مشاهدة النسخة كاملة : كيف تعرفت عليها؟ كيف تعرفتي عليه؟
khaled70041
2011-04-10, 00:47
كل شخص يحكي تجربتو مع طرفو الثاني وكيف جاتو الفكرة انو يكون من يقضي معاه بقية حياتو؟
متترددش في حكايتك ومتترديش في حكايتك لانك سوف تزرع او تزرعي بذرة امل في ايجاد شريك حياة لشخص آخر هو متردد ولا ميش عارف واش يدير.
*
*
*
*
*
*
*
*
*
*
*
ارجو عدم البخل في سرد حكايتك
والله يااخي لسى ماجاءني نصيبي
لكن انت احكي لنا كيف تعرفت ؟
khaled70041
2011-04-10, 00:50
والله يااخي لسى ماجاءني نصيبي
لكن انت احكي لنا كيف تعرفت ؟
مازال متعرفتش............
مازال متعرفتش............
ليش كاتب الموضوع
اش المغزى منه ؟
هذا النصيب من عند الله
ممكن يكون صدفة اوالله يسخر لك فلان يسعى لك
khaled70041
2011-04-10, 00:55
ليش كاتب الموضوع
اش المغزى منه ؟
في بعض الاحيان يكون المحيط ضيق للبحث عن شريك
وهنا حبيت نبرز دور المكتوب في ايجاد الشريك
في بعض الاحيان يكون المحيط ضيق للبحث عن شريك
وهنا حبيت نبرز دور المكتوب في ايجاد الشريك
بس حتى ولو الشريك مكتوب من الله
khaled70041
2011-04-10, 01:00
بس حتى ولو الشريك مكتوب من الله
حنا بشر التذكير يأثر فينا.
khaled70041
2011-04-10, 01:01
ممكن قصص بلاتعليق
تعرفت على زوجتي خلال أحد الامتحانات الرسمية
لم اجد بعد لكن اتمنى ان تاتي الصدف بما اريد
وفية لزوجي
2011-04-11, 13:50
السلام عليكم انا تعرفت على زوجي وقرة عيني عندما كنت في الثانوية وكان عمري 14 سنة انا كنت 1 ثانوي وهو كان يدرس في النهائي..... منذ حوالي 8 سنوات فاتت كي المنام نشأت بيننا قصة حب والحمد لله انا الان زوجته...اتمنى من الله ان تدوم محبتنا
مين يجي المكتوب حتى حاجة ما تحبسه المهم تكون عندنا النية الصافية ولالالالا؟
العقبة لكامل الباقيين قولو اميننننننن
مصريه جدا
2011-04-11, 20:36
مازال البحث جارى
ربنا يرزقنا جميعا ازواج صالحين يارب
ساندريلا
2011-04-12, 18:35
تعرفت على خطيبي في حادث مرور كوني أعمل في الحماية المدنية و هو في الدرك الوطني
و هكذا اجتمعنا
هههههههههه كيما ديما يقولي مصائب قوم عند قوم فوائد
khaled70041
2011-04-12, 19:05
تعرفت على زوجتي خلال أحد الامتحانات الرسمية
ربي يكمل بيناتكم.
وانشالله كما نجحتو في الزواج تكونو نجحتو في الامتحانات. ولا ملي شفتو بعضاكم نسيتو الامتحان.
ربي يوفقكم...ويكثر من أمثالكم لان زواج الصدف يكون زواج نتاع نية والزواج نتاع النية هو لي يدوم.:19:
khaled70041
2011-04-12, 19:10
تعرفت على خطيبي في حادث مرور كوني أعمل في الحماية المدنية و هو في الدرك الوطني
و هكذا اجتمعنا
هههههههههه كيما ديما يقولي مصائب قوم عند قوم فوائد
ربي يكمل بيناتكم.
باش تعودو عائلة الابطال لازم كي تجيبو لولاد أدخلوهم للشرطة..........هههههه.موفقين انشالله.
khaled70041
2011-04-12, 19:14
لم اجد بعد لكن اتمنى ان تاتي الصدف بما اريد
مازال البحث جارى
ربنا يرزقنا جميعا ازواج صالحين يارب
المغزة من طرح الموضوع اننا نحن العزاب نتعظ و ممكن يكون حل امام اعينى.
لي قرى التعليق ميبخلش بالدعاء.
khaled70041
2011-04-12, 20:29
وينكم يا متزوجين.....ولا تبخلو علينا؟
فداك رسول الله
2011-04-13, 17:53
انا تعرفت على زوجي في مركز البريد
وكان ماكنش الدراهم فيها قعدت شوية مع وحدة نعرفها نهدرواوشافني من بعد جا باش يهدر معايا وانا ماهدرش معاه ايا غاضتو عمروا
اتلاقينا مرة وحدوخرا وهدر معايا ومراها نخطبنا وتزوجنا ف 1مارس 2011 والنهار الي تلاقينا بيه فالبريد كان 1 مارس تاع العم الي فات
khaled70041
2011-04-13, 21:14
صديقي هو من أرشدني
راك مدين ليه صاحبك.راهم قليل لي يتحملو المسؤولية ويدلوك في هذ الزمان الصعيب.
ربي يكملك خويا.:19:
khaled70041
2011-04-13, 21:23
[انا تعرفت على زوجي في مركز البريد
وكان ماكنش الدراهم فيها قعدت شوية مع وحدة نعرفها نهدرواوشافني من بعد جا باش يهدر معايا وانا ماهدرش معاه ايا غاضتو عمروا
اتلاقينا مرة وحدوخرا وهدر معايا ومراها نخطبنا وتزوجنا ف 1مارس 2011 والنهار الي تلاقينا بيه فالبريد كان 1 مارس تاع العم الي فات[/quote]
بصح متزيديش تخليه يروح لمركز البريد.
ربي يدوم سعدكم. شهر مارس ديريه شهر بدون شجار اختي طول عمرك.:21:
نورسين.داية
2011-04-14, 06:12
شكرا على الموضوع أخي
مازل مكتبش ربي
زواج تقليييييييييييييييييييييييييييييدي جدا جدا جدا ولكن الحمدلله ربي رزقني راجل الله يبارك عليه وعايشين بسعادة الحمدلله ربي يرزقها للجميع يارب
اللهم ارزقني الزوجة الصالحة
khaled70041
2011-04-15, 00:06
شكرا على الموضوع أخي
مازل مكتبش ربي
اللهم ارزقني الزوجة الصالحة
ربي يرزقنا ويرزقكم الزوج الصالح:mh31:
khaled70041
2011-04-15, 00:09
زواج تقليييييييييييييييييييييييييييييدي جدا جدا جدا ولكن الحمدلله ربي رزقني راجل الله يبارك عليه وعايشين بسعادة الحمدلله ربي يرزقها للجميع يارب
ربي يبرك ويزيد متمني انو يكون زواجي تقليدي ادعولي.
ربي انشا الله يزيدك قرب من زوجك ونعيشي معاه وتربو ولاد ولاد ولاد ولاد...........ولاد كم.:d
ربي يبرك ويزيد متمني انو يكون زواجي تقليدي ادعولي.
ربي انشا الله يزيدك قرب من زوجك ونعيشي معاه وتربو ولاد ولاد ولاد ولاد...........ولاد كم.:d
ربي يرزقك الزوجة الصالحة والذرية الصالحة والبارة ان شاء الله ويوفقك يارب الف شكر على الدعوات ربي يحفظك ولك بمتلها اخي الكريم
khaled70041
2011-04-15, 23:51
ربي يرزقك الزوجة الصالحة والذرية الصالحة والبارة ان شاء الله ويوفقك يارب الف شكر على الدعوات ربي يحفظك ولك بمتلها اخي الكريم
شكرا اختي.:dj_17:
الناصر لدين الله
2011-04-16, 20:31
تعرفت عليها في الجامعة
حيث كنت أدرسها
وبعد نهاية السنة الدراسية
تقدمت لخطبتها
ღ♥ღلحظة غروبღ♥ღ
2011-04-16, 21:42
من أول نضرة ..................
أجمل الزهور
2011-04-16, 22:45
تعرفت عليه عن طريق صديق عزيز عليا بزاف...
khaled70041
2011-04-17, 00:07
من أول نضرة ..................
ههههههههههههه...............كي شفتيه عرفتيه.........صيدتيه............وتزوجتيه......... ..مسكين.
انشا الله تزيدي تحافظي عليه. ربي يدوم العشرة اختي. تقبلي مزاحي:3:
khaled70041
2011-04-17, 00:10
تعرفت عليه عن طريق صديق عزيز عليا بزاف...
والله اجمل زواج لان زواج يكون متوافق. لان لي عرفو متوافق هم عينين ميش عينيكم لي كانت مغمضة من الحب.
انشالله بعد الزواج المودة والاولاد والاستقرار و طاعة الله:19:
قصة مثيرة أرويها لكم فاستحملوها
رأى رجل امرأة فنظر في عينيها ونظرت إليه.......
قال في نفسه لعلها نضيبي ومضى
رآها بعد مدة ولم يتقدم فنظر ونظرت....
مر عام...... ولا جديد
عامان كلمها وكلمته لكن لا جديد مجرد تحيات وسلام ....
مر عام آخر .........
تقدم رجل وخطب الفتاة........ زوجها أهلها له ودعي المسكين لحفل الزواج ........
مرت سنين....
شاخ وشاخت بل وماتت رحمها الله
في جنازتها عثر على مذكراتها التي كتبتها حين كانت تنظر إليه
قرأ فيها
هذا فارسي الذي انتظرته أمدا ليته يكون لي
وكانت تقصده...........
بكى عند قبرها تمنى لو يرجع الزمان يوما فلا يتردد هنيهة...
لذلك أحبتي.........
رأيي هو أن لاتعقد الأمور في البحث عن طرفك الثاني
إذا رضيت منه (ا) الدين والخلق فاتكل على الله وخير البر عاجله
rafik20799
2011-04-18, 10:04
الحمد لله أنا الان مع فتات احلامي واتمنى ان يجمعنا الله في الحلال
قصتي بدات عندما راتني قبل 6 سنوات
وتمنت أن أتكلم معها لكن احسست بعد 3 سنوات وكل مرة اقول سافاتحها في الموضوع و بعد مدة طويلة تقدمت و الان نحن منسجمان ربي يسهل للجميع
يجب البحث فقط عن النصف الثاني والاعتماد على القول الشهير
شبر شبر بيت بيت دار دار زنقة زنقة لا رجوع
rafik20799
2011-04-18, 10:10
سلام للجميع باي
khaled70041
2011-04-18, 11:08
شكرا على المشاركة
khaled70041
2011-04-18, 11:10
الحمد لله أنا الان مع فتات احلامي واتمنى ان يجمعنا الله في الحلال
قصتي بدات عندما راتني قبل 6 سنوات
وتمنت أن أتكلم معها لكن احسست بعد 3 سنوات وكل مرة اقول سافاتحها في الموضوع و بعد مدة طويلة تقدمت و الان نحن منسجمان ربي يسهل للجميع
يجب البحث فقط عن النصف الثاني والاعتماد على القول الشهير
شبر شبر بيت بيت دار دار زنقة زنقة لا رجوع
ربي يوفق بيناتكم خويا بالرفاه والبنين.........والثوار قالو راح نبحث على معمر القذافي حفرة حفرة.
ملا انشا لله تبقى انت زوجك في حفرتكم الى آخر العمر.......:19:
fatehnho
2011-04-18, 11:41
moi pas encore je cherche encore
biologie2001
2011-04-18, 14:14
لم يأت مكتوبي بعد.. في الانتظار
khaled70041
2011-04-18, 20:03
moi pas encore je cherche encore
لم يأت مكتوبي بعد.. في الانتظار
ممكن انت لي ميش حاب..............ميش ملقيتش
الهم ارزقهما واياي الزوجات الصالحات القانتات عاجلا غير آجل.
biologie2001
2011-04-19, 09:01
ممكن انت لي ميش حاب..............ميش ملقيتش
الهم ارزقهما واياي الزوجات الصالحات القانتات عاجلا غير آجل.
اخي الكريم انا فتاة
khaled70041
2011-04-19, 20:50
اخي الكريم انا فتاة
ههههههههههه مبروك عليك
ساندريلا
2011-04-20, 20:45
ربي يكمل بيناتكم.
باش تعودو عائلة الابطال لازم كي تجيبو لولاد أدخلوهم للشرطة..........هههههه.موفقين انشالله.
