ممكن ارشاد منكم وابداء رايكم في هذا

[firas_islam]

السلام عليكم
اخواني اساتذنا الكرام اردت اليوم ان اطرح مشكلتي مع استاذة اعلام الي في قسم اللغة العربية وهذا بحكم اساتذة

من اجل الافادة والاستفادة في مشكلتي اليوم

اليوم عند دخولي للقسم مع الطلبة في القسم نحن ست اولاد والبقية كلهن بنات على كل قبل بداية الدرس قالت لنا بهذه العبارة* * هاي نتوما في الاخير مالكم*****

ولا احد تكلم معها بالرغم من ان الدرس الذي يملى لا يبدا

وعند بداية املائها كانتا طالبتين يتحدثان فيما بينهما فقالت لهما بهذه العبارة **** هاي علاكم تهدرو ايا برا عليا****
على كل معتادين على تصرفاتها هذه

رغم انها من اول الموسم تكرر اي طالب يغلط معايا اقصاء

على كل وفي الدرس الذي يملى صديق يجلس من ورائي نداني فالتفت قلت له نعم بحركة خفيفة عادية فقالت

***** هاي نتا في الاخير مالك ******

قلتلها والو قاتلي علاه راك تهدر فزاد غلياني في الجو المشحون قلتلها استاذة يعني ولا حركة منهدروش ومنتحركوش والو
قاتلي واش قلت قلتلها والو

*** قاتلي ايا برا عليا وكان الجامعة هي تملكها بهذه الطريقة **
فقلت لها منخرجش واش درت قاتلي متخرجش نخرج انا

قلت طيب لا اكون سبب في تعطيل الدرس المملى وانا خارج قالت لي اسمك فلم ارد

بطاقتك فلم ارد

عند خروجي وبعد غلياني سوء معاملتها لنا كطلبة

قلتلها بهذه العبارة

**** كي تولي تعرفي تهدري معايا نعطيك بطاقتي وخرجت****

هنا ممكن تسرعت وزايدت في الحديث معها

اريد ان اعرف بعد التقرير الذي كتبته وقالت لاصدقائ بهذه العبارة
****** ميزيدش يدخل للجامعة ***

وكاني سبيت او اجرمت

على كل اريد ان اعرف من الاساتذة ما هو الاجراء العقابي الاقصى لي تقدر تعملو

وهل يلزمني من ناحية القانون ان افعل شيئا مع ان الطلبة قالو نشهد انك لم تتلفظ بسوء الكلام مع اني اعترف انني تسرعت نوعا ما

وللطلبة اخوتنا لكم التعليق وافادتي باي شي اقوم به

لكن راي الاساتذة تهمني بحكم عملهم

[firas_islam]

ولو راي واحد

[سحر الغروب]

شوف اخي هاد الظاهرة راها متفشية بزاف

وش رايك استاذ يمارس الفعل المخل بالحياء مع طالباته؟

المهم شوف اخي خليها توصل وين وصلت انت احكي الصح

و مادام نيتك صافية عمرو ربي ما يخيبك..

وما كاين حتى قانون تقدر تخرجك بيه كون متأكد اخي

ومادام الطلبة شاهدين عادي وعلاش الخوف

كاين ناس حكموهم يغشو طلعوهم لمجلس التاديب وخلاص

مستحيل ديرلك حاجة بحكم اني دارسة قانون

لانو ما كاين حتى قانون ينص على اقصاء الطالب من الجامعة الا في حلات جد نادرة

ربي يوفقك اخي.

[firas_islam]

شكرا اختي بارك الله فيك واحسن اليك


لكن لماذا وصلنا الى هذا المستوى المتدني في المعاملة والله معاملتها لنا كارثية والقصة كما هي ايعقل تخرج استاذة جامعة طالب لانو تحرك وقال كلمة

لماذا كل هذا .......

