مصيدة عقود cta حذاري

[dounia 86]

حبيت نوجه رسالة عن الذين يشتغلون في اطار عقود سيتيا يعني عقد الادماج المدعم عند الخواص خاصة عند المحاميين و كذبة الادماج لا يمكن ادماجهم لان الكل يعرف جشاعة و طمع هذه الفئة اي مستقبل بعد 03 سنوات الطرد المؤكد بعدها لا يمكنك استفادة من عقود الادماج بحجة انك استفدت كذلك حتى في فترة 03 سنوات لا يمكنك التغيير من خاص الى عام او حتى بين الخواص هه محكوم عليك المؤبد اشغال شاقة اي مستقبل ينتظرنا و الله حرام عليكم المحاميين يغونفليلك لعوام 03 لكن يقولك خلص الضمان الاجتماعي من دراهمك يعني دولة عام 1 تساهم ب 12000 دج نحي 4200 دج منها و عام تاني تنقص و تنقص عام 3 حتى تولي دير 2000 دج في الشهر و انت مضطر لقبول ذلك لان ليس هناك مفر أخر تحبس تولي بطال لا مديرية تشغيل و لا لداس تغزر فيك و الله عيب عليكم عملتولنا مصيدة ننص الخريجين الجدد و ايكم تعاو 03 سيتية خاصة اصحاب الحقوق عند المحامين راها مصيدة و اشغال شاقة من دون مقابل و حسبي و الله و نعم الوكيل فيكم انا روحت لعند لنام تنس و لاية الشلف قلت راني حابا نعاود عند قطاع عمومي او خاص او نغير قطعلي لياس ما تقدري ديري ولاو كلاكم بوبي ههههههههه هم يضحك و يبكي واش نديرو حنا ربي وكيلكم .بلاكو عقود سيتيا

[بن جابر]

كانوا يقولون أن عقود cta في المؤسسات الإقتصادية فقط !!!!!!.
على كل حال ربي ايجيب الخير، الكل في الهوى سواء......
إن شاء الله ربي يفرجها علينا وعليكم وعلى جميع المسلمين.

[dounia 86]

انشاء الله بن جابر شكرا اخي

[FARAH2010]

السلام عليكم ورحمة الله وبركاته

عندك الحق أختي ردونا لعبة بين يديهم

انا واحدة من ناس في القطاع الخاص شركة خاصة نخم من 8.00 حتى 17.00
يوم راحة في الاسبوع وماعنديش حق عطلة في المناسبات ونعمل عمل شخص مرسم

ولما سالت في بيرو مانداف قطعوني لياس ماعنديش حق نغير للقطاع العام ولازم نكمل السنة الاخيرة الي باقية

حرام واش نديروا حسبي الله ونعم الوكيل

تقول ما قرينا ماوالوا ليسانس غير معترف بها وكانك ابتدائي مش ليسانسي

ربي يهديهم

الف شكر لك أختي على الطرح

[amel abder]

حبيبتي ربي يكون في العون انشاء الله
الحل انه الواحد ينجح في كاش كونكور ويترسم ويتهنى
انا تاني غلطت نفس الغلطة انا لسانس حقوق وعقد الادماج تاعي في محو الامية لا ادماج ولا هم يحزنون والامر من كل هدا انهم عملونا تابعين لعقود الديوان يعني ماعندكش حق في اي عمل اخر ولا ترسام ولا اي شيئ وزيد ياحبيبتي عام كامل ماخلصناش........................حتى العقد ماعندناش يعني عام كامل تخدمي بدون اي اثبات............................................. .ربي يجيب الخير انشاء الله ..........حنا غلطنا انشاء الله اللي بعدنا مايغلطوش نفس الغلطة .......................خلي نخلصو حنا برك الغلطة تاعنا.............

