اريد حلا سريعا من فضلكم

[صبريـنة]

إخواني أخواتي أرجو أن تعينوني بإذن الله على حل مشكلتي التي سأطرحها عليكم ولكن أرجو النصح بدون تهكم أو ازدراء أرجوكم
تعرفت منذ شهر على شخص عن طريق موقع في الأنترنيت، أعجبني وأعجبته، تبادلنا أرقام الهواتف واتضح أنه أخ لصديق أخي المقرب
وقد تعرفت إليه منذ 10 سنوات في عرس أخيه وهذا لأني ركبت معه السيارة حين ذهبنا بالموكب لإحضار العروس طبعا ليس وحدي
المهم بقيت على اتصال به وكنا نتكلم دائما وأتى يوما ورآني ورأيته ويا ليتني لم أره لقد وقعت في حبه
لا أدري كيف ولكني أحببته من النظرة الأولى وكأنه حلم حياتي تمثل لي في لحظة
وعاد وزارني مرة أخرى وليته لم يفعل
وعاد أخرى ولكن بعدها لم يعد، لقد أصبح يتهرب مني
أحبه ما العمل أحبه

[عبد النور مكي]

يتهرب منك لانه يستحيي من اخيك لذا لا يستطيع ان يبادلك الشعور
اختي لا انصحك بالدخول في علاقة معه..سوف تكون هناك مشاكل كثيرة
احببته ادع الله ان يجمعكما في الحلال لكن لا تخطي اي خطوة تندمين عليها

[بنت الحجاج]

كم عمرك يا اختي ؟

[نوار الصباح]

السلام عليكم


الحاجة اللولة ياختي اتقبلي الهدرة اللي راني نقولك فيها من فتاة لفتاة
خو صاحب خوك المقرب... يعني بالاك خوه يسمع وخوه هدا هو صاحب خوك المقرب ....
فهمتي ولا نزيد نفهمك اكثر خوك اللي راه في الرجلين يعني ترضيها لخوك صديقو المقرب واللي يضال معاه يعرف على ختو حاجة كيما هادي...ومهما تقوليلي انو العلاقة بيناتكم بريئة وكلام في الهاتف ..لكن لما توصل الهدرة لخوك الفكرة مرفوضة وبالاك بعيد الشر كاش ما يصرا..لاقدر الله
قاني حاجة شافك وعاودتو تلاقيتو ومن بعد ولا يتهرب ...واش زدتي فهمتي
ياختي اللي يحبك ويخاف عليك مايرميكش في هاذي الحيرة
هو الله اعلم بما في قلبه وكيفاه راهو يفكر ومنظلموهش بسوء الظن لكن ...ولاد الحرام مخلاوش لولاد الحلال بلاصة
شوفي بالاك راني كثرت عليك تفلسيف بصح هدا الكلام لازم تسمعيه
ونصيحتي ما تزيدي تديري حتى خطوة من جيهتو خليه وشوفي هو واش يدير من بعد على اساس الخطوة ديالو فكري ..وحطي دائما بين عينيك صورة خوك اللي اكيد مترضايش صحابو يهدرو في ختو يعني عرضو
تقوليلي نحبو والله راني فاهماتك لكن خمي بعقلك ماشي بقلبك
اسمحيلي ادا كثرت عليك وربي يوفقك

[صبريـنة]

يتهرب منك لانه يستحيي من اخيك لذا لا يستطيع ان يبادلك الشعور
اختي لا انصحك بالدخول في علاقة معه..سوف تكون هناك مشاكل كثيرة
احببته ادع الله ان يجمعكما في الحلال لكن لا تخطي اي خطوة تندمين عليها
ولكن لماذا جاءني في المرات السابقة حتى أنه لا يستطيع مبادلتي نفس الشعور؟
لا أستطيع أن ازيحه من تفكيري فهو يشغل كل شيء يشغل روحي وعقلي وتفكيري
لا أستطيع ألا أفكر فيه

[صبريـنة]

السلام عليكم


الحاجة اللولة ياختي اتقبلي الهدرة اللي راني نقولك فيها من فتاة لفتاة
خو صاحب خوك المقرب... يعني بالاك خوه يسمع وخوه هدا هو صاحب خوك المقرب ....
فهمتي ولا نزيد نفهمك اكثر خوك اللي راه في الرجلين يعني ترضيها لخوك صديقو المقرب واللي يضال معاه يعرف على ختو حاجة كيما هادي...ومهما تقوليلي انو العلاقة بيناتكم بريئة وكلام في الهاتف ..لكن لما توصل الهدرة لخوك الفكرة مرفوضة وبالاك بعيد الشر كاش ما يصرا..لاقدر الله
قاني حاجة شافك وعاودتو تلاقيتو ومن بعد ولا يتهرب ...واش زدتي فهمتي
ياختي اللي يحبك ويخاف عليك مايرميكش في هاذي الحيرة
هو الله اعلم بما في قلبه وكيفاه راهو يفكر ومنظلموهش بسوء الظن لكن ...ولاد الحرام مخلاوش لولاد الحلال بلاصة
شوفي بالاك راني كثرت عليك تفلسيف بصح هدا الكلام لازم تسمعيه
ونصيحتي ما تزيدي تديري حتى خطوة من جيهتو خليه وشوفي هو واش يدير من بعد على اساس الخطوة ديالو فكري ..وحطي دائما بين عينيك صورة خوك اللي اكيد مترضايش صحابو يهدرو في ختو يعني عرضو
تقوليلي نحبو والله راني فاهماتك لكن خمي بعقلك ماشي بقلبك
اسمحيلي ادا كثرت عليك وربي يوفقك
شكرا أختي على النصيحة ولكن نحبو ونحبو بزاف وما قلت نلقى الإنسان اللي فيه المواصفات كامل اللي نحوس عليها
راهو محتل قلبي وعقلي وتفكيري
ما نقدرش ننساه
كيفاش ندير؟

[صبريـنة]

كم عمرك يا اختي ؟
عمري 31 سنة

[بنت الحجاج]

شكرا اختي لانك جاوبتني

فقط عندي سؤال اخر

اريد ان اعرف .. اين زارك ؟

[صبريـنة]

زارني في مقر عملي

[نوار الصباح]

شكرا أختي على النصيحة ولكن نحبو ونحبو بزاف وما قلت نلقى الإنسان اللي فيه المواصفات كامل اللي نحوس عليها
راهو محتل قلبي وعقلي وتفكيري
ما نقدرش ننساه
كيفاش ندير؟

ختيتي مكاش حاجة واسمها منقدرش بصح كاين حاجة واسمها منحبش وانتي ماكيش حابة تنسابه ماشي ماكيش قادرة
نصيحة من اعماق قلبي نقولهالك
في بعض الاحيان العيش دون حب افضل بكثيييييييير من العيش بيه
ومكاش اللي يموت من الحب بصح يموتو من الضرب تاع خاوتهم اذا لاقدر الله سمع