انا مش خايف منها لكن حبيت نعرف اجراء قانوني محدد

شكرا على تدخلك

[نظام الفوضى]

اكتبوا تقرير في الأستاذة باش تخرجوها على الأقل متقريش المجموعة نتاعكم

أما فيما يخص التقرير الذي تكتبه لك :

كاين الشهود معاك ديروا اضراب


ولا نقولك جيب معاك 5 لتر مازوت واقعد قدام الجامعة


الله يهديهم شعب كيما هذوا حاطين راحهم وصلوا .......راهم يقروا عندبالهم الدنيا حبست عندهم كون غير يعطوك فايدة متغيطكش

ايا ربي يوفق

وبالسياسة تفري المشكل

[سحر الغروب]

اكتبوا تقرير في الأستاذة باش تخرجوها على الأقل متقريش المجموعة نتاعكم

أما فيما يخص التقرير الذي تكتبه لك :

كاين الشهود معاك ديروا اضراب


ولا نقولك جيب معاك 5 لتر مازوت واقعد قدام الجامعة


الله يهديهم شعب كيما هذوا حاطين راحهم وصلوا .......راهم يقروا عندبالهم الدنيا حبست عندهم كون غير يعطوك فايدة متغيطكش

ايا ربي يوفق

وبالسياسة تفري المشكل


ههه اه منك ومن المازوت اللي دمر شبابنا

كلامك فيه نوع من الصحة اما اضراب

او ان يشتكيها للعميد.....

[سحر الغروب]

اخي انا نقولك والله مادير حتى شي راها غير تخوف فيكم زعمة تبين في روحها

لوكان جا بيدي زعمة ودارتها يا والله نعملها مقلب تندم عليه طوووول عمرها+ يخرجوها من الخدمة

حتى الطلبة عادو محترفين في خلق المقالب

فلتحذر ان كانت مع واحد "قبيح"

اذا كانت معايا صراحة "تندم على النهار اللي دخلت تقري فيه"

كيما يقولو : واش داك لهداك الواد

حتى هي مازال ماشافت والو

لوكان تشوف في الجامعات الاخرى وش راهم

يعملو الطلبة والله تمشي وهي مهبطة راسها.

[firas_islam]

هي اصلا كانت تبحث عن اقصاء طالب من اول حصة معاها وهي ساقصي ساقصي

اضراب شكون يدير معاك لبنات ياو ميفرحوش حتى في مطالبهم

الله يستر وخلاص هههه

[سحر الغروب]

ههههههههه شوف الشبيبة و اخطيك من البنات ما يحكو ما يصكو هههه

[firas_islam]

اخي انا نقولك والله مادير حتى شي راها غير تخوف فيكم زعمة تبين في روحها

لوكان جا بيدي زعمة ودارتها يا والله نعملها مقلب تندم عليه طوووول عمرها+ يخرجوها من الخدمة

حتى الطلبة عادو محترفين في خلق المقالب

فلتحذر ان كانت مع واحد "قبيح"

اذا كانت معايا صراحة "تندم على النهار اللي دخلت تقري فيه"

كيما يقولو : واش داك لهداك الواد

حتى هي مازال ماشافت والو

لوكان تشوف في الجامعات الاخرى وش راهم

يعملو الطلبة والله تمشي وهي مهبطة راسها.
ها افيدينا اختي واش ندير

على كل هي من الصنف الي ميفهمش

[paradox]

السلام عليكم

والله غير هدا هو الحال
محقورين وساكتين على حقنا

مي اسمعني نقولك حاجة
ادا كانو اصحابك
ولازم تتأكد ان اكثر من نصف البرومو معاك
وتشهد ضد الاستادة


اكتبو رابور
رسالة واطرحو فيها كامل المشاكل اضافة الى المعاملة السيئة
واكتبو مثال :
واذكرو مثالك
وقولو
بلغ السيل الزبى

واش هو بطريقة محترمة

وكامل الطلبة يدكرو اسمهم مع الامضاء

وابعثوها لل دوايان

يعني ماتخليهاش تسبقك
وحتى ادا سبقاتك ماكاش مشكل
انتوما هما اللي عندكم الحق الاعلى بالجامعة

لوكان ماشي الطلبة ماكاش اساتذة

وادا مادارش عليكم الدوايان.... يعني هي داخلة معرفة..........

ديرو احتجاج
ومتأكدة ان باقي الطلبة اللي ماشي من البرومو تاعكم راح يوقفو معاكم

خاطر كامل الجزائر تعاني الحقرة

وربي يجيب الخير

ماتتقلقش


سلاااااااااام

[سحر الغروب]

احنا عملنا احتجاج على استاذة وطيرناها وجابولنا استاذ كيما يحب خاطرنا صدقني

الجماعة الكل اعطاهم غوق العشرة هههههههههههههههههههه

واحنا هاداك وش نحوسوا.

