ياجماعة التعليم .....انخدعنا

[محمودعبدالنور]

يا اساتدة ويا معلمين ..لقد ضحكو علينا ب4فراكات ومازال ماخلصناهمش....في حين القطاعات الاخرى راهم يدو بالشكارة..بداو بنا نحن وهفونا بفراكات والاخرين النيفو وماعندهمش ومدولهم بالشكااارة ربي يزيدهم منيش نحسد فيهم بصح احنا الاولى من كل القطاعات....لازم نفكرو مليح باش نعرفو واش نديرو..........انتظر ردودكم سريعا.....يجب الدفاع عن حقوقنا

[kokotg]

ما الحل في رايك

[ibtissem488]

السلام عليكم
لااريد التدخل في شؤونكم رغم انني ابنة عائلة تنتمي الى الاسرة التعليمية
اريد ان اطرح ملاحظة اذا لم يكن هناك مانع طبعا؟؟ظ
لماذا تنحصر اغلب مواضيع هذا القسم في اجور المعلمين والتاخر في تسديدها او قلتها؟..لا.ارى مانعا في المطالبة بالحقوق طبعا.....لكن الشيء اذا زاد عن حده......
ارجو التفهم مسبقا

[محمودعبدالنور]

هدا ليس من شانك من فضلك...مايحس بالجمرة غير الي كواتو يا اختي

[بعيدة]

حنا مشكلاتنا اكبر البرامج .التوقيت و التصنيف ......................... ومن بعد عااااااااااااااااااد تجي الخلصة نقدروا نجيبوا حقوقنا وبكل سهولة اذا تفاهمنا وبدون نقابات .

[محمودعبدالنور]

بلا تصنيف تجيب حقك يا خو راك في الدزاير.....كاين بزززاف ناس بلا نيفو وبلا شهادات ويخلص احسن منك...فيقوا شوي

[syphaxus]

تكثر مواضيع "الشهرية" و" المخلفات" المالية في هذه الصفحة أو هذا الجزء من المنتدى لأنه وببساطة لا يوجد مكان آخر نتكلم فيه عن همومنا وكذلك هذا دليل على الحقرة التي يتعرّض لها المربّي ! فلو كان كل شيئ يسير على ما يُرام لما تