يوميات متخرج باحث عن العمل.(الآنسة عيشة اللي تستلم ملفات الترشح للعمل).

[سمير الشاوي]

يوميات شاب متخرج (منذ أكثر من ست سنوات) يبحث عن عمل.
(الآنسة عيشة اللي تستلم ملفات الترشح للعمل).




(عِيشة) هو اسم الفتاة التّي كلَّفوها باستقبال مِلَفات الشباب العاطل عن العمل....
دخلت يوم الأحد 03 أفريل؛ إلى وكالة تشغيل الشباب، فوجدت مجموعة من الشباب ينتظرون الآنسة (عِيشة)...
........................
قالت إحداهما لفتاة جالسة في مكتب (عِيشة): أختي وقتاش تجي (عيشة) هاذي، عندنا قريب ساعة واحنا نتسناو ؟!! (!).
قالت لها الفتاة !: أختي والله عِلمي علمك !(!)، ضرك تجي، ما عندها وين تروح !.
......................
واحنا ننتاظروا، جات آنسة تَدَلوَح من هيت، وتغني على زهرها....
.....................
سمعت الجماعة يقولوا: راهي جات... راهي جات (عِيشة)/ فرحت....
....................
دخلت عيشة للمكتب تاعها.... دخلنا في عشرين عليها
هَزَّت (عِيشة) راسها، ومن بعد حطَّت يديها على راسها.... تبالي زعفت (غضبت بالجزايرية)....
....................
قالها واحد: (عيشة) راني جبتلك الدوسي (الملف) تاع هاذيك الخطرة.
مدَّت (عيشة) يديها، حكمت الدوسي وقالت لهاذاك الشاب: ما عليش، ارجعلي يوم الثلاثاء....
............................
ومن بعد (عيشة) زعفت، وضربت الطاولة، ورفعت الصوت تاعها: يا بن عمي !، واش راكم تحشروا، ما سخنتوش....
بقينا نشوفوا فيها داهشين....
حط يدك على خدك يا مسكين !...
ومن بعد كي زادوا دخلوا زوج من الناس، صرخت عيشة، وقالتنا: أنتوما عليكم تدخلوا من الباب، وأنا عليَّ نهرب من الطاقة (النافذة) ....
..........................
دُخت هاذاك النهار علاه ما رد عليها حتّى واحد (رغم أننا في مجتمع شاوي !) ....
.........................
(عيشة) بعد ما قالتنا الكلمة هاذيك، قامت من الكرسي تاعها، وراحت، واحنا نتبعوا فيها بعينينا حتّى دخلت لمكتب واحد آخر، وغلقاتوا بالمفتاح.....
بقيت أنا وصاحبي ننتاظروا قريب 25 دقيقة وأنا حامل شهاداتي الثلاثة في يدي !
...................
في هاذي اللحظة، دخل شاب جديد للوكالة، وقال لهاذيك البنت اللي قاعدة في المكتب اللي مقابل المكتب اللي كنا مجمعين فيه: اسمحيلي أختي ما شفتيش (عِيشة) ؟
قالتلوا: والله ما علابالي خويا، راهي غير هنا دور، ما طَوَّلش...

[نورسين.داية]

الصراحة هذه هي إداراتنا الله غالب
(لكن عن نفسي لن أسكت لهذا الموقف :دارتها مع غيري مديرهاش معايا أنا الله يسهل عليها)

[نوار الصباح]

كان غير كملتلنا الحكاية راك شوقتني باه نعرف واش دارت عيشة هادي
خويا انت علاه مسمعتهاش زوج كليمات غير بالرتب والقدر بردها في بلاصتها
حنا هكدا في بلادنا اللي يحكم بيرو يحسب روحو بابات البلاد ربي يهدي

[العنبلي الأصيل]

يوميات شاب متخرج (منذ أكثر من ست سنوات) يبحث عن عمل.
يقولوا في المثل : إذا عمّت خفّت.
راني معاك في الخط........(7 سنوات) ومازال مازال ....

