = n1 sin i2

[نسرين سامي]

نعم في السؤال الاخير

[silya28]

4.4=30-r
r= 25.6

okkkkkk .........

[نسرين سامي]

مبارك لك عضوا نشيط
لقيتها 1.5

[silya28]

اذا ما الفرق بين القانون نتاعك و القانون نتاعي ... مازال مافهمتش هو قالك أحسب r2 و نتيا درتي في القانون i

[silya28]

مبارك لك عضوا نشيط
لقيتها 1.5

الله يبارك فيــــــــــــــــــك أخيتي لعقوبة ان شاء الله لعضو مميز ليا وليك ....:19::19::mh31::mh31::cool::cool:

[نسرين سامي]

صح هو نفسه لكن انا كي قريت زاوية الورود مالفين نديروها i

[نسرين سامي]

الله يبارك فيــــــــــــــــــك أخيتي لعقوبة ان شاء الله لعضو مميز ليا وليك ....:19::19::mh31::mh31::cool::cool:
ان شاء الله :19:

[silya28]

حتا أنا لقيتها بالتقريب 1.5

[silya28]

يخي المهم r=i

[silya28]

مالا أنا نخليك // غدوا صباح إذا ماكنتش مشغولة راني ندخل إن شاء الله

http://dafina.net/forums/file.php?50,file=222789,filename=Ectac.Bonne-nuit41.03_1_.gif

[نسرين سامي]

سلام تصبحين على خير

[silya28]

سلااااااااااااااااااااااااااااااااااااااام

[wxc12wxc]

السلام عليكم هل يمكنني المراجعة معكم

[نسرين سامي]

صباح الخير لبناااااااات
لبارح وليوم راني كامل منيش مليحة لمورال راهوا هابط راني متقلقة بزاف الاختبارات نهار الثلاثاء او الاربعاء وانا ماني مريفيزيا والوا
المهم شوفوا هذ السيجي تاع فيزياء لقيتوا في المنتدى من طرف bourdiji bouzid نتناقشوا فيه

http://www.mlfnt.com/do.php?id=453780 (http://www.mlfnt.com/do.php?id=453780)
سيليا قوليلي وقتاش تدخلي باه نتلاقاو

[silya28]

صبااااااااااح النوررررر نسرين // كيف الحال ؟؟؟؟؟؟
أنا راني لهنا واش تقولي لوكان نبداو دركا .........

[silya28]

ماتقلقيش روحك خلاص بخصوص الإختبارات إن شاء الله مايجو الإختبارات تكووونــــي فور فيهم كامل // و أنا راني لهنا لن أدخر جهدا في مساعدتك ..... وإن شاء الله les sujets لي راهم عندي نحطهملك ابتداءا من يوم الأحد يعني كي نكمل الإنتحارات نتاوعي كيما تقول ســـــــــــــــــــــــمية ............

[silya28]

وييييييييييييييييييييين راكي أختي نسرين ؟؟؟؟؟؟؟

[silya28]

ملا نخرج و مباعد جوايه الوحدة ........

[نسرين سامي]

سلام سيليا راني هنا

[نسرين سامي]

ماتقلقيش روحك خلاص بخصوص الإختبارات إن شاء الله مايجو الإختبارات تكووونــــي فور فيهم كامل // و أنا راني لهنا لن أدخر جهدا في مساعدتك ..... وإن شاء الله les sujets لي راهم عندي نحطهملك ابتداءا من يوم الأحد يعني كي نكمل الإنتحارات نتاوعي كيما تقول ســـــــــــــــــــــــمية ............
يعطيك الصحة صديقتي العزيزة شكرا لك :mh31:

[silya28]

sallluuuttttttt ................

[silya28]

علابالك هاذاوين كنت نحاول في تمرين من الكتاب جاني شويا صعيـــب ماجيت نفهمو شويا بالسيف مي finalement وصلت لنتائج مانيش عارفة صحيحة ولا .........
تحبي نبداو طول في ال sujet لي حطيتيه ولا نشوفو هاد التمرين ؟؟؟

[نسرين سامي]

سلام نروحوا نشوفوا التمرين

[silya28]

okkk هو ص 156 رقم 13

[silya28]

نسرين كيفاش راه الجو عندكم ؟؟ ...... حنا من يوم الخميس المطر و البرد تقول شي رجع الشتاء

[silya28]

ملاحظة : الصيغة لي في الكتاب تع الكحول الايثيلي خاطئة // الصيغة الصحيحة هي : c2h6o

[نسرين سامي]

احنا تاني راهو وحد البرد ريح مع المطر رجع الشتاء

[silya28]

معادلة التفاعل الكيميائي :
c2h6o + 3o2 ===> 2co2 + 3h2o

[نسرين سامي]

معادلة التفاعل الكيميائي :
C2h6o + 3o2 ===> 2co2 + 3h2o
هذيك هي :19:

[silya28]

حساب حجم o2 :
نستعمل قانون n = v/vm
ومنه يجب حساب كمية المادة لـ o2 .......

[نسرين سامي]

هل نحسبوا كمية مدة الاكسجين

[silya28]

n(o2) = 3 n ( c2h6o ) aprés
لازم نحسبو كمية المادة لـ c2h6o حيث v=150ml

[silya28]

هل نحسبوا كمية مدة الاكسجين
نعممممممممممممممممممم :19:

[نسرين سامي]

n(o2) = 3 n ( c2h6o ) aprés
لازم نحسبو كمية المادة لـ c2h6o حيث v=150ml
انا هذي تاع الطريقة الثلاثية منيش فاهمتها مليح مدرتهالناش الاستاذة

[silya28]

n(o2) = 3 n ( c2h6o ) aprés
لازم نحسبو كمية المادة لـ c2h6o حيث v=150ml

لذلك يجب حساب v بقانون الكتلة الحجمية المعطاة في المعطيات ..... لكن أولا يجب تحويل
150ml = 150 * 10-3 l =150*10-3 * 10-3 m3 = 150 * 10-6 m3
على ما أظن .......

