انصحو اختكم في الله ربي يجازيكم

[عطر البنفسج]

السلام عليكم و رحمة الله تعالى و بركاته
قصتي باختصار يا اخوتي في الله انا مخطوبة منذ مدة و نعرف خطيبي من عامين تقريبا فالاول كنت معاه ديما متفاهمين و مكانوش بيناتنا مشاكل و كنا دائما نتفاهمو في امورنا و نفهمو بعض لكن من فترة اصبحت المفاهمة امر صعب للغاية هو عقليتو صعيبة بزاف و يحب يدير رايوو و بلا ما نقولو حتى كلمة و انا ديما نتسامح معاه و ساعات والله هو يغلط معايا و نرجع انا لي نطلب منو سماح المهم هوا والف ديما يجرح و يمشي رايو عليا و كل ما يقول شي نقولو نعم نعم نعم و نطبق كل شيء يقولو و نسكت و ساعات يستعرف يقولي راني ظلمتك و ساعات يقولي نتي ما تقدريش وش ندير على جالك و انا والله كل مرة يجرحني بكلام و ننساه و انا و الله العظيم في حياتي ما جرحتو و كلش نخليه في قلبي و نبيض قلبي معاه بصح لكل شيء حد و انا ما بقاش عندي صبر و ساعات نخمم نبطل عليه و احيانا اخرى نرجع و لكنه مزال يتمادى اكثر و اكثر و لا يحترم شعوري ابدا لكن الامر الذي متاكدة منه انه يبغيني لانه كل ما نقولو خلاص يرجعلي و يقول ما نلقاش كيفك بصح نفذ صبري معاه عييت نتحمل و ملقيتش شكون يوقف معايا و ينصحني قبل ما نرتبط بيه كامل حياتي يا خاوتي لي يقدر ينصحني في مشكلتي هذه و الله لدرجة اني رجعت في حالة نفسية جد متدهورة و ما ناكل كيما الناس ما نخرج على العلم باني جامي خرجت معاه نهدر معاه غير عبر الهاتف شفتو مرتين فقط انصوني يا خاوتي ربي يجازيكم كل خير

[amira3914]

لازام تتخذي قرار وتكوني مقتنع بقرارك

[عُضو مُحترم]

شوفي اختي

انا لن انصحك ماذا تقولين له

و لكن انصحك بما تفعلينه
====================
شوفي اختي

مدة الخطوبة طوّلت

و المشاكل تحدث حتما بعد هذه المدة الطويلة

و لهذا

1-انا انصحك بان تقللي من الكلام معه في الهاتف

و شوفي كيف تتغير نفسيتك و طريقته معك

2-هو يشعر بالضغط و ربما اتني تزيدين عليه الضغوطات بغير قصد

3-و لعلمك الكلام الذي تقولينه لا يفهمه كما تفهمينه انتي

لان طريقة تفكير الرجل تختلف عن طريقة تفكير المراة

لهذا اختاري الفاظك جيدا... قد لا تبدو لك جارحة و لكنها ممكن تجرحه


حاولي انك تقللي الكلام ...فقط

[shadow30]

سبحان الله فوالله لي صديقة لها نفس قصصة كل يوم تشكيلي وتاعودهالي حتى حفظتها فكل مرة كنت نجاوبها اصبري وخلاص هدا هو نصيبك ومن المفروض راكي والفتي وعرفتي عقليتو هده هي عقيتو مقلق ويزعف بزاف وخرج زعافه فيك وديما انتي ضحية وتحملي غضبه لكن في قلبه يبق زوجك المستقبلي لخاف عليك ويحميك مهما تصرف معاك في لحظة غضب
تقبلي اختي مروري ربي يفرج عليك انشالله

[عطر البنفسج]

مرسي اخوتي لكن المشكل والله ما نهدر حتى هدرة لي تجرحو و نسكت على حقي ديما لكنو دائما يحاول يفسد الامور لي تفاهمنا عليها و احيانا يقولي انتي تسمعي لاهلك بزاف و لكن هل هذا يعتبر خطيئة؟ هل لازم البنت ما تسمعش لاهلها و تشاورهم مع العلم انو هوا اي حاجة يديرها يشوف وش يساعدو هوا و اهلو و يخبرني بيها لكن الامر زاد عن حدو كثيرا و كذلك لا يحب النقاش فهو يعمل ما يريده هو فقط

[عُضو مُحترم]

بالعقل و الصبر تتحل كل المشاكل

المهم كبري عقلك شوية و انعلي ابليس

هذا ماكن اختي و ربي يهنيكم ان شاء الله

[عطر البنفسج]

و الله يا اخي راني ديما نرجع لربي سبحانو و عانيت بزاف و سمحت في كل شيء من اجلو لكنو ما قدرش التضحية لي ضحيتها و لا حاول يفهمني و انا خايفة نكمل حياتي معاه ترجع حياتي جحيم

[nour!!!]

قد لا يسرك ما سأقول لكن علماء الدين في معظمهم افتو بعدم جواز التكلم مع الخاطب اثناء فترة الخطبة لانه في نظرهم اجنبي الى غاية العرس..وهم مستندون على حجج مقنعة ونحن ندرك يوما بعد يوم ان ديننا حين يمنعنا من بعض الامور يكون ذلك صيانة لنا خاصة كنساء..لانه حين يتكلم انسان مع اخر دون ان يكون الى جانبه يخلق الامر نوعا من التوتر الذي يتصاعد ليصبح مشكلا على المدى البعيد
نصيحة ربما لن تاخذي بها لظروف اعذرك فيها: اوقفي الكلام معه الى غاية العرس ولك في ذلك حجة كبيرة وهي التعاليم الدينية حتى يبارك الله لكما في زواجكما وسترتاحين نفسيا ودينيا خاصة وانكم في هذه الفترة تعرفتم على شخصيتيكم وتفاهمتم على كل الامور على ما اظن
ربي ايباركلك وايوفقك

