♪ ♥ أخباااار حصرية على بااك 2011 + العتبة ♥☺ [الأرشيف] - منتديات الجلفة لكل الجزائريين و العرب

°واحد من الناس °

2011-05-01, 17:54

من اوطئ ماا يحدث ومن ارقى عبااراات انحطاط الفكر التعليمي في بلااادنا

العتبة خلاااص قررها الاسااتذة واخبااري هته اكييد اخوتي

هذا ما شهدته زياارتي االاخيرة

وكذلك تلقي اخباااراا

ولايات الشرق سطيف ومسيلة وباتنة خاصة بريكة

اسااتذة الثاانويااات يتفقوون على ايقااف الدروووس

لكي يخلصوو على ما كاان واالو والطلبة عجبتهم بااش ميكثرلهمش البرووقراام

تخيلو الدرااسة حبسها بعض الاسااتذة

وهذا لضمااان العتبة لانو هكا اكثر من 50 ثاانوية رااح تكوون وصلت للدرووس المحددة

وهكا

ميطيييحووش في الفخ

وش نقلكم

دزااير نتااعنا ديما لا كونرار

koukou93

2011-05-01, 18:25

انا من ولاية باتنة و المواد العلمية رانا نقراو نورمال و ماشيين في البرنامج و قريب نكملو هادي هدرة ماكانش منها

عائشة قطر الندى

2011-05-01, 18:29

احنا كملنا البرنامج في جميع المواد في جميع الشعب مند اسبوعين يعني متاكدة موحال تكون العتبه هكدا قالولنا اساتدة

°واحد من الناس °

2011-05-01, 18:30

اووكي كاان تقرااي ولا تعرفي في بريييكة سقسي وانتي تعرفيي

ونظن انا مقلتش كل الثاانوياات
وحتى ولوو اختي الكلاااام كاان من عند مصاادر ثقة مدير وتلمييذ مقرب للاسااتذة
واشاارة الخبر طبعاا رااح يتعااقبو علييه
مشكيييتش رااح يقولوولو للتلاااميذ

اميرة الابتسامة

2011-05-01, 18:32

القلة القليل راهم مدايرينها
ابنة خالي حبسو البرنامج وماخلصوش لنفس السبب لي قلتو

لـــكن حنا والحمد لله خلصنا البرنامج

موفـــــق

°واحد من الناس °

2011-05-01, 18:32

احنا كملنا البرنامج في جميع المواد في جميع الشعب مند اسبوعين يعني متاكدة موحال تكون العتبه هكدا قالولنا اساتدة

وانا ارااهن اختي انوو موجوودة عتبة كيما الجيلووجيا ديجاا مكااانش

و الاسترة بالشك

الاهتزاازاات اصلا ملغى

الحتماالااات مكااانش

وهااذي وااضحة لانو اكثر من 50 بالمية اختي هكا

انتومااا كملتو بصحتكم ان شااء الله برك ميكوونووش تبعولكم سياسسة الحشو

koukou93

2011-05-01, 18:33

لا يا اخي انا قتلك الي صاير في ثانويتي كاين مواد كملو كيما الرياضيات المواد الادبية و كاين مواد مازلنا كيما الفيزياء و العلوم و ميرسي على الموضوع وفقك الله

°واحد من الناس °

2011-05-01, 18:43

القلة القليل راهم مدايرينها
ابنة خالي حبسو البرنامج وماخلصوش لنفس السبب لي قلتو

لـــكن حنا والحمد لله خلصنا البرنامج

موفـــــق
اهلا حياااة

ملييح لي كملتو

ان شااء الله فااهميين كلشي

قدااش ديتي معدل الفصل 2

اميرة الابتسامة

2011-05-01, 18:47

اهلا حياااة

ملييح لي كملتو

ان شااء الله فااهميين كلشي

قدااش ديتي معدل الفصل 2

أهلاااا ..ان شاء الله المراجعة لابأس
المعدل ....:o ....كي العوايد 14

موفق

omi

2011-05-01, 19:00

السلام عليمك ورحمة الله تعالى وبركاته كيف الحال جميعا
احنايا رانا كملنا غير العلوم مدخلناش في الجيولوجيا
اكدولي انتوما برك بلي الاسترة والاهتزازات مش داخلين
لان احنا قراتنا الاستاذة في الاهتزازات غير 6 تلاميذ فقط

