شوية إحترام.... الله يخليكم

[imi02i]

السلام عليكم ورحمة الله تعالى وبركاته
لفت انتباهي الى إحدى الظواهر الغريبة في مجتمعاتنا
وأتكلم بصفة خاصة عن أصحاب السيارات الذين نطلق عنهم إسم "fraude"
****
***
*
تراهم غير راضين عن مانعيشه في واقعنا المر من انحلال وضعف وازع ديني وغيرها
لكن الملاحظة الذي شدت انتباهي لهم أو بالأحرى لبعض منهم
يستمعون للأغاني والموسيقى أثناء سياقتهم
وعندما تركب معهم فتاة فلا يهتمون بها بمعنى يطلون يستمعون إلى ذاك الكلام الوسخ
أما بمجرد مايركب رجل من جنسهم فقبل ما يفتح الباب هذا الأخير يقوم بإطفاء المذياع أو غيره ...
فماهو السبب الذي يجعلهم يكنون احتراما لجنسهم بينما الجنس الآخر لا يبالون به؟؟
هل لهذه الدرجة نحن عندهم لا نساوي شيئا
أم أننا لسنا أهل الإحترام ؟
أردت أن أطرح هذا الموضوع للذكور خاصة
فأتمنى أن تفيدوني
وشكرا لكم
ردودكم محل اهتمامي

[بنت الحجاج]

بصراحة يا اختي

الفتاة هي التي تفرض احترامها

اذا كانت الفتاة متحجبة و ساترة روحا

من نفسو تلقايه حبس لغنا

اما اذا كانت من النوع الاخر .. عطور و مكياج .. و غيرها

كيف يحترمها و هي لم تحترم نفسها



ساخبرك يا اختي بموقف مررت به

و يشهد الله انني لست بصصد التفاخر

و انما لاوصل الفكرة فقط

مرة كنت في الاقامة الجامعة

و احتجت ان اذهب الى احد المكاتب في ادارة الاقامة

رافقتني صديقتي

صدقيني يا اختي

دخلنا على الرجل و كان يسمع الغنا

مجرد ما القيا عليه السلام و انتبه الينا اوقف الغنا

لماذا .. لان مظهرنا يفرض الاحترام

[le fugitif]

مرة اخرى اطلبي منه توقيف الموسيقى وحمري فيه العين

[نور على نور]

لكل شخص احترامه وشخصيته اتي يفرضها على الاخرين

[ع.جمال]

السلام عليكم.
لو كل واحدة لما تصعد إلى السيارة وتقول بعد السلام طبعا [الغناء الحرام ] وتتركه وتذهب إلى غيره لما آل الحال إلى الحال الذي ذكرت.
وبارك الله فيك .

[نجمة ساطعة]

و علاه تركبي في فرود .....

الطاكسي أضمن ....

أظهري الانزعاج ... و إذا اضطريت اطلبي منه توقيف الغناء غير المحترم ....

سيلبي غصبا عنه و إلا فانزلي :):)

[عوماري]

من الافضل للفتاة عدم الركوب في سيارة غير قانونية في العمل

[سر السعادة]

مرة اخرى اطلبي منه توقيف الموسيقى وحمري فيه العين
عندك الحق خويا ماليهم غير هكا

[نينا الجزائرية]

يا بنت الناس انا مذكرتش تلفون ومذكرتش هدرة نتاع تلفون
وواش دخل النت في البورتابل
ونقلك حاجة اخرى
تامني ولا متامنيش كيف كيف نفس الشيء
ميهمنيش الأمر نتاعك
ومذابييك كوني منطقية
أعطي جواب قد السؤال.....