[عطر البنفسج]

شكرا نور على نصائحك و لكني بحاجة ماسة الان لي ان اعرف هل ساكمل طريقي معه ام لا لانني لم استطع تحمل الامور اكثر من ذلك

[abdesalm]

انا انصحك ان تكوني صبورة فبعض الرجال عصبيين لكن افضل ان تنصتي الى قلبك فهو مفتاح الفرجhttp://2.bp.blogspot.com/-Duxh8Fu6_lc/TVV0XMDa6tI/AAAAAAAAAis/SpjCzYF0HyQ/s1600/%25D8%25B5%25D9%2588%25D8%25B1%25D8%25A9%2B%25D8%2 5AA%25D8%25B1%25D9%2588%25D9%258A%25D8%25B3%25D8%2 5A9%2B%25D9%2584%25D9%2584%25D9%2586%25D8%25B5%25D 8%25B1.jpg

[nour!!!]

تعرفي كنت في موقف مشابه من الحيرة صحيح هو في الدراسة ماشي في الزواج لكن والله ايخليك في راااحة خطراش راح اتفوضي امرك لله سبحانو وهكا رح اديري قرارك في راحة تامة وفي ثقة بلي هاذا هو الافضل..تعرفي صلاة الاستخارة ودعاءها ...هيا ضرك بعد اقرايه وكي اتنوضي صليها...امانة
وربي ايهني اختي وايوفقها للصواب وديري في بالك الحياة ماهيش حب برك الحياة هي ذو خلق ودين ماشب كيما ايقولو تاع ضرك حب وعشق...اني عمبالي كثرت عليك بصح والله بغيت نعاونك خطراش حسيت بيك

[عطر البنفسج]

كي نرجع لقلبي نقول نرجعلو و لكن كل ما نرجع و نحاول ننسى اللي فات يرجع يفاجئني بامور و يرجع لنفس عادتو انا نعرف بلي بعض الرجال عصبيين لكن الامر الاهم لازم الراجل يعرف يعامل المراة لانو اهم حاجة المعاملة و بصراحة انا لا استطيع العيش مع شخص لا يقدرني و ابن امه كما يقولون fils a maman خصوصا انه الاين الوحيد

[عطر البنفسج]

تعرفي كنت في موقف مشابه من الحيرة صحيح هو في الدراسة ماشي في الزواج لكن والله ايخليك في راااحة خطراش راح اتفوضي امرك لله سبحانو وهكا رح اديري قرارك في راحة تامة وفي ثقة بلي هاذا هو الافضل..تعرفي صلاة الاستخارة ودعاءها ...هيا ضرك بعد اقرايه وكي اتنوضي صليها...امانة
وربي ايهني اختي وايوفقها للصواب وديري في بالك الحياة ماهيش حب برك الحياة هي ذو خلق ودين ماشب كيما ايقولو تاع ضرك حب وعشق...اني عمبالي كثرت عليك بصح والله بغيت نعاونك خطراش حسيت بيك


ربي يخليك اختي و انا راني في حالة والله ربي برك لي عالم بيا راني في حاجة ماسة نسمع اراء غيري لانو مبغيتش نتخذ قرار نندم عليه و اعتبرتكم اهلي و شاورتكم في امري الله لا يوقع احد في ضيقة

[shadow30]

شكرا نور على نصائحك و لكني بحاجة ماسة الان لي ان اعرف هل ساكمل طريقي معه ام لا لانني لم استطع تحمل الامور اكثر من ذلك
سبحان الله اختي الكريمة فواله الكثير من البنات لهن نفس مشكلتكي فكما سبق لي وان قلت لكي لي صديقتي لها نفس المشكل تماما حيث اراد ا خطيبها ان يعجل بالعقد معها الا انها تريد تاجيل دلك الى ان تفكر جيدا هل ستواصل معه وتتحمل عقليتو ام تتوقف
اختي فكري جيدا مع نفسك ===جاوبي على هد السوال=هل هدا الرجل فعلا يستحق تضحياتكي وصبرك وكل واش راكي تتحمليه ==فكري مليح ووحدك لراح تصيبي الاجابة
:19::19::19:

[عطر البنفسج]

ختي والله هاذا هوا لي يجرح كانك حطيتي ملح على الجرح و الله يا اختي انا نحس بلي راني نضحي على جالو بصح هوا ما يستاهلش لانو وش يههمو هوا انو ييكون مرتاح هوا و والديه و ما يهموش اذا انا و والديا مرتاحين و دائما مصلحته هو فوق الجميع و الشي لي يحيرني اكثر علاه يرجعلي في كل مرة نتفاهم معاه بلي مبقاش مكتوب يرجع و يقولي ما نستغناش عليك و في نفس الوقت ما يقدرش مشاعري و يجرحني و انا في حيرة لدرجة اني سمانة ما نرقدش خلاص تعبتتتتتتتتتتتتتتتتتتت

[عطر البنفسج]

نستنى نصائحكم ما تبخلوش عليا

[shadow30]

ختي والله هاذا هوا لي يجرح كانك حطيتي ملح على الجرح و الله يا اختي انا نحس بلي راني نضحي على جالو بصح هوا ما يستاهلش لانو وش يههمو هوا انو ييكون مرتاح هوا و والديه و ما يهموش اذا انا و والديا مرتاحين و دائما مصلحته هو فوق الجميع و الشي لي يحيرني اكثر علاه يرجعلي في كل مرة نتفاهم معاه بلي مبقاش مكتوب يرجع و يقولي ما نستغناش عليك و في نفس الوقت ما يقدرش مشاعري و يجرحني و انا في حيرة لدرجة اني سمانة ما نرقدش خلاص تعبتتتتتتتتتتتتتتتتتتت
يا ختي العزيزة صدقني رني حاسة بيك نتمنالك من اعملق قلبي ربي يفرج علييك
فكري مليح واستخيري رب العاملين وتخدي قرار المناسب ولريحك ====وبلاك قرارك راح يخليه يتعلم درس و يتبدل معاك
تقبلي مروري ربي معاااااااااااااك :mh31:

