لماذا نضحك إذا رأينا شخصا وقع على الأرض

[حكيم مخلوف]

لماذا نضحك اذا رأينا شخصا وقع على الأرض أو تعثر

[رهام87]

باينة صرات لك وضحكوا عليك وغاضك الحال.......نضحك معاك يا اخ
عادي الناس تضحك تضحك في كل الاحوال.......المهم الواحد ميديهاش فالغااااااااااااااااشي

[حكيم مخلوف]

مقنعتينيش يا أختاه أنا لازم كي تطيحي انت مانضحكش

[ikoo]

هههههههههههه صراحة عمري ما صراتلي ( وياربي ما تصراليش )

بصح لازم الضحك راك عارف الغاشي يدحكو على أي حاجة و ماهم مخليين حتى واحد في حالو

اييييييييييييه حااااااااااااااال الدنيا

[kamel76]

هناك مواقف مضحكة ولا بأس إن ضحكنا وهناك مواقف لا تحتمل الضحك. ويجب على الإنسان في أصله ألا يكون كثير الضحك أي أن يكون متوازن و إذا حقق هذا التوازن فاعلم أنه لن يضحك إلا في مواقف تستحق الضحك سواء سقوط شخص أو غير ذلك.
وبالمناسبة فإن الضحك يعد مؤشرا على شخصية الإنسان .أعطيك مثال :هل تستطيع أن تضحك على عجوز سقط في الشارع .أو أعمى انزلقت رجله من سلم الحافلة ....؟؟؟أو امرأة تمزقت عباءتها ؟؟؟

[maiar]

ana s3at nadhak ws3at mandhakch
3la hssab

[f_ati]

انا اري انها من قلة الادب فالوحد لما يقع لزم نجرو لنساعدوه مشي نضحكو اعليه هاد راي الشخصي

[حكيم مخلوف]

انا اري انها من قلة الادب فالوحد لما يقع لزم نجرو لنساعدوه مشي نضحكو اعليه هاد راي الشخصي

اشكرك جزيل الشكر

[نورسين.داية]

أنا صح نضحك و الله لكن مانحبش حد يضحك علي (أنانية)هههههههه
وحدث لي ذلك حيث سقطت في الطريق و في وسط الناس(قمت و عينايا على الأرض و كلي خجل ههههههههههههههههه) و لم أبحث عن ردود الفعل و كأن شيئ لم يحدث , إن شاء الله لن تحدث لكم

[ضوء القـمر]

أنا قبل كنت نضحك لكن من نهار صراتلي وليت ما نضحك على حتى واحد وإذا كنت مع شخص وشفنا واحد طاح والي معايا ضحك نبهدلو لأنو من المفروض نشوف روحي فيه لوكان تصرالي

[amira3914]

انا الحقيقة صارتلي بصح كنت وحدي بصح الحق الحق وبكلي صراحة مرة شفت واحد طاح مالا درت روحي مضحكتش ياخي دارلي وناض يضحك مقدرتش حتى نضت نضحك معاه بصح مش من قلبي والله ومنحبش نحرج حتى واحد ومرة تاني طاح واحد قدامي انا شفتو مي درت روحي ما شفتوش منحبش نسبب احراج وربي يبعد على خويا حكيم الطيحات

[حكيم مخلوف]

يا أختي العزيزة والله شبعت طيحات .انت تاني ان شاء الله تسلكي

[amira3914]

مع احترامي ههههههههههههههههه ضحكت مي مش نتشفى خممت بلي اكيد صراتلك مدام درت موضوع كيما هكة بصح صدقني هذا لا ينقص منك ابدا بلعكس قيمتك كبيرة وانا متاكدة عند الناس كامل

[حكيم مخلوف]

شكرا أختي أميرة

[marouane_34]

ردة فعل عفوية يضحك و مبعد ينوضك

[بسمة محبة]

السلام عليكم و رحمة الله و بركاته

بالنسبة هي ردة فعل لا ارادية

و أنا تصرالي من دون قصد حتى كي نطيح أنا أول حاجة نديرها نضحك خجلا

و بالنسبة للشخص لي يطيح قدامي نبتسم و نحاول نحمله

لماذا لا أدري

ليست قلت احترام لكن ما باليد حيلة

سلام.