klomps
2011-04-06, 11:36
لاهل القلوب الشغوفه ... القصة حب × حب واللي قلبه اخضر لايقراها .. مدري وش رح يسوي
ماتحملش ذنب حد
بعد هذه المُقدمة اترككم مع الجزء الاول بالعافية على عيونكم
الجزء الاول
الساعه 8 و6 دقيقه و58 ثانيه بعد ماطلعت من المسجد القريب من بيتها
ووقفت بسيارتي كلعاده على مسافه بعيده نوع ما من باب بيتها(( يمكن اشوفها او اشوف من شافها))
مر على فراقنا 6 سنوات واحس بالم فراقها كنه امس افتقدها بالحيل هي تزوجت وانجبت بنت نسخه منها نفس العيون الزجاجيه اللامعه الوسيعه والنظرات الخجوله نفس الابتسامه وبياض البشره وكل يوم اوقف عند باب الروضه اللي تروح لها وابوسها وهي اذا شافتني تجيني تركض لحضني وامسح على شعرها واقول (( تدرين ان انتي مفروض تكونين بنتي لكن اقدار ونصيب)) وتبتسم على انها ماتدري انا وش اتكلم عنه اعطيها أي شي سنكيز او عصير وتفرح فيه واوعدها اني اجيها بكرى وتقول بقول لماما عمو ياسر يسلم عليك وابتسم لها
وكعادة انتظر زوجها يدخل البيت يترنح تاثير السم اللي يشربه كذا مره اتهجم عليه ويكون عقابي السجن واطلع بكفاله او يتنازل واخر مره اتصلت فيني بنت خالتي وقالت بصريح العباره (( ابتعد عن حياتي انا ماشكيت هذا مهما كان ابو بنتي)) وقفلت بوجهي ماتركتني احكي لها اشواقي ماتركتني ابرر لها موقفني واقول اني مقدر اشوفها تتعذب واوقف مكتف ايديني وماتركتني اقول اني ليومك وانتي كل شي بحياتي آآآآآه يابدريه ياليتك تحبيني نفس حبي لك او حتى ربعه
من 6 سنوات قاطعت جدتي اللي زهقت من مسؤليه بنت بنتها وزوجتها وحرقت قلبي لاني وقتها ادرس بالجامعه واذا تزوجتها اكيد بنعيش معها لحد ما اقدر اتوظف واصرف عليها وعلي ونستقيل ببيت اللي طبعا بعد 4 او5 سنوات بيكون جاهز فلعبت لعبتها وقررت انها تروح معي للحج ولما رجعت تفاجاءة بزواج حبيبتي ..... ايه زوجتها وماقالت لي اتفقت مع ابو بدريه انه يزوجها ولد جيرانا وبدريه ماكانت تعرف مخططهم وامي اسكتت مغلوبه على امرها امها ولا تبغى تعصاها خدعتني جدتي ايه خدعتي ولليوم ما اقدر اناظر في وجهها لاني كل ماشفتها اندم اني امنت لها او بلصح للمراءه ((مهما بلغ ذكاء الرجل لايستطيع على دهاء مراءه))
زوجت بدريه اليتيمه؟؟!!........
ابوها متزوج وعنده عيال وامها متوفيه لو كانت امها عايشه ماكان هذا حالها انا نفسها...!!
الا اني رجال وهي بنت والبنت مهما بلغت قوتها في النهاية ضعيفه انا كنت مع امي عايشين مع جدتي اللي كان عندها ولد واحد وبنتين امي وخالتي اللي توفت الله يرحمها لما عرفت بزواج بدريه جن جنوني وصرت ابكي واصارخ أيــــه ابكي بكيت مثل البنات!!
حلمي وحبيبتي اللي كنت لها الاخو اللي تشكي له والام اللي تحن عليها والاب اللي يلبي طلباتها واغلى شي بحياتي من بعد امي.....
تزوجت 3 ايام وانا في عداد الميتين وعيوني مفتوحه وتدمع وساكت ما اشوف الا امي اللي تقرء علي وتمسحني بزيت مقرئ وجدتي ما اسمع منها الا قولها: هي بنت وبدالها الف بنت وانت صغير على الزواج....؟!!
" ذاك الوقت ما اقدر اتكلم لاني كنت تعبان او للاصح حزين ولا اعرف السبب وامي تقول الله يسامحك يمه شوفي وين وصليته وتقول بين دموعها الله يسامحك يمه ولدي بيموت يمه مالي الا هو""
وتروح جدتي تاركه امي بحزنها على ولدها الوحيد وتاركتني بصدمتي والالامي 3 ايام وانا في كل يوم احتضر...... لحد ما دخلت بدريه بطلتها الحلوه بصوتها الحنون ولمستها الشافيه وطاحت عند راسي وهي منهاره تبكي تكفى يا ياسر لاتعذبني اكثر من ما انا متعذبه واخذت الزيت من امي وصارت تمسح على شعري وجبيني واحسها المويه تطفي نار قلبي ناظرتها وعيوني تدمع: بدريه!!
بدريه وهي تشهق من البكاء ومتجاهله وجود امي اللي منهاره مثلها: ياعيون بدريه
: انتي اصبحتي لغيري وضربت صدري ضربه قهر وقلت آآآآآآآآآآآآآآآآآآآآآآه
بدريه:يا ياسر انت رجال وتقدر تتحمل اجل انا وش اقول اللي انغصبت على زواجه ما ابغاها وانهارت تبكي
وراحت للحضن اللي ياما بكت عليه واحن عليها حضن امي وصارت تبكي وتقول يمه جدتي ضيعتني وضيعت ياسر
قمت من على السرير بتعب: يمه جهزي اغراضك ماعاد لي قعده بهالبيت وانتي امي انا ملزوم بك
امي :ياسر صل على النبي وين نروح يمه وانت تدرس وانا ماعندي الا راتب ابوك التقاعد ويالله يالله يكفي احتياجاتنا
: انا رجال يمه ولاتخافين انتظرك بسياره يمه اخذي كل اغارضك
امي: ياسر
: اذا تبغين امك اقعدي معها وانا من اليوم ماراح تشوفون وجهي
بدريه: فراقنا مهو نهاية العالم
ناظرتها بعتب: وش تقولين يا بدريه في هلكم يوم غسل مخك نايف خلاص نسيتني وحبيتي نايف انتم يالحريم مالكم امان
مسحت دموعها وراحت تركض بيتها ركبت سيارتي ورغم محاولات خالي ان اجلس معهم لاحد اتخرج اما جدتي كنها كانت تنتظر هاللحظه تمت بغرفتها لحد ماطلعنا من البيت
ركبت امي: هاه ياسر وين بنروح
سكتت وركزت على الطريق وقفت عند عماره سكنيه
امي منصدمه: بنسكن مع المقيمين هنا؟!!
تنهدت: احسن من العيشه مع وحده ماكلفت نفسها انها تحاول تردني عن قراري اللي من سابع المستحيلات ارجع عنه..
امي: تعوذ من ابليس ياوليدي وخلنا نرجع لحد ماتتوظف ونطلع
: خلاص يمه طلعت ومستحيل ارجع وانتي كلها كم يوم وبأجر لنا بيت لحد ماتتحسن الامور وايكون عندي واشتري بيت
امي: وشلون تتحسن لايكون ناوي تفصل من الجامعه
: لا يا يمه بدرس وبشتغل مثل هالناس
امي وهي تبكي: منت قد هالتعب يمه
ضربت صدري: قدها وقدوووووود انا رجال عمري 23 سنه
نزلت امي رغم انها ما حبت المكان مرت الايام ورحت ((لعمي سالم اخو ابوي الصغير)) وقلت له يدور لي وظيفه وبحكم اني ماعندي شهاده قال لقيت لك وظيفة امين مخازن باحد شركات البترول لاحد ما اتخرج وراتبها كويس وكان دوامي 9 ساعات من 6 الى 3 الفجر كنت اخاف على امي واتصل عليها وقت دوامي 5 الى 6 مرات بعد ما أجرت بيت وصارتجلس فيه لحالها لانها رافضه الخادمه خايفه علي منها ^_^ القرد بعين امه غزال
وقتها ماكنت انام الا 6 ساعات واروح للكليه لحد مامرت سنه وتخرجت وطبعا ترقيت في عملي بفضل الله ثم بفضل عمي سالم واشتغلت بالاسهم الاسلاميه وقدرت اشتري البيت اللي ساكنين فيه لان امي حبت جارتها ذيك الايام ماكان طيف بدريه يفارقني لكن كرامتي فوق كل شي برغم حبها اللي ساكن في كل مكان فيني ما كنت ارضى امي تجيب لي طاري أي احد من عائلتها واذا كانو بالبيت اروح لصحابي لحد مايروحون واحيانا اضطر انام برى البيت اذا نامت ام امي(جدتي) خلاص كل شي بينها انتهى بعد ماغدرت فيني لحد اليوم اللي دخلت البيت راجع من العمل وكانت الساعه 6 المغرب لقيت امي فرحانه
حبيتها على راسها:خير يمه فرحيني معك
قالت الخبر اللي زلزل الارض من تحتي وحسيته سكين انغرزت بقلبي:بدريه جابت بنت اليوم الفجر يلا يمه وصلني لها بالمستشفى
عطيت امي ظهري راح لغرفتي ابدل ملابس العمل وحاط ايدي على قلبي: تامرين امر تجهزي لحد ما اتروش والبس
سكرت الباب وانا احس اني انتهيت رن جوالي وحطيت القهر فيه رميته من غير مادري من متصل على الجدار لاحد ما صار في كل مكان جزء منه تروشت ولبست ثوب اسود وشماغ تعطرت ناظرت وجهي السكسوكه امس مزبطها وقلت بقلبي وانا اناظر شكلي بالمرايه
(( شوفي يابدريه اللي خسرتيه))
طلعت لقيت امي لابسه عبايتها : تاخرت عليك
امي: لا واشرت على كيس شيله فيه عشاء خل اوديه لها من امس ماكلت شي وامها مهي عايشه ولاحد يهتم الا في بنته
شلت الكيس وناظرت امي: هذا انتي اهتميتي فيها وهي مهي بنتك
امي: بنت اختي الوحيده والله العالم انها مثل بنتي
: طول عمرك حنونه وطيبه
اسكتت ركبت معي وصلتها لحد المستشفى قبل تنزل: اذا خلصتي اتصلي فيني
امي: منت نازل تسلم على بنت خالتك اللي طالعه من موت
: لا يمه مواعد واحد من الشباب بيزعل اذا ماجيته وسلمي عليها وتحمدي لها بالسلامه
نزلت امي وانا وقبل امشي واحد ضرب النافذه نزلت : خالي؟!!!
حضني خالي: وينك وانا ابوك سنه ماشفتك
: مشاغل ياخالي
خالي: الا قول انك ماتبي تشوفنا
طلال ولد خالي عمره 14 سنه: هلا ياسر وينك يارجال ما نشوفك
بنت خالي من ورى خالي: شخبارك ياسر
ابتسمت: هلا ساره ابشرك بخير
ساره: وربي مشتاقين لك
:تشتاق لك العافيه
خالي:خلاص بكرى غداءك عندنا
:اسمح لي والله مداوم ولا اطلع الا 6
خالي: خلاص عشاك
: لا والله مشغول
ساره: قول انك ماتبغى تشوف جدتي وخلاص
خالي: سااااااااااااره
: لاتسكتها ماقالت الا الصدق
خالي: هذي جدتك
: اللي سوته فيني تسويه جده بحفيدها
ساره: وهي صادقه بدريه بدالها الف بنت
ناظرتها بحده: لاتتكلمين عن شي ماتعرفينه
ناظرت خالي: استاذن مواعد واحد
طلال: وعشاك
:بكرى بمرك وباخذك معي وبعشيك برى اذا سمح خالي
ساره: اعزمنا كلنا ولا بس العزيمه لطلال
طلال طلع جواله: عطني رقمك خاف تشرد من العزيمه بكرى
:هههههههههه وتذكرت يوووووووووووه جوالي منكسر خلاص بمر محل واخذ واحد
طلال: تهرب تهرب من العزيمه
: والله اني رميته بالجدار وانكسر
عطيته رقمي واستاذنت ركبت السياره وساره ونظرات ساره ماغابت عن بالي مشيت بشوارع الرياض بليا هدف وقفت سيارتي عند محل جوال واخذت لي جهاز ورحت للبيت خذيت شريحتي حتى صاحبي استاذنت منه لان مالي مزاج اقابله وقفت عند مقهى وجلست طلبت شيشه وقهوه وناظرت المباره
رن جوالي وكانت امي
: مرحبا
امي: وينك ياياسر
:قريب هاه خلصتي
امي: ايه تعال خذني
: طيب 10 دقايق والقاك برى
امي: في امان الله
: في حفظ الله
ركبت سيارتي ولقيت امي واقفه وتكلم زوج بدريه ضربت لها هرن وجات وهي تدف وحده بكرسي متحرك وفي حجرها بزر عرفت انها بدريه بعد ماقربت وقفت بدريه ركبتها امي ورى وركبت امي قدام وبحجر امي بنت بدريه ما قدر اوصف احساسي وحبيبتي راكبه معي بعد فراق عام ناظرت عيونها المرهقه بالمرايه: الحمد الله على السلامه
بدريه بصوت متعب: الله يسلمك
حسيت انها ماتبغى عيونها تجي بعيوني انتهبت لامي:بكرى مر مكتب استقدام الخدم واخذ خادمه كبيره بالسن
: وش اللي خلا خالتي قماشه(( الفنانه حياة الفهد في دور من ادوارها)) تتنازل عن قرارها وتخلي ولدها وحيدها يجيب وحده غريبه تعيش معهم في البيت
امي: ليه فرحان كذا هذي لبنتي بدريه وراتبها علي بعد
ناظرت بدريه بالمرايه: لا ياخالتي لاتعبين نفسك ماني بحاجتها
امي: بدريه الله العاالم اني اعدك مثل ياسر
: افااااا يمه وصرت بنت بعد
امي: خل عنك المزح اللي ماله داعي انا اقصد غلاك
: يمه عطيني عيني طايحه جنبك
امي: وينها
:ههههههههههههههه اقصد فشلتني وطيحتي وجهي
بدريه ضحكت بتعب حتى لو انها مهي ضحكتها اللي تعودت عليها الا انها هزتني اااااااه يابدريه احبك وربي
امي: مر على صيدليه
: ليش يمه جوعان ابغى اوصل للبيت
امي بجديه: مر على الصيدليه بنت بدريه ماعندها حليب ولا غيارات
: خلاص لاتزعلين بمرها
دقايق ووصلت امي لعند الصيدليه امي: منت بنازل
: لا بنتظرك هنا
امي حسيت انها تضايقت حطت بنت بدريه بحجري ونزلت فتحت درج السياره وصرت ادور على شريط متاكد انه عندي
شغلت قصيده ناصر القحطاني حبيبي
بدريه: ياسر
ياحلو ياسر من فمها ياعيون ياسر ياروح وانفاس ياسر : نعم
بدريه: قفل المسجل
: ابشري قفلته ورفعت بنتها وصرت اناظرها صغيره مره وغير انها مسكره عيونها
احس حب هالبنت يمشي بعروقي احبها والله احبها يمكن من غلاة امها
بدريه: تعبت منها عطني اياها اشيلها
: لا تعبك راحــه وسكتت
حسيت بدريه تضايقت وش اسوي هذا شعوري انا قدام بدريه ضعيف حتى لما كنا صغار كانت تنزلني من سيكلي وتركب فيه ولا كنت اقولها لا كانت تشاركني حتى مصروفي مقدر كانت تنام على ايد امي وانا انام بعيد عنها ولا كنت اغار منها بدريه حبيبتي قبل البس شماغي
انتبهت لامي وهي تقول: هاه ياياسر وش تنتظر وصلنا للبيت
ناظرتها وانا اقول وش في سيارتي نورت فجاءه اثاريك ركبتي
امي: لايكثر
: طيب يا ام ياسر هذي ثاني مره تفشليني اليوم وانا ساكت لك
شغلت السياره وصلتها للبيت وانا ما تكلمت مهو لاني زعلان على امي لا عشان احسسها بالذنب اول ما وصلنا للبيت امي: انزل يمه عشان اعشيك
: ما ابغى شي بروح للاستراحه
امي: توك تقول انك جوعان
: لا خلاص شبعت من تفشيلاتك لي
امي: والله ان مانزلت اني ما اكل
: هاه وهذي نزله كله ولا انتي يالغاليه
خذيت بنت بدريه ونزلت بدريه وامي ورحت لغرفتي وحطيت بنت بدريه علي سريري رن جوالي
: هلا
الطرف الثاني: هلا والله حتى بالجوال صوتك حلو
:مين
الطرف الثاني: وحده تحبك
:لا تتصلين ثانيه على هالرقم وقفلت بوجها
جاني مسج (( اموت بالثقيل اللي ما يحب البنات)) فاضيات
دخلت امي عشان تاخذ بنت بدريه
امي: وين رهف
: من رهف
امي: بنت بدريه
:هههههههههه وراي
امي دفتني وخذتها: يامهبول لو انك نمت عليها
: وش دعوى يمه كنت بطيح على وجهي وانتي ماهمك الا بنت بدريه
امي: كنت بتكتمها وتموت
: الى هالدرجه فاقد الاحساس الله يسامحك
امي: لاتنام قبل تتعشى
: لا انتي بدريه ورهوفه بناتك انا لي الله
امي: اذا ما شفتك على السفره ماكليت
: طيب طيب بس عشانك
تمددت على السرير وجاني مسج ثاني
(( وربي دخلت قلبي لا تنطشني بليز))
ارسلت لها
(( بليس يركبك اذا ارسلتي ثانيه))
اتصلت
:خير
الطرف الثاني: اللي يسمع صوتي يجيه الخير
: هئهئ هئهئ هئهئ ماتضحكين حاولي مره ثانيه
الطرف الثاني: انا غزلان
:ههههههه وانا الاسد اللي ياكل الغزلان
غزلان: يابختي اذا انت اللي بتاكلني
: هيييييه هيييييه وربي مغشوشه فيني انا شين وعيوني صغار واسمرومافيني شي حلو اخوف
غزلان: قول والله هذي موصفاتك
: لا ماراح احلف
غزلان: انا شفتك مره وخذيت رقمك من عند صاحبك
:طيب وش مطلوب مني
غزلان: ابغى اصير صديقتك
: ومن قالك ان فيه صداقه بين البنت والولد في مجتمعنا
غزلان: ومن قالك مافيه
: اوكي تقدرين تقدميني لا اهلك على اني صديق
غزلان: طبعاً لا
: طيب كيف تقولين فيه صداقه
غزلان: صداقه محد يدري فيها
: لا ما احب اعيش مثل الخفاش بالظلام
غزلان: طيب وش المطلوب مني
: لا تتصلين على هالرقم ثاني مره
غزلان: انا محتاجه اتكلم مع احد
: ماعندك صديقات
غزلان: عندي كثير لكن ما امن ولا وحده منهم
:يعني كيف!!
سمعت طق امي على الباب وبعده دخلت
: نعم يمه
امي: تعال للصاله
: ابشري
امي وهي تاشر على اجزء جوالي المكسر: وش هذا ياياسر
:ههههههههه كلعاده انقهرت وحطيت القهر فيه
هزت راسها امي وطلعت: الله يهديك ياوليدي
: خلاص غزلان انا بروح اتعشا بتصل فيك وقت ثاني
غزلان: راح انتظرك لو جلست انتظر العمر كله
:ههههههه اذا تتنظريني صوتي بعد ساعه او نص ساعه بيكلمك اما اذا تنتظرين قلبي اتوقع بتنتظرين العمر كله
قفلت بوجهي بدون أي كلمه براحتها انشاالله ما اتصلت وش علي انا ماعندي خوات اخاف عليهم ولا بنات احاتيهم لكن انا عندي قناعه كما تدين تدان وماحب الحرام يجي يوم وبتزوج وبيجي يوم بيجيني بنات واخاف اللي سويته في بنات الناس يفعل فيني عشان كذا قد ما اقدر امنع نفسي من الحرام وبعدين والاهم بدريه متربعه على عرش قلبي وما اقدر والله ما اقدر اخونها
طلعت للصاله وجلست على الكنبه تنقلت بين القنوات واستقريت على الزير سالم
وجلست اناظره لحد ما سمعت بنت بدريه تبكي صوتت لامي: يمــــــــــــه اللي كانت بالمطبخ رهف تبكي
دخلت امي ووخذتها وحطتها عندي: امسك بدريه مريضه ومافيها حيل عليها شيلها انت لحد ما اجهز العشاء
خذيتها وقلت لامي : الساعه 11 ولاتعشيت متى بتعشى انشالله
سفهتني امي وراحت هههههههه ياحليلك يمه عصبيه لكن ما انسى مواقفك معي واحد في الميه من مواقفك الطيبه معي ورث ابوك كله حطيتيه في يدي وانتي تدرين ان شغل الاسهم مهو مضمون لحد ما ربي رزقني وقدرت ارجعه لها بعد ست شهور ولما رجعته قالت هو في النهايه لك خله معك واااااااااااااااع واااااااااااااع
دخلت امي وعطتني رضعه عطها وبتسكت ناظرت امي : يمه ماعندي اخوان ولا اعرف
مسكت الرضعه وحطتها بفم رهف وناظرتي : لا تسوي شي بس امسكها
حطيت ايدي على خشمي: على هذا
ناظرت رهف وقلت بقلبي (( لولا عجوز قريح كان انتي بنتي)) استغفر الله مقدر وربي كاتبه طلعت الرضعه من فمها بعد مافضت مشالله ماسارع ما شربتها حطت امي السفره جلست عليها ورهف معي حطت العشاء وكليت انا وامي وبعد ما شبعت
امي: لاتنسى الشغاله
: ابشري بكرى وانا راجع بامر عليه وانشالله الاقي عنده
امي: جعل ربي يخليك لنا
: ولو يالغاليه تحت امرك تصبحين على خير
امي: وانت من اهله اصحيك الساعه 8
ناظرتها بتعجب: ونص ولا حاسدتني في نص ساعه زياده
امي: روح ارقد روح
مسكت قلبي: بروح وانا كلي جروح
ضحكت امي وبكت رهف وانا دخلت غرفتي تمددت على سرير وغمضت عيوني وسمعت جوالي يرن اووووووه تذكرت غزلان
:هلا
غزلان: هلا والله تعشيت
: الحمد الله
غزلان: صحه
: على قلبك
غزلان: تصدق ارتحت لك
: وانا ما ابغى اذيك ياليت ماتتصلين ثانيه
غزلان : وليش انت متزوج
: لا
غزلان: منت رجال
: غصب عليك رجال
غزلان:ونعم فيك لكن كل رجال ضعيف قدام البنات
:الا انا ما احب البنات كلش وشايل فكرة الزواج من راسي نهائيا
غزلان: تحب
تنهدت: ايه
غزلان: يابختها في قلبك اللي ملكته
:....................
غزلان: طيب انا ما ابغى منك شي بس ابغى اكلمك والمكالمه علي بعد
:ونهاية علاقتنا وش هي
غزلان:الموت
:انا اقول خلي عنك هالحركات والحب ماوراه الا وجع القلب لانه مستحيل ولا يمكن تملكين قلبي
غزلان:انت دخلت قلبي وانا محتاجه واحد مثلك وبعد اناا راضيه لو تعتبرني صديقه زميله الا اخت ما ابغاك تعتبرني اخت تكفى ابغى اتم معك
:ما احب النوعيه هذي من البنات اللي تكلم شباب
غزلان: قسم بالله انت اول واحد انا اكلمه وربي ماكذبت
: اوكي مصدقك بشرط بعتبرك عرضي لو اكتشفت انك راعيه حركات ماراح ارد عليك ابد
غزلان: ناوي ترسل لي واحد من اصدقاك عشان تكشفني؟!!!!!
تنهدت:توي قال لك انك عرضي يعني انا برسل احد يكلم اختي
غزلان: اختك؟!!!!!!!!
: ماقلت اختي نفس اختي انا ماعندي خوات
غزلان: ادري
: تدريييييييييين
غزلان: اقصد ادري انك بتعتبرني اخت ولا راح تحبني
: اللي اوله شرط اخره نور
غزلان:ومشاعري ماهي بضمن الشرط
:طيب انا تعبان على قومتي 8 ونص الصباح وابغى انام واللحين صارت 12 ونص
غزلان: نوم العوافي
: مع السلامه
غزلان: لحظه
: هاه
غزلان: عادي اتصل فيك بكرى
: اتصلي اذا فاضي برد واذا لا بتصل فيك اذا فضيت
غزلان: لا انت قلت من شوي بتتصل ولا اتصلت
: نسيت
غزلان: واخاف تنساني بعد بكرى
: لا انشالله بتصل
غزلان: اكيد
: لاتصرين لحوحه وعد بتصل
غزلان: مع اسلامه
: مع السلامه
غريبه هالغزلانها مصره تتعرف ياما وياما تعرضت للبنات لكن انا كنت اصد أي
وحده تحاول تلفت انتباهي حتى اذا طلبوني الشباب اروح معهم لمجمعات ماكنت اروح ماحب اتردد على هالماكن طنشتها ورحت بسابع نومه
اليوم الثاني
رحت للدوام بعد ما ذكرتني امي امر مكتب خدم وانا راجع تذكرت واحد صاحبي ابوه عنده مكتب اتصلت فيه وسالته قالي امر ابوه
ابو فيصل صاحبي: يامرحبا ياياسر وينك لاحس ولاخبر
: مشاغل ياعمي ولا والله انك على البال
ابو فيصل:امر يابوي يقول فيصل انك تبغى خادمه وبسرعه
: ايه والله الوالده تعبت من شغل البيت وتبغى خادمه قبل رمضان وانت عارف رمضان ماباقي عليه الا شهرين
ابو فيصل :عساها على القوه فيه خدم بيوصلون بعد ثلاث ايام بشوف لك وحده
: نبغاها مسلمه
ابو فيصل: مايصير خاطرك الا طيب
: بيض الله وجهك وجزاك الله خير
استاذنت بعد ماطمني انه في ثلاث ايام بتكون الخادمه في عندنا
دخلت البيت ورحت لغرفتي على طول تروشت ولبست وطلعت لامي كانت بغرفه بدريه دقيت الباب ودخلت لبست بدريه شيلتها وبحجر امي رهف
خذيت رهف من عند امي بستها وناظرت بدريه اللي اشوف في عيونها شوق الدنيا
: خلاص يابدريه بناخذها شكل امي حبتها
امي تقصد بدريه: وهو بعد اول ما صحى اليوم وسمع صوتها تبكي لقيته شايلها وهو بلعاده اذا صحى من النوم ماله خلق ابد
ناظرتي وقلت بصوتها الدافي: دامه ما عصب عليها اول ما صحى اجل اكيد انها خذت قلبه
خذيت فنجان القهوه من امي: ايه والله حبيناها
بدريه: حبتكم العافيه وناظرت امي: والله مدري كيف ارد معروفك ياخالتي
امي: بنتي يابدريه فيه بنت تشكر امها
رن جوال بدريه وكان المتصل زوجها اول ماشافت الاسم ناظرتني
:هلا نايف ..... لا الحمد الله............ ايه حياك.... بخير وهذي هي مع ياسر ........ طيب ....... مع اسلامه
امي: بيجيك
بدريه نزلت راسها: ايه يقول انا قريب البيت
مديت رهف لامي ووقفت: استاذن بروح للاستراحه
امي: تروح عن وجه ضيفك استح على وجهك الرجال بيجي
بدريه: حتى نايف يبغى يسلم عليك
ناظرتهم وجلست بقهردقايق وقالت بدريه ان نايف برى طلعت له سلمت عليه وهو سلم علي من قلب انا وهو كنا اصحاب لكن اللحين لا بعد ما اخذ حلمي يخسي والله
دخلته لحد غرفة بدريه طلعت امي لي وانا قاعد في الصاله
امي:انت ما تستحي البنت اعرست وانت تحرجها بزعلك على زوجها
وقفت واشرت على صدري: يمه احبها واموت الف مره اذا تذكرت انها متزوجه
امي: صل على النبي ياوليدي خلاص تمنى لها الخير
: اللهم صلي واسلم عليه
امي: بعد شوي بيجون بيت خالك
ضربت جبهتي:نسيت طلال
خذيت جوالي واتصلت بخالي وقال انه هو و العجوز وزوجته جايين وساره وطلال بالبيت ينتظرون العزيمة وهم بطريق اضطريت اروح من البيت عشان ما اواجه العجوز خذيت رقمه اتصلت فيه وقال ان ساره مصره تتعشى معنا قلت حياها خلها تجي
بعد ربع ساعه وقفت عند الباب ركب طلال وسلم
طلال فيه رجوله وتحس واذا سولفت معه تحس انك تسولف مع واحد من عمرك
طلعت ساره بعد عشر دقايق ركبت السياره واول ما دخلت المكان كله كان ريحة عطرها شكلها متروشه بعطر
ساره بدلع: ها ياسر عسى ماتاخرت عليك
: لا عادي ومشيت
رن جوالي وكان رقم غزلان مارديت عليها وهي بطبعها لحوحه رديت قبل اسمع صوتها اول قبل تتكلم
: هلا غازي(( اضطريت اقلب اسمها)) بعدين بتصل فيك
وقفنا عند مطعم ونزلنا لاني كنت عايش مع بنت خالي وبدريه فماكانو يتغطن مني
: اطلبو اللي خاطركم فيه
ساره: اطلب لي زي ماتطلب لك
تجاهلت تلميحاتها وتعشينا وطلع طلال وساره وراه وانا وراها همست لها
ترى اللي تعطر وتطلع كنها زانيه وقفت مذهوله وانا مريت من جبنها كاني ماقلت شي وصلتهم ورجعت للبيت
مالقيت احد بصاله رحت لغرفتي واتصلت بغزلان
: هلا
غزلان: هلا والله وينك
: موجود
غزلان: تاخرت علي
: كنت اتعشى مع ولد خالي واخته
غزلان اسكتت شوي : خطيبتك
:لأ
غزلان: قول والله
: بدون حلفان انا قلت لك مالي خاطر بالزواج ولو اتزوج ما راح اتزوج سوير
غزلان: اسمها ساره؟
:ايه
غزلان: اهي حلوه
:مملوحه
غزلان: عاجبتك
:طبعاً لأ
غزلان:ياسر كم عمرك اللحين
: ياسر وش عرفك باسمي
غزلان : خذيته من صاحبك
: كنتي تكلمين صاحبي قبلي؟!!!!
غزلان: لا ليش ظنك سئ فيني
: اللي تكلم واحد تكلم عشره غيره
سكتت شوي وانا حسيت بتانيب الظمير يمكن لاني حسيت اني جرحتها:غزلان
غزلان وبصوت باكي: نعم
: تبكين؟!!!!
غزلان: لا
: احس من صوتك تبكين
غزلان تنهدت: يتهأ لك
: طيب قولي لي كيف خذيتي رقمي
غزلان: كلمت واحد صاحبك وقلت له كان معك واحد عندي له امانه وبعد الموت عطاني رقمك وقال انك ياسر وتاكدت ان انت المطلوب
: ذكريني متى شفتك
غزلان: اللي كانت مع اللي فشلتها لما دفعت حساب المطعم
:ايه ذيك المزيونه ههههههههههههه ماتدرين وش صار فيني لما رجعت فلوسك ذاك اليوم بغى يموتني احمد
غزلان: مهي انا بنت خالتي تقصد انا كنت في السياره بس شفتك لما رميت عليها فلوسها
: يعني هي بنت خالتك
غزلان: رجع لنا وعطانا رقمه وقال ماعليك من يسور خليه يقعد على مثالياته سالته عن اسم ابوك وقال لي عبد العزيز وانا حفظت اسمك ووعدته بنت خالتي انها تكلمه اخذت رقمه اتصلت فيه اخذت جهاز تغير الاصوات واتصلت فيه وقلت لو سمحت انا لقيت محفظة واحد اسمه ياسر عبد العزيز ولقيت رقمك فيه احمد ابغى اعرف رقمه وعطاني رقمك على طول
:هههههههههههههههههههههه(( إن كيدهن عظيم))
غزلان: اعجبك انا وضحكت ضحكه دخلت قلبي حبيت ضحكتها من قلب
ماسكرت مني الا 3 الفجر واصلا بكر خميس ماعندي دوام
غزلان هذي عرفتها قبل شهر وقفت انا وصاحبي عند مطعم طالبين ونتظره يوصلونه للسياره جات وحده كل الجمال اللي بدنيا بعيونها ضربت النافذه وانا كنت بالباب اللي بجنب السواق اللي هو صاحبي
البنت اشرت علي : انا دفعت حساب عشاك واعتبره عربون تعارف
وراحت نزلت من سياره صاحبي ورحت لعند السياره اللي راكبتها ضربت النافذه
فتحت النافذه : كنت عارفه ان عيوني بتسحرك
ضحكت عليها: هههههههه بلعكس
وكانت بجنبها وحده اللي هي غزلان ماميزت ملامحها لكنها قالت اسفين اخوي ماكان قصدها
ورميت عليها حساب عشانا وطلبت من صاحبي انه يحرك السياره تنرفز صاحبي وصار يسبني احد يخلي هالجمال عشان مثالياتك يا ابو مثاليات
: خلاص وصلني للبيت وارجع اخذ العشاء ولا ترى بروح باتاكسي
احمد صاحبي وهو بقمه عصبيته: انزل لابارك الله فيك لامن العشاء ولا من الغزال اللي جاتك برجولها
مسكت الباب بنزل مسكني من ذراعي: خلك الله ياخذك بوصلك وبرجع وانشالله الاقي المزيونه
:ماتشبع من البنات مشفوح بنات وربي
احمد: اسكت بس والله في قلبي قهر اذا ما سكت لا اصدم الشبه
:ههههههههههههههههههه كل هذا عشان البنت ياخي تعرف الف غيرها خلاص بروح مع تاكسي لاتبكي علي
احمد:زيادة الخير خيرين
: وش اسوي هاللحين
احمد: بوصلك للبيت وباخذ العشاء وبسهر بمجلسكم لاني جوعان باللحيل
: امي نايمه عند جدتي تعش بالمطعم اخاف ترجع امي تشوف البيت وصخ وتزعل
نزلت منه ووقفت تاكسي وصلني للبيت وجلست على الانترنت لحد ما جاني نوم ورحت نمت
قطعت حبل افكاري مسج من عند غزلان
((في لحظه تشعر أنك شخص في هذا العالم بينما يوجد شخص في هذا العالم يشعر أنك العالم بأسره))
ارسلت لها مسج
(( انشالله اكون عند حسن ظنك تصبحين على خير))
ارسلت لي))وانت من اهله يالغالي اصحيك 4 ونص للصلاه))
ارسلت لها((ماتقصرين لكن الوالده قدها وقدود بتسحبني من شوشتي اذا ماصحيت))
وارسلت((اسفه سهرتك وانت متعود تنام بدري))
ارسلت لها(( بلعكس انبسطت معك انتبهي لنفسك .... سلام))
ونمت بعدها على طول
مرت الايام وعلاقتي انا وغزلان تقوى صرت اعتبرها نفسي واذا تضايقت هي اول شخص افكر فيه وصار لها مكان بقلبي وماصرت استغني عنها اما هي فيوم عن يوم تثبت لي اني اغلى انسان بقلبها لكن مهما بلغ غلاة غزلان ماتجي شي عند بدريه
الحب لبدريه بس... كبرت بنت بدريه وصار عمرها 8 شهور وحبها بقلبي يزيد يمكن سبب الشبه بملامح الكبير بينها وبين امها او يمكن بسبب انها بنت حبيبتي
كل خميس تجي عندنا بدريه وتنام وكل يوم خميس ما اطلع من االبيت ابد ويروح يومي مع بنت بدريه توها ماكملت 9شهور وامشيها معي بسياره ووديها محل الالعاب واخذ لها العاب كلمت غزلان وقلت اني بروح انا رهوفه لمحل العاب
وتفاجاءت انها كانت بلمحل نفسه انا ماعرفتها لانه كان فيه حريم كثير بلمحل
عرفتها لما قالت: ياسر حبيبي
التفت للصوت وناظرت عيونها اللي تزلزلني نظراتها: غزلان؟!!!!!!
