راني محتارة ريحوني ربي يريحكم

[رهام87]

سلام الله عليكم ورحمته وبركاته ان شاء الله تكونوا بخير وعلى خير........
نبدا لكم في مشكلتي ولي نعتبرها مشكلة حقا...انا مخطوبة هدي 4شهور تقريبا وكل شيء مليح في حياتي ولله الحمد إلا حاجة وحدة ولي هي الهاتف...والله مفهمت كيفاه ندير ولا واش راني حابة ..في وقتنا صار كلشي صعيب حات الهدرة ولات صعيبة الغاشي كل راهم يتمشاو بالملنيوم والأبونمو معرفتش أنا لي بيا عيب ولا الغاشي .أنا نعتابر خطيبي أجنبي عليا لأنو مزال مصار بينا عقد رسمي ولا راني غالطة....وعلاقتنا في حدود المعقول يعني نحكيو في أمور سطحة جدا ومرة في 3 أيام ومانتجاوزوش15د بصح غاشي بزاااف هبلوني وقالولي لازم متخليلوش فرصة يبعد عليك وأفكار سلبية أخرى كلكم تعرفوها حتى وليت نشك بلي بلاك ميحبنيش وهو إنسان دو أخلاق رائعة ويحشم ولد فاميلا منظن فيه غير الخير ... قولولي الله يخليكم راني مليحة في علاقتي معاه ولا راني مقصرة علما أني مراحش نتزوج هاد العام حتى للعام الجاي ان شاء الله
الله يخليكم فهمونا واش هي مرحلة الخطوبة وواش حدودها.......مفهمتش نوروني ربي ينوركم
رأيك يا آدم مهم جدا لأفهم

[amira3914]

نصيحة مني الي انتي مقتنع فيه ديره متسمعي لحتى واحد انتي راضية وهو راضي متقلقيش اختي

[رفيق الروح]

السلام عليكم
نقولك حاجة ارضاء الناس غاية لا تدرك
راكي غاية مادريش علي الناس

[اسماء 28]

نقلك حاجة اختي موقفك سليم
اصلا انت مخطوبين برك يعني كاين حدود وهو اجنبي عليك
وكثرة الهدرة مش مليحة وهذا بشهادة من سبقك تجيب المشاكل
مازالك عام على الزواج الاحسن انك ما تكثريش هدرة معاه حتى لا يمل
موفقة حبيبتي

[عُضو مُحترم]

نصيحة مني هكذا احسن

حتى يتم العقد المدني في البلدية

و الشرعي( الفتاحة)

بعدها تصبحين زوجة

و يمكنك ان تتكلمي معه بحدود طبعا

هو مازال اجنبي كيما قلتي

[دمعة على خد الزمن]

اولا مبروك الخطوبة وربي يتمم في الخير

ثانيا أختي مادام انت راضية وهو راضي بهذا الشي وهاد الوضعية علاش تسمعي كلام الناس ديري رايك

[عُضو مُحترم]

اولا مبروك الخطوبة وربي يتمم في الخير

ثانيا أختي مادام انت راضية وهو راضي بهذا الشي وهاد الوضعية علاش تسمعي كلام الناس ديري رايك


ربي قال هكذا؟؟؟؟؟

و لا جبتيها من راسك و خلاص؟؟؟
======================

[~~ أغيلاس ~~]

السلام عليكم .

ما تقلقيش روحك و ما تهتميش بكلام الناس .

أنت ذكرت أنكما في فترة الخطوبة ، و هذا يعني أنه أجنبي بالنسبة لك ، و يجوز لك أن تكلميه مرة أو اثنين أو ثلاث أو أكثر حسب الحاجة حتى تتعارفا جيدا ، و بعد ذلك لا يجوز لك و لا له التكلم و الحديث قبل العقد الشرعي ( الفاتحة ) أو العقد المدني .

و بعد العقد الشرعي تُعتبران زوجان من الناحية الشرعية و يجوز لكما الحديث عبر الهاتف متى شئتما .

