شكون لي يفهمني ربي يجازيه؟؟؟ [الأرشيف] - منتديات الجلفة لكل الجزائريين و العرب

مشاهدة النسخة كاملة : شكون لي يفهمني ربي يجازيه؟؟؟

nassima 14

2011-03-30, 14:59

اليوم 30 - 03 - 2011 استدعيت لاجراء مسابقة الخاصة برتبة متصرف لصالح مديرية الادارة المحلية في ولاية تسمسيلت علما أني من ولاية تيارت
حضرت روحي مليح و توكلت على ربي المهم هو بعد ساعة ونصف على الوقت المقرر لاجراء أول اختبار دخلت للقاعة مجموعة من الشباب يقولوا :
" كونوا رجالة غي مرة في حياتكم و خرجوا معانا ولازم غي سكان تسمسيلت يدخلوا لهاذ المسابقة" ؟؟؟؟؟؟؟
خرجوا معاه عدد لابأس به من المترشحين في حين البقية قعدت تنتظر فالامتحان و ملبعد مدة قالونا خرجوا بعد ما صرح مدير المركز الجامعي بالغاء المسابقة
يا هل ترى مطالب مترشحين تسمسيلت مقبولة في نظرك؟؟؟؟
هل توجد تعليمة أو قانون في وظيف العمومي يمنعنا من المشاركة معهم ؟؟؟ علما أن هذه أول مسابقة تشرف عليها ولاية تسمسيلت الجماعة كانوا يفوتوا في تيارت أو في المدن الأخرى .

sarl02

2011-03-30, 15:33

ماشي من حقهم ..او زيد شعب قيالار قاع شا جاك منو

imed bb

2011-03-30, 18:13

ولاية تيارت ;;;;;;;;;;;;;;;;;;;;;;;;;;;

adeladda

2011-03-30, 18:19

خطينا من الجبورا نتاع فيالار
انا ايضا كنت موجودا هناك بلاد العجب
المطلوب من التيارتية المعاملة بالمثل

nassima 14

2011-03-30, 18:42

لا خويا حنا راه ضارنا قلبنا من الفساد الحكومي و إذ بالفساد و الحسد فينا حنا
هذا حامل لشهادات العليا هذا اطار المستقبل هذي عقلية لي تغيير النظام ؟؟؟؟
جايب فكرة و قضية لا محل لها من الاعراب
يلا معندوش الحق على أي أساس قام مدير المركز الجامعي بالغاء المسابقة؟؟؟
هاذي لي مفهمتهاش؟؟

aminosaidi

2011-03-30, 18:53

تصرفات عشوائية ولا أساس لها من الإعراب كيما قلتي أختي يصح صدقيني هادي البلاد كل شيئ فيها مباح وجائز

adeladda

2011-03-30, 19:29

nassima 14

2011-03-30, 19:38

صح و الله لا صح الماتش مبيوع
ربي وكيلهم

الظل الخفي

2011-03-31, 15:55

المهم أنك جزائرية

ولكن الله غالب

كل واحد يدير قانون من راسو

ربي وكيل هاذ الجهال

nassima 14

2011-03-31, 19:34

جماعة راني سقسيت و قالولي نورمالمو متسكتوش هاذي مجابها حتى قانون
كون رحتو للوظيف العمومي تاع تسمسيلت لأنو مدير المركز الجامعي معندوش الحق باش يلغي المسابقة
وزيد نروحو لدار الصحافة ينشرو هاذ المهزلة و تطلع الشكوى تاعنا

omaramar

2011-04-02, 10:29

أختي نطلب من الله ان يهدينا لان جماعة تسمسيلت منافقين لان كلهم درسوا في تيارت واجتازوا امتحانات الخاصة بولاية تيارت.
حتى وصل الامر باحد الجاهلين الذين قاموا بتحريك الفوضى انه شارك في مسابقات تيارت وانهم ظلموه باعطائه معدل06في حين تم تضخيم معدلات ابناء تيارت.
الفائدة أختي nassima 14ذهابك لم يذهب سدا وتمكنت من سحب نقودك

drazice

2011-04-02, 13:23

تمييز جهوي ... يعني ليسكن في ولاية ريفية أو ولاية صحراوية ليس بها إدارات مايخدمش متصرف إداري!?
راك جزائري تترشح وين حبيت.. أنت في بلاد مستقل تخدم وين حبيت
الغلطة تعكم كي مادربتوهمش الناس هادم الجهلة

mohamed888

2011-04-02, 15:23

ما حقش عليهم كلنا جزائريين
واحنا جهتنا في الشرق ما فيهاش كيما هذو لحوايج يعني تعقبي مع السطايفية لقسنطينية لعنانبة نورمال
ربي وكيلهم هذو ولا اعتقد ان كل ناس تيسمسيلت كيما هكذا