[نسرين سامي]

شحال لقيتيها 0.003mol

[نسرين سامي]

no2=2*0.003=0.009

[silya28]

انا هذي تاع الطريقة الثلاثية منيش فاهمتها مليح مدرتهالناش الاستاذة

هاذي الطريقة ساهلة بزاف .... بحيث تشوفي فقط للأعداد الستوكيومترية و تقومي باجراء التناسب بين أي عنصرين مثلا هنا نديرو
n(c2h6o) / n ( o2) a = كمية مادة ال c2h6o التي نحن في طور حسابها / 3 * كمية مادة ال o2 وهي المطلوبة

و تساوي 1 = العدد الستوكيومتري لل c2h6o على 3 = العدد الستوكيومتري لل o2

ثم قومي بالمصالبة تلقاي بلي n(o2) = 3 n ( c2h6o )a
درك هاي تبانلك شويا معقدة حاولي طبقيها على ورقة بالرموز تولي تسهل :19:

[silya28]

v=150*10-6
الكتلة الحجمية = 700
و منه m=الكتلة الحجمية * الحجم
أي m = 700*150*10-6 = 105*10-3 kg = 105 g

[نسرين سامي]

هاذي الطريقة ساهلة بزاف .... بحيث تشوفي فقط للأعداد الستوكيومترية و تقومي باجراء التناسب بين أي عنصرين مثلا هنا نديرو
n(c2h6o) / n ( o2) a = كمية مادة ال c2h6o التي نحن في طور حسابها / 3 * كمية مادة ال o2 وهي المطلوبة

و تساوي 1 = العدد الستوكيومتري لل c2h6o على 3 = العدد الستوكيومتري لل o2

ثم قومي بالمصالبة تلقاي بلي n(o2) = 3 n ( c2h6o )a
درك هاي تبانلك شويا معقدة حاولي طبقيها على ورقة بالرموز تولي تسهل :19:
ايه صحا راني كنت نحسبها نديروا هذ الطريقة الا اذا كان المزيج ستيكيومتري
شكرا لكي

[silya28]

الان يجب حساب M الكتلة المولية /// وجدتها 46g/mol
ثم نحسب كمية المادة
n = m / M ومنه n = 105 / 46 ومنه n= 2.28mol

[نسرين سامي]

v=150*10-6
الكتلة الحجمية = 700
و منه m=الكتلة الحجمية * الحجم
أي m = 700*150*10-6 = 105*10-3 kg = 105 g
كيفاش راكي درتي
انا راني درت nc2h6o=0.15l/46=0.003mol

[silya28]

ثم نعوض مباشرة اي n(o2) = 3 * 2.28 = 6.84 mol

[نسرين سامي]

ايه صح راكي حسبتي الكتلة الحجمية بصح حنا منش مالفين نحسبوها يمدوهالنا في المعطيات

[silya28]

كيفاش راكي درتي
انا راني درت nc2h6o=0.15l/46=0.003mol
لالا 0.15 راهي تع الحجم و تاني بال kg حنا لازم نلقاو قبل الكتلة m وهي لي نقسموها على 46

[silya28]

ايه صح راكي حسبتي الكتلة الحجمية بصح حنا منش مالفين نحسبوها يمدوهالنا في المعطيات

لالا ما حسبتهاش ....... حسبت منها الكتلة برك ....

[نسرين سامي]

راهوا في كتابي خاصة المعطيات موهمش كاتبينها

[silya28]

و بما اننا لقينا كمية المادة للـ o2 نقومو بايجاد الحجم فقط باستعمال قانون n = v / vm
أي v = n * vm ومنه v= 6.84 * 25 :أي v = 171 L

[نسرين سامي]

نحسبوا كمية مادة co2 ومبعد نستنتج الحجم

[silya28]

راهوا في كتابي خاصة المعطيات موهمش كاتبينها

علابيها خاطر أنا في كتابي كاين المعطيات هي :
الكتلة الحجمية للايثانول هي 700 kg / m3 و vm = 25L/mol

[نسرين سامي]

لقيتها 4.56mol

[silya28]

نحسبوا كمية مادة co2 ومبعد نستنتج الحجم

ايــــــــــــــــــــــــــــه ... درك نتيا قوليلي كيفاش نلقاوحجم co2 باش نتأكد منك بلي فهمتي الطريقة الثلاثية :19:

[نسرين سامي]

درت 2*6.84/3لقيتها 4.56

[silya28]

لقيتها 4.56mol

اييييه هاديك هي :19::19::19: 10/10 :19::19::19:

[silya28]

درت 2*6.84/3لقيتها 4.56

ولا ديري 2.28*2 تاني تلقايها كيف كيف

[نسرين سامي]

الحجم 4.56*25=114

[silya28]

ثم بقانون n = v / vm أيضا نلقاو النتيجة ....... 114 ل

[نسرين سامي]

اسمحيلي 5دقايق ونرجعلك

[silya28]

كتلة الماء الناتجة ...... 0.38 غ

[silya28]

ماعليـــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــش ...///***////....

[.زَيْنْ الْدِيِنْ.]

السلام عليكم
ممكن نراجع معاكم ؟؟؟

[.زَيْنْ الْدِيِنْ.]

السلام عليكم
ممكن نراجع معاكم ؟؟؟

[❀ بَصْمَـٌﮧْ حُلُمْ ღ]

salam banat kayf lhal asholi ma3andich l'arabe hna haba nsa9sikom li 9raw mn 9bal michanic wach jabolkom fi le compo

[silya28]

سلاااااااااااااااااااام راني رجعت .........

