اريد ان اتحصل على 19في الباك ...ادخلوا من فضلكم يا اساتذتي الكرام

[لؤلؤة الايمان]

السلام عليكم و رحمة الله تعالى و بركاته
اساتذتي الكرام الفلسفة مادة رائعة و انا احبها كتيرا و اجتهد فيها حتى ان علامتي فيها لا تقل عن 15و انا اريد ان اتحصل في الباك على 19نعم على 19 ربما تستغربون و لكن هذه الحقيقة اذا كان هناك من اخذها من قبل لماذا لا اتحصل انا مثل هذه العلامة ....فلا تتصورون تحمسي و رغبتي الشديدة في الوصول اليها و لكن لا استطيع لوحدي الا اذا تكرمتم و قدمتمولي بعض النصائح لتحقيق هدفي لانني واثقة بخبرتكم و تجربتكم العظيمة في الميدان و اكون لكم ممتنة
كيف استطيع ان اتحصل على 19 في باكالوريا الفلسفة .......ارجوكم لا تبخلوا عليا بنصائحكم و اراءكم حول الموضوع....

[billel2010]

السلام عليكم
أن أظن أختي أن هده العلامة لن تستطيعي أخدها خاصة في شعبة أداب وفلسفة
حتى ولو كتب لك دبكارت المقالة

[لؤلؤة الايمان]

لماذا لا يا اخي علما انه انا من شعبة علوم تجريبية و ليست شعبة اداب و فلسفة .......كل شيئ ممكن

[لمزابي المقاتل]

ادا كان خطك مليح تديها اوربي كبير
بصح ادا عندك خط كيما انتاعي خط مسماري غير ديري كيما انا وادي معاك تاويل ايعاونك

[لؤلؤة الايمان]

لالا الحمد لله خطي جميل من المفروض....شكرا لردك الذي شجعني كثيرا....

[billel2010]

في شعبة العلوم التجريبية ممكن تأخذيها لكن مع بذل مجهود جبار لا يستهان به لكن أظن أن 19 لن تكون كحد أقصى 18
أما شعبة أداب وفلسفة فيا ليتك تنسى هده العلامة

[مسلم أمره لله]

كل شيء ممكن
لكن باغلتي شوية ب 19
لو قلتي 16 1او 17
ممكن تجيبيها

[الهامل الهامل]

السلام عليكم ابحث عن جميع مقالات الفلسفة الثالثة ثانوي شعبة اداب وفلسفة

[لمزابي المقاتل]

ماتنسايش بلي التصحيح في الثانوية انتاعك ماشي كيما التصحيح في الباك
او زيدي ديري حسابك للحالة انتاع المصحح الي راح يصحح ورقتك
ولكن هدا ماشي باش افشلك ولكن باش تزيدي اكثر عزما باش تحققي واش راكي حابة اديري
وربي يوفقك انشاء الله

[رحمة1]

حقيقة انا لا اتنمى اكثر من 15 لانها ببساطة فلسفة
انا استاذي منحني 17 في فرض و قالي مقالة الأدبيين ميقدروش يديروها و في الامتحان جبت 15
لكن صراحة لا اعتقد انه نقدر نجيب 17 في الباك
منيش نطيح في المعنويات لكن يجب ان نكون واقعيين

[kouaouci]

19 وعلاه مقلتيش 21

من المستحيل المصحح البخيل يعتيك 18


حسبنا الله و نعم الوكيل على المصححين تبا لهم

loool

[ترب الندى]

وفقك الله اختي
انا طالبه في شعبه اداب و فلسفه
و ممتازه في الماده لكني
اتمنى ان احصل على 14 فقط
فهي بكلوريا و الطموح و التفاؤل شيء جيد
لكني لست متفائله مثلك

اتمنى لك الحصول على مبتغاكـ

[يارب رحمتك]

وفقك الله اختي
انا طالبه في شعبه اداب و فلسفه
و ممتازه في الماده لكني
اتمنى ان احصل على 14 فقط
فهي بكلوريا و الطموح و التفاؤل شيء جيد
لكني لست متفائله مثلك

اتمنى لك الحصول على مبتغاكـ

جيّد وفقك الله ..وهل نصحكم الأستاذ بكتاب السبيل ؟ وهل حقا عندما نضع الكثير من الأقوال في المقالة يعطونا نقطة جيدة ؟ لانني حسب مالاحظت في سلم التنقيط الأقوال عليهم بالاكثر 3نقاط