[FARAH2010]

بارك الله فيك ربي يجازيك

التفاتية خير انك خممتي في الي بعدنا

ربي يعوض علينا ان شاء الله

الرزق على الله وكل بمشيئة الله
ومن التجارب نتعلم صح

موفقة غاليتي وتشرفنا على كل حال:dj_17:

[مون1]

:dj_17:




للاسف وقعت ايضا في هذه المصيدة ولا استطيخ الفكاك منها
في الاول يغرونك بعقد مدة 3 سنوات وحتى الشخص الدي ستشتغل معه يعدك بانه سوف يرفع لك أجرك ان كان هناك مدخول جيد في العمل ولكن بشرط ان ادفع اشتراكات الضمان الاجتماعي من المنحة التي تقدم من ANEM :mad: :confused:
بالاخير لا زيادة ولا هم يحزنون رغم اني اتعب كثيرا طوال اليوم وحتى في المناسبات الوطنية والدينية التي تعتبر عطلة باجر يجبرني ان اعمل فيها ولو لنصف يوم
زيادة على هذا اجازة شهر من حقي اليس كذلك لكن المستخدم قال لي ساعطيكي 15 يوم فقط
ماهذا الذل كرهت كل شيء كرهت حتى شهادتي الجامعية آآآآآآآآآآآآه من الحاجة كيف تذل الانسان :mad:
سيدخل عقدي عامه الثاني خائفة ان ينزل راتبي الى 6000 دينار اما الزيادات التي قال لي عنها فاحسن لي ان احلم بها فقط لانه كل مرة ياتي يعطيني راتبي يحكيلي عن كل المشاكل التي عنده وبعدها يعطيني الراتب كانه صدقة منه 7800 دينار
عندي سؤال الايمكن ان نتخلص من هذا العقد ويجدد لنا عقود لانام العادية مادام قد اصبحت سنة قابلة للتجديد
سأجن اتمنى ان اجد عندكم الاجابة لاني باذن الله لن اكمل هذا العقد الذي جعلني عبدة :sdf:

[samira43]

و هذا كله من التسيب لي راهي فيه الدولة

لازم تجبر الخواص على الادماج

لانها مهزلة تعاونهم ثلاث سنوات و مايحكموش الشباب عندهم

و الغني يزداد غنا و البطال تخلص عليه


لي دار الفكرة في بلادنا راه غالط

[dounia 86]

و الله عيب عليهم يفكروا غير في نفوسهم كما قالت الاخت الغني يزيد و الباطل يكملوا عليه و الله اصبحنا في غابة يحطمو في احلام المتخرجين الشباب انتم على الاقل راكم تخلصوا احنا هنا في تنس عندي 06 اشهر و ما خلصتش راني نخدم باطل بحجة فقط انو العقد لازم فيه شاك نتاع البنك على العكس لي كان في الاول قد قبل العقد من طرف مديرية التشغيل بشاك السي سي بي ثم قلبوا الفيزتا قالك لا و الخاص لي نخدم عندو ماعندوش شاط البنك لذلك في اول شبعت هدرة باه قرر يفتح واحد ثم راه في 3 اشهر كل يوم يجيبلي ورقة و يقولي خلاص راني قريب نفتح حساب بنكي انا قنطت قلت في نفسي بلاك هذا طرد ضمني راه باغني جي من عندي فا رحت ليه و قلتلوا حبس العقد في الاول عجباتو ثم قالي و االاشهر لي فاتو خدمتيهم بلا خلاص قلتولا الله يسمح حقي نديه عند ربي حبسها و هنني خلاص ما نيش قادرة نزيد نصبر و قيلة غظتوا و بدى يسرع في اجراءات الفتالحساب مزالني نسنى كرهت ربي وكيا هدا ليدار القانون نتاع سيتيا غير للخواص علاه ما فيهاش حركة اخي ليقال كونكور احنا هنا في ولاية الشلف مستحيل تربح كلش بالعرف ولاو الشباب نتاع الشلف يفوتو ليكونكور خارج الولاية يربحوا حتى البنات الله يهديهم . اه كون تشوف موظفين نتاع وكالة التشغيل و مديرية كيفاش يهدرو معاك بطريقة نتاع روح قتل روحك .

[كريمة*]

ربي يفرج علينا وعليكم

[raoufdraria]

اليوم سمعت بهذا العقد لما رحت إلى لانام،لأنو عقدي خلاص اقترحوا عليا هذا cta حبيت نديرو مع مديرية التربية هل يمكنني ذلك؟أم هو للخواص فقط؟
فهمونا فيه ما فهمتو؟؟؟؟؟؟؟؟؟؟؟؟؟؟؟

[dounia 86]

اخي انا ملي درت هذا ستيا مشفتش الربح ههههههههه كارثة انا نسمع بلي عند الخواص فقط لكن اذا رجعوه عند الدولة حاجة مليحة لقيباش عند الخواص كارثة

