اتدرون لمادا لم تطبق تعليمة الاحتياطيين

[طالب رضا الله]

حسب رايي والله اعلم انه لاتوجد تعليمة اصلا لدا لايمكن تطبيق شيء غير موجود ولي شافها وقراها بام عينه يرد عليا ماتردش عليا وتقولي قالولي فالوظيف العمومي وسمعتها من مسؤول ...والخ من الكلام الدي لايثبت وجود هده التعليمة . ولي نقولهالكم ابداو بتحضير انفسكم للمسابقات القادمة انشاء الله راهي بزاف خاصة في قطاع التربية .والله المعين وسبحان الله وبحمده

[rima84dz]

والله حرام لعبو بمشاعرنا حسبنا الله و نعم الوكيل

[imen_23]

و ما هي ادن التعليمة التي نشرتها جريدة النهار ابحت عن الارشيف و اعد قراءة التعليمة

[طالب رضا الله]

يا اختي ما تقوليليش جريدة النهار شفتيها بعينك ولا لا شفتيها فالوظيف العمومي شفتيها في كاش مديرية .ادا كاينة هده التعليمة ادن كاينة الغولة

[طالب رضا الله]

يا اخت ايمان فالنهار انت قريتي المقال مشي التعليمة وضحي للاعضاء ما تغلطيهمش

[imen_23]

نعم رايت التعليمة في صورة مصغرة اخدت النهار نسخة منه لقد صدرت في اوائل مارس رايت التعليمة و تعليمة موجودة و معترف بها

[طالب رضا الله]

ما تقوليليش شفتها فالنهار كل شفنا دك الصورة انا باغي نشوفها مثلا كيما شفنا التعليمة الخاصة باضفاء المرونة على المسابقات التي صدرت مؤخرا .ومين التعليمة كاينة علاه ما داروش فالجرائد بصورة كبيرة باش الناس تقدر تقراها يا راكي تامني بالغولة

[طالب رضا الله]

وانت راكي روطار الناس لي امنت بيها قالك صدرت في جانفي وانت راكي تقولي في مارس على حسابك الدولة راها قاعدة غير للاحتياطيين . يا ماراهاش دايرالكم اي حساب ما ربحتش عاود العام الجاي .امسح شنايفك

[bas sos2003]

وعلاه يا خويا حط صورة نتاع واحد يضحك علاه هذا الامر يضحك ولا .تش..........................

[طالب رضا الله]

نظن انت راك عاد بلو اول مرة تقرا مواضيعي يا سي باس سوس 2003 انا نستعملها لانها تعجبني تلك الايقونة لا اكثر ولا اقل وادا ديرونجاتك ما نزيدش نديرها منيح عمي .الله يرضى عليك

[allaouasara]

السلام عليكم
والله رأيتها بأم عيني فالتطمئن لكن تطبيقها متى لا أدري وقد الحت عليهم الحكومة بالسرعة في تنفيذها
والسلام عليكم.

[kaderkader1541]

يا أخي قانون اقول لك و الله شاهد على ما أقول التعليمة رأيتها بأم عيني في المديرية العامة للوظيف العمومي بالجزائر العاصمة و قرأتها جيدا و هي خاصة بالمسابقات الخارجية على أساس الاختبار و الخاصة بالاحتياطيين هذا الكلام خذخ على رقبتي و التعليمة تحمل رقم 01 صدرت بتاريخ 05 جانفي 2011 و نشرت بالجريدة النهار على ما أعتقد بتاريخ 26 جانفي 2011 و تناولت اخبارها كذلك جريدة الشروق في نفس اليوم كذلك و هي ممضاة من طرف المدير العام للوظيف العمومي خرشي جمال بتفويض من الامين العام للحكومة و بعد هذه التعليمة صدرت تعليمة اخرى كذلك تحمل رقم 06 بتاريخ 02 مارس 2011 الخاصة بالمسابقات المهنية الداخلية هذا كلامي صحيح 100 ب 100 سلام