[الجزائر نور عيني]

السلام عليكم شيء جميل اختي طموحك لكن مع الاسف الواقع غير ذلك
احنا عندنا الاستاذة ماتمد والو في الدرس الا القليل وكي تديري مقالة انشالله تكون مليئة بالمقولات ماتطمعيش غير ب12 الله يستر والله مانعرف كيفاش نقرا الفلسفة

[imene lidya]

من اللمكن جدا ان تتحصلي عللى 19 او حتى على 20 بعدما كان من غير الممكن الحصول على 18
البكالوريا الجديد كل شيء ممكن

[nova alegerie]

انا من شعبة الرياضيات ولكن الدروس في الفلسفة واحدة قوليلي اي مقال راكي حاباتو او نمدولك

[نور بشير]

السلام عليكم و الله يأختي الكريمة قادرة تتحصلي على 19 في الفلسفة لان المعامل مش عالي لانك علمية اما الادبيين عندنا اعلى نقطة 17 و يديها واحد واحد برك انا فوتت العام الى فات و الله غالب ما ربحتش جيبتو بـ 9.53 مع العلم اني أخذت في الفلسفة 13.50 و انا شعبتي اداب و فلسفة طحت في اللغات و خاصة في الانجليزية ديت 0.50 تخيلي و الله مع العلم اني خدمت فيها بصح الله غالي حتى المصحيين و الله ما عندهم الرحمة على الاقل 2 بصح هذا المكتوب ان شاء الله نفرحو هذا العام كامل و يكون بمعدلات عالية آمين يارب العالمين و ربي يوفقك كل الممتحنين

[عاشقة رسول الانام]

بالعزيمة و الارادة كل شيء ممكن

والله معك انشاء الله

راجعي دروسك جيدا

ولا تفقدي الامل ان قالو لك"هذه العلامة مستحيلة

فلا يوجد شيء مستحيل

[لؤلؤة الايمان]

لم اتحصل على 19 و لكنني تحصلت على اعلى علامة و هي 17 و الحمد لله رب العالمين

شكرا لكل من رد على الموضوع و شجعني .....شكرا لكم اخوتي و لكن اخواتي

[zoubir92]

بنسبة ل يارب رحمتك حسب مانعرف بلي كى دير مقولة ولا مثال من الواقع تدي نقطة وحد
انا نتمنى نجيب 15 في الفلسفة على خاطر ديما نجيب فيها 13 /20 ان شاءلله لباك 15/20

[zoubir92]

ان شاءلله ننجحو برك

[منى 92]

انشاء الله اجمعين يازوبير

[منى 92]

بنسبة ل يارب رحمتك حسب مانعرف بلي كى دير مقولة ولا مثال من الواقع تدي نقطة وحد
انا نتمنى نجيب 15 في الفلسفة على خاطر ديما نجيب فيها 13 /20 ان شاءلله لباك 15/20

اخي اسمك زبير او لقبك
لان اللقب تاعي زبيري

[zoubir92]

اسمي زبييييييييييير

[barrca1980]

قال لي أحد المصححين: أن نقطة الفلسفة وصلت ل 20/20 لا تتفاجؤو نعم20/20 لكن الإجابة كانت
بمعنى الإجابة الخط .المعلومة بما فيها أقوال الفلاسفة ترتيب الأفكار الأسلوب أي لايوجد ما يقوله المصحح

إلا ما شاء الله .....فأرجو ا من الله أن يوفقك إلى الحصول على ما تتمنين .....................

[Sunshine93]

أحسن طريقة لتحصيل نقطة جيدة في الفلسفة الحفظ أم الفهم؟؟ أرجو الاجابة بوركتم

[okba.okba3]

السلام عليكم أنا قالي الأستاذ نتاع الفلسفة اي واحد يعرف الفلسفة يدي 20/20

ونا نخاف من الفلسفة

ندي فيها 12 حتي 13

[zoubir92]

لفلسفة لازمها فهم ثم فهم ثم فهم وببعد تجى لحفاضة وحدها على خاطر كون متفهميش واش راكى تكتبي او متقتنعيش انتى بيه مستحيل المصحح يقتنع لازم في لمقال تقنعى المصحح