[حسينة 36]

cta دوامة ربي ينجي الي طاح فيها وانا وحدة منهم راني نخلص الضمان الاجتماعي وزيد معاها الكونجي بصح ما نروحش نخدم
ربي معانا ان شاء الله

[raoufdraria]

شكرا على التوضيحات

[dounia 86]

لا شكر على واجب

[نينا الجزائرية]

السلام عليكم
ربي يفرج عليكم
انا لانيم وبوست لمدهولي تخليت عنو
لاني لا استطيع العمل بوعد 3 سنوات ومن بعد يجيبوني بري
الافضل ياخذ المنصب انسان او بنت محتاجة دراهم
سلام

[حسينة 36]

السلام عليكم

اخواني هل صحيح الزيادة الجديدة تاع 15000 دج لا تشمل عقود cta لاني اليوم رحت سالت في مديرية التشغيل المسؤول على هذه العقود قالي ما نزيدوكمش بصح ما بقيناش نقصولكم كل عام تبقى 12325.50 مدة 3 سنوات اي مدة العقد

هل هذا صحيح ؟ من لديه معلومات اخرى مؤكدة يفيدنا بيها

لان لو هدرتو صحيحة تسمى يحوسو على خلاها واحد يخلص 12000 والاخر 15000 حرام عليهم

حسبيا الله ونعم الوكيل

[dounia 86]

و الله عندك الحق خلات لكن الشيئ الايجابي انو ما تنقصش على الاقل نضمني شوية دراهم لانو العام التالي تهبط بزاف معا لي نخلصوا لصيرونس من دراهمنا هكا خير منسحقش الزيادة المهم ما تنقسش و يعطونا خيرات الحركة يعني نقدروا بدلوا عن الدولة و لا بيرفي وحدوخر .

[omar1675]

انا راني نخدم في اطار sta راني داخلة في العام الثاني أم العم الاول عندي فيه 8 اشهر مخلصتش و العام هذا راني في 3 اسهر مكان والو اما السيد الي نخدم معاه هو يخلص الضمان الاجتماعي وعندي 50 يوم عطلة لكن ننصحكمم بعدم دخول متاهة sta وحظ اوفر

[DHAID]

سؤال : الا تستطعون فسخ هذا العقد ؟
اظن انه يوجد طريقة لفسخ عقد العبودية هذا ... و كما لاحضت ان معظمكم ليسانس حقوق (لا اقصد الاهانة ) اعني لابد من وجود صيغة قانونية لفسخ العقد و انتم اصحاب القانون تستطيعون اجاد هذه الضيغة القانونية لفسخ العقد .
و الله اشعر بما تشعرون به وان كنت لم عمل بهذا العقد ................... اللهم اغننا بحلالك عن حرامك ... آمين .

[عنتر02]

انا اخوكم عنتر من البرج حبيت نقول عقد السيتيا مشكل لازملو حل مع الخواص لان الخواص مهمش حابين يدمجونا وعندهم الحق .
لا خاطر الخاص ماهوش ثابت يقدر يبدل الحرفة نتاعو ولا يحبس خلاص كي يربح ولا يقدر يخدم وحدو بلا مايحتاج واحد يعاونوا .والمشكل الثاني في الزيادة نتاع الاجرة باش تلحق للاجر الوطني 15000 هو يمد شويا ويركبيرها في لاسيرونس نتاعنا وهذا ماهوش حل .اما الحاجة الثالثة الراتب يدفع في الحساب نتاعو كلت ما يجوزو 03 اشهر واذا كان عندو مشكل في الحساب نتاعوا سواء كان سيسبي ولا نتاع بانك ولا تريزور هو مراحش يحوس عليك لا دفعوا ولا لالا المهم يعتيك الزيادة الي عليه وينساك في الباقي
.

ولي هذا يا اخواني لازم نديرو حل لهاذ المشكل باش يقدر الواحدمن فسخ العقد وبدل نورمال انا راني رايح النراسل الوزارة نتاع التشغيل والعمل واذا محبوش يفهمو ا ىنتما ثاني ديرو كيما انا ونشاله اذا كان جديد خبروني .........
ثاني احنا رنا خاضعين لقد في اطار قانون العمل 90/11 ونقدرو نفسخو العقد وعلى المرية نتاع التشغيل ان تبدلنا القاع الخاص الى قطاع عام بلا منخسرو الحق في الادماج .. اخوكم عنتر