الرئيس بوتفليقة - الأولوية في التوظيف للمستفيد من عقود الإدماج والتشغيل-

[ابن-الجزائر]

السلام عليكم ورحمة الله وبركاته

أحبتي لقد شاهدت منذ قليل خطاب الرئيس عبد العزيز بوتفليقة حيث تطرق في حديثه إلى حاملي الشهادات وآليات التشغيل المعتمدة من الدولة حيث أكد على تمديد عقود التشغيل التي يستفيد منها الشباب خريجي الجامعات وأكد على مراعاة الأولوية في التوظيف للمستفيدين من هاته العقود.

ان شاء الله تكون هذه بادرة خير وتكلل بتوظيف للجميع وربي يصلح الأحوال

[mizou02]

ان شاء الله الادماج يا ربي

[mizou02]

والله كرهت مل ليكونكور الادماج يا رب

[bebe81]

بالله عليكم هل مازلتم تؤمنون ب الرسوم المتحركة (ميكي و الاخرون)

[samira43]

احنا ماشفنا والو غير نتا شفت

نستناو الفعاليات
في ارجاع الملايير
و انشاء مصانع و شركات توفر مناصب شغل

لقرارات لي قالاوراق ماجابت حتى فايدة

منصب وزير برك ماعندوش مهلة و زمن و تقاعد
ّ؟؟؟؟؟؟؟؟؟؟؟
الشباب يستنا فالمفيد حكاية الادماج خرطي ظلم ناس يا ناس

[ابن-الجزائر]

والله كرهت مل ليكونكور الادماج يا رب


آمين ربي يفتح على الجميع

[sabrac]

قال ستكون الاولوية في التثبيت لاصحاب عقود الادماج ،السؤال هو الاولوية على من؟ ادا كان اغلب او كل الشباب مستفيد من هده العقود فلمن ستكون الاولوية اذن؟أولوية للشباب على بعضهم البعض هههههههههههه هم يضحك وهم يبكي كلام فارغ وضحك على من لا يفهمون

[kamel76]

خطاب جاف لا جديد فيه .ذر الرماد في الأعين

[الرجل الحر]

حسابيا .. منطقيا ... مستحيل الإدماج

اما خطاب رئيسك فهو مثل باقي " الخزعبلات" التي رددها وزاؤه وعود حصيلة ضخمة لا يراها إلا هو ...


هو أصلا الحكم ليس بيده حتى يتخذ القرارات من عدمها...

[samira43]

مادام الوزراء في مناصبهم

لا تحلمووووووووووووو بمصلحة الشباب

واش حبيتو تريحو في كراسيكم

يخلوكم هكذا مشغولين بالجوع و البطالة كي لا تنشغلو بمناصبهم

لكن الفرج قريب ليةاصلي الكذب حتى ينفد صبر الشباب

[mohamaedbahala]

شد في الشيح لا يديك الريح

[رامي بوبي]

أنا عقد كيما العقود أو مصحليش
معناه حتى يفريوها معاكم باش نخدم
ربي يرزق كل واحد
يا ربي جيبهالهم في الدنيا يخلصو وحنا نشوفو
بلاد الحقرة وكل واحد يحوس على صلاحو

[amine1979]

الله يعطيه الصحة هذا الرئيس راه وحدو ماصابش شكون يعاونو
ربي معاه منين يعالجها..........................................
و مين يبداها...................
ربي يجيب الخير و يكون في عونو

[ابن-الجزائر]

اما خطاب رئيسك .

أخي الرجل الحر أنا نقلت ما سمعته ما قلت لا رئيسي لا رئيسك لذا لا داعي لصب جام غضبك علي
بارك الله فيك

[haafid]

إن شاء الله يكون الخير فقط ويخلوه يخدم
ومكانية إدماج جميع الشباب عملية ممكنة لو تم تقليص سن التقاعد الاجباري

[صفاء 7006]

السلام عليكم ورحمة الله تعالى وبركاته
الرئيس قال واش عندو
بصح كشما كان وثيقة رسمية تثبت واش قال
قالوها ناس بكري الثقة فالوثيقة

[مهند ستي]

أنا مسمعت خطاب ومانحب نسمع باسكوا عارف مكان حتى جديد
حبيت نقول ماتعيشوا في أحلام وأوهام