[عطر البنفسج]

نشا الله اختي:mh92:

[مطيعة الرحمن]

الله يكون معاك اختي
فترة الخطوبة الناس تعتبرها فترة لفهم سلوك الاخر
حاولي تتفادي كثرة الكلام حتى ولو كان عبر الهاتف لانه في بعض الاحيان كلمات تنطق حنا نشوفوها بلي عادية ولكن الناس يمكن تفهمها بشكل اخر ويكون تصرف مزعج من طرفهم
واهم شيئ ننصحك بيه هو انك تصلي صلاة الاستخارة فلا يوجد ماهو احسن منها في موقف مثل هذا
و ان شاء الله تلقاي الحل

[عطر البنفسج]

الله يكون معاك اختي
فترة الخطوبة الناس تعتبرها فترة لفهم سلوك الاخر
حاولي تتفادي كثرة الكلام حتى ولو كان عبر الهاتف لانه في بعض الاحيان كلمات تنطق حنا نشوفوها بلي عادية ولكن الناس يمكن تفهمها بشكل اخر ويكون تصرف مزعج من طرفهم
واهم شيئ ننصحك بيه هو انك تصلي صلاة الاستخارة فلا يوجد ماهو احسن منها في موقف مثل هذا
و ان شاء الله تلقاي الحل
شكرا اخت المهندسة على النصيحة و نشا الله نلقى الحل ادعيلي

[amira3914]

على حسب مافهمت اختي خطيبك راهو مظغوط هدا مكان زيد اصبري وشوفي وانتي صارحيه واش يغلط في حقك وابدو صفحة بلا مشاكل ومكانش بلاصة ما فيهاش مشاكل

[غزالة ما تنصاد]

اختي المشكل راهو منك انتي
انتي لي والفتيه تسكتي عليه وتتنازلي على حقك
حسبتيه مهند بلاك
لا لا يا حبيبة
للاسف رجالنا لازم نكونو حاسمين في التعامل معاهم لانه للاسف هم لا يفقهون شيئا في الرومانسية
غيري معاملتك له ومن اليوم لا تتنازلي على حقوقك معاه
وردي ليا الخبر
والله غير يعود يجري وراك

[عطر البنفسج]

على حسب مافهمت اختي خطيبك راهو مظغوط هدا مكان زيد اصبري وشوفي وانتي صارحيه واش يغلط في حقك وابدو صفحة بلا مشاكل ومكانش بلاصة ما فيهاش مشاكل
نشا الله اختي سوف احاول

[عطر البنفسج]

اختي المشكل راهو منك انتي
انتي لي والفتيه تسكتي عليه وتتنازلي على حقك
حسبتيه مهند بلاك
لا لا يا حبيبة
للاسف رجالنا لازم نكونو حاسمين في التعامل معاهم لانه للاسف هم لا يفقهون شيئا في الرومانسية
غيري معاملتك له ومن اليوم لا تتنازلي على حقوقك معاه
وردي ليا الخبر
والله غير يعود يجري وراك

هههههههههه عجبتني هاذي تاع مهند والله لا ختي هوا لي راه خايف يخسرني بصح الشي لي يدير فيه كثر على ما وصاوه و اني قررت نبدل معامتلي و نكون حازمة كيما قلتي و نشا الله نلقا نتيجة لانو راسي خشين هههههههه:1: بصحمليح العين الحمرة معاهم لانو الملاحة بزاف ترجعي انتي لي ماكيش مليحة:confused::confused:

[عطر البنفسج]

وين الردوووووووووووووود:sdf::sdf:

[imane1]

شوفي اختي

حاجة اتضايقك تكلمي عليها ، نورمال ..

ماشي تسكتي ، كي تسكتي عمرو ما راح يفهم بلي اتجرحتي من هاذاك الكلام

والسلوك اللي ما يعجبكش ناقشيه فيه ، فهميه بلي أساس نجاح أي علاقة هو الإحترام والحوار

لازم يكونو بينزوج ..

أما هذاك الصمت اللي ما عندو حتى معنى ، راهو كامل يولي ضدك ممبعد

اليوم راكي ساكتة وغدوه ان شاء الله تحبي تهدري معاه يقولك اتبدلتي ، ماشي موالفة تهدري

من وقتاش تجينيك هاذ الحاجة ؟


إذاً ولفيه من ضركا على الامور اللي تضايقك باش ما يتجنبها إذا كان صح يحترمك

استخيري الله ، وربي ان شاء الله يهديك للي فيه خير ليك

بصح نسقسيك اختي

تقولي عامين وانتوما مخطوبين ..هاذو هوما طبايعو ملي تخطبتو ولا هذا التغير طارئ ؟

[تواضعي يانفس]

كي نرجع لقلبي نقول نرجعلو و لكن كل ما نرجع و نحاول ننسى اللي فات يرجع يفاجئني بامور و يرجع لنفس عادتو انا نعرف بلي بعض الرجال عصبيين لكن الامر الاهم لازم الراجل يعرف يعامل المراة لانو اهم حاجة المعاملة و بصراحة انا لا استطيع العيش مع شخص لا يقدرني و ابن امه كما يقولون fils a maman خصوصا انه الاين الوحيد

اختي صلي صلاة الاستخارة وتوكلي على ربي...ومنبعدحطي قلبك a coté وخلي عقلك يلقالك الحل
نتمنى لك كا الخير لك ولهذا الشخص.