: مفاجاءه صح وناظرت رهف اللي شايلها وقالت هذي رهوفه ياحياتي واخذتها مني وانا بصراحه دخت من لمستها لي لما اخذت رهف من ايديني
صارت تبوسها اما رهف تعلقت فيها كنها تعرفها من زمان وجات بنت وراها
البنت الصغيره: عمتي ابغى باربي
خذيت دبدوب وباربي للرهف اما غزلان فخذت قرقاشه وقالت: هذي اللعبه المناسبه لعمرها مهو دبدوب
:ههههههه اب فاشل
غزلان : وش دعوى
اخذت لعبه بنت اخوها الصغيره وحاسبت رغم انها ما رضت لكن انا قلت لازم تراضيني لانك طلعتي من البيت وما استاذنتيني
عطيت بنت اخوها اللعبه وقلت : اخاف تقول لامها انك قابلتيني
غزلان :بقول انه الكاشير
: افا صرت كاشير
غزلان:هههههههههههه
ياناس ياعالم اعشق ضحكتها نفسي انها تضحك طول الوقت احيانا البس قناع المهرج عشان بس تضحك (( انا كل اصاحبي يقولون عني ثقيل دم))
طلعت من المحل وقبل اركب سيارتي ((البرادو))
غزلان: ياسرزعلان مني
غمزت لها: وانا اقدر
مسكت بنت اخوها من ايدها وركبو سيارتهم وانا عيوني عليهم
عطيت رهوفه القرقاشه وصدعت راسي بصوتها مشت بسياره متوجهه للبيت وصلني مسج فتحته كان من غزلان
((( نحفان ياعمري امانه اذا رجعت تاكل لك شي حتى لو مهو وقت عشاء))
حنونه ياغزلان رغم صغر سنها عمرها 18 سنه الا اني ماقد قابلت بحنانها الا امي وحبها لي حتى اذا واعدتها اتصل فيها 11 واتصلت 11 ونص تقابلني بدموعها
ليش تاخرت خفت عليك واذا قلت لها من وش تخافين تقول السياره مالها امان
اقولها وش دعوى منتي واثقه من سواقتي تقول واثقه فيك والسياره لا
كم مره ومره ومره اثبتت لي انها تحبني لكن انا ما عطيتها شي سوى اني اعذبها كل مره تكلمني ما اقدر ما اطري بدريه ما اقدر ما اقول رهف ومع ذالك تشاركني الكلام
حتى اذا سولفت لها عن طفولتي مع بدريه تسكت واحيانا احس انها تبكي والله مهو بيدي بدريه روحها ساكنه فيني
...... وقفت عند باب البيت ونزلت انا وحبيبتي رهوفه دخلت البيت وكانو بصاله حريم عند بدريه وامي دخلت من عند باب المطبخ
جات بدريه لي بالمطبخ: اسفه ياسر اكيد انها سندرتك
خذتها مني وامديت لها الكيس الدبدوب وللعبه باربي: سمي
بدريه: وربي تحرجني يا ياسر
: انا اشتريتها لبنتي رهف مايحتاج تشكريني عطيتها ظهري ورحت لمجلس الرجال اشوف بعيونها شوق وحب لكن ما تقول ماتعترف
جاني اتصال من صاحبي احمد وقال انه بيجيني جلس معي شوي
احمد: بروح لمغرب تروح معي
: لا والله ماعندي اجازه
احمد: تكفى يا ياسر ابغاك تروح معي
: لا والله امي ماعندها الا انا واخاف اخليها
احمد قام متنرفز: هذا انت كل ما طلبت شي مقدر واسف واسمح لي الشرهه علي انا
: خلاص ولا تزعل بروح معك
احمد : تذكرتك علي وانشالله بعد اسبوعين سفرتنا
: طيب مايصير خاطرك الا طيب كم يوم بنقعد
احمد وهو يفكر: على حسب الجمال اللي بشوفه اذا حلوه اسبوع اذا وسط ثلاث ايام واذا لا برجع ثاني يوم
: وش تقول؟!!!
احمد: هاه ما اقول شي مع السلامه وقام
: تعال يارجال قهوتك
احمد: في المغرب سلام
وراح ولا شفت الا غباره:هههههههههه والله انك حبيب
خذيت الجوال واتصلت بغزلان: هلا والله
غزلان: كليت
:امممممممم بصراحه لا
غزلان: امانه قوم اكل لك شي
: عندنا حريم ولا تبغيني اروح للصاله وويشوفوني البنات ترى مالي دخل لو وحده اخطبتني من امي
اسكتت غزلان شكل مزحتي هذي ثقيله: تكفى يله قوم
:خلاص بنتظر للعشاء
غزلان: لا بجيك اللحين وبعطيك عشاء
: لا يكون خذيتي على شوفتي انا قلت لك انتي عرضي ولا ارضى عليك يشوفك واحد غريب مثلي واليوم ماقلت لك شي عشان بنت اخوك معاك ولا ني تفاجاءت وعشان ما اكسر بخاطرك انا ماقد طلبت شوفتك مثل كل الشباب لاني ما ابغى اشوفك رخيصه انتي غاليه بعيني وبتمين غاليه
سكتت غزلان ولا صرت اسمع الا صوت شهقاتها معناها اني جرحتها هذا انا دايم اجرحها لكن لمصلحتها والله
: خلاص ياغزلان عشاني خلاص
غزلان بين دموعها:اسفه
: لاتتاسفين انا ابغاك تعرفين قيمة نفسك
غزلان سكتت شوي: اشتقت لك وحبيت اشوفك فيها شي
: ايه فيها شوفيني من بعيد مهو كفايه كل يوم قبل تروحين للكليه لازم تتصبحين بخشتي
غزلان: من بعيد وبعدين انت ما تلتفت لي عشان اشوفك كويس
: واذا شفتيني بترسميني من زيني يعني
غزلان: عاجبني واحبك كيفي
احبك تصريح خطير من غزلان عمرها ما قالت لي احبك تقول اغليك ومحبتك وغلاتك لكن ماقد قالتها: وش تحبين فيني امانه كل مره اجرحك وازعلك
غزلان:يكفي انك ماتخدعني
: طيب قومي غسلي وجهك وارجعي كلميني
غزلان: طيب دقايق ورجعت : هلا
: انا قلت غسلي وجهك ماقلت تروشي
غزلان:ههههههههههههه
:فديت هالضحكه
غزلان: شكرا
: زعلانه مني
غزلان: لالكن عندي شرط عشان ارضى رضا تام
: وش هو
غزلان: برسل لك السواق بوجبه من كنتاكي خبري فيك تحبه
: لا وربي اقدر اقوم واجيب لي وجبه لي ولك بعد
غزلان: ادري بس هذا شرطي وش قلت
: طيب بس اخر مره ترى
غزلان: طيب
شكرتها وقفلت منها على اني قبل انام بتصل فيها شكلها بتقلب الدنيا علي اذا عرفت اني بسافر للمغرب مقدر ارد احمد على اني ضد افكاره الشيطانيه الا انه صديق طفوله ولا اقدر ارده
وصل سواقها واخذ منه الوجبه وكانت لاصقه عليه ورقه بالعافيه يابعد الناس
مدري ليه احس الوجبه هذي احلى وجبة كليتها من كنتاكي يمكن لان انفاس غزلان فيها مدري...
ارسلت لها (( وربي احلى وجبه كليتها بحياتي مشكوره))
وارسلت لي((صحه على قلبك ياقلبي وربي فرحتني اهم شي تاكل لانك نحفان))
مارديت عليها لانها تخجلني بحنانها علي وطيبة قلبها وحبها لي
دخلت علي شغالة بدريه تقول ان امي تناديني غريبه امي مرسله شغاله علي احيان احس امي زوجتي من كثر ماتخاف علي من البنات عشان كذا قررت اقولها اني بروح انا وخويي للكويت عشان لو درت اني بروح المغرب والله ماتخليني اتعدى السعوديه
رحت لامي بصاله: خير يمه امري
امي:خالك عازم نفسه على العشاء عندنا ويبغاك تقعد بالبيت
: لا مراح مشغول
امي: امي بالعمره مع طلال
: وهالمره من متفقه ضده عشان تاخذ حبيبته منه
قامت بدريه وراحت داخل ضربت جبهتي : خلاص يمه لاتعورين قلبي انا بروح للاستراحه لاحد مايروحون
امي: لا ماراح تروح وخالك ملزم يبغى يشوفك
:طيب بقعد دامني متاكد انك ماراح تكذبين وان عجــوز..اقصد امك في العمره
ورحت لغرفتي ونمت لحد ما صحتني امي وتقول ان خالي عندنا بدلت وطلعت له
سلمت عليه وعلى ساره اللي كل مره تجينا فينا ماتنزل عينها من علي احيانا احس بالاحراج منها والاحيان الثانيه انقهر من جراءتها
ساره: وشخبارك ياسر والله وحشتنا
خالي: تعال معي ابغاك رحت مع خالي للمجلس
: خير ياخالي والله خوفتني
خالي: ماتفكر في العرس يا ياسر
:لا والله ليش هالسؤال لانقول ان امي قالت لك تبغى تزوجني ترى توي ماصار عمري 25
خالي: وبكرى بتروح المدرسه هيــــــــه اللي بعمرك عندهم عيال
: طيب وش مطلوب مني زواج مالي خاطر فيه
خالي: اخطب لبنتك ولا تخطب لولدك وانا ابغاك تاخذ بنتي بنت خالك وعارف اخلاقها كويس
هاه لا الا ساره انا اكثر واحد يعرف ساره ويعرف الشر اللي بقلبها حتى لما رسبت في اولى ثانوي وبدريه نحجت شقت شهادة بدريه عشان ماتفرح وهي حزينه وقتها اشتريت لبدريه قطوة بيضاء شعرها كثيف وبعد ثلاث ايام مالقيناها وعرفنا من الشغاله ان ساره رمتها بالشارع عشان انا خذيت لبدريه هديه وهي لا لكن بدريه هي اللي نجحت حتى لو كانت راسبه كنت بجيب لها القطوه هذي بدريه مهي أي وحده.
خالي: هيه يالحبيب وين رحت
:هاه؟!!
خالي: وش قلت نتوكل على الله
ماتحملش ذنب حد
بعد هذه المُقدمة اترككم مع الجزء الاول بالعافية على عيونكم
الجزء الاول
الساعه 8 و6 دقيقه و58 ثانيه بعد ماطلعت من المسجد القريب من بيتها
ووقفت بسيارتي كلعاده على مسافه بعيده نوع ما من باب بيتها(( يمكن اشوفها او اشوف من شافها))
مر على فراقنا 6 سنوات واحس بالم فراقها كنه امس افتقدها بالحيل هي تزوجت وانجبت بنت نسخه منها نفس العيون الزجاجيه اللامعه الوسيعه والنظرات الخجوله نفس الابتسامه وبياض البشره وكل يوم اوقف عند باب الروضه اللي تروح لها وابوسها وهي اذا شافتني تجيني تركض لحضني وامسح على شعرها واقول (( تدرين ان انتي مفروض تكونين بنتي لكن اقدار ونصيب)) وتبتسم على انها ماتدري انا وش اتكلم عنه اعطيها أي شي سنكيز او عصير وتفرح فيه واوعدها اني اجيها بكرى وتقول بقول لماما عمو ياسر يسلم عليك وابتسم لها
وكعادة انتظر زوجها يدخل البيت يترنح تاثير السم اللي يشربه كذا مره اتهجم عليه ويكون عقابي السجن واطلع بكفاله او يتنازل واخر مره اتصلت فيني بنت خالتي وقالت بصريح العباره (( ابتعد عن حياتي انا ماشكيت هذا مهما كان ابو بنتي)) وقفلت بوجهي ماتركتني احكي لها اشواقي ماتركتني ابرر لها موقفني واقول اني مقدر اشوفها تتعذب واوقف مكتف ايديني وماتركتني اقول اني ليومك وانتي كل شي بحياتي آآآآآه يابدريه ياليتك تحبيني نفس حبي لك او حتى ربعه
من 6 سنوات قاطعت جدتي اللي زهقت من مسؤليه بنت بنتها وزوجتها وحرقت قلبي لاني وقتها ادرس بالجامعه واذا تزوجتها اكيد بنعيش معها لحد ما اقدر اتوظف واصرف عليها وعلي ونستقيل ببيت اللي طبعا بعد 4 او5 سنوات بيكون جاهز فلعبت لعبتها وقررت انها تروح معي للحج ولما رجعت تفاجاءة بزواج حبيبتي ..... ايه زوجتها وماقالت لي اتفقت مع ابو بدريه انه يزوجها ولد جيرانا وبدريه ماكانت تعرف مخططهم وامي اسكتت مغلوبه على امرها امها ولا تبغى تعصاها خدعتني جدتي ايه خدعتي ولليوم ما اقدر اناظر في وجهها لاني كل ماشفتها اندم اني امنت لها او بلصح للمراءه ((مهما بلغ ذكاء الرجل لايستطيع على دهاء مراءه))
زوجت بدريه اليتيمه؟؟!!........
ابوها متزوج وعنده عيال وامها متوفيه لو كانت امها عايشه ماكان هذا حالها انا نفسها...!!
الا اني رجال وهي بنت والبنت مهما بلغت قوتها في النهاية ضعيفه انا كنت مع امي عايشين مع جدتي اللي كان عندها ولد واحد وبنتين امي وخالتي اللي توفت الله يرحمها لما عرفت بزواج بدريه جن جنوني وصرت ابكي واصارخ أيــــه ابكي بكيت مثل البنات!!
حلمي وحبيبتي اللي كنت لها الاخو اللي تشكي له والام اللي تحن عليها والاب اللي يلبي طلباتها واغلى شي بحياتي من بعد امي.....
تزوجت 3 ايام وانا في عداد الميتين وعيوني مفتوحه وتدمع وساكت ما اشوف الا امي اللي تقرء علي وتمسحني بزيت مقرئ وجدتي ما اسمع منها الا قولها: هي بنت وبدالها الف بنت وانت صغير على الزواج....؟!!
" ذاك الوقت ما اقدر اتكلم لاني كنت تعبان او للاصح حزين ولا اعرف السبب وامي تقول الله يسامحك يمه شوفي وين وصليته وتقول بين دموعها الله يسامحك يمه ولدي بيموت يمه مالي الا هو""
وتروح جدتي تاركه امي بحزنها على ولدها الوحيد وتاركتني بصدمتي والالامي 3 ايام وانا في كل يوم احتضر...... لحد ما دخلت بدريه بطلتها الحلوه بصوتها الحنون ولمستها الشافيه وطاحت عند راسي وهي منهاره تبكي تكفى يا ياسر لاتعذبني اكثر من ما انا متعذبه واخذت الزيت من امي وصارت تمسح على شعري وجبيني واحسها المويه تطفي نار قلبي ناظرتها وعيوني تدمع: بدريه!!
بدريه وهي تشهق من البكاء ومتجاهله وجود امي اللي منهاره مثلها: ياعيون بدريه
: انتي اصبحتي لغيري وضربت صدري ضربه قهر وقلت آآآآآآآآآآآآآآآآآآآآآآه
بدريه:يا ياسر انت رجال وتقدر تتحمل اجل انا وش اقول اللي انغصبت على زواجه ما ابغاها وانهارت تبكي
وراحت للحضن اللي ياما بكت عليه واحن عليها حضن امي وصارت تبكي وتقول يمه جدتي ضيعتني وضيعت ياسر
قمت من على السرير بتعب: يمه جهزي اغراضك ماعاد لي قعده بهالبيت وانتي امي انا ملزوم بك
امي :ياسر صل على النبي وين نروح يمه وانت تدرس وانا ماعندي الا راتب ابوك التقاعد ويالله يالله يكفي احتياجاتنا
: انا رجال يمه ولاتخافين انتظرك بسياره يمه اخذي كل اغارضك
امي: ياسر
: اذا تبغين امك اقعدي معها وانا من اليوم ماراح تشوفون وجهي
بدريه: فراقنا مهو نهاية العالم
ناظرتها بعتب: وش تقولين يا بدريه في هلكم يوم غسل مخك نايف خلاص نسيتني وحبيتي نايف انتم يالحريم مالكم امان
مسحت دموعها وراحت تركض بيتها ركبت سيارتي ورغم محاولات خالي ان اجلس معهم لاحد اتخرج اما جدتي كنها كانت تنتظر هاللحظه تمت بغرفتها لحد ماطلعنا من البيت
ركبت امي: هاه ياسر وين بنروح
سكتت وركزت على الطريق وقفت عند عماره سكنيه
امي منصدمه: بنسكن مع المقيمين هنا؟!!
تنهدت: احسن من العيشه مع وحده ماكلفت نفسها انها تحاول تردني عن قراري اللي من سابع المستحيلات ارجع عنه..
امي: تعوذ من ابليس ياوليدي وخلنا نرجع لحد ماتتوظف ونطلع
: خلاص يمه طلعت ومستحيل ارجع وانتي كلها كم يوم وبأجر لنا بيت لحد ماتتحسن الامور وايكون عندي واشتري بيت
امي: وشلون تتحسن لايكون ناوي تفصل من الجامعه
: لا يا يمه بدرس وبشتغل مثل هالناس
امي وهي تبكي: منت قد هالتعب يمه
ضربت صدري: قدها وقدوووووود انا رجال عمري 23 سنه
نزلت امي رغم انها ما حبت المكان مرت الايام ورحت ((لعمي سالم اخو ابوي الصغير)) وقلت له يدور لي وظيفه وبحكم اني ماعندي شهاده قال لقيت لك وظيفة امين مخازن باحد شركات البترول لاحد ما اتخرج وراتبها كويس وكان دوامي 9 ساعات من 6 الى 3 الفجر كنت اخاف على امي واتصل عليها وقت دوامي 5 الى 6 مرات بعد ما أجرت بيت وصارتجلس فيه لحالها لانها رافضه الخادمه خايفه علي منها ^_^ القرد بعين امه غزال
وقتها ماكنت انام الا 6 ساعات واروح للكليه لحد مامرت سنه وتخرجت وطبعا ترقيت في عملي بفضل الله ثم بفضل عمي سالم واشتغلت بالاسهم الاسلاميه وقدرت اشتري البيت اللي ساكنين فيه لان امي حبت جارتها ذيك الايام ماكان طيف بدريه يفارقني لكن كرامتي فوق كل شي برغم حبها اللي ساكن في كل مكان فيني ما كنت ارضى امي تجيب لي طاري أي احد من عائلتها واذا كانو بالبيت اروح لصحابي لحد مايروحون واحيانا اضطر انام برى البيت اذا نامت ام امي(جدتي) خلاص كل شي بينها انتهى بعد ماغدرت فيني لحد اليوم اللي دخلت البيت راجع من العمل وكانت الساعه 6 المغرب لقيت امي فرحانه
حبيتها على راسها:خير يمه فرحيني معك
قالت الخبر اللي زلزل الارض من تحتي وحسيته سكين انغرزت بقلبي:بدريه جابت بنت اليوم الفجر يلا يمه وصلني لها بالمستشفى
عطيت امي ظهري راح لغرفتي ابدل ملابس العمل وحاط ايدي على قلبي: تامرين امر تجهزي لحد ما اتروش والبس
سكرت الباب وانا احس اني انتهيت رن جوالي وحطيت القهر فيه رميته من غير مادري من متصل على الجدار لاحد ما صار في كل مكان جزء منه تروشت ولبست ثوب اسود وشماغ تعطرت ناظرت وجهي السكسوكه امس مزبطها وقلت بقلبي وانا اناظر شكلي بالمرايه
(( شوفي يابدريه اللي خسرتيه))
طلعت لقيت امي لابسه عبايتها : تاخرت عليك
امي: لا واشرت على كيس شيله فيه عشاء خل اوديه لها من امس ماكلت شي وامها مهي عايشه ولاحد يهتم الا في بنته
شلت الكيس وناظرت امي: هذا انتي اهتميتي فيها وهي مهي بنتك
امي: بنت اختي الوحيده والله العالم انها مثل بنتي
: طول عمرك حنونه وطيبه
اسكتت ركبت معي وصلتها لحد المستشفى قبل تنزل: اذا خلصتي اتصلي فيني
امي: منت نازل تسلم على بنت خالتك اللي طالعه من موت
: لا يمه مواعد واحد من الشباب بيزعل اذا ماجيته وسلمي عليها وتحمدي لها بالسلامه
نزلت امي وانا وقبل امشي واحد ضرب النافذه نزلت : خالي؟!!!