[نسرين سامي]

راني رجعت سيليا واسمحيلي اذا طولت عليك

[نسرين سامي]

السلام عليكم
ممكن نراجع معاكم ؟؟؟
وعليكم السلام تفضل اخي

[silya28]

لالا حتا أنا رحت كنت ناكل في chocolat هههههـ

[silya28]

سلام أختي رؤى ..... أنا درت في الفصل الاول مانيش شافية exacte مي لي شافية بلي حطلنا بعض الأشكال و طلب منا باش نرسمو من مختلف الزوايا ...... ومباعد مانعرف .... والله غير نسيــــــــــــــــــــــــــــــــــــــــــــت

[نسرين سامي]

salam banat kayf lhal asholi ma3andich l'arabe hna haba nsa9sikom li 9raw mn 9bal michanic wach jabolkom fi le compo
سلام رؤى واش راكي
بالنسبة للميكانيك درناها في الدورة الاولى
دارولنا تصنيف المؤسسات وانواع الرسم ومميزاته واستعمالاته
والفرق بين الرسم التجميعي والتعريفي
والفرق بين جدول التسجيلات والتعيينات
وعطاولنا رسمة وقالولنا ديرولها المساقط

[نسرين سامي]

نبداو في سيجي

[.زَيْنْ الْدِيِنْ.]

راني معاكم
وش نراجعو ؟؟

[.زَيْنْ الْدِيِنْ.]

ممكن نراجعو الانجليزية ؟

[نسرين سامي]

رانا نراجعوا في الفيزياء


http://www.mlfnt.com/do.php?id=453780 (http://www.mlfnt.com/do.php?id=453780)

[❀ بَصْمَـٌﮧْ حُلُمْ ღ]

سلام أختي رؤى ..... أنا درت في الفصل الاول مانيش شافية exacte مي لي شافية بلي حطلنا بعض الأشكال و طلب منا باش نرسمو من مختلف الزوايا ...... ومباعد مانعرف .... والله غير نسيــــــــــــــــــــــــــــــــــــــــــــت
merci khti siliya
سلام رؤى واش راكي
بالنسبة للميكانيك درناها في الدورة الاولى
دارولنا تصنيف المؤسسات وانواع الرسم ومميزاته واستعمالاته
والفرق بين الرسم التجميعي والتعريفي
والفرق بين جدول التسجيلات والتعيينات
وعطاولنا رسمة وقالولنا ديرولها المساقط

merci khti nasrin ta3kom sahal j'espere ydirolna kifkom

[.زَيْنْ الْدِيِنْ.]

اوكي
ماكان حتا مشكل
وين وصلتو ؟

[silya28]

علابالكم الكونيكسيون راها faible

[.زَيْنْ الْدِيِنْ.]

رانا كيف كيف
كل 5 دقايق
نطفي المودام

[نسرين سامي]

معليش روحي ومنبعد نتلاقاو قوليلي وقتاش

[silya28]

شحاااال الكتلة المولية ل caco3 ؟؟؟؟؟؟؟؟؟؟؟؟؟؟

[silya28]

لالا c bon نغدر نكمل معاكم ......

[.زَيْنْ الْدِيِنْ.]

144 غرام / مول

[silya28]

اذن كمية المادة هي 0.01 مول .....

[نسرين سامي]

هي 100.....

[silya28]

كيفاش درتي أختي نسرين باش لقيتي 100
أنا درت قانون n= m / M

[نسرين سامي]

100 قصدي الكتل المولية الذرية لكربونات الكلسيوم

[نسرين سامي]

ncaco3=0.002mol

[silya28]

كمية المادة ل h3o لقيتها هي نفسها و استعملت قانون تع c= n/ v
لكن لو نأتي لنستعمل الطريقة الاخرى بواسطة الاعداد الستوكيومترية مانلقاوهاش نفسها ....... لا ادري لماذا ؟؟؟

[نسرين سامي]

nh3o=c*v=0.1*0.1=0.01mol

[silya28]

مالا علابيها لقيت خطأ ...... المهم انا لقيتها فقط 0.02 مول و ليس 0.002 أختي نسرين ........

[نسرين سامي]

كمية المادة ل h3o لقيتها هي نفسها و استعملت قانون تع c= n/ v
لكن لو نأتي لنستعمل الطريقة الاخرى بواسطة الاعداد الستوكيومترية مانلقاوهاش نفسها ....... لا ادري لماذا ؟؟؟
بلاك لانها بالشوارد

[نسرين سامي]

مالا علابيها لقيت خطأ ...... المهم انا لقيتها فقط 0.02 مول و ليس 0.002 أختي نسرين ........
خطا مطبعي :1:

[silya28]

okkkkkkkkkkkkkkkkkkkkkkkkkkkkkkkkkkkkkkk

[نسرين سامي]

المنحنى الازرق يمثل g(x
المتقطع يمثل f(x

[silya28]

هي صح كمية المادة لحمض كلور الماء هي 0.01 بصح لوكان نجو نحسبوها بالأعداد الستوكيومترية ماجيش لماااااذاااا؟

[silya28]

بلاك لانها بالشوارد

بالاك ايـــــــــــــــــــه بصح هادي معلومة جديدة ...... متأكدة منها ولا

[نسرين سامي]

التقدم الاعظمي xmax=0.005mol
0.01-2x=0يستلزم ان x=0.005
ومنه المتفاعل المحد هو h3o

[نسرين سامي]

بالاك ايـــــــــــــــــــه بصح هادي معلومة جديدة ...... متأكدة منها ولا
مجرد تخمين لان في معظم التمارين لي نحلوا بيهم تاع الاعداد الستيكيومترية ميعطوناش محاليل

[silya28]

0= EI = 0.2 mol + 0.01 mol
EE = 0.2 - x + 0.01 - 2x=x + 2x
EF = 0.2 xf - + 0.01 - 2xf = xf + 2xf

[silya28]

مجرد تخمين لان في معظم التمارين لي نحلوا بيهم تاع الاعداد الستيكيومترية ميعطوناش محاليل

حنا ثاني ماناش موالفين نحلو التمارين هادي هكذا ..... مي de toutes façons مباعد في الكور راني نسقسي الاستاذ ......

[๑هــد{الفـجـر}وء๑]

سلام بنات اشتقت اليكنّ كثييييييييييرا..............بصح مع القراية و و و و...........ماعنديش الوقت نكونكتي..........

