تحير في هذي لبلاد

[فلة النون]

يا السلام عليكم انشاء الله لاباس عليكم؟
malgre والفنا نقولوا cava
حتى واذا رانا مناش cava نقولها مشات في فمنا الله غالب
والله يا اليوم راني جيت نحكيلكم
وراني خايفة نبدا نحكي نولي نشكي.............
معليش ياو خليها ربي برك؟؟
:confused::confused:
أنا راهي تالفتلي راني بقيت بلا راس
قولولي برك وين نعيشوا وين نروحوا
منيش نهدر على لبلاد ولى على خيرات لبلاد
راني نحكي على واش صاري في هذي لبلاد
واش راه صاري يا يما!!!!
خلوني برك...........
يقلك الناس راهي شومارة وناس راهي بطالة وناس حطيست وناس وناس
عندهم الحق تنوض في الدول العربية من النظام الفاسد
والله انا كل يوم نشوف بعيني الناس تقاسي وكيما يقللك ما يحس بالجمرة غير اللي عافس عليها؟
كاينة منها
من 7 نتاع الصباح ولاشان ودزان باه غير تخرج كاغط
تروح لسوق تشري حاجة تحط يدك تتكوى
تروح تحط دوسي نتاع بوليس ولى حماية مدنية تجري ويجروك نتغلب وفي لخر يدخل غير اللي عندوا لحبات
تروح لعند طبيب تفيزيتي بدراهمك يحرقوا لاشان ويدخلوا فلان وولد فلان
وين تعيش قولي؟
الناس دوبل فاص واللي عندوا يعيش واللي معندوش يموت
اسمحولي راني نمشوا بقانون الغاب
صحبنا عيشينا ولغاشي مطيشين
a par وين تروح تلقى الحيلة ولخدع مكانش كامل لامان
لا في خوك ولى صحيبك راحت هديك لعقلية
وين النية وين زمان كيفاه كونا وكيفاه ولينا
الدنيا ولات غير اعطينا
والله غير عيش تشوف واحد تلاقاه لا همة ولا شان ولخر تلقاه عطاها مريكان
واحد تلقاه يقرى يقرى وما يلحقش واحد عمروا لا قرى اسموا ولا يعرف يكتبوا تلقاه مورا بيروا ورجل فوق رجل ويزيد كوستيم وقاروا
ما خص القرد غير الورد
قتلكم أني جيت نحكي وليت نشكي كون تعطوني لخط منزيدش كامل نوض من وانا نهدر
لقلب معمر واش دير
"دمتم"

[عيسى الجزائري]

أنا عجبني فيك النفس طويل
قدرت تحكي كل هذا الحكي
اللي يقدر يقول كل هذا ..أظن يقدر يعيش بيه ههههههه
المشكل تاع موالفة برك.... يعني توالفي يولي كلش عادي
خلي نزيد عليك أنا

والله صح ختي
من كثرة العوج عادت الحاجة اللي تتسقم هي اللي تبان معوجة صح والا لا؟؟

أحييك

[بحر أبيه]

السلام ..

اللي يبغي ما يروحش اعليه عقلوا في هذا البلاد .

لازم يعود روحو على التغافل يعني يشوف ويفوت والا فالقبر خير له .

[فلة النون]

أنا عجبني فيك النفس طويل
قدرت تحكي كل هذا الحكي
اللي يقدر يقول كل هذا ..أظن يقدر يعيش بيه ههههههه
المشكل تاع موالفة برك.... يعني توالفي يولي كلش عادي
خلي نزيد عليك أنا

والله صح ختي
من كثرة العوج عادت الحاجة اللي تتسقم هي اللي تبان معوجة صح والا لا؟؟

أحييك
اللهم يطولك يا رووح
والله غير صح عندك حق هذي هي
لالا متزيدش عليا مرسي ربي عيشك خويا
زيد عاودهنا هذي طلة أوك

[imi02i]

السلام عليكم ورحمة الله تعالى وبركاته
اسمحيلي على هذا التدخل
وهو أني أعلم أن المواضيع يجب أن تكتب بالعربية الفصحى
أما بالنسبة لمحتواه
فانقلك يا أختي كبري بالك وعيشي حياتك كما رانا عايشين
رانا غير في الجزائر
اللي عندو التيكي يعيش
واللي معندوش يموت زاوالي
ملحوظة: عجبني الأسلوب نتاعك لأنك عبرتي عن القلق نتاعك بالعامية وهذا ما تطرقت إليه في إحدى مواضيعي
أرجو أن تطلعي على هذا الموقع
http://www.djelfa.info/vb/showthread.php?t=580787
أتمنى أن تنوري موضوعي بردك
وشكرا لك على الطرح

[فلة النون]

السلام ..

اللي يبغي ما يروحش اعليه عقلوا في هذا البلاد .

لازم يعود روحو على التغافل يعني يشوف ويفوت والا فالقبر خير له .
أه يا لموجة أه يا لبحر
واش نقلك كيفاه هدي نتاعك؟
شوف كون نديروا براييك لوكتاه رايح تشوف وتسكت لوكتاه
راه قلبك يتعمر ويتعمر بصح يجي نهار ويتكلاطة هاهو المشكل وين
مرسي عليك

[زكرياء1409]

"" إنّ الله لا يُغيّرُ ما بقومٍ حتّى يُغيّروا ما بأنفسهم ""
علينا أن نصلح أنفسنا قبل أن ننوي إصلاح غيرنا .

[فلة النون]

السلام عليكم ورحمة الله تعالى وبركاته
اسمحيلي على هذا التدخل
وهو أني أعلم أن المواضيع يجب أن تكتب بالعربية الفصحى
أما بالنسبة لمحتواه
فانقلك يا أختي كبري بالك وعيشي حياتك كما رانا عايشين
رانا غير في الجزائر
اللي عندو التيكي يعيش
واللي معندوش يموت زاوالي
ملحوظة: عجبني الأسلوب نتاعك لأنك عبرتي عن القلق نتاعك بالعامية وهذا ما تطرقت إليه في إحدى مواضيعي
أرجو أن تطلعي على هذا الموقع
http://www.djelfa.info/vb/showthread.php?t=580787
أتمنى أن تنوري موضوعي بردك
وشكرا لك على الطرح
slt imi
ربي يخليك خيتوا
والله انا اللي يزيد يطلعلي لغاز كي يقولولي عيشي كيما رانا عيشين بصح لوين رايحين بهذي لعقلية انا وحدة من الناس منحملش
الصح صح
معليش دك نشوف وزيد موضوع كيما هدا متقدريش تعبري عليها بالفصحى
الله غالب ديزيرية