حضني خالي: وينك وانا ابوك سنه ماشفتك
: مشاغل ياخالي
خالي: الا قول انك ماتبي تشوفنا
طلال ولد خالي عمره 14 سنه: هلا ياسر وينك يارجال ما نشوفك
بنت خالي من ورى خالي: شخبارك ياسر
ابتسمت: هلا ساره ابشرك بخير
ساره: وربي مشتاقين لك
:تشتاق لك العافيه
خالي:خلاص بكرى غداءك عندنا
:اسمح لي والله مداوم ولا اطلع الا 6
خالي: خلاص عشاك
: لا والله مشغول
ساره: قول انك ماتبغى تشوف جدتي وخلاص
خالي: سااااااااااااره
: لاتسكتها ماقالت الا الصدق
خالي: هذي جدتك
: اللي سوته فيني تسويه جده بحفيدها
ساره: وهي صادقه بدريه بدالها الف بنت
ناظرتها بحده: لاتتكلمين عن شي ماتعرفينه
ناظرت خالي: استاذن مواعد واحد
طلال: وعشاك
:بكرى بمرك وباخذك معي وبعشيك برى اذا سمح خالي
ساره: اعزمنا كلنا ولا بس العزيمه لطلال
طلال طلع جواله: عطني رقمك خاف تشرد من العزيمه بكرى
:هههههههههه وتذكرت يوووووووووووه جوالي منكسر خلاص بمر محل واخذ واحد
طلال: تهرب تهرب من العزيمه
: والله اني رميته بالجدار وانكسر
عطيته رقمي واستاذنت ركبت السياره وساره ونظرات ساره ماغابت عن بالي مشيت بشوارع الرياض بليا هدف وقفت سيارتي عند محل جوال واخذت لي جهاز ورحت للبيت خذيت شريحتي حتى صاحبي استاذنت منه لان مالي مزاج اقابله وقفت عند مقهى وجلست طلبت شيشه وقهوه وناظرت المباره
رن جوالي وكانت امي
: مرحبا
امي: وينك ياياسر
:قريب هاه خلصتي
امي: ايه تعال خذني
: طيب 10 دقايق والقاك برى
امي: في امان الله
: في حفظ الله
ركبت سيارتي ولقيت امي واقفه وتكلم زوج بدريه ضربت لها هرن وجات وهي تدف وحده بكرسي متحرك وفي حجرها بزر عرفت انها بدريه بعد ماقربت وقفت بدريه ركبتها امي ورى وركبت امي قدام وبحجر امي بنت بدريه ما قدر اوصف احساسي وحبيبتي راكبه معي بعد فراق عام ناظرت عيونها المرهقه بالمرايه: الحمد الله على السلامه
بدريه بصوت متعب: الله يسلمك
حسيت انها ماتبغى عيونها تجي بعيوني انتهبت لامي:بكرى مر مكتب استقدام الخدم واخذ خادمه كبيره بالسن
: وش اللي خلا خالتي قماشه(( الفنانه حياة الفهد في دور من ادوارها)) تتنازل عن قرارها وتخلي ولدها وحيدها يجيب وحده غريبه تعيش معهم في البيت
امي: ليه فرحان كذا هذي لبنتي بدريه وراتبها علي بعد
ناظرت بدريه بالمرايه: لا ياخالتي لاتعبين نفسك ماني بحاجتها
امي: بدريه الله العاالم اني اعدك مثل ياسر
: افااااا يمه وصرت بنت بعد
امي: خل عنك المزح اللي ماله داعي انا اقصد غلاك
: يمه عطيني عيني طايحه جنبك
امي: وينها
:ههههههههههههههه اقصد فشلتني وطيحتي وجهي
بدريه ضحكت بتعب حتى لو انها مهي ضحكتها اللي تعودت عليها الا انها هزتني اااااااه يابدريه احبك وربي
امي: مر على صيدليه
: ليش يمه جوعان ابغى اوصل للبيت
امي بجديه: مر على الصيدليه بنت بدريه ماعندها حليب ولا غيارات
: خلاص لاتزعلين بمرها
دقايق ووصلت امي لعند الصيدليه امي: منت بنازل
: لا بنتظرك هنا
امي حسيت انها تضايقت حطت بنت بدريه بحجري ونزلت فتحت درج السياره وصرت ادور على شريط متاكد انه عندي
شغلت قصيده ناصر القحطاني حبيبي
بدريه: ياسر
ياحلو ياسر من فمها ياعيون ياسر ياروح وانفاس ياسر : نعم
بدريه: قفل المسجل
: ابشري قفلته ورفعت بنتها وصرت اناظرها صغيره مره وغير انها مسكره عيونها
احس حب هالبنت يمشي بعروقي احبها والله احبها يمكن من غلاة امها
بدريه: تعبت منها عطني اياها اشيلها
: لا تعبك راحــه وسكتت
حسيت بدريه تضايقت وش اسوي هذا شعوري انا قدام بدريه ضعيف حتى لما كنا صغار كانت تنزلني من سيكلي وتركب فيه ولا كنت اقولها لا كانت تشاركني حتى مصروفي مقدر كانت تنام على ايد امي وانا انام بعيد عنها ولا كنت اغار منها بدريه حبيبتي قبل البس شماغي
انتبهت لامي وهي تقول: هاه ياياسر وش تنتظر وصلنا للبيت
ناظرتها وانا اقول وش في سيارتي نورت فجاءه اثاريك ركبتي
امي: لايكثر
: طيب يا ام ياسر هذي ثاني مره تفشليني اليوم وانا ساكت لك
شغلت السياره وصلتها للبيت وانا ما تكلمت مهو لاني زعلان على امي لا عشان احسسها بالذنب اول ما وصلنا للبيت امي: انزل يمه عشان اعشيك
: ما ابغى شي بروح للاستراحه
امي: توك تقول انك جوعان
: لا خلاص شبعت من تفشيلاتك لي
امي: والله ان مانزلت اني ما اكل
: هاه وهذي نزله كله ولا انتي يالغاليه
خذيت بنت بدريه ونزلت بدريه وامي ورحت لغرفتي وحطيت بنت بدريه علي سريري رن جوالي
: هلا
الطرف الثاني: هلا والله حتى بالجوال صوتك حلو
:مين
الطرف الثاني: وحده تحبك
:لا تتصلين ثانيه على هالرقم وقفلت بوجها
جاني مسج (( اموت بالثقيل اللي ما يحب البنات)) فاضيات
دخلت امي عشان تاخذ بنت بدريه
امي: وين رهف
: من رهف
امي: بنت بدريه
:هههههههههه وراي
امي دفتني وخذتها: يامهبول لو انك نمت عليها
: وش دعوى يمه كنت بطيح على وجهي وانتي ماهمك الا بنت بدريه
امي: كنت بتكتمها وتموت
: الى هالدرجه فاقد الاحساس الله يسامحك
امي: لاتنام قبل تتعشى
: لا انتي بدريه ورهوفه بناتك انا لي الله
امي: اذا ما شفتك على السفره ماكليت
: طيب طيب بس عشانك
تمددت على السرير وجاني مسج ثاني
(( وربي دخلت قلبي لا تنطشني بليز))
ارسلت لها
(( بليس يركبك اذا ارسلتي ثانيه))
اتصلت
:خير
الطرف الثاني: اللي يسمع صوتي يجيه الخير
: هئهئ هئهئ هئهئ ماتضحكين حاولي مره ثانيه
الطرف الثاني: انا غزلان
:ههههههه وانا الاسد اللي ياكل الغزلان
غزلان: يابختي اذا انت اللي بتاكلني
: هيييييه هيييييه وربي مغشوشه فيني انا شين وعيوني صغار واسمرومافيني شي حلو اخوف
غزلان: قول والله هذي موصفاتك
: لا ماراح احلف
غزلان: انا شفتك مره وخذيت رقمك من عند صاحبك
:طيب وش مطلوب مني
غزلان: ابغى اصير صديقتك
: ومن قالك ان فيه صداقه بين البنت والولد في مجتمعنا
غزلان: ومن قالك مافيه
: اوكي تقدرين تقدميني لا اهلك على اني صديق
غزلان: طبعاً لا
: طيب كيف تقولين فيه صداقه
غزلان: صداقه محد يدري فيها
: لا ما احب اعيش مثل الخفاش بالظلام
غزلان: طيب وش المطلوب مني
: لا تتصلين على هالرقم ثاني مره
غزلان: انا محتاجه اتكلم مع احد
: ماعندك صديقات
غزلان: عندي كثير لكن ما امن ولا وحده منهم
:يعني كيف!!
سمعت طق امي على الباب وبعده دخلت
: نعم يمه
امي: تعال للصاله
: ابشري
امي وهي تاشر على اجزء جوالي المكسر: وش هذا ياياسر
:ههههههههه كلعاده انقهرت وحطيت القهر فيه
هزت راسها امي وطلعت: الله يهديك ياوليدي
: خلاص غزلان انا بروح اتعشا بتصل فيك وقت ثاني
غزلان: راح انتظرك لو جلست انتظر العمر كله
:ههههههه اذا تتنظريني صوتي بعد ساعه او نص ساعه بيكلمك اما اذا تنتظرين قلبي اتوقع بتنتظرين العمر كله
قفلت بوجهي بدون أي كلمه براحتها انشاالله ما اتصلت وش علي انا ماعندي خوات اخاف عليهم ولا بنات احاتيهم لكن انا عندي قناعه كما تدين تدان وماحب الحرام يجي يوم وبتزوج وبيجي يوم بيجيني بنات واخاف اللي سويته في بنات الناس يفعل فيني عشان كذا قد ما اقدر امنع نفسي من الحرام وبعدين والاهم بدريه متربعه على عرش قلبي وما اقدر والله ما اقدر اخونها
طلعت للصاله وجلست على الكنبه تنقلت بين القنوات واستقريت على الزير سالم
وجلست اناظره لحد ما سمعت بنت بدريه تبكي صوتت لامي: يمــــــــــــه اللي كانت بالمطبخ رهف تبكي
دخلت امي ووخذتها وحطتها عندي: امسك بدريه مريضه ومافيها حيل عليها شيلها انت لحد ما اجهز العشاء
خذيتها وقلت لامي : الساعه 11 ولاتعشيت متى بتعشى انشالله
سفهتني امي وراحت هههههههه ياحليلك يمه عصبيه لكن ما انسى مواقفك معي واحد في الميه من مواقفك الطيبه معي ورث ابوك كله حطيتيه في يدي وانتي تدرين ان شغل الاسهم مهو مضمون لحد ما ربي رزقني وقدرت ارجعه لها بعد ست شهور ولما رجعته قالت هو في النهايه لك خله معك واااااااااااااااع واااااااااااااع
دخلت امي وعطتني رضعه عطها وبتسكت ناظرت امي : يمه ماعندي اخوان ولا اعرف
مسكت الرضعه وحطتها بفم رهف وناظرتي : لا تسوي شي بس امسكها
حطيت ايدي على خشمي: على هذا
ناظرت رهف وقلت بقلبي (( لولا عجوز قريح كان انتي بنتي)) استغفر الله مقدر وربي كاتبه طلعت الرضعه من فمها بعد مافضت مشالله ماسارع ما شربتها حطت امي السفره جلست عليها ورهف معي حطت العشاء وكليت انا وامي وبعد ما شبعت
امي: لاتنسى الشغاله
: ابشري بكرى وانا راجع بامر عليه وانشالله الاقي عنده
امي: جعل ربي يخليك لنا
: ولو يالغاليه تحت امرك تصبحين على خير
امي: وانت من اهله اصحيك الساعه 8
ناظرتها بتعجب: ونص ولا حاسدتني في نص ساعه زياده
امي: روح ارقد روح
مسكت قلبي: بروح وانا كلي جروح
ضحكت امي وبكت رهف وانا دخلت غرفتي تمددت على سرير وغمضت عيوني وسمعت جوالي يرن اووووووه تذكرت غزلان
:هلا
غزلان: هلا والله تعشيت
: الحمد الله
غزلان: صحه
: على قلبك
غزلان: تصدق ارتحت لك
: وانا ما ابغى اذيك ياليت ماتتصلين ثانيه
غزلان : وليش انت متزوج
: لا
غزلان: منت رجال
: غصب عليك رجال
غزلان:ونعم فيك لكن كل رجال ضعيف قدام البنات
:الا انا ما احب البنات كلش وشايل فكرة الزواج من راسي نهائيا
غزلان: تحب
تنهدت: ايه
غزلان: يابختها في قلبك اللي ملكته
:....................