°واحد من الناس °

2011-05-01, 19:08

أهلاااا ..ان شاء الله المراجعة لابأس
المعدل ....:o ....كي العوايد 14

موفق

صاافاا لمزيية نفسسسييتي ملييحة

اما المرااجعة من بكري

ملييحة

من بصح

مستوااك اعلى بكثثيير حيااة

khouloud_25

2011-05-01, 19:36

راني معاك اخويا احنا في قسنطينة درنا العفسة هادي و خبسنا القراية

asma1856

2011-05-01, 19:39

حنا ما حبسنا ماوالو اصلا رانا روطار بصح الفيزيءا ندريو درس و نديرو تمرين ان شاء الله ما تدخلش الاسترة

amina batnia

2011-05-01, 20:11

شوف خويا انا حسب ما نعرف مش الاساتذة الي حبسوا الدروس التلاميذ من بعد العطلة ما عاودوش رجعوا
مثلاالثانوية المختلطة بريكة وصلت انهم بعثوا اشعار للاولياء باه يجبروا التلاميذ على العودة الى الثانوية
الاساتذة نتاع ثانويات بريكة ما يتعبوش رواحهم و يقروا الدروس راح يفكروافي خطة كيما هادي ا صراحة ما نشكش
طبعا حاشا الي ما يستاهلهاش القلة القليلة منهم راهم يدرسوا بنية الصادقة
و الله اعلم مع انو نظن انو العتبة باينة العتبة الي حطوها في اول العام زيد نقص درس هاذيك هي العتبة
اليوم1 ماي بعد12 يوم يبان الصح ربي يكون الي فيه الخير

مروة الايمان

2011-05-01, 20:34

أنا من ولاية المسيلة ...وهدا يالي راك تهدر فيه ماكانش منو خلااااص خلاااص خلاااص ...رانا نقراو نورررررررمال ورانا نكملو في لبروقرام تاني نووورمال المات خلصنا العلوم رانا في الجيولوجيا و الفيزياء رانا في الاهتزازات يالي راك تقول راهم نحاوها ...راك تنحي وتحط كيما تحب ...نقلك حاجه من الآن فصاعدا اتكلم على روحك وعلى ثانويتك ومتهدرش على حاجه بعيدة عليك وخاطياتك ......سبحان الله تقولك الجزيرة داااااايما تفتن وتقول اخبار مكانش منها في ارض الواقع ...ربي يهديك برك ..

°واحد من الناس °

2011-05-01, 20:36

يخييي حااالة

واذا خلصوووها في العتبة ام يشووفوو اللعب

ولا حبو وقتها يخرجو يخرجو

°واحد من الناس °

2011-05-01, 20:41

أنا من ولاية المسيلة ...وهدا يالي راك تهدر فيه ماكانش منو خلااااص خلاااص خلاااص ...رانا نقراو نورررررررمال ورانا نكملو في لبروقرام تاني نووورمال المات خلصنا العلوم رانا في الجيولوجيا و الفيزياء رانا في الاهتزازات يالي راك تقول راهم نحاوها ...راك تنحي وتحط كيما تحب ...نقلك حاجه من الآن فصاعدا اتكلم على روحك وعلى ثانويتك ومتهدرش على حاجه بعيدة عليك وخاطياتك ......سبحان الله تقولك الجزيرة داااااايما تفتن وتقول اخبار مكانش منها في ارض الواقع ...ربي يهديك برك ..

معلييش اختي شكرا على الشتم ما كاان منه مبااشراا او غير مبااشراا وشكرا لرايك في الموضووع

وبالنسبة للتكذيب او التصديق انا نقلت صوورة عن الوااقع وبعض الاعضاااء اكدووها

وعلى العموم مسيلة مفيهااش ثانويتكم برك

اوكي سقسي في بلعايبة برهوم مقرة
العوايز وسمان .....الخ

بما انك مسيلة

وتعرفي كل البلدياات وعندك كل الاخباار

وبالنسبة للاهتزازات

اذا حبيتي

نحطلك رهاان بيناتنا بلي تتنحا موااافق

اختي

انا مش جااي نحكم على عدم مثلك

وتتهمي وتشتمي

مي معلييش

على العموم مشكوورة

الاسترة ووممكن البعض ميكملووهاااش

والحقيقة تتوضح مع ردود اخرى
والاصح نهاار لو 12

°واحد من الناس °

2011-05-01, 20:44

وتحبي حتى نمدلك اساامي ثاانوياات ولااايتك لي زعما انت منها واكييد متعرفيهمش

ولا نتااع الولاااياات الاخرى والمكااان بالتحدييد

لانو كلاامي باالدلة

وكلااامك بالبطلاان اختي

ثانوية بلعاايبة الجديدة
نظن متعرفيهااش
جااية مقاابلة السبيطاار
ثاانوية الحاج الخيرة مقرة
تدخلي حذا ليزاركاات

