من الشعر الملحون اللي يحفظ

[nacerd09]

انا نحوس على قصيدة قديمة سمعتها بكري اللي يحفظها يكتبهالي ربي يخليه فيها هاد البيت

وحش الوالدين ثلج معاه ضباب .......
طاح على الاجبال جملة غطاها

مشكوووووور مسبقا

[ابو عامر77]

انا نحوس على قصيدة قديمة سمعتها بكري اللي يحفظها يكتبهالي ربي يخليه فيها هاد البيت

وحش الوالدين ثلج معاه ضباب .......
طاح على الاجبال جملة غطاها

مشكوووووور مسبقا

السلام عليك ورحمة الله تعالى وبركاته
فيما يخص هذه القصيدة فهي قصيدة جميلة جدا تتغنى بالأم سأوافيك بيها كاملة إنشاء الله

[abou mustapha]

اخى انا انشاء الله نجيبهالك


باذن الله

[nacerd09]

السلام عليك ورحمة الله تعالى وبركاته
فيما يخص هذه القصيدة فهي قصيدة جميلة جدا تتغنى بالأم سأوافيك بيها كاملة إنشاء الله


شكرا لكي اخي ربي يجازيك بارك الله فيك

[nacerd09]

اخى انا انشاء الله نجيبهالك


باذن الله



مشكووووووور اخي سلفا بارك الله فيك

[ابو عامر77]

السلام عليكم ورحمة الله تعالى وبركاته

بسمك يالله وأنت وهاب """ وارزقني كلمة اعزيزة نبداها
حب أما في خاطري قادي مشهاب """ سهلي يا خالقي في ملقاها
متوحشها راه قلبي عنها طاب """ وهاذي مدة طايلة ماريناها
ابكات أم الخير قالت عزي غاب """ والحنانة اميمتي ما نجفاها
ما تبقاتلي غير هي من الأحباب """ أما ابوي جنازته ما شفناها
وحليل أخويي ذرك كثرتلو الأسباب """ والفنطازية انتاعو ينساها
بلقاسم يبكي وماعندوش أحباب """ يخبط في راسو على حجرة معتاها
برد قلبو دار عنها طرف اتراب """ وادفنها تحت اللحود وخلاها
كي ولا للدار طاح اعليه اضباب """ ويهترف في الليل يلقى بأسماها
فمو يابس مايحلوش الكلاب """ مايستطعم ماكلة مايستحلاها
طاح اعليه الثلج بردلوالأجناب """ وعاد اللبسة مايحس لدفاها
اخرج عقلو عاد ماخض غير لعلاب """ عاد يقول لوكان قي متت معاها
وحش الوالدين ماعندو طباب """ واسكنلي وسط الجواجي رشاها
وحش الوالدين ثلج معاه اضباب """ طاح على لجبال جملة غطاها
مويمتنا برنوسنا وحنا غياب """ وساحتنا رهبة لا من يتخطاها
والحنانة كانت اتجيني ع الباب """ والحاجة اللي كاين ما تخفاها
وليدي في الغيبة وراه اعليه احجاب """ وتفتح بالخير مقبول أدعاها
كي نلحق من السوق اتفركتلي لجياب """ وانا راس المال ما درت معاها

[entic_dz]

شكرااااااااااااااااااا

[nole]

لا أعتقد قارئا لهذا النص ينساك ايها الشاعر وأن من تناولها آليا فهو داع لك فأمن.....

[abou-abbdou]