[صبريـنة]

هذا إنسان متربي وإنسان صالح
مستحيل أنو يخرج مثل هاذ السر اللي بيناتنا
وزيد هو ثاني عندو أخواته ويخاف عليهم
هو يقول لي هاذ الكلام يقول راني نخاف عليك كيما نخاف على أختي الصغيرة بحكم أن أخته الصغرى في مثل سني

[بنت الحجاج]

اختي سؤال اخير

بأي صفة كان يحدثك يا اختي

بصفة

صديقة ؟

ام

حبيبة ؟

ام

اخت ؟

ام ماذا يا اختي ؟

[صبريـنة]

هو أصلا تعرف علي بحكم أنه يبحث عن زوجة
تعرفنا على بعضنا وأحببته
اقترحت عليه أن يكلم أخي ولكنه أجابني بأنه يحبب أن يتعرف إلي أكثر

[بنت الحجاج]

خلاص

فهمتْ



يعني كان يتمسخر برك .. (تقريبا )

و لما عرف بلِّي راكي اخت صحيْب خوه

جْبَد روحو .. ؟

[RIBA-18]

يا ختي واش راحا نقولك

بالاك ما عجبتيهش .....

بالاك بدل رايو ماش حاب يدي وحة عرفها عن طريق الانترنت خاصة انكم ظهرتو تعرفو بعضاكم

و بالاك ....... وبالاك ..... وبالاك

والجواب راهو عندو

يا ختي لعزيزة حاولي تتصلي بيه وتعرفي وين راهو المشكل و ما هو السبب لي خلاه يجبد روحو

إذا رفد عليك .........اللهم بارك ....... حاولو تتناقشو وتوصلو الى حل ولكن اياك والانفعال و حاولي تتقبلي وجهة نظرو مهما كانت

إذا ما قيمكش ولا تهرب منك

انا نقولك تلافو يجيب خلافو

وربي يرزقك ان شاء الله بواحد خير منو

مي انتي ما طيحيش بروحك ليه بدافع الحب كيما راكي تقولي نحبو

تحبيه ايييييه .... مي الله غالب .... بالاك ربي شاف فيها خير

وزيد ماشي اخر الدنيا ... وماشي نتي لولا ولخرة لي حبيتي واحد وماصلحتلكش

لازم تكون عندك ارادة واصرار برك

وخممي بعقلك وما تتهوريش ,,,,,,,,, بالتوفيق اختي العزيزة

[صبريـنة]

خلاص

فهمتْ



يعني كان يتمسخر برك .. (تقريبا )

و لما عرف بلِّي راكي اخت صحيْب خوه

جْبَد روحو .. ؟
وعلاه عليك تصدميني هكا؟
نهار تبادلنا أرقام الهواتف عرف بلي راني أخت صاحب خوه
ومع ذلك بقي يكلمني حتى يوم لقائنا
وأبدى إعجابه بي يوم اللقاء
والتقينا بعد اللقاء الأول مرتين
وبقي يكلمني عن طريق الهاتف ولكنه لا يأتي لرؤيتي
اليوم فقط كلمني وتقريبا يكلمني كل يوم
ولكن لا يأتي فقط للقائي

[بنت الحجاج]

قلتي انو ابدى اعجابو بيك ؟

اذا لاه ما تقدمش يخطبك

ياك هذي هي الاصول ؟


ـــــــــــــــــــــــــــــــــــــــــــــــــ



نصيحة فتاة لفتاة

يا صبرينة


خلّي روحك عزيزة

خلّي روحك جوهرة

يشقاو باش ينالوها





و لو اني افهم جيدا سبب تعلقك الشديد بهذا الشاب

و اكاد اجزم انه ليس حبا




و المكتوب هو اللي يجي ليك

ما تجريش موراه انت





فهمتيني واش نقصد ؟



31 سنة ماكيش كبيرة

و مازال الطريق قدامك

ربي يجيبلك المكتوب الي يسعد

بعيدا عن كل ما هو حرام



خلي ايمان بربي كبير

و الله ماراح يضيعك

ربي كبير يا صبرينة





ربي يهدينا اجمعين

[أجمل الزهور]

إذا كان يحبك ويريدك فعلمي أنه سيأتي لطرق بابك في يوم من الأيام
فبتعاده ربما يكون دليل على حبه لك
أما إن عاد لرؤيتك من دون أن يبدي أية خطوة ترضيك وترضي الله صبحانه وتعالى فعلمي أنه لا يحبك
وما يريد منك سوا امضاء بعض الوقت
وتلاعب بمشاعرك.

[نوار الصباح]

ختيتي اسمحيلي بالاك رلني كثرت عليك لكن حبيت نقولك حاجة ماشي دائما الي نحبوه هو اللي يصلحلنا وماشي دائما الحاجة اللي نشوفوها مليحة يعني هي صح مليحة
متزعفيش من الهدرة اللي قالوهالاك الخوات راهي في مصلحتك ومتقسيش على روحك بزاف مكتوبك يجيك حتى لباب الدار وتروحي ليه معززة مكرمة
ومادام لراكي تقولي يعيطلك وميجيش يشوفك برك ياختي اعطيه فرصة واتكلمي معاه عن الارتباط الرسمي وشوفي ردة الفعل ديالو وميقولكش حتى نتعرف بيك اكثر فترة الخطوبة كفيلة بالتعارف وتكوني مهنيةومرتاحة وزيد حتى اهلك وربي راضين عليك
ربي يعاونك اختي ويوفقك

[marwa2]

السلام عليكم ورحمة الله تعالى و بركاته ، أما بعد
صبرينة عزيزتي راكي كبيرة باه تخمي هكذا بقلبك ، كبري عقلك شوية ، أنا ما نعرفش كيفاه كنت في مراحل حياتك الماضية ، و بالتالي مانقدرش ننصحك بحاجة صح تعاونك ، لكن الحاجة اللي راني عارفتها هي أنو راه عندك الفراغ بزاف ، و بلاك الجو لي راكي فيه في الخدمة هو اللي راه يشجع فيك ، أيضا العمر ديالك عنذو دور في الحالة اللي راكي فيها .
أول حاجة ننصحك بيها هي ملأ وقت الفراغ بكل شيئ عدا التفكير فيه .
ثانيا ، علاه الإهتمام هذا كامل بيه ، حوسي على أخطاؤه و الأشياء الي ماشي ملاح فيه ، و ماتقوليش مافيهيش.
ثالثا ، إذا راكي فحلة ، قوليلو ماتزيدش يعيطلك في البورطابل ، و خلينا من الخرطي تاع نعرف عقليتك، و قولوا إذا ناوي الحلال يقدم للدار .
خايفة يكون يجيب معاك في الوقت ، وقت الصح يقلك حاب نتزوج بوحدة عندها 20 ، إذا تعرفي كاش وحدة وريهالي :1:
وما راكيش صغيرة باه تبقاي معاه في علاقة لمدة كبيرة و هو يفهم في العقلية ، و في التالي يقلك أنت شوية ماشي كيما ، .. راكي عارفة ..، أنا ماكنتش ...راكي عارفة ...، تلقايه رايح بعيد .
المهم ، لوكان كان عاقل ، مايحوس على فتاة باه يتزوج في الأنترنت ، كان يحوس يتمسخر ، و الله غالب عليه ، ماطاحش في وحدة تاع تمسخير طاح في وحدة حابة دير الدار ، كان يساعف فيك برك ....لي عودة .

