بيان الحركة الوطنية للمطالبة بالإدماج

[nadirh]

بسم الله الرحمن الرحيم

الحركة الوطنية للمطالبة بإدمج أصحاب عقود ماقبل التشغيل

بعد إجتماع مطول بتاريخ 09 أفريل 2011 إنتهت الحركة الوطنية للمطالبة بإدماج أصحاب عقود ماقبل التشغيل و أصحاب عقود الإدماج من إعداد بيان لها يعرض فيه مطالب هذه الشريحة الإجتماعية و كذا رسم المسار النظالي لهذه الحركة المدنية الإجتماعية و عليه تجدر الإشارة إلى أن الحركة لا تسعى إلى إسقاط النظام و لا إلى حجز مكانة سياسية بل أن مطالبها إجتماعية محضة. وعليه فإن مطالب الحركة تتمثل فيما يلي:

1- المطالب الإجتماعية

* إستقادة أصحاب عقود ماقبل التشغيل و أصحاب عقود الإدماج بضمان إجتماعي كامل بمعنى : التعويض الأدوية و العطل المرضية و الأمراض المهنية و التقاعد...الخ
* مشاركة أصحاب العقود المذكورة أعلاه في الحصول على إمتيازات الخدمات الإجتماعية
* إستقادة أصحاب العقود المذكورة أعلاه من طب العمل.

2- المطالب المهنية

* إدماج تلقائي لكل صاحب عقد ماقبل التشغيل و صاحب عقد إدماج وظف لمدة 03 أشهر من طرف المستخدم دون اللجوء إلى مسابقات.
* ضمان حق الإضراب لأصحاب العقود المذكورة أعلاه خلال 03 أشهر الأولى
* ضمان حق النقابة لأصحاب العقود المذكورة أعلاه خلال 03 أشهر الأولى

3- المطالب المالية

* إحتساب راتب صاحب عقد ماقبل التشغيل و صاحب عقد إدماج طبقا للشبكة الوطنية للأجور مع تعويض أصحاب هذه العقود الذين إنتهت صلاحيتهم في السنوات الماضية.

[ziddanoo]

هذا البيان خاصه ينشر في الاعلام لا سيما المرئي وتعاونو يا جماعة راها يد وحدة ما تسفق

[حسينة 36]

نعم نحن معكم باذن الله

[حسينة 36]

راكم تقولو كاينة صفحة في الفايس بوك بصح ما خرجلي والو واش نكتب باش تخرج

[moi1]

اسمحلي خويا لكن المطالب هذي شوي غير منطقية

[حسينة 36]

علاه راهي منطقية وما نتنازلوش عليها وياريت لوكان يزيدولها المطالبة بتحديد منحة للبطالين الحاملين الشهادات على الاقل الواحد يمشي يديه حتى يتحصل على منصب

[moi1]

هذا قصدي راهي كاينة فئة اخرى لحد الان ما استفادت من والو وماهيش من بين المطالب
وربي يفرج على الجميع

[youssouf41360]

السلام عليكم شاهي هاد الهدرة تاع مشي منطقية .وينتا تفهم بلي انتا من حقك الادماج و انت عند شهادة كيما لاخرين و انتا بالاك خير منهم في المستوى و كيما راك بري اومبلوا و خدام تولي تيتيلار و خدام . هدا حقنا .شوفو لي عنده هدرا عيانا يخليها عنده

[vontoum]

منطقية ونص بالعكس راني سامحين كثير من حقنا

[youssouf41360]

يا اخي لي راك داير هاد لبيان اعطونا طريقة نتصلو بيكم او رقم هاتف او ..................................... باش نكونو منظمين
و كيما قولت حنا لمطالب نتاعنا هي منصب دائم لا غير

[nadirh]

لم أقم بإعداد البيان و إنما نقلته من الفايس بوك

[ala eddine b]

طمع ياسر ما هوش مليح

[nadirh]

ya khoya ya un proverbe que dit il faut viser la maximum pour avoir le minimum

[intell22]

