التوظيف في المسيلة

[حضنية28]

للأسف الشديد ما يلاحظ في ولاية المسيلة خصوصا في السنوات الأخيرة هو توظيف أعداد كبيرة من منطقة معينة بحد ذاتها والمسماة بمنطقة حمام الضلعة وونوغة
وبصراحة في جميع الإدارات والمصانع المنتشرة عبر الولاية ترى اغلبية العمال من تلك المنطقة بحيث هناك أشخاص يدخلون للعمل عبر الرشوة والمعرفة وهذا الأمر جلي وواضح سواء العاملين بالتوقيت الجزئي 05 ساعات أو المتعاقدين
والإستفسار المطروح أين السلطات المحلية وأهل المسيلة من هذا الأمر فوالله يتم التوظيف عبر التركيز على منطقة معينة
ولمن أراد معرفة أكثر أنصحه بالتوجه لمكتب التشغيل ليعرف أكثر
والإدارة النموذج هي امبراطورية مديرية التربية واللتي أصبحت حكرا على أشخاص معينين وهم معروفون ونافذون فيها
نود أن ننا قش هذا الأمر اللذي هو موضوع الساعة في الولاية

[حضنية28]

أين المناقشة

[vontoum]

انا من احدى مناطق المسيلة
في الحقيقة الولاية تمارس نوع من الجهوي فهي تهتم بالمناطق الشمالية على حساب المناطق الجنوبية
لانها تعرف ان مدينة بوسعادة ستصبح ولاية وتظم البلديات الجنوبية
هذا ظلم مكشوف لنا منذ سنوات ولكن تاكد لن يستمر الوضع

[aissamchemora]

خويا من كلامك انت تعرف بروحك
انت كما ارى انا عبارة عن فوضى
انا من ولاية باتنة و في الحقيقة انا بعيد عن مسيلة لكن لتكن لك احترافية في كتابة المواضيع
صح ريكلامي مي باه تذكر ابناء بلدتك بالاسامي فهذا خطأ
باغي تريكلامي و إلا ليدك مناقشة نحن هنا لكن لا داعي لذكر اسامي او منطقة معينة
انت تفول مسيلة تفضل الشمال على الجنوب
علاه مسيلة هذه هي كل الجزائر
هل لسكان الشمال المسيلي حاسة زائدة او صفة زائدة
راكم كلكم سواسية كي الجنوب كي الشمال
والله انا تبالي راك في السودان
يا أخي هذه هي بلادنا وهذوا هما نحن
كي مانقدروش على حاجة انوليو انتبعوا في الجهوية و بن عميس و غيرها
انا تبالي راك جامعي و واعي كل الوعي باه ايكلحوك ويقولون لك مسيلة الشمالية خير او الجنوبية افضل فهذا هو الخطا
ودير هذا الكلام مليح في بالك
وفيق يا خويا العزيز
والسلام
عصام الشمري

[maarou28]

علاه عندك حق أنت أحكي ماشفتش واش راهو سايير في هذي الولاية
نقلك وعلاش الولاية الوحيدة إلي ما تطلبش شهادة الإقامة في الدوسيات
علابالك راهم ينجحو عندنا غير من الولايات الأخرين نتاع المسيلة يموتو
تروح إلى ولاية أخرى باه تشارك في كونكور يقولولك شهادة إقامة
زيد بالفعل المسيلة راهي قاع ونوغة وحمام الضلعة وعلاش شحال عندهم من نسمة
ربي يجيب الخير وأحكي على باتنة ماشي المسيلة رانا حنا إلي نعرفوها

[hamza.mokrane]