DEGHAIMA1

2011-04-02, 23:41

أختي الكريمة والله أنا راني محتار من عقليتنا كل مرة ونشوفوا جديد لكن هذا الجديد تراجع للوراء كيف الدولة تكثف مناصب لتوظيف الإطارات لكن في المقابل عراقيل ادارية ليست من القانون بشئ مثل ولاد البلاد كيما راه العقلية تدور عيب وعار كلنا جزائريين لنا الحق في العمل بأي شبر من الوطن الغالي وأضيف لك قائلا مارأئك في مسابقة كان الناجحين فيها كلهم من خارج الولاية أي الذين تحصلوا على معدل 10 فمافوق لكن في النهاية فوجئو بطلب شهادة الإقامة والا تلغى المسابقة فيها 15 منصب عيب وعار أين قانون الوظيف العمومي واين قانون التوظيف مدابنا المديرية العامة للوظيف تفصل في هذه الإختراعات والا كل واحد يقعد تحت أمه ومن شق الفم يرزقه ياحبذا لو حبيتونا وحبيتو الجزائر الغالية يالي راكم شبعانين ديرو حساب الجعات نحن اخوة وبخاصة المجتمع الجزائري ساعدو أب الجزائر مفتاح الخير على البلاد والعباد الرئيس العزيز عبد العزيز اب الجميع وحبيب الجميع والراعي الرسمي للبلاد كون معاه وساعدوه تشوفوا أين تصبح البلاد في أعلى العليين مع التوفيق

احمد مستغانم

2011-04-03, 09:54

من حقهم علاه علاه قلو الرجالة في تيسمسيلت ويا انيسة لازم تخدمي ولا كيفاه سبحان الرب المعبود والله ثم والله من الاسباب غليان الشعب هو طغيان العنصر النسوي في العمل في قسنطينة من ضمن 190منصب ابتدائي 180 بنت مقابل 10 رجال وراهي العدالة الالهية غليزان 60 منصب 52 بنت مقابل 8 رجال نخدمو راجل باه نبنو عائلة لا هم يخدمو بنت باه يهدمو عائلة يا رب ارحم هذه الامة ......أمين

nassima 14

2011-04-03, 13:53

[quote=احمد مستغانم;5503178]من حقهم علاه علاه قلو الرجالة في تيسمسيلت ويا انيسة لازم تخدمي ولا كيفاه سبحان الرب المعبود والله ثم والله من الاسباب غليان الشعب هو طغيان العنصر النسوي في العمل في قسنطينة من ضمن 190منصب ابتدائي 180 بنت مقابل 10 رجال وراهي العدالة الالهية غليزان 60 منصب 52 بنت مقابل 8 رجال نخدمو راجل باه نبنو عائلة لا هم يخدمو بنت باه يهدمو عائلة يا رب ارحم هذه الامة ......أمين[/quot

متقلقش روحك خويا قضية العنصر النسوي حاجا و خداخرا و نزيدك حاجا الرجلة على الحق ماشي على الباطل و هاد الشي حسد
و دير في بالك هادا الراجال لي راك تقول عليه الاحتجاج تاعوا يلا سميناه احتجاج مكانش على النسا تاع تيارت كان على التيارتية رجال و نساء ككل
المشكل تاعهم باغيين مسابقة جهوية هادا باش نفهمك يلا مراكش فاهم علاه رانا نهدروا

zaki4482

2011-04-03, 14:24

Made in bladi

redooane

2011-04-03, 17:35

انت ظلمتي نفسك كي رحتي تفوتي كونكور في تيسمسيلت

nassima 14

2011-04-03, 20:08

انت ظلمتي نفسك كي رحتي تفوتي كونكور في تيسمسيلت

و الله ماكنت حاسبة كيما هاك لأنو تسمسيلت كلها تقرا في تيارت و صحاباتي من تسمسيلت و دير المسابقات تاعها في تيارت و في ولايات أخرى
و قلت أنا مبقاش هاد التخمام تاع نتا منين و أنا منين أنا والله غير مدابيا قاع الشباب يخدمو و الراجل قبل المرأة و درت في بالي بلي قضية الكل هي الجامعي البطال