[اسماء 28]

اختي نتمنى ان الله يوفقك للقرار الصائب انا ممكن رايي مختلف عن الاخرين
اولا اكيد الاستخارة امر مفروغ منه لان الله وحده يعلم الخير اين
ثانيا لازملك شجاعة في اتخاذ قرارك الحاسم وانك تتحملي تبعات هذا القرار
ثالثا يا اختي شوفي هات ورقة وقلم واكتبي سلببيات وايجابيات خطيبك اذا لقيتي ايجابيات بزاف حاولي تبدلي معاملتك معاه وافرضي شخصيتك واذا ما كانش صفات مميزة لك القرار
اذا كان من البداية هاك واذا تزوج بيك وش رح يدير...؟
وحاجة ما عجبتنيش فيه ماهو هامو غير نفسو واهلو وانت وين واهلك وين
الحياة مش حب برك في وقتنا هادا تزوجو عن حب ومن بعد صارت مشاكل كثيرة وكاين كثير طلقو ركزي على الخلق والدين
انت الان تقولي راك مش قادرة تتحملي اكثر مالا من بعد وش يصرا فيك
وحاجة اخرى ما تقوليش بعد زواج راني نغيرو قبلك قالوها بزاف وندمو يعني خمي مليح في حياتك معاه من بعد ومسؤولية الاولاد
يعني قبل ما طيح الفاس في الراس
انا نقلك تجربتي كنت رح نتزوج من واحد يبان الله يبارك زين ومركز مرموق وسكن وحدو كل شى مليح مي عقليتو ما قدرتهاش صراحة يتقلق بزاف ويعيط علي بلا سبة يشوف غير هو صح وانا غالطة وانا رايي ما عندو حتى قيمة مع انو يموت علي مي الله غالب ما نظلم نفسي وما نظلم ابن الناس معايا وانفصلنا وانا الحمد لله الان مرتاحة على الرغم من صعوبة الموقف
اتمنى نكون ساعدتك شوية
دعواتي لك بالتوفيق ربي يصلح امورك

[هبة الكوثر]

حنونة يقولوا ناس بكري لاتكتر على الملوك لايملوك هضرة التلفون تجيب الملل والروتين وكيماتلقاوش واش تهضروا تولي غير مناوشات تاخدي رايي ولي كل مرة ديري سبة ...مرة راني نطيب اومبع يالعزيز ...مرة راني ساهرة مع بنت خالتي الا راحت بكري نكلمك وجيبيها بالعقل والضحكة ودرك تشوفي الاشتياق رايح يدير مفعولوا وتتبدل الهضرة والعقلية ان شاء الله بصح ماشي كل يوم ولي كلميه يوم بعد يوم ..نقصي بالشوية من غير مايحس

[عطر البنفسج]

شوفي اختي

حاجة اتضايقك تكلمي عليها ، نورمال ..

ماشي تسكتي ، كي تسكتي عمرو ما راح يفهم بلي اتجرحتي من هاذاك الكلام

والسلوك اللي ما يعجبكش ناقشيه فيه ، فهميه بلي أساس نجاح أي علاقة هو الإحترام والحوار

لازم يكونو بينزوج ..

أما هذاك الصمت اللي ما عندو حتى معنى ، راهو كامل يولي ضدك ممبعد

اليوم راكي ساكتة وغدوه ان شاء الله تحبي تهدري معاه يقولك اتبدلتي ، ماشي موالفة تهدري

من وقتاش تجينيك هاذ الحاجة ؟


إذاً ولفيه من ضركا على الامور اللي تضايقك باش ما يتجنبها إذا كان صح يحترمك

استخيري الله ، وربي ان شاء الله يهديك للي فيه خير ليك

بصح نسقسيك اختي

تقولي عامين وانتوما مخطوبين ..هاذو هوما طبايعو ملي تخطبتو ولا هذا التغير طارئ ؟
اختي العزيزة و الله كل ما نتكلم يدير الف سبب و يرجعني انا اللي غالطة في حقو ديما ديما يرد روحو على حق و يدير روحو زعفان و غايضو الحال و هوا لي ديما غالط في حقي لانو كل مرة الشي لي يديرو ليا نحكيه لخواتاتي كبار عليا يقولولي هذا من حقك و هوا لي غالط فيك و يحبني ديما نسكتلو و انا كرهت من هذه الحالة لي عييت نلقالها مخرج و الله العظيم الامور متازمة للغاية ادعيلي برك

[عطر البنفسج]

اختي صلي صلاة الاستخارة وتوكلي على ربي...ومنبعدحطي قلبك a coté وخلي عقلك يلقالك الحل
نتمنى لك كا الخير لك ولهذا الشخص.
نعم اختي راني ندير فيها و نشا الله ربي يكون معايا و نتجاوز محنتي شكرا لكي

[عطر البنفسج]

اختي نتمنى ان الله يوفقك للقرار الصائب انا ممكن رايي مختلف عن الاخرين
اولا اكيد الاستخارة امر مفروغ منه لان الله وحده يعلم الخير اين
ثانيا لازملك شجاعة في اتخاذ قرارك الحاسم وانك تتحملي تبعات هذا القرار
ثالثا يا اختي شوفي هات ورقة وقلم واكتبي سلببيات وايجابيات خطيبك اذا لقيتي ايجابيات بزاف حاولي تبدلي معاملتك معاه وافرضي شخصيتك واذا ما كانش صفات مميزة لك القرار
اذا كان من البداية هاك واذا تزوج بيك وش رح يدير...؟
وحاجة ما عجبتنيش فيه ماهو هامو غير نفسو واهلو وانت وين واهلك وين
الحياة مش حب برك في وقتنا هادا تزوجو عن حب ومن بعد صارت مشاكل كثيرة وكاين كثير طلقو ركزي على الخلق والدين
انت الان تقولي راك مش قادرة تتحملي اكثر مالا من بعد وش يصرا فيك
وحاجة اخرى ما تقوليش بعد زواج راني نغيرو قبلك قالوها بزاف وندمو يعني خمي مليح في حياتك معاه من بعد ومسؤولية الاولاد
يعني قبل ما طيح الفاس في الراس
انا نقلك تجربتي كنت رح نتزوج من واحد يبان الله يبارك زين ومركز مرموق وسكن وحدو كل شى مليح مي عقليتو ما قدرتهاش صراحة يتقلق بزاف ويعيط علي بلا سبة يشوف غير هو صح وانا غالطة وانا رايي ما عندو حتى قيمة مع انو يموت علي مي الله غالب ما نظلم نفسي وما نظلم ابن الناس معايا وانفصلنا وانا الحمد لله الان مرتاحة على الرغم من صعوبة الموقف
اتمنى نكون ساعدتك شوية
دعواتي لك بالتوفيق ربي يصلح امورك