هههههه باينة راهي ماشية الخطة كيما هاك
مشكور أخي ربي يجيب لينا و ليك الخير كله
khaled70041
2011-04-20, 21:20
هههههه باينة راهي ماشية الخطة كيما هاك
مشكور أخي ربي يجيب لينا و ليك الخير كله
شكرا على المرور
khaled70041
2011-04-20, 23:14
واش فضو الحكايات
احمد يحياوي
2011-04-21, 12:02
السلام عليكم مزال ما لقيتهاش كي نلقاها نحكيلك
لؤلؤة الفردوس
2011-04-21, 12:21
السلام عليكم و رحمة الله و بركاته
خطيبي هو جاري و صديق خالي و درس عند أبي اللغة العربية
عندي 8 شهر ملي خطبني و عرسنا ان شاء الله في جويلية تاع هاد الصيف
khaled70041
2011-04-22, 23:48
السلام عليكم و رحمة الله و بركاته
خطيبي هو جاري و صديق خالي و درس عند أبي اللغة العربية
عندي 8 شهر ملي خطبني و عرسنا ان شاء الله في جويلية تاع هاد الصيف
باين مديك على قناعة ...يعرف العايلة كامل.
ربي يدوم العشرة.ويكثر لمحبة.ويرزقكم الرفاه والبنين.:21:
سارة زهرة
2011-04-23, 18:51
ربي يستر النار مع الحشيش بالاكي تحرقيه هههههههههههه
ربي يكمل بيكم انشالله
khaled70041
2011-04-23, 21:01
ربي يستر النار مع الحشيش بالاكي تحرقيه هههههههههههه
ربي يكمل بيكم انشالله
لم افهم مشاركتك
ام ايمان16
2011-04-23, 21:22
ليس لدي تجربة لاحكيها
مشكور اخي بارك الله فيك وحقق الله امانيك وجزاك من خير الدنيا والاخرة
شكرا
khaled70041
2011-04-23, 21:36
ليس لدي تجربة لاحكيها
مشكور اخي بارك الله فيك وحقق الله امانيك وجزاك من خير الدنيا والاخرة
شكرا
اللهم اجعل لها تجربة عاجل غير آجلا .:19:
سياف 100
2011-04-24, 12:04
تعرفنا ايام الجامعة ارسلوني اليه كي اغير تخصص اختي فكان الاعجاب المتبادل و فزنا ببعضنا الان الحمد لله عندنا ولدين رائعين
khaled70041
2011-04-24, 20:45
تعرفنا ايام الجامعة ارسلوني اليه كي اغير تخصص اختي فكان الاعجاب المتبادل و فزنا ببعضنا الان الحمد لله عندنا ولدين رائعين
مزالك9 اولاد برك شدي لحزام اختي ما بقى والو....ربي يكمل ويعدل ويبنيلكم بيت في الجنة.:mh92::mh92:
المغزة من طرح الموضوع اننا نحن العزاب نتعظ و ممكن يكون حل امام اعينى.
لي قرى التعليق ميبخلش بالدعاء.
امين ربي يرسل لك يواتيك في السراء والضراء مين يكتبها ربي يكتبها
اللهم ارزقني الزوجة الصالحة
امين انشاء الله الهله يرزقك مرا علي حسابك
ههههههههههههه...............كي شفتيه عرفتيه.........صيدتيه............وتزوجتيه......... ..مسكين.
انشا الله تزيدي تحافظي عليه. ربي يدوم العشرة اختي. تقبلي مزاحي:3:
راك تضحك مجيب اللي تصيدك هههههههههههه
انشاء الله ي وتدوم العشرة معاها امين
ليس لدي تجربة لاحكيها
مشكور اخي بارك الله فيك وحقق الله امانيك وجزاك من خير الدنيا والاخرة
شكرا
fouzi1978
2011-04-24, 21:54
السلام عليكم انا نخدم في الدائرة جات مع باباها تخدم بطاقة التعريف الوطنية شفتها عجبتي زاد زميل ليا دالي كوراج رسلت يما خطبتهالي وصافي والأهم قبلها مكانش قاع عندي نيا باه نتزوج معلبالييش قاع واش صرالي
khaled70041
2011-04-24, 22:16
السلام عليكم انا نخدم في الدائرة جات مع باباها تخدم بطاقة التعريف الوطنية شفتها عجبتي زاد زميل ليا دالي كوراج رسلت يما خطبتهالي وصافي والأهم قبلها مكانش قاع عندي نيا باه نتزوج معلبالييش قاع واش صرالي
انقلك واش اصرالك
يقولو يقولو ما يتزاوجو في لرض حتان يتزاوجو في السما.
خبي سرك يا الغافل وقرى حذرك لاتصيبك عين......هههه ربي يكمل خويا وبالرفاه والبنين.:34::34:
rafik20799
2011-04-25, 08:32
ربي يوفق بيناتكم خويا بالرفاه والبنين.........والثوار قالو راح نبحث على معمر القذافي حفرة حفرة.
ملا انشا لله تبقى انت زوجك في حفرتكم الى آخر العمر.......:19:
أمين وشكرا أخي الكريم
ولا تنسى زنقة زنقة لا رجوع الى الامام:cool:
هذا النصيب من عند الله
ممكن يكون صدفة اوالله يسخر لك فلان يسعى لك
نعم زنقة زنقة لا رجوع الى الامام
ربي يكملك و وفقك لما يحب و يرضى اخي
ليلى المغامرة
2011-04-25, 14:14
انا تعرفت عليه في خلال منافسة وطنية بين الثانويات والحمد لله راه خاطبني ذركا
khaled70041
2011-04-25, 23:09
سألها: لم تحبيني كل هذا الحب؟وكيف لك ان تعشقيني كل هذا العشق؟ وأنا رجل كباقي الرجال ولم افعل لك شيئاً ؟؟؟؟ ..فتمنت ان تعانقه في تلك اللحظه
او أن تقول له :
.
.
.
......................
لأنك تفهمني كأبي
وتحن علي كأمي
وتخفف همي كأختي
وتمسح دمعي كأخي
وتسمعني كصديقي
ومشاكس كالطفل
وعاشق لقلبي
.الا يكفيك ذلك
khaled70041
2011-04-25, 23:46
انا تعرفت عليه في خلال منافسة وطنية بين الثانويات والحمد لله راه خاطبني ذركا
ديما انروح وما لقيتكش. بصحتو اداك.......ربي انشا الله يكمل بيناتكم.:1:
*رذاذ المطر*
2011-04-25, 23:56
السلآم عليكم
لم أتعرّف عليه بعد...
أتيت لأتطفّل على الردود فقط :d...
دمتم بخير
*رذاذ المطر*
2011-04-26, 00:06
أخ خآلد لآحظتُ أثنآء قرآءتي لردودك أنّك تكتب كلمة إن شآء الله إنشآء الله ..وذاك خطأ مخل بالمعنى ولآ يحقّ قولها كذلك في حق المولى عزّ وجل ...
أرجو أن تنتبه مرة أخرى إلى أنّها تُكتب إن شآء الله
دمت في حفظ الرحمن
خديجة البليدية
2011-04-26, 19:01
درست معه في السنة الاولى في الجامعة والثانية والثالثة وطيلة هذه السنوات وانا معجبة به
وفي السنة الثالثة رق قلبه علي واحبني حبا كبيرا وبقيت معه في السنة الثالثة والرابعة وفي تربص قمنا به سويا والان خطبني والعرس مازال بعيد شويا
ادعيلنا يا خويا خالد باش ربي يهنينا ويبعد علينا كل شر
شكرا للجميع على مشاركاتهم الطيبة
azizsalem
2011-04-26, 20:08
مما لا حظته ان الزواج بالنسبة للمرأة اسهل من الرجل فهي تكتفي بانتظار نصيبها اما الرجل عليه ان يعمل ويكد ويشقى حتى يبني مستقبله ويؤمن حياة كريمة وهذا في بلادنا يحتاج الى سنوات طوال فما يكاد المرء ينظر الى الزواج و يبحث عن المرأة الا وقد شارف على الاربعين
الزواج سنة وامر رائع ولكنه صعب وانا شخصيا ما زلت اراه بعيدا ولن ابحث عن المراة الان فماذا افعل بها انها سنوات طويلة تنتظرنا ولكن في زمن كثرت فيه الفتن والمغريات
الله يحفظنا ويغنينا بحلاله عن حرامه
وللذين هم متزوجون الله يهنيكم
khaled70041
2011-04-26, 21:05
ليس لدي تجربة لاحكيها
مشكور اخي بارك الله فيك وحقق الله امانيك وجزاك من خير الدنيا والاخرة
شكرا
ما تتشرطيش ياسر. ان شاء الله لي في بالك يجيبو ربي.
khaled70041
2011-04-26, 21:08
السلآم عليكم
لم أتعرّف عليه بعد...
أتيت لأتطفّل على الردود فقط :d...
دمتم بخير
انا كتبت الموضوع من اجل المتطفلين
khaled70041
2011-04-26, 21:13
أخ خآلد لآحظتُ أثنآء قرآءتي لردودك أنّك تكتب كلمة إن شآء الله إنشآء الله ..وذاك خطأ مخل بالمعنى ولآ يحقّ قولها كذلك في حق المولى عزّ وجل ...
أرجو أن تنتبه مرة أخرى إلى أنّها تُكتب إن شآء الله
دمت في حفظ الرحمن
صح انا نكتبها كما قلتي لاني كنت قاصد نكتبها كما ننطقها بالدارجة.
ان شاء الله انغير في كتابتها. نقد بناء مشكورة http://www.djelfa.info/vb/images/smilies/dj_17.gif
khaled70041
2011-04-26, 21:20
أخ خآلد لآحظتُ أثنآء قرآءتي لردودك أنّك تكتب كلمة إن شآء الله إنشآء الله ..وذاك خطأ مخل بالمعنى ولآ يحقّ قولها كذلك في حق المولى عزّ وجل ...
أرجو أن تنتبه مرة أخرى إلى أنّها تُكتب إن شآء الله
دمت في حفظ الرحمن
صح انا نكتبها كما قلتي لاني كنت قاصد نكتبها كما ننطقها بالدارجة.
ان شاء الله انغير في كتابتها. نقد بناء مشكورة اختي
khoya dewak mazal massbtch eli yesstehalni w hata eli yesstehal bach ne5amam fih
w manatmanach bach n ssib wahad apar my hasbent nchallah
سألها: لم تحبيني كل هذا الحب؟وكيف لك ان تعشقيني كل هذا العشق؟ وأنا رجل كباقي الرجال ولم افعل لك شيئاً ؟؟؟؟ ..فتمنت ان تعانقه في تلك اللحظه
او أن تقول له :
.
.
.
......................
لأنك تفهمني كأبي
وتحن علي كأمي
وتخفف همي كأختي
وتمسح دمعي كأخي
وتسمعني كصديقي
ومشاكس كالطفل
وعاشق لقلبي
.الا يكفيك ذلك
waaaaaaaaaaaaw
kelmat helawin yaaaaaaasr
maricool4
2011-04-26, 22:38
سلام اخ خالد أولا أشكرك على موضوعك هذا وإن شاء الله كلنا نستفيد ونفيد
انا مازال مالقيتش مكتوبي لكن هناك سر في قلبي نبوح به غير ليكم
انا طالبة سنه أولى طول حياتي وأنا نحلم اني نلقى إنسان يحبني ونحبو, وهدا العام لقيت واحد الانسان والله دخل قلبي وكي نشوفو نحس أني نعرفو ومانو بعيد عليا حتى أني بديت نحس بلي نحبو
بصح خيبت أملي انو شايفني ومحاولش يدير اي خطوة
انا نضن أنو مالقاش فيا واش راه يحوس في البنت الي يتمناها
كاتبلي ربي بعد هدو لعوام نعيش حب من طرف واحد وهذا هو الي واجعني
حبيت نجرب نحب لقيت كلمة قف في أول الطريق
هدي الدنيا مكاتيب والي كاتبهالنا الله راضيين بيها والحمد لله
ربي يوفق الجميع
خديجة البليدية
2011-04-27, 18:37
سلام اخ خالد أولا أشكرك على موضوعك هذا وإن شاء الله كلنا نستفيد ونفيد
انا مازال مالقيتش مكتوبي لكن هناك سر في قلبي نبوح به غير ليكم
انا طالبة سنه أولى طول حياتي وأنا نحلم اني نلقى إنسان يحبني ونحبو, وهدا العام لقيت واحد الانسان والله دخل قلبي وكي نشوفو نحس أني نعرفو ومانو بعيد عليا حتى أني بديت نحس بلي نحبو
بصح خيبت أملي انو شايفني ومحاولش يدير اي خطوة
انا نضن أنو مالقاش فيا واش راه يحوس في البنت الي يتمناها
كاتبلي ربي بعد هدو لعوام نعيش حب من طرف واحد وهذا هو الي واجعني
حبيت نجرب نحب لقيت كلمة قف في أول الطريق
هدي الدنيا مكاتيب والي كاتبهالنا الله راضيين بيها والحمد لله
ربي يوفق الجميع
غير تعيشي ختي
souad jijel
2011-04-27, 21:02
السلام عليكم
انا شابة عمري 21 دهبت الى الحلاقة انا واختي و صديقة اختي و ننحن جالسين اتت امراة وتكلمت معي على اساس التعرف بي بعدها عجتها وقالت لي انها لديه اخ عمره 25 يريد الزواج من بنت الحال فصديقت اختي اعطتها رقم هاتفي و تكلمت معه 3 ايام ثم انتهت العلاقة حتى 1 نوفمبر دهبت انا و امي الى الخياطة وجدتها مرة اخرى فتكلمت مع امي لكي ياتو لخطبتي فاعطتني صورته ثم تكلمت معه حتى يوم 13 نوفمبر جاء لخطبتي حتى هدا اليوم تعرفنا على بعضنا وجه لي وجه والعرس يوم 15 سبتمبر اوالجميع معروض الى العرس و العاقبة لكم
khaled70041
2011-04-27, 22:51
درست معه في السنة الاولى في الجامعة والثانية والثالثة وطيلة هذه السنوات وانا معجبة به
وفي السنة الثالثة رق قلبه علي واحبني حبا كبيرا وبقيت معه في السنة الثالثة والرابعة وفي تربص قمنا به سويا والان خطبني والعرس مازال بعيد شويا
ادعيلنا يا خويا خالد باش ربي يهنينا ويبعد علينا كل شر
شكرا للجميع على مشاركاتهم الطيبة
صح ناس لبليدة والرومانسية.