الرئيس كي يتكلم يقول قررت كذا وكذا ..... وأنا متأكد مقال هد الشيء في خطابوا

الدولة غنية والرئيس قادر يدير شيء مليح لوكان يحب
فقط يقول قررت منح حق الضمان الإجتماعي والتقاعد لحاملي الشهادات الجامعية على سبيل المثال
وعلاه معندناش حق تقاعد أو ضمان إجتماعي الواحد في عمره 30 عام معنده والو





لوكان جات ليا الرئيس وجماعتوا إلى مزبلة التاريخ

[طيب وابن حلال]

هدرة هدرة هدرة هدرة هدرة
نحوسوا على التطبيق

[zidou_24]

وحدك من فهم ذلك أخي
غنيلو الغنية تاع 10 سنين شماج ونسنى في الإدماج
ياو الراجل في حالة الله يشفيه
الخطاب أولا غير مباشر ومليء بالمونتاج
يقرأ فيه ويريد إنهاءه [اسرع وقت
لم يتكلم على الشباب إلا في جملة واحدة
تكلم على الإنجازات الوهمية كالعادة
لم يشف غليل أي شريحة من المجتمع
عفوا إلا شريحة النساء التي لا يمكن أن ينساها ويا ليت في حاجة فيها الفائدة
الله المستعان
وما أعجبني حقا ,اضحكني وأبكاني أنه يريد تعديل قانون الانتخابات وكأنها لن تزور
ختامها لم يكن مسكا
,انتم أيها الشباب لكم الله وخيرها في غيرها
في الختام خطاب جاااااااااااااااااااااااااااااااااااااااااااااااف لا يسمن ولا يغني من جوع

[sabrac]

راه غي يخرط على الشعب وهو شبه ميت وهذا الكلام تفوات للوقت وحتى يبقى فالسلطة اطول فترة ممكنة

[birelarch]

ان شاء الله سيتم تعيين رئيس جمهورية في اطار ادماج اصحاب الشهادات

[birelarch]

راه غي يخرط على الشعب وهو شبه ميت وهذا الكلام تفوات للوقت وحتى يبقى فالسلطة اطول فترة ممكنة
اعطينا حقنا واقعد فيها 100 سنة

[حسينة 36]

لا اله الا الله محمد رسول الله
يقولو ادماج شكون يدمجو شكون يخلو جماعة الادب العربي والاجتماع مساكن دخلوهم للادارات وقالولهم اخدمو واش من ادماج يستنو وجماعة الاقتصاد راهم يتفرجو واحد اتصال ويخدم في البلدية يخرج شهادة الميلاد واش من ادماج يستنى
راهي بلاد رشوة وفساد الله يهدهم انشاء الله
والامثلة كثيرة
معلومة اضافية منذ ايام رحت وكالة الضمان الاجتماعي وين يقومو بعملية التحصيل تصدمت وخرجت ما امنتش لقيت شخص نعرفو وليد حومة باكالوريا ادب عربي ودرس في الجامعة علم اجتماع وقرانا وحد الوقت فلسفة مستخلف حرت كي شفتو موضف في الكناس قسم التحصيلات يعني منصب حساس يخدمو فيه اصحاب المالية والعلوم الاقتصادية والمحاسبة وكان يحسب ويعاود شفتت فيه ومن باعد سالت قتلو خويا درك خير في الكناس الخدمة والا التعليم خير ضحك وتذمر وقلي التعليم رحمة
هذا لان ماهوش في اختصاصو وزيد دخل يخدم معريفة

نزيدكم معلومة المدير الولائي تاع الكناس الي عندنا يخدم حبابو الكل والي يصلي معاه ويدير معريفة ويربي اللحية يضمن بوصت والمسؤولين الاخرين تاني كيفو يخدمو غير اماليهم
وكي تجي ليبوست يقسموها بيناتهم
الله يجيب الخير هذه مجرد عينة بسيطة

لذلك لا امل في الادماج والرئيس راه مريض في حالة ربي يشفيه ويدين وحدة ما تصفقش غير الضغوطات تاع هذه الايام الي خلاته يهدر

يارب صبرنا

[بن جابر]

أرض الواقع هو الإثبات الوحيد.

