اللي تعرف طيب الطمينة الجزائرية تدخل

[zoubidaas]

السلام عليكم
سيداتي ارجوكم اريد منكم اعطائي الطريقة الصحيحة لصنع الطمينة الجزائرية لاننا حنا مانديروهاش كيما نتا العاصمة نديروها بطريقة وخدخرا وكي ندير هذي الطمينة ماتصلحليش تجيني مفرتة وماشي بنينة وخطرات تجيني يابسة فمن فضلكم اللي تعرف اطيبها تعطيني الوصفة نتاعها
علما انني انا نطيبها هكذا
ندير دقيق خشين ونقليه في المقلة حتى يتحمر ومبعد ندير العسيلة وندير فيها شوية زبدة ونخلطهم مع بعض بصح نتاع دزاير تجي فيها واحد البنة ماشي كيما نتاعي فتعيشو اعطوني الوصفة الصحيحة واذا ممكن الصور

وشكرا مسبقا

[zoubidaas]

ماتقولوليش وحدة ماتعرف طيبها؟؟؟؟؟؟؟؟؟

[ROUMISA]

http://www.djelfa.info/vb/showthread.php?t=488333

وعليكم السلام ورحمة الله وبركاته
إليكِ عزيزتي طريقتي الخاصة
اتمنى ان تجدي مبتغاكِ في مطبخ روميسة
ولك الف تحية وسلام

[tita_gas]

http://up.m7la.net/images/m7la_net_1egioptuwx.gif
http://sl.glitter-graphics.net/pub/1065/1065626g86932n11q.gif
http://www.alhnuf.com/up/m2/3382323cc3.gif
؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
http://www.alhnuf.com/up/m2/3382323cc3.gif
http://www.arabiyat.com/forums/images/smilies/wafaq.gif
http://sl.glitter-graphics.net/pub/1065/1065626g86932n11q.gif
http://photos.azyya.com/store/up2/081117132715wRHG.gif

[صريحة]

ادا قصدك على العاصمية يعني الي تتفور ما تتحمصش

[zoubidaas]

انا ماعلاباليش اذا تتفور ولا تتحمص على خاطش حنى ماشي مالفين نديروها
واذا ممكن تعطيني الطريقة تاع اللي تتحمص وتاع اللي تتفور

[حميد أبو نوفل]

انا ام نوفل اختاه الطمينة باش تخرجلك طرية وبنينة اولا فوري التشيشة ثانيا حمصيها على نار خفيفة جدا ومالازمش تحمريها بزاف ثم في الاخير تاتي مرحلة الخلط مع العسل والزبدة ويكون مقدارهما متجانس ويجب ان يكون العسل الذى يباع للنكهة الموجودة فيه وفي الاخير تزين بحلوة الترك والمكسرات والقرفة طبعا فهي شباح الطمينة .

[أم ياسين الزهراء]

ساهلة حنونة حمصي الدقيق ومالازم يكون احرش بزاف اشري الدقيق العادي وغربيليه بالغربال تاع الفرينة واللي بقالك في الغربال هو اللي تستعمليه وزيد ماتحمصيهش بزاف لازم يجي ذهبي اللون ماشي كيما تاع الرفيس

وفي كاسرونة حطي العسيلة تاع السوق وزيدي الزبدة دوبيهم وخلطي الدقيق عليهم وديريها جارية راح يشرب الدقيق ويولي عادي ومنبعد القرفة واذا حبيتي النكهة كاين اللي اللي يزيد حلوى الترك في العسيلة والزبدة وتجي واووووووووووووو سخفتيني راح نوض دوق ونديرها واحنا نزيدو على الاخير حبات الدراجي اذا كان وليد زرقة واذا بنت وردي جربي ورديلنا الخبر

[zoubidaas]

شكرا لكم جميعا راني جربتها ونجحتلي وراني عرفت الخطا نتاعي باش ماتجيش بنينة هو اني ندير العسيلة بصح مانكترش الزبدة ندير غير شوية ومانديرش بزاف العسيلة علابيها تجي مفرتة
وشكراااالكم جمييييييييييييييييعا