يا سيدي كلامك سليم 100/100 لكن المشكل المطروح فهموني برك في هاذي لي يخدم عن الخواص و هاذ الخواص أتخيلو مقهى للإنترنيت أيا قولولي وين يدمجو ...هاذي فئة لازم نأخذوها بعين الإعتبار نزيدو المشكل التاني وعلاش مانزيدوش مادة تقول أن لازم على أي إنتسان يترشح للمسابقة يكون يتوفر فييه شرط العمل بهذه الصيغة كاملة يعني المدة كاملة أو أن المدة تأخذ بعين الإعتبار عند المسابقة يعني يا جماعة لي خلص الدراسة في 2002 ماشي كيما لي خلص في 2007 ماشي كما لي خلص 2010 يعني ببساطة الحالة راهي مخلطة و كل واحد يقول أنا ...فهمونا يرحم والديكم

[medmay86]

خنا رانا نطالبو بوظيفة دائمة

[HABOBA-]

السلام عليكم

وماذا عن الذين لم يعطى لهم اي فرصة في عقود ما قبل التشغيل

معندهمش نقابة ؟؟؟؟؟؟؟؟؟؟؟؟؟؟؟

[nadirh]

يا أختي توجد هناك حركة أخرى تطالب و تدافع عن حقوق البطالين

[HABOBA-]

ايه صحا معليش

مزال مشفتهاش

على كل حال اقول مثلما
قال يعقوب _عليه السلام_ لأبنائه؟


"قَالَ إِنَّمَا أَشْكُو بَثِّي وَحُزْنِي إِلَى اللَّهِ وَأَعْلَمُ مِنَ اللَّهِ مَا لا تَعْلَمُونَ" (يوسف:86)

[trok]

انا نحير فالغاشي لي ميعرفش حقه وما زالو نية قالو ماشي منطقية وقتاش تفيقو

[ikhbb81]

مطالب مشروعة ....
ماضاع حق وراءه مطالب ( م مرفوعة بالضمة )

هذا من حقنا المهضوم يجب أن نقف مع بعضنا فمطلبنا واحد ,الإدماج المباشر و ليس عقود البطالة

[moi1]

انا نحير فالغاشي لي ميعرفش حقه وما زالو نية قالو ماشي منطقية وقتاش تفيقو

يا اخي ما تحير في غاشي كيما انا ماوالو انا ما نحتاجش هذي الدولة باه تدمجني ولا لا كاين ربي ونخدم عند روحي
صح قريت باه نثقف روحي
امالا انت يا الفايق ويا لي تعرف حقك غدوة لازم تخرج مش غير تكتب برك في النت
انا راني لي نعرفهم بري اومبلوا راني نخبر فيهم بلي كاين احتجاج من اجل مصالحهم ونصهم ما علابالهمش بيه حتى قلتلهم
المهم نتمنى تكون لثمة برك في دزاير باه تجيب حقك يا اخي وراني ندعم فيك بالرغم من انو هذي المطالب راهي بانتلي غير شوية برك وربي يسهللكم ان شاء الله

[ikhbb81]

حملة المطالبة بإدماج موظفي عقود ما قبل التشغيل


على الفيس بووووووووووووووووك

[_HamZa_]

ربي يجب الخير انشاء الله

[sabrac]

لازم ان كل واحد يقول لصاحبه برا خطرش كاين بزاف ما يخدموش في الانترنت

[io canto]

بسم الله الرحمن الرحيم

الحركة الوطنية للمطالبة بإدمج أصحاب عقود ماقبل التشغيل

بعد إجتماع مطول بتاريخ 09 أفريل 2011 إنتهت الحركة الوطنية للمطالبة بإدماج أصحاب عقود ماقبل التشغيل و أصحاب عقود الإدماج من إعداد بيان لها يعرض فيه مطالب هذه الشريحة الإجتماعية و كذا رسم المسار النظالي لهذه الحركة المدنية الإجتماعية و عليه تجدر الإشارة إلى أن الحركة لا تسعى إلى إسقاط النظام و لا إلى حجز مكانة سياسية بل أن مطالبها إجتماعية محضة. وعليه فإن مطالب الحركة تتمثل فيما يلي:

