الى كل من اجتازbac sportif

[ليلى خانم]

السلام عليكم ورحمة الله تعالى وبركااته
اتمنى لكم التوفيق والنجاح وامل ان تكونوا قد اجتزتم باك سبورتيف دون مشاكل او عراقل .
اطلب منكم ان تخبروني كيف كان هذا اليوم وكيف اجتزتم هذا الامتحان وهل هو صعب ام سهل وكيف كانت اللجنة معكم وما هي التمارين ارياضية وما هي نقطة كل تمرين .
الحمد لله على سلامتكم:19:

[nacer dj]

جلة
جري
سرعة
قفز
+ اللجنة جيدة حيث أن علامات البنات كلها أكثر من 18/20

[rania50]

جلة
جري
سرعة
قفز
+ اللجنة جيدة حيث أن علامات البنات كلها أكثر من 18/20

aaah merci bcp
inchalah nous aussi
j ai le bac sporti ce mercredi
mais nta men ay wilaya

[amira3914]

حنونة حنا مزلنا راني خايفة غير من القفز اه يا ربي موفقين الي ادو باك سبور لعقوبة لينا

[سنة4]

انا هدا وين جيت من اليسي كملنا باك سبورتيف غير دوكا الحمد لله جاز لباس واللجنة كانت مليحة وتعاملو معانا بلطافة
درنا من لول قفز جبت 4.50 وسرعة جبت 9.00 وجله 6.20 ومداومة معلابليش
جازت هايلة الحمد لله
ان شاء الله يوفقنا ربي في الباك الرسمي كيما وفقنا في الباك سبورتيف
مشكووووووووووووووووورة على الموضوع

[ليلى خانم]

4+6+9=19 ماعدا المدوامة

[hakim 17]

السلام عليكم

ربي يوفقكم كامل

حنا قالو حتى ل19 ماي باش نجوزو

والبنات هنا في مدينة المدية صبح جوزو

لانو عندنا في المدية ماكانش ثانويات مختلطة يعني الايام الاولى يجوزو لبنات ومن 11 ماي نورمالمو وروح الذراري

مي الصبح كنت نشوف في لبنات في الصطاد لانو غير قدام دارنا مي الشتا هلكتهم

بداو شوي ممبعد جاتهم الشتا حبسو ممبعد كملوها في الشتا

المهم ربي يوفق الجميع وخاصة في امتحان الباكالوريا

[✗ ┋ وَړْﮃَةُ آلـﭴَزآئـړْ ┋ ✗]

حنا مازال يوم الخميس إن شاء الله
أنا راني خايفة درت فو جاست السمانة اللي فاتت ورجلي راهي في حالة

[اميرة الابتسامة]

حنا مازال يوم الخميس إن شاء الله
أنا راني خايفة درت فو جاست السمانة اللي فاتت ورجلي راهي في حالة

ربي يجيبلك الشفاء
طهورا ان شاء الله

[اميرة الابتسامة]

حنا حتى ل 10 ربما
صراحة مازلو ماقالوناش
بصح السبور مافيهش الخوف نورمال ...

ربي يكون في عوننا

[اسلامي سر حياتي]

احنا كل واحد واش يقول 11-12 مانعرف المهم ربي يجيب الخير
انا من درك راني نرجف

[اسلامي سر حياتي]

حنا مازال يوم الخميس إن شاء الله
أنا راني خايفة درت فو جاست السمانة اللي فاتت ورجلي راهي في حالة

ربي يشافي اختي وردة

ان شاء الله انهار الخميس تكوني غاية

[hakim 17]

احنا كل واحد واش يقول 11-12 مانعرف المهم ربي يجيب الخير
انا من درك راني نرجف

*****************

ماكان والو ختي

والله حاجى

علاش نتي ممن متخوفة ؟؟

[اسلامي سر حياتي]

هو غي الباك اسمه يرجف....ربي يستر

[اسلامي سر حياتي]

السلام عليكم

ربي يوفقكم كامل

حنا قالو حتى ل19 ماي باش نجوزو

والبنات هنا في مدينة المدية صبح جوزو

لانو عندنا في المدية ماكانش ثانويات مختلطة يعني الايام الاولى يجوزو لبنات ومن 11 ماي نورمالمو وروح الذراري

