والله كون دخلت شانبيط او ماقريتش

[mizou02]

السلام عليكم
والله العظيم غير يغيظك الحال وتشد قلبك
الشنابط أغلبيتهم ناس مقراوش وجاو من الدوار احتلو ساحة الشهداء للمطالبة بحقوقهم والحكومة رضخت لهم ولكل مطالبهم
وحنا الجامعيين زعم مثقفين ونخبة منقدروش نتنظمو ومناش متفاهمين ويحرتو عليك ويعطوك الفتات وساكتين وفارحين
معلوم نسكتو لان اكبر همومنا واش كلينا اليوم شفت صاحبتك اليوم عيطلي ومعيطليش اليوم......والله غير حاجة تبهدل
ولا الطالب الجامعي اتفه انسان همومه اليومية تافهة جدا ونظن تحقق واش كانو يستناو من تحطيم الجامعة الجزائرية اللي خرجت ناس كبار
انا نقولكم حاجة وباختصار انا ندمت اللي قريت وقطعت كل امل باش نتسقمو نتاجي للي مقراوش راهم دارو التازويل وانا نتفرج فيهم
الشنابطي راهم يخلصو خيرمن الطبيب والله كون دخلت شانبيط

[زياني العمري]

الى الامام غر ازداث

[MY3LI]

الموعد يوم 10 أفريل وتماك يبان الصح لقرى ولمقراش

[مهند ستي]

عندك حق خويا في كل كلامك نص مالميزيرية نتاعنا حنا تسببنا فيها حنا راضيين وقاطعين لياس

مي لازم نفيقوا وننفظوا الغبرة علينا ونقولوا حنا جامعيين مش شحاتيين


ربي يهدي حكامنا مانلنا غير الظلم في بلاد التيكي وعلاه هوما ولادهم عايشين كيفنا؟؟؟؟؟؟؟؟؟؟؟ كيحل عينيه الباسبور والطيارة تقارع يقرا لهيه باسكوا والديه حركاااااااااااااااااااااا

متنسوش 10 أفريل

[معز لدين الله]

انا كرهت مليت من هاد الحياة
الناس دارت لافونير
وحنا مزلنا نخمو في عقود ماقبل التشغيل والخلصة نتاع ربعة دورو

[عبد الرؤوف الفيالاري]

لماذا تحلف
ماتنساش نهار كنت انت وانا في السنوات الماضية نشخروا في الليل هما وين كانوا ...الالاف فقدوا أرواحهم رحمهم الله

[sabrac]

تحية لناس فيالار

[marqo]

معز لدين الله هذا هو اسمك ......انا كرهت مليت من هاد الحياة و هذا واش قلت à ما يلفظ من قول إلا لديه رقيب عتيد à ماكانش منها نورمالمو ..... الله يهدي ما خلق ايه تاني هذا منتدى ماشي محكمة Gاع رانا في هم واحد مالكم يا خاوتي ها gاع نكرهو و صايي نحرقوا رواحنا ...الله يجيب الخير يا أمة محمد

[samsoon city16]

الموعد يوم 10 أفريل وتماك يبان الصح لقرى ولمقراش

ما عندو ماراح يجيب الاعتصام
على حساب الشوفا راح نقعدو محقورين مظلومين
لوكان يعاود يولي الزمان ما نحطش رجلي في الجامعة الجزائرية جزء من الثانية ماشي الغلطة فيها و لكن الشرّ جا من عند les peetbools اعزكم الله
شوهوها و همشونا
كرهت كلمة étudiant و universitaire
.
نستعرف بواحد مسكين قرا و تعب وسهر و مع الاخير ما صاب والو ...دار مليار copie على الديبلوم و دار طابلة يبيع .. يغلف الكاوكاو بالديبلوم .....
.
.
الله لا تربحهم ولادهم يقروهم في الخارج واحد في الروس واحد في نيويورك واحد لاسويس غير يكملو البوست يستنا فيهم و يتمصخرو بينا حنا
اصلاحات ...عقود .... ولاد الحركى ...
كامل كيما راهم عندهم حمار حشاكم مفريني في دماغهم ما يسواوش تفكير نص دقيقة تاع شباب اليوم الواعي

[marqo]

السلام عليكم
والله العظيم غير يغيظك الحال وتشد قلبك
الشنابط أغلبيتهم ناس مقراوش وجاو من الدوار احتلو ساحة الشهداء للمطالبة بحقوقهم والحكومة رضخت لهم ولكل مطالبهم
وحنا الجامعيين زعم مثقفين ونخبة منقدروش نتنظمو ومناش متفاهمين ويحرتو عليك ويعطوك الفتات وساكتين وفارحين
معلوم نسكتو لان اكبر همومنا واش كلينا اليوم شفت صاحبتك اليوم عيطلي ومعيطليش اليوم......والله غير حاجة تبهدل
ولا الطالب الجامعي اتفه انسان همومه اليومية تافهة جدا ونظن تحقق واش كانو يستناو من تحطيم الجامعة الجزائرية اللي خرجت ناس كبار
انا نقولكم حاجة وباختصار انا ندمت اللي قريت وقطعت كل امل باش نتسقمو نتاجي للي مقراوش راهم دارو التازويل وانا نتفرج فيهم
الشنابطي راهم يخلصو خيرمن الطبيب والله كون دخلت شانبيط