الناصر لدين الله

2011-04-03, 20:15

المشاركة في المسابقات مفتوحة لجميع المواطنين دون استثناء
مسألة أولوية ابناء المنطقة المعنية هي مطروحة فقط في ولايات الجنوب

nassima 14

2011-04-03, 22:20

المشاركة في المسابقات مفتوحة لجميع المواطنين دون استثناء
مسألة أولوية ابناء المنطقة المعنية هي مطروحة فقط في ولايات الجنوب

ماشي قاع الناس يفهمو و الغلطة مالمسؤولين

said2840

2011-04-04, 00:03

أولا : قصة نتاعكم تضحك.ثانيا: حنا في الصحراء الجهوية كاين في بعض الأماكن خاصة في سونطراك وكلوا كلام والتطبيق 0000بالماية
ثالثا: كلنا جزائرين وعندنا شهادة إقامة في الجزائر .رابعا: العام لفات فوتوا كم من كونكور في مديرية التربية نتاع غرداية وكاين ناس من تيارت و...... فوتوا وربحوا بصحتهم أما قضية راجل وامراة البقاء للأصلح البقاء للأقوى البقاء لعندو معرفة مليحة البقاء ليعطي دراهم أكثر أنا راجل وماشي ضد فكرة أنو النساء تغلبوا على الرجال ياخي من حقهم هم أحسن وأنا أعترف جامي ظلمتني إمراة في قرايتي وحتى في خدمتي وياما رجال تبهدلت منهم ولو كان جات بيدي قسما بالله نرشح مرأة على راجل بتكون رئيسة الجزائر ولما لا العالم، سبحان الله يخدموا خير منا.....، الدليل 67 بالماية جامعيات وأكثر من 70 بالماية من موظفي التربية والتعليم إناث

redooane

2011-04-04, 12:27

و الله ماكنت حاسبة كيما هاك لأنو تسمسيلت كلها تقرا في تيارت و صحاباتي من تسمسيلت و دير المسابقات تاعها في تيارت و في ولايات أخرى
و قلت أنا مبقاش هاد التخمام تاع نتا منين و أنا منين أنا والله غير مدابيا قاع الشباب يخدمو و الراجل قبل المرأة و درت في بالي بلي قضية الكل هي الجامعي البطال

يا الاخت أنا هاذ الشي لي حكيتيه يبانلي حاجة عادية من عند غاشي كيما هاذوك la verite، أنا راني نقرا ثم في المركز الجامعي تاع تيسمسيلت و شايف العقلية كي دايرة. الحقيقة رحت لشحال من ولاية و تعاملت مع أشخاص من ولايات بزااف، بصح جامي شفت العقلية كيما تاع ناس تيسمسيلت (إلا من رحم ربي). الله يوفق

nassima 14

2011-04-04, 18:28

يا الاخت أنا هاذ الشي لي حكيتيه يبانلي حاجة عادية من عند غاشي كيما هاذوك la verite، أنا راني نقرا ثم في المركز الجامعي تاع تيسمسيلت و شايف العقلية كي دايرة. الحقيقة رحت لشحال من ولاية و تعاملت مع أشخاص من ولايات بزااف، بصح جامي شفت العقلية كيما تاع ناس تيسمسيلت (إلا من رحم ربي). الله يوفق

ربحوا غي العيب و الناس دات عليهم فكرة ماشي مليحة

youcef_1015

2011-04-05, 12:15

?????????????????????????????????????????????????? ?????????????????????????????????????????????????? ??
راني نشوف ناس راهم روطال مزال معرفوش الادارة كيفاه تمشي في الجزائر

الجزائر بلاد المعجزات