مي الصبح كنت نشوف في لبنات في الصطاد لانو غير قدام دارنا مي الشتا هلكتهم

بداو شوي ممبعد جاتهم الشتا حبسو ممبعد كملوها في الشتا

المهم ربي يوفق الجميع وخاصة في امتحان الباكالوريا

واشنو هي الشتا؟؟؟؟؟؟

[hakim 17]

هو غي الباك اسمه يرجف....ربي يستر

************************

ههههههههههههههه نتي راكي تخوفي في روحك وحدك

هكذا تزيدي تهلكي روحك

نتي وشنو الحاجة اللي متخوفة منها بزاف في الباك ؟ طبعا من غير الاسم هههههههه

[hakim 17]

واشنو هي الشتا؟؟؟؟؟؟

******************

قصدي الامطار ختي نقولولها الشتا

[اميرة الابتسامة]

هو غي الباك اسمه يرجف....ربي يستر
هههه
بصح ميشي كيما السبور .... كيما الباك الكتابي ههههه

يعني السبور نورمال اجري زوج خطوات برك ههههه يعني والوههه

[اسلامي سر حياتي]

انا الجري خاطيني وقالينا الاستاذ ياخذونا لستاد الالعاب بزاف دورة ونصف

الجلة نجيب فيها فالايام العادية 3 هي والقفز ....هاذي مع الاستاذ نورمال

واش قالك قدام اللجنة دوك نهردلها والديها[/i]

[hakim 17]

انا الجري خاطيني وقالينا الاستاذ ياخذونا لستاد الالعاب بزاف دورة ونصف

الجلة نجيب فيها فالايام العادية 3 هي والقفز ....هاذي مع الاستاذ نورمال

واش قالك قدام اللجنة دوك نهردلها والديها[/i]

*********************

ديري في بالك بلي سلحفاة كانت تجوز باك سبور تدي 16

نتي غير شوي شوي ونتي جزتي

اللجنة نورمال يعني تلقاهم هوما يضحكو باش يطلعونا المورال

وكلش عادي

[hinddd]

انا تهنيت جبت 6.95 الجلة
3.70 القفز الطويل
10 السرعة المداومة 2.37 بتوفيق للكل حاجة ساهلة

[اميرة الابتسامة]

انا الجري خاطيني وقالينا الاستاذ ياخذونا لستاد الالعاب بزاف دورة ونصف

الجلة نجيب فيها فالايام العادية 3 هي والقفز ....هاذي مع الاستاذ نورمال

واش قالك قدام اللجنة دوك نهردلها والديها[/i]

هههه ياخي الاستاذ انسان واللجنة ؟؟ ياك لا صحافة ولاشيء يخليك تخافي نهار الكتابي عندك الحق تقوليراني خايفة مي ظك سحبلك كل الحق هههه
الجري .... مفيه والو ... اصلا السبور الناس كامل تدي مليح ابذلي مجهود باش تدي كثر من مليح هههههه والجلة المهم طبقي الاساسيات وماعليش مجيبيش مليح ... كي تهزي الجلة برك بوضعية صحيحة رايحين يقدرو جهودك ههههه
والجري ماشيشرط ملي تبدي وانت بلسرعة ... المهم كمليالدورات الواجبعليك وسباق لسرعة حاجة اخرى اذ كنت متعودة مافيش مشكل معاه ....
القفز ماعليش 3.00 تكفي ههه .
.يعني لنقطة ماديتها ماديتها ان شاءلله والخوف علاه ياشريفة ؟

سلاااام

[✗ ┋ وَړْﮃَةُ آلـﭴَزآئـړْ ┋ ✗]

شحال موالفين تجيبوا في القفز والجلة والسرعة ونصف طويل ؟؟
أنا القفز ما نفوتش 3.50 م وساعات أقل (الله غالب)
الجلة: (5.80 م)
نصف طويل 4 دورات موالفة نجيب 3 دقائق بصح راح نحاول نجيب أقل في الباك إذا ساعدتني رجلي
السرعة ما علاباليش ما خدمتهاش

[hakim 17]

انا تهنيت جبت 6.95 الجلة
3.70 القفز الطويل
10 السرعة المداومة 2.37 بتوفيق للكل حاجة ساهلة


***********************

ربي يبارك راكي تطيري هههههههههههه

مبروك عليك

[manel de annaba]

مزال انا 8 ماي ان شاء الله

[اسلامي سر حياتي]