انا ضد الاختلاط بصح كي تزوجتي عجبتني قصتك. يا اميرة البليدة.
انوصي لبنات مديروش كيفاه لان ميش كل شخص كيما حبيبها وزوجها ان شاء الله.
اما انت ربي يعطيك ما ينحيلك وكل ما يعطيك انت تحمدي وكل ما تحمدي ربي يزيد ويبارك...مبرووووووووووك
khaled70041
2011-04-27, 22:56
مما لا حظته ان الزواج بالنسبة للمرأة اسهل من الرجل فهي تكتفي بانتظار نصيبها اما الرجل عليه ان يعمل ويكد ويشقى حتى يبني مستقبله ويؤمن حياة كريمة وهذا في بلادنا يحتاج الى سنوات طوال فما يكاد المرء ينظر الى الزواج و يبحث عن المرأة الا وقد شارف على الاربعين
الزواج سنة وامر رائع ولكنه صعب وانا شخصيا ما زلت اراه بعيدا ولن ابحث عن المراة الان فماذا افعل بها انها سنوات طويلة تنتظرنا ولكن في زمن كثرت فيه الفتن والمغريات
الله يحفظنا ويغنينا بحلاله عن حرامه
وللذين هم متزوجون الله يهنيكم
وانا نقول بالعكس انت ربي عطاك حرية الاختيار وهي مسكينة غير تستنى شكون لي يجيها. ممكن ميعجبهاش...
كل واحد يشوف واش عطاه ربي
khaled70041
2011-04-27, 23:01
khoya dewak mazal massbtch eli yesstehalni w hata eli yesstehal bach ne5amam fih
w manatmanach bach n ssib wahad apar my hasbent nchallah
امي كي نقلها حب ندير حاجة تقلي ربي يوصل لمقمل وين يمل.....
ربي يطيحك في لي يستاهلك....بصح متتقلشيش ياسر
لؤلؤة الفردوس
2011-04-28, 16:49
باين مديك على قناعة ...يعرف العايلة كامل.
ربي يدوم العشرة.ويكثر لمحبة.ويرزقكم الرفاه والبنين.:21:
عن قناعة تامة أكيد
آمين يا رب العالمين
و نتا أحكيلنا كيفاه
اميرة alger
2011-04-28, 17:01
قريباااا ان شاء لله تعرفت عليه خلال زفاف صديقتي كان هو خال العروس
سحر الجزائرية
2011-04-28, 17:23
السلام عليكم
يا خويا خالد حكايتي مع الخطيب انو من اصل جيجلي وزدادو في قسنطينة وترباو وعايشين لتم ومكتوب ربي زوجو 3 من خوتاتو لجيجل هههه الرجوع الى الاصل فضيلة
المهم هم وصا حماة اخت واللي هي عمت تحوسلو على مرا ايه عمت وصات جارتها وهذي اللخرة وصات ختها واللي هي جارتنا ايه عيطتلي وقتلي جبتلك واحد يخطبك ونا جاتني هستيريا تاع الضحك
وفالاخر كتب ربي والى حب ربي العرس ورا رمضان وراكم معروضين
azizsalem
2011-04-28, 17:24
وانا نقول بالعكس انت ربي عطاك حرية الاختيار وهي مسكينة غير تستنى شكون لي يجيها. ممكن ميعجبهاش...
كل واحد يشوف واش عطاه ربي
اي عكس تتحدث عنه يا اخي يبدو انك لست من الذين ابتدؤو في بناء حياتهم من الصفر والا لما عاكستني الرأي انها معاناة حقيقية ان يتمنى الشاب الزواج وهو لا يستطيع اليه سبيلا
وقد جاوز سن الزواج ثم اضف الى ذلك اغراءات وقتنا الحالي
ثم من قال ان للرجل فقط حرية الاختيار المراة ايضا لها حرية الاختيار و الذي لا يعجبها ترفضه ددون ان يجبرها احد على ذلك
اذن فتاكد اخي ان الزواج بالنسبة للرجل اصعب منه للمرأة
مع احترامي لرايك
khaled70041
2011-04-28, 18:12
اي عكس تتحدث عنه يا اخي يبدو انك لست من الذين ابتدؤو في بناء حياتهم من الصفر والا لما عاكستني الرأي انها معاناة حقيقية ان يتمنى الشاب الزواج وهو لا يستطيع اليه سبيلا
وقد جاوز سن الزواج ثم اضف الى ذلك اغراءات وقتنا الحالي
ثم من قال ان للرجل فقط حرية الاختيار المراة ايضا لها حرية الاختيار و الذي لا يعجبها ترفضه ددون ان يجبرها احد على ذلك
اذن فتاكد اخي ان الزواج بالنسبة للرجل اصعب منه للمرأة
مع احترامي لرايك
انا ميش بديت من الصفر انا مزال ملحقتش للصفر لاني راني نعون في دارنا. وهدي بلا مزيتي قلتها برك باه نجاوبك.
اما الزواج كان بنسبة ليك مال بالنسبة للمرا حاكمها ومولة بيتها. ولو كان جا عندك لبنات مسؤول عليهم تعرف واش معناه الزواج للفتاة. وراني نحكي على الفتاة لي تخاف ربي.
وراي قد يحتمل الخطأ. استوصو بالنساء خيرا.:19:
khaled70041
2011-04-28, 18:26
سلام اخ خالد أولا أشكرك على موضوعك هذا وإن شاء الله كلنا نستفيد ونفيد
انا مازال مالقيتش مكتوبي لكن هناك سر في قلبي نبوح به غير ليكم
انا طالبة سنه أولى طول حياتي وأنا نحلم اني نلقى إنسان يحبني ونحبو, وهدا العام لقيت واحد الانسان والله دخل قلبي وكي نشوفو نحس أني نعرفو ومانو بعيد عليا حتى أني بديت نحس بلي نحبو
بصح خيبت أملي انو شايفني ومحاولش يدير اي خطوة
انا نضن أنو مالقاش فيا واش راه يحوس في البنت الي يتمناها
كاتبلي ربي بعد هدو لعوام نعيش حب من طرف واحد وهذا هو الي واجعني
حبيت نجرب نحب لقيت كلمة قف في أول الطريق
هدي الدنيا مكاتيب والي كاتبهالنا الله راضيين بيها والحمد لله
ربي يوفق الجميع
اختي انت غالطة وما تتقلقيش مني.
في رأيي كنت تخلي حبك لزوجك لي ربي راح يخيرهولك. كنت تلتاي بقرايتك لي ممكن اهملتيها بسبب شخص انت حتى متعرفيهش .....ممكن هذ الشخص كيما قادر يكون ملاك كيما قادر يكون سكير او سراق ....
وممكن هذ الشخص يكون زوجك في المستقبل وانت الآن راكي تخوني فيه مع نفسو وكما تديني تداني يعني هو ثاني راه يخمم في وحدة اخرى ويحبها من طرف واحد.
ان شاء الله يجيبلك ولد لحلال لي يرعاك ويراعيك.
khaled70041
2011-04-28, 18:34
السلام عليكم
انا شابة عمري 21 دهبت الى الحلاقة انا واختي و صديقة اختي و ننحن جالسين اتت امراة وتكلمت معي على اساس التعرف بي بعدها عجتها وقالت لي انها لديه اخ عمره 25 يريد الزواج من بنت الحال فصديقت اختي اعطتها رقم هاتفي و تكلمت معه 3 ايام ثم انتهت العلاقة حتى 1 نوفمبر دهبت انا و امي الى الخياطة وجدتها مرة اخرى فتكلمت مع امي لكي ياتو لخطبتي فاعطتني صورته ثم تكلمت معه حتى يوم 13 نوفمبر جاء لخطبتي حتى هدا اليوم تعرفنا على بعضنا وجه لي وجه والعرس يوم 15 سبتمبر اوالجميع معروض الى العرس و العاقبة لكم
مبروك عليك اختي...انا منقولش لالا على العرضة .قولي وين برك راني جاي.
ربي يباركلك في راجلك ويرزقك منو لهنا والمال والبنون.:mh31:
khaled70041
2011-04-28, 18:38
قريباااا ان شاء لله تعرفت عليه خلال زفاف صديقتي كان هو خال العروس
قولي الصح مرحتيش للعرس على وجه صحبتك.
ربي يكمل اختي ويفتح على زوجك في جرتك....:mh92:
khaled70041
2011-04-28, 18:42
السلام عليكم
يا خويا خالد حكايتي مع الخطيب انو من اصل جيجلي وزدادو في قسنطينة وترباو وعايشين لتم ومكتوب ربي زوجو 3 من خوتاتو لجيجل هههه الرجوع الى الاصل فضيلة
المهم هم وصا حماة اخت واللي هي عمت تحوسلو على مرا ايه عمت وصات جارتها وهذي اللخرة وصات ختها واللي هي جارتنا ايه عيطتلي وقتلي جبتلك واحد يخطبك ونا جاتني هستيريا تاع الضحك
وفالاخر كتب ربي والى حب ربي العرس ورا رمضان وراكم معروضين
والضحك علاه .حقك راكي عززتي روحك شوية.
حتى انا راهم يعجبوني تاع جيجل زوجك راه عرف منين يجيب.
مبروك عليك اختي...وبالرفاه والبنين.
سلام اخ خالد أولا أشكرك على موضوعك هذا وإن شاء الله كلنا نستفيد ونفيد
انا مازال مالقيتش مكتوبي لكن هناك سر في قلبي نبوح به غير ليكم
انا طالبة سنه أولى طول حياتي وأنا نحلم اني نلقى إنسان يحبني ونحبو, وهدا العام لقيت واحد الانسان والله دخل قلبي وكي نشوفو نحس أني نعرفو ومانو بعيد عليا حتى أني بديت نحس بلي نحبو
بصح خيبت أملي انو شايفني ومحاولش يدير اي خطوة
انا نضن أنو مالقاش فيا واش راه يحوس في البنت الي يتمناها
كاتبلي ربي بعد هدو لعوام نعيش حب من طرف واحد وهذا هو الي واجعني
حبيت نجرب نحب لقيت كلمة قف في أول الطريق
هدي الدنيا مكاتيب والي كاتبهالنا الله راضيين بيها والحمد لله
ربي يوفق الجميع
السلام عليكم و رحمة الله و بركاته اخي الكريم
حاولة الاسبوع الفارط التكلم معها و لما صرنا وجها لوجه ذهب لي الكلام كله(مع العلم اني حفظت عبارات طوال لاقولهم امامها لكن دون جدوى) و بدات اتلكمت في الحديث حتى ضحكت ضحكة الاستهزاء فقلت في نفسي "هذه لا تروقني ما دامت تضحك هذا الضحك" ثم قلت لها لا شيء سامحيني على "الديرونجمون"
khaled70041
2011-04-28, 18:50
عن قناعة تامة أكيد
آمين يا رب العالمين
و نتا أحكيلنا كيفاه
اختي لؤلؤة انا مزال ملقيتش خدمة مستقرة. صرات مرة رحت نخطب ورفضوني مع اني مثقف وجامعي ونجيب في لقمة عيشي. من هذيك المرة اتعقدت من الخطبة وصممت منتزوجش حتان نصيب عمل مستقر....وهذي بكل صراحة.
khaled70041
2011-04-28, 18:57
السلام عليكم و رحمة الله و بركاته اخي الكريم
حاولة الاسبوع الفارط التكلم معها و لما صرنا وجها لوجه ذهب لي الكلام كله(مع العلم اني حفظت عبارات طوال لاقولهم امامها لكن دون جدوى) و بدات اتلكمت في الحديث حتى ضحكت ضحكة الاستهزاء فقلت في نفسي "هذه لا تروقني ما دامت تضحك هذا الضحك" ثم قلت لها لا شيء سامحيني على "الديرونجمون"
اخي انت راك حتي الاستفسار ما استفسرتش ممكن مكنتش تضحك عليك.
