مشكل في وصول ملفات مسابقة مفتش رئيسي [الأرشيف] - منتديات الجلفة لكل الجزائريين و العرب

مشاهدة النسخة كاملة : مشكل في وصول ملفات مسابقة مفتش رئيسي

khire eddine

2011-04-19, 20:31

السلام عليكم
اليوم سمعت انه عمال البريد المركزي عندهم 8 ايام وهوما في اضراب عن العمل ..معناه انه ملفاتنا التي ارسلناها لن تلحق في الاجال .!!!!!!!!!!!!!!! كيف الحل ?وهل من احدكم رجعتلو الورقة الحمراء تع البريد (معناه ان الملف وصل الى وزارة المالية )
مع العلم اني ارسلت الملف تاعي يوم 06/04/2011.نورمالمو وصل ..و رجعتلي الورقة الحمراء !.
نتمنى ان شاء الله مايكون غير الخير ..راجعو مليح كل الامور المتعلقة بالضرائب و الجباية ..مع العلم ان الؤال مايكونش مباشر .
سلام ..ادعونا بالنجاح .

شريان الحياة1988

2011-04-19, 20:38

ان شاء الله خير اذا انت بعتو راهو عندك الزهر ...انا حصلت في شهادة الجنسية باش نجيب شهادة ميلا جدي ...تيزي وزو دارو اضراب و ضاع الامل

khire eddine

2011-04-19, 20:40

يا اختي ربي يخلف عليك في حاجة اخرى ان شاء الله ...وبالمناسبة اشكرك على المجهودات المبدولة في تحميلك للدروس في المالية العامة ..
شكرا جزيلا ..
سلام .

شريان الحياة1988

2011-04-19, 20:44

يا اختي ربي يخلف عليك في حاجة اخرى ان شاء الله ...وبالمناسبة اشكرك على المجهودات المبدولة في تحميلك للدروس في المالية العامة ..
شكرا جزيلا ..
سلام .

العفو اخي انا في الخدمة ان احتجتم اي دروس اخرى استطيع جلبها ان شاء الله

khire eddine

2011-04-19, 20:45

يا جماعة ...اتصلت الان بقريب لي ..يعمل في مصلحة البريد ..قال لي ..انت وزهرك لاكان يوصل الملف تاعك ..لانه مند التاريخ 12/04/2011 دارو اضراب ..ولوكان تروح تشوف بعينك الاظرفة متراكمة فوق بعضها .مند 12 افريل و الملفات تاعنا تتراكم في مراكز البريد وبدون حراك ..
والله حرام عليهم ...خدمة تع ليهود حاشاكم ..

شريان الحياة1988

2011-04-19, 20:47

كنت اود لو وزارة المالية مددت اجال الدفع بسبب هذه الاضرابات لان وصول الملفات اصبح في الشك

khire eddine

2011-04-19, 20:57

الحل الوحيد ..انه وزارة المالية تراعي ظروف اضراب عمال البريد وتمدد اجال الاستقبال ......ربي يستر .
سلام

ptcman007

2011-04-20, 21:17

والله طاحلي المورال ...حتى انا بعث الملف يوم 09/04/2011...ومازال ماجاتنيش الورقة الحمراء.
ربي ينجحك خويا ...ان شاء الله فيها خير .

yayi

2011-04-21, 07:20

الاخوة الكرام عمال البريد تاع الصكوك البريدية هم اللي راهم في اضراب و ليس عمال البريد تاع الرسائل
لاداعي للقلق جاري خدام في البوسطا مصدر موثوق

lenoble

2011-04-21, 09:17

السلام عليكم يا الاخ مايهمش النهار لي توصل فيه راهم يشوفو الكاشي تا لابوست تا النهارلي حطيت فيه الدوسي لازم يكون قبل 18 افريل

khire eddine

2011-04-21, 20:46

السلام عليكم يا الاخ مايهمش النهار لي توصل فيه راهم يشوفو الكاشي تا لابوست تا النهارلي حطيت فيه الدوسي لازم يكون قبل 18 افريل