هههه ياخي الاستاذ انسان واللجنة ؟؟ ياك لا صحافة ولاشيء يخليك تخافي نهار الكتابي عندك الحق تقوليراني خايفة مي ظك سحبلك كل الحق هههه
الجري .... مفيه والو ... اصلا السبور الناس كامل تدي مليح ابذلي مجهود باش تدي كثر من مليح هههههه والجلة المهم طبقي الاساسيات وماعليش مجيبيش مليح ... كي تهزي الجلة برك بوضعية صحيحة رايحين يقدرو جهودك ههههه
والجري ماشيشرط ملي تبدي وانت بلسرعة ... المهم كمليالدورات الواجبعليك وسباق لسرعة حاجة اخرى اذ كنت متعودة مافيش مشكل معاه ....
القفز ماعليش 3.00 تكفي ههه .
.يعني لنقطة ماديتها ماديتها ان شاءلله والخوف علاه ياشريفة ؟

سلاااام

ههههههه صايي دوك نبعد هاد الخوف ان شاء الله

والجري نخليه على ربي

سلام حياة راهو راح عليا الوقت

شحال موالفين تجيبوا في القفز والجلة والسرعة ونصف طويل ؟؟
أنا القفز ما نفوتش 3.50 م وساعات أقل (الله غالب)
الجلة: (5.80 م)
نصف طويل 4 دورات موالفة نجيب 3 دقائق بصح راح نحاول نجيب أقل في الباك إذا ساعدتني رجلي
السرعة ما علاباليش ما خدمتهاش
انا نجيب 3.5في القفز والجلة

ربي يوفق اختي وردة

سلام

[hakim 17]

شحال موالفين تجيبوا في القفز والجلة والسرعة ونصف طويل ؟؟
أنا القفز ما نفوتش 3.50 م وساعات أقل (الله غالب)
الجلة: (5.80 م)
نصف طويل 4 دورات موالفة نجيب 3 دقائق بصح راح نحاول نجيب أقل في الباك إذا ساعدتني رجلي
السرعة ما علاباليش ما خدمتهاش

******************

انا ما نكذبش عليك السنة درت مرة برك سبور على جال ماتش بالو

مي لخرين ديما غايب

ديجا رمي الجلة نسيت كيفاه نرميها عندي من السنة 4 متوسط ملي درتها آخر مرة

المهم ندخل ونهرول وين جات هذيك هيا ههههههههه

السباق الطويل 3 دقايق راكي مليحة ختي

[hakim 17]

مزال انا 8 ماي ان شاء الله

*******************

ربي يوفقك انا في 19 ماي

[alaa0503]

واشنو هي المداومة؟؟؟؟؟؟؟

[asma1856]

ياحي علا السبور تاع اليوم ما يشوفكش قع كيفاه تديري يمد النقط و خلاص ختى بلا ما نحكيلك البسطو يخبط الناس قع مش جاي و يحط النقط ما فهمت والو الحمد لله على كل حال

[leen ahmed]

حنا درنا اليوم وفوتناها رووعة اللجنة ساعدتنا مليح ولقيت زوج يعرفو لافامي تاعي انشاء الله برك يساعدوني ويحطولي مليح انا تاني ماعلياش خدمت شوية مع المساعدة نجيب فيها نقطة مليحة ولعقوبة للمواد لي مازالو انشاء الله وبالتوفيق للجميع

[ali189]

السلام عليكم ورحمة الله وبركاته

لقد أكملنا الاختبار الرياضي منذ ساعات قليلة " ذكور " ...

في الحقيقة تختلف طبائع اللجنة من منطقة لأخرى ...

لكن أظن أن الشئ الذي يعجبهم أكثر شئ هو الجدية ... " وان كانت مجرد رياضة ... "

بخصوص المداومة " Résistance " فعليكم باكمال الدورات والحرص على أخذ مراتب متقدمة " ان استطعتم " ...

بالنسبة للبنات ... لا أظن أنكم ستتعبون كثيرا لكون مستواكم متقارب نسبيا ...

أما الذكور فذلك حسب المجموعة التي أنتم فيها ...