وممكن هي من البنات السافرات.لاننا نحن الذكور ننخدع كثيرا بالمظاهر.....ربي يعوضك والمرة الجاية ابعث شخص آخر للاستفسار والنية هي الزواج طبعا وكي تجي تخير خير وحدة تتمنى تكون اختك.لان لي تتماناها تكون اختك تستطيع تكون زوجتك
khaled70041
2011-04-28, 20:37
المشاركة الأصلية كتبت بواسطة khaled70041
سألها: لم تحبيني كل هذا الحب؟وكيف لك ان تعشقيني كل هذا العشق؟ وأنا رجل كباقي الرجال ولم افعل لك شيئاً ؟؟؟؟ ..فتمنت ان تعانقه في تلك اللحظه
او أن تقول له :
لأنك تفهمني كأبي
وتحن علي كأمي
وتخفف همي كأختي
وتمسح دمعي كأخي
وتسمعني كصديقي
ومشاكس كالطفل
وعاشق لقلبي
.الا يكفيك ذلك
خديجة البليدية
2011-04-29, 13:17
صح ناس لبليدة والرومانسية.
انا ضد الاختلاط بصح كي تزوجتي عجبتني قصتك. يا اميرة البليدة.
انوصي لبنات مديروش كيفاه لان ميش كل شخص كيما حبيبها وزوجها ان شاء الله.
اما انت ربي يعطيك ما ينحيلك وكل ما يعطيك انت تحمدي وكل ما تحمدي ربي يزيد ويبارك...مبرووووووووووك
شكرا لك اخي ان شاء الله تنحل العقدة نتاعك من الخطبة وتصيب بنت الحلال
مساء الخير عجبني الموضوع انا راني نعيش في جحيم ارجو ان تدلوني على الحل اللي يريح قلبي انا هدرت معايا صدفة واحدكش البنت ومن بعد قالت لي سمحلي ومن بعد بدات تتصل بي وتطورت العلاقة بيننا وهي تسكن في وهران و انا نسكن بعيد و تواعدنا والتقينا وما نخفيكمش كي شفتها خفق قلبي اول مرة و تعلقت بها ومازال رانا على اتصال و رانا نحلمو في المسقبل علما اني بطال راني محتار كي ندير وراها سيطرت على افكاري و حواسي .ساعدوني والله يجازيكم امين يا رب.
khaled70041
2011-04-30, 20:10
مساء الخير عجبني الموضوع انا راني نعيش في جحيم ارجو ان تدلوني على الحل اللي يريح قلبي انا هدرت معايا صدفة واحدكش البنت ومن بعد قالت لي سمحلي ومن بعد بدات تتصل بي وتطورت العلاقة بيننا وهي تسكن في وهران و انا نسكن بعيد و تواعدنا والتقينا وما نخفيكمش كي شفتها خفق قلبي اول مرة و تعلقت بها ومازال رانا على اتصال و رانا نحلمو في المسقبل علما اني بطال راني محتار كي ندير وراها سيطرت على افكاري و حواسي .ساعدوني والله يجازيكم امين يا رب.
ارجو اخي ان تتقبل ردي بصدر رحب.
العلاقات عبر الهاتف النقال مضارها اكثر من منافعها.وهي باب من ابواب الشيطان.
ان كنت تحب هذه الفتاة وان كنت تامن بالله فان هذه الفتاة ستكون من نصيبك ان اراد الله سبحانه وتعالى.يعن استخر لله واذهب واخطبها.ان كانت لك بها ونعمت وان كان لا فلما توقف حال الفتاة وحالك. وان كنت تحبها فعلا فانك تريد لها الخير.
ربي يجمعكم لايفرقكم....:19:
khaled70041
2011-04-30, 21:54
فضو الحكايات
صباح الخير يا خالد70041 شكرا جزيلا على ردك والله مشكور و ماجور ان شاء الله بصح يا خويا انا راني عارف كل لي قلته و لكن راني منهار والله ما لقيت الحل و انا هذا اول حب ليا يا خويا والله راني اعشقها و لست قادرا على بعدها و كل الحلول صدت في وجهي و الله لم اجد من ياخذ بيدي يمسح عني دمعة الحب التي اتت على صحتي و شبابي فانا لا ارى السعادة الا معها و ارجو ان القى من يفهمنى و يساعدني في محنتي.جزاكم الله خيرا.:sdf:
جزاك الله الف خير وجعله الله لك في ميزان حسناتك
اعتذر على تطفلي
ان الحياة لحظات نعيشها بين حب الله تعالى وحب في الله فقلب المرء يمكن ان يسع الكون وما فيه ولكن في بعض الللحظات لا يحتمل سوى شخص واحد يكون رفقة قلبه الرحب
في بعض الاحيان نجعل الحب كرية الدم الثالثة التي تجري في العرق وكيف لنا نزعها الا بترياق الحب في الله
واذا بحثت عن الحب دعني اخبرك يااخي
انه مزيج من مرارة وحلاوة وفي بعض الاحيان يمكن المزج بين الاثثين ولهذا اذا اخترت بنتا وهي بنت بعمر الوردة ذابلة وحيدة عطشة فاسقها بماء عذب صاف ولا تسقيها بماء مالح كدمعة العين فيزداد عطشها فتذبل وتمت
يمكن ان نعيش في الحياة شرائطا من احداث ولكن اتمنى ان يكون شريطي حبا في الله ورسوله ان اكون تقية يكسوني الحياء بثراه
اتمنى لك زوجة تقية صالحة تكون السند ك والدواء الذي يضمد جرحك بعد نزفه ويجف دمعك بعد سيلانه ويمسح عنك العرق بعد عناءك
لانني ادرك انك تعمل لصالح البيت
ولهذا رضى الرب في رضى الوالدين فان احسنت لهما سيحسن الله لك ولا تدرك ماذا تخبئه لك الايام من خير ان شاء الله
اسفة على طول الكلام
جزاك الله الف خير وجعله الله لك في ميزان حسناتك
واعتذر مرة ثانية على التطفل اسفة يا اخي
شكرا
سلام والله لي الشرف ان اجد من يسمعني و يفهمني و اكرر شكري لك يا ساجدة م.والله ان قصتي لتطول كثيرا ولكن اتمنى من الله العون و السداد في توفيقنا الى كل مت فيه الخير لي و لجميع المسلمين.ساصبر وما صيري الا بالله.
سحر الغروب
2011-05-01, 20:42
صدفة في البنك عندما كنت اود اخراج النقود...
سبحان الله..
حكيم مخلوف
2011-05-01, 21:26
ربي يكمل بيناتكم.
وانشالله كما نجحتو في الزواج تكونو نجحتو في الامتحانات. ولا ملي شفتو بعضاكم نسيتو الامتحان.
ربي يوفقكم...ويكثر من أمثالكم لان زواج الصدف يكون زواج نتاع نية والزواج نتاع النية هو لي يدوم.:19:
بارك الله فيك كلمات في الصميم
شكرا
khaled70041
2011-05-02, 20:20
صباح الخير يا خالد70041 شكرا جزيلا على ردك والله مشكور و ماجور ان شاء الله بصح يا خويا انا راني عارف كل لي قلته و لكن راني منهار والله ما لقيت الحل و انا هذا اول حب ليا يا خويا والله راني اعشقها و لست قادرا على بعدها و كل الحلول صدت في وجهي و الله لم اجد من ياخذ بيدي يمسح عني دمعة الحب التي اتت على صحتي و شبابي فانا لا ارى السعادة الا معها و ارجو ان القى من يفهمنى و يساعدني في محنتي.جزاكم الله خيرا.:sdf:
والله اخي مكان حتى واحد راح يعاونك قد انت ما تعاون روحك. وراني فهمتك دير خطوات بناءة باش تعرف وين تحط رجليك
الله المستعان
مساء الخير شكرا يا خالد و بارك الله فيك. الله يصبرني و ينير دربي امين.
والله ما زال ما جاني نصيب بصح بغيتو يكون صدفة ما نعرفو ما يعرفني
مساء الخير حنان والله اتمنى تلقي حبك لي راكي تحوسي عليه بصح انصحك تردي بالك من الحب راهي الحرقة نتاعه صعيبة بزاف و الله يفرح الجميع و يهنيهم.شكرا
شموخ الونشريس
2011-05-03, 15:32
مساء الخير عجبني الموضوع انا راني نعيش في جحيم ارجو ان تدلوني على الحل اللي يريح قلبي انا هدرت معايا صدفة واحدكش البنت ومن بعد قالت لي سمحلي ومن بعد بدات تتصل بي وتطورت العلاقة بيننا وهي تسكن في وهران و انا نسكن بعيد و تواعدنا والتقينا وما نخفيكمش كي شفتها خفق قلبي اول مرة و تعلقت بها ومازال رانا على اتصال و رانا نحلمو في المسقبل علما اني بطال راني محتار كي ندير وراها سيطرت على افكاري و حواسي .ساعدوني والله يجازيكم امين يا رب.
يا اخي الكريم اطلب المساعدة من رب العباد اما العباد فلا حول و لا قوة لهم فهم عاجزون حتى على مساعدة انفسهم توجه الى الله مباشرة فليس بينك و بينه حجاب ادعوه و ادعوه و لا تياس و تيقن ان الله سيرزقك ما يسعدك في الدنيا و الاخرة
مساء الخير يا شموخ الونشريس ادامك الله شامخة و منورة يا اختي و الله انا ثقتي بالله كبيرة و انا كل ما هو مكتوب لنا سيصلنا لكن يا اختي انا ارجائي في اخواني فقط الافادة بحكم خبرتهم في الحياة .شكرا مرة ثانية يا بنت الجزائر الاصيلة.
khaled70041
2011-05-03, 19:57
ممكن قصص وتجارب من فضلكم.
واذا مليتو من الموضوع انجيبو موضوع آخر
شموخ الونشريس
2011-05-04, 15:03
مساء الخير يا شموخ الونشريس ادامك الله شامخة و منورة يا اختي و الله انا ثقتي بالله كبيرة و انا كل ما هو مكتوب لنا سيصلنا لكن يا اختي انا ارجائي في اخواني فقط الافادة بحكم خبرتهم في الحياة .شكرا مرة ثانية يا بنت الجزائر الاصيلة.
العفو أخي الكريم الله يهنيك و يسعدك دنيا و آخرة
el-shada
2011-05-04, 16:03
سلام عليكم شكرا ربي يرزقنا ازواج صالحون نحبهم ويحبيون
khaled70041
2011-05-06, 18:20
والله ما زال ما جاني نصيب بصح بغيتو يكون صدفة ما نعرفو ما يعرفني
قصدك زواج تقليدي. ان شاء الله ربي يرزقك ولد لحلال وذرية صالحة ويجمع شملكم في الجنة.:dj_17:
السلام عليكم ورحمة الله وبركاته
أنا حكايتي حكاية علابالي بلي تقولو مهبولة وحتى تضحكو علي بصح هذا واش كاتبو ربي سبحانو
نقولكم حكايتي بصح نحبكم تعطوني نصائحكم
تعرفت على الفيونساي تاعي من الانترنات ؟؟؟؟؟؟؟؟؟ ما تتعجبوش والله غير صدفة كنت نحكي مع بنت عمي الي فالخارج بال***** وهو بعثلي دعوة مارديتش عليه ومبعد بعث بلي برك حاب يتعرف على الجزائر لانه من سوريا وانا ما كنتش حاطة فال***** بلي انا بنت
المهم مشات لحكاية وانا ماخليت والو عن الجزاير ماقولتهولوش منبعد شهرين ولا ثلاثة السيد حب يجي يشوف الدزاير تم سقساني الا انا بنت ولا رجل وعلا خطرش الوقت الي حكاه معايا جامي غلط ولا قال حاجة ماشي مليحة وحتى جامي سقساني على الخصوصيات تاعي خبرتو وقعدنا اصدقاء من بعد شهرين قالي بلي عقليتي عجبتو وراه جاي مع يماه يتعرفو على العايلة والا تفاهمنا يخطبني
أنا جاتني صعيبة السيد عجبني فالدين فالاخلاق فكل شي بصح بقيت خايفة كيفاه نخبر العايلة
شاورت صحاباتي صليت الاستخارة وكي مالقيت بها وين خبرت خالتي وهي حكات مع الام وقنعتها بلي هو جاي برك باش يتعرف
المهم جا هو ويماه وعجبتهم الدزاير وهبلو على جيجل ماتو عليها وجاونا للدار تعرفانا بيهم والاب والام عجبهم المهم تفاهمنا وخطبني
وورا رمضان ان شاء الله العرس راكم معروضين
مانكدبش عليكم راني خايفة حسيتها مغامرة بصح الرجل راني نحمد ربي عليه ليل ونهار جامي حسيت حالي نلقا واحد كما هو
واش رايكم بحكايتي ؟
مساء الخير يا مون1 عجبتني قصتك بزاف و اتمنى لك السعادة مع هذا السوري و الله يهنيكم بصح كاينة الغربة شوية صعيبة بصح هذا مكتوب ربي و شكرا على الدعوة و ان شاء الله نحضرو ليو زفافك.ادام الله افراحك يا اختي والله يجمع بينك و بين زوجك في الخير امين يا رب.
السنبلة الخضراء
2011-05-07, 19:37
أنا تعرفت عليه في امتحان مهني لإجتياز امتحان من أجل العمل، كان مجرد لقاء، ونجحنا معا وتعينا في مكان عمل واحد وفي مصلحة واحدة وهكذا عشقنا بعضنا واليوم خطبني وبعد رمضان زفافي إن شاء الله
هبة الله اريج
2011-05-07, 20:17
السلام عليكم
انا مازال مكتوبي راني عقاب القراية و المهم يكون رجل صالح و يخاف ربي
ان شاء الله
khaled70041
2011-05-07, 20:53
سلام عليكم شكرا ربي يرزقنا ازواج صالحون نحبهم ويحبيون
السلام عليكم
انا مازال مكتوبي راني عقاب القراية و المهم يكون رجل صالح و يخاف ربي
ان شاء الله
والله ما زال ما جاني نصيب بصح بغيتو يكون صدفة ما نعرفو ما يعرفني
ربي يرزقنا ويرزقكم على قد النية...:mh31:
khaled70041
2011-05-07, 20:55
مساء الخير يا شموخ الونشريس ادامك الله شامخة و منورة يا اختي و الله انا ثقتي بالله كبيرة و انا كل ما هو مكتوب لنا سيصلنا لكن يا اختي انا ارجائي في اخواني فقط الافادة بحكم خبرتهم في الحياة .شكرا مرة ثانية يا بنت الجزائر الاصيلة.
تبانلي وليت انت لي ترد.....
يا سي محمد دير موضوع ورد عليه حبيبي
khaled70041
2011-05-07, 21:01
السلام عليكم ورحمة الله وبركاته
أنا حكايتي حكاية علابالي بلي تقولو مهبولة وحتى تضحكو علي بصح هذا واش كاتبو ربي سبحانو
نقولكم حكايتي بصح نحبكم تعطوني نصائحكم
تعرفت على الفيونساي تاعي من الانترنات ؟؟؟؟؟؟؟؟؟ ما تتعجبوش والله غير صدفة كنت نحكي مع بنت عمي الي فالخارج بال***** وهو بعثلي دعوة مارديتش عليه ومبعد بعث بلي برك حاب يتعرف على الجزائر لانه من سوريا وانا ما كنتش حاطة فال***** بلي انا بنت
المهم مشات لحكاية وانا ماخليت والو عن الجزاير ماقولتهولوش منبعد شهرين ولا ثلاثة السيد حب يجي يشوف الدزاير تم سقساني الا انا بنت ولا رجل وعلا خطرش الوقت الي حكاه معايا جامي غلط ولا قال حاجة ماشي مليحة وحتى جامي سقساني على الخصوصيات تاعي خبرتو وقعدنا اصدقاء من بعد شهرين قالي بلي عقليتي عجبتو وراه جاي مع يماه يتعرفو على العايلة والا تفاهمنا يخطبني
أنا جاتني صعيبة السيد عجبني فالدين فالاخلاق فكل شي بصح بقيت خايفة كيفاه نخبر العايلة
شاورت صحاباتي صليت الاستخارة وكي مالقيت بها وين خبرت خالتي وهي حكات مع الام وقنعتها بلي هو جاي برك باش يتعرف
المهم جا هو ويماه وعجبتهم الدزاير وهبلو على جيجل ماتو عليها وجاونا للدار تعرفانا بيهم والاب والام عجبهم المهم تفاهمنا وخطبني
وورا رمضان ان شاء الله العرس راكم معروضين
مانكدبش عليكم راني خايفة حسيتها مغامرة بصح الرجل راني نحمد ربي عليه ليل ونهار جامي حسيت حالي نلقا واحد كما هو
واش رايكم بحكايتي ؟
ربي يسعدك يا السورية.
بصح تعطيني بنتك لولدي يقولي السوارا شابين
khaled70041
2011-05-07, 21:06
أنا تعرفت عليه في امتحان مهني لإجتياز امتحان من أجل العمل، كان مجرد لقاء، ونجحنا معا وتعينا في مكان عمل واحد وفي مصلحة واحدة وهكذا عشقنا بعضنا واليوم خطبني وبعد رمضان زفافي إن شاء الله
ربي يبعد عليكم العين .وزيد في الروبيني نتاع السعادة.....
عشقي وغرامي الله يا الله
مساء الخير يا مون1 عجبتني قصتك بزاف و اتمنى لك السعادة مع هذا السوري و الله يهنيكم بصح كاينة الغربة شوية صعيبة بصح هذا مكتوب ربي و شكرا على الدعوة و ان شاء الله نحضرو ليو زفافك.ادام الله افراحك يا اختي والله يجمع بينك و بين زوجك في الخير امين يا رب.
عندك الحق خويا الغربة صعيبة تم لقيتني نخمم وراني خايفة بصح الحمد لله دوك تطورت الدنيا كاين التلفون وكاين الانترنات نقدر نشوف لافامي في كل وقت
شكرا لك بزاااااااااااااف على الدعوة آآآآآآآآآآآآآآآآآآمين وانت تاني ربي يهنيك في عيشتك وان شاء الله تلقى بنت الحلال الي تهنيك
بصح راني نسناكم فالعرس بالكو تدورو في كلامكم مرحبا بكم في جيييييييييييييييييييجل
ربي يسعدك يا السورية.
بصح تعطيني بنتك لولدي يقولي السوارا شابين
:mad: انا جزاااااااااااااااااااااااااااااااااااااااااااااااا اااااااااااااااااااااااااااااااااائرية للأبد احب بلادي وأعشقها جدااااااااااااااااااااااااااااااااا
بصراحة اغلب محيطي يقولون لي الان يالسورية ولكن والله نحب بلادي وحابة نبقى جزايرية للى آخر يوم في حياتي
شكرا على الدعوى و ربي يسعدك وهنيك انت تاني ويعطيك الي في بالك
بنتي إن شاء الله نعطيها لابنك على خطرش من اللول عزمت نعطيها لواحد جزايري :1: وكي طلبت انت خلاص راني موافقة بصح رد بالك تدور في كلامك لوكان ما تكونش شابة؟؟؟؟؟؟؟؟؟؟؟؟؟؟؟؟؟؟؟
- بعيد الشر على خطرش بنتي لازم تكون شابة على جال أمها جزاااااااااااااااايرية ولا واش قلت - :c
السلام عليكم
اعجبني الموضوع
بارك الله فيك
اعجبتني قصص الاعضاء واتمنى لهم دوام العافية والسعادة مع من يحبون
انا حتى الان ماكان والوا حصلت الناس معاي كل يوم خطاب وماكان والو مع اني لااريد شيء غير الاخلاق والدين والدخل المتواضع
نينا الجزائرية
2011-05-08, 14:35
مبروك عليك اختي مون قوليلي كيف الاوضاع في سوريا مراكيش خايفة :confused:
الله يرزق جميع شبابنا وبناتنا بالأزواج والزوجات الصالحين
أأأأأأأأأأأأأأأأأأمممممممميييييييييييييين
نينا الجزائرية
2011-05-08, 14:51
السلام عليكم
اعجبني الموضوع
بارك الله فيك
اعجبتني قصص الاعضاء واتمنى لهم دوام العافية والسعادة مع من يحبون
انا حتى الان ماكان والوا حصلت الناس معاي كل يوم خطاب وماكان والو مع اني لااريد شيء غير الاخلاق والدين والدخل المتواضع
مزال ملحقش مكتوبك اختي
ان شاء الله عن قريب تحكيلنا حكايتك:)
مساء الخير أختي نينا الله يبارك فيك
مانخبيش عليك راني خايفة بزاف وحتى رجعت ما نشوفش لخبار غير على جال مايزيدش الخوف عندي
بصح هو راه يقول بلي ماراه صاير والو وواش نشوفوه في الجزيرة والعربية غير يزيدو ويضخمو فالامور عندي تاني صاحبيتي تكمل لقرايا في سوريا قالتلي هي تاني بلي صح كاين شوية توتر كما صرا عندنا فالدزاير بصح ماشي للدرجة الي راهم يوروها فالتلفيون
المهم ربي يكتب الخير و يحقن دم المسلمين الابرياء
نينا الجزائرية
2011-05-08, 15:35
مساء الخير أختي نينا الله يبارك فيك
مانخبيش عليك راني خايفة بزاف وحتى رجعت ما نشوفش لخبار غير على جال مايزيدش الخوف عندي
بصح هو راه يقول بلي ماراه صاير والو وواش نشوفوه في الجزيرة والعربية غير يزيدو ويضخمو فالامور عندي تاني صاحبيتي تكمل لقرايا في سوريا قالتلي هي تاني بلي صح كاين شوية توتر كما صرا عندنا فالدزاير بصح ماشي للدرجة الي راهم يوروها فالتلفيون
المهم ربي يكتب الخير و يحقن دم المسلمين الابرياء
أمين يارب ومتخفيش بالنسبة لزواجك كثير من الزيجات المختلطة ناجحة وبزاف جزائريات متزوجات من فلسطنيين وسوريين وعايشين لاباس عليهم اعرف شخصيا استاذي في ثانوية سوري ومتزوج من جزائرية وزيجته ناجحة
اسفة من صاحب الموضوع لكن كان لازم عليا نسال الاخت فيما يخص الاوضاع في شقيقتنا سوريا لان الاعلام ضخم وهناك اعضاء في منتدي يضخمون ويرددون ان هناك ترتكب مجازر وجرائم
أمين يارب ومتخفيش بالنسبة لزواجك كثير من الزيجات المختلطة ناجحة وبزاف جزائريات متزوجات من فلسطنيين وسوريين وعايشين لاباس عليهم اعرف شخصيا استاذي في ثانوية سوري ومتزوج من جزائرية وزيجته ناجحة
اسفة من صاحب الموضوع لكن كان لازم عليا نسال الاخت فيما يخص الاوضاع في شقيقتنا سوريا لان الاعلام ضخم وهناك اعضاء في منتدي يضخمون ويرددون ان هناك ترتكب مجازر وجرائم
ربي يعيشك ختي نينا الجزائرية يعطيك الصحة الي راكي تفكري فيا وسقسيتني على الاوضاع باينة عليك ناس ملاح وحنينة بزاف
وبالنسبة لنجاح الزيجات من عدمه فذلك بيد الله كم من بنت اخدت بابن عمها تعرفه من لما كانت صغيرة بالاخير كان الطلاق
فنتمنى الناس كامل تكون كيما انتي
على خاطرش الي يسمع بيا يقولي مهبولة واش دراك ما يصرالك والو ولا ما يديرلك والو
فالعبرة ليست بمكان هدا الشخص بال العبرة بشخصيته وانا الحمد لله استطاع هدا الشخص ان يكسب ثقتي رغم اني راسي خشين بزاااااااااااف وواحد ما يقدر يقنعني بسهولة
بالنسبة لتضخيم الامور في سوريا فقد راينا كيف تضخمت الامور في الجزائر وكيف كانت تنقل القنوات الاجنية الاوضاع عندنا بانها كارثية
لذلك صرت لا اصدق كثيرا تلك القنوات المهم في الاخير ان يعم السلام على كل الدول العربية والاسلامية
نينا الجزائرية
2011-05-08, 16:58
ربي يعيشك ختي نينا الجزائرية يعطيك الصحة الي راكي تفكري فيا وسقسيتني على الاوضاع باينة عليك ناس ملاح وحنينة بزاف
وبالنسبة لنجاح الزيجات من عدمه فذلك بيد الله كم من بنت اخدت بابن عمها تعرفه من لما كانت صغيرة بالاخير كان الطلاق
فنتمنى الناس كامل تكون كيما انتي
على خاطرش الي يسمع بيا يقولي مهبولة واش دراك ما يصرالك والو ولا ما يديرلك والو
فالعبرة ليست بمكان هدا الشخص بال العبرة بشخصيته وانا الحمد لله استطاع هدا الشخص ان يكسب ثقتي رغم اني راسي خشين بزاااااااااااف وواحد ما يقدر يقنعني بسهولة
بالنسبة لتضخيم الامور في سوريا فقد راينا كيف تضخمت الامور في الجزائر وكيف كانت تنقل القنوات الاجنية الاوضاع عندنا بانها كارثية
لذلك صرت لا اصدق كثيرا تلك القنوات المهم في الاخير ان يعم السلام على كل الدول العربية والاسلامية
صحيح اختي
انالي قناعة وايمان ان الزواج قمار يا فيه الربح او خسارة
ولا يمكن احد يضمن هل سيطلق او يستمر
في اخير هذا مكتوب الله
كيما قلتي ممكن تديه جارك ويخدعك ويطلق وتديه اجنبي ويحافظ عليك
فقط الواحد يتمسك بحسن الظن بالله
مراكيش مهبولة اختي ممكن انا من الناس التي كانت عندها فكرة خاطئة بالنسبة للبنت التي تتزوج باجنبي لكن مع نضج سني عرفت
ان البنت كاالبذرة اين ذهبت تثمر
المهم تكون مقتنعة بقرارتها وحسن اختيارها
والاستخارة ثم الاستخارة
هديتي لك بمناسبة زواجك
هذي دمشق
لنزار قباني
http://www.youtube.com/watch?v=iEb717OgDkQ&feature=related
صحيح اختي
انالي قناعة وايمان ان الزواج قمار يا فيه الربح او خسارة
ولا يمكن احد يضمن هل سيطلق او يستمر
في اخير هذا مكتوب الله
كيما قلتي ممكن تديه جارك ويخدعك ويطلق وتديه اجنبي ويحافظ عليك
فقط الواحد يتمسك بحسن الظن بالله
مراكيش مهبولة اختي ممكن انا من الناس التي كانت عندها فكرة خاطئة بالنسبة للبنت التي تتزوج باجنبي لكن مع نضج سني عرفت
ان البنت كاالبذرة اين ذهبت تثمر
المهم تكون مقتنعة بقرارتها وحسن اختيارها
والاستخارة ثم الاستخارة
هديتي لك بمناسبة زواجك
هذي دمشق
لنزار قباني
http://www.youtube.com/watch?v=iEb717OgDkQ&feature=related
تعلمين اختي قناعاتك هي نفسها قناعتي في خصوص هدا الامر والا لما كنت وافقت على هذا الامر
فالانسان المتمسك بربه الواثق بنفسه لن يندم ابدا طلما هو في الطريق المستقيم :19:
لما كنت في الثانوية او حتى الجامعة كل اصديقاتي كن يحلمن بزوج يكون مهاجرا ويسكن في الخارج الا انا كنت ضد هده الفكرة بل اكرهها وكل ما جابو سيرة الموضوع اغضب منهن :confused:
ولكن قدر الله وما شاء فعل في الاخير انا الوحيدة التي اتبطت فيهن بشخص من خارج البلد وحتى جنسيته ليست جزائرية
فسبحان الله والحمد لله على كل شيء :rolleyes:
يعطيك الصحة على الكادو الشباب تاعك ربي يقدرني ونرجعهالك فالفرح تاعك -بلاكي ما تخبرناش:1:-
khaled70041
2011-05-08, 21:20
:mad: انا جزاااااااااااااااااااااااااااااااااااااااااااااااا اااااااااااااااااااااااااااااااااائرية للأبد احب بلادي وأعشقها جدااااااااااااااااااااااااااااااااا
بصراحة اغلب محيطي يقولون لي الان يالسورية ولكن والله نحب بلادي وحابة نبقى جزايرية للى آخر يوم في حياتي
شكرا على الدعوى و ربي يسعدك وهنيك انت تاني ويعطيك الي في بالك
بنتي إن شاء الله نعطيها لابنك على خطرش من اللول عزمت نعطيها لواحد جزايري :1: وكي طلبت انت خلاص راني موافقة بصح رد بالك تدور في كلامك لوكان ما تكونش شابة؟؟؟؟؟؟؟؟؟؟؟؟؟؟؟؟؟؟؟
- بعيد الشر على خطرش بنتي لازم تكون شابة على جال أمها جزاااااااااااااااايرية ولا واش قلت - :c
والله اختي ليا الشرف.