السلام عليكم...
أنا قرأت موضوع التوظيف في المسيلة........سبحان الله ......الناس وراهي وناس وراهي........اللي تكلم على هذا الموضوع بهذه الطريقة نقولك ربي يهديك........وأنا رأيي مع انتاع باتنة............نقولك...أنا من حمام الضلعة ومتخرج منذ سنة 2007 ورانا في 2011 وراني بطال.........وكاين اصحابي تخرجو قبلي ماهومش خدامة.............وعلاه تتهم في ناس حمام الضلعة.......وونوغة........اللي يسمعك تهدر هكذا يقول المسيلة انتاعك ...المصانع انتاوع الجزائر اكل جايين في المسيلة............الشباب اوكل راهم في البطالة كي انتاوع المسيلة كي انتاوع حمام الضلعة كي انتاوع بوسعادة.........كي ما تعرفش تريكلامي تولي تهدر على العصبية...........خليك الناس طلعو للقمر ودول اوروبا اتوحدو اكل في الاتحاد الاوروبي وانتوما مازالكم تهدرو هذا مسيلي هذا بوسعادي....هذا من حمام الضلعة......
نزيدك .... عندنا في حمام الضلعة مصنع الاسمنت acc (لافارج) علابالك أغلبية اللي يخدمو فيه ماهمش من ولاية المسيلة......بالصح انا فهمت ضرك لاه.....لأنو ناس المسيلة يتبعو في بعضاهم ويحسدو في بعضاهم.............
كي تعود تعرف تهدر........روح ريكلامي على lafarg وعلاه ماتخدمش فيها انت وليد الولاية...................
ربي يهدينا.......أنت والله ما حبيت نرد عليك........رديت بواه الناس اللي تقرى الموضوع تفهم.
سلام

[القرصان رضا]

سؤال : لماذا تم فتح فرع لمديرية التشعيل في حمام الضلعة ولم يتم فتحه في بوسعادة او برهوم ؟

على الرغم من ان الكثافة السكانية في بوسعادة وناحية برهوم مقرة اكثر نسبة سكنية من حمام الضلعة

-----------------------------------------------------

[حضنية28]

الإدارات في المسيلة ممتلئة بأصحاب ونوغة وحمام الضلعة وأتحدى أي شخص يثبت عكس ذلك
بالنسبة لمديرية التشغيل اللتي هي عبارة عن امبراطورية للخرابشة أي أصحاب ونوغة هي خير دليل على ما أقوله
أهل هذه المنطقة والله بصراحة أصحاب نميمة كبيرة ورشوة وعدوهم الأول هو ولد البلاد ووالله هذا واقع ونعيشه في عملنا
يدفعون الرشاوي للفوز بالمناصب مستعدون لفعل أي شيء للعمل هم أنا س خلاطة ولا امان فيهم على الإطلاق باستثناء القلة القليلة
وكما يقال الخدام ما يخلوهش عبر توصيل الهدرة وتلفيق المعلومات المغلوطة عليه للمسؤولين
لكن للأسف ولاد البلاد ما كانش وما همش يد وحدة

[حضنية28]

للأسف حتى بعض أبناء البلاد متفاهمين ويخلطو معاهم

[حضنية28]

مؤخرا تم توظيف خمسة عمال من أبناء منطقة واحدة معروفة وهي منطقة الخرابشة
والله قمة المحسوبية والرشوة والمحاباة

[rouchi]

"السلام عليكم ورحمة الله تعالى وبركاته أما بعد : ربي يهديكم انشاء والله ويزينلكم لحوال نتاعكم ، ولا ليميغدرش على حاجة يولي يرجعها للرشوة والمعرفة إيه هما كاينين بصح كاين ثاني ليخاف ربي وعلى حساب الشوفا لراه يهدر على خاوتوا بهذه الهدرة مايخافش ربي وعذابه عند ربي عظيم ، هما كيما راكم تهدر يدفع الرشوة يدوا في الاثم ونتم قاعدين تبعوا فيهم تدوا الاثم أكثر منهم ، ادعيو ربي يهديهم ويهدينا أجمعين وحضروا رواحكم للصح والمسابقات وفي الأخير أذكر لكم قوله تعالى " وكل من عليها فان ويبقى وجه ربك ذو الجلال والاكرام

[moi1]

ان شاء الله احنا لما نتوظفو لازم ما نديروش الجهوية ونحيو هذي تاع المعريفة
وان شاء الله منا احنا راح تتغير الدولة الجزائرية بشبابها وشاباتها

[rafikooo]

asosa عندو حق شوفو في كل الادارات نتاع مسيلة اولاد وبنات حمام الضلعة خدامين سبحان الله تلقاوهم زايدين في 1990 وخدامين؟؟!!!!!!!!......