ختي لعزيزة ما تتصوريش شحال حسيت من خلال ردك انك فهمتيني مليح و حسيتي بيا و ممكن لانك عشتي نفس تجربتي و كيما حكيتي على اللي خطبك صدقيني هكذا خطيبي نفس عقليتو يعيط على اتفه الاشياء يقلق لابسط الامور و يغضب بلا ما يحاول يفهمني و ديما رايو هوا لي صايب على الرغم من انو متدين و متخلق و مثقف و لباس عليه ساعات نحسو بلي مكانش كيفو و ساعات نحس بلي راهو خايف من المسؤولية و الشي لي ينرفزني ختي ما يحترمش قرار والديا و يحط والديه هوما الاساس و الباقي تحصيل حاصل فالاول ختي ما كانش هكذا ابدا كان ديما يحاول يتناقش معايا لكن مؤخرا حسيتو بلي راهو واصل بيه درجة القلقة لابعد الحدود شغل الزواج وحش راح ياكلو بالرغم من انو جا ديراكت خطبني و ما درتش معاه علاقة من قبل و جا قصد الباب و كان باغي يتزوج فرات و لكن كي رجعت الامور جدية حسيتو بدا يتهرب و كل حاجة صغيرة يكبرها يرجعها جبل و يحطني انا في وجه المدفع و يخليني نتخبط وحدي و مع انو يموت عليا مانيش فاهمة وش غيرو لهاذ الدرجة اسمحيلي على الاطالة لكن قلبي معمر و حسيتكم خواتاتي شكيتلكم همي ربي يهنيكم

[عطر البنفسج]

حنونة يقولوا ناس بكري لاتكتر على الملوك لايملوك هضرة التلفون تجيب الملل والروتين وكيماتلقاوش واش تهضروا تولي غير مناوشات تاخدي رايي ولي كل مرة ديري سبة ...مرة راني نطيب اومبع يالعزيز ...مرة راني ساهرة مع بنت خالتي الا راحت بكري نكلمك وجيبيها بالعقل والضحكة ودرك تشوفي الاشتياق رايح يدير مفعولوا وتتبدل الهضرة والعقلية ان شاء الله بصح ماشي كل يوم ولي كلميه يوم بعد يوم ..نقصي بالشوية من غير مايحس
مرسي ليك ختي بصح انا اصلا مانيش نكثر فالهدرة و ما نحكيش كل يوم يعني ماوش هذا هو السبب و مانيش من البنات لي نحب الهدرة تاع ديما و نهدر معاه ساعات برك و مع ذلك كي نهدرو ديما يكون مشكل مرسي على نصيحتك ربي يخليك

[عطر البنفسج]

شكرا على ردودكم ربي يخليكم

[اسيا بنت الواحات]

السلام عليكم و رحمة الله تعالى و بركاته
قصتي باختصار يا اخوتي في الله انا مخطوبة منذ مدة و نعرف خطيبي من عامين تقريبا فالاول كنت معاه ديما متفاهمين و مكانوش بيناتنا مشاكل و كنا دائما نتفاهمو في امورنا و نفهمو بعض لكن من فترة اصبحت المفاهمة امر صعب للغاية هو عقليتو صعيبة بزاف و يحب يدير رايوو و بلا ما نقولو حتى كلمة و انا ديما نتسامح معاه و ساعات والله هو يغلط معايا و نرجع انا لي نطلب منو سماح المهم هوا والف ديما يجرح و يمشي رايو عليا و كل ما يقول شي نقولو نعم نعم نعم و نطبق كل شيء يقولو و نسكت و ساعات يستعرف يقولي راني ظلمتك و ساعات يقولي نتي ما تقدريش وش ندير على جالك و انا والله كل مرة يجرحني بكلام و ننساه و انا و الله العظيم في حياتي ما جرحتو و كلش نخليه في قلبي و نبيض قلبي معاه بصح لكل شيء حد و انا ما بقاش عندي صبر و ساعات نخمم نبطل عليه و احيانا اخرى نرجع و لكنه مزال يتمادى اكثر و اكثر و لا يحترم شعوري ابدا لكن الامر الذي متاكدة منه انه يبغيني لانه كل ما نقولو خلاص يرجعلي و يقول ما نلقاش كيفك بصح نفذ صبري معاه عييت نتحمل و ملقيتش شكون يوقف معايا و ينصحني قبل ما نرتبط بيه كامل حياتي يا خاوتي لي يقدر ينصحني في مشكلتي هذه و الله لدرجة اني رجعت في حالة نفسية جد متدهورة و ما ناكل كيما الناس ما نخرج على العلم باني جامي خرجت معاه نهدر معاه غير عبر الهاتف شفتو مرتين فقط انصوني يا خاوتي ربي يجازيكم كل خير

مساء الخير قصتك تشبه قصتي نوعا ما غير ان خطيبي ليس قاسي مثل خطيبك لهذه الدرجة ومع ذلك كان حلي الأنفصال نعم لقد فسخت خطوبتي معه لكن انصحك لله حذاري من الهاتف اعترف انه سبب فسخ خطوبتي .لذلك قررت من الأن فصاعذا عدم استعماله الا للضرورة... ومع ذلك لا انصحك بالنفصال وانما تريثي قبل اتخاد اي قرار ...تقبلي تحياتي