[نسرين سامي]

EF = 0.2 xf - + 0.01 - 2xf = xf +xf+3xff

انا درت هكذا

[نسرين سامي]

سلام بنات اشتقت اليكنّ كثييييييييييرا..............بصح مع القراية و و و و...........ماعنديش الوقت نكونكتي..........
سلام اختي كيف حالكي

[๑هــد{الفـجـر}وء๑]

كمية المادة ل h3o لقيتها هي نفسها و استعملت قانون تع c= n/ v
لكن لو نأتي لنستعمل الطريقة الاخرى بواسطة الاعداد الستوكيومترية مانلقاوهاش نفسها ....... لا ادري لماذا ؟؟؟
اسمحيلي على التدخّل............ربّما لم تستعمليها في محلّها..............فالاعداد الستوكيومترية تقدري تستعمليها فقط لمّا ما يكونش متفاعل محدّ..........ايّ في بعض التمارين فقط............لذا وجدت نتائج مختلفة....

[๑هــد{الفـجـر}وء๑]

سلام اختي كيف حالكي
الحمد لله و انتي؟؟؟؟؟

[silya28]

ايــــــــــــــــــــــــــــــــــــــــــــــــ ـــه نفس الأجوبة .......

[نسرين سامي]

الحمد لله و انتي؟؟؟؟؟
الحمد لله كملتوا الاختبارات

[๑هــد{الفـجـر}وء๑]

لا لا نبدأ غدا و أنتم؟؟............

[silya28]

[/color]
اسمحيلي على التدخّل............ربّما لم تستعمليها في محلّها..............فالاعداد الستوكيومترية تقدري تستعمليها فقط لمّا ما يكونش متفاعل محدّ..........ايّ في بعض التمارين فقط............لذا وجدت نتائج مختلفة....

ماعليش أختي مرحباااا بك معانا :dj_17::mh92: لكن اسمحيلي مازال مافهمتش تقدري تستعمليها فقط لمّا ما يكونش متفاعل محدّ .......:1:

[نسرين سامي]

كية مادة الحالة النهائية
ncaco3=0.15mol
nh3o=0mol
nca=0.005mol
nco2=0.005mol
nh2o=0.015mol

[نسرين سامي]

لا لا نبدأ غدا و أنتم؟؟............
حنا الثلاثاء او الاربعاء

[๑هــد{الفـجـر}وء๑]

ماعليش أختي مرحباااا بك معانا :dj_17::mh92: لكن اسمحيلي مازال مافهمتش تقدري تستعمليها فقط لمّا ما يكونش متفاعل محدّ .......:1:
أقصد اذا لقيتي Xmax نفسو ..........

[๑هــد{الفـجـر}وء๑]

حنا الثلاثاء او الاربعاء
تبداو فيها ولا تخالصو؟؟؟؟؟؟

[silya28]

كية مادة الحالة النهائية
ncaco3=0.15mol
nh3o=0mol
nca=0.005mol
nco2=0.005mol
nh2o=0.015mol

كيفاش لقيتي ncaco3 = 0.15mol ؟؟؟؟

[silya28]

ok مي حنا xmax مالقيناهش نفسو §§!!!!!§§

[نسرين سامي]

كيفاش لقيتي ncaco3 = 0.15mol ؟؟؟؟
0.02-0.0005=0.015

[نسرين سامي]

ok مي حنا xmax مالقيناهش نفسو §§!!!!!§§
شحال لقيتيه

[نسرين سامي]

تبداو فيها ولا تخالصو؟؟؟؟؟؟
نبداو فيها

[๑هــد{الفـجـر}وء๑]

ok مي حنا xmax مالقيناهش نفسو §§!!!!!§§
لذلك لا يصح استعمال الاعداد الستوكيومترية........فهمتي؟؟؟ نستعملوها فقط لما يكون xmax نفسو و الا تخرج النتيجة خاطئة........

[silya28]

بنات أنا دركا نخليكم لازم نروح نقرا الكور ........ بالاك مباعد على 18:00 بلاك ندخل ......... koukou ***

[๑هــد{الفـجـر}وء๑]

نبداو فيها
حظّ موفّق عزيزتي........

[๑هــد{الفـجـر}وء๑]

بنات أنا دركا نخليكم لازم نروح نقرا الكور ........ بالاك مباعد على 18:00 بلاك ندخل ......... koukou ***
اوكي عزيزتي.........بااااي

[silya28]

DZL ma soeur HOUDOU EL FADJR je n'ai pas encore compris //// a tout a l'heuuuuuuuur

[نسرين سامي]

لذلك لا يصح استعمال الاعداد الستوكيومترية........فهمتي؟؟؟ نستعملوها فقط لما يكون xmax نفسو و الا تخرج النتيجة خاطئة........
هل معناه تستعمل الاعداد الستيكيومترية عندما يكون المزيج ستيكيومتري (لايوجد متفاعل محد)

[نسرين سامي]

حظّ موفّق عزيزتي........
وفقك الله انت ايضا

[๑هــد{الفـجـر}وء๑]

هل معناه تستعمل الاعداد الستيكيومترية عندما يكون المزيج ستيكيومتري (لايوجد متفاعل محد)
تماااااااااااااااااما :o

[نسرين سامي]

بنات أنا دركا نخليكم لازم نروح نقرا الكور ........ بالاك مباعد على 18:00 بلاك ندخل ......... koukou ***
سلااااااااااااام سيليا من بعد :mh31:

[๑هــد{الفـجـر}وء๑]

DZL ma soeur HOUDOU EL FADJR je n'ai pas encore compris //// a tout a l'heuuuuuuuur

هل معناه تستعمل الاعداد الستيكيومترية عندما يكون المزيج ستيكيومتري (لايوجد متفاعل محد)

تماااااااااااااااااما :o

ربّما اتّضح الان؟؟؟؟؟؟

[نسرين سامي]

تماااااااااااااااااما :o
انا هاذي لدوختني مرات في تمرين منكونوش عارفينوا اذا راهو مزيج ستيكيومتري وبالرغم من ذالك نحلوا على اساس انه ستيكيومتري

[๑هــد{الفـجـر}وء๑]

انا هاذي لدوختني مرات في تمرين منكونوش عارفينوا اذا راهو مزيج ستيكيومتري وبالرغم من ذالك نحلوا على اساس انه ستيكيومتري
هذا خطأ .......... اذا ما ذكروا انه ستوكيومتري/او لقيتي xmax نفسو لا يصح استعماله