جيتك رافع دعوتي يا قاضي الحـــب.........وتغيث المضيوم داخل تحت حمـــــاك
لاتغبن مظلوم يتجلى هـــــــــــــارب.........جار عليه الحب مثلي وتعنـــــــــــــاك
عيني شافت ريم كي طاح المغـــرب........كيما شفت شافني ما نيشي شــــــــــــاك
بالومية نابيتلو لي وجــــــــــــــــــب.........كي كلمتو قال لي فاهم معنـــــــــــــــاك
ناباني ب العين وبشارة تعجـــــــب..........قال تنكب حاذر الحســـــــــــاد وراك
وهمنا ذا الناس بالسربة تعــــقــــب.........وتلاقيت بشوفتي ســــــــــا عة من ذاك
عدت انجيب كلام ما هوش مصاوب.......مقواني قدام باشا من الاتـــــــــــــــراك
اعرفني مخلوع منو متــــــرهــب..........كلمتو بعض الكلام وقــــــال ادزاك
انظرني بعيون قتالة تعطـــــــب.............راه مقلق ما جبرت معا ه ســــــلأك
جات الظلمة بينا والحال غصب.............هو راح سليم وانا زدت اهــــــــلاك
هذا ما قال لي ع الصح مرتب..............شوف جواب خليلتي وعمل مرضاك
اعدل فيما بينا دير الواجـــب................اذا ربيت القايمة رب يرعـــــــــــاك
قال لها واعلاه يا كحل الحاجب..........اتواسي لو هكذا خافي مــــــــــولاك
قالت لو مجنون يصحى ويغيب..........لا تاذلو راي ب الباطل شكــــــاك
صدت لي قاتلي مالك تكذب..............ياك انا فالشاو مانعرفش اسمـــــــــاك
ما نقدرش انقول ذاك الفم كذب..........لكن عدينا ليالي انا ويــــــــــــــــــاك
عندي شاهد ما يزيف ما يكذب..........هذا القلب اللي مكوي بيه جفــــــاك
تدلل بكلام عني وتمقيب..............قالت لي من يعرفك هذا تهمــــــــــــاك
ولد الخيمة عيب عنو كان انسب.......اذا غابت نسبتي سالي بـــــــــــاباك
انديرو ما بينا ربي راقب...............اذا قلبك شين عنا يتـــــــــــــــــولاك
مول القلب الزين عمرو ما ينكب.....واللي حاسد فارقو لو كان ضنــاك
انحس النيران في جوفي تلهب........انا عقلي من فراقك زاد اهـــــــلاك
يوم افراقك فيه عام اذا نحسب........ضروك دار الحول وانا نستنــــــاك
صاحب ضني قال لي لا تشغب......وسع بالك للزمان اذا عـــــــاداك
نجم النحس اذا طلع لابد يغرب......اذا بيك حبيب قلبك ما ينســــــاك
يا دهري ظنيت ما درت الواجب......لي مدة ناظرة عيني لقفــــــــاك
كنت انمثل خاطري طير ايلوب.......وين اختلتو راه لاح العين احذاك
كي كان المكتوب مامنو مهرب........نصبولوعلى زينة الشوفة لشراك
نجع المحنة حط في قلبي رحب........قداش ان دوار شبكها تشبـــــاك
من كثرة لهوال نصحى ونغيب........سكران ب خمر المحبة دايم هاك
طول الليل انبات مفتون انلوب.........ويوك يا ليل الهموم ايبان ضياك
قالو لي في حب ولفك كانش طب......ماظنيت ايفكني منها فكــــــــــاك
قلبي والع بيك والحسنة تجلب..........نبغي من تبغي وننكر من عاداك
لو كان المولى ايجيب نهار غصب .....وتمكن ضرباتها في لهـــــلاك
ذاك الوقت اندير صدري للمشرب......يا ولفي نديك ولل انموت حذاك
راهم بعض الناس قالو لي تتعب.......اتبع في شاردة ربي عيــــــــاك
لو تتركها خير لك ما تتعذب............اتغانى عنها وخلي من خلاك
ما ينساكش خاطري ما يتجنب.........اذا ينسى قيس ليلى ما تنســــاك
يعرف قدر الحب من شاف وجرب.....يعذرني ويقول راه الحق معـاك
على الطفلة اللي زينها فايق يعجب......اجميع اللي صار لك عنها مقواك
ضرك دارت بيك هي تتحاسب.........ويفكك في الاخرةمنها مــــــــولاك

[الكوثري]

زيدونا من هذا الكلام الحالي بارك الله فيكم

[zirmed]

يد الصفح اجْنَاتْ مَنْ بَرْ المْخَالَبْ........... وَادَّاتْ الشيعة اضفار الدِيكْ
صَاعَبْ بَاخ تْصِيب في ذَا اليومْ صَاحَبْ.......و اصْعَبْ مَنُّوا نْهَارْ يَسْمَحْ فِــيكْ

[&محبة الجزائر&]

هههههههههههههههه

[lerby-7]

شكراااا لك