ختي كبري عقلك ومترديش عليها

[نينا الجزائرية]

لا حول ولا قوة الا بالله
انحطاط في ردود وتدني المستوي
اختي بالنسبة لموضوعك صحيح كاين ناس لا تعير ادني احترام وهم قلة ربي يهديهم لا يحترمون انفسهم فكيف بغير
المشكل اختي في حافلات ويطلقون العنان للموسيقي والغناء
هنا لا يراعون الشيخ ولا مراة ولا عجوز
ربما موقف لي ذكرتيه هذا الانسان يخاف من رجل يقولو كلام يهز بدنه وهناك فتيات يحشمو يقلولو طفي بوست لان كاين ليحقرو المراة ويقولها راني حر ومادخلك وياريت منعطيش اللوم للبنت فقط ونقول عليها مشي بنت فاميلية

[thorpe]

سلام عليكم

موضوع حساس وواقعي جدا بارك الله فيك اختي
طبعا الامر واضح لان الشاب لو ركب مع الشاب قد يرمي له كلام جارح دون ان يطلب منه اطفاء الموسيقى او الغناء الماجن ان صح التعبير
اما الفتاة حين تركب فهو قبل ان يراها كزبون سيراها كفريسة ويعتبر الاغاني رسالة غير مباشرة عل وعسى ستفهمها الراكبة طبعا حسب اخلاقها
والله اعلم
سنضل متابعين ريثما نتذكر مواقف

[imi02i]

ختي كبري عقلك ومترديش عليها


lشكرا ليك أختي نينا
أنا عقلي كبير بربي ان شاء الله
ومدامني وضعت موضوع أكيد راح نتقبل أي شكر أو أي انتقاد بكل روح رياضية
لكن للأسف ... :confused::confused::confused::confused:

[نينا الجزائرية]

lشكرا ليك أختي نينا
أنا عقلي كبير بربي ان شاء الله
ومدامني وضعت موضوع أكيد راح نتقبل أي شكر أو أي انتقاد بكل روح رياضية
لكن للأسف ... :confused::confused::confused::confused:

أختي الكريمة ما تفضلت الانسة المحترمة بذكره ليس بانتقاد بل شتم وتجريح لنفسك
والله استغربت كيف تشكرينها
أختي لازم توقفي الانسان في حدو
او تجاهليه
هذي مسالة كرامة
توصل للشرف لالا حنونة
راهي تقذف
وكل مشاركاتها
تقذف في بنات
وليس انتقاد
صراحة اشك انها شاب

[بنت الحجاج]

صراحة اشك انها شاب


هاذي ما زات صغيرة

ما تعرفش تهدر

[نينا الجزائرية]

هاذي ما زات صغيرة

ما تعرفش تهدر

لالا هذا كلام والعياذ بالله تاع واحدة مشي متربية واسفة علي اللفظ
اختي متخرجة من الجامعة وبهذا المستوي
واسفاه علي جامعاتنا وواش تخرج
صراحة راهي تسيء لوهران اساءة كبيرة وبنات الغرب
يعني لو قلنا صغيرة يعني في 22 سنة
يعني مراهيش صغيرة جدا
هذي واحدة او واحد منحرف مراهش متربي

[imi02i]

لا عليك أختي نينا
كل واحد وربي يعطيه قد نيتو
وأشكال كما هذي
ماعلينا الا ندعو لربي بالهداية

[imi02i]

هل من آراء أخرى إخوتي ؟؟؟

[سحر الغروب]

الفرود؟؟؟؟؟؟؟؟ الطفلة ما تطلعش معاه

يا تطلع في تاكسي باينة ولا تروح على رجليها

بالنسبة لي في حياتي لم استقل سيارة اجرة

ولا في عائلتنا

في رايي هو حرام لانوفيه خلوة والله اعلم.

[imi02i]

الفرود؟؟؟؟؟؟؟؟ الطفلة ما تطلعش معاه

يا تطلع في تاكسي باينة ولا تروح على رجليها

بالنسبة لي في حياتي لم استقل سيارة اجرة

ولا في عائلتنا

في رايي هو حرام لانوفيه خلوة والله اعلم.
مشكورة أختي على مرورك الكريم
ردك على العين والراس

[عادل الجلفاوي]

لو انت من البداية واثناء الصعود من فضلك اغلق المذياع ....ببساطة لان الامر راجع لك ...