[صبريـنة]

شكرا لكم جميعا على التفاعل معي في مشكلتي
سآخذ بعين الإعتبار كل نصائحكم وسأعمل بها إن شاء الله
وشكرا جزيلا وربي يزبدها في ميزان حسناتكم جميعا
ادعولي يفرج عليا ربي ونتزوج بالإنسان اللي كتبهولي ربي أدعولي بزاف تتفك عقدة العنوسة لدي ولدى جميع الفتيات
وللذكر الشخص اللي نحكي عليه عمره 42 سنة

[بنت الحجاج]

ان شاء الله يا صربينة

ربي يرزقك الزوج الصالح و الذرية الصالحة

[sweetgril22]

انا راني متفهمة شعورك وفاهماتك مليح مي لازم تخمي بعقلك ونوافق واش قالو البنات والاعضاء من قبل هذا راه انسان متربي وكي عرف بلي راه يعرف خوك جبد روحو خاف اعليك مي نتي لازم ماتبينيلوش بلي راكي طايحة فيه اتصلي بيه وقوليلو علاش ماراكش تعيط ولا على حسب واش موالفين خليه هو يهدر ويفهمك مليح واذا كان ناويك قوليلو هاهي دارنا واذا كان حاب يتمسخر سيي انسايه صح صعيبة لكن مع الوقت تنسايه وادعي وصلي واستخيري وربي يسر امورك لكل خير

تقبلي مرووري

[بسمة محبة]

ربي يجيبلك لي فيه الخير

ان شاء الله

ربي يهدي سرك

ان شاء الله.

[marwa2]

السلام عليكم و رحمة الله تعالى ة بركاته .
صبرينة ، راكي حلبة يكون هو الزوج المستقبلي .جربي هذا الحاجات و رجعيلي خبر .
أولا : ما زيديش تعيطيلو . و إدا عيطلك رجعي عليه لآخر مرة و قوليلي تعارفنا بزاف ، قدم و لا روح .
ثانيا : أخلصي النية لله ، و قولي بلي مانزيدش نعيطلوا لأنه حرام نهدر معاه ، و من ترك شيئا لله ، أبدله الله خيرا منه .
ثالثا: اكثري من الإستغفار : فَقُلْتُ اسْتَغْفِرُوا رَبَّكُمْ إِنَّهُ كَانَ غَفَّاراً {10}يُرْسِلِ السَّمَاء عَلَيْكُم مِّدْرَاراً {11}وَيُمْدِدْكُمْ بِأَمْوَالٍ وَبَنِينَ وَيَجْعَل لَّكُمْ جَنَّاتٍ وَيَجْعَل لَّكُمْ أَنْهَاراً {12}
سورة نوح
رابعا : قومي ركعتين لله في جنح الليل ، و ادعيه بكل أسمائه الحسنى أن يجمع بينك و بينه في الحلال عاجلا غير آجل .
أختي ، إن فعلت هذه الأفعال و لم يتقدم إلى أهلك ، فامش في طريقك و لا تنظري خلفك ، و ادع الله أن يرزقك خيرا منه ، لأنه لا يصلح لك .
اللهم إن كان هذا الرجل فيه خير لصبرينة في دينها و دنياها و عاقبة أمرها فاجمع بينها و بينه في الحلال عاجلا غير آجل ، اللهم إن كان فيه شر لها في دينها أو دنياها أو عاقبة أمرها ، فابعدها عنه ، و ابعده عنها ، و اكتب لها الخير حيث كان ، ثم ارضها به عاجلا غير آجل ، يا أرحم الراحمين ، يا أكرم الأكرمين ، إنك على كل شيء قدير .

[rafik20799]

إخواني أخواتي أرجو أن تعينوني بإذن الله على حل مشكلتي التي سأطرحها عليكم ولكن أرجو النصح بدون تهكم أو ازدراء أرجوكم
تعرفت منذ شهر على شخص عن طريق موقع في الأنترنيت، أعجبني وأعجبته، تبادلنا أرقام الهواتف واتضح أنه أخ لصديق أخي المقرب
وقد تعرفت إليه منذ 10 سنوات في عرس أخيه وهذا لأني ركبت معه السيارة حين ذهبنا بالموكب لإحضار العروس طبعا ليس وحدي
المهم بقيت على اتصال به وكنا نتكلم دائما وأتى يوما ورآني ورأيته ويا ليتني لم أره لقد وقعت في حبه
لا أدري كيف ولكني أحببته من النظرة الأولى وكأنه حلم حياتي تمثل لي في لحظة
وعاد وزارني مرة أخرى وليته لم يفعل
وعاد أخرى ولكن بعدها لم يعد، لقد أصبح يتهرب مني
أحبه ما العمل أحبه
اذا انتي متاكدة من حبك فلا تتركيه يفلت منكي

[~~ أغيلاس ~~]

ان شاء الله يا صربينة

ربي يرزقك الزوج الصالح و الذرية الصالحة

قريت تعاليقك ، ما شاء الله ، تع وحدة عجوزة حكيمة و عندها في الراس .

بارك الله فيك ، هاذ لفهامة كامل من عند الحجاج .

إني أرى رؤوسا أينعت و حان وقت قطافها ههههههههه

[روح القلم]

والله ربي يهدينا الكل و يصلح حالنا
أنا الي يحيرني راهو 42 سنة
يعني اكيد راهو دار قبلك علاقات ياسر و أنتي جيتي في الطريق
و أصلا هو لو كان نتاع زواج مش يقعد حتان لهذا عمر
و بالنسبة للعلاقات عموما انا لا أنصح بيها أحد
الطفلة عجباتك تعرفها من اصل طيب روح لدار و أي شخص يقولك لا نتعرف عليك و من بعد نخطب هذا راهو يقصد يتمسخر بيك و من بعد يروح
ربي يهدينا و يسترنا

[صبريـنة]