[بنت الحجاج]

ايَّا ؟



كمّل خويا

[صبريـنة]

السلام عليكم إخواني أخواتي
أريد أن أوضح للأعضاء حقيقة الأمر
الحقيقة أن عائشة فتاة عملية وأنا أعرفها أشد المعرفة ولا أسمح بإهانتها هكذا على النت
يا أخي لوكان تكون هذي عيشة أختك ولا أمك
إنها تستقبل الشباب بالمئات والآلاف في وم واحد ولا يوجد من يساعدها في مكتبها هي فقط
والكل يريد أن يدخل عليها فيدخل الجميع إلى المكتب ويتكلم الجميع وهي إنسان وليست آلة
لهذا تراها تحاول أن تنظمهم وللأسف مجتمعنا لا يحب التنظيم يحب الفوضى
فكم من شاب لايملك عملا وحكى لها مأساته وساعدته بكل ما أوتيت
وكم من شخص خدمته وكم وكم وكم
لهذا إخواني أرجو أن لا تحكموا من قصة شاب لم يتحمل كون امرأة هي من تحكم عليه الدوسي

[rita05]

والله حتى انا رحت عندها وقاتلي روحي ومبعد_بعد عام* ارجعي ومعايا في وجهي يقولولها هاكي راهو بعثنا فلان وفلان
هذي بلادنا

[عوماري]

في بلادنا الكل يشكي من الحقرة بصح يحكم بيرو يحسب روحو فرعون زمانه

[سمير الشاوي]

السلام عليكم إخواني أخواتي
أريد أن أوضح للأعضاء حقيقة الأمر
الحقيقة أن عائشة فتاة عملية وأنا أعرفها أشد المعرفة ولا أسمح بإهانتها هكذا على النت
يا أخي لوكان تكون هذي عيشة أختك ولا أمك
إنها تستقبل الشباب بالمئات والآلاف في وم واحد ولا يوجد من يساعدها في مكتبها هي فقط
والكل يريد أن يدخل عليها فيدخل الجميع إلى المكتب ويتكلم الجميع وهي إنسان وليست آلة
لهذا تراها تحاول أن تنظمهم وللأسف مجتمعنا لا يحب التنظيم يحب الفوضى
فكم من شاب لايملك عملا وحكى لها مأساته وساعدته بكل ما أوتيت
وكم من شخص خدمته وكم وكم وكم
لهذا إخواني أرجو أن لا تحكموا من قصة شاب لم يتحمل كون امرأة هي من تحكم عليه الدوسي
شكرا أختي على حسن الظن
أنا لم أتهمها
أنا فقط حكيت واش شفت هاذاك النهار
إذا جات معرفيتك أختي غير انصحيها تقعد في المكتب تاعها برك
رانا منين نروحوا نقعدوا نستناو حتى يعود العدد تاعنا 24 / 25

[kader41000]

السلام عليكم إخواني أخواتي
أريد أن أوضح للأعضاء حقيقة الأمر
الحقيقة أن عائشة فتاة عملية وأنا أعرفها أشد المعرفة ولا أسمح بإهانتها هكذا على النت
يا أخي لوكان تكون هذي عيشة أختك ولا أمك
إنها تستقبل الشباب بالمئات والآلاف في وم واحد ولا يوجد من يساعدها في مكتبها هي فقط
والكل يريد أن يدخل عليها فيدخل الجميع إلى المكتب ويتكلم الجميع وهي إنسان وليست آلة
لهذا تراها تحاول أن تنظمهم وللأسف مجتمعنا لا يحب التنظيم يحب الفوضى
فكم من شاب لايملك عملا وحكى لها مأساته وساعدته بكل ما أوتيت
وكم من شخص خدمته وكم وكم وكم
لهذا إخواني أرجو أن لا تحكموا من قصة شاب لم يتحمل كون امرأة هي من تحكم عليه الدوسي
محاولة هجمة مرتدة فاشلة

أنا لا أعرف هذي عيشة بصح مشي بمزيتها تخدم

في رأيي الشاب عندو الحق وهو ما حكاش والو وكيما قلك قوليلها تقعد في المكتب تاعها برك باش ما نكثروش علاها


سلااااااااااااااااااااااااااام

[ام ظافر]

قصة مضحكة مبكية في الوقت نفسه وهذه حال كل مكاتب الجزائر تتكرر مع عيشة ومع عويشة ومع عيوش ومع كل من حكم مكتب وبدى يتفرعن

[*جوداء*]