[paradox]

اعدروني على خروجي على الموضوع هنا
مي حبيت نقول حاجة ونروح

واش بيك عادل ضاربك الجن على مواضيعي؟؟؟

كاش مادرتلك انا؟؟؟؟



شوية احترام......الله يخليكم

سلاااااااام

[* مِيمُورے *]

وجب أن نختار مع من نركب بعناية ... :rolleyes:
ركزلي على بـ ( عناية )
...
لأنه من غير المعقول أن تركب الفتاة مع أي كان
...
سيقول بعضكم ( للضرورة أحكام )
..
أقول ... " إذن فعليك بالصبر .. "

[imi02i]

شكرا ليك أخي عادل على مرورك
أما بالنسبة لبارادوكس
إن شاء الله مايكون إلا الخير

[توفيق19]

بكل صراحة هم يطمعون في الجنس اللطيف مهما كانت حتى لو كان متزوجا أو صديقا لألف فتاة فهاذا هو حال الإنسان
فاسمحيلي على صراحتي
ونصيحتي أن لا تستعملي الفرود
هذا رأيي

[~*لوفي*~]

السلام عليكم

في الحقيقة ما فهمتش واش تقصدي ب fraude

وقيل هي وسيلة نقل جماعية صغيرة.؟




المهم حنا في الوسط قليل جدا لايستعمل الغناء في وسائل النقل العامة


كي زرت الغرب لقتها كارثة
نوورمال لغنا في وسائل النقل وواحد مايهدر

هذا هو السبب
رجع الامر عادي وسكت الجميع حتى جعل من صاحب وسيلة النقل يدير واش يحب



ربي يهدينا

ودمتم سالمين

[توفيق19]

السلام عليكم

في الحقيقة ما فهمتش واش تقصدي ب fraude

وقيل هي وسيلة نقل جماعية صغيرة.؟




المهم حنا في الوسط قليل جدا لايستعمل الغناء في وسائل النقل العامة


كي زرت الغرب لقتها كارثة
نوورمال لغنا في وسائل النقل وواحد مايهدر

هذا هو السبب
رجع الامر عادي وسكت الجميع حتى جعل من صاحب وسيلة النقل يدير واش يحب



ربي يهدينا

ودمتم سالمين



fraude هو تاكسي لايملك رخصة النقل أو تاكسي غير شرعي

[imi02i]

بكل صراحة هم يطمعون في الجنس اللطيف مهما كانت حتى لو كان متزوجا أو صديقا لألف فتاة فهاذا هو حال الإنسان
فاسمحيلي على صراحتي
ونصيحتي أن لا تستعملي الفرود
هذا رأيي

شكرا لك أخي على نصيحتك
وعلى مرورك

[~*لوفي*~]

fraude هو تاكسي لايملك رخصة النقل أو تاكسي غير شرعي



حنا نسموهم كلوندستان
شكرا على الشرح


غريبة بنات يطلعوا مع هذوك ؟
هنا نقول
اجيني يا لبلى ولا نجيك

ودمتم سالمين

[imi02i]

حنا نسموهم كلوندستان
شكرا على الشرح


غريبة بنات يطلعوا مع هذوك ؟
هنا نقول
اجيني يا لبلى ولا نجيك

ودمتم سالمين









يا أخي لا تفهمني غلط
كيف لنا أن نقطع مسافات بعيدة مشيا على الأقدام مرتين أو أكثر في اليوم
كذا النقل الحضري يتوفر وسط المدينة فقط
لكن النواحي الأخرى النقل الحضري ضئيل جدا ومنعدم أحيانا
لست بموضوعي هذا لأشتكي قلة المواصلات أو غيرها
وإنما هو الشيء الذي حيرني
وأحببت أن أصل لمعرفة شيء ما عنه
***
الزي ليس له دور
فمثلا البعض يقول : أن زيك يفرض عليه فتح المذياع أو غلقه
لكن الأمر غير ذلك ....
فتاة صغيرة أو كبيرة
متبرجة أو مستورة...
لا يغني هذا شيئا
حتى أنك لو تطلب منه غلق المذياع
فلا يبالي
جوابه
أنا حر وإذا لم يعجبك هذا فاركب في سيارة أخرى
في مرت من المرات ركب شاب متدين في سيارات الفرود
وطلب من صاحب السيارة غلق المذياع
فكان رد السائق:
القرضاوي مدرتلوش قدر حتان نقادرك انت ؟
لكن نقول يارب اهدنا لما فيه الخير والصلاح