النقاط في الرياضة حسب ما يظهر ... عادية ليس هناك على ما أظن أقل من 16

تحياتي

[الحبيب 1960]

الحمد لله كملنا نورمال
غاية عقوبة ليكم والباك ان شاء الله

[DUOHBO]

عدنا في حاسي مسعود كان هايل خاصة انو اللجنة كانت مليحة بزاف وزيد غير محاولة تكفي بيها يحطولك 18

[سوما20]

السلام عليكم انا غدوا نجوز ربي وفق الجميع وعلى حسب المعلاومات لي عندي راه ساهل

[امينة 1991]

انا نجوز يوم الاربعاء ان شاء الله وراني خايفة بزاف ربي يستر بصح قولولي نديرو السباق مرتين يعني المرة الاولى سباق جماعي والسباق الثاني مثنى مثنى؟

[hakim 17]

بالتوفيق للجميع

[امينة 1991]

والذكور وحدهم والاناث وحدهم؟ وفي اي ساعة يجوزو الاناث ؟ واي تمرين رياضي بديتو فيه الاول؟

[مريم 19]

السلام عليكم و رحمة الله و بركاته
لقد افدتمونا فمشكورين اخوتي و بورك فيكم
انا عندي غدا le BAC sportif

[نسمة النجاح]

بالنسبة لينا مزال حتى يوم 11 ماي


لكن في العادة

تكون نتائجي كالتالي

السرعة : من 6 الى 7 ثواني

السباق الطويل : دقيقتان ... ومرات دقيقتان و 30 ثانية

دفع الجلة : من 6 الى 7 أمتار

بالنسبة للوثب الطويل لم نقم بتدريبات ابدا

فاما تمطر السماء

واما يغيب الأستاذ

واما نغيب نحن


لكن في البيام اذكر اني حصلت على 4.7 امتار

ربي يوفقنا

[وليد عيش]

كيما انا جوزت الصبح والله روعة لومبيونس الدحك 1tik
فيما يخص لجنة الحكام كانو ماشاء الله ماعندي مانحكي
واما شحال ديت كالاتي:
-سباق السرعة 60 متر : 7,33
-القفز الطويل: 5,20
-سباق 800متر : 2,22 دقيقة
-رمي الجلة : 7,50 متر

وبالتوفيق للجميع وعقوبة لل باااااااااااك

[raihana19]

bonsoir

hna demain ne3agbou

bon courage à tous

[ika]

je ss inapte

[khaled igou]

بالنسبة لينا مزال حتى يوم 11 ماي


لكن في العادة

تكون نتائجي كالتالي

السرعة : من 6 الى 7 ثواني

السباق الطويل : دقيقتان ... ومرات دقيقتان و 30 ثانية

دفع الجلة : من 6 الى 7 أمتار

بالنسبة للوثب الطويل لم نقم بتدريبات ابدا

فاما تمطر السماء

واما يغيب الأستاذ

واما نغيب نحن


لكن في البيام اذكر اني حصلت على 4.7 امتار

ربي يوفقنا


!!!!!!!!!!!!!!
je ne savais pas que tu une grande sportif
?mais dit moi la vitesse 6 secondes 60m

[نسمة النجاح]

!!!!!!!!!!!!!!
Je ne savais pas que tu une grande sportif
?mais dit moi la vitesse 6 secondes 60m

!!!!!!!

لا اظن انها 60 متر كاملة

لأنو ينقص مكان البداية ومكان النهاية

يعني تقريبا 50 متر

[°واحد من الناس °]

يااااااو 35 ميل

ووحدة ريدبووول

تعطيك جويينييح

ههههه


متقلقوووش كاامل روااحكم

مشي باااش تجرو ملييح

اجروو نورماال مي بااه متتعبوووش

برك تولهووو ام كاينييين لي مش دوريجيين

يعني تشربها تزييد تمرضك

هههه

[✗ ┋ وَړْﮃَةُ آلـﭴَزآئـړْ ┋ ✗]

!!!!!!!