[imab]

impossible

[roukaya]

لا يوجد هناك شيء مستحيل ادا كانت اجابتك مثل الاجابة النمودجية قد تتحصلين على 20 وليس 19 . وربي تنجحي بتفوق

[منى 92]

السلام
رقية في اي شعبة انت

[خولة لبابة]

السلام عليكم
انا من شعبة اداب و فلسفة و هذا العام ساجتاز الباكالوريا و دائما اتحصل على 14 او 15 لا اكثر و لا اقل و في الامتحان تحصلت على 15.50 و قال لي الاستاذ تقدري تتحصلي على 19 بالجد و المثابرة........نعم يا اختاه هناك حتى علامة 20 الله المستعان.....فقط اخاف من الانجليزية لا اتقنها كثيرا........و ليوفقنا الله جميعا و نمارس طموحاتنا.......اميييييييييييييين.........
الطريقة التي اتبعها في نيل علامات جيدة في الفلسفة.....
افهم كل شيء من الاستاذ و ابحث في الانترنت اكتب مقالات احاول تصحيحها و اقدمها للاستاذ يصححها لي و بعدها احفظها مع الفهم...فمثلا حفظت مقالة حول الشعور و اللاشعور مقالة جدلية.....يعني موقفين........و استاذنا قدمها لنا في الامتحان استقضاء بالوضع.....هنا عملت موقف واحد هنا........كتبت ما حفظته....و وسعته بكل ما كان استاذنا يقوله في القسم........تذكرت جميع الامثلة التي ناقشناها في القسم........و تحصلت على علامة جيدة........هذه منهجيتي اتمنى ان تنتفعوا بها....

[جينان الفردوس]

et tout est possible si tu veux tu peux

[ka_ak1000]

ياوووو نجـيب غير 14 بـزاااف عليــــا

[khelifa8]

السلام عليكم ابحث عن جميع مقالات الفلسفة الثالثة ثانوي شعبة اداب وفلسفة

تفضل بعض المقالات

http://www.djelfa.info/vb/showthread.php?t=138213

[khelifa8]

السلام عليكم و رحمة الله تعالى و بركاته
اساتذتي الكرام الفلسفة مادة رائعة و انا احبها كتيرا و اجتهد فيها حتى ان علامتي فيها لا تقل عن 15و انا اريد ان اتحصل في الباك على 19نعم على 19 ربما تستغربون و لكن هذه الحقيقة اذا كان هناك من اخذها من قبل لماذا لا اتحصل انا مثل هذه العلامة ....فلا تتصورون تحمسي و رغبتي الشديدة في الوصول اليها و لكن لا استطيع لوحدي الا اذا تكرمتم و قدمتمولي بعض النصائح لتحقيق هدفي لانني واثقة بخبرتكم و تجربتكم العظيمة في الميدان و اكون لكم ممتنة
كيف استطيع ان اتحصل على 19 في باكالوريا الفلسفة .......ارجوكم لا تبخلوا عليا بنصائحكم و اراءكم حول الموضوع....

والله ممكن ذلك ، كل من عزم على امر ناله.. بالتوفيق

[dz-yac]

12 متزيدش
اعلى علامة عندنا 12 - 13 - 14 شعبة ادب وفلسفة

[rachid 2012]

انا طالب اداب وفلسفة و اعرف شخصا اخد 18 في bac 2011

[halim halim]

يابنيتي العمل ثم العمل العلامة في جميع الموادقد تصل ال20 وعليه إدا توفرت شروط العلامة الممتازة فلما لا يا لؤلؤة نتمنى أن تكوني لؤلؤة في سماء الفكر الفلسفي ، أنا أستاذ المادة وعليه أبارك لك في هذه الثقة الكبيرة واصلي الأجتهاد وفقك الله ونتمنى من أعماق قلبي تحقيق هذه الأمنية شكــــــــــــــــــــــــــــــــــــــــــــــــ ـــــــــــــــــرا

[ابراهيم داود]