وبارك الله فيك على مرورك الكريم مرة ثانية
نتمنى تفاعلك مرة أخرى

[isyami]

السلام عليكم ورحمة الله تعالى وبركاته
لفت انتباهي الى إحدى الظواهر الغريبة في مجتمعاتنا
وأتكلم بصفة خاصة عن أصحاب السيارات الذين نطلق عنهم إسم "fraude"
****
***
*
تراهم غير راضين عن مانعيشه في واقعنا المر من انحلال وضعف وازع ديني وغيرها
لكن الملاحظة الذي شدت انتباهي لهم أو بالأحرى لبعض منهم
يستمعون للأغاني والموسيقى أثناء سياقتهم
وعندما تركب معهم فتاة فلا يهتمون بها بمعنى يطلون يستمعون إلى ذاك الكلام الوسخ
أما بمجرد مايركب رجل من جنسهم فقبل ما يفتح الباب هذا الأخير يقوم بإطفاء المذياع أو غيره ...
فماهو السبب الذي يجعلهم يكنون احتراما لجنسهم بينما الجنس الآخر لا يبالون به؟؟
هل لهذه الدرجة نحن عندهم لا نساوي شيئا
أم أننا لسنا أهل الإحترام ؟
أردت أن أطرح هذا الموضوع للذكور خاصة
فأتمنى أن تفيدوني
وشكرا لكم
ردودكم محل اهتمامي




بداية هناك أمر لم يعجبني.كيف تركب البنت أو المرأة سيارة غير مرقمة و غير قانونية :mad: !!....أتعرفين أنه إدا حدث لك حادث لا قدر الله فإنك مخالفة للقانون و لا يحق لك المطالبة بحقوقك حتى و إن كان الزبون رجلا. !!!
ثم نتكلم عن السيارة غير القانونية ، كيف تركبين في مثل هده السيارة ؟ :mad: و لمادا تمانعين في الركوب مع زميل مثلا، فالحالتان متساويات ، لا تغرك التسمية .فاحذري كلاهما موقف للشبهة و ألسنة الناس لا ترحم.
فحين تكونين في حالة مشروعة و قانونية ، حينها فقط يمكنك أن تطلبي من صاحب السيارة و بأدب أن يطفئ المذياع أو يطفئ سيجارته و تأكدي سيفعل لأنها وظيفته و هو لا يريد أن يخسر زبائنه.و هدا ما يحدث فعلا مع سائقي سيارة الأجرة. حتى و إن أظهر بعضهم تدمرا و لكنه لا يمكنه إلا أن يقبل فهدا قانون. لا تسكتي عن حقك أبدا.
و إدا رأيتك مرة أخرى في مثل هده السيارات فسأخبر أمك هاهاهاها :D.....


تحياتي الأخوية :mh31:

[~*لوفي*~]

يا أخي لا تفهمني غلط
كيف لنا أن نقطع مسافات بعيدة مشيا على الأقدام مرتين أو أكثر في اليوم
كذا النقل الحضري يتوفر وسط المدينة فقط
لكن النواحي الأخرى النقل الحضري ضئيل جدا ومنعدم أحيانا
لست بموضوعي هذا لأشتكي قلة المواصلات أو غيرها
وإنما هو الشيء الذي حيرني
وأحببت أن أصل لمعرفة شيء ما عنه
***
الزي ليس له دور
فمثلا البعض يقول : أن زيك يفرض عليه فتح المذياع أو غلقه
لكن الأمر غير ذلك ....
فتاة صغيرة أو كبيرة
متبرجة أو مستورة...
لا يغني هذا شيئا
حتى أنك لو تطلب منه غلق المذياع
فلا يبالي
جوابه
أنا حر وإذا لم يعجبك هذا فاركب في سيارة أخرى
في مرت من المرات ركب شاب متدين في سيارات الفرود
وطلب من صاحب السيارة غلق المذياع
فكان رد السائق:
القرضاوي مدرتلوش قدر حتان نقادرك انت ؟
لكن نقول يارب اهدنا لما فيه الخير والصلاح