1- المطالب الإجتماعية

* إستقادة أصحاب عقود ماقبل التشغيل و أصحاب عقود الإدماج بضمان إجتماعي كامل بمعنى : التعويض الأدوية و العطل المرضية و الأمراض المهنية و التقاعد...الخ
* مشاركة أصحاب العقود المذكورة أعلاه في الحصول على إمتيازات الخدمات الإجتماعية
* إستقادة أصحاب العقود المذكورة أعلاه من طب العمل.

2- المطالب المهنية

* إدماج تلقائي لكل صاحب عقد ماقبل التشغيل و صاحب عقد إدماج وظف لمدة 03 أشهر من طرف المستخدم دون اللجوء إلى مسابقات.
* ضمان حق الإضراب لأصحاب العقود المذكورة أعلاه خلال 03 أشهر الأولى
* ضمان حق النقابة لأصحاب العقود المذكورة أعلاه خلال 03 أشهر الأولى

3- المطالب المالية

* إحتساب راتب صاحب عقد ماقبل التشغيل و صاحب عقد إدماج طبقا للشبكة الوطنية للأجور مع تعويض أصحاب هذه العقود الذين إنتهت صلاحيتهم في السنوات الماضية.

:19::19::19::19::19::19::19::19::19::19:

[trok]

اليوم برك لقيت واحد صحبي وليد حومة خرج في الساتيام راح يتزوج يخدم اجون وقالي يقيس في ثلاثة وكي سقساني شحال نخلص حشمت لاني ندي 9000 دج وان كبير عليه اتصورو قالي وشداك تقرا
لازم 10 افريل ترجع الكرامة تاع الجامعي مناش نطلبو ولا نتسولوا ولا نطلبوا في المستحيل نحب نعيش نورمال مناش حبين نولوا دي ميلياردار حبين نعوضو شبابنا لي جوزناه كاع في المدرسة والجامعة حتى رجعونا مليون نشوفوها بزاف علينا

[sabrac]

انا اليوم وكباقي الايام تعرضت لنفس الموقف الذي تعرضت له انت اخي،أقلني شخص اعرفه بسيارته الجديدة وهو يعمل في الجيش ولم يدرس في الجامعة وتحدثنا عن الاحتجاج وقال لي بالحرف الواحد انا لن احتج لانه ما خصني والو سيارة ب 150 مليون وعندي الدار ونخلص مليح ،بصح نتما راكم مظلومين بزاف كفاش تقراو ويصرالكم هكذا.

[GAHTAR17.5]

السلام عليكم انا اطمئنكم بان كل الشباب في الصحراء معكم في المطالبة وباصرار
لازم نكون نقابة نوحد بيها اصواتنا
والله مع طالب حقه والله يفرج ليس بالقول فقط بل بالمطالبة الجادة

[dix 10]

مع الادماج ورانا معاكم بجميع الطرق

[medmay86]

حنا البطالييييين ربي لينا إنشاء الله

[رمضان جمال]

الله يوفق لما فيه الخير والصلاح لهذه الأمة ....................... في أمان الله إخوتي

[حسينة 36]

انشاء الله اخي
واش ناس العاصمة اجتمعتو للاحتجاج والا لاواش صار معاكم رانا معاكم الي راحو زودونا بالاخبار

[saladinmosta]

يادرا شادرتو فيها خبرونا

[chid_rac]

الضاهر مكان والو

[محمد1482]

ارجو من الجميع اخراج نسخة من القرار و توزيعها على اصحاب عقود ما قبل التشغيل و تخصيص يوم للاحتجاج اما مقر الولاية كل جماعة يتحدون نخصص يوم واحدلتحقيق مطالبنا