الحل الوحيد و الأفضل و لمصلحة الجميع

[khoulita]

السلام عليكم ورحمة الله تعالى وبركاته

في ظل الأنانية المفرطة من طلبة النظامين و كما قالوها جدودنا كل واحد يقول فولي طياب
في نظري الحل هو في تطبيق قرارت صارمة من الدولة لحماية التعليم العالي

1- تعليق الاضراب من الطلبة بعد العطلة حتى لا ندخل في نفق مظلم نهايته السنة البيضاء

2- منع أي شخص كان من غلق أي مؤسسة تابعة للتعليم العالي ابتداءا من غد

3- أي شخص يريد الاضراب فليضرب شرط عدم منع بقية الطلبة من مزاولة دراستهم

4 - منح مسألة التطابقات الى خبراء اجانب يعني حياديين 100% و يتم درس كل شعبة على حدى بتمعن و تدقيق كبير بين النظامين و أخذ كل شيئ بعين الاعتبار الكم الساعي مستوى الاستيعاب كل الايجيابيات من النظامين و كل السلبيات من النظامين و الاحتكاك و الاجتماع بمدرسي النظامين و المتمدرسين بالنظامين من حين لاخر لغاية نهاية السنة الدراسية و بعدها يصدر القرار الحيادي الذي لا مجال لمناقشته لأنه لا يوجد حل غير هذا في نظري و اي قرار من الوزارة لصالح أي نظام يعني تواصل الاضراب و الفوضى التي هي ليست من صالح اي طرف.

[zinousoft]

كفاه حتى جاتك هذي الفكرة

[khoulita]

للامانة راهو منقول موضوعي وعجبني على هاذيك حبيت نقترحو هنا

[°•°• همس الخواطر •°•°]

راني معاك 100/100
هذا هو الحل المثالي

[lakhdar.2000]

انا نتفق معاك في كل ماقلتي لكن الجزائر تجي غير بالعين الحمرة

ولا مدرناش الاضراب صدقيني ميحقو المطالب حتى لو كان يجيبو خبراء محايدين صدقيني


في اضرابببببببببببببب

[الصديق الذهبي]

السلام عليكم أختي

واش نقولك لي حب يدير إضراب يدير على روحو

بصح يجي واحد يقولي دير إضراب بالسيف ماراحش نفوتهاله

ولا يغلقلي الأقسام أو المؤسسة راح ماتفراش

[khoulita]

عندكم الحق

[لطفي لطفي]

يتم درس كل شعبة على حدى بتمعن و تدقيق كبير بين النظامين و أخذ كل شيئ بعين الاعتبار الكم الساعي مستوى الاستيعاب كل الايجيابيات من النظامين و كل السلبيات من النظامين و الاحتكاك و الاجتماع بمدرسي النظامين و المتمدرسين بالنظامين من حين لاخر لغاية نهاية السنة الدراسية

كي نتخرج ان شاء الله هذا العام
ويكون القرار مجحف في حقي ..
رايحة تجي انتي تريكلامي علىّ كي نكون في الشارع ؟؟؟؟؟؟
أنا مع الاضراب
حتى لو راح عام من عمري
خير من الخروج بشهادة ما عندها حتى فائده يروح عمري كلو

[zinousoft]

كي نتخرج ان شاء الله هذا العام
ويكون القرار مجحف في حقي ..
رايحة تجي انتي تريكلامي علىّ كي نكون في الشارع ؟؟؟؟؟؟
أنا مع الاضراب
حتى لو راح عام من عمري
خير من الخروج بشهادة ما عندها حتى فائده يروح عمري كلو

يا أخي كن واقعي نريد قرار عادل لازم تتخرج انت من الجامعة أفضل من جميع الناس
لكان راك واثق من مطالبك ضع ثقتك في لجنة مختصة من الاجانب و لكان راك تطالب بقرار
و نتا في قرارة نفسك ماكش قانع بيه هذيك حاجة اخرى ...

1- ما تروحش بعيد بهذي العقلية حتى و لو صدر قرار يرضيك
2 - بالتخمام هذا مكانش حل ماشي لهذي القضية برك بل للجزائر كامل
3- أعطينا القرار اللي يرضيك اكتلهونا و مذا بيك تفهمنا او اعطينا حل من عندك

[source de vie]

celui qui ne veut pas rasté en gréve ben daber rassou bassah ki njibou hakna li madarouche gréve igoulou manashakouche hadi el hkouk ok

[zinousoft]

celui qui ne veut pas rasté en gréve ben daber rassou bassah ki njibou hakna li madarouche gréve igoulou manashakouche hadi el hkouk ok