لا اظن انها 60 متر كاملة

لأنو ينقص مكان البداية ومكان النهاية

يعني تقريبا 50 متر

والله راكم ملاح يا نسمة حنا يحطو المسافة القانونية ويزيدو عليها
حنا البنات في السرعة ماكانش أقل من 9 ثواني
وفي 600 متر ماكانش أقل من 2 دقائق و 40 ثانية
وفي الجلة ماكانش أكثر من 6.50
وفي القفز ماكانش أكثر من 4 أمتار
طبعا الذكور حاجة أخرى

لوكان غير تكون اللجنة معانا مليحة وتعاوننا يوم الخميس

[°واحد من الناس °]

انا داااير اعفاااء

ورغم انو عندي امكاانيات بااش ندي علااامة ممنتازة في البااك نتاع السبوور



مي محبييتش ندييرو



في الجلة مع انو البعض مش رااح يصدق

ولي ميصدقش مشكلتو

قاادر نحلف مي مش شرط

كنت من الاواائل ديما فيها
11

اكثر او اقل اني ناااسي

ولخرى نتااع البناات كنت نجيييب اكثر

هههه

[نسمة النجاح]

والله راكم ملاح يا نسمة حنا يحطو المسافة القانونية ويزيدو عليها
حنا البنات في السرعة ماكانش أقل من 9 ثواني
وفي 600 متر ماكانش أقل من 2 دقائق و 40 ثانية
وفي الجلة ماكانش أكثر من 6.50
وفي القفز ماكانش أكثر من 4 أمتار
طبعا الذكور حاجة أخرى

لوكان غير تكون اللجنة معانا مليحة وتعاوننا يوم الخميس

لالا انا نقصد في الثانوية

اما في الإمتحان حاجة اخرى

حنا في الجلة يلحقو بعض البنات الى قريب 8

اما الذكور مانبانوش كامل قدامهم

في السرعة انا الأحسن في البنات

[✗ ┋ وَړْﮃَةُ آلـﭴَزآئـړْ ┋ ✗]

الله يبارك نسمة
قوليلي وين راكي واصلة في المراجعة؟؟

أنا حاليا راني بديت مع مواد الحفظ راني نحفظ في التاريخ
المواد العلمية راني نحل في مواضيع الشروق كي نكمل مواد الحفظ نعاود نرجع للمواد العلمية مليح

[نسمة النجاح]

الله يبارك نسمة
قوليلي وين راكي واصلة في المراجعة؟؟

أنا حاليا راني بديت مع مواد الحفظ راني نحفظ في التاريخ
المواد العلمية راني نحل في مواضيع الشروق كي نكمل مواد الحفظ نعاود نرجع للمواد العلمية مليح

بالنسبة للمراجعة

راني حاليا مع المواد العلمية واللغات

أما فيما يخص مواد الحفظ

تركت لها الشهر الذي سيعطى لنا ابتداءا من 12 ماي

لاني افضل الحفظ في الصباح وهذا ما لايتناسب وبرنامج الدراسة في الثانوية

كما اني سريعة النسيان

لذا يجب ان ابدا في الحفظ في آخر لحظة

[✗ ┋ وَړْﮃَةُ آلـﭴَزآئـړْ ┋ ✗]

برنامجك مليح يا نسمة قولولي كاشما راكم متوقعين في الفلسفة؟؟
الله غالب أنا الفلسفة والفرنسية عام كامل ما قريتهومش
والأستاذة قالتلنا أحفظوا مقالات الرياضيات والعلوم الإنسانية والمنطق الصوري لأنو هاذو هوما المتوقعين؟؟

وقوليلي نسمة ما عندكش ملخصات في الفرنسية والله حتى الآن ما علاباليش على واه يدور البرنامج

[نسمة النجاح]

بخصوص الفلسفة

الرياضيات احتمال 99 بالمئة مكانش

لأنو كل المقالات المتعلقة بها قد طرحت في الباكالوريات السابقة للنظام الجديد

سؤال عن اصل الرياضيات
او عن يقينية الرياضيات

بخصوص العلوم الإنسانية احتمال كبير تكون مقالة التجريب على العلوم الإنسانية

المنطق كذلك ممكن يدخل

خاصة كاين وحد المقالة تتحدث عن القياس

لانو وكما لاحظنا انو في كل سنة يديروا مقالة عن موضوع النص للسنة الماضية
وفي سنة 2010 كان موضوع النص عن القياس

يعني احتمال كبير يجي سؤال تاع مقالة هكاك



بخصوص ملخصات الفرنسية لا املك اي ملخص اختي

[نسمة النجاح]