[❀ بَصْمَـٌﮧْ حُلُمْ ღ]

سلآآآم بنات
وشمعناها مزيج سيتوكيومتري ولا غير سيتوكيومتري؟؟؟؟؟؟؟

[๑هــد{الفـجـر}وء๑]

سلآآآم بنات
وشمعناها مزيج سيتوكيومتري ولا غير سيتوكيومتري؟؟؟؟؟؟؟
مزيج ستوكيوميتري.................هو المزيج الذي تنتهي كل المتفاعلات بعد التفاعل

[❀ بَصْمَـٌﮧْ حُلُمْ ღ]

http://www.4shared.com/file/UbLiitbP/Devoirs_Physique_Chechar-cc.html
تفضلو اختبارات في الفيزياء

[الوسيلة]

سلاااام بنات كيف الحال معكن؟
اسفة على الغياب...
مرحبااااا بك مجددا سمية...كيف الحال معك ؟؟ طولتي عليييييينا هاذي غيبة
سلاااااااااااااام

[silya28]

مساء الخيـــــــــــــــــــــــــــــــــر بنات كيف الحال معكن ؟؟؟
أنا غدوا عندي اعلام ماني ماسة فيها والو .... لازم درك نروح نريفيزيها //////
أما الفيزياء راني تاكلة على ربي ........ إن شاء الله يسهللي ...
لا تنــــــــــــــــــــــــــــــــسوني في دعائكم ..................................... انا بأمس الحاجة لـــــــــــه

[نسرين سامي]

سلام شكون لي راهي هنااااااااااا

[نسرين سامي]

مساء الخيـــــــــــــــــــــــــــــــــر بنات كيف الحال معكن ؟؟؟
أنا غدوا عندي اعلام ماني ماسة فيها والو .... لازم درك نروح نريفيزيها //////
أما الفيزياء راني تاكلة على ربي ........ إن شاء الله يسهللي ...
لا تنــــــــــــــــــــــــــــــــسوني في دعائكم ..................................... انا بأمس الحاجة لـــــــــــه
راجعي ملييييييييييييح :19:
ربي يوفقك ودعيلنا معاك :mh31:

[silya28]

شكــــــــــــــــــــــرا أختي نسرين /// .......

[silya28]

راني خايفــــــــــــــــــــــــة من الفيزياء ......مانيش _عارفة لاكان راني موجدة مليح ولا لالا ؟؟؟؟ راني متوترة
المهم درك أسمحولي مانغدرش نبقى ** غدوا إن شاء الله ........

[❀ بَصْمَـٌﮧْ حُلُمْ ღ]

سلآآآم بنات
ربي يوفقك اختي سيليا ان شاءالله يجيو ساهلين انا ثاني غدوة نفوت عربية وتكنولوجيا وشريعة ربي يستر
دعوآآآتكم صديقاتي

[الوسيلة]

موفقات ان شاء الله

[نسرين سامي]

صباح الخير لبناااااااااااات
سيليا ورؤى كيف كانت اختباراتكم لليوم :mh31:
ربي يوفقكم

[❀ بَصْمَـٌﮧْ حُلُمْ ღ]

اهلآآآ بنات انا فوت عربية وتكنولوجيا لاباس خدمت........لعربية جاتنا على الغزل العفيف الناس كامل عرفت تعبر(^-^)اما التكونولوجيا جابولنا سؤاال جامي سمعت الاستاذ هدرلنا عليه مي الحمدلله خدمت ماعليش

[hichaam]

السلام عليكم

جماعة ماذا نحسب بالاعداد الستيكيومترية ؟

[silya28]

السلام عليكم بنات ....... كــــيــــف الحال ...؟....
الحمد لله لي خدمتي مليح أختي رؤى
أنا مارانيش مليحة ما خدمتش في الفيزياء ........ راني شويا مقلقة ..... lol .....lol ....... خاطر تعبت و ماخدمتش ماكفانيش الوقت
de toutes façons لي جابها ربي فيها الخير و الحمد لله على كل شيئ ....
أنا اليوم مانغدرش ندخل في الليل مانيش قاعدة في الدار .....DZL


سلاااااااااااااااااااااااااااااااااااااااااااااااا ااااااااااممممممم
الى الغـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــد

[نسرين سامي]

سلام لبنااااااااات
الحمد لله كي خدمتي رؤى ولعقوبة للمواد الاخرى
اختي لعزيزة سيليا متقلقيش روحك ربي يعوضك ان شاء الله (عسى ان تكرهوا شيئا وهو خير لكم ) ;)

[نسرين سامي]

السلام عليكم

جماعة ماذا نحسب بالاعداد الستيكيومترية ؟
وعليكم السلام
نحسبوا بها كمية المادة

[*نور الجنة*]

بالمناسبة الموضوع لاقا مشاراكات بزاف

[*نور الجنة*]

السلام عليكم بنات ....... كــــيــــف الحال ...؟....
الحمد لله لي خدمتي مليح أختي رؤى
أنا مارانيش مليحة ما خدمتش في الفيزياء ........ راني شويا مقلقة ..... Lol .....lol ....... خاطر تعبت و ماخدمتش ماكفانيش الوقت
de toutes façons لي جابها ربي فيها الخير و الحمد لله على كل شيئ ....
أنا اليوم مانغدرش ندخل في الليل مانيش قاعدة في الدار .....dzl


سلاااااااااااااااااااااااااااااااااااااااااااااااا ااااااااااممممممم
الى الغـــــــــــــــــــــــــــــــــــــــــــــــ ــــــــــــــــــــــــــــــــــــــــــــــــــ ـــــــــــــــــد

معليش اختي سيليا انشاء الله تدي علامة مليحة ربي يكون اللي فيه الخير انشاء الله
متقلقيش روحك حنونة
اوكي
اختك في الله نور الجنة

[الوسيلة]

معليش اختي سيليا
تتعوض في بقية الامتحانات ان شاء الله
سلاااام

[الوسيلة]