[sweetgril22]

سلام اختي ربي يعينك ان شاء الله والله حسيت بيك مع امري مختلف عليك انا غيور بزاف دوك كي حبسني من خدمتي ريحت وريحني من المشاكل

لكن نصيحتي ليييييييك كيما قالو البنات التليفون اياكي واياكي وايايكي راه هو سباب المشاكل كيما يقولو خير الكلام ماقل ودل سيي اجنبي الهدرة معاه مام ماكوش تهدرو بزااف وسيي ديري نهار وقوليلو اليوم نهدرو هدرة وحبيتك تتناقش معايا في امورنا اذا رايح تكمل بهاذ الطريقة انا ماوليتش قادرة وخوفيه بلي راكي رايحة تحبسي وشوفي ردة فعله لكن نتي راكي تقولي كي قرب العرس ولا كي بدات تقرب الحالة بدا ادير هكا اتحاوري معاه ممكن ضغط من دارهم كاشما بيه او اي شي لازم تفهمي علاش راه ادير معاك هكا راني فاهماتك مليح باسك صح يلحق وقت ماتقدريش تتحملي سورتو كي يدير بلي نتي لي قلقتيه ونتي هي سبب الزعاف ديالو.. هاذي هي اكثر حاجة تقلق..وتخليك على اعصابك ..

صلي وادعي ربي وخمي بعقلك وخمي لمبعد كيما قالو البنات ماشي غير الحب لي رايح ادوم راهي فترة طويييييييييييلة مدى الحياة اذا كتب ربي خمي لحياتك من بعد قبل ماتطفر وتندمي ربي يصلح امورك ويهديه ويلولي كي زمان ممكن فترة وجوز اسمحيلي طولت اعليك ربي يهنيك ويهني قاع البنات آمين
سلام

[عطر البنفسج]

مساء الخير قصتك تشبه قصتي نوعا ما غير ان خطيبي ليس قاسي مثل خطيبك لهذه الدرجة ومع ذلك كان حلي الأنفصال نعم لقد فسخت خطوبتي معه لكن انصحك لله حذاري من الهاتف اعترف انه سبب فسخ خطوبتي .لذلك قررت من الأن فصاعذا عدم استعماله الا للضرورة... ومع ذلك لا انصحك بالنفصال وانما تريثي قبل اتخاد اي قرار ...تقبلي تحياتي

اتاسف جدا اختي لسماع خبر مثل هذا ما تخميش ختي لاشتا فسختيها خممي بلي ماهوش مكتوبك و خلاص و نشا الله ربي يجيبلك مكتوبك عن قريب
اختي صح راني معاك الهدرة بزاف فالهاتف هيا لي تجيب المشاكل و راني نقصت الهدرة معاه خلاص و ساعات ما يكون عندي والو و ما نهدرش هكا باه يبقى الاحترام بيناتنا و كل مرة يقلقني فيها كنت نقولو خلاص والله صدقيني يقعد يقعد و يرجع يطلب السماح و قالي علابالي ساعات نكون قاسي بصح مكانتك عندي غالية بزاف و راني صابرة بالاك ربي سبحانو يغيرو و كاينين اخرين قالولي الراجل بعد الزواج يتغير و يرجع حنين بزاف على مرتو حنا نطلبو ربي يكون صح نشا الله ربي يهنيك و مرسي على ردك اختي الكريمة:)

[لمستغانمية]

ننصحك بصلاة الاستخارة *

[مصريه جدا]

ربنا يقدملك الخير اختى
ويهديكم لبعض يارب

[عطر البنفسج]

سلام اختي ربي يعينك ان شاء الله والله حسيت بيك مع امري مختلف عليك انا غيور بزاف دوك كي حبسني من خدمتي ريحت وريحني من المشاكل

لكن نصيحتي ليييييييك كيما قالو البنات التليفون اياكي واياكي وايايكي راه هو سباب المشاكل كيما يقولو خير الكلام ماقل ودل سيي اجنبي الهدرة معاه مام ماكوش تهدرو بزااف وسيي ديري نهار وقوليلو اليوم نهدرو هدرة وحبيتك تتناقش معايا في امورنا اذا رايح تكمل بهاذ الطريقة انا ماوليتش قادرة وخوفيه بلي راكي رايحة تحبسي وشوفي ردة فعله لكن نتي راكي تقولي كي قرب العرس ولا كي بدات تقرب الحالة بدا ادير هكا اتحاوري معاه ممكن ضغط من دارهم كاشما بيه او اي شي لازم تفهمي علاش راه ادير معاك هكا راني فاهماتك مليح باسك صح يلحق وقت ماتقدريش تتحملي سورتو كي يدير بلي نتي لي قلقتيه ونتي هي سبب الزعاف ديالو.. هاذي هي اكثر حاجة تقلق..وتخليك على اعصابك ..

صلي وادعي ربي وخمي بعقلك وخمي لمبعد كيما قالو البنات ماشي غير الحب لي رايح ادوم راهي فترة طويييييييييييلة مدى الحياة اذا كتب ربي خمي لحياتك من بعد قبل ماتطفر وتندمي ربي يصلح امورك ويهديه ويلولي كي زمان ممكن فترة وجوز اسمحيلي طولت اعليك ربي يهنيك ويهني قاع البنات آمين
سلام
والله اختي كلامك كامل صحيح و راني نقصت خلاااااااص الهدرة و حتى انا خطيبي يغير بزااااااااف و كثر ما تتصوري يعسني فاللبسة في كلش
راني نحاول نغير طريقة معامتلي ليه و راني بديت نشوف فالنتائج و لو انو صدقيني اختي الراجل لي عقليتو صعيبة مستحيل تغيريهالو و لو تغيري فيه امور بسيطة لكن يبقى ساعات بنفس العقلية
ربي يهدينا اجمعيييييين و يسهللنا نشا الله في امورنا و يرزقنا نشا الله
مشكوووورة اختي على مشاركتك الطيبة و ربي يهنيك

[أجمل الزهور]

لازم تتاخذي قرار يفيدك انت أقبل ما يفيدو هو
واخطي خطوة ليوم لمصلحتك ومهما كانت تزعلك
أقبل متندمي عليها
في يوممن الأيام.