وبارك الله فيك على مرورك الكريم مرة ثانية
نتمنى تفاعلك مرة أخرى



يا اختي ما فمتكش غالط


وانا منركبش مع شخص غير محترم

حتى اذا طريت نروح نمشي كلومترات

ولا حتى نحبس الخدمة
خاصة طفلة



واذا قال سيارتي ندير فيها واش نحب


واش راح نقولك؟؟

ماشي سيارتوا؟

سيارتو نعم ومعندك حتى سلطة عليه

لو كان طاكسي قانوني كاين قانون ينظم هذا الشيء ويمنع استعمال المذياع المزعج في اثناء الرحلة



واذا كامل هذا

ومزالكم تركبوا معاهم ودايرين فيكم رايهم

ساميحني نقولك
الغلطة منكم



لان هما ميحشموش مايحشموش



بصح كان لقوا لعصا
والله مايديرو هكذا



ونتوم ساكتين حتى على الجيهات المعنية باه ديرلكم نقل قانوني



وربي يهيدنا جميعا

ونقولك
والله مايربحوا

[imi02i]

بداية هناك أمر لم يعجبني.كيف تركب البنت أو المرأة سيارة غير مرقمة و غير قانونية :mad: !!....أتعرفين أنه إدا حدث لك حادث لا قدر الله فإنك مخالفة للقانون و لا يحق لك المطالبة بحقوقك حتى و إن كان الزبون رجلا. !!!
ثم نتكلم عن السيارة غير القانونية ، كيف تركبين في مثل هده السيارة ؟ :mad: و لمادا تمانعين في الركوب مع زميل مثلا، فالحالتان متساويات ، لا تغرك التسمية .فاحذري كلاهما موقف للشبهة و ألسنة الناس لا ترحم.
فحين تكونين في حالة مشروعة و قانونية ، حينها فقط يمكنك أن تطلبي من صاحب السيارة و بأدب أن يطفئ المذياع أو يطفئ سيجارته و تأكدي سيفعل لأنها وظيفته و هو لا يريد أن يخسر زبائنه.و هدا ما يحدث فعلا مع سائقي سيارة الأجرة. حتى و إن أظهر بعضهم تدمرا و لكنه لا يمكنه إلا أن يقبل فهدا قانون. لا تسكتي عن حقك أبدا.
و إدا رأيتك مرة أخرى في مثل هده السيارات فسأخبر أمك هاهاهاها :d.....


تحياتي الأخوية :mh31:
هههههههههههههه
خلاص منزيدش نعاود
متقولهاش برك
حتى وان كان انا ولا امي ولا ابي ولا أي فرد من أسرتنا أو الحي بصفة عامية يستعملو الفرود
ان شاء الله يكون كلامك في الحسابن وماشي نقراه برك
وبارك الله فيك
تحياتي لك

[imi02i]

يا اختي ما فمتكش غالط


وانا منركبش مع شخص غير محترم

حتى اذا طريت نروح نمشي كلومترات

ولا حتى نحبس الخدمة
خاصة طفلة



واذا قال سيارتي ندير فيها واش نحب


واش راح نقولك؟؟

ماشي سيارتوا؟

سيارتو نعم ومعندك حتى سلطة عليه

لو كان طاكسي قانوني كاين قانون ينظم هذا الشيء ويمنع استعمال المذياع المزعج في اثناء الرحلة



واذا كامل هذا

ومزالكم تركبوا معاهم ودايرين فيكم رايهم

ساميحني نقولك
الغلطة منكم



لان هما ميحشموش مايحشموش



بصح كان لقوا لعصا
والله مايديرو هكذا



ونتوم ساكتين حتى على الجيهات المعنية باه ديرلكم نقل قانوني



وربي يهيدنا جميعا

ونقولك
والله مايربحوا



شكرا ليك أخي على مرورك مرة أخرى وعلى كلامك الموزون
راها حوايج بزاف الي تخلينا نضطروا لأشياء كيما هذي
لكن أن شاء الله أنا ولا أي فتاة مثلي نحاولو نتجنبوا أشياء كما هذي
وربي يجازيك ألف خير على كلامك
هوما ما يربحوش بصح نسألو ليهم الهداية ولينا حنا ثاني
تحيـــــــــــــاتي

[محمد سوق]

الأخت المحترمة شكرا على الموضوع
لكن لدي تعقيب عندما ترين ساقطا فلا داعي للركوب معه و دعيه فيما هو عليه

[سحر الغروب]

نقولكم حاجة اللي حابة السترة تخرج هي وخوها ولا والدها

راي شخصي صدقوني

والله الفتاة اللتي تخرج مع احد محارمها احسن

واضمن..طبعا هذا اذا كانوا قاعدين وربي يجيب الخير

[imi02i]

ربي يجيب الخير ان شاء الله أختي
شكرا ليك أنتي وللأخ محمد سوق على التعقيب
وعندك ألف حق في ماتقولين الطفلة لا زم تخرج مع الوالد أو الأخ أو ولي الامر بصفة عامة
لكن ليس كل يوم للذهاب إلى المدرسة

[سحر الغروب]

الدراسة شي والاماكن الاخرى شي

والبنت التي تخرج مع محارمها ما يزيدها الا شرفا لها

و حرمة

احكي والله هذه الامور مجربتها...............

على عادتي اخرج دائما مع احد الاخوة او الوالد

والحمد لله لحد الان وها قد اقترب موعد زفافي

عشت دائما هكذا وللابد انشاء الله

يعني حتى الحرمة تزيد تاع الطفلة....

[paradox]

السلام عليكم

اسمحينا ايمي على الديرونجمون مقبيل كنت منارفيا

عدنا....



راني نشارك في طومبولا باش نربح لوطو ههههه
ومايكونش عندي المشكل


ملاحظة حبيت نقولها:

هناك طاكسيات تسوقها نساء عندنا
ويركبو برك النساء

يعني المشكل يقل شوية بالنسبة للفتيات
وطفلة تنجمي تحكي معاها تقوليلها طفي الراديو
ماشي كيما راجل

شكرا ايمي
ماشي عندك الباك هاد العام؟
مازالك في المنتدى!!!!


سلاااااااام

[زائرة]

اصلا متركبيش معاه لاخاطر معندوش رخصة نقل حضري
من وين يجيه الاحترام وهو مهوش محترم القانون

[imi02i]

السلام عليكم

اسمحينا ايمي على الديرونجمون مقبيل كنت منارفيا

عدنا....



راني نشارك في طومبولا باش نربح لوطو ههههه
ومايكونش عندي المشكل


ملاحظة حبيت نقولها:

هناك طاكسيات تسوقها نساء عندنا
ويركبو برك النساء

يعني المشكل يقل شوية بالنسبة للفتيات
وطفلة تنجمي تحكي معاها تقوليلها طفي الراديو
ماشي كيما راجل

شكرا ايمي
ماشي عندك الباك هاد العام؟
مازالك في المنتدى!!!!


سلاااااااام
نعم عندي باك هذا العام
مي الله غالب مانيش كما الناس اللي تقرا
يا إما راني قاعدة عند النت يا إما راني نحفظ في المتون
هذا مانقضي
بالنسبة للموضوع نتاعنا
حاجة مليحة كتكون مرا تخدم تاكسي ويركبو معاها بنات برك
ديما خير من الراجل
بصح حنا مازال موصلتش لينا ههههه
والسماح على كل حال مكاين والو

[imi02i]

اصلا متركبيش معاه لاخاطر معندوش رخصة نقل حضري
من وين يجيه الاحترام وهو مهوش محترم القانون
عندك الحق أختي
ومادام راكي قريبة ليا ورانا في ولاية وحدة ممكن عندك نظرة عليهم
شكرا على المرور