و شخصية الشباب تختلف ، فهناك الثرثار و هناك محب الاختصار ، أعرف شباب يكلم خطيبته ( المعقود عليها ) يوميا ، و شباب آخرين لا يكلمون خطيبتهم مطلقا ،،،،،،،،،،،،،،،،،،،، يعني حسب شخصيات الشباب ، و الحب لا يُتأكد منه قبل الزواج بل بعد الزواج بالعشرة و طول البقاء مع بعض ،،،،،،،،،،،،،،، فما فائدة أن يهاتف الرجل خطيبته قبل الزواج يوميا و كل يوم أحبك و نموت عليك و لكن بعد الزواج ما تسمع منو حتى كلمة و حتى الدار ما يدخلهاش إلا في آخر الليل ،،،،،،،،،،،،،،،،،،،،،،،،،،،،،،،

بالنسبة لي أعتبر الثرثرة الزائدة عبر الهاتف قبل الزواج لا فائدة منها ، و اللي حب يتغزل بزوجته و يُسمعها كلام الحب فبعد الزواج و ليس قبله ،،،،،،،،،،،،،،، و شخصيا بعض قريباتي تزوجن و جامعيات و مثقفات لم يُكلمن أزواجهن إلا في النظرة الشرعية ، لا هاتف و لا تيليفون و لا هم يحزنون ، و الآن تزوجوا و عايشبن لا باس عليهم .

باختصار : ما راكيش مقصرة و بعد العقد الشرعي إذا خطيبك ما يكلمكش أو ما تكلميهش بزاف ماشي مشكل ، حاجة عادية جدا ،،،،،،،،، و ما تهتميش بكلام الناس .

ربي يجمعكم على خير .

و المعذرة إذا ثرثرت قليلا .

[رهام87]

ربي يستركم ويبارك فيكم والله راني ريحت بزاف بعد ما قريت ردودكم ورايحة ندير بنصيحتكم وارضاء الناس غاية لا تدرك
وشكرا على الإهتمام

[الخالدي59]

السلام عليكم

أختي الكريمة بل بنيتي الفاضلة

كوني واثقة من نفسك فخطيبك لم يطلب منك الا التحاور معك والتقرب منك أكثر حتى يتعرف على شخصيتك أكثر

وتتعرفين أنت على شخصيته أكثر

أم يريدون أنت التي ترتمين عليه وتطلبين منه مالا يفكر فيه من أجل إرضائه ومن قال لك هذا فربما هو ينفر منك إذا

فكرت في فعل ما نصحوك به ويقول في نفسه أكيد أنها متعودة على هذا وماذا لو قضى حاجته وفر منك وحجته هو

أنه أصبح لا يثق في سلوكك معه وماذا لو حسدوك فيه وقالوا له إنها بنت مشكوك في سلوكها وطلبوا منه أن يتأكد

منك وفي نفس الوقت نصحوك بأن تطلبين منه مالم يطلبه منك هنا في رأيك هل يصدق ما سمعه أم لا

هو الان على مايبدو معجب بك لأخلاقك وحيائك وعلى أنك من أسرة فاضلة ومحافظة وهذا هو رأسماله وغايته

احذري هؤلاء ولا تثقين الا في الله أولا ثم في أبويك ثانيا

علميه كيف يثق فيك ولو حاول اختبارك نجاحك في الاختبار هو ان تعلميه كيف يثق فيك في اخلاقك في مبادئك في

انك من اسره فاضلة وان الزواج لابد ان يبنى على قاعدة صحيحة وان مابني على باطل فأساسه باطل وأنك لم ترتبطي

به الا بقضاء وقدر من الله

واحذري أن تكوني أنت الطالبة للقائه واذا تأخر لاتلومينه كثيرا وكأنك متلهفة للقائه دائما حتى يشعر بكرامتك وعزة نفسك

أكثر فأكثر

هنا سيصر على الارتباط بك أكثر وسيزداد بك تعلقا وسيقول سيكون لي شرف كبير عندما أكون طرفا من أسرتك

الفاضلة وتكونين طرفا من أسرته الفاضلة وسيزداد ثقة بك أكثر قبل الزواج وبعد الزواج وهذا أهم شيء عندك عندما

يثق فيك وتثيقين فيه أي مايسمى بالثقة المتبادلة وبالثقة تبنى الاسرةوبعدمها تهدم...