إخواني أخواتي أريد أن أشكركم على كل نصائحكم
والجديد الذي عندي أنه تكلم مع أخي ولكن أخي لم يرد عليه
هذا لأن أخي يقول أنه يجب أن يتكلم معه أخوه يقصد صديقه
وهو( الذي يعجبني) يقول أنه قام بالخطوة الأولى وتكلم مع أخي
ويقول أنه يجب أن أقوم أنا بالخطوة الثانية
أما عن أخيه وعائلته فهم لا يعلمون لم يقل لهم لماذا؟ الله أعلم
لا أدري ما في نفسه
أخاف أن يكون من النوع الذي يخطب باه يتمسخر وإلا لماذا لم يقل لعائلته؟
لماذا لم يقل لأخيه ليتكلم مع أخي؟
أسئلة كثيرة لم أجد عنها إجابة
وكلما أسأله يتهرب من الإجابة

[بنت الحجاج]

و اخيرا

الحمد لله

و الله فرحتلك يا صبرينة

خطورة رائعة

ربي يتم

[روح القلم]

هيا مبروك كي نطق الكل لاباس
ربي يتمملك على خير

[gothiquemo]

nchalah tji 3la khir w rbi nchalah ywf9k

[صبريـنة]

شكرا لكم إخواني أخواتي على ردودكم ولكن المشكل مازال قائما
أخي مصر على رأيه من أنه يجب أن يكلمه أخوه
وهو يقول لي أنا قمت بخطوة باش نرضيك وتعرفي بلي ناوي الحلال
وهو ما قال لأمه ولا إخوانه
أنا خايفة يكون من النوع اللي يخطب باش يدير رايو

[farida18]

يتهرب منك لانه يستحيي من اخيك لذا لا يستطيع ان يبادلك الشعور
اختي لا انصحك بالدخول في علاقة معه..سوف تكون هناك مشاكل كثيرة
احببته ادع الله ان يجمعكما في الحلال لكن لا تخطي اي خطوة تندمين عليها


و سامحني لأنني سأقول لك هذا -شباب هذا الوقت كامل عندهم نفس العقلية و راهم صعاب بلبزاف- faite attention

[chahrazed-m]

ان شاء الله يزيد يقوم بخطوة اخررى ويخبر اهلو

ربي يعينك ويهنيك اختي

[abdel02]

يتهرب منك لانه يستحيي من اخيك لذا لا يستطيع ان يبادلك الشعور


اختي لا انصحك بالدخول في علاقة معه..سوف تكون هناك مشاكل كثيرة
احببته ادع الله ان يجمعكما في الحلال لكن لا تخطي اي خطوة تندمين عليها


و سامحني لأنني سأقول لك هذا -شباب هذا الوقت كامل عندهم نفس العقلية و راهم صعاب بلبزاف- faite attention
وعلاه يا ختي فريدة لبنات راهم زعمة ساهلين

[chahrazed-m]

وعلاه يا ختي فريدة لبنات راهم زعمة ساهلين


عندك الحق خويا كيما للاخت تاني عندها الحق

دجرك تخلطت الدنيا وطغا الطالح وعدنا مانامنوا حتى واحد
وزادو لحقو عليهم لبنات ولاو ما يتامنوش
شفت بزاف عادو لبنات لي يتمسخرو مش الشباب
ربي يهدينا ويهديهم ويهدي ما خلق

[هبة الكوثر]

كاين حاجة واحدة يابنات وهادي معلومة اكييييييييييييييدة اي واحد يطلب من واحدة تلفون وهدرة وانترنت راهي علاقة ماطولش نتيجتها خراب وتدمير نفسي لي عينو فيك يجيي ديراكت لباب الدار واحد مايوقف في طريقو وسبحان الله ربي دار الخطبة للتعارف والتفاهم قدام ربي وعبادوا وواحد ماضربكم على ايدكم باه تتزوجوا بالدرع الا ماتوامتش العقلية ياخياتي ناس بكري قالوا اخرج لربي عريان يكسيك والله صدقوني اخطوكم من هاد الفراغ لي راهو يوسوس فيه ابليس لعنة الله عليه واش جيب خدمة الظلام لخدمة الضوء ..استغفري الله وابتعدي عنه وادعي الله ان يرزقك الزوج الصالح سواءا كان هو او غيره فالخير فيما اختاره الله

[هبة الكوثر]

شكرا لكم جميعا على التفاعل معي في مشكلتي
سآخذ بعين الإعتبار كل نصائحكم وسأعمل بها إن شاء الله
وشكرا جزيلا وربي يزبدها في ميزان حسناتكم جميعا
ادعولي يفرج عليا ربي ونتزوج بالإنسان اللي كتبهولي ربي أدعولي بزاف تتفك عقدة العنوسة لدي ولدى جميع الفتيات
وللذكر الشخص اللي نحكي عليه عمره 42 سنة

حبيبتي لمادا كلمةالعنوسة كاين لي زربوا على الزواج وبكاو عليه وكي ربي عطاهم الزوج عادوا يبكوا ويقولو كون عشنا حياتنا وحدنا خير .......كل واحد واش يرزقوا ربي وكل واحد ومكتوبو خلي ايمانك بالله كبير وهادا 42 سنة ماهوش صغير لي يقعد يهضر معاك للدرك هدا نتاع لي يجي يطبطب ديراكت للدار خلي نفسك عزيزة حنونة كيما قالت الاخت لي قبلي خليه هو لي يجيري موراك ماشي انتيا وتاكدي الا كان ربي كتبوا ليك رايح يطول ويقصر يكون غير ليك والا ماكانش ليك ماتفسديش اللب تاعك خليه للشاب الصاح لي راهو فالطريق اليك ان شاء الله باه مايكونش مرة اخرى الا قدر ربي وتزوجتي واحد يخربلك حياتك راني شفتها مع هداك ولا مع هاداك

[nacera72]

السلام عليكم اختي صبرينة
ترددت كثيرا قبل ان اكتب لك هذه الكلمات و لكن واجب النصح بين المسلمين يحتم علي ذلك، الرجل الذي تتكلمين عنه اعرفه جيدا هو مهندس الكترونيك يعمل في سوناطراك و اريد ان اخبرك ان مافعله معك فعله مع غيرك من قبل فاحذري اختي الكريمة ولا تسلمي قلبك الا لزوجك. و ادعو الله لك بالزوج الصالح و لكل بنات المسلمين.