[عطر البنفسج]

لازم تتاخذي قرار يفيدك انت أقبل ما يفيدو هو
واخطي خطوة ليوم لمصلحتك ومهما كانت تزعلك
أقبل متندمي عليها
في يوممن الأيام.


شكرا اختي ربي يجعلها في ميزان حسناتك

[صاحبة السمو الفكري]

استفدت جدا من هذي الصفحات الثلاث وكأني اقرأ مشكلتي وكأني اقرأ ردودا عليها وجهت ألي من غير عنوان
ولعلك تذكرتيني من خلال موضوع كتبته منذ ساعات وتلقيت فيه تعقيبا لك عرفت من خلال اسطره انك تعانين نفس معاناتي: رجل قاسي (غالبا ان لم نقل أحيانا) افقدني هيبتي واحترامي- يغضب من كل شيء وبلا شيء- ينتظر المراضاة في جميع لااحوال- يتهم وينتقد عند كل مشكلة- ويجــــــرح اذا غضب......
وعلى ضوء ماااعيشه انا والذي يبدو مقاربا الى ماتعيشينه لاى حد اكبر اقبلي مني هذه لاافكار التي انقلها اليك من بنات افكاااري..
احيانا اخاطب نفسي: صحيح انه كذا وكذا وكذا وسأوقف الامر حالا وسأنهي الزواج فعلا,,, لكـــن ماذا بعد؟؟؟
فالرجل يكاد يكون مشاابها لاخيه في صفات كثيرة خاصة صفة الرجولة التي غالبا ما تختلط لديهم بالقسوة والظلم وهم لا يشعرون......
......لعلي بعد الانفصال احصل على رجل يشبه ابطال المسلسلات التركية؟ او رجلا احسن ممن كنت معه؟
الطباع تتغير والرجل يتربى على يد زوجته اما رايتي الطفل يتعب أمه ثم لا يتخلق الا بما علمته ...كـذلك الرجل مع زوجته.
انا صرت استبعد فكرة الانفصاال تماما لاني-ومع كثرة تذمري وضجري من تصرفات زوجي- الا أني أؤمن شدة الايمان اني لن أحصل على خير منه خاصة وان زواجنا كاان شرعيا ولله الفضل فالخيرة فيما اختتار الله
..الا أني سأحاول تغييره مرة بالترغيب ومرة بالترهيب
جربت الترغيب فقط لكنه لم يكن مجديا كثيرا لذلك لابد من طرق اخرى
تقبلي مروري ولي عودة اخرى ان لزم الامر

[عطر البنفسج]

اختي الكريمة صدقيني لا الترغيب ينفع لا الترهيب خصوصا اننا ديما نستعملو الترغيب هكا و ما عجبناهمش فما بالك تستعملي الترهيب
و الرجل لي كيما يقلق يجرح غيرو علاه حنا ما نجرحوش و ديما نسكتو
انا مزلت حايرة و مزلت ديما في تردد
كل مرة نقول خلاص و لكن ما علاباليش المكتوب كيفاه

[SOUFFA2009]

انت ضعيفة الشخصية واصبحتي اسيرة بافراطك في طاعة اوامره المستبدة
لذا انصحك بان تكون لك شخصية تفرق بين الطاعة والاطاعة

[هشام 21]

عندما يكون هذا الرجل يحبكي كما قلتي فكل شئ يهون لأجل الحبيب
إذا كان كلامه فقط يزعجكي فما بال المشاكل الأخري
ربما من حبه لكي يفعل هذا لا يجد أين يفزغ قلبه إلا عندك صدقيني هو يحبكي
لاتقيسي الحب بهذا المعيار
فميار الحب هو العودة إلى الحبيب بعد العتاب
أنا شخصيا لي ماتعذرنيش ماعندي ماندير بيها

[ام لطفي]

السلام عليكم اختي الكريمة انصحك ان تبتعدي عنه و تعيشي حياتك بدونه فمن المفروظ انك في فترة خطوبة و انه يسايرك ولا يغضبك وهو يفعل العكس فبعد الزواج مادا سيجرى انصحك بالاستخارة وان تقطعي علاقتك به فالزواج ليس عقد احتكار و ليس لستعباد و ا اهانة الرجل للمراءة فهو علاقة ود واحترام يجب على الزوج ان يحترم المراءة و الا فان حياتك معه ستكون جحيم فهو على حد قولك اناني و يحب فقط نفسه ارجو منك التفكير مليا فالزواج ليس فستان ابيض فقط وفقك اله لما فيه خيرك

[عطر البنفسج]

انت ضعيفة الشخصية واصبحتي اسيرة بافراطك في طاعة اوامره المستبدة
لذا انصحك بان تكون لك شخصية تفرق بين الطاعة والاطاعة
اشكرك على النصيحة جزاك الله خيرا

[عطر البنفسج]

عندما يكون هذا الرجل يحبكي كما قلتي فكل شئ يهون لأجل الحبيب
إذا كان كلامه فقط يزعجكي فما بال المشاكل الأخري
ربما من حبه لكي يفعل هذا لا يجد أين يفزغ قلبه إلا عندك صدقيني هو يحبكي
لاتقيسي الحب بهذا المعيار
فميار الحب هو العودة إلى الحبيب بعد العتاب
أنا شخصيا لي ماتعذرنيش ماعندي ماندير بيها
صحيح اخي هشام و انا نعرف بلي يحبني و لدرجة كبيرة بزاف و لكن مفرط في غيرته و عتابه و لومه
موسوس ان كانت الكلمة تعبر عنه