[firas_islam]

المشكل انو شباب ستة برك اذا خرج فيهم راجل واحد ولا زوج المشكلة خوافين الله يحفظ رقدو كامل وين راه ذاك الومان وين كان الطالب بحقو

شكرا على كل من قام بالرد وادلاء رايه ربي يخليكم

[نظام الفوضى]

خويا قولي واش من جامعة تقرا ؟ بلاك نقولك حل شباب

[سحر الغروب]

العفو اخي

يا والله مادير شي

الحمد لله راك شاب وعندك

مستواك وكلمتك

امالا دز معاهم هاد الاستادة.مع احترامي للجميع.

ورجعلي الخبر اخي .....

[firas_islam]

ان شاء الله اختي بوركتي

اخي اسلام في ولاية شلف

[الدلفين]

السلام خويا
يا خويا وانت علاه راك مقيمها هاكدا كامل
نقولك واش دير: ماتديهاش فيها كامل، ووين ماحبت توصل وصل معاها، على خاطر أنت مادرت حتى غلطة تستحق العقاب، كالمي روحك وتصرف بكل عفوية ولا تبالي بمن يحاول الوقوف في طريقك نحو هدفك.
على كل حال الأستاذ الحقيقي يدرك أن مستقبل الطالب أكبر من أن نجازف به بسبب التفاهات.
وانت علاه راك معمر راسك بيها، ياك راك عارف بلي ربي مع الحق وما يضيعش عبده.
ما تقلقش روحك على خاطر ماراهي قادرا ديرلك والو إن شاء الله
بالسلامة خوياhttp://4.bp.blogspot.com/-doQV5XsCKBo/TcIBCGEv2NI/AAAAAAAAK38/s-yNmo_H3Vc/s400/Good%2BLuck.gif

[نظام الفوضى]

ان شاء الله اختي بوركتي

اخي اسلام في ولاية شلف


تقرا في جامعة شلف ولا ولاية شلف ؟؟


باااااااااااينة يا بن عمي

تأمني المستوى نتاع اذيك الجامعة من غير جيني سيفيل ماكان مكان

الوسائل 00000000000000

والشيوخة الله ينوب






اسمع الدروا حبسوا الإضراب؟؟؟؟؟؟؟









دير كيما قلتلك : شوف جماعتك اللي يقراو مععاك

امضوا في ورقة باللي مراكمش قابلين ذيك الشيخة

وإذا محبوش الإضراب واغلاق الجامعة كيما داروا نتوع الدروا

[firas_islam]

الاخ الدلفين انا حبيت نطرح الموضوع من الاجل الاستفادة واستدفت منكم شكرا لك

اخي اسلام تقرى في شلف الادب في اولاد فارس الحقوق في البقعة

[نظام الفوضى]

,,,,,,,,,,,,,,,,,,,,,,,,,,,,,,,,,

[firas_islam]

اولاد فارس

[firas_islam]

ها هل من راي اخر او تدخل او تعليق من الاخوة الطلبة

[ضولة]

اخي الكريم ربي معاك جميعنا نعاني من الاساتذة الي طالعين بالهف والمعريفة كلهم يحسبو في رواحهم حاجة لو كان استاذ مقدر روحو واحد مايوصل معاه لمجلس التاديب ماتقدر تعملك والو الا ادا جابت شهود وبماانها هي الخاسر الوحيد راهي تخوف فيك برك مارايحة تدير والو وماتشكيش وردلي للخبر ادا قدمت شكوى ضدك هي الخاسر الاكبر عندنا بزاف امثالها اتدكر السنة الاولى والتانية كان لونفي يهز 600 طالب وكانت واحدة تقرينا تحرم علينا نتنفسو وادا سمعت واحد نطق هيا تاني تطلب منو بطاقة الطالب والاسم وتحلف بلي مابقاش يدخل للجامعة لكن بالنهاية ماتعمل حتى شي
اما بالنسبة للقانون والعقوبة قارن انت بين جماعة حكموهم ينقلو بالكيتمان وراهم نجحو وفي الماستار خرجو متل الشعرة من العجينة وبينك انت قلت كلمة حق اكيد ربي معاك