اهلآآآ بنات انا فوت عربية وتكنولوجيا لاباس خدمت........لعربية جاتنا على الغزل العفيف الناس كامل عرفت تعبر(^-^)اما التكونولوجيا جابولنا سؤاال جامي سمعت الاستاذ هدرلنا عليه مي الحمدلله خدمت ماعليش
ايا بصحتكم ...لعقوبة لبقية الالمتحانات
سلام

[الوسيلة]

السلام عليكم

جماعة ماذا نحسب بالاعداد الستيكيومترية ؟
نحتاجوهم كي نجو نرسمو جدول التقدم....معناه حساب كمية المادة
وهوما الاساس الى غلطت فيهم يروحلك كل شي
سلاااام

[*نور الجنة*]

ايه شكرا اختي الوسيلة

[silya28]

صباح الخير يا بنات .............................. كـــــــــــيف الحال أخوتي نسرين و رؤى كيف حال التحضير و الإختبارات ..؟؟..

[silya28]

هاكوم sujet تع العلوووووم نتاعنا راهو ساهل و وقت ماتحبو نتناقشو فيه ......... :19:
راه مع الملفات المرفقة .......:1::1:

[silya28]

و هــــــــــــــــــــــــــــــذا تع الأدب ........:mh31:

[silya28]

وهذا تع الإنجليزيــــة ...... و مباعد نحط المحاولات نتاوعي فيــــــــــــــــــه .........

[❀ بَصْمَـٌﮧْ حُلُمْ ღ]

شكرا اختي سيليا على المواضيع لكن كي نكبرهم مايبانوش وانا محتاجة السيجي تاع الانجليزية هذا موقع الرف هزي من وحطيلنا الرابط تعيشيhttp://up.djelfa.info/

[silya28]

ok donc attends 2 secondes .......... même g pas pu les zoooooumer

[silya28]

http://up.djelfa.info/uploads/13061495101.jpg

[silya28]

http://up.djelfa.info/uploads/13061495102.jpg

[silya28]

http://up.djelfa.info/uploads/13061496731.jpg

http://up.djelfa.info/uploads/13061496732.jpg

[silya28]

http://up.djelfa.info/uploads/13061497871.jpg

[silya28]

voillllllllllllllllllllllllla c'est tous ce que g /// les autres matières on a répondu sur la feuille et le physique g jeté le sujet car g t trs énervée et le mate est avec ma copine
KKKOOOUUUKKKOOOUUU

[نسرين سامي]

سلام لبنات
بارك الله فيك اختي سيليا على المواضيع ربي يوفقك

[❀ بَصْمَـٌﮧْ حُلُمْ ღ]

merci حنونة ربي يحفظك
اهلا نسرين كيف الحال انا لبارح لعشية عقبت شريعة جات ساهلة خدمت حمدلله واليوم درت رياضيات جات طويلة وشوي واعرة مي لاباس سلكت روحي وهاذ لعشية عندي انجليزية
سلآآآمي

[نسرين سامي]

سلام رؤى الحمد لله راكي جايبة روحك لعقوبة لبقية المواد
انا اخر وحدة راح نكمل الاختبارات نبداو نهار الاربعاء

[silya28]

إن شاء الله ربـــــــــــــــــــي يـــــــــــكون معاك أختي رؤى و بالتوفيـــــــــــــــــــق .......

[silya28]

مساء الخيـــــــــــر نسرين كيف الحال ؟؟؟

[نسرين سامي]

مساء النور
لاباس الحمد لله السوال عليك

[نسرين سامي]

اولاد اختك لي راهم في التوقيع تاعك ؟؟؟؟

[silya28]

ايـــــــــــــــــــــــــــــــــــــــه مي نحيتهم .......
عجبـــــــــــــــــــــــــــوك ؟؟؟ شـــــــــــــــــــــــابيـــــــــــــــــــــن؟ ؟

[silya28]

علابالك ..... راني ندير في تعديل للملف الشخصي نتاعي ...روحي شوفيه و قوليلي مليح ولا لالا ؟؟؟
مي مازال يخصوه حوايج راني عقابو .....

[نسرين سامي]

الله يبارك ربي يحفظهم
ضرك نشفوا ونقولك

[silya28]

Okkkkkkkkkkkkkkkkkkkkkkkkkk

[نسرين سامي]

هايل يعطيك الصحة
عجبني بزاااااااااااااااف

[silya28]

الله يسلــــــــــــــــــــــمك بصح راني حابة نكبر الصورة الخلفية ماعرفتش ......

[نسرين سامي]

والله ماعلابالي

[silya28]

ماعليش و نتيا ... كيف حال المراجعة تحبي كشما نريفيزي معاك ؟؟؟؟؟؟

[نسرين سامي]

راني بديت في الرياضيات
لا لا منقلقكش غير كملي لخدمة نتاعك

[silya28]

لالا راني غير نفوت في الوقت هيا نبداااااووووو ///

[نسرين سامي]

صحا واش تحبي نريفيزو

[silya28]

شــــوفي نتيا ..... كاشما حاجة غايبتلك فيها ( اخطيني غير من الهندسة الفضائية ماني فاهمتلها والو ) .......

[نسرين سامي]

هذاك وين تلقايني حاصلة
خلينا من المات لبارح جيت نحفظ في الشريعة مفهمتش شوفي الحديث ص89 واش معناها الحالقة

[silya28]

اسمحيلي نسرين في الشريعة حبسنا غير في الدرس تع العبادة في الإسلام .....
لكن حسب موقعها في الحديث تبان بلي الأسوء أو شيئ من هذا القبيل .............