الله أعلم

[طيب وابن حلال]

السلام عليكم
ما تصعبيهاش فترة الخطوبة مش معمولة باه تخوصي مع الخطيب في الامور الخصوصية بل تخطيط للحياة الواقعية الفعلية بعد المولفقة المبدئية واذا كان راح تتحول 24/24 سا كلام فارغ فلاداعي منها
التواصل مليح ولكن حدودك لازم تحترميها والا سوف تهمتز صورتك امام زوجك المستقبلي

[source de vie]

walah a okhti aki haka kheir

[mimina la rose]

نصيحة مني الي انتي مقتنع فيه ديره متسمعي لحتى واحد انتي راضية وهو راضي متقلقيش اختي
معها حق وانا راني معاها والف مبروك

[amira3914]

قولي يا لعزيزة واش درتي فيها وربي يخلي الاخوة قمة ربي يخليكم قووووووووول امين

[amira3914]

مرسي يا روزة نسميك هكة معليش

[رهام87]

الحمد لله انا راني مليحة معاه ومعندنا حتى مشكل وهاد الوساوس من الغاشي برك أما هو يظهر لي أنو مرتاح معايا كيما راني مرتاحتلو .....ونوعدكم منزيد نسمع لحتا واحد ونبلع ودنيا
وشكراا لكم ونتمنا لكم كل خير في حياتكم

[نينا الجزائرية]

الحمد لله انا راني مليحة معاه ومعندنا حتى مشكل وهاد الوساوس من الغاشي برك أما هو يظهر لي أنو مرتاح معايا كيما راني مرتاحتلو .....ونوعدكم منزيد نسمع لحتا واحد ونبلع ودنيا
وشكراا لكم ونتمنا لكم كل خير في حياتكم

ربي يهنيك ختي
ويكملك
ومزيان السعد ان شاء الله

[fatouma alg]

راكي في الطريق الصحيح غير ما تخافيش
ربي يتمملك بخير

[amira3914]

كنت متحير عليك لكن الحمدلله درك تبانلي راكي مليحة

[imane1]

احنا عندنا 5 شهور خطوبة بفضل الله

وبقالنا تقريبا 5 شهور على الزواج ان شاء الله

نتحدث مرة واحدة في الأسبوع

بأدب واحترام وفي الأمور الجادة

بعيداً عن تلك الرومانسيات الزائفة والتي أعتبر مجالها مفتوحا بعد الزواج لا قبله

وهكذاك وماذا بيا لوكان ماكانش التلفون كامل

الواحد ماذا بيه يبعد عن كل ما فيه ريبة وشك

وكثرة الكلام اجيب مشاكل ، وتوجع الراس

والولف في هاذي الفترة ماراهوش مليح بزاف

بالذات للناس اللي مشغولين شوية (ماشي قاعدين في الدار )

الحياة ماراهيش خطيب وخطوبة وبرك

فيها حاجات اخرى مالازمش تحبس تاني

فيها علاقات اخرى فيها طموحات اخرى

وهذا الشي اللي يغفلو عليه بزاف ناس

[قطوفها دانية]

احنا عندنا 5 شهور خطوبة بفضل الله

وبقالنا تقريبا 5 شهور على الزواج ان شاء الله

نتحدث مرة واحدة في الأسبوع

بأدب واحترام وفي الأمور الجادة

بعيداً عن تلك الرومانسيات الزائفة والتي أعتبر مجالها مفتوحا بعد الزواج لا قبله

وهكذاك وماذا بيا لوكان ماكانش التلفون كامل

الواحد ماذا بيه يبعد عن كل ما فيه ريبة وشك

وكثرة الكلام اجيب مشاكل ، وتوجع الراس

والولف في هاذي الفترة ماراهوش مليح بزاف

بالذات للناس اللي مشغولين شوية (ماشي قاعدين في الدار )الحياة ماراهيش خطيب وخطوبة وبرك