لكن نتمنى انه يتبدل و ربي يجيب الخير

[عطر البنفسج]

السلام عليكم اختي الكريمة انصحك ان تبتعدي عنه و تعيشي حياتك بدونه فمن المفروظ انك في فترة خطوبة و انه يسايرك ولا يغضبك وهو يفعل العكس فبعد الزواج مادا سيجرى انصحك بالاستخارة وان تقطعي علاقتك به فالزواج ليس عقد احتكار و ليس لستعباد و ا اهانة الرجل للمراءة فهو علاقة ود واحترام يجب على الزوج ان يحترم المراءة و الا فان حياتك معه ستكون جحيم فهو على حد قولك اناني و يحب فقط نفسه ارجو منك التفكير مليا فالزواج ليس فستان ابيض فقط وفقك اله لما فيه خيرك
مشكورة ام لطفي ادعيلي ربي ينورلي طريقي و يجيبلي لي فيه الخير

[سميع الندا]

والله امنيني غير اختي كان عندها نفس المشكل منبعد فكرت مليح وفاتحاتو في الموضوع قالتلو بلي هاك بزاف انا نصبر بصح لوقتاه انا تاني كي اخترتك اخترتك باش نسعدك ونسعد معاك مش باش نعيش طول حياتي على نار شرطتلو شروطها وهو شرط شروطو يعني كانت الشروط تساعد وترضي كل الطرفين
امبعد فكر مليح ووافقها واعملو بها ودك تزوجت عندها 4اشهر لاباس عليها
اختي هاد المشكل يستحق حوار ونقاش ادا اتفاهمتو اللهم بارك ادا لا.........................................وانشاءا لله تخرجو في حل يساعدكم وتكملو حياتكم مع بعض بالهنا والحب ربي يهنيك ونتمنالك السعادة من كل قلبي ماديريش حاجة تندمي عليها وقبل كلش صلي صلاة الاستخارة والتاجئي لربي باش يوريك الطريق الصحيحة
اسمحيلي طولت عليك وانشاله نكون فدتك بشوي

[عطر البنفسج]

والله امنيني غير اختي كان عندها نفس المشكل منبعد فكرت مليح وفاتحاتو في الموضوع قالتلو بلي هاك بزاف انا نصبر بصح لوقتاه انا تاني كي اخترتك اخترتك باش نسعدك ونسعد معاك مش باش نعيش طول حياتي على نار شرطتلو شروطها وهو شرط شروطو يعني كانت الشروط تساعد وترضي كل الطرفين
امبعد فكر مليح ووافقها واعملو بها ودك تزوجت عندها 4اشهر لاباس عليها
اختي هاد المشكل يستحق حوار ونقاش ادا اتفاهمتو اللهم بارك ادا لا.........................................وانشاءا لله تخرجو في حل يساعدكم وتكملو حياتكم مع بعض بالهنا والحب ربي يهنيك ونتمنالك السعادة من كل قلبي ماديريش حاجة تندمي عليها وقبل كلش صلي صلاة الاستخارة والتاجئي لربي باش يوريك الطريق الصحيحة
اسمحيلي طولت عليك وانشاله نكون فدتك بشوي
الله يعطيك الصحة اختي مشاكل المخطوبات كامل تقريبا تتشابه انا اقتعنت الان ان عقليتو صعيبة و راني قلتلو على الشي لي قلقني و قالي اسمحيلي قالي عقليتي هكذا تعرفيها ساعفيني شوي و كي عاد صارحني و الحق يخاف عليا بزاف و يغير نتمنى يتغير بعد الزواج و ادعيلي ربي يوفقني

[touati_dz]

القرار قرارك...
حطي النقط على الحروف معه....
ومن حقك ألا تكملي المشوار معه
اذا لاحظت أنه لا يمكن التفاهم في اطار الحياة الزوجية...

[عطر البنفسج]

القرار قرارك...
حطي النقط على الحروف معه....
ومن حقك ألا تكملي المشوار معه
اذا لاحظت أنه لا يمكن التفاهم في اطار الحياة الزوجية...
شكرا على النصحية ربي يجازيك كل خير

[اسيا بنت الواحات]

السلام عليكم اختي الكريمة انصحك ان تبتعدي عنه و تعيشي حياتك بدونه فمن المفروظ انك في فترة خطوبة و انه يسايرك ولا يغضبك وهو يفعل العكس فبعد الزواج مادا سيجرى انصحك بالاستخارة وان تقطعي علاقتك به فالزواج ليس عقد احتكار و ليس لستعباد و ا اهانة الرجل للمراءة فهو علاقة ود واحترام يجب على الزوج ان يحترم المراءة و الا فان حياتك معه ستكون جحيم فهو على حد قولك اناني و يحب فقط نفسه ارجو منك التفكير مليا فالزواج ليس فستان ابيض فقط وفقك اله لما فيه خيرك

بارك الله فيك اختي على وجهة نظرك .وهذا ما أخافني من تصرفات خطيبي ...وأخافني من مستقبلنا مع بعض لدى قررت الإنفصال..شكرا لك ..طبعا فالزواج ليس ليلة واحدة وإنما العمر كله...

[نوال12]

أنصحك بصلاة الاستخارة اختاه.والله المستعان

[أحلام سرمدية]

انا مع لبفتى لبصغير مليون بالمئة تبعي رايو وان شاء الله تتصلح حياتك كاملة

[أيمن عبد الله]

استخيري واستشيري ولن يخيب ظنك بعدها قد اخذت المشكلة حقها

من المشاركات والآراء وحتى لا تختلط الأراء على صاحبة المشكلة

سنضطر لغلق الموضوع وإن شاء الله تجد من بينة هذه الاقتراحات

المقدمة ما يناسبها ونتمنى للجميع السعادة