ثاانوية هوااري بومدين برهووم قريب الخرجة

تحب ي نكملك نكملك

وحتى الولاياات الاخرى

الي انتي تعرفي ثاانويتك وبس

aminaram

2011-05-01, 21:01

انتا اقرا واش قريت في المؤسسة و الباك مهوش راح يجيك من حاجة مقريتهاش

yakumo

2011-05-01, 21:47

Sétif..........programme terminé 2puis 3 semaines
J'esprs la réussite à tous!!
Merci b1 fréroo!!

Le BAC; c 2m1!!

مروة الايمان

2011-05-02, 08:21

ههههههههه....والله ضحكتني خويا وكنت حابه نضحك ......نظن انت يالي متعرفش ثانويات ولايتك عليها راك تحس بالنقص ....انا منيش نتكلم على العتبه ...ذبعد 11 يوم يبان الصح ..حنايا رانا نتكلمو في تكملة لبروقرام وخالي من بعد يالي نحاوها فيها خير ....يااااو نقلك نصيحه اهتم بقرايتك وبركيك من تعات الروح راهو يبقى غير الصح ....

مروة الايمان

2011-05-02, 08:26

اييييييييييييه ......انا وعلاه راني نجادل هكدا ..الحق مش فيك فيا انا يالي راني نضيع في وقتي ..نورمالمو حليت في دالة ولا حفظت فيها تاريخ ...نقلك حاجه برك بركيك من قال و قيل و ربي يوفقك لانو ما يقعد غير الصح...

To Gether

2011-05-02, 16:45

موضوعي يعيي
شكرا على نشر ثقافة الخمول

fawzidu22000

2011-05-02, 17:13

rana 7abasna 9rauya fi 15 jrs

°واحد من الناس °

2011-05-02, 19:21

ههههههههه....والله ضحكتني خويا وكنت حابه نضحك ......نظن انت يالي متعرفش ثانويات ولايتك عليها راك تحس بالنقص ....انا منيش نتكلم على العتبه ...ذبعد 11 يوم يبان الصح ..حنايا رانا نتكلمو في تكملة لبروقرام وخالي من بعد يالي نحاوها فيها خير ....يااااو نقلك نصيحه اهتم بقرايتك وبركيك من تعات الروح راهو يبقى غير الصح ....
مقبووولة نصيييحتك اختي

مي الحمد لله مع قرااتي

و عندي وقت بااه نلتى بكلش وباي شيء تاافه

فيما يخص النقص اني قتلك اذا تحبي نذكرلك اي ثانوية ومكاانها من لي نعرفهم نقلك

من بصح انتي لي في عاالم اخر

ولا يهمنا

خليك مع التااريخ ولا الماات ومتضيعييش الوقت

وان شااء الله البااك ب 20

لانو الوقت نتااعك رااهو كاامل علم

موفقة اختي الكريمة

koukou93

2011-05-02, 19:27

لوووووول حولتو الموضوع الى ساحة معركة

خليل الله

2011-05-02, 19:54

::dj_17:اانا فوزية من ولاية غليزان
حنا كملنا قاع البرامج في كل الدروس ورانا نديرو ا فالمراجعة وحل الحوليات ...............................
وصح كاين منها تاع العتبة وفي 12ماي تبان وغادي ينحونا الدروس على حساب الثاناويات المتاخرة ....................
الله يوفق الجمييييييييييييييييييييييييييييييييييييييييع انشاء الله:sdf:

alae091

2011-05-02, 20:01

اخي حنا كملنا قاع البرامج في كل الدروس ورانا نديرو ا فالمراجعة وحل الحوليات

ika

2011-05-02, 21:55

الاسترة هيا الساهلة ......انا ما علاباليش وين راهم حابسين في الليسي انا مارانيش انروح راني مع الدروس التدعيمية الان الاساتدة سامحهم الله راهم يتمسخرو بينا و راهم يتبعو في سياسة الحشو.....ربي معانا و انشاء الله انجيبو الباك بالمعدل لي رانا حابينو