أي حقوق
كل طرف يطالب بان يكون خير من لوخر في سلم التوظيف العمومي تقولي حقوق ؟
نهار يولي الطالب يفهم يدير اضراب من اجل اثراء و تجديد المكتبات
اضراب من اجل احترام الطالب في النقل و الاطعام
اضراب من اجل جلب أساتذة اجانب لرفع المستوى او اي مطلب لرفع المستوي راني معاك
اما تع الكلاسيك يقولك انا فور و لا زم يفوت المهندس مباشرة الى الدوكتوراه مثل الماستر ههههه
و الالمدي يقولك انا قريت بزاف و ماستر هو الماجيستار و زيد نفوتو كامل ماستر ههههه
هدا الاضراب اضربوا فيه وحدكم و اذا جاب نتائج لا قدر الله مع دولتنا شعارها الله غالب استفيدوا من نتائجها
وحدكم لانها و الله غير مقنعة بالنسبة الي ...

[SALIM89]

المشكل شكون اللي يحرص على تطبيق هذه المقترحات الجيدة ...بقلي الدولة --الدولة اصلا غايبة والوزارة راهي غير تسوف في القضية لامتصاص الغضب بلا قرارات جدية وسريعة وغير متسرعة.....وانا اظن ان المشكل في الاضراب الان هو انه يؤدي الى سنة بيضاء وهي سوداء علينا ....رب يجيب الخير

[didin]

الأجانب راح يحبوا الخير للبلاد ؟؟؟؟؟؟؟؟؟؟؟؟؟؟

[lacoste sofiane]

مع كل احترامي لكلامك الا انه غير صحيح بالمرة
اولا بالنسبة لطلبة نظام ال ل م د نحن لا نمنعهم من مزاولة دراستهم
ثانيا بالنسبة لاصدقائنل طلبة النظام الكلاسيكي عليهم ان يحترمو مبدا الديمقراطية
بمعنى يكون هناك تصويت نعم او لا لمواصلة الاضراب والاقلية تتبع وتتحترم راي الاكثرية
اضافة: رايي الخاص والمتواضع: نواصل الاضراب وان كلفنا سنة بيضاء بين قوسين لانني استبعد ان تجرؤ الوزارة على ترك الوضع يسير الى ذلك

[zinousoft]

مع كل احترامي لكلامك الا انه غير صحيح بالمرة
اولا بالنسبة لطلبة نظام ال ل م د نحن لا نمنعهم من مزاولة دراستهم
ثانيا بالنسبة لاصدقائنل طلبة النظام الكلاسيكي عليهم ان يحترمو مبدا الديمقراطية
بمعنى يكون هناك تصويت نعم او لا لمواصلة الاضراب والاقلية تتبع وتتحترم راي الاكثرية
اضافة: رايي الخاص والمتواضع: نواصل الاضراب وان كلفنا سنة بيضاء بين قوسين لانني استبعد ان تجرؤ الوزارة على ترك الوضع يسير الى ذلك

اولا
في قسنطينة مثلا يذهب طلبة الكلاسسيك للكلية على 7 صباحا و يجلبوا السلاسل و الكادنا معاهم و قفلوا البيبان و لا احد يدخل ؟
اليس هذا منع للبقية من مزاولة دراستهم ؟
ثانيا
ّأي ديموقراطية من المضربين ؟ غلق الباب دون مشورة هل هذه أغلبية ام سياسة مظلمة لا يعرف كواليسها الا هم ؟
أحكيلك حكاية معروفة هنا في قسنطينة عن المشوشين و الذي يقودون الجراف ففي احد المرات دخل الطلبة في اضراب
من اجل مطالب شرعية 100 100 و كان قدة الاضراب مصرون على مواصلة المطالب و الناس فاتتها لي كور و صعابت عليها
الدراسة و و ممثلوا الطلبة قالك نحن صامدون ههههه في الاخير جا المدير تع الجامعة قالهم ايا نديرو افار نعلنوا بلي المطالب
ستحقق و نتوما ننجحكم و تحبسوا لاضراب ايا مالا خرجوا ممثلي الطلبة و ديجا هما صحاب في بعضاهم فرخانين و قنعوا
الناس بلي سيبون اي فرات و راح يحلونا المشاكل ايا مالا نص الطلبة عاودوا العام و الفوضوبن الكبار قضاومصالحهم رغم اني لا اظن انهم كانزا مخططين لهذا قبل بداية الاضراب الا ان المسلم يعتبر و ما نحطش ثقة في واحد ما نعرفوش ...
ثالثا
لا أحد يعارضك واصل الاضراب تاعك شرط عدم الاضرار بالبقية انت كلاسيك ماجيستر ؟ اضرب لكن لا تغلق الباب على
من لديه دروس انت عندك بحوث و راك ما خاسر والو كي تتعطل الدراسة لانك في مرحلة بحث و لا تحتاج الى اساتذة
عكس من هو في مرحلة التكوين ..