[سميع الندا]

اصبري اختي وشوفي بحكم واش راه يدير هاك ادا صح خايف على مصلحتك............................ولا برك حاب يتهرب
انت صلي صلاة الاستخارة وارجعي واتوكلي على ربي ادا فيه خير يجيك وادا فيه شر يبعدو عليك ماتخطي حتى خطوة كيما قالواالاخوان واسناي واش يخطي هو
ادا حابك يبان وادا لا تلافو يجيب خلافو كيما قالها الاخ ربي يجازيه

[صبريـنة]

السلام عليكم اختي صبرينة
ترددت كثيرا قبل ان اكتب لك هذه الكلمات و لكن واجب النصح بين المسلمين يحتم علي ذلك، الرجل الذي تتكلمين عنه اعرفه جيدا هو مهندس الكترونيك يعمل في سوناطراك و اريد ان اخبرك ان مافعله معك فعله مع غيرك من قبل فاحذري اختي الكريمة ولا تسلمي قلبك الا لزوجك. و ادعو الله لك بالزوج الصالح و لكل بنات المسلمين.
أختي أرجوك أخبريني إن كنت تعرفينه أخبريني عنه أكثر وأريد الإتصال بك للتعرف
لقد قال لي أنه تعرف بفتاة من خنشلة ولكن المكتوب ما كتبش
أرجو أن تتفاعلي معي

[nacera72]

سلام عليكم
هاذا الانسان تعرفت عليه بنفس طريقتك و زارني في مكان عملي مرتين وكان يكلمني دائما بالساعات و لكنه طلب مني ان اخرج معه في السيارة رفضت و كنت مصرة و هو كان دائما يلح علي ، في البداية كنت اظن انه يجربني فقط و لكنني تيقنت انه فعلا يريد ذالك وكان كل مرة يغضب و يقطع اتصاله بي ثم يعود و كل مرة كنت ارد عليه املا ان يكون قد عاد لرشده و لكن للاسف انه لا يتغير و الأسبوع الماضي فقط اتصل بي واجهته و سالته عنكي في البداية انكر ثم قال انه يعرف اخاكي فقط و ليس له علاقة بك؟ المهم هاذا الانسان بالنسبة لي و بعد ان عرفت انه يعرف اخرى اصبح لا يساوي شيئا عندي و مادخلت للمنتدى الا لاحذرك اختي الكريمة فاحذري اشد الحذر و لا تصدقي اي انسان الا الذي يتقدم مباشرة لاهلك

[صبريـنة]

سلام عليكم
هاذا الانسان تعرفت عليه بنفس طريقتك و زارني في مكان عملي مرتين وكان يكلمني دائما بالساعات و لكنه طلب مني ان اخرج معه في السيارة رفضت و كنت مصرة و هو كان دائما يلح علي ، في البداية كنت اظن انه يجربني فقط و لكنني تيقنت انه فعلا يريد ذالك وكان كل مرة يغضب و يقطع اتصاله بي ثم يعود و كل مرة كنت ارد عليه املا ان يكون قد عاد لرشده و لكن للاسف انه لا يتغير و الأسبوع الماضي فقط اتصل بي واجهته و سالته عنكي في البداية انكر ثم قال انه يعرف اخاكي فقط و ليس له علاقة بك؟ المهم هاذا الانسان بالنسبة لي و بعد ان عرفت انه يعرف اخرى اصبح لا يساوي شيئا عندي و مادخلت للمنتدى الا لاحذرك اختي الكريمة فاحذري اشد الحذر و لا تصدقي اي انسان الا الذي يتقدم مباشرة لاهلك
أختي الكريمة أشكرك ولكن كيف عرفت بأنه نفس الشخص الذي أتحدث عنه؟
هل كلمك عني أو ماذا؟
أريد أن أفهم؟

[nacera72]

السلام عليكم
اختي لما قرات مشكلتك الاسبوع الماضي احسست انه نفس الشخص الذي اعرفه لا ادري كيف و لكنه احساس الانثى الذ لا يكذب، و لما اتصل بي اردت ان اتاكد فسالته ان كان يعرف فتاة اسمها صبرينة فلاحظت اضطرابه و نفى في البداية ثم اخبرته ببعض التفاصيل التي ذكرتيها انتي في المشكل فتفاجأ و ظن انني اعرفك شخصيا و سالني كيف اعرفك فلم اجبه و ظن انني اعرفك بحكم ان لي اقارب في باتنة، و لكنه نفى اي علاقة له بك و قال انه يعرف اخاك و ان معرفته بك عادية و لما واجهته انه تكلم مع اخاكي نفى ذالك و اقسم لي انه لم يفعل و انا طبعا لم اصدقه و اخبرته بانه سقط من عيني سقوط حر هذه الكلمة جرحته و لكنه الان لا يهمني لان من خان مرة يخون كل مرة و انا احمد الله انني لم اضعف امامه و لم البي طلبه في الخروج معه لان مبادئي لا تسمح و الحمد لله انني لم افعل شيئا اندم عليه و ادعو الله ان يغفر لي كلامي معه في الهاتف .
اريدك اختي ان تحذري منه و من غيره ولا تصدقي اي احد فهاذا الشخص كنت اظن انه احسن انسان و ما اعجبني فيه شخصيته و ثقافته الواسعة و لكن تبين انه وهم و تيقنت انني كنت مخطئة لانني فكرت بالزواج عن طريق النت و الان الحمد لله انسحبت من ذالك الموقع و انا انتظر نصيبي ياتيني لبيتي معززة مكرمة و لن اكرر هاذا الخطا ما حييت.
اختي صبرينة والله لقد احببتك في الله لا ادري لماذا و اعرف انك انسانة متميزة فهاذا الشخص لا يختار ايا كان اعلم ذالك جيدا و لكن الله يهديه و يهدينا اجمعين و اتمنى ان تقومي من هذه التجربة قوية و قوي علاقتك بالله ووالله لن يضيعنا الله ابدا و ارجو ان تسامحيني ان كنت قد تسببت لك في اي الم و لكن بدافع النصيحة و الله يعلم ذالك وفقك الله اختي العزيزة سلام.

[تواضعي يانفس]

اختي صبرينة...قلتي راني عجبتو...ايه بلاك صح عجبتيه...ومن بعد ...الاعجبتيه راهويجي يخطب...ولا العلاقة تعكم ماعندهاش عنوان عندو...هذا الحل مايناسبكش...خصوصا وانو خوصاحب خوك.
انا نقولك مانقدروش نسيفو على الناس يحبونا ويعشقونا...لكن نقدرو نعلموهم يحترمونا...قصدي خلى روحك نظيفة مهما كان مقدار حبك له.وهو الا يحبك ماراحاش تغيضو منك ...ولا يتمسخر تتهناي منو ومتخسري كرامتك وكرامتك خوك.
الله يقدمكلك كل خير...والاعضاء الله يبارك راهم كتبولك كلمات توزن ذهب ديريها مليح في بالك صبرينة اختي.