ربي يباركلك في زواجك ويعطيك ما تتمناي. لو ولادك يدو الرجولية كما الجزائريين و والشهامة وزين كما السوريين .انت لي تتقلشي عليا وتدوري في هدرتك ميش انا.:19:
saidabio
2011-05-08, 22:53
مازال البحث جارى والمكتوب ماجاش
ربنا يرزقنا جميعا ازواج صالحين يارب
khaled70041
2011-05-09, 15:35
مازال البحث جارى والمكتوب ماجاش
ربنا يرزقنا جميعا ازواج صالحين يارب
من عجائب الدنيا:
استاة علوم طبيعية .تعرف اشغال البيت وتعرف لكروشي وليست متزوجة.......عجب
-ربي يجيب ولد لحلال لي يستاهلك.:19:
اسماء 28
2011-05-10, 22:52
ما زال مكتوبي ما لقانيش ..............
مش عارفة وين راه هامل هههههههههههه
ربي يرزق الجميع ازواجا وزوجات صالحين .امين
مازال رانا انحوسو عليها
مانيش عارف وين مكتبنا ربي
كي تجي نحكيلكم
السلام عليكم
اعجبني الموضوع القصص المختلفة والتعليقات
واعجبتني اكثر ردود الاخ صاحب الموضوع والنصائح المفيدة التي يقدمها عند كل تعقيب
اردت ان اقول للشباب والشابات
ثقوا بان الزواج التقليدي هو افضل زواج على الاطلاق
اما ما عدا ذلك فانه مفسد للقلب والروح و لحقيقة الحياة
هذه نصيحتي
khaled70041
2011-05-11, 19:47
السلام عليكم
اعجبني الموضوع القصص المختلفة والتعليقات
واعجبتني اكثر ردود الاخ صاحب الموضوع والنصائح المفيدة التي يقدمها عند كل تعقيب
اردت ان اقول للشباب والشابات
ثقوا بان الزواج التقليدي هو افضل زواج على الاطلاق
اما ما عدا ذلك فانه مفسد للقلب والروح و لحقيقة الحياة
هذه نصيحتي
وعليكم السلام الاخت جوداء.
والله هذا شرف ليا.
ونصيحتك هي ثمرة بحثنا على حقيقة قصص الزواج. لان في الغالب البنات هم لي ينشرو اكثر من البنين. وفي الغالب تكون الصدفة والزواج النية و التقليدي الاكثر نجاحا في ربط العلاقة الزوجية.
khaled70041
2011-05-13, 20:30
شكرا على ردودكم
السنبلة الخضراء
2011-05-13, 20:36
شكرا khaled70041
بقايا الم
2011-05-18, 23:35
ماشاء الله الموضوع رائع
ان شاء الله يستفيد الجميع من القصص
الله يرزق شباب و بنات المسلمين بالازواج الصالحين
و المتزوجين بالذرية الصالحة
روحو تزوجوا بركاو ما تخرطو
راكم تحكو على العلاقات المحرمة
اتقو الله ولا تجهروا بالمعصية
النبي الكريم يقول كل أمتي معافى إلا المجاهرون
و أنتم من جهلكم تقولون ماشاء الله على الجهر بالمعصية
ربي يشفي مرضكم
sarah4766
2011-05-22, 17:43
أنا تعرفت على زوجي عن طريق النت
azizsalem
2011-05-22, 20:08
أنا تعرفت على زوجي عن طريق النت
لوكان غير تزيدي تحكيلنا شوية ديتاي
انا ما زلت ما نيش مامن بالزواج عبر النت
شوية تفاصيل
شكرا
mohamed160
2011-05-22, 22:17
الزواج التقليدى خير فيه الانسان ما يكداب .وان شاء الله يرزقنى الزوجات الصلحة و يرزق النساء الازوج الصلحين امين
khaled70041
2011-05-23, 12:16
روحو تزوجوا بركاو ما تخرطو
راكم تحكو على العلاقات المحرمة
اتقو الله ولا تجهروا بالمعصية
النبي الكريم يقول كل أمتي معافى إلا المجاهرون
و أنتم من جهلكم تقولون ماشاء الله على الجهر بالمعصية
ربي يشفي مرضكم
مناش انخلطو خويا.
و تقول على حاجة حرام وانا ماشفتش فيها لحرام الا ما كان فنصنحنا على قدر المستطاع. والسرعة للفتوى بغير علم هي لي تدي لجهنم وبأس المصير...... ملا اتقي الله اخي.
انظن مناش نجهروا بالمعصية واذا كان كذلك فنيتنا الاصلاح ولان يهدي بيا الله عبدا خير لي مما طلعت عليه الشمس.
ان شاء الله يشفي مرضانا....
بوركت اخي على التعقيب الهدام.:mh92:
rabi yahdina
wanchallah tazawjo
آثار طعنة
2011-08-21, 23:09
؟؟؟؟؟؟؟؟؟؟؟؟؟؟؟؟؟؟؟؟؟
في احدى الامتحانات الجامعية......
fifi2009
2011-08-23, 10:26
جاري البحث
kalvlal2011
2011-08-23, 12:59
الصدفة
او
قل
مكتوب ربي
sousou_tlemcen
2011-08-23, 19:44
عندم أجده أنجاوبك أخي
غنوة الجزائرية
2011-08-23, 20:11
السلام عليكم ورحمة الله تعالى وبركاته
صح فطوركم
وصيام مقبول وذنب مغفور
لم يحن الوقت بعد
والله يرزق مايشاء
محمد123456
2011-08-23, 20:21
ليس عندي رد على سؤالك فأرجوا المعذرة
و الله غير فرحتونا
كاين رجال مازال ماعرفو حتى وحدة؟؟؟؟؟
أنا راني عدا نجري موراها في الجامعة ربي يوفقنا و توافق ههههههههههههه
أبو هشام 75
2011-08-24, 09:57
هي أخت صديقي
اخترت العائلة قبل الفتاة . لم أرى الفتاة إلا في الرؤية الشرعية
و الحمد لله
كي يجي المكتوب ربي يديرله سبة ويجي للباب ما تخمموش المهم الزوج او الزوجة الصالحة ولو جاء متاخر .الله يرزقكم الازواج الصالحين.
abdelhakmosta
2011-09-03, 12:11
انا مش متزوج بس انا تعرفت علي بنت من شرق الجزائري وانا من غرب الجزائري صدفة في احد منتديات منذ 3 سنوات حكيت معاها وتعرفت عليها وفي شي يكبر مع الوقت شفتها وشافتني بس هي راهي خايفة من مسافةوالبعد نحن متفقين بس خوفها اكبر من كل شي وخايفة اهلها يرفضو والله لا أعلم ربي كي يكملها نيتي صادقة وجاد جدا بس منعرت
أمآآآآني البنفسج
2011-09-03, 15:34
مازلت أنتظر قضاء الله و قدره
أن يجمعني بزوج صالح يسعدني و أسعده
نعيش دناينا معا و نعمل للآخرة معا
متابعة بإذن الله لباقي القصص
مازال ما لقيتش
اتمنى ان اجد زوجة صالحة تقية تعينني واعينها على طاعة الله
- بصمة خير -
2011-09-03, 21:58
انا مازال و متمنية زواج تقليدي كيمن يسموه
وانا عرفتها في ***** هي اكبر مني حنونة و مثقفة و رومنسية مثلي و وجدت فيها كل فتاة احلام و الحمد لله للصبر منال
Meriemchawiya
2011-09-04, 19:13
ana kont makhtouba mais batalt dorh
elmohim jabatou jaratna kan yhawes 3la wahda bi mowasafati w 3jabtou alors kbalna et apres (wach yakdbou ki yakhtbou) ki 3raft beli kadbou fi hwayaj batalt ana
w hadi la mauvaise manière de marriage
khaled70041
2011-09-08, 21:38
rabi yahdina
wanchallah tazawjo
ana kont makhtouba mais batalt dorh
elmohim jabatou jaratna kan yhawes 3la wahda bi mowasafati w 3jabtou alors kbalna et apres (wach yakdbou ki yakhtbou) ki 3raft beli kadbou fi hwayaj batalt ana
w hadi la mauvaise manière de marriage
هذي الامور تكونربي يفك عقدتك
kiara_chemlife
2011-09-09, 11:41
السلام عليكم انا تعرفت على زوجي وقرة عيني عندما كنت في الثانوية وكان عمري 14 سنة انا كنت 1 ثانوي وهو كان يدرس في النهائي..... منذ حوالي 8 سنوات فاتت كي المنام نشأت بيننا قصة حب والحمد لله انا الان زوجته...اتمنى من الله ان تدوم محبتنا
مين يجي المكتوب حتى حاجة ما تحبسه المهم تكون عندنا النية الصافية ولالالالا؟
العقبة لكامل الباقيين قولو اميننننننن
.اتمنى من الله ان تدوم محبتكم انشاء الله
شكرا على المشاركة
didoinps
2011-09-09, 15:10
تلاقينافي bus
souad jijel
2011-09-09, 17:05
مبروك عليك اختي...انا منقولش لالا على العرضة .قولي وين برك راني جاي.