[lacoste sofiane]

لماذا ذهبت اخي مباشرة الى طلبة الماجيستار وكانني منهم
انا طالب مثلك في السنة الثالثة
للتوضيح فقط ما قلته انا لا يعني انه مطبق في كل الجامعات بل اقول وانبه الى ضروروة احترام التصويت ان كان هناك تصويت اصلا
ما اردت قوله
والله والله والله لو كان الممثلون عندنا ياخذون القرارات وحدهم كما هو الحال عندكم لضربت بعرض الحائط كل ما يفعلون
حاولو ان تختارو ممثلين برضا الجميع وكما قلت لك البقية القليلة تحترم راي الاكثرية وتسير معها
ولا تقل لي لدي دروس مهمة لان الجميع لديهم دروس مهمة وهو حقي وحقك وحق كل الطلبة
اما فيما يخص طلبة ال ل م د انا ضد اغلاق الابواب في وجوههم لان ذلك غير منطقي تماما
موفق

[أبو شنب]

السلام عليكم ورحمة الله تعالى وبركاته

في ظل الأنانية المفرطة من طلبة النظامين و كما قالوها جدودنا كل واحد يقول فولي طياب
في نظري الحل هو في تطبيق قرارت صارمة من الدولة لحماية التعليم العالي

1- تعليق الاضراب من الطلبة بعد العطلة حتى لا ندخل في نفق مظلم نهايته السنة البيضاء

2- منع أي شخص كان من غلق أي مؤسسة تابعة للتعليم العالي ابتداءا من غد

3- أي شخص يريد الاضراب فليضرب شرط عدم منع بقية الطلبة من مزاولة دراستهم

4 - منح مسألة التطابقات الى خبراء اجانب يعني حياديين 100% و يتم درس كل شعبة على حدى بتمعن و تدقيق كبير بين النظامين و أخذ كل شيئ بعين الاعتبار الكم الساعي مستوى الاستيعاب كل الايجيابيات من النظامين و كل السلبيات من النظامين و الاحتكاك و الاجتماع بمدرسي النظامين و المتمدرسين بالنظامين من حين لاخر لغاية نهاية السنة الدراسية و بعدها يصدر القرار الحيادي الذي لا مجال لمناقشته لأنه لا يوجد حل غير هذا في نظري و اي قرار من الوزارة لصالح أي نظام يعني تواصل الاضراب و الفوضى التي هي ليست من صالح اي طرف.

ما تطالبين به يسمى دكتاتورية, الطلبة في البلدان الأخرى يحاربون لتحرير شعوبهم منها و طلبتنا يطالبون بها:mad:

لا يحق لأي كان أن يقر قرارا و يجبر الآخرين على اتباعه و يكمم أفواههم حتى لو كان وزيرا لكن لم تصلنا ثقافة الديموقراطية للأسف بل و نرى بعضا من طلبتنا الجامعيين مؤمنين بسياسة العصا و الحمار.
أي حل يتم طرحه لابد أن يرضي كل الأطراف و إلا فإن كل طرف يملك أن يرد عليه بما يضمنه الدستور من وسائل ببساطة........................................الإض راب.

[أبو شنب]

السلام عليكم أختي

واش نقولك لي حب يدير إضراب يدير على روحو

بصح يجي واحد يقولي دير إضراب بالسيف ماراحش نفوتهاله

ولا يغلقلي الأقسام أو المؤسسة راح ماتفراش

ما دير والو حبيبي غير ريح بالك

[DJI-DJI]

mé kifach li hab ydir greve ydir weli mahabech maydirech???? mé normalement nkounou lyed felyed w ga3 3la kelma wahda wela lala??, pour moi je sui d'accord pour la greve car le ministre ma 7ka 3la walou w 3la l haja li them lé étudiants alors mab9at aucune solution machi homa li y9oulou wach lazem nwelou..... w ida rani ghalet 9ololi yerham waldikom

[khoulita]

سلام

كل واحد فيكم عندو رأي ولكن القرار مش بيدينا
والموضوع للنقاش فقط مش للاستهزاء والردود التهكمية مثل التي رأيتها

لي حب يرد يرد ولي ماعجبوش الموضوع علاش ياتاكي في كاتب الموضوع؟

[mansaf_ch]

المطالبة بالحقوق مش بالتعدي على حقوق الاخرين
ما يحدث هذه الايام هو من يريد حقه يريد على حساب الاخرين يعني يريد ان يكسب و يضر و يحطم الاخرين
يعني و صلنا الى درجة تتحتم فيها الصرامة القصوى للمصلحة العليا للجزائر
نزول نحن و المفيد للمصلحة العليا للجزائر
من له قيمة و يعرف قيمة الجزائر سيدرك كلامي
نتمنى الخير للجميع ان شاء الله