[نسيبة 2009]

احنا في ولايات الوسط نشمخوها شوي بالء والملح ونفوروها وكي تبرد نحمصوها ونبسوها بالزبدة ونزيدولها العسيلة

[نسيبة 2009]

احنا في ولايات الوسط نشمخوها شوي بالماء والملح ونفوروها وكي تبرد نحمصوها ونبسوها بالزبدة ونزيدولها العسيلة

ثم زينيها بالقرفة وحلوة الترك والمكسرات

[imi02i]

تحمصي شويا من الدقيق الخشين حتان يولي أحمر شوية
وفي نفس الوقت راكي تطيبي في العسل
وملازمش تحطي العسل على الدقيق وهو سخون
خلي حتان يبرد
إذا حطيتيه سخون راح يتناثر كامل
والعسل ديري فيه السكر والقرفة

[*بيتي مملكتي*]

نعطيلك وصفة الطمينة تناعنا راهي بنينة بزاف بزاف

2كيلو قمح محمص في المقلاة- كيلو حمص كذلك محمص في مقلاة-نص كيلو لبلابي خلطي الكل و ابعتيهم للعطار يرحيهملك مليح لازم يكون رطب مثل سكر قلاصي

ممكن تحتفظي بيها في وعاء بلاستيكي مغلق مدة طويلة


جينا للمفيد

في كاسرول أو وعاء ألمنيوم المهم الموجود حطي لكل 3 ملاعق عسل 2ملاعق زبدة أو مرغرين ضعيها على النار حتان تغلي بعديها من على النار و ضفي مباشرة الطمينة مع التحريك لازم ما تكونش يابسة و ما تكونش جارية بزاف تكون مثل البيري تاع الباطاطا

أفرغيها في صحن و رشيها بكاوكاو مرحي أو لوز مرحي الموجود و بصحتكم و الله تجيك روووووووووووعة أنا نموت عليها

[samir tenes]

احنا نحمصو السميد و مبعد نديرو في كسرونة العسل والزبدة فوق النار حتى تذوب الزبدة في العسل ونفرغوها على السميد لازم تكون جارية و اذا بغيتي ديريلها حلوة الترك وخليها تباة حتى للصباح واذا صبتيها يابسة زيديلها شوية زبدة و ماتنسايش القرفة

[soussou_saida]

merci pr la recette

[zoubidaas]

شكرا لكم جميعا ولكن العسيلة لازم المشرية او تقدري تخدميها في الدار بالسكر والزيت

[بيبيone]

كانت صفحة رائعة
سلاااااااااااااااااااااام

[~~ أغيلاس ~~]

ساهلة حنونة حمصي الدقيق ومالازم يكون احرش بزاف اشري الدقيق العادي وغربيليه بالغربال تاع الفرينة واللي بقالك في الغربال هو اللي تستعمليه وزيد ماتحمصيهش بزاف لازم يجي ذهبي اللون ماشي كيما تاع الرفيس

وفي كاسرونة حطي العسيلة تاع السوق وزيدي الزبدة دوبيهم وخلطي الدقيق عليهم وديريها جارية راح يشرب الدقيق ويولي عادي ومنبعد القرفة واذا حبيتي النكهة كاين اللي اللي يزيد حلوى الترك في العسيلة والزبدة وتجي واووووووووووووو سخفتيني راح نوض دوق ونديرها واحنا نزيدو على الاخير حبات الدراجي اذا كان وليد زرقة واذا بنت وردي جربي ورديلنا الخبر

السلام عليكم للتنبيه فقط دخلت للموضوع عن طريق ضغطي على المشاركات الجديدة .

أنا من العاصمة و الطريقة التي ذكرتها أم ياسين هي التي تتبعها الوالدة في تحضير الطمينة .

و هناك فرق بين طمينة الدقيق العادي ( المنتشرة بالعاصمة ) و الطمينة التي تستعمل بالقمح المرحي، الثانية منتشرة بالشرق الجزائري و اسمها السويكة، لذة النوعين من الطمينة يختلف، و بالنسبة لي أفضل النوع الثاني ( السويكة ) عندها بنة خاصة .