[mostefa82]

يا جماعة الخير .انوو الخير تصيبو الخير.تأكدووو من هذاا.

[samira43]

وحدك من فهم ذلك أخي
غنيلو الغنية تاع 10 سنين شماج ونسنى في الإدماج
ياو الراجل في حالة الله يشفيه
الخطاب أولا غير مباشر ومليء بالمونتاج
يقرأ فيه ويريد إنهاءه [اسرع وقت
لم يتكلم على الشباب إلا في جملة واحدة
تكلم على الإنجازات الوهمية كالعادة
لم يشف غليل أي شريحة من المجتمع
عفوا إلا شريحة النساء التي لا يمكن أن ينساها ويا ليت في حاجة فيها الفائدة
الله المستعان
وما أعجبني حقا ,اضحكني وأبكاني أنه يريد تعديل قانون الانتخابات وكأنها لن تزور
ختامها لم يكن مسكا
,انتم أيها الشباب لكم الله وخيرها في غيرها
في الختام خطاب جاااااااااااااااااااااااااااااااااااااااااااااااف لا يسمن ولا يغني من جوع


مع من تتكلم يوجد الكثير من السادجين و لا يقبلون النصيحة


من عندي شكرا على النصيحة
ربي يجيب لخير لينا و ليه
ياترى من اين خطب و تحت اي ضغط و من كتب تلك الاوراق

تساءلات كثييييييييييييييييييييييرة
تحيا الجزاير

[sabrac]

المهم نحن نتجه نحو الكارثة لآن كلشي دركة بان ماكان ادماج ماكان والو ،وبوتفليقة يروح يروح بعد 3 سنوات او اقل لا يهم ويخلي تركة ثقيلة وهي عقود ترهن مستقبل الشباب ل6سنوات او اكثر وعندها يكون اما في سن 30 او تجاوزها ،يعني لي يخلصها قاع حياته هو الشباب المتعاقد والجامعيون خاصة ماشي بوتفليقة او الحكومة لانهم شيوخ وكملو حياتهم في ترف ورفاهية ومزال الوقت يبينها وتشوفو

[arez]

اخي حنا ما عندنا حتى مشكل مع الرئيس
الحكومة هي اللي راهي محبسة كلش
و الخطاب تاع البارح ما هو الا تسكيت للشعب و الراي العام
و العالم الخارجي باش ما يقولوش باللي رايحة تنوض في الجزائر
و الدليل الكبير انه الرئيس عمره ما القى خطاب مسجل
و عمره الا القى خطاب بالورق و قاع نعرف باللي الرايس اسلوبه تلقائي و في الصميم المشاكل تاع الزوالي و الشعب ككل
و زيد الرايس عندوا ايدي خفية هي اللي تقود فيه
قالولوا اخرج تهدر مع الشعب خرج و كلش بيدهم ما يخلوه لا يتقدم لا يتراجع ؟؟؟؟؟؟؟

[mira27]

"seeing is believing"
min takter elhadra ma ysra walou
ngoulou inchallah

[aurese]

بوتفليقة يزور تلمسان.. والعسكر يذبح في تيزي وزو.


اكلمكم وقلبي يعتصر على اخواني واصدقائي جنود الجيش الشعبي الوطني الذين قتلو في تيزي وزو مساء البارحة.
بينما كان فخامته يخطب في الشعب... وكان يستعد للذهاب الى تلمسان لافتتاح تلمسان عاصمة الثقافة الاسلامية وتستقبله الراقصة خليدة تومي. مع راقصات شاكيرا.
استشهد 18 فردا من قوات الجيش الشعبي الوطني في منطقة اعكوران وعزازقة في تيزي وزو.
اعرف شاب من هؤلاء الشهداء. في عمر 21 سنة الوحيد عند امه.
رحمهم الله جميعا.
سؤالي من يتحمل دم هؤلاء الشهداء.

[sabrac]

الله يرحمهم هادوك هاديك خذمتهم وواجبهم وخالصين عليه وزيد لي مات هذاك اجله ،أما حنا ما محلنا من الاعراب؟

[samira43]

بوتفليقة يزور تلمسان.. والعسكر يذبح في تيزي وزو.