نورمالمو ينحيولك الديبلوم نتا ماشي جامعي. تقول ما لا تدري .ياك لي كان فالجبل وقت الارهاب تقول عليه جاو من الدوار مالا واش تقول على لي حروا البلاد تاني .....الله يهديك هادوك الشانبيط تاني ناس بلاك ما قروش مي هما تاني من بني أدم و هما تاني عندهم حقوق ياخي حالة زعما جامعي

[samsoon city16]

نورمالمو ينحيولك الديبلوم نتا ماشي جامعي. تقول ما لا تدري .ياك لي كان فالجبل وقت الارهاب تقول عليه جاو من الدوار مالا واش تقول على لي حروا البلاد تاني .....الله يهديك هادوك الشانبيط تاني ناس بلاك ما قروش مي هما تاني من بني أدم و هما تاني عندهم حقوق ياخي حالة زعما جامعي

ليس دفاعا عن صاحب الموضوع لكن انا تاني هكدا نقول ...
وماشي استصغارا من الشنبيط ...الله يعاون و يسهل كل فلاح
لكن ما راكش تشوف بلي هادا تهميش

[marqo]

samsoon city16 ما معنى الشنبيط على حد علمك انت ???

[رابح ش]

وانا نستعرف بيك samsoon city16 والله هدرتك صح صح بلاد مابقات فيها لا مستويات ولا تعليم طاق على من طاق

[رابح ش]

وانا نستعرف بيك samsoon city16 والله هدرتك صح صح بلاد مابقات فيها لا مستويات ولا تعليم طاق على من طاق

[samsoon city16]

samsoon city16 ما معنى الشنبيط على حد علمك انت ???

اظن على حد علمي
.
.
.
اظن .
.
.
.
.
مممممممممممممممممممممم
.
.
.
.
.
.
.
ما تعطينيش اختيارات؟؟؟
.
.
.
مساعدة
.
.
.
.
شحال تحبو تلعبوها
:cool::cool::cool::cool::cool::cool::cool::cool::c ool:

[عيسى الجزائري]

راك تقول باللي راك تكلحت
ولوكان يرجع بيك الزمان تعرف كيفاه تمشي
أنا نقلك
بالنسبة لواش راه جاي في المستقبل راك في الخطوة الأولى وما فات والو
عندك تتكلح

انس اللي فات ودير حساب القادم

تحياتي

[القرصان رضا]

ما عندو ماراح يجيب الاعتصام
على حساب الشوفا راح نقعدو محقورين مظلومين
لوكان يعاود يولي الزمان ما نحطش رجلي في الجامعة الجزائرية جزء من الثانية ماشي الغلطة فيها و لكن الشرّ جا من عند les peetbools اعزكم الله
شوهوها و همشونا
كرهت كلمة étudiant و universitaire
.
نستعرف بواحد مسكين قرا و تعب وسهر و مع الاخير ما صاب والو ...دار مليار copie على الديبلوم و دار طابلة يبيع .. يغلف الكاوكاو بالديبلوم .....
.
.
الله لا تربحهم ولادهم يقروهم في الخارج واحد في الروس واحد في نيويورك واحد لاسويس غير يكملو البوست يستنا فيهم و يتمصخرو بينا حنا
اصلاحات ...عقود .... ولاد الحركى ...
كامل كيما راهم عندهم حمار حشاكم مفريني في دماغهم ما يسواوش تفكير نص دقيقة تاع شباب اليوم الواعي


والله غي بردتلى قلبي هدرتك اكل صحيحة .

قلى يرحم والديك هكذا تصلح البلاد
والله تقعد 100 سنة ماتصلح وماتسقم

[ramzis]

عليها قعدنا حنا عرة الناس وقعدنا لخرين ياخاوتي الشانبيط لي راكم تهدرو عليه فحل طالب بحقو وداه واحد ماصدق عليه حقوو وداه
ولي ماعجبوش الحال يفحال ويطالب بحقو نتوما قاعدين في دياركم وتقولوو ماعطاونا والو وقاعدين تحسدو في الشانبيط مسكين ...

نستعرف بيه الشانبيط فحل وراجل ونص

[عُضو مُحترم]

عندي صاحبي قرا

وصل للسنة 3 اعلام آلي

كان باقي عامين و يتخرج مُهندس


دخل للشرطة عون أمن

شهريتو افضل من شهرية الطبيب اللي قرا 7 سنوات


ربي يجيب الخير

( ما تقولش يتعب أكثر من الطبيب)

[dix 10]

الحرس البلدي جابو حقهم والمتعاقدين جابو حقهم واصحاب غقود الادماج هذي هي فرصتهم والا يقعدو عير يكتبو على الجماعة اللي جابت حقها