RAYANE22

2011-05-02, 22:26

أخي انا لااايدك في ثانويات سطيف

.....الباقي الله يعلم

taki123

2011-05-02, 22:45

حكي علي بريكة

taki123

2011-05-02, 22:58

انا نقرا في ثانوية مختلطة احنايا رانا رلجعوا في باك ومايمناش غيابات

taki123

2011-05-02, 23:01

شوف خويا انا حسب ما نعرف مش الاساتذة الي حبسوا الدروس التلاميذ من بعد العطلة ما عاودوش رجعوا
مثلاالثانوية المختلطة بريكة وصلت انهم بعثوا اشعار للاولياء باه يجبروا التلاميذ على العودة الى الثانوية
الاساتذة نتاع ثانويات بريكة ما يتعبوش رواحهم و يقروا الدروس راح يفكروافي خطة كيما هادي ا صراحة ما نشكش
طبعا حاشا الي ما يستاهلهاش القلة القليلة منهم راهم يدرسوا بنية الصادقة
و الله اعلم مع انو نظن انو العتبة باينة العتبة الي حطوها في اول العام زيد نقص درس هاذيك هي العتبة
اليوم1 ماي بعد12 يوم يبان الصح ربي يكون الي فيه الخير

انا نقر افي ثانوية مختلطة اهديك هو برنامج نتاعنا

°واحد من الناس °

2011-05-03, 07:35

لي كملتو بصحتهم وان شااء الله يكوونو فااهميين

ويستغلو الوقت نتااعهم

واكيييد فيه ثاانوياات متاخرين

وسيااسة الحشو اهي عااطية مفعووولها معااهم

✗ ┋ وَړْﮃَةُ آلـﭴَزآئـړْ ┋ ✗

2011-05-03, 07:52

والله يا أخي أنا من باتنة وسمعت بالحكاية هادي خصوصا بلدية بريكة قالتلنا الأستاذة على التأخر في الدروس

بالنسبة لثانويتنا المات كملنا الاحتمالات ومبعد ما زدناش رحنا نقراو

عندنا 3 أسابيع منين حبسنا القراية (ماشي كامل أنا حبست الأسبوع الماضي فقط كنت نحضر للفروض باش ما يحطوليش صفر)

الأساتذة دارو حالة خصوصا أنو ما كملناش البرنامج

الفيزياء حبسنا في نص الأسترة ما كملناهاش
العلوم حبسنا في الدرس الثاني للجيولوجيا

بصح بقية المواد كملناهم كامل

°واحد من الناس °

2011-05-03, 07:59

بصح

اختي هكا الوااحد يولي يطلب في النقااط برك

وهكا يدل اكثر على نزوول مستوانا

اذا ولينا احنا لي نحبسو الدرووس

علاباالي التلاااميذ حسو بظغط بصح هذا نتيجة عدم الوعي المسبق بالتحضير الاولي للبااك

والبااك مشي الحاااجة لي تخلع والوااحد يبطل كلش علا جااالو

✗ ┋ وَړْﮃَةُ آلـﭴَزآئـړْ ┋ ✗

2011-05-03, 08:09

علابالي أخي عندك الحق في واش قلت هكذا الباك ما يكون عندو حتى معنى
لكن الله غالب االتلاميذ حبسوا عندنا كي قراوا موضوع النهار اللي فيه أنو دروس الفصل الثالث ستلغى

ومبعد كي كذبوا الجرائد الأخرى الخبر خافوا ما تكونش العتبة وعلى هذا ما رجعوش خاصة كي شافوا تلاميذ الثانويات الأخرى

المهيم ربي يجيب اللي فيه الخير وخلاص أنا كنت حابة نكملوا الأسترة ونحلوا فيها تمارين لأنو على حساب واش راني نشوف راهي احتمال كبير تكون خصوصا أنو الأساتذة تمكروا فينا وكتبوا في دفاتر النصوص أنو كملنا

نستناوا 12 ماي

°واحد من الناس °

2011-05-03, 08:18

ان شاااء الله اختي
مااام احنا اختي التلاااميذ نتاوعنا طلبو من الاسااتذة

والبعض كاان ياامن والبعض يكذب

مي هدرو بعض الطلبة مع المدييير

وقاللهم الدرووس تكمل نورماال

ولي محبش يجي ميزييدش يدخل خلاااص

سوا استااذ ولا طااالب

ايييه مااام الاسترة فيها شك باااش تطييح
لانو كااين غااشي مزااالهم غير كيما بداااوها