[نسرين سامي]

مشكورة
في الفزياء كي يقولك جبدلي xmax بالطريقتين الاولى هي بالمعادلة والثانية تاع البيان بصح واش نكتبوا فيها

[silya28]

الطريقة الأولى تع المعادلة و الطريقة الثانية نظن هي تع الإفتراض و هي
أنك تفترضي واحد من المتفاعلين هو المتفاعل المحد ثم تقومي بالتعويض ثم تشوفي بلي لازم تكون كمية المادة مقدار موجب .... مثلا في الحالة التالية :
نفرض بأن o2 هو المتفاعل المحد اذن
nf=(0) = 8-x
x=8
بالتعويض في : nf(H2) = 12 - 2xf
n(h2)= -4mol
مستحيــــل إن الفرضية خاطئة و المتفاعل المحد هو h2 و التقدم هو 6

لكـــــــــــــــــــــــــــــــن نظن بلي كاين طريقتين لإيجاد المتفاعل المحد لكن xmax يوجد فقط الطريقتين لي ذكرتيهم .......
و الله اعلم .................................................. ..............

[نسرين سامي]

ايه مثلا كي يقولك اجبدي المتفاعل المحد من البيان وعلل هي نعرف نجبدوا لكن واش نكتب في ورقة الاجابة

[silya28]

لمــــــــــــــــــــا ترسمي المستقيم الممثل للدالة الممثلة للمتفاعل شوفيها وين تقطع محور الفواصل هاداك هو ........
يخي تغرفي ترسمي الدالة .............

[silya28]

يعني تكتبي بما أن المستقيم الممثل للدالة 1 يقطعها في النقطة الفلانية في محور الفواصل و المستقيم الممثل للدالة 2 يقطعها في النقطة الفلانية ..... وبما أن النقطة الفلانيم أصغر من النقطة الفلانية فهي التقدم الأعضمي و المتفاعل الفلاني هو المتفاعل المحد

[silya28]

و هنا لأنو في تقاطع الدالة مع محور الفواصل تكون كمية المادة تساوي 0

[silya28]

و نشوفو العدد الأصغر أي لي ينتهي الأول

[نسرين سامي]

مشكورة:19::19:

[silya28]

نسريـــــــــــــن روحي شوفي الملف نتاعي درك و قوليلي يعجبك ولا راني درتلو new look ههههههـ

[نسرين سامي]

اسمحيلي سيليا نروح لخاطر اختي صغيرة راهم مخليينها عندي راهي دايرة حالة :mad:
بلاك رني مبعد نرجع :mh31:

[silya28]

مشكورة:19::19:

عفــــــــــــــــــــــــــــــــــــــــوا أختي ........ :mh31:
هذا واجبي كأخت ................. :mh31:

[نسرين سامي]

البساطة هي مازادته جمالا
يعطيك الصحة عندك ذوق شباب

[silya28]

ok مالا حتا أنا نروح مباعد بالاك على 18:00 salutttttt
و سلميلي على أختك الصغيرة

[silya28]

مبروووووووووووووووووووك عليــــــــــــــــــــك عضو فعال تستحقينه ......................

[❀ بَصْمَـٌﮧْ حُلُمْ ღ]

salam banat 3agabt englais 5damt hmd mais 2m1 andi physique ani 5ayfaaaaaaaaaa ta9dro tado5lo mba3d trévisiw m3aya?

[بشرى عبدو]

مساااااااااااااااء الخير

[نسرين سامي]

مبروووووووووووووووووووك عليــــــــــــــــــــك عضو فعال تستحقينه ......................
الله يسلمك لعقوبة ليك :mh31:

[نسرين سامي]

salam banat 3agabt englais 5damt hmd mais 2m1 andi physique ani 5ayfaaaaaaaaaa ta9dro tado5lo mba3d trévisiw m3aya?
سلام رؤى اذا راكي هنا نبداو

[نسرين سامي]

مساااااااااااااااء الخير
مساء النور
واش راكي مع الاختبارات

[samah94]

ممكن اختباركم نتاع العربية و الانجليزية ارجوكم مع الحل اصحيح و شكرا مسبقا

[نسرين سامي]

روحي شوفي في الصفحات السابقة رها سيليا حطيت مواضيع

[❀ بَصْمَـٌﮧْ حُلُمْ ღ]

سلآآآآم شكون راهي هنا تراجع معايا

[نسرين سامي]

سلام لبنات
رؤى كيف كان اختبارك اسفة لبارح مدخلتش خاطر كنت شادة اختي صغيرة

[نسرين سامي]

واش دارولكم الاسئلة في الاعلام الالي والهندسة الكهربائية

[الوسيلة]

سلاااااااام
كيف الحال معكن ؟؟
بالتوفييييق للجميع

[❀ بَصْمَـٌﮧْ حُلُمْ ღ]

كان كاااارثة عظمى واحد ماخدم ربي يستر برك وبالنسبة للاعلام مازال غدوة ان شاءالله نديروها والكهربائية قريتها الفصل الاول ونسيت وش جابولنا لمهم شفيت جابولنا المخططات
سلآآآم

[silya28]

مساء الخيــــــــــــــــــــــــــــر بنات ..... كيف الحال ؟؟ كيــــــــــــف حال الإختبارات .............. كـــــــــــاش جديد ..**//

[نسرين سامي]

كان كاااارثة عظمى واحد ماخدم ربي يستر برك وبالنسبة للاعلام مازال غدوة ان شاءالله نديروها والكهربائية قريتها الفصل الاول ونسيت وش جابولنا لمهم شفيت جابولنا المخططات
سلآآآم
:19:ان شاء الله تعوضي في بقية المواد

[نسرين سامي]

سلام الاختبارات غدوة نبداو مساءا مع الاعلام الالي

[نسرين سامي]

اريد سؤالكن في الاعلام الالي
ماهي اوجه التشابه والاختلاف بين word وExcel

[silya28]

مساء النور ربي يوفقك إن شاء الله ..// يخي راكي مريفيزيا مليـــــــــــــــح ؟؟؟؟؟

[silya28]

أوجه التشابه حسب معلوماتي الخاصة ......................

هي في الأشرطة ....... و بعض العمليات كالحفظ و النسخ و الفتح ....... وكذا ممكن ادراج الجداول

مي ماديريش عليا .............. هاذي استنتاجات خاصة ........... Lol ................

[نسرين سامي]

مازال مكملتش راني كرهت

[silya28]

ما تكرهي ما والو ............... كلشي يفووووووووووووت و أصلا راني هنا نتقاسم معاك كل ما نقدر ..........