[صبريـنة]

السلام عليكم
اختي لما قرات مشكلتك الاسبوع الماضي احسست انه نفس الشخص الذي اعرفه لا ادري كيف و لكنه احساس الانثى الذ لا يكذب، و لما اتصل بي اردت ان اتاكد فسالته ان كان يعرف فتاة اسمها صبرينة فلاحظت اضطرابه و نفى في البداية ثم اخبرته ببعض التفاصيل التي ذكرتيها انتي في المشكل فتفاجأ و ظن انني اعرفك شخصيا و سالني كيف اعرفك فلم اجبه و ظن انني اعرفك بحكم ان لي اقارب في باتنة، و لكنه نفى اي علاقة له بك و قال انه يعرف اخاك و ان معرفته بك عادية و لما واجهته انه تكلم مع اخاكي نفى ذالك و اقسم لي انه لم يفعل و انا طبعا لم اصدقه و اخبرته بانه سقط من عيني سقوط حر هذه الكلمة جرحته و لكنه الان لا يهمني لان من خان مرة يخون كل مرة و انا احمد الله انني لم اضعف امامه و لم البي طلبه في الخروج معه لان مبادئي لا تسمح و الحمد لله انني لم افعل شيئا اندم عليه و ادعو الله ان يغفر لي كلامي معه في الهاتف .
اريدك اختي ان تحذري منه و من غيره ولا تصدقي اي احد فهاذا الشخص كنت اظن انه احسن انسان و ما اعجبني فيه شخصيته و ثقافته الواسعة و لكن تبين انه وهم و تيقنت انني كنت مخطئة لانني فكرت بالزواج عن طريق النت و الان الحمد لله انسحبت من ذالك الموقع و انا انتظر نصيبي ياتيني لبيتي معززة مكرمة و لن اكرر هاذا الخطا ما حييت.
اختي صبرينة والله لقد احببتك في الله لا ادري لماذا و اعرف انك انسانة متميزة فهاذا الشخص لا يختار ايا كان اعلم ذالك جيدا و لكن الله يهديه و يهدينا اجمعين و اتمنى ان تقومي من هذه التجربة قوية و قوي علاقتك بالله ووالله لن يضيعنا الله ابدا و ارجو ان تسامحيني ان كنت قد تسببت لك في اي الم و لكن بدافع النصيحة و الله يعلم ذالك وفقك الله اختي العزيزة سلام.
مساء الخير أختي نصيرة أريد أن أشكرك على اهتمامك ولكنك دون أن تدري قد سببت لي مشكلة كبيرة
إن الشخص الذي أحب يعتقد أني قد دبرت له مقلبا نسائيا معك وأنا والله يشهد علي لم أفعل ذلك فلماذا يا أختي فعلت ذلك معي؟
أنا لا أعرفك إلا من كلامه هو عنك ولم يقل لي حتى اسمك
قال لي أنه كان معجبا بك ولكن ربي ما كملش وما ذكر عليك حتى سوء
أخبرني بأنه مازال يتصل بك من باب الصداقة
ولكن يا أختي لماذا لم تخبريه الحقيقة؟
إنه يعتقد أني خبيثة وماكرة فلماذا يا أختي؟
لا يسمعني ولا يرد على اتصالاتي لأفهمه الحقيقة
لقد مرضت مرضا شديدا والآن فقط خرجت من المستشفى في هذه اللحظة فقط
أرجوك أختي إن كنت تقدرين على إصلاح الأمر
أريد أن يعرف بأني لم أدبر شيئا أرجوك أختي أخبريه الحقيقة
أتوسل إليك أن تصححي نظرته عني أرجوك

[nacera72]

السلام عليكم
اولا ادعوا الله لك بالشفاء العاجل اختي
ثانيا الله يشهد انني لم اتكلم عنكي بسوء امامه و لم اقل بانك دبرت مكيدة له
ثالثا انا اسفة على النصيحة لانها لا تقدر في هاذا الزمان اكرر اسفي اختي اتمنى لك التوفيق

[صبريـنة]

السلام عليكم
اولا ادعوا الله لك بالشفاء العاجل اختي
ثانيا الله يشهد انني لم اتكلم عنكي بسوء امامه و لم اقل بانك دبرت مكيدة له
ثالثا انا اسفة على النصيحة لانها لا تقدر في هاذا الزمان اكرر اسفي اختي اتمنى لك التوفيق
أختي نصيرة أرجوك وأتوسل إليك إن كنت تريدين دعاء خالصا لك بأن يعطيك الله كل ما تتمنيه أرجوك أن تكلميه وتشرحي له الوضع
أرجوك لوجه الله إن اتصلت به فأنت تقومين بخدمة إنسانية كبيرة في حقي أرجوك أختي أتوسل إليك
وسأدعو لك صباح مساء بأن يعطيك الله كل ما تتمنينه
أنت القشة الباقية لي والأمل الباقي لي في هذه الحياة فأرجوك أن تقومي بهذه الخدمة الإنسانية لوجه الله
فأرجوك لا تقضي على الأمل الباقي لي في هذه الحياة وإلا استحالت حياتي إلى سواد رهيب

[sweetgril22]

اختي والله راكي متعذبة بزااف مي علاش تروحي تعاودي الهدرة لوكان خليتي شوفي الفيلم وين راه ماشي
انا ننصحك كي ولات هكا يا اجي لداركم ديركت يا سيي انسايه واقطعي الامل صح واعرة مي نفصل هكا
ولا تموتي غير من العذاب اللي راكي فيه دوك

والاخت لي تعرفو مذا بيك كيما خبرتيها عليه هكاك ونصحتيها تكملي خيرك وماتجبديش روحك هكاك وتعاوني االأخت وديري روحك في مكانها يالوكان تهدر معاه برك وتفهمو ومن بعد كلش اجي

ربي يوفق اختي واي جديد خبرينا عليه

[nacera72]

السلام عليكم اختي
انا اتصلت به اليوم و اخبرته الحقيقة و الله شاهد علي انني لم اتصل به الا تلبة لرغبتك و الله شاهد على ما اقول و لكنه اخبرني انه غاضب لانك كتبتي في مشكلتك اشياء لم تحدث و انك لم تقولي الحقيقة ؟ المهم اختي ربي يفرج عليك و على كل مؤمنة و ربي شاهد اني درت اللي عليا سلام.

[صبريـنة]

السلام عليكم اختي
انا اتصلت به اليوم و اخبرته الحقيقة و الله شاهد علي انني لم اتصل به الا تلبة لرغبتك و الله شاهد على ما اقول و لكنه اخبرني انه غاضب لانك كتبتي في مشكلتك اشياء لم تحدث و انك لم تقولي الحقيقة ؟ المهم اختي ربي يفرج عليك و على كل مؤمنة و ربي شاهد اني درت اللي عليا سلام.
يا أختي صحيح لقد كذبت
ولكن لماذا؟
سأقول الحقيقة وخلي واش يصرا يصرا
أنا كاذبة أنا مخادعة أنا أنانية أنا عمياء لا ترى الحقيقة
أرجوك أنا أكلمه ولا يرد علي
أبعث له رسائل نصية قصيرة لا يقرؤها
هذه المرة الأخيرة التي أطلب منك الإتصال به
أريد توضيح الأمر وهو بعدها يفعل ما يريد
شكرا لك جزيلا على كل شيء ولكنه أجر يكتب في ميزان حسناتك

[تواضعي يانفس]