السلام عليكم إخواني أخواتي
أريد أن أوضح للأعضاء حقيقة الأمر
الحقيقة أن عائشة فتاة عملية وأنا أعرفها أشد المعرفة ولا أسمح بإهانتها هكذا على النت
يا أخي لوكان تكون هذي عيشة أختك ولا أمك
إنها تستقبل الشباب بالمئات والآلاف في وم واحد ولا يوجد من يساعدها في مكتبها هي فقط
والكل يريد أن يدخل عليها فيدخل الجميع إلى المكتب ويتكلم الجميع وهي إنسان وليست آلة
لهذا تراها تحاول أن تنظمهم وللأسف مجتمعنا لا يحب التنظيم يحب الفوضى
فكم من شاب لايملك عملا وحكى لها مأساته وساعدته بكل ما أوتيت
وكم من شخص خدمته وكم وكم وكم
لهذا إخواني أرجو أن لا تحكموا من قصة شاب لم يتحمل كون امرأة هي من تحكم عليه الدوسي
يا اختي مكان لا الة لا والو
هذي اسمها كلام الاتساع تع واحد مريح ويشوف فالناس اللي فالضيق ..لوكان كانت بلا عمل وكانت في وسط هذاك الشباب كانت تحملت الالم والوقوف بالساعات والانتظار وقالت ما يقوله هذا لشاب
مدامها خرجت للعمل عليها ان تقوم به حتى لو جاها مليون ملف فاليوم ...العمل عمل ومافيهش لعب وتخرج وتدخل وقتما تحب ..لانها فالاخير ماهيش تخدملهم باطل ولا تخلص عليهم من جيبها ..هذا عمل وراهي تتقاضى اجر عليه في النهاية

كما قال الاخوة من قبل المشكلة فينا الواحد يحكم مكان وتبدا تلحقو الشهرية يبانولو الناس الاخرين حشرات ويدوس عليهم عند اول فرصة ...
على كل ربي يهدينا

[fazouza]

و الله يا اخي هذي هي الادارة في بلادنا غير التشناف و كانو راهم اديرو مزية في لعباد الا من رحم ربي

[amir1]

السلام عليكم إخواني أخواتي
أريد أن أوضح للأعضاء حقيقة الأمر
الحقيقة أن عائشة فتاة عملية وأنا أعرفها أشد المعرفة ولا أسمح بإهانتها هكذا على النت
يا أخي لوكان تكون هذي عيشة أختك ولا أمك
إنها تستقبل الشباب بالمئات والآلاف في وم واحد ولا يوجد من يساعدها في مكتبها هي فقط
والكل يريد أن يدخل عليها فيدخل الجميع إلى المكتب ويتكلم الجميع وهي إنسان وليست آلة
لهذا تراها تحاول أن تنظمهم وللأسف مجتمعنا لا يحب التنظيم يحب الفوضى
فكم من شاب لايملك عملا وحكى لها مأساته وساعدته بكل ما أوتيت
وكم من شخص خدمته وكم وكم وكم
لهذا إخواني أرجو أن لا تحكموا من قصة شاب لم يتحمل كون امرأة هي من تحكم عليه الدوسي
السلام عليكم اختي بركانا من المثالية لي يحكو عليها الناس الكل وا شفنا منها والوووووووووو
لوكان جاء الكل يخدم وخدمتو راهي الحالا مليحة وش عجبك في هدي لبلاد كل شئ مزبع وا تدخليش كل شئ في راجل ومرا
خلقو ليتاعايشو مش يتعاندو
وكيما يقول الياباني نخدم ثماني ساعات من اجل نفسي ونزيد ساعة من اجل اليابان هدي تكفينا
مجرد وجة نظر

[سمير الشاوي]

وكيما يقول الياباني نخدم ثماني ساعات من اجل نفسي ونزيد ساعة من اجل اليابان هدي تكفينا

عجبتني هاذي بزاف

[ماركيز86]

عجبتني هاذي بزاف

السلام عليكم
لوكان كل خدام يزيد ساعة واحد في كل المجالات تشوف نهضة صح
كون يكونو عندنا 2ملاين خدام يسما 2 ملاين ساعة كل واحد في لبوسط نتاعو شوف شحال تتقدم لبلاد من عام لقدام علما ان اليابان والصين خمسين عام كفاتهم برك
صح فطوركم

[ضباب]

http://t2.gstatic.com/images?q=tbn:ANd9GcQzaBTvIl9D9gbWex4cPlmZb9QgkmzEV 4BIBy_JxB8ycaFwfjlEng

[radpeace]

السلام عليكم
اقتباس:
المشاركة الأصلية كتبت بواسطة amir1 http://www.djelfa.info/vb/images/buttons/viewpost.gif (http://www.djelfa.info/vb/showthread.php?p=6185597#post6185597)
وكيما يقول الياباني نخدم ثماني ساعات من اجل نفسي ونزيد ساعة من اجل اليابان هدي تكفينا