بخصوص الفلسفة

الرياضيات احتمال 99 بالمئة مكانش

لأنو كل المقالات المتعلقة بها قد طرحت في الباكالوريات السابقة للنظام الجديد

سؤال عن اصل الرياضيات
او عن يقينية الرياضيات

بخصوص العلوم الإنسانية احتمال كبير تكون مقالة التجريب على العلوم الإنسانية

المنطق كذلك ممكن يدخل

خاصة كاين وحد المقالة تتحدث عن القياس

لانو وكما لاحظنا انو في كل سنة يديروا مقالة عن موضوع النص للسنة الماضية
وفي سنة 2010 كان موضوع النص عن القياس

يعني احتمال كبير يجي سؤال تاع مقالة هكاك



بخصوص ملخصات الفرنسية لا املك اي ملخص اختي

[✗ ┋ وَړْﮃَةُ آلـﭴَزآئـړْ ┋ ✗]

كيف يمكن أن يكون السؤال حول المنطق أختي ؟؟؟
وبالنسبة للرياضيات لم تكن هناك أي مقالة للعلميين منذ التظام الجديد
والأستاذة قالتلنا ممكن تجي مقالة حول أصل الرياضيات أو يقينية الرياضيات

[نسمة النجاح]

سالت استاذتي عن مقالة المنطق

ووعدتني ان تحضرها لي

بالنسبة للرياضيات قد طرحت المقالتين سابقا في النظتم الجديد ساحضر لك المواضيع التي اقصدها

[✗ ┋ وَړْﮃَةُ آلـﭴَزآئـړْ ┋ ✗]

شكرا لك نسومة من فضلك أول ما تجيبلك الأستاذة المقالة حطيها من فضلك وجزاك الله ألف خير
علي الذهاب الآن لأن درس استعادة السيادة الوطنية ينتظرني

إلى المساء

[نسمة النجاح]

http://www.onec.dz/sujets_et_solutions_bac2010_new/sec_gest_economique/philo/sujet/images/P.gif

وكاين تاع سنة 2009

[taki123]

رمي جلة 8.2
قفز طويل
4.80
السرعة 8

[ليلى خانم]

ماشاء الله ربي يباركلكم

[ღ أمليے بالله كبيرے ღ]

حنا حتى ل15 ماي
ربي يوفقنا

[Barçawia]

حنا عقبنا البارح عيينا بزاااااااااااف ...درنا السرعة و القفز و الجلة و المداومة(هي الصعيبة فيهم) قالولنا الاساتذة نحطو مليح فلباك سبورتيف....ربي يعاونكم

[✗ ┋ وَړْﮃَةُ آلـﭴَزآئـړْ ┋ ✗]

حنا اليوم جوزنا الباك سبور كان مليح مع أنو اللجنة كانت صعيبة معانا

لكن عموما جبت نتائج مليحة

[keri92]

حنا اليوم جوزنا الباك سبور كان مليح مع أنو اللجنة كانت صعيبة معانا

لكن عموما جبت نتائج مليحة

اهلا وردة واش راكي ؟
ايه مليح ........ لي نخاف منو المقاومة برك ............ ربي يستر

[✗ ┋ وَړْﮃَةُ آلـﭴَزآئـړْ ┋ ✗]

اهلا وردة واش راكي ؟
ايه مليح ........ لي نخاف منو المقاومة برك ............ ربي يستر

أهلين كيري ما تخافي ماوالو أنا لوكان ماشي رجلي راني جبت مليح
الله غالب خانتني رجلي اليوم لكن الحمد لله على كل حال

الجلة جبت 6.30 كنت نطمح لـ 7 لأنو 7 يمدو علامة كاملة
القفز جبت 4.50 والحمد لله
السرعة لا أعلم لكني كنت الأولى
المداومة ما حسبولناش الوقت داروا جماعات من 12 ونجريوا دورات ويشوفوا الأول والثاني والثالث .... إلخ لأنو ما كفاش الوقت وحنا بزاف
المهيم في مجموعتي فيها 12 جيت في المرتبة الرابعة ما قدرتش نجري لأنو الألم في رجلي ما خلانيش

المهيم الحمد لله على كل حال

ربي يوفقك أختي

[la jolie]

حنا ما زال حتى نهار لربعة الجاية

[ليلى خانم]

بالتوفيق لكم جميعاااااااااااااااااااااااااااااااااااااااااااا

[اسلامي سر حياتي]

احنا اكدوا لنا يوم12ماي يوم الخميس القادم ان شاء الله

[hakim 17]

حنا 19 ماي بعد الباك بلون