يا أختي صحيح لقد كذبت
ولكن لماذا؟
سأقول الحقيقة وخلي واش يصرا يصرا
أخي عضو في منتدى الجلفة وقد قرأ موضوعي فشك في لأني لم أكذب في عضويتي ولا معلوماتي الشخصية
ناداني يوما وقال لي: إقرئي الموضوع
لقد مت في ذلك اليوم حقيقة لذلك كذبت كذبا ندمت عليه أشد الندم
هو لم يتكلم مع أخي ولكني كذبت اضطرارا وخوفا من أخي لكي لا يشك في
ولكني أقولها وأعلنها لقد كذبت كذبت وأنا نادمة نادمة على كل شيء
أختي نصيرة أفهميه الموضوع أرجوك
وأنا الآن في موضع جد خطير ولكن لا يهمني
أرجوك أنا أكلمه ولا يرد علي
أبعث له رسائل نصية قصيرة لا يقرؤها
هذه المرة الأخيرة التي أطلب منك الإتصال به
أريد توضيح الأمر وهو بعدها يفعل ما يريد
شكرا لك جزيلا على كل شيء ولكنه أجر يكتب في ميزان حسناتك
اختي صبرينة ...موقف لا تحسدين عليه...والله يكون في عونك...الحمد لله ربي يعلم الموضوع من جميع جوانبه ويعلم سيررة عبده ولا يتخلى عنه ابدا
اما بعد اختي...اضنك في حالة نفسية صعبة بعد كل الذي حدث...ومع هذا لا تقسي على نفسك...فانت لم تضمري شرا لاحد ولم تتلاعبي بماشاعر احد ولم تتعاملى بخبث مع احد...لاتقسي على نفسك...وارحميها...فانت انسانة عضيمة لانك صادقة ولا تتعاملين بخبث.
تحياتي لك يا صبرينة...وامسحي دموعك بعد اليوم...فان دموعك غالية علينا يا اختاه.
حفظك الله من كل مكروه...ننتضر مشاركاتك المميزة وطلاتك البهية بهاء قلبك.

[anouardz]

راكي في حالة صعيبة بزاف و ما تتقبليش النصيحة !!
راكي تقولي فيها خايفة من خوك و ربي ما دايرتلوش حساب !!
على كل ناس بزاف جوزت واش راكي جوزي و ماهي الا مسالة وقت و رايحة تنساي
+
و مدام راكي هكا يعني راو يلعب بيك كيما يحب و كي يكره منك يرميك
الاخت راهي تقولك بلي ماشي ناس ملاح و نتيا ربي عمالك قلبك ..
نسال الله ان يهديك لسواء السبيل
و يبعد عنا ما انت فيه

+

ما قريبش تتسقمو و تولو لتريق !!

[chahrazed-m]

اختي راني نشوف قضيتك اخذت منحى اخر

انا نقول يا يجي يخطبك يا مع السلامة
ويزايد ماراكي تذلي في روحك

راكي تعيطيلو وتبعثيلو لي ميساج ومايجاوبش وفهماتو الاخت وماهوش حاب يتكلم معاك
وش معناها؟

يدلل مش وقت دلال

يحوس يعذبك ويخليك ديما تحسي انك انت المخطاة

انا نقولك اذا ما جاش للدار انسايه
وصح راح تقولي مانقدرش نحبو
بالصح اكيد تحبي ربي اكثر واكثر

مالا ارجعي لربي صلي واستغفري وماليك الا الدعاء وربي هو يخرجك من هاد الحالة لي راكي فيها
واسمحيلي اذا طولت عليك ولا قلت كلام ماعجبكش

[صبريـنة]

واش يا أخت نصيرة ما بان حتى خبر من عندك؟
ولا خلاص برد قلبك ودرتي اللي عليك باش تفرقي بيني وبين اللي نحبو
بصح ما نقول والو نقول حسبي الله ونعم الوكيل
منين جيتيني؟
واش درتلك؟
علاه درتي معايا هكا؟
راني ما درتلك والو
ربي يهديك هذا ما نقول
ورانا نتقابلو نهار الآخرة

[wafa16]

يا اختي اسمحيلي بصح قريت كل الردود
وماشي حق عليك تدعي عليها بالشر حق ما وراتلك صلاحك وحبت تحلك عينيك
وهذا راهو يتهرب منك
صابها سبة باش يحوس على وحدخرى مسكينة يتمسخر بيها
وراكي ذليتي روحك وخوك فوق الازم
وملاحظة
قلتي كنت خايفة من خوك ودوك بعد ما اعترفتي بلي كذبتي ماخفتيش يفيقلك
كيفاش تشوفي فيه من بعد
ياختي كوني شجاعة وماتقيميهش
كيما دارت الاخت اللي قبلك نستعرف بيها اعفسي على قلبك وخليه يحترمك
وشدي في ربي راهو اللي يشد فيه مايضيعش
و حاولي تشكري هذيك الاخت على الموقف تعها
كانت قادرة تخليك تطفر فيك وتبكي الدم من عينيك
وربي شاهد على كل واحد

[nacera72]

السلام عليكم اخت صبرينة
اولا شكرا اختي على الدعاء لي بالهداية ربي يهدينا اجمعين
ثانيا انا غالطة لاني حاولت ننصحك و لكنك لا تريدين النصيحة و بالعكس راكي تظني اني فرقت بينك و بينو و ربي يعلم اني درت اللي عليا بش نفهمو من اجلك و لكن واش نقول هاذا جزاء سنمار؟؟؟؟
انا صح جبت روحي لما عرفت انك كذبتي في مشكلتك و انو هو اللي قال الحقيقة و لستي انتي و بالتالي قررت اني مانزيدش ندخل روحي بينكم
و نقولك حاجة ان الله لا يغير ما بقوم حتى يغيرو ما بانفسهم و بما انك راضية بهاذ الوضع انتي حرة
و انا تعلمت اني مانزيد ننصح اي احد لان كل واحد يعرف صلاحو الحلال بين و الحرام بين
ربي يهديك و يهدينا لسواء الصراط

[chahrazed-m]

يا اختي الطفلة نصحاتك وانت تدعي عليها

صح كيما يقولو الحب اعمى
صح هنا غير بالكتابة وراكي تباني عمية

علاه ما تاخذيش بنصائح اخوانك رانا اخواتك في الله ومنين نعرفوك

من هنا فقط
ورانا ننصحو فيك
بزايد ما طيحتي بروحك كون صح يبغيك راه جا للدار وكون راه حكا معاك

بركايك من هاد الذل
كيفاه قادرة تحملي

وزيد خوك هو لي يولو يهدرو عليه برا
ماتخافيش على سمعتو؟

ربي يهدينا ويهديك

[صبريـنة]