غزلان: طيب انا ما ابغى منك شي بس ابغى اكلمك والمكالمه علي بعد
:ونهاية علاقتنا وش هي
غزلان:الموت
:انا اقول خلي عنك هالحركات والحب ماوراه الا وجع القلب لانه مستحيل ولا يمكن تملكين قلبي
غزلان:انت دخلت قلبي وانا محتاجه واحد مثلك وبعد اناا راضيه لو تعتبرني صديقه زميله الا اخت ما ابغاك تعتبرني اخت تكفى ابغى اتم معك
:ما احب النوعيه هذي من البنات اللي تكلم شباب
غزلان: قسم بالله انت اول واحد انا اكلمه وربي ماكذبت
: اوكي مصدقك بشرط بعتبرك عرضي لو اكتشفت انك راعيه حركات ماراح ارد عليك ابد
غزلان: ناوي ترسل لي واحد من اصدقاك عشان تكشفني؟!!!!!
تنهدت:توي قال لك انك عرضي يعني انا برسل احد يكلم اختي
غزلان: اختك؟!!!!!!!!
: ماقلت اختي نفس اختي انا ماعندي خوات
غزلان: ادري
: تدريييييييييين
غزلان: اقصد ادري انك بتعتبرني اخت ولا راح تحبني
: اللي اوله شرط اخره نور
غزلان:ومشاعري ماهي بضمن الشرط
:طيب انا تعبان على قومتي 8 ونص الصباح وابغى انام واللحين صارت 12 ونص
غزلان: نوم العوافي
: مع السلامه
غزلان: لحظه
: هاه
غزلان: عادي اتصل فيك بكرى
: اتصلي اذا فاضي برد واذا لا بتصل فيك اذا فضيت
غزلان: لا انت قلت من شوي بتتصل ولا اتصلت
: نسيت
غزلان: واخاف تنساني بعد بكرى
: لا انشالله بتصل
غزلان: اكيد
: لاتصرين لحوحه وعد بتصل
غزلان: مع اسلامه
: مع السلامه
غريبه هالغزلانها مصره تتعرف ياما وياما تعرضت للبنات لكن انا كنت اصد أي
وحده تحاول تلفت انتباهي حتى اذا طلبوني الشباب اروح معهم لمجمعات ماكنت اروح ماحب اتردد على هالماكن طنشتها ورحت بسابع نومه
اليوم الثاني
رحت للدوام بعد ما ذكرتني امي امر مكتب خدم وانا راجع تذكرت واحد صاحبي ابوه عنده مكتب اتصلت فيه وسالته قالي امر ابوه
ابو فيصل صاحبي: يامرحبا ياياسر وينك لاحس ولاخبر
: مشاغل ياعمي ولا والله انك على البال
ابو فيصل:امر يابوي يقول فيصل انك تبغى خادمه وبسرعه
: ايه والله الوالده تعبت من شغل البيت وتبغى خادمه قبل رمضان وانت عارف رمضان ماباقي عليه الا شهرين
ابو فيصل :عساها على القوه فيه خدم بيوصلون بعد ثلاث ايام بشوف لك وحده
: نبغاها مسلمه
ابو فيصل: مايصير خاطرك الا طيب
: بيض الله وجهك وجزاك الله خير
استاذنت بعد ماطمني انه في ثلاث ايام بتكون الخادمه في عندنا
دخلت البيت ورحت لغرفتي على طول تروشت ولبست وطلعت لامي كانت بغرفه بدريه دقيت الباب ودخلت لبست بدريه شيلتها وبحجر امي رهف
خذيت رهف من عند امي بستها وناظرت بدريه اللي اشوف في عيونها شوق الدنيا
: خلاص يابدريه بناخذها شكل امي حبتها
امي تقصد بدريه: وهو بعد اول ما صحى اليوم وسمع صوتها تبكي لقيته شايلها وهو بلعاده اذا صحى من النوم ماله خلق ابد
ناظرتي وقلت بصوتها الدافي: دامه ما عصب عليها اول ما صحى اجل اكيد انها خذت قلبه
خذيت فنجان القهوه من امي: ايه والله حبيناها
بدريه: حبتكم العافيه وناظرت امي: والله مدري كيف ارد معروفك ياخالتي
امي: بنتي يابدريه فيه بنت تشكر امها
رن جوال بدريه وكان المتصل زوجها اول ماشافت الاسم ناظرتني
:هلا نايف ..... لا الحمد الله............ ايه حياك.... بخير وهذي هي مع ياسر ........ طيب ....... مع اسلامه
امي: بيجيك
بدريه نزلت راسها: ايه يقول انا قريب البيت
مديت رهف لامي ووقفت: استاذن بروح للاستراحه
امي: تروح عن وجه ضيفك استح على وجهك الرجال بيجي
بدريه: حتى نايف يبغى يسلم عليك
ناظرتهم وجلست بقهردقايق وقالت بدريه ان نايف برى طلعت له سلمت عليه وهو سلم علي من قلب انا وهو كنا اصحاب لكن اللحين لا بعد ما اخذ حلمي يخسي والله
دخلته لحد غرفة بدريه طلعت امي لي وانا قاعد في الصاله
امي:انت ما تستحي البنت اعرست وانت تحرجها بزعلك على زوجها
وقفت واشرت على صدري: يمه احبها واموت الف مره اذا تذكرت انها متزوجه
امي: صل على النبي ياوليدي خلاص تمنى لها الخير
: اللهم صلي واسلم عليه
امي: بعد شوي بيجون بيت خالك
ضربت جبهتي:نسيت طلال
خذيت جوالي واتصلت بخالي وقال انه هو و العجوز وزوجته جايين وساره وطلال بالبيت ينتظرون العزيمة وهم بطريق اضطريت اروح من البيت عشان ما اواجه العجوز خذيت رقمه اتصلت فيه وقال ان ساره مصره تتعشى معنا قلت حياها خلها تجي
بعد ربع ساعه وقفت عند الباب ركب طلال وسلم
طلال فيه رجوله وتحس واذا سولفت معه تحس انك تسولف مع واحد من عمرك
طلعت ساره بعد عشر دقايق ركبت السياره واول ما دخلت المكان كله كان ريحة عطرها شكلها متروشه بعطر
ساره بدلع: ها ياسر عسى ماتاخرت عليك
: لا عادي ومشيت
رن جوالي وكان رقم غزلان مارديت عليها وهي بطبعها لحوحه رديت قبل اسمع صوتها اول قبل تتكلم
: هلا غازي(( اضطريت اقلب اسمها)) بعدين بتصل فيك
وقفنا عند مطعم ونزلنا لاني كنت عايش مع بنت خالي وبدريه فماكانو يتغطن مني
: اطلبو اللي خاطركم فيه
ساره: اطلب لي زي ماتطلب لك
تجاهلت تلميحاتها وتعشينا وطلع طلال وساره وراه وانا وراها همست لها
ترى اللي تعطر وتطلع كنها زانيه وقفت مذهوله وانا مريت من جبنها كاني ماقلت شي وصلتهم ورجعت للبيت
مالقيت احد بصاله رحت لغرفتي واتصلت بغزلان
: هلا
غزلان: هلا والله وينك
: موجود
غزلان: تاخرت علي
: كنت اتعشى مع ولد خالي واخته
غزلان اسكتت شوي : خطيبتك
:لأ
غزلان: قول والله
: بدون حلفان انا قلت لك مالي خاطر بالزواج ولو اتزوج ما راح اتزوج سوير
غزلان: اسمها ساره؟
:ايه
غزلان: اهي حلوه
:مملوحه
غزلان: عاجبتك
:طبعاً لأ
غزلان:ياسر كم عمرك اللحين
: ياسر وش عرفك باسمي
غزلان : خذيته من صاحبك
: كنتي تكلمين صاحبي قبلي؟!!!!
غزلان: لا ليش ظنك سئ فيني
: اللي تكلم واحد تكلم عشره غيره
سكتت شوي وانا حسيت بتانيب الظمير يمكن لاني حسيت اني جرحتها:غزلان
غزلان وبصوت باكي: نعم
: تبكين؟!!!!
غزلان: لا
: احس من صوتك تبكين
غزلان تنهدت: يتهأ لك
: طيب قولي لي كيف خذيتي رقمي
غزلان: كلمت واحد صاحبك وقلت له كان معك واحد عندي له امانه وبعد الموت عطاني رقمك وقال انك ياسر وتاكدت ان انت المطلوب
: ذكريني متى شفتك
غزلان: اللي كانت مع اللي فشلتها لما دفعت حساب المطعم
:ايه ذيك المزيونه ههههههههههههه ماتدرين وش صار فيني لما رجعت فلوسك ذاك اليوم بغى يموتني احمد
غزلان: مهي انا بنت خالتي تقصد انا كنت في السياره بس شفتك لما رميت عليها فلوسها
: يعني هي بنت خالتك
غزلان: رجع لنا وعطانا رقمه وقال ماعليك من يسور خليه يقعد على مثالياته سالته عن اسم ابوك وقال لي عبد العزيز وانا حفظت اسمك ووعدته بنت خالتي انها تكلمه اخذت رقمه اتصلت فيه اخذت جهاز تغير الاصوات واتصلت فيه وقلت لو سمحت انا لقيت محفظة واحد اسمه ياسر عبد العزيز ولقيت رقمك فيه احمد ابغى اعرف رقمه وعطاني رقمك على طول
:هههههههههههههههههههههه(( إن كيدهن عظيم))
غزلان: اعجبك انا وضحكت ضحكه دخلت قلبي حبيت ضحكتها من قلب
ماسكرت مني الا 3 الفجر واصلا بكر خميس ماعندي دوام
غزلان هذي عرفتها قبل شهر وقفت انا وصاحبي عند مطعم طالبين ونتظره يوصلونه للسياره جات وحده كل الجمال اللي بدنيا بعيونها ضربت النافذه وانا كنت بالباب اللي بجنب السواق اللي هو صاحبي
البنت اشرت علي : انا دفعت حساب عشاك واعتبره عربون تعارف
وراحت نزلت من سياره صاحبي ورحت لعند السياره اللي راكبتها ضربت النافذه
فتحت النافذه : كنت عارفه ان عيوني بتسحرك
ضحكت عليها: هههههههه بلعكس
وكانت بجنبها وحده اللي هي غزلان ماميزت ملامحها لكنها قالت اسفين اخوي ماكان قصدها
ورميت عليها حساب عشانا وطلبت من صاحبي انه يحرك السياره تنرفز صاحبي وصار يسبني احد يخلي هالجمال عشان مثالياتك يا ابو مثاليات
: خلاص وصلني للبيت وارجع اخذ العشاء ولا ترى بروح باتاكسي
احمد صاحبي وهو بقمه عصبيته: انزل لابارك الله فيك لامن العشاء ولا من الغزال اللي جاتك برجولها
مسكت الباب بنزل مسكني من ذراعي: خلك الله ياخذك بوصلك وبرجع وانشالله الاقي المزيونه
:ماتشبع من البنات مشفوح بنات وربي
احمد: اسكت بس والله في قلبي قهر اذا ما سكت لا اصدم الشبه
:ههههههههههههههههههه كل هذا عشان البنت ياخي تعرف الف غيرها خلاص بروح مع تاكسي لاتبكي علي
احمد:زيادة الخير خيرين
: وش اسوي هاللحين
احمد: بوصلك للبيت وباخذ العشاء وبسهر بمجلسكم لاني جوعان باللحيل
: امي نايمه عند جدتي تعش بالمطعم اخاف ترجع امي تشوف البيت وصخ وتزعل
نزلت منه ووقفت تاكسي وصلني للبيت وجلست على الانترنت لحد ما جاني نوم ورحت نمت
قطعت حبل افكاري مسج من عند غزلان
((في لحظه تشعر أنك شخص في هذا العالم بينما يوجد شخص في هذا العالم يشعر أنك العالم بأسره))
ارسلت لها مسج
(( انشالله اكون عند حسن ظنك تصبحين على خير))
ارسلت لي))وانت من اهله يالغالي اصحيك 4 ونص للصلاه))
ارسلت لها((ماتقصرين لكن الوالده قدها وقدود بتسحبني من شوشتي اذا ماصحيت))
وارسلت((اسفه سهرتك وانت متعود تنام بدري))
ارسلت لها(( بلعكس انبسطت معك انتبهي لنفسك .... سلام))
ونمت بعدها على طول
مرت الايام وعلاقتي انا وغزلان تقوى صرت اعتبرها نفسي واذا تضايقت هي اول شخص افكر فيه وصار لها مكان بقلبي وماصرت استغني عنها اما هي فيوم عن يوم تثبت لي اني اغلى انسان بقلبها لكن مهما بلغ غلاة غزلان ماتجي شي عند بدريه
الحب لبدريه بس... كبرت بنت بدريه وصار عمرها 8 شهور وحبها بقلبي يزيد يمكن سبب الشبه بملامح الكبير بينها وبين امها او يمكن بسبب انها بنت حبيبتي
كل خميس تجي عندنا بدريه وتنام وكل يوم خميس ما اطلع من االبيت ابد ويروح يومي مع بنت بدريه توها ماكملت 9شهور وامشيها معي بسياره ووديها محل الالعاب واخذ لها العاب كلمت غزلان وقلت اني بروح انا رهوفه لمحل العاب
وتفاجاءت انها كانت بلمحل نفسه انا ماعرفتها لانه كان فيه حريم كثير بلمحل
عرفتها لما قالت: ياسر حبيبي
التفت للصوت وناظرت عيونها اللي تزلزلني نظراتها: غزلان؟!!!!!!