تقبلوا مروري و عذرا على التعليق :34:

[~~ أغيلاس ~~]

شكرا لكم جميعا ولكن العسيلة لازم المشرية او تقدري تخدميها في الدار بالسكر والزيت

و شكون يخدم العسيلة بالسكر و الزيت ؟ ؟ ؟ يخدموها بالسكر و الماء .

خاطيني لكن أظن المشرية خير .

[halwan]

شكرا على النصائح التي سنستفادو بها كلنا

[zoubidaas]

و شكون يخدم العسيلة بالسكر و الزيت ؟ ؟ ؟ يخدموها بالسكر و الماء .

خاطيني لكن أظن المشرية خير .

اسمحلي والله غير غلطت في الكتيبة
انا كنت حطت الزيت يغلي باش نطيب وقاعدة غير نعس فيه علابيها كتبت الزيت

[zoubidaas]

اوكي شكرا لكم

[imen10]

نعطيلك وصفة الطمينة تناعنا راهي بنينة بزاف بزاف

2كيلو قمح محمص في المقلاة- كيلو حمص كذلك محمص في مقلاة-نص كيلو لبلابي خلطي الكل و ابعتيهم للعطار يرحيهملك مليح لازم يكون رطب مثل سكر قلاصي

ممكن تحتفظي بيها في وعاء بلاستيكي مغلق مدة طويلة


جينا للمفيد

في كاسرول أو وعاء ألمنيوم المهم الموجود حطي لكل 3 ملاعق عسل 2ملاعق زبدة أو مرغرين ضعيها على النار حتان تغلي بعديها من على النار و ضفي مباشرة الطمينة مع التحريك لازم ما تكونش يابسة و ما تكونش جارية بزاف تكون مثل البيري تاع الباطاطا

أفرغيها في صحن و رشيها بكاوكاو مرحي أو لوز مرحي الموجود و بصحتكم و الله تجيك روووووووووووعة أنا نموت عليها


هذي يقولولها البسيسة و تكلها النفاس مليحة بزااااااااااااااااااااااف بزاف و بنينة نتاع الصح و الفوائد نتاعها كبيرة

[ام هالة شهرزاد]

شوفي اختى انا درتها فالسبوع تاع بنتي جات روعه
نقلي السميد نص رطب ون متوسط ما نخليهش حتى يتحمر غي يبدا يصفار نحيه "على خاطرش كي تنحيه يبقى سخون ومادامه حامي وهو يزيد يحمار "
ندوب الزبدة وادا حبيتي زيدي شوية صغييييييييييرة زيت
انا درت كيلو ورطل سميد زدت لها نص رطل زبدة + شوية زيت من الاحسن تكون عافيه "لانها ما فيهاش الريحة كيما زيت ايليو"
المهم ندوب نص الزبدة فقط ونبدا نفرغ على السميد غير بالشوية ونفتله بيدي حتى يتشرب الزبدة مليح ونغطيه ونخليه وغدوة نعاود نضيف عليه الزبدة لي بقات ونفتله وهكذا 3اياممن بعد

نحمر الكاوكاو ندقه حتى يولي شوية رطب ونزيده على الطمينة نواة كوكو ونخلط الكل ثم نضيف العسل ديري الخفيفه ماشي العسل الثقيله لانها هي لي تقسح الطمينة
ذوبيها فحمام مائي غير تولي دافيه فرغيها وخلطى الطمينة
ملاحذة لازم تكون العسل خفيفة ودري عسيله وجدان ذوقها روعه هي تجي قاسحة زيدي معها شوية ما وذوبيها حتى تولي خفيفة شوية.
نتمنى نكون افدتك
حنا فوهران نقولو لها التقنتة وحنا فتلمسان يديروها بالفرينية تتحمر فالزيت ويزيدو معاها المكسرات.او الزميتة وتندار بالروينة وجيراني التلمسانيات لما ذاقو ديالي هبلوا عليها والكل طلب الوصفه ..كي تقدميها زيينيها بالفارميسال والقرفه ودراجي.