فكرتني الله يحفظك في قصة حكاها لي صديق عن رجل ياباني أو صيني إعتنق الإسلام حديثا. و لأنه حديث عهد بالإسلام، أحضروا له أحد الدعاة ليفقهه في أمور الدين. و بدأ هذا الداعي يتكلم عن الجنة و أن لا عمل فيها و لا هم يحزنون، فقط الأكل و الشرب و اللعب وما إلى ذلك من الملذات. فأستوقفه هذا الرجل و قال له مستغربا و غير راضيا: لا تقل لي لا يوجد عمل في الجنة؟، فقال له الداعي:نعم، وما الغرابة في ذلك؟. فرد عليه الرجل أنه يريد و يتمنى أن تكون له مزرعة في الجنة و أن يملكها و يعمل فيها شخصيا. فما كان من هذا الداعي إلا أن وقف حائرا متعجبا معجبا و مبتسما من موقف هذا الرجل الذي يريد أن يعمل حتى في الجنة و قال له: لك ذلك إن شاء الله

هذا هو الفرق بيننا و بينهم، هم يعملون و يحبون العمل ويعتبرونه هواية، أما نحن فلا نعمل إلا إذا كنا ملزمين او مكرهين

صح فطوركم

[سمير الشاوي]

الفرق بين الجزائري والياباني: النية.

[rita05]

انا مع الاخ ليس بمزيتها..................................

[عماد المحب]

المشكل راه ماشي في المزية
راه لوكان ايجي واحد النهار الاول يخدم راه يخدم خدمتو وزيادة مبصح ما يطولش ويولي في صف اصحاب سياسة الابواب المغلقة وحتى ولوكان ما هوش راضي بهدا الشىء

[سمير الشاوي]

المشكل راه ماشي في المزية
راه لوكان ايجي واحد النهار الاول يخدم راه يخدم خدمتو وزيادة مبصح ما يطولش ويولي في صف اصحاب سياسة الابواب المغلقة وحتى ولوكان ما هوش راضي بهدا الشىء
أظن أنك تعاني من سياسة الأبواب المغلقة يا عماد ؟؟؟
راني حاس بيك...

[Amouna.DZ]

نقولكم حاجة ألي حاب يلقى خدمة تفرحو يدير ربي في قلبو و يعرف و يأمن بلي هو الرزاق وحدوا لا عيشة ولا غيرها الي رايحة تلقالو خدمة هاذوك ماراهم غير أسباب.
حذاري ثم حذاري أن تذل نفسك لأي انسان مهما كان مقامه (الا والديك طبعا)

الهم أرزق شبابنا اعمالا صالحة تقر بها أعينهم

[الامل في الله]

انا لا اعرف لا عيشة لكن اعرف الادارة هي فعلا ان كانت تعاملت بهدا الاسلوب فهي مخظئة لكن ربما لديها اسباب فهناك ظلمكبير في الادارة و يقع عادة على الموظف البسيط فمثلا تجد مسؤول المكتب لا ياتي الا بعد التاسعة و هي المجبرة على ان تجيب الجميع كدلك ربما تكون هي ايضا متعاقدة او تعمل في اطار الشبكة الاجتماعية و هدا حال بلادنا فليس كل الموظفين مرسمون
فالتمس لّأخيك كم من عدر ثم راهي بنت بلادك فانصحها و لاتفضحها

[سمير الشاوي]

انا لا اعرف لا عيشة لكن اعرف الادارة هي فعلا ان كانت تعاملت بهدا الاسلوب فهي مخظئة لكن ربما لديها اسباب فهناك ظلمكبير في الادارة و يقع عادة على الموظف البسيط فمثلا تجد مسؤول المكتب لا ياتي الا بعد التاسعة و هي المجبرة على ان تجيب الجميع كدلك ربما تكون هي ايضا متعاقدة او تعمل في اطار الشبكة الاجتماعية و هدا حال بلادنا فليس كل الموظفين مرسمون
فالتمس لّأخيك كم من عدر ثم راهي بنت بلادك فانصحها و لاتفضحها
يا أخت راكي تتوقعي كي ننصحها تسلفلي وذنيها نسمعها شوية كلمات
راها تقولك:
أنتوما ادخلوا من الباب وأنا نهرب من الطاقة...

[الامل في الله]

ان لم تقبل النصيحة فكلمها و كلك ثقة انك انسان و لديك كرامة و يجب الا تعاملك هكدا انت و غيرك و اشتكيها لمسؤولها او مسؤول مسؤولها ان لزم الامر و تدكر انه ما ضاع حق وراءه مطالب و ان الرزق بيد الله و ليس بيد عيشة

[عروبتي]

ياخويا لي يشد في كرسي يحسب روحو شاد في الجزائر كامل حتى ولو ماشي مرسم
ربي يهدي هادو العباد