المعريفة هذا العام

[alamal1983]

السلام عليكم يقولوا هذا العام مسابقة ضباط الشرطة فيها مصداقية كبيرة و ماكانش المعريفة
هل تؤمن بهذا حقا

[karbona]

سمعت بها من قبل وقلت في قرارة نفسي أن المعريفة في بلادنا عمرها ما تتنحى ثم أحسست بعد ذلك أن الحالة مزيرة بزاف و الوضع مغاير تماما عن السنوات الفارطة ( لأني جوزت المسابقة مرات عديدة ) ولكن أقول لك أخي الله أعلم أنا من جهتي راهي تبان لي مزيرة هذا العام ولكن الله أعلم ان كانت المعريفة تحبس في بلادنا والا لا.
فقط في الأخير نتمنى أن يقوم المسؤول الأول عن الجهاز بسد الطريق أمام أصحاب المعريفة يا رب . قولوا جميعا آمين.

[tarek1987]

قد يضعف الانسان لما يلقى امامه من يتبجح بالمعريفة
لكن من كان الله وليه فقد فاز ورب الكعبة
انا اول مرة اشارك في مسابقة وان شاء الله تكون الاخيرة .
لقد شاهدت بعض مظاهر المعريفة هنا في قسنطينة خاصة في اختبارالبسيكو تكنيك
ربي يجيب الي فيه الخير
ان شاء الله تزول هذه المظاهر لكن يلزم وقت حتى تتبدل العقليات
واطن ان جهاز الشرطة في الطريق الصحيح
سلام

[أمير جزائر الخالدات]

المعريفة في الجزائر أصبحت جزءا لا يتجزأ من ملف التوظيف أو أي شيء أخر .............................. فلنكن واقعيين

[wardi]

والله يا أخي أنا ديرت الإمتحان البسيكوتكنيك نتاع المفتشين في مدرسة الشرطة في عنابة و لي حاكمها عندنا معريفا كبيرا معاه ومع لي يصحح الأوراق و مع حتى لي يديهم للعاصمة قالولي بالحرف الواحد ماتخافش راك تدخل براسك مرفوع بصح كي جا الصح ماكان والوااااا جابوني برااااااا مادخلت بيه مرفوع ما والوا ..............
و عندي صاحبي تاني أنا معاه كي عيطولهم من حيدرة و قالولهم فوتوه بصح ماحبوش .........
ماعلاباليش بالمعريفة و ماصحتش على خاطر توكلت على الناس و متوكلتش على ربي ........ الناس تدعي ربي و أنا عزمت على الناس نستاهل أكتر ... واش رايكم ..

[salimone]

اكثروا عندما تشعرون او ترون شكل من اشكال المعريفة في اكل اموال الناس بالباطل وحقوقهم من قول حسبنا الله ونعم الوكيل وتكرارها وتوكلوا على الله هو خير نصير ووكيل حسبنا الله ونعم الوكيل حسبي الله هو حسبي

[samsoma39]

مستحيييييييييييييل

حلل وناقش ؟؟

ماهي مسابقة الوحيدة التى لا تكون فيها المعريفة ؟؟؟؟؟؟ !!!!........الخ
ربي يسهل

[soltane17]

بلاك هاد العام كي جا عبد الغاني الهامل بدل المسؤولين اللي كانو حاكمين المسابقات خاصة كان عارف باللي المعريفة والرشوة.في جهاز الامن .تفائلو هاد العام لان نسبة النجاح ليستاهلو صح يكونو ضباط ماش لصحاب المعريفة.كيما سمعت هاذ المسابقة فيها شفافية ان شاء الله .وربي ييوفق الجميع

[aminealila]

يا جماعة الخير ، الواحد يتفاءل خير علاه دائما نروحوا للمعريفة .... الواحد يتكل على ربي سبحانه و تعالى إنشاء الله يكون الخير سلام عليكم

[أمير جزائر الخالدات]

بلادنا عمرها و لا تتعدل ما دام نفس العباد و نفس الوجوه حاكمينها من 1962 هؤلاء العباد الذين تركتهم فرنسا لن يسمحوا للجزائر بالتطور و النمو فهم قد جعلوها مملكتهم .................... ربي وكيلهم

[aissam .3820]

والله يا أخي أنا ديرت الإمتحان البسيكوتكنيك نتاع المفتشين في مدرسة الشرطة في عنابة و لي حاكمها عندنا معريفا كبيرا معاه ومع لي يصحح الأوراق و مع حتى لي يديهم للعاصمة قالولي بالحرف الواحد ماتخافش راك تدخل براسك مرفوع بصح كي جا الصح ماكان والوااااا جابوني برااااااا مادخلت بيه مرفوع ما والوا ..............
و عندي صاحبي تاني أنا معاه كي عيطولهم من حيدرة و قالولهم فوتوه بصح ماحبوش .........
ماعلاباليش بالمعريفة و ماصحتش على خاطر توكلت على الناس و متوكلتش على ربي ........ الناس تدعي ربي و أنا عزمت على الناس نستاهل أكتر ... واش رايكم ..

وين تسكن في جيجل خووويا؟؟؟...




.....

[hakou_40]

ورزقكم في السماء و ما توعدون
من يتكول على الله فهو حسبه