إلى ناس تبسة

[حبايب2008]

خاوتي باه نعقب امتحان كتابي ضباط الشرطة في تبسة أريد إجابة عن أسئلتي الله يستركم.
هل مدرسة الشرطة قريبة من محطة المسافرين وهل يوجد فنادق قريبة من المدرسة والسعر المعمول به ..وجزاكم الله عنا كل خير.

[badr alg]

السلام عليكم انا راح نعقب في تبسة انت منين

[nesrine3]

ماشي بعيدة بصح لازم تروحي في تاكسي/ الفنادق لقريبة ماشي ملاح ننصحك روحي لفندق الأمير أو الأهرام في طريق قسنطينة

[حبايب2008]

السلام عليكم انا راح نعقب في تبسة انت منين

من واد سوف خويا.

[حبايب2008]

ماشي بعيدة بصح لازم تروحي في تاكسي/ الفنادق لقريبة ماشي ملاح ننصحك روحي لفندق الأمير أو الأهرام في طريق قسنطينة

بارك الله فيك أختي.

[دادس]

رد بالك على روحك في تبسة راهي مشي ساهلة خويا نصيحة فقط

[DJAMEL_t85]

يا خويا مرحبا بيك في تبسة المدرسة ماشي بعيدة على المحطة بصح روح في تاكسي خير
الفنادق راي ماكانش ياسر واللي كاينة غالية شوية ننصح خويا بفندق كركلا في وسط المدينة روا رخيص ومليح الله لعالم الليلة ب50000. بالتوفيق

[عمي صالح]

رد بالك على روحك في تبسة راهي مشي ساهلة خويا نصيحة فقط
بسم الله .الرحمن .الرحيم
الحمد لله. رب. العالمين والصلاة والسلام على أشرف. الأنبياء والمرسلين وبعد:
السلام. عليكم و رحمة. الله و بركاته
جزاك. الله. خيرا . و بارك .الله. فيك
لايحق لك ما قلت لأن تبسة لم تكن وطنا آخر بل هي جزء من هذا الوطن الحبيب
لها ما له وعليها ما عليه إن كان مخيفا فهي كذلك وإن كان العكس فهي كذلك والحديث يقول : { ( صحيح ) وعن أبي هريرة رضي الله عنه أنه سمع النبي صلى الله عليه وسلم يقول إن العبد ليتكلم بالكلمة ما يتبين فيها يزل بها في النار أبعد ما بين المشرق والمغرب رواه البخاري ومسلم والنسائي ورواه ابن ماجه والترمذي إلا أنهما قال ( حسن صحيح ) إن الرجل ليتكلم بالكلمة لا يرى بها بأسا يهوي بها سبعين خريفا }
و السلام. عليكم و رحمة. الله و بركاته

[GOUKI.RD]

انا تاني راني رايح نعقب في تبسة
من واد سوف

[azizguir]

بالتوفيق للجميـــــــــــــــــــــــــــــــــــــــــــــ ــــــع

[رحيق الايمان]

سلام خويا مرحبا بيك في تبسة و ربي ينجحك
اما على سؤالك نقولك روح للاوبيرج خير ليك و اقل تكاليف تقدر تروح ليه من المحطة تاع المسافرين تركب في حافلة الحمامات تحطك قدام الاوبيرج و الا كنت حاب تقيم في فندق ننصحك بالاهرامات او الامير وهوما في زوج قراب للمحطة يعني تخرج منها تمشي شوي تلقاء اوتيل الاهرام و نفس الشئ لمدرسة الشرطة تقدر تروحلها مشي و بما انك ما تعرفش تبسة روح في الاول ليها بتاكسي ربي يوفقك
اما الاخ الي قالك تبسة صعيبة نقول ليه حسبنا الله و نعم الوكيل صح صعيبة لانها بلاد الرجالة تاع الصح

[تبسي زوالي]

عمي صالح كفى و وفى....
مرحبا بخاوتي في تبسة
انا جوزت العام الماضي في المدرسة هذي اول شيء اثناء الدخول هو انهم يسلمولكم قصاصات تكتبو عليها اساميكم ثم تلصق على الهاواتف النقالة دون شريحة ثم تجدون اسمائكم على لوحة خاصة بالاعلانات حسب الاسم وتجدون امامها رقم الحجرة تتوجهون الى الحجرات كل حجرة بها 40 مترشح توزع عليكم اسئلة المادة الاولى ثم الخروج الى الساحة كاين نادي صغير تقدرو تشرو واش تحتاجو..........
ربي ينجح الجميع....

[حبايب2008]

أتقدم من هذا المنبر بأحر التحيات إلى كل سكان تبسة فوالله نعم الرجال .

[نونو212]

اخي كي توصل للمحطة تلقى النقل الحضري قولو وصلني للمدرسة الشرطة وانصحك بفندق المحطة فهو قريب من المحطة وربي يوفقك

[خيري 12]

بسم الله .الرحمن .الرحيم
الحمد لله. رب. العالمين والصلاة والسلام على أشرف. الأنبياء والمرسلين وبعد:
السلام. عليكم و رحمة. الله و بركاته
جزاك. الله. خيرا . و بارك .الله. فيك
لايحق لك ما قلت لأن تبسة لم تكن وطنا آخر بل هي جزء من هذا الوطن الحبيب
لها ما له وعليها ما عليه إن كان مخيفا فهي كذلك وإن كان العكس فهي كذلك والحديث يقول : { ( صحيح ) وعن أبي هريرة رضي الله عنه أنه سمع النبي صلى الله عليه وسلم يقول إن العبد ليتكلم بالكلمة ما يتبين فيها يزل بها في النار أبعد ما بين المشرق والمغرب رواه البخاري ومسلم والنسائي ورواه ابن ماجه والترمذي إلا أنهما قال ( حسن صحيح ) إن الرجل ليتكلم بالكلمة لا يرى بها بأسا يهوي بها سبعين خريفا }
و السلام. عليكم و رحمة. الله و بركاته

بارك الله فيك عمي صالح
تبسة بلاد الجود والكرم ... مدينة الشيخ العربي التبسي