نعم يمكنك الحصول على علامة 19 من 20 و يعجبني طموحك العالي، لدي تلميذة بنفس طموحك و أنا أبذل جهدي لكي تحقق لي هذا الحلم لأن حصولها على هذه النقطة هو نجاح لي ، لكن يجب التنويه أن ذلك امر صعب و يتطلب جهودا مضاعفة أما الطريقة فهي أن تحاولي احترام تفاصيل سلم التنقيط ن فقد كانت الفلسفة قبل الاصلاح لا تخضع لسلم دقيق في التنقيط أما اليوم فبامكان التلميذ ان احترم تفاصيل هذا السلم و حلل الموضوع بالشكل اللازم والكافي أن يحصل على علامة تفوق 18 و أنا شخصيا منحت لعدة طلبة من قسم علوم تجريبية علامة 18.5 و قد كتبوا مقالات ممتازة جعلتني انبهر

[mcayasser]

انا عقبت العام اللي فات ودرت وحد المقالة تاع العدالة فيها واحد الثمانين سطر يعني مخيطة يشوفها روسو ولا ديكارت يحبس من راسو وحطولي 15 وينك نتي علمية وتحوسي علي 19 ااااااااااااااااااااووووووووووووووووووووووووو:1::1 ::1::1::1::1::1::1::1::1: موحااااااااااااااااااااااااااااااااااالللللللللللل للل

[نهي]

كي تجيبي برك15 راكي انشتاين

[YOUNES120]

ياوووو نجـيب غير 13بـزااااااااااااااااف عليـــــــــــــــــــا

[djaberbac13]

ربي يوفقك أختي الكريمة أكيد أن الإرادة و المثابرة تولد فيك حماسة حصولك على هذه النقطة .... موفقة أختي الكريمة و نتمناو كااااااااااااامل ننجحوا اللهم ااامين

[L4p!nE]

3andi sa7bi da 18.75
mais tu c ch7al ktab ?
8 pages xD
kaml l moufid
bah da 18.75
ya khti bn chance ida 3andk braa 9awi ou stelo mayakhlsch
ou khayal wasi3 bn chance (y)

[dorkaim]

نتمنالك التوفيق و النجاح يـــــــــــا رب

[amine 2012]

الطمع يكون من 1 الى 15
اما انت فطمعت في الخيال 19 مستحيل
انا 16 مستحيل لك لا احسدك لكن سترين دلك يوم تسلمك لكشف النقاط

[jiji17]

السلام عليكم و رحمة الله تعالى و بركاته
اساتذتي الكرام الفلسفة مادة رائعة و انا احبها كتيرا و اجتهد فيها حتى ان علامتي فيها لا تقل عن 15و انا اريد ان اتحصل في الباك على 19نعم على 19 ربما تستغربون و لكن هذه الحقيقة اذا كان هناك من اخذها من قبل لماذا لا اتحصل انا مثل هذه العلامة ....فلا تتصورون تحمسي و رغبتي الشديدة في الوصول اليها و لكن لا استطيع لوحدي الا اذا تكرمتم و قدمتمولي بعض النصائح لتحقيق هدفي لانني واثقة بخبرتكم و تجربتكم العظيمة في الميدان و اكون لكم ممتنة
كيف استطيع ان اتحصل على 19 في باكالوريا الفلسفة .......ارجوكم لا تبخلوا عليا بنصائحكم و اراءكم حول الموضوع....

وواو اختي راكي تتحداي في الفلسفة وزديها علمية راكي تشرشينة حنا نحوسو على نقطة عادية باه نجيبو الباك برك
على كل حال ربي يوفقك

[Catal0ni]

الادبيين ديما متشائمين على هدا مايتحصلوش على نقط جيدة

[سهيلة جنا]

انا ادبية والحلم نتاعي نجيب 16 في الفلسفة مي علابالي مستحيلة غير لي عندو زهر بصح انا مصرة وحابا نجيب فيها 16 بربي ان شاء الله

[riadb1993]

صدقييني الأستاذ لي يقري فينا قالنا صححنا ورقة نتاع فلسفة في الباك علامتها 19 و قالنا عقبت على 6 أساتذة ثانـــــي كل شيئ متوفر فيها و موسعة بشكل ممتاز.....شعبة اداب و فلسفة ...يمالا ربي يوفقك لا شيئ مستحيل.

[faroukovic italiano]

مستحـــــــــــــــــــــــــــــــيل حتى لوكنت افلاطون

[thaliame]

barkay mat3ayi fina loukan djibi 16 bark trohi win thabi matkabriche bezzaf karchak !!!