فيها حاجات اخرى مالازمش تحبس تاني

فيها علاقات اخرى فيها طموحات اخرى

وهذا الشي اللي يغفلو عليه بزاف ناس




أختي ايمان ماذابيك تفهميني بالنسبة للجملة المشار اليها باللون الاحمر وبارك الله فيك مسبقا

[العامرية]

السلام عليكم ياختي الكريمة
مادم خطبيكي مقتنع وانت مقتنعة فلا مجال للحيرة او الشك فانتم الاعلام بذاللك هناك اشخاص يتكلمو بساعات والفايدة والو وكين مجرد 5 دقائق وفايدتها اكثر منها
اما بخصوص التلكم معه فهو خطيبك وليس غريب عنك والاهل يعلمون بذلك وانت اشهرتي بذلك فلا حرج عليك ان تكلمتي وسامحني على هذا الكلام الوقت الى رانا فيه راه صعيب راهم البنات يقدو بساعات مع اصحابهم مشى مع خطيبها يعني متكثري متقلي وهذا يتوقف عنك وعن خطيبك لانكم ادرى باحوالكم وشكرا

[سفيان01]

السلام عليك اخيتي...
أخيتي الكريمة العلاقة بين الخطيب والخطيبة ليست مثل علاقة الزوج بزوجته فالخطبة شرعا عبارة عن وعد بالزواج فقط...وبما انها وعد بالزواج فالخاطب يعتبر اجنبيا عليك ولايحل له شيء منك حاليا...وبالنسبة للمكالمات الهاتفية بين الخطيبين أعتقد أنه من الأحسن والأحوط تجنبها حتى لايقع الخطيبين في كلام محرم فالشيطان والعياذ بالله يغوي بني آدم ويزين له الحرام فحذار ثم حذار من عدو ابن آدم...وفي الأخير لايسعني الا أن ادعو الله عز وجل أن يتمم لك الزواج بخطيبك وأن يؤلف بينكما...اللهم آمين:dj_17:

[ilbak123]

اولا مبروك الخطوبة
ثانيا هو فعلا الى حد الان مازال اجنبيا بالنسبة لك
ثالثا القابض على دينه كالقابض على الجمر
رابعا ارضاء الناس غاية لا تدرك
خامسا احصري الامر بينك وبين خطيبك فقط
سادسا احمدي الله على انه خلوق وولد فاميليا كما تقولين
اختاه اتمنى لك العادة وما خاب من استخار ولا ندم من استشار

[صاعقة]

نصيحتي ليك ماتكتريش معاه الهدرة

[رهام87]

سمحولي على الرد المتأخر جدااا...........المهم والله غي ربي شاهد عليا بلي رايحا ندير بنصائحكم القيمة وان شاء الله منزيد نسمع والو من الغاشي يكفيني اهل الخير من منتدى الجلفة يعطيكم الصحة ويبارك فيكم....والحمد لله لحد الآن علاقتي مع خطيبي سطحية جدا جدا وهو يحترمني بزاااااف ويحشم وهدا نظن بقلة المكالمات هكدا خير وأفضل كيما قلتوا......الحمد لله
نتمنى لكم دوام السعادة والهناء

[هلا رهنة]

أختي أنا عندي نفس المشكلة مي انا مخطوبة مند عامين والعقد الشرعي منذ 6أشهر لاكن لانتكلم دائما لا تتركي أيا كان يتدخل في حياتك وخير الكلام ماقل ودل كي تهدري دك كلش واش يبقي بعد الزواج وخاصة اذا لايوجد العقد لاتتحدثي معة لانة لايجوز وربي يكملك وكل المسلمين