أنا كاذبة أنا مخادعة وكل الناس أبرياء والبراءة في تصرفاتهم وعيونهم
أنا الماكرة الكبرى في هذه الدنيا
أنا أسوأ خلق الله
أنا الشيطان بعينه
أنا الكاذبة وكل الناس صادقون
لقد كرهت كرهت كرهت كرهت كرهت
أريد الموت أتمنى الموت

[nour22]

أختاه صبرينة قرأت مشكلتك و كل تدخلات الأخوات الكريمات و اسمحيلي أن أكون طرفا في النصيحة و هي كلآتي : ناس بكري يقولوا القرب يجيب الكلام و البعد يجيب السلام و الشخص البعيد ديما عزيز ننصحك أختي جاهدي نفسك و جبدي منو ويلا يبغيك صح مارايحش يصبر على فقدانك و يدير خطوة رسمية و عسى أن تحبوا شيئا و هو شر لكم يمكن ربي سبحانو يحاول يبعدك عليه لأنوا ما يستاهلكش و أنت سمحيلي نقولك راكي تكفري بتمني الموت و اعلمي أن ربك ليس بظلام للعبيد صدقيني لي تجارب و أدركت أنه لا خير في العلاقات خارج اطارها الشرعي ألا و هو الزواج و تأكدي أن نسبة نجاح الزواج التقليدي تفوق نسبة الزواج عن حب أو بالأحرى عن علاقة غير شرعية.

[chahrazed-m]

يا اختي وش دانا للموت والخداع وغيرو
استغفري ربي

وانعلي الشيطان

رانا ننصحو فيك وانت وحاجتك تحبي تاخذي بيها ولا

وكل واحد كيفاه يشوف لحياة هاذي

ربي يهدينا

[*أنسام*الجنة*]

أنا كاذبة أنا مخادعة وكل الناس أبرياء والبراءة في تصرفاتهم وعيونهم
أنا الماكرة الكبرى في هذه الدنيا
أنا أسوأ خلق الله
أنا الشيطان بعينه
أنا الكاذبة وكل الناس صادقون
لقد كرهت كرهت كرهت كرهت كرهت
أريد الموت أتمنى الموت


السلام عليكم ورحمة الله وبركاته

يا الاخت صبرينه استغفري مولاك
وهدي من اعصابك الامور لا تستاهل
لو منك اضربه في الصفر هو لا يستحق
وكوني اكيدة الرجل لا يبالي بالمرأة التي تجري وراءه او تنزع من كرامتها من أجله.
لو هو مكتوب لك سيعود بطريقه شرعية وتكون فيها كرامتك محفوظة ورأسك مرفوع

هذا الشخص راه يملأ في وقته وفقط لو أراد الزواج لتقدم ...وشيء اخر ان كان يحبك لماذا يكلم أخرى على اساس صديقة أضن أنه من يحب قلبه يكون مملؤ بمن يحب .
ان شاء الله تأخذي بنصائح الكثيرات ممن مررن .

[lilyann]

يا اختي اسمحيلي بصح قريت كل الردود
وماشي حق عليك تدعي عليها بالشر حق ما وراتلك صلاحك وحبت تحلك عينيك
وهذا راهو يتهرب منك
صابها سبة باش يحوس على وحدخرى مسكينة يتمسخر بيها
وراكي ذليتي روحك وخوك فوق الازم
وملاحظة
قلتي كنت خايفة من خوك ودوك بعد ما اعترفتي بلي كذبتي ماخفتيش يفيقلك
كيفاش تشوفي فيه من بعد
ياختي كوني شجاعة وماتقيميهش
كيما دارت الاخت اللي قبلك نستعرف بيها اعفسي على قلبك وخليه يحترمك
وشدي في ربي راهو اللي يشد فيه مايضيعش
و حاولي تشكري هذيك الاخت على الموقف تعها
كانت قادرة تخليك تطفر فيك وتبكي الدم من عينيك
وربي شاهد على كل واحد

راني معاك في كل كلمة قلتيها
ياختي وكلي ربي عليه وخمي بعقلك

[lilyann]

أنا كاذبة أنا مخادعة وكل الناس أبرياء والبراءة في تصرفاتهم وعيونهم
أنا الماكرة الكبرى في هذه الدنيا
أنا أسوأ خلق الله
أنا الشيطان بعينه
أنا الكاذبة وكل الناس صادقون
لقد كرهت كرهت كرهت كرهت كرهت
أريد الموت أتمنى الموت

ربي يهديك و يهدينا يا طفلة وين راه غقلك خمي شوية مع روحك هادا ماش اخر واحد في الدنيا
اعفسي ع قلبك ودجا ميستاهلش نحكو عليه خداع خبيت كيما هكا
تكرهي و تخسري حياتك ع جال واحد ميستاهلش و ماقيمكش مام با
يريه تحت رجلك وكملي حياتك
ربي عوضك ونسيك فيه

[marwa2]

أخت صبرينة كاش جديد ، هل أنت بخير

[عاليـ الهمم ـة]

أنا كاذبة أنا مخادعة وكل الناس أبرياء والبراءة في تصرفاتهم وعيونهم
أنا الماكرة الكبرى في هذه الدنيا
أنا أسوأ خلق الله
أنا الشيطان بعينه
أنا الكاذبة وكل الناس صادقون
لقد كرهت كرهت كرهت كرهت كرهت
أريد الموت أتمنى الموت
لا حول ولا قوة إلا بالله ..
ان شاء الله تكوني بخير حاليا ....
أخيتي لا تكرهي نفسك ولاتدعي عليها
عيشي حياتك وانسي همومك
اكثري من الاستغفار في كل وقتك
واشغلي وقتك بقراة القران الا بذكر الله تطمئن القلوب
وثقي ان الله لايضيعك

[amine-politique]

أنا شاب و العاطفة اني درتها أكوتي و عندي نظرة خاصة و خطيرة جدا
على حساب الأحداث و القصة نعطيكم ملخص نتحمل وحدي المسؤولية

_ المدعوة صبرينة هي نفسها الشاب المخادع
_ كيف يطلب هدا المخادع الحديث مرة أخرى مع وفاء عن طريق تقمص شخصية وحدة تحبو
لأنو على علم بلي وفاء تدخل هاد القسم. ادن طرح مشكلتو حتى وفاء أمنت و ردت
وهدا قالب واحد اخر صبرينة تقول ما تصلش بيا ؟ و هو يقول للأخت وفاء بلي ما صارحهاش و ماعندوش علاقة معاها؟

لماذا ؟ حتى تقراي ثقته و يرجع المياه المجاريها
نفس القصة معادة؟ تعرف عليهم في العمل ؟ نصيحة لوجه الله
روحي يا وفاء لقسم الشرطة هدا محتال كبير هدفه انت
علابالي درك يجي يقرا الرد
ومابقاش يعاود يدخل
سلام



سؤال للأخت وفاء
هل كان يعلم أنك عضو في منتدى الجلفة ؟
و شكرا