عرس بنت سكيكدة [الأرشيف] - منتديات الجلفة لكل الجزائريين و العرب

مشاهدة النسخة كاملة : عرس بنت سكيكدة

سكيكدية ونص

2011-04-25, 20:37

حبيت نقوللكم عن العرس بسكيكدة
العرس في مدينة سكيكدة يكون على ثلاثة ايام
الليلة الاولى الحنة تع دار العروسة و تكون في منزل بابها و يتعرضو غير الاقراب
الليلة الثانية ناس لعريس ف اليلل يرحو يحنيو للعروسة
اللليلة الثالثة عند العشية يجي العريس ويدي العروسة بالكورثاج و ف الطريق يصوروا الاحباب مع العرسان في اماكن جميلة
ومنبعد تدخل العروسة للقاعة وين كاين النسا برك والعريس يروح مع صحابو يحوس و... وكي يرجع تبل امو ولا جداتو الحنة قدام العروسة ومن بعد تنزل وتحنيلو
ف العراس تع السكيكديين يفصل بين النسا والرجال مي درك كاين الي يخلطو مي مش بزاف
وانتوما كيفاش عراسكم:1::19:

محمد حانطي

2011-04-25, 20:45

ههههههههههههههههه هايل مي تقريبا كيف كيف لكن احنا الجلافة الاصليين مكانش التخلاط وكذالك الحنة نتا الرجل تسبق الفاتحة والعرس

تحياتي وشكرا جزيلا يابنت سكيكدة الرائعة

الاميرة وسيلة

2011-04-25, 21:51

احنا فتلمسان حتى حنا انديرو 3 ايام اليوم دير لعروسة الحنة او في دار لعريس يدو الماكلة لعروسة باش ايعشيو اعلى غدا اما اليوم 2 ادير لعروسة الحنة او لعريس تاني اما اليوم 3 العرس ايجيبو لعروسة بالكرتاج و حنا عدنا كل واحد كيفاه ايدير يا ميلونج الرجال و نسا ولا غي نسا

حكيم مخلوف

2011-04-28, 18:19

كل واحد له عاداته وتقاليده لكن وفق الشرع

رُقية

2011-07-02, 22:12

مشكورررررررررررررررة

مشكاة الهدى

2011-07-08, 07:00

حنا في باتنة مزال رانا محافظين شوية مثلا الرجال يكونو مفصولين على النساء حتى العروس كي تخرج من دارهم تكون مستورة وحاجة ما تبان فيها اما عراسنا تقريبا مثلكم عدنا قبل العرس بايام يجيو اهل العريس يحنيو للعروس ويجيبولها جهازها ويتعشاو ويوم العرس يديها في كورتاج والشرط عدنا محدد ولا يتعدى 6 ملايين

عادل الجلفاوي

2011-07-10, 21:40

جيد جدا../وفق

سكندر21

2011-07-25, 09:18

جميلة إذا أجواء الأعراس في سكيكدة

mounaminou

2016-04-12, 13:58

magoultinnach lakan tetsseddar le3roussa ki yeddouha ahl la3ris wella la

djamilalgerie

2016-04-15, 00:18

الله يفرح كل مومنين