لا يا اخي ..ماتغلطش روحك ...مايشوفوش الى خنم البريد ...بل لازم الملف تاعك يكون عندهم قبل انتهاء الاجال ..والملفات الواردة بعد الاجال ترد الى اصحابها ....
.مصدر موثوق .

khire eddine

2011-04-21, 20:55

الاخوة الكرام عمال البريد تاع الصكوك البريدية هم اللي راهم في اضراب و ليس عمال البريد تاع الرسائل
لاداعي للقلق جاري خدام في البوسطا مصدر موثوق

ان شاء الله يا اخي تكون كيما قلت ....لكن عندي قريب لي ...يعمل في البريد ..وخصيصا في مصلحة الفرز.. .هادو تلقاهم يخدمو فوج في النهار وفوج في الليل .وعملهم هو فرز الرسائل وتوجيهها الى مراكز البريد القريبة من مكان المراد الوصول اليه تلك الرسائل ...
قالي راهم في اضراب مند 12/04...وقالي الرسائل راهي متراكمة فوق بعضاها ...
نتمنى برك تكون ماكانش منها هاد الهدرة ...والا وزارة المالية تمدد في الاجال ...
وكلش بالمكتوب .
سلام

الرمنسية

2011-04-24, 11:19

سلام عليكم
ناس مستغانم
احنا تاني عشنا نفس المشكل والاضرابات ماخلاتناش ندفعو ملف واحنا تعرقلتنا في كل شي حتى في Casier الله يجيب الخير في هاد البلاد
سلام

:mh92:

امين83

2011-04-24, 13:20

هذه مسؤولية الأدارة وحدها لا دخل لنا فيها في حين أننا دفعنا الملفات كاملة و في أجالها القانونية فلابد أن لا تكون فرصة للعبث با فرص نجاح المترشحين ...لازم على وزارة المالية أن تجد الحل أذا كان هناك مشكل متعلق بعدم وصول الملفات نتيجة الأضراب ......
و هذا مايدل على عدم مراعات مصلحة العامة و المصلحة المنفعية للمترشحين ...
و في حالة عدم وصول الأستدعاءات للبعض فلابد من مقاطعة المسابقة .....
الله يجيب الخير

cat29

2011-04-24, 13:34

و لله غير عندك الحق.هدي لبلاد راهي غير تتعوج الكل في اضراب او ما تطفر غير فالزاوالي

salime83

2011-04-24, 14:00

]لا يا اخي ..ماتغلطش روحك ...مايشوفوش الى خنم البريد ...بل لازم الملف تاعك يكون عندهم قبل انتهاء الاجال ..والملفات الواردة بعد الاجال ترد الى اصحابها ....
.مصدر موثوق

السلام عليكم
كيف يعقل أن يصل الملف في يوم آخر أجل 18 أفيرل للشخص الذي يبعث في نفس اليوم
اذن ختم البريد هو الاساس أين يكون قبل انتهاء تاريخ الاجل
و شكرا

hafidfadel

2011-04-26, 13:35

lenoble

2011-04-26, 15:14

السلام عليكم انا تاني مصدر موثوق قال بلي يحسبو علي الختم تا البريد وحسب الهدرة تاعك يعني مكانش لي راح يدفع الملف تاعو النهار الاخير

الظل الخفي

2011-04-26, 15:56

ربي يوفق الجميع .................

khire eddine

2011-04-27, 15:39

السلام عليكم
واخيرا اليوم 27/04/2011استانف عمال البريد العمل مند 12/04/2011 ..ولهدا من اليوم تستطيعون انتظار رجوع الورقة الحمراء من وزارة المالية ....
هدا يعني مند 12/04/2011 الى يوم 27/04/2011 ملفاتنا كانت متراكمة في مراكز البريد من دون حراك .
ربي يجيب الخير ..وان شاء الله بقبلو ملفاتنا ..ونشاركو ..والنجاح يكون حليفنا .
سلام

aidsami

2011-04-27, 16:44

بالتوفيق للجميع