اما الاهتزازاات فاحتماال تقريب كلي منحووحة

يعني كتوقعات
والجيولوجيا

لا اظن انها رااح تدخل

والمات الحساب التكاملي

ولخريين الله اعلم

DUOHBO

2011-05-03, 11:30

السلام عليكم انا من ولاية حاسي مسعود و سياسة الحشو عطات مفعولها من بداية السنة ولاو كل التلاميذ يعتمدوا على ليكور برك وراحت عليه الي ماهوش يدير و ضرك قالولنا نحبسوا خلاص و من الممكن غدوة فيها اضراب ربي يهدي الاساتذة برك و بالتوفييييييييييييييييييييييييييييييق للجميع ان شاء الله

ايمان15

2011-05-03, 12:01

حنا لمواد لعلمية وماهمش يقرونا مافهمنا والو كانو يجرو ودرك ماهمش يجو ربي يجيب لخير

باربي الأصيلة

2011-05-03, 12:07

السلام عليكم و رحمة الله

أنا من بريكة ثانوية المتقن

اليوم رحت نقرا حضرنا 10 تلاميذ في القسم :d

الرياضيات رانا احتمالات قريب نكملوها رحمة ربي

الفيزياء رانا في الاهتزازات مانكذب عليكم ماوالو مافهمنا للأستاذ واش راه يهدر ... بمعنى آآخر سياسة الحشو
لولا توفيق الله ثم أستاذ الدعم ربي يحفظو رانا ضعنا ..

العلوم أستاذتنا تقوللنا روحو تروحو كملنا ... بقالنا نشاط في الجيولوجيا ماكملناهش و مع ذلك رحمة ربي مع الدروس التدعيمية

الثانويات الأخرى التلاميذ هجروا مقاعد الدراسة ... تشوف غير أشباحهم .. :1:

المهم ربي يكتب الخير إن شاء الله و إن شاء الله ربي يثبتنا و يسرلنا أموراتنا و يفتحلنا دروبنا و ينورلنا طريقنا
ويفتحها علينا في البكالوريا و يسرلنا الإجااابة ياااا رب ... متأملة خير بإذن الله لي و لكم يااا رب

بالتوفيق للجميــــع .. البكالوريا لنا و نحن للبكالوريا بالمرصاد بإذن الله :19:

** مريم**

floritta

2011-05-03, 12:08

يا اختي هنا في ولاية الجلفة اغلب الثانويات كملو البرنامج في كل المواد و قالولنا ما تتكلوش بزاف على العتبة و الله اعلم
بالتوفيق للجميع

aminesadi

2011-05-03, 12:49

وزارة الطرررررررررررررررررررررررررررررررر

katia chalam

2011-05-03, 13:18

انا من بجاية و علابالنا العتبة كاينة وزيد محبسناش الدروس
في الرياضيات مازالنا الاحتمالات و الفيزياء مازالنا غير الاهتزازات الكهربائية و العلوم ندخلو وحدة 2 في الجيولوجيا
المهم احنا ربي يوفق الجميع

zaza0095

2011-05-03, 19:59

انا كملنا البرنامج في جميع المواد غير الفيزياء حبسنا في الاسترة مازدناش قرينا

jihane-tam

2011-05-03, 20:02

نحنا في تمنراست كملنا برنامج الفلسفة هاد اسبوعين رانا مع مراجعه برك

imene-ess

2011-05-04, 14:15

حنا لي كااارثة مخلصناش والاساتذة مهمش يجيو يقرونا سيرتو فالإجتماعيات وكيلها ربي

nour2011

2011-05-04, 17:30

انا من ولاية سطيف ، كملنا البرنامج في المواد العلمية غير الرياضيات بدا الاستاذ في الحتمالات حبسنا كيما راك تقول يا اخي ن اما المواد الادبية حبسنا و ماكملناش كامل البرامج كيما العربية و الاجتماعيات دخلنا القضية الفلسطسنية و مخلصناش ، اما العلوم خلصنا البرانامج و دخلنا الجيولوجيا و خلصناها و درنا مراجعة للوحدات الاولى و دارلنا الاستاذ شريط من الجزيرة الوثائقية على الجيولوجيا و على المناعة ...... فور

°واحد من الناس °

2011-05-04, 17:42

اختي ايمااان وينكم حااابسيين

imene-ess

2011-05-04, 18:16

التنمية في دول جنوب شرق آسيا ومكملناهاش فالجغرافيا والتاريخ قرينا نص من حركات التحرر

بالنسبة للعلوم مقريناش جيولوجيا خلاص
والفيزياء قرينا الإهتزازات
والرياضيات قرينا درس فالإحتمالات
فلسفة خلصنا الفرنسية والإجليزية إهيييييييييييييييييييه مقريناش جي وحد شهرين
والأدب ثاني مقرينا وااااالووو