[نسرين سامي]

يعطيك الصحة احلى صديقة
انا دائما هاكذا من ضغط الامتحانات نكره منولي قادرة نقرا والوا خاصة المواد تاع الحفظ

[silya28]

أنا درك نروح مباعد جوايه 20:00 راني ندخل
سلاااااااااااااااااااااااااااااااااااااااااام

[نسرين سامي]

سلااااااااااااام

[الوسيلة]

سلاااام
ماتكرهيش اختي نسرين سمانة وفايتة من بعد الصح في النتيجة
واش سيليا كملتي الامتحانات؟؟ ان شاء الله تكوني خدمتي
بالتوفيق ....

[silya28]

مساء الخير سمية ........... كيــف الحال ؟؟؟
أنا كملت الحمد للــــــــــــــــــــــــــه و خدمت في كل المواد تقريبا ماعدا الفيــــــزياء ... رغم أنو هي لي كنت موجدتلها أكثر ....
و نتيا كاش ما خدمتي .................................................. ...........................

[*نور الجنة*]

salam okhti silia atamana laki tawfi9 bidni allah w liljami3

[نسرين سامي]

سلام لبنات
لي داروا اختبار في الاعلام الالي تقولي كيف تكون الاسئلة المتعلقة بالشبكات والانترنت

[نسرين سامي]

[quote=الوسيلة;6029660]سلاااام
ماتكرهيش اختي نسرين سمانة وفايتة من بعد الصح في النتيجة
شكرا لك سمية صح كيما قلتي الفائدة في النتيجة

[silya28]

salam okhti silia atamana laki tawfi9 bidni allah w liljami3


ربــــــــــــــــــــــــــــي يوفقك أنت أيضا يا أختي شكرا جزيـــــــــــــــــــــــــلا لك ...........

http://francais.istockphoto.com/file_thumbview_approve/7713975/2/istockphoto_7713975-thank-you.jpg




واش نتيا الإختبارات كملتي ولا ........؟

[silya28]

نسريــــــــــــــــــــــــــــــــن علابالي دركا راكي تعدي في الإعلام ....... إن شاء الله بالتوفيق
هاداوين كملت الصلاة و دعيتلك ..............................

[نسرين سامي]

الله يحفظك اختي سيليا
شكرا لك راني خدمت فيها لكن سؤال حيرني ولي هو ماذا يسمى العمل الذي يتم انجازه على المجدول
الاقتراحات
Document classeur Feuil

[نسرين سامي]

سيليا واش دارولكم في الهندسة الكهربائية
وهل طرحوا عليكم تمرين تاع فاتورة الكهرباء والغاز

[*Nouha*]

الله يحفظك اختي سيليا
شكرا لك راني خدمت فيها لكن سؤال حيرني ولي هو ماذا يسمى العمل الذي يتم انجازه على المجدول
Document classeur Feuil

يسمى مصنف يعني كيما في ال word يسمى مجلد و هو اسم افتراضي و الله اعلم ربي يوفقكم كامل حنا مازالنا فيثزياء برك

[❀ بَصْمَـٌﮧْ حُلُمْ ღ]

سلآآآم بنااات
اووووووه واخيرا كملت الرعب تاع الامتحانات الحمدلله راني حاسة بلي خدمت لاباس لعقوبة لنسرين ولي بقاو

[silya28]

سلااااااااااام بنات الحمد للــــــــــــــــــــــــــــــــــــــــــــــــ ــــــه خدمتو كامل ..........
أختي رؤى بلاكي كي كملتي الإختبارات تقطعي علينا و تولي ماتدخليـــــــــــــــــــش خلاص .... // ... بالاكـــــــــــــــــــــــــــــــــــــــــــــ ــــــــــــــــــــــــــ

[silya28]

صحـــــــــــــــــــا نسرين الحمد لله لي خدمتي ........
بخصوص الهندسة الكهربائية دارلنا 3 تمارين .............
الأول دارلنا فيه جدول فيه اسم القانون و نتيا تكتبيلو نص القانون و العبارة الرياضية و الوحدة ... ( مافهمتش واحد دارونا .. قالنا مفعول جول خليتو vide )
الثاني دارنا ثاني جدول و حطنا ... مصباح / جرس كهربائي / مكواة / وعاء كيميائي .... وقالنا صنفوهم حسب فاعلية التيار .... حراري / مغناطيسي / كيميائي
الثالث رسملنا دارة فارغة و قالنا ارسمولي فيها الأشعة .... وعطانا المقاومة و شدة التيار و قالنا احسبولي I , I1 , I2 , I3


voila c'était tousssssssssssssssssssssssssssssssssssssssssssssss ssssssssssssssssssssssssssssssss

[silya28]

نسريــــــــــــــــــــن غدوا عندك هندسة كهربائة برك ؟؟؟؟

[silya28]

تعدي صباح ولا لعشية ؟؟؟؟؟

[❀ بَصْمَـٌﮧْ حُلُمْ ღ]

سلااااااااااام بنات الحمد للــــــــــــــــــــــــــــــــــــــــــــــــ ــــــه خدمتو كامل ..........
أختي رؤى بلاكي كي كملتي الإختبارات تقطعي علينا و تولي ماتدخليـــــــــــــــــــش خلاص .... // ... بالاكـــــــــــــــــــــــــــــــــــــــــــــ ــــــــــــــــــــــــــ

اواااااااااه سيليا نتوما صحاباتي مانخليكمش

[silya28]

درك راكي قاعدة برك ؟؟؟؟؟؟؟ .............................................

[silya28]

راني حبة نبعثك لقسم تع الألعاب و الألغاز و ....... لتما تلقاي وحد اللعبة للبنات أدخلي فيها و شوفي تلقاي حوايج شابـــــــــــــــــــــــــــــــــــــــــــــــ ـــــــــــيـــــــــــــــــــــــــــــــــــــن ...........................

[❀ بَصْمَـٌﮧْ حُلُمْ ღ]

اووووك ذرك مانيش قاعدة شوي هك وندخل