اكلمكم وقلبي يعتصر على اخواني واصدقائي جنود الجيش الشعبي الوطني الذين قتلو في تيزي وزو مساء البارحة.
بينما كان فخامته يخطب في الشعب... وكان يستعد للذهاب الى تلمسان لافتتاح تلمسان عاصمة الثقافة الاسلامية وتستقبله الراقصة خليدة تومي. مع راقصات شاكيرا.
استشهد 18 فردا من قوات الجيش الشعبي الوطني في منطقة اعكوران وعزازقة في تيزي وزو.
اعرف شاب من هؤلاء الشهداء. في عمر 21 سنة الوحيد عند امه.
رحمهم الله جميعا.
سؤالي من يتحمل دم هؤلاء الشهداء.



الله يرحمهم

لكن ليس بوتفليقة من قتلهم

المجرمين بين بعضاهم و الضحية دوما من الشعب

كل بيت جزائري فيه على الاقل فرد سواء في الجيش او الشرطة او الدرك او او
و هم دوما الضحايا لانهم ابناء الشعب لكن من يقودهم للموت و من يقتلهم لا يحاسب فيهم احد

ربي يحفظ الجزاير و ابناءها و ينتقم من اهل الفتن و المجرمين

[samira43]

اخي حنا ما عندنا حتى مشكل مع الرئيس
الحكومة هي اللي راهي محبسة كلش
و الخطاب تاع البارح ما هو الا تسكيت للشعب و الراي العام
و العالم الخارجي باش ما يقولوش باللي رايحة تنوض في الجزائر
و الدليل الكبير انه الرئيس عمره ما القى خطاب مسجل
و عمره الا القى خطاب بالورق و قاع نعرف باللي الرايس اسلوبه تلقائي و في الصميم المشاكل تاع الزوالي و الشعب ككل
و زيد الرايس عندوا ايدي خفية هي اللي تقود فيه
قالولوا اخرج تهدر مع الشعب خرج و كلش بيدهم ما يخلوه لا يتقدم لا يتراجع ؟؟؟؟؟؟؟

بالفعل

لكن السكوت ليس حل

الم يحن الوقت ليضحي لاجل شعبه و يصرح بمن يتحكم في الامور و يعين من يليق بحكم الجزائر و الشعب كله يدعمه

:confused::confused:

حيرونا الله لا يريحهم خلاو الشعب يتخبط

[شمس الدين485]

الله يعطينا الصبر

[الواحةالحمراء]

ان شاء الله

[محمد1482]

بوتفليقة راهو يسلك في راسو حتى يكمل العهدة برك......................... نريد الادماج و القرارات الملموسة لا الخطابات الكاذبة

[arez]

الله يرحمهم
انا لله و انا اليه راجعون
الله اكبر الله اكبر الله اكبر الله اكبر الله اكبر

[mehenni83]

Monsieur le président,

C'est avec un cœur lourd que je m'adresse à vous.

Ces quelques phrases d'un condamné étancheront peut-être la soif de certains individus opprimés.

Je m'adresse à vous avec une langue empruntée, pour vous dire, simplement et clairement, que l'état n'a jamais été la patrie.
D'après Bakounine, c'est l'abstraction métaphysique, mystique, juridique, politique de la patrie.

Les masses populaires de tous les pays, aiment profondément leur patrie, mais c'est un amour réel, naturel, pas une idée: un fait.

Et c'est pour cela que je me sens franchement le patriote de toutes les patries opprimées.

[HD__DZ]

خليها على ربي

[HD__DZ]

ان شاء الادماج النهائي

[sabrac]

ههههههههههههههههه ادماج نهائي احلموا .............طرد نهائي .......حتى تطبيق الزيادة في المنحة مزال ما طبقش ومزال ما يطبق وهذا ما قالته مديرية التشغيل لي اليوم عند اتصالي بهم قالوا المنحة مزال مازادت وما وصلنا والو على هاد الزيادة وماكانش منها اثر رجعي مالا زيدو حلمو

[جودي بلعيد]

نتمنى الادماج لكن الامور بهذا الشكل البطيء تجعل الادماج من العمليات الصعبة شكرا لكم

[sabrac]

زيدو تمناو ...........هههههههههههههههههه

[eddy416]

انا كنت حاسب بلي رايح يستقيل

[faizati]

الله يقدر الخير يااخوان

[miloud ameur]

jeux gratuit