: مفاجاءه صح وناظرت رهف اللي شايلها وقالت هذي رهوفه ياحياتي واخذتها مني وانا بصراحه دخت من لمستها لي لما اخذت رهف من ايديني
صارت تبوسها اما رهف تعلقت فيها كنها تعرفها من زمان وجات بنت وراها
البنت الصغيره: عمتي ابغى باربي
خذيت دبدوب وباربي للرهف اما غزلان فخذت قرقاشه وقالت: هذي اللعبه المناسبه لعمرها مهو دبدوب
:ههههههه اب فاشل
غزلان : وش دعوى
اخذت لعبه بنت اخوها الصغيره وحاسبت رغم انها ما رضت لكن انا قلت لازم تراضيني لانك طلعتي من البيت وما استاذنتيني
عطيت بنت اخوها اللعبه وقلت : اخاف تقول لامها انك قابلتيني
غزلان :بقول انه الكاشير
: افا صرت كاشير
غزلان:هههههههههههه
ياناس ياعالم اعشق ضحكتها نفسي انها تضحك طول الوقت احيانا البس قناع المهرج عشان بس تضحك (( انا كل اصاحبي يقولون عني ثقيل دم))
طلعت من المحل وقبل اركب سيارتي ((البرادو))
غزلان: ياسرزعلان مني
غمزت لها: وانا اقدر
مسكت بنت اخوها من ايدها وركبو سيارتهم وانا عيوني عليهم
عطيت رهوفه القرقاشه وصدعت راسي بصوتها مشت بسياره متوجهه للبيت وصلني مسج فتحته كان من غزلان
((( نحفان ياعمري امانه اذا رجعت تاكل لك شي حتى لو مهو وقت عشاء))
حنونه ياغزلان رغم صغر سنها عمرها 18 سنه الا اني ماقد قابلت بحنانها الا امي وحبها لي حتى اذا واعدتها اتصل فيها 11 واتصلت 11 ونص تقابلني بدموعها
ليش تاخرت خفت عليك واذا قلت لها من وش تخافين تقول السياره مالها امان
اقولها وش دعوى منتي واثقه من سواقتي تقول واثقه فيك والسياره لا
كم مره ومره ومره اثبتت لي انها تحبني لكن انا ما عطيتها شي سوى اني اعذبها كل مره تكلمني ما اقدر ما اطري بدريه ما اقدر ما اقول رهف ومع ذالك تشاركني الكلام
حتى اذا سولفت لها عن طفولتي مع بدريه تسكت واحيانا احس انها تبكي والله مهو بيدي بدريه روحها ساكنه فيني
...... وقفت عند باب البيت ونزلت انا وحبيبتي رهوفه دخلت البيت وكانو بصاله حريم عند بدريه وامي دخلت من عند باب المطبخ
جات بدريه لي بالمطبخ: اسفه ياسر اكيد انها سندرتك
خذتها مني وامديت لها الكيس الدبدوب وللعبه باربي: سمي
بدريه: وربي تحرجني يا ياسر
: انا اشتريتها لبنتي رهف مايحتاج تشكريني عطيتها ظهري ورحت لمجلس الرجال اشوف بعيونها شوق وحب لكن ما تقول ماتعترف
جاني اتصال من صاحبي احمد وقال انه بيجيني جلس معي شوي
احمد: بروح لمغرب تروح معي
: لا والله ماعندي اجازه
احمد: تكفى يا ياسر ابغاك تروح معي
: لا والله امي ماعندها الا انا واخاف اخليها
احمد قام متنرفز: هذا انت كل ما طلبت شي مقدر واسف واسمح لي الشرهه علي انا
: خلاص ولا تزعل بروح معك
احمد : تذكرتك علي وانشالله بعد اسبوعين سفرتنا
: طيب مايصير خاطرك الا طيب كم يوم بنقعد
احمد وهو يفكر: على حسب الجمال اللي بشوفه اذا حلوه اسبوع اذا وسط ثلاث ايام واذا لا برجع ثاني يوم
: وش تقول؟!!!
احمد: هاه ما اقول شي مع السلامه وقام
: تعال يارجال قهوتك
احمد: في المغرب سلام
وراح ولا شفت الا غباره:هههههههههه والله انك حبيب
خذيت الجوال واتصلت بغزلان: هلا والله
غزلان: كليت
:امممممممم بصراحه لا
غزلان: امانه قوم اكل لك شي
: عندنا حريم ولا تبغيني اروح للصاله وويشوفوني البنات ترى مالي دخل لو وحده اخطبتني من امي
اسكتت غزلان شكل مزحتي هذي ثقيله: تكفى يله قوم
:خلاص بنتظر للعشاء
غزلان: لا بجيك اللحين وبعطيك عشاء
: لا يكون خذيتي على شوفتي انا قلت لك انتي عرضي ولا ارضى عليك يشوفك واحد غريب مثلي واليوم ماقلت لك شي عشان بنت اخوك معاك ولا ني تفاجاءت وعشان ما اكسر بخاطرك انا ماقد طلبت شوفتك مثل كل الشباب لاني ما ابغى اشوفك رخيصه انتي غاليه بعيني وبتمين غاليه
سكتت غزلان ولا صرت اسمع الا صوت شهقاتها معناها اني جرحتها هذا انا دايم اجرحها لكن لمصلحتها والله
: خلاص ياغزلان عشاني خلاص
غزلان بين دموعها:اسفه
: لاتتاسفين انا ابغاك تعرفين قيمة نفسك
غزلان سكتت شوي: اشتقت لك وحبيت اشوفك فيها شي
: ايه فيها شوفيني من بعيد مهو كفايه كل يوم قبل تروحين للكليه لازم تتصبحين بخشتي
غزلان: من بعيد وبعدين انت ما تلتفت لي عشان اشوفك كويس
: واذا شفتيني بترسميني من زيني يعني
غزلان: عاجبني واحبك كيفي
احبك تصريح خطير من غزلان عمرها ما قالت لي احبك تقول اغليك ومحبتك وغلاتك لكن ماقد قالتها: وش تحبين فيني امانه كل مره اجرحك وازعلك
غزلان:يكفي انك ماتخدعني
: طيب قومي غسلي وجهك وارجعي كلميني
غزلان: طيب دقايق ورجعت : هلا
: انا قلت غسلي وجهك ماقلت تروشي
غزلان:ههههههههههههه
:فديت هالضحكه
غزلان: شكرا
: زعلانه مني
غزلان: لالكن عندي شرط عشان ارضى رضا تام
: وش هو
غزلان: برسل لك السواق بوجبه من كنتاكي خبري فيك تحبه
: لا وربي اقدر اقوم واجيب لي وجبه لي ولك بعد
غزلان: ادري بس هذا شرطي وش قلت
: طيب بس اخر مره ترى
غزلان: طيب
شكرتها وقفلت منها على اني قبل انام بتصل فيها شكلها بتقلب الدنيا علي اذا عرفت اني بسافر للمغرب مقدر ارد احمد على اني ضد افكاره الشيطانيه الا انه صديق طفوله ولا اقدر ارده
وصل سواقها واخذ منه الوجبه وكانت لاصقه عليه ورقه بالعافيه يابعد الناس
مدري ليه احس الوجبه هذي احلى وجبة كليتها من كنتاكي يمكن لان انفاس غزلان فيها مدري...
ارسلت لها (( وربي احلى وجبه كليتها بحياتي مشكوره))
وارسلت لي((صحه على قلبك ياقلبي وربي فرحتني اهم شي تاكل لانك نحفان))
مارديت عليها لانها تخجلني بحنانها علي وطيبة قلبها وحبها لي
دخلت علي شغالة بدريه تقول ان امي تناديني غريبه امي مرسله شغاله علي احيان احس امي زوجتي من كثر ماتخاف علي من البنات عشان كذا قررت اقولها اني بروح انا وخويي للكويت عشان لو درت اني بروح المغرب والله ماتخليني اتعدى السعوديه
رحت لامي بصاله: خير يمه امري
امي:خالك عازم نفسه على العشاء عندنا ويبغاك تقعد بالبيت
: لا مراح مشغول
امي: امي بالعمره مع طلال
: وهالمره من متفقه ضده عشان تاخذ حبيبته منه
قامت بدريه وراحت داخل ضربت جبهتي : خلاص يمه لاتعورين قلبي انا بروح للاستراحه لاحد مايروحون
امي: لا ماراح تروح وخالك ملزم يبغى يشوفك
:طيب بقعد دامني متاكد انك ماراح تكذبين وان عجــوز..اقصد امك في العمره
ورحت لغرفتي ونمت لحد ما صحتني امي وتقول ان خالي عندنا بدلت وطلعت له
سلمت عليه وعلى ساره اللي كل مره تجينا فينا ماتنزل عينها من علي احيانا احس بالاحراج منها والاحيان الثانيه انقهر من جراءتها
ساره: وشخبارك ياسر والله وحشتنا
خالي: تعال معي ابغاك رحت مع خالي للمجلس
: خير ياخالي والله خوفتني
خالي: ماتفكر في العرس يا ياسر
:لا والله ليش هالسؤال لانقول ان امي قالت لك تبغى تزوجني ترى توي ماصار عمري 25
خالي: وبكرى بتروح المدرسه هيــــــــه اللي بعمرك عندهم عيال
: طيب وش مطلوب مني زواج مالي خاطر فيه
خالي: اخطب لبنتك ولا تخطب لولدك وانا ابغاك تاخذ بنتي بنت خالك وعارف اخلاقها كويس
هاه لا الا ساره انا اكثر واحد يعرف ساره ويعرف الشر اللي بقلبها حتى لما رسبت في اولى ثانوي وبدريه نحجت شقت شهادة بدريه عشان ماتفرح وهي حزينه وقتها اشتريت لبدريه قطوة بيضاء شعرها كثيف وبعد ثلاث ايام مالقيناها وعرفنا من الشغاله ان ساره رمتها بالشارع عشان انا خذيت لبدريه هديه وهي لا لكن بدريه هي اللي نجحت حتى لو كانت راسبه كنت بجيب لها القطوه هذي بدريه مهي أي وحده.
خالي: هيه يالحبيب وين رحت
:هاه؟!!
خالي: وش قلت نتوكل على الله