[sarl02]

اشتاك تخلط يا قانون 20 ..ما خصناش التبهليل ..انا راني في اتصال دائم مع مصادر موثوقة ووالله ستتطبق التعليمة ..لكن مسالة وقت و الاجراءات راهي ماشبة نورمال خاصة في ولايتي..مالا ما تهبطش المورال لخاوتك اوكي ولعلمك يا الفانون20 ماشي قاع الالتعليمات و المراسيم التنظيمية الي تصدرها الدولة لازم تنشر على المدى الواسع خصوصا مثل هذه التعليمة لانو فيها حساسية لانو فئة راح تستفاد على حساب فئة.. فهمت اخي مالا ما تهدرش واخلاص ايا السلام عليكم

[معمر السوفي]

حسب رايي والله اعلم انه لاتوجد تعليمة اصلا لدا لايمكن تطبيق شيء غير موجود ولي شافها وقراها بام عينه يرد عليا ماتردش عليا وتقولي قالولي فالوظيف العمومي وسمعتها من مسؤول ...والخ من الكلام الدي لايثبت وجود هده التعليمة . ولي نقولهالكم ابداو بتحضير انفسكم للمسابقات القادمة انشاء الله راهي بزاف خاصة في قطاع التربية .والله المعين وسبحان الله وبحمده

التعليمة موجودة أخي الفاضل لكن الأشكال هو عدم وجود مناصب مالية جديدة

[winner100]

السلام عليكم يا أخي التعليمة موجودة حتما وهذا با عتراف من مديرية التربية وكذلك المفتشية العامة للعمل وكذلك الوظيف العمومي وهذا الكلام الذي أقوله على اعتبار أني سألت المسؤولين في هذه المديريات وهم يعرفونني بالإسم وقال لي مسؤول في مديرية التربية لولايتي بعد ما تأكد من اسمي ومرتبتي بين الاحتياطيين أني في المرتبة 2 قال لي بهذا اللفظ كاين أمل كبير وراهم سألو عن قائمة الاحتياط كي يبعثوها للوظيف العمومي ونفس الكلام أكده لي المسؤول الأول في مفتشية العمل باعتبار علاقتهم بالوظيف العمومي أن التعليمة وصلتهم وقالي بالحرف هذه جاءت من عند ربي كاتبة على يد الحكومة قالي بقي المناصب برك وهذا ما أكده لي صحفي بعثه قبل شهر للتأكد من مرتبتي بين الاحتياطيين وكذلك من صحة التعليمة عند الوظيف العمومي ومديرية التربية وكان كل شيء رسمي والتعليمة موجودة فهل بعد هذا شك أخي الكريم بقي فقط أن نجتمع ونرى متى ستطبق وأين طبقت حتى نستطيع أن نحاج بها أمامهم

[طالب رضا الله]

يقول المثل صدق نصف ماترى ولا تصدق شيئا مما تسمع

[Aouali]

ها هي التعليمة و هي لا تزال تراوح مكانها
استمتع

[بن جابر]

تم العمل بها في الكثير من المؤسسات....فلا تتحدى أحد بل تحدى نفسك لو أردت.

[hichem244]

التعليمة كاينة و مطبقة و كاين صحابي اللي دخلو يخدمو كانو في القوائم الاحتياطية

[عبد الله مسعود]

ياإخوة التعليمة فعلا موجودة ونشرت على أوسع نطاق ولكن لازم تفرقوا بين الترقية الى مرتبة أعلى ومسابقة مهنية الى منصب عالي .
لعلمكم جميعا هذه التعليمة لاتطبق على المديرين لكل الأطوار ولا المفتشين بكل أنواعهم .
انما تخص الترقية الى رتبة أعلى فقط. أفهموا يرحم والديكم وما تكونوش طماعة ويلعبو بمشاعركم.