ربي يباركلك في راجلك ويرزقك منو لهنا والمال والبنون.:mh31:
الله ايبارك فيك خويا راهو قرب العرس وجد الكادوا و ارواح على 2.00 سا خلاص راك معروض في القالة
ZINEB_04
2011-09-09, 21:58
السلام عليكم
شكرا اخي على الموضوع اعجبني فاردت التطفل
انا مازال اتمنى ان يكون مكتوب مليح كاحدى الصدف الحلوة التي دكرها المشاركون
biologie2001
2011-09-13, 11:19
لحد الان مازال... أتمنى الزوج الصالح لي و لجميع بنات المسلمين و الزوجة الصالحة لجميع الشباب
khaled70041
2011-09-13, 12:41
انا مازال و متمنية زواج تقليدي كيمن يسموه
السلام عليكم
شكرا اخي على الموضوع اعجبني فاردت التطفل
انا مازال اتمنى ان يكون مكتوب مليح كاحدى الصدف الحلوة التي دكرها المشاركون
لحد الان مازال... أتمنى الزوج الصالح لي و لجميع بنات المسلمين و الزوجة الصالحة لجميع الشباب
ربي ان شاء يجمكن بازواج طيبين قانتين يكملون معكن الاعمار التي تملأها السعادة والذرية الصالحة:mh31:
khaled70041
2011-09-13, 12:43
الله ايبارك فيك خويا راهو قرب العرس وجد الكادوا و ارواح على 2.00 سا خلاص راك معروض في القالة
كي يقرب الموعد اعطيني العنوان انجي انا وتاع منتدى الجلفة. ههه
ربي يكمل اختي.....
حلم جميل
2011-09-13, 13:41
زواج عائلي و الحمد لله .
اقدم شكري لصاحب الموضوع ردودك كانت في المستوى والأجمل في ذلك ان دمك خفيف كيما يقولو المصريين
( مع الأسف هناك من يعتبر الزواج شطارة ) :confused:
نسائم الهدى
2011-09-13, 20:58
في الحقيقة لم أتعرّف بعد
ويبدوا أنه مقدّر لي أن لا أتعرّف على أي أحد
الحمد لله
على الاسلام غيورة
2011-09-13, 21:12
ليس بعد ولكن اذا دقت ساعة المكتوب فلا مهروب ادعو الله ان يرزقنا ما فيه صلاح في ديننا ودنيانا آمين
*رذاذ المطر*
2011-09-13, 21:23
في الحقيقة لم أتعرّف بعد
ويبدوا أنه مقدّر لي أن لا أتعرّف على أي أحد
الحمد لله
السلام عليكم
الحمد لله
لما تقولين ذلك كريمة ؟؟ :mad:
وأين ثقتكِ بالله ؟؟
تيقّني بأنّكِ ستجازين بحسب نيّتكِ :)
رزقكِ الله وإيّاي :1: زوجا صالحا مخموم القلب
دمتِ بخير أخيّة
نسائم الهدى
2011-09-13, 21:28
السلام عليكم
الحمد لله
لما تقولين ذلك كريمة ؟؟ :mad:
وأين ثقتكِ بالله ؟؟
تيقّني بأنّكِ ستجازين بحسب نيّتكِ :)
رزقكِ الله وإيّاي :1: زوجا صالحا مخموم القلب
دمتِ بخير أخيّة
آآآآآآآآآآآآآآآآآميييييييييين يا رب العالمين
في الحقيقة لم أتعرّف بعد
ويبدوا أنه مقدّر لي أن لا أتعرّف على أي أحد
الحمد لله
لا ادري لماذا التشائم اختي كريمة ثقي بالله فهو الرزاق
في الحقيقة لم أتعرّف بعد
ويبدوا أنه مقدّر لي أن لا أتعرّف على أي أحد
الحمد لله
ممكن ان يكون هذا إمتحان من الله عزوجل وممكن ربي شاف الصلاح فليس كل من تزوج يعيش في نعيم
ام ايمان16
2011-09-14, 12:34
:dj_17:
واش خويا خالد مازال مالقيتهاش باش تجاوب انت ايضا على السؤال (كيف تعرفت عليها)وتحكيلنا قصتك:1:
جزاك الله خيرا
راجي الصّمدِ
2011-09-15, 08:01
نــــــــــــــــــســــــــــــيـــــــــت
achwak.1993
2011-09-15, 13:55
السلام عليكم انا تعرفت على زوجي وقرة عيني عندما كنت في الثانوية وكان عمري 14 سنة انا كنت 1 ثانوي وهو كان يدرس في النهائي..... منذ حوالي 8 سنوات فاتت كي المنام نشأت بيننا قصة حب والحمد لله انا الان زوجته...اتمنى من الله ان تدوم محبتنا
مين يجي المكتوب حتى حاجة ما تحبسه المهم تكون عندنا النية الصافية ولالالالا؟
العقبة لكامل الباقيين قولو اميننننننن
قصتكي هي الأروع على الاطلاق
ادعولي نجربها فأنا أعشق قصص الحب الطويلة التي تتوج بالزواج
نسائم الهدى
2011-09-15, 15:03
لا ادري لماذا التشائم اختي كريمة ثقي بالله فهو الرزاق
ثقتي بالله يا أخي عوماري كبيرة فلا أحد لي سواه سبحانه وتعالى وهو لم ولن يظلمني جل وعلا
ولكن المجتمع هو من ظلمني و يواصل ظلمي وأنا كرهت ومللت من كل هذا.
الحمد لله على كل شيء
و
نسائم الهدى
2011-09-15, 15:07
نــــــــــــــــــســــــــــــيـــــــــت
:dj_17:
ماذا نسيت أخي جليبيب؟
هل نسيت كيف تتعرّف؟؟؟:1:
أم نسيت إن كنت تعرفت أم لا؟؟؟:1:
أم نسيت كيف تعرفت عليها؟؟؟:1:
مازااااااال كي نلقاه نقولكم
أمآآآآني البنفسج
2011-09-15, 15:48
:dj_17:
ماذا نسيت أخي جليبيب؟
هل نسيت كيف تتعرّف؟؟؟:1:
أم نسيت إن كنت تعرفت أم لا؟؟؟:1:
أم نسيت كيف تعرفت عليها؟؟؟:1:
نسي أن يصلح موتور جارهم
عندما همَّ بالرد على السؤال تذكر أنه نسي إصلاحه
فقال : إيييييييييييه نسيت :confused: إيييييييييه بقات في قلبه و نسيت تسجلت هنا :1:
اسمهان زاد
2011-09-15, 16:21
انشاء الله ربي يلاقينا بولد لحلال في ما قريب وانت ثاني اخي خالد ربي يلاقيك ببنت الحلال انشاء الله يارب واحكيلنا كيفاش تلاقيتي بها.
Mustapha93
2011-09-15, 16:56
السلام عليكم ورحمة الله وبركاته
أنا حكايتي حكاية علابالي بلي تقولو مهبولة وحتى تضحكو علي بصح هذا واش كاتبو ربي سبحانو
نقولكم حكايتي بصح نحبكم تعطوني نصائحكم
تعرفت على الفيونساي تاعي من الانترنات ؟؟؟؟؟؟؟؟؟ ما تتعجبوش والله غير صدفة كنت نحكي مع بنت عمي الي فالخارج بال***** وهو بعثلي دعوة مارديتش عليه ومبعد بعث بلي برك حاب يتعرف على الجزائر لانه من سوريا وانا ما كنتش حاطة فال***** بلي انا بنت
المهم مشات لحكاية وانا ماخليت والو عن الجزاير ماقولتهولوش منبعد شهرين ولا ثلاثة السيد حب يجي يشوف الدزاير تم سقساني الا انا بنت ولا رجل وعلا خطرش الوقت الي حكاه معايا جامي غلط ولا قال حاجة ماشي مليحة وحتى جامي سقساني على الخصوصيات تاعي خبرتو وقعدنا اصدقاء من بعد شهرين قالي بلي عقليتي عجبتو وراه جاي مع يماه يتعرفو على العايلة والا تفاهمنا يخطبني
أنا جاتني صعيبة السيد عجبني فالدين فالاخلاق فكل شي بصح بقيت خايفة كيفاه نخبر العايلة
شاورت صحاباتي صليت الاستخارة وكي مالقيت بها وين خبرت خالتي وهي حكات مع الام وقنعتها بلي هو جاي برك باش يتعرف
المهم جا هو ويماه وعجبتهم الدزاير وهبلو على جيجل ماتو عليها وجاونا للدار تعرفانا بيهم والاب والام عجبهم المهم تفاهمنا وخطبني
وورا رمضان ان شاء الله العرس راكم معروضين
مانكدبش عليكم راني خايفة حسيتها مغامرة بصح الرجل راني نحمد ربي عليه ليل ونهار جامي حسيت حالي نلقا واحد كما هو
واش رايكم بحكايتي ؟
الله الله يعني اختي راك اديتي معتز ولا ابو شهااب ان شاء الله يكون برجولته ياارب
ربي يصلحلكم الحال
لكن اختي سوريا راهي في حمام دم وش خبارو
عنبالي ردي راه روطار ....................اسمحيلي اذا كان تدخل لكن مصيرك ومصير خطبتكم
ربي يجيب لخير
مطيعة الله
2011-09-15, 20:27
ربي يرزقنا بي ابن الحلال
khaled70041
2011-09-15, 21:44
:dj_17:
واش خويا خالد مازال مالقيتهاش باش تجاوب انت ايضا على السؤال (كيف تعرفت عليها)وتحكيلنا قصتك:1:
جزاك الله خيرا
اختي تفاحة واش راك . اسمحولي منيش ندخل ياسر للنت.
انا صراتلي قصة في هذ الصيف.
عرض عليا شخص بنتو وكي رحت نخطب شرط فيا شرط منقدرش انقولو ضرك...كي تشاورت مع اصدقائي واهلي معجبنيش الشرط ومزال البحث جاري.....
وشكرا على السؤال اختي
khaled70041
2011-09-15, 21:52
اقدم شكري لصاحب الموضوع ردودك كانت في المستوى والأجمل في ذلك ان دمك خفيف كيما يقولو المصريين
( مع الأسف هناك من يعتبر الزواج شطارة ) :confused:
هذا شرف :34: يا سمية. ادعلينا برك باه نتزوجو رانا تبردينا.....
narimane1991
2011-09-15, 22:54
انا مكان والو لحد الساعه مي كنت مخطوبة لواحدربي يعفوعليه بحكم طبيعة عملي اديت وحدة مريضة في سيارة الاسعاف و لقيتوهو الطبيب الي هناك كتب رقم لوحة سيارة الاسعاف واتصل في المستشفي حيث قالولو اسمي و هو تكف في البحث عني مي الله غالب مكتبش المكتوب لانوكدب في حوايج اساسية و بابا مقدرش يسامحو . و ربي يجبلي لي خير منو وهو يجبلو لي خير مني
khaled70041
2011-09-15, 23:22
انا مكان والو لحد الساعه مي كنت مخطوبة لواحدربي يعفوعليه بحكم طبيعة عملي اديت وحدة مريضة في سيارة الاسعاف و لقيتوهو الطبيب الي هناك كتب رقم لوحة سيارة الاسعاف واتصل في المستشفي حيث قالولو اسمي و هو تكف في البحث عني مي الله غالب مكتبش المكتوب لانوكدب في حوايج اساسية و بابا مقدرش يسامحو . و ربي يجبلي لي خير منو وهو يجبلو لي خير مني
يجيب ربي لي خير منو..... احتسبي واصبري
هذا شرف :34: يا سمية. ادعلينا برك باه نتزوجو رانا تبردينا.....
انتم الرجال على الأقل عندكم فرصة إتخاذ القرار مالا حنا البنات واش نقولو صاريتنا كيما السلعة
نستناو اللي يجي يشري وإذا ماجا حتى واحد والدينا يديرو الصولد ههههه
khaled70041
2011-09-17, 19:33
انتم الرجال على الأقل عندكم فرصة إتخاذ القرار مالا حنا البنات واش نقولو صاريتنا كيما السلعة
نستناو اللي يجي يشري وإذا ماجا حتى واحد والدينا يديرو الصولد ههههه
عجبتني تاع السلعة الصولد. بصح يا لالا انتم الصولد نتاع فرانسا وحنا زولية حابين تاع البالة......انزيدو نصبرو شوية حتان السومة اطيح اكثر.....ههههه غير نتمصخر والله مقاماتكم محفوظة وبلا بيكم الدنيا صامطة. راه فيكم خير متاع الدنيا.
مرحبا انا تعرفت على زوجي عن طريق الهاتف النقال على بيها كان زواجي فاشل ردو بالكم من التلفونات راها اتطيح في البياج المهم جاتني وحد الفكرة وعلاش ما نزوجوش فتيات المنتدى العازبات مع شباب المنتدى العزاب وهكذا كي يحكو قصة تعارفهم يقولو عن طريق منتدانا الغالي قولو الصح ماشي فكرة هايلة
khaled70041
2011-09-17, 21:00
مرحبا انا تعرفت على زوجي عن طريق الهاتف النقال على بيها كان زواجي فاشل ردو بالكم من التلفونات راها اتطيح في البياج المهم جاتني وحد الفكرة وعلاش ما نزوجوش فتيات المنتدى العازبات مع شباب المنتدى العزاب وهكذا كي يحكو قصة تعارفهم يقولو عن طريق منتدانا الغالي قولو الصح ماشي فكرة هايلة
هههههههههه......كما هذي الفكرة كما فكرت البورطابل كيف كيف.:d
ربي يعوضك اختي براجل يعرف قيمتك
مصريه جدا
2011-09-17, 22:43
لم يتم التعرف عليه بعد
سلمى_2008
2011-09-18, 08:56
مازال ماجاش النصيب مع ان شروطي في متنااول الجميع ههههههه يصلي مدين وخدااام البااقي ميهمنييييش الشيء هادا صعيب ؟؟؟؟؟؟؟؟ مع العلم الرجال الي جاو خطبوني من قبل اكلهم ناقصتهم حاجة من الحوايج الثلاثة ال دكرتهم اما يجيني الي مايصلييش وخطرة جاني واحد يصلي وولديد فامليا والله بارك ماعندي منقول فيه مي دارنا مقبلووش على خاطر مهووش خداام كيفاه راح يتحمل مسؤووليتك ومسؤولية الاولاد مبااعد علبالي راح تقولولي الرازق ربي سبححانو وممكن مبااعد ينوب عليه ربي بخدمة مي حطو روااحك في بلاصتي رايحيين تقدرو تريسكيو الدنيااا صعاابت موش كيما بكري الراجل حتى وادا معندوش خدمة يقدر يدبر مصروووفو .......................
انا عن نفسي مخطوبة
والطريقة تقليدية
شافني عجبتو بعث دارهم خطبوني ولحد الان راهو عندي غير 4 اشهر خطوبة
ادعولي ربي يسهل ويكمل بالخير
والعاقبة للبقية كااااااااااااااااااااامل بنات وولاد يزين سعودكم
difallahomar
2011-09-18, 21:21
كي نتعرف عليها انشاء الله نقولك
haidara28
2011-09-18, 22:58
لم اجد بعد لكن اتمنى ان تاتي الصدف بما اريد
رب يطيحك في بنت حلال مع أنهم أصبحوا قلة
ألمـ وعشناه ...
2011-09-19, 14:57
mazal ma la9anich rabi b maktoubi .
ya rab arzo9ni zawj salih ya rab
انا تعرفت عليه في المعهد اللي كنا نقراو فيه شافني وسقسى علي وكان بيناتنا السلام والسؤال عن الأحوال ومرة جاء هدر معايا وأنا بقيت نفكر مدة طويلة على خاطر كنت متخوفة من الموضوع وبعدها عاود سقساني وقبلت وقلت لدارنا وبعث دارهم وخطبني وإن شاء الله راح نعقدو ونفتحو قريب إن شاء الله أدعولي ربي يتمم لي على خير ويبعد علينا الناس على خاطر راهم دايما ورانا ويعسو غير فينا
شكرا لك أخي الكريم وربييرزقك بابنة الحلال إن شاء الله
khaled70041
2011-09-19, 16:39
مازال ماجاش النصيب مع ان شروطي في متنااول الجميع ههههههه يصلي مدين وخدااام البااقي ميهمنييييش الشيء هادا صعيب ؟؟؟؟؟؟؟؟ مع العلم الرجال الي جاو خطبوني من قبل اكلهم ناقصتهم حاجة من الحوايج الثلاثة ال دكرتهم اما يجيني الي مايصلييش وخطرة جاني واحد يصلي وولديد فامليا والله بارك ماعندي منقول فيه مي دارنا مقبلووش على خاطر مهووش خداام كيفاه راح يتحمل مسؤووليتك ومسؤولية الاولاد مبااعد علبالي راح تقولولي الرازق ربي سبححانو وممكن مبااعد ينوب عليه ربي بخدمة مي حطو روااحك في بلاصتي رايحيين تقدرو تريسكيو الدنيااا صعاابت موش كيما بكري الراجل حتى وادا معندوش خدمة يقدر يدبر مصروووفو .......................
لم يتم التعرف عليه بعد
كي نتعرف عليها انشاء الله نقولك
جاري البحث..............
mazal ma la9anich rabi b maktoubi .
Ya rab arzo9ni zawj salih ya rab
كلش بالمكتوب.
وربي يرزقنا ازواج صالحين
khaled70041
2011-09-19, 16:45
انا عن نفسي مخطوبة
والطريقة تقليدية
شافني عجبتو بعث دارهم خطبوني ولحد الان راهو عندي غير 4 اشهر خطوبة
ادعولي ربي يسهل ويكمل بالخير
والعاقبة للبقية كااااااااااااااااااااامل بنات وولاد يزين سعودكم
انا تعرفت عليه في المعهد اللي كنا نقراو فيه شافني وسقسى علي وكان بيناتنا السلام والسؤال عن الأحوال ومرة جاء هدر معايا وأنا بقيت نفكر مدة طويلة على خاطر كنت متخوفة من الموضوع وبعدها عاود سقساني وقبلت وقلت لدارنا وبعث دارهم وخطبني وإن شاء الله راح نعقدو ونفتحو قريب إن شاء الله أدعولي ربي يتمم لي على خير ويبعد علينا الناس على خاطر راهم دايما ورانا ويعسو غير فينا
شكرا لك أخي الكريم وربييرزقك بابنة الحلال إن شاء الله
ربي يبعد عليكم العين والنفث والسحر. ويتمم عليكم ويرزقكم من زواجكم متاع الدنيا والآخرة.
أماني بلعلى
2011-09-25, 16:55
السلام عليكم
شافني في خطبة عمي والبارح جاو خطبوني دارهم
khaled70041
2011-09-27, 19:47
السلام عليكم
شافني في خطبة عمي والبارح جاو خطبوني دارهم
الله يباااااااااااااااااارك. وبالرفاه والبنين. وربي يداوم الزواج في الدنيا وفي الآخرة:mh31::mh31::mh31::mh31::mh31::D:D:D:D:D:D:D :D:D:D:D:D
احمد الآمين
2011-09-28, 01:32
السلام عليكم انا تعرفت على زوجي وقرة عيني عندما كنت في الثانوية وكان عمري 14 سنة انا كنت 1 ثانوي وهو كان يدرس في النهائي..... منذ حوالي 8 سنوات فاتت كي المنام نشأت بيننا قصة حب والحمد لله انا الان زوجته...اتمنى من الله ان تدوم محبتنا
مين يجي المكتوب حتى حاجة ما تحبسه المهم تكون عندنا النية الصافية ولالالالا؟
العقبة لكامل الباقيين قولو اميننننننن
أميييييييييييييييييييييييييييييين
السلام عليكم
شافني في خطبة عمي والبارح جاو خطبوني دارهم
ربي يهنيكـ أختي
دخلت لأثني على توقيعكـ
رآآآآآئــــع
بوركت
المتفائلة 83
2011-09-29, 15:31
السلام عليكم
راهو يحوس عليا مازال مالقانيش
انا تعرفت على خطيبي لما كنت ندرس بالجامعة و هو جا mission للولاية لي كنت نقرا فيها تعرفنا صدفة على بعضنا
ياسمين92
2011-09-29, 20:03
انا تعرفت على خطيبي كي كنت نقرى في المتوسط و كان في عمري 14 سنة عرفتني بيه صديقتي و هو تاني كان صغير يعني 20سنة عشنا قصة حب و لا اروع حبيتو و حبني لمدة 4 سنين و صراونا بزاف مشاكل بصح النية اللي كانت بيناتنا خلاتنا ما نسمحوش في بعضانا المهم بعد ما جبت الباك و دخلت الجامعة جا خطبني في السمانة الاولى تاع القراية و دوك الحمد لله عندي عام ملي راني مخطوبة و العرس قريب بربي ان شاء الله
نتمنى كل واحد او وحدة فيكم يلقى نصو التاني في اقرب الاجال لانو اجمل حاجة تصرى للانسان في حياتو هي الحب
فريد تيزي وزو
2011-09-30, 11:20
السلام عليكم
قرأت بعض تدخلات الزملاء بارك الله فيهم، لكن مسألة التعرف بين الرجال و النساء صدفة في أماكن العمل و الدراسة أو حتى في الشارع هل هي جائزة من باب الشريعة الإسلامية ؟
قرأت تدخلات تحتوي على قصة حب لمدة سنة أو أكثر. في علمي أنا لم أسمع و لم أقرأ عن قصة حب للرسول صلى الله عليه و آله و سلم أو أصحابه و تنتهي هذه القصة بالزواج.
حسب رأيي يجب أن نقتدي بهدي الرسول صلى الله عليه و آله و سلم و أصحابه في جميع المسائل التي تعنينا بما فيها الزواج.
أخوكم فريد
بارك الله لي و لكم
ARIJ ELHOUDNA
2011-09-30, 11:52
أنا تعرفت على خطيبي أثناء دراستي في الثانوية، عندي تقريبا 20 يوم على خطبتي. يعني عندى عام على تعرفي عليه صدفة وما أغربها . أدعولي ربي يكملي بالخير .لعقوبة ليكم انشاء الله
khaled70041
2011-09-30, 18:41
انا تعرفت على خطيبي لما كنت ندرس بالجامعة و هو جا mission للولاية لي كنت نقرا فيها تعرفنا صدفة على بعضنا
انا تعرفت على خطيبي كي كنت نقرى في المتوسط و كان في عمري 14 سنة عرفتني بيه صديقتي و هو تاني كان صغير يعني 20سنة عشنا قصة حب و لا اروع حبيتو و حبني لمدة 4 سنين و صراونا بزاف مشاكل بصح النية اللي كانت بيناتنا خلاتنا ما نسمحوش في بعضانا المهم بعد ما جبت الباك و دخلت الجامعة جا خطبني في السمانة الاولى تاع القراية و دوك الحمد لله عندي عام ملي راني مخطوبة و العرس قريب بربي ان شاء الله
نتمنى كل واحد او وحدة فيكم يلقى نصو التاني في اقرب الاجال لانو اجمل حاجة تصرى للانسان في حياتو هي الحب
أنا تعرفت على خطيبي أثناء دراستي في الثانوية، عندي تقريبا 20 يوم على خطبتي. يعني عندى عام على تعرفي عليه صدفة وما أغربها . أدعولي ربي يكملي بالخير .لعقوبة ليكم انشاء الله
ربي يسعدكم ويدوم عشرتكم.:mh31:
khaled70041
2011-09-30, 18:47
السلام عليكم
راهو يحوس عليا مازال مالقانيش
طول شوية صح على بالي بلي راكي متشوقة باه يلقاك.
صلي وادعي ربي باه المخلوق يلقى طريقو.
أبو تقي الدين
2011-10-01, 19:28
أنا نعرف واحد صديق تعرف على زوجته في سيارة في عرس كانت راكبة معاه من الخلف وهو فاتح الراديو كان فيه غناء في الكورتاج وصدفة أغلقه قالتله افتح الغنا والا خائف على البنزين يفرغ التفت اليها وهو يضحك شافها عجباته كلم اخته قاللها اخطبيها وشوفيها تزوجاته من بعد، الشاهد عندي ان الزواج هو مكتوب وقدر والله والله خلق كل شيئ بقدر أنا شفتها في الجامعة الصباح عجبتنيبعثت امي العشية خطبناها والزواج قريب ربي يسهل على كل المؤمنين ويكمل فرحتنا بالزواج عن قريب.
ام رحوقة
2011-10-06, 14:05
زوجي من العائلة شافني في عرس تاع واحد من العائلة وعجبتو مبعد راح سقسا عليا وجاء مباشرة لابي خطبني ووالديا رفضو بسبب اكمالي للدراسة وانا عجبني ورفضت اكمال الدراسة صراو مشاكل بزااااااااااااااااااف وكبااااار حتى قلت مانتزوجوش مي تغلبنا عليها والحمد لله بالشوي بالشوي وتزوجنا العقوبة لكل عزاب المنتدى
السلام عليكم
استمتعت بقراءة كل الردود من الصفحة الأولى
ربي يفرحكم أجمعين و خاصة صاحب الموضوع
ali_alpha72
2011-10-07, 20:23
تعرفت عليها حيث كانت الدنيا جميلة والشمس طالعة .....كانت تقول انت الدنيا وانت القمر وانت كذا وكذا ومن بعد إندلعت الحروب والرعود ولم اتذوق طعم السعادة نصيحة لكل من سيتزوج يا ولد توخر وراك رايح ابقى اعزب خيلك ولي تقلك راني نحبك معولا تشويك يا و القنفود قال كية النسا ما تتنسى .................حذاري يا من لا تبالي ولي اعزب يتفكر كلامي بعد الزواج
ههههههههههههههههههههه
كلامي في الاول مجرد هزل ولاصح هي جنة الدنيا ومن غير زواج الرجل ميت هي ام اولادي ومصدر الدفئ والدار بلا بيها قبر الله يكون في عون كل اعزب ويتزوج ويشوف ولادو
vBulletin® v3.8.10 Release Candidate 2, Copyright ©2000-2025, TranZ by Almuhajir