أريد رأيكم بصراحة [الأرشيف] - منتديات الجلفة لكل الجزائريين و العرب

لؤلؤة الفردوس

2011-04-20, 11:35

kaother

2011-04-20, 11:49

صلي صلاة الاستخارة و شوفي انت واش راكي حابة الديري
و الله صعب واحد يدبر عليك في موضوع كيما هدا
انا شخصيا لو كنت في بلاصتك نكمل قرايتي اولا ثم نشوف
و ادا هدا خطيبك يقبل يخليك تقراي بعد الزواج يمكنكي تتزوجي و تكملي قرايتك في نفس الوقت

samasima

2011-04-20, 11:52

خولة أختي هدا كلام كبير وخطير علاش الدواس درك نورمالمو خلاص الأمور راهي محسومة
كان في يدك تفكري في الأول قبل اتخاذ أي قرار يتعلق بحياتك المستقبلية والأخذ برأي الأكبر منك
خولة زوجك متفهم للوضع راح يخليك تكملي دراستك بإذن الله
وهاد المشاكل اللي راكي تحكي عليها كتري من الاستغفار وتعوذي من الشيطان الرجيم هو سبب المشاكل لازم يفرق بين كل زوجين
لذا لا تتركي له الفرصة للتغلب عليك أختي دعائي لك ولزوجك بالهداية ربي معاك

قطيطوشة

2011-04-20, 11:53

خولة أنا رايي مدام اني ديسيديتي قبل على العرس فتزوجي
وكملي قرايتك بعد العرس مش مشكل بزاف ناس يديرو هكا
وزيد صعيب عليه باش يصبر عامين
وزيد هادي المشاكل دائما تكثر كي يقرب العرس زيدي صلي صلاة الاستخارة وربي يوفق ان شاء الله

abdel02

2011-04-20, 12:01

الراجل غي تبداي تديريلو هكا تبانلو راكي باغية تبطلي...تبانلي نورمال مزوجة و تقراي...اما ادا شايفة روحك تنغبني معاه لازم تخمي مليح...هدي عشرة...ربي يجمع بيناتكم برك

نور الصفاء

2011-04-20, 12:18

خولة خمي مليح ...انت اهدري مع راجلك و تفاهمو اذا تقراي مور العرس
باش تاجلى عامين بزااااف عليك و عليه وهذه النقطة كان من المفروض اول حاجة تشغلك ماشي اخر حاجة
توكلى على ربي حنونة و ماتخليش الشيطان يذخل مابيناتكم
ربي يوفقك

wassila21

2011-04-20, 12:20

يا أختي خولة الله يهديك واش هذا الكلام؟؟؟؟؟؟؟؟ كي قرب العرس بانتلك القراية، نورمالمو هذا المشكل تحل يوم الخطبة

و الصراحة الراجل ماراحش يصبر عليك عامين ، أبداااااااااااا، كملي عرسك أتزوجي في الموعد ألي حددتوه، و من بعد كملي قرايتك عادي، بما أنه خلاك تقراي بعد الزواج، كاين بنات بأولادهم و مازالهم يقراو، و إذا خفتي على الحمل خوذي الحبوب

أما حكاية أنك صغيرة، كامل نخممو أننا مازالنا صغار ، مي نهار تلقاي روحك متحملة مسؤولية دار و زوج راح تتبدل عقليتك، و زوجك من الأول قابل بيك هكذا، علاش راكي تصعبي في الأمور عليك و على زوجك و خممي على والديك

يا خولة زيدي خممي ملييييييييييييح، هذه ماراهي غير وساوس الشيطان الله يلعنه

هداية الرحمن

2011-04-20, 13:51

اختي خولة كان عليك من البداية ان تقولي له لن اتزوج حتى اكمل الدراسة وتتفقا
اما انك تحددي موعد العرس ثم تقولي نؤجل فهذا لا يصح
انا اقدر موقفك لانني في نفس وضعيتك,بالرغم من اني ساكمل دراستي بعد الزواج باءذن الله لكني مترددة ,لانو كل شيئ في وقتو مليح,لازم مانتسرعوش ونتخذو قرار مش مقتنعين بيه من البداية.
ربي يقدملك ويقدملي لي فيها الخير وربي يسهلنا وباءذن الله مايكون غير الخير

رحيق الايمان

2011-04-20, 14:03

اختي خولة المشاكل كي يقرب العرس نورمال و كامل تصرالهم من الضغط و التوتر تبداو تفركتو على سبايب لبعضاكم باه تتعاركو انا بخصوص تروطاردي العرس عامين سامحيني راكي غالطة القراية ماش حجة و ديجة بقالك عام برك كمليه عندو المهم يكون هو ولد خلال و فحل راكي تعرفي الرجل الحقيقي عملة نادرة في وقتنا الا سيبتيه ما تلقيهش عملي على ربي و انعلي الشيطان و ربي يكملك

لؤلؤة الفردوس

2011-04-20, 14:09

و امبعد نشوف واش ندير نزيد نهدر معاه و نشوف أنا وافقت نتزوج و نكمل القراية و حتى هو خلاني بصح راني خايفة نحمل و هو ما حبش قالي كي تحملي ما تكمليش نخاف عليك علاه هاديك روطاردي خير

وئام الروح42

2011-04-20, 14:50

شوفي خولة تزوجي ابني دارك هي الصح اوتونك لقيتي راجل احبك وتحبيه اتكلي على ربي والقراية كمليها بلعقل

ام رنا

2011-04-20, 14:56

نينا الجزائرية

2011-04-20, 15:01

صراحة صراحة ختي لؤلؤة القراية واش ديري بيها
اه
قوليلي
باش تخدمي عقود تشغيل
يابنتي تزوجي وديري دارك وجيبي ذراري
هذا واش ينفع
قرينا وكملنا واش درنا بيها القراية
تعب في باطل

chahrazed-m

2011-04-20, 15:39

خولة انا من رايي تتزوجي وماتخليهش لعامين
وراكي عمبالك برايي

وربي يسهلك

أبو أنس

2011-04-20, 15:49

اذا صدقت فيما قلت ، فلمن خطبك الحق في التعجيل بالزواج ، خاصة وان مدة سنتين مدة طويلة جدا يفترض لأن تقضيان فيها أسعد أيام عمريكما .
الأحسن أن يفصل في هذا الأمر وليك الشرعي الذي يفترض لأن لديه من الحكمة الكافية في أن قبل تزويجك بنفس مستوى الحكمة التي يمكن أن يقنعك من خلالها باتعجيل بالدخول .
بارك الله لكما وبارك عليكما وجمع بينكما في الخير
تجنبي وزوجك الاكثار من الاتصال لانه يفقد الزواج سره الجميل

kamel76

2011-04-20, 16:23

السلام عليكم و رحمة الله و بركاته
أنا راني في مشكلة حاليا و ارجو حل لها في أقرب وقت
أنا راني مخطوبة مع واحد منذ 8 أشهر و عرسنا ان شاء الله في جويلية هاذ الصيف البارح تداوست مع خطيبي و قولتلو ما رانيش حابة نتزوج دركا نروطارديو على عامين ما بيد نكمل القراية قالي ادا حبيتي تروطاردي ما نهدر معاك في التلفون ما نجي عندك ما تشوفيني ما نشوفك و ادا راكي حابة تحبسي حبسي أنا قولتلو مارانيش حابة نحبس درت في راسي و حبيت نكمل القراية و ما زالني صغيرة و رغم أنني أنا قولتلو نتزوجو هاد العام يعني بقا شهرين على عرسنا ولينا نداوسو بزاف على أتفه حاجة ودركا خلاص بدلت رايي و قولتلو على عامين ان شاء الله و هو ما راهوش راضي قالي ما نصبرش عاد المدة واش رايكم لوكان جيتو في بلاصتي واش تديرو تتزوجو و تشوفو واش كتب ربي و لآ نروطاردي و نكمل القراية و لآ تحبسو
أريد رأيكم بصراحة
و شكرا دمتم وفيين لي

السلام عليكم
أنا أقترح عليك حل وسط يرضيك ويرضيه ان شاء الله .اقترحي عليه أن تتزوجا في هذا العام وبعد الزواج تكملين دراستك .فلاهو طال عليه الزواج ولا أنت تتوقفين عن دراستك وان أمكن تدونان هذا الشرط في عقد الزواج .حتى لا يكثر الكلام حول نفس الموضوع بعد الزواج.
ثم اليك نصيحة أختي الكريمة ولا أعتبر نفسي أفضل منك .توقفي عن الكلام بالهاتف مع خطيبك فهو مازال أجنبيا عنك وأمور تقديم الزواج وتأخيره وغيرها تناقشها عنك أمك أو من هو ولي عنك .فحديث الخطيبين سواء بالهاتف أو وجها لوجه كثيرا ما يسبب المشاكل بينهما كما أنه ينقص من متعة بعضكما البعض بعد الزواج.
والله الموفق وجمع بينكما في الخير ان شاء الله.

سمية محمد عطية

2011-04-20, 16:26

شوفي يا بنتى الشهادةحاجة مليحة وما تفرطيش فيها حتى ولوقالوا بلى ما تلقايش الخدمة لاكن راهي سلاحك بالمستقبل لازم تصري على اكمال دراستك اول شيء وثانى شيء شوفي انت اذا كنت على استعداد تام انك تتحملى مسؤوليةكبيرة كيما هذا يكذب لى يقول حاجة ساهلة انا ما نيش شيطان نفرق لكن تفاهمى مع زوجك قبل الزواج حتى ولوكان في الموعد اللى حددتوه المهم يشاركك في المسؤولية ويتحملها معاك ورانى نشوف بلى كملتى تصديرة وتوكلي على ربي والله يسهل على الكل

mosmostafa

2011-04-20, 17:25

alah yssalak menkom w asalam

لؤلؤة الفردوس

2011-04-21, 12:28

بارك الله فيكم و شكرا على مساعدتكم و آرائكم أفادتني كثيرا

samsoon city16

2011-04-21, 12:57

واش خداك خوخة؟؟؟؟؟؟؟؟؟؟؟؟
تخلي جيمي يستنا؟؟؟؟؟
مجنونة ... لقراية هي لي تستنا عندك وقت حياتك كامل لتتدارك الوضع il
n'est jamé tro tar
قرات معايا وحدة كرشها قد الدنيا في شهرها و عامها جاباتو و الميموار و سوتنات والحمد لله
ربي هو المعين
لكن باش تضيعي عامين وحدوخرين ؟؟؟؟؟؟؟ سمحيلي كي قرب العرس بانتلك لقراية ....
كان il falé mettre tes points sur tes i من أول يوم ....روحي ترقي احسن

abdel02

2011-04-21, 13:15

قرات معايا وحدة كرشها قد الدنيا.....هههههههشعال حطت

sarl02

2011-04-21, 13:21

ليه ما تووجيش و تريحي فالخيمة خيرلك ..

لؤلؤة الفردوس

2011-04-21, 14:05

اهلا سامسون هادي غيبة توحشتكككككككككك ان شاء الله ما يكون غير الخير
ناخد بنصيحتك و نرو ح نرقي
شكرا على النصيحة ربي يهنيك

samsoon city16

2011-04-21, 14:57

قرات معايا وحدة كرشها قد الدنيا.....هههههههشعال حطت

:cool::cool::cool::cool:

samsoon city16

2011-04-21, 15:17

شكرا عزيزتي يتوحشك الخير
و ربي يجيب الخير......حالتك واسمها فوبيا الزواج :1:

rafik20799

2011-04-21, 15:26

اظن رايي صواب
في الاول على ماذا اتفقتم
ربي يسهل

لؤلؤة الفردوس

2011-04-21, 20:49

شكرا لك اخي رفيق على رأيك
عندك الحق سامسون ههههههههه خلاص نمشي بنيتي و نتزوج في جويلية و خلاص واش كتب ربي تجي

بسمة محبة

2011-04-22, 10:54

السلام عليكم و رحمة الله و بركاته

ربي يوفقك ان شاءا لله

سلام.

اميرة الحب

2011-04-22, 11:11

اسمحيلي اختي انا مش معاك انت قلتي من لول كلمة و لازم تلتزمي بيها وزيد عامين راهم بزاف مكان حتى راجل يفبل هذي و تانيك خليتي حتى قرب لعرس وبدلتي رايك لا اختي ازوجي و كملي قريتك عادي

عبدالعزيز

2011-04-22, 11:15

خير البر عاجله ومنا على عامين تكوني أم يكون أحسن .

chahrazed-m

2011-04-22, 13:40

http://t3.gstatic.com/images?q=tbn:ANd9GcSR6ntQ1L0iVOzi9e38MS9T6qWOQGXg2 aTHyUZrzAqUercAHggW

واخيرا خولة ربي يهنيك ويسعدك

ريماس

2011-04-27, 14:52

و ادا هدا خطيبك يقبل يخليك تقراي بعد الزواج يمكنكي تتزوجي و تكملي قرايتك في نفس الوقت
وانا اوافق راي البنات في حل وسط الرجاال الكل عوج راهم يحبو ديما بين البينين حاجة ترضي ولا حاجة ماتعجبش وراهم يعملوها نورمال تزوجي وبعد اقراي نورمال ولا اذا تقدري بلوكي عام حتى تكملي الحمل والولادة وتنضمي امورك وبعد ارجعي
ربي يسهل ليكم

هبة تقوى الله

2011-04-27, 15:01

ياودى انا نقلك خليك من القراية ومنيش عارفة واش
اتزوجى على روحك ومتضعيش اللطفل بين يدك كاين لى راهم يشرو فيهم بدارهم وملقاوهمش

حميدة 84

2011-04-27, 15:19

أختي أنا متزوجة وصرالي مثلك حبست قرايتي وتزوجت واللحمد لله راني متهنية مع زوجي حاولت باش انكمل الدراسة لكن ما قدرتش مع الدار والمسؤولية تاع الأولاد درك راه عندي زوج دراري و بنت وماهوخاصني والو والحمد لله

azizsalem

2011-04-27, 22:26

اسمعي ياو روحي تزوجي على روحك كاشما بقات قراية اللي قرا قرا بكري القراية راها حاجة ديمودي
اكتيفي خير ما تندمي

ليلى اميرة

2011-04-28, 18:38

:dj_17:ختو اولا قرايتك ما تحبسيهاش و ثانيا قللي من مكالماتك معاه وثالثا خمي مع روحك و شوفي شكون فيكم سبب المشكل و شكون الغالط وزاد بزيادة انت قلت بللي خطيبك قالك اذا حابة تاجلي العرس ما نحكي معاك ما والو و ما نجي نشوفك اسمحيلي هذا الموضوع خللي اهلك يتناقشوا فيه مع اهله و ما تدخليش روحك و حاولي تعرفي حقيقة خطيبك و مشاعره تجاهك واعرفي طبيعة اخلاقه و درجة تدينه وصللي صلاة استخارة و الي يرتاحلو قلبك بعدها اعمليه ربي يوفقك نتمنى ما تكونيش غلطي في اختيارك و نتمنى ما تندميش عليه وللي يكتبه ربي راح يصير

khaled70041

2011-04-28, 19:09

يمكن لان قرب العرس صار التوتر زايد وخوف من المسؤولية اختي
وسقسيه يلا يحب يخليك تكملي قرايتك تزوجي عادي وقراي واش فاها
اما الدواس شي عادي حنونة غير التوتر راه يديرلك هاكدا
مي صلي صلاة الاستخارة وربي يكتبلك الي فيه خير
عمر ما كان حد يقدر يفيدك في مستقبلك وحياتك كلها هادا

صراحة صراحة ختي لؤلؤة القراية واش ديري بيها
اه
قوليلي
باش تخدمي عقود تشغيل
يابنتي تزوجي وديري دارك وجيبي ذراري
هذا واش ينفع
قرينا وكملنا واش درنا بيها القراية
تعب في باطل

انا رايي مع الام رنا والاخت نينا
اتزوجي ميش كل يوم تلقاي راجل. وهذا راه غير تراك ماقبل الزواج.ووسواس تاع شيطان. وكي قالك تقدري تكملي قرايتك انت مرا وتعرفي تقدري تعدلي الحمل نتاعك با يكون اشهرو الاخير في الصيف وهك تقدري تقراي وتتزوجي.
في رايي الزواج اولى.خاصة اذا كان الراجل مليح;)

حكيم مخلوف

2011-04-29, 15:05

تقبل الله صلاة الجميع
اليوم يوم جمعة فاكثرو الصلاة على النبي صلى الله عليه وسلم
شكرا

samsoon city16

2011-04-29, 22:15

اللهم صلي و سلم و بارك على سيدنا محمد

ميلار القدس

2011-05-04, 17:40

اختى لعزيزة انا في رايي انت غالطة 1000بال100 راهو مازال كيما راكي تقولي شهريين لعرسك مش هذا وين خطبك لكلام هذا فات وقتو راكي كبيرة هدا زواج مش لعب دراري متخليش خطيبك يشوفك بنظرة غير مرغوب فيها ويخاف يكمل معاك حياتو ويظن انك فتاة غير مسؤولة وضعيفة شخصية لازم تبانيلو قويه وحاجة متخوفك وقادرة عل مسؤولياتك وانك امراة متزنة عاقلة وناضجة يعتمد عليها في حياتو هدا رايي والباقي الاستخارة هي احسن حل

lilyann

2011-05-04, 21:16

خولة روحي تزوجي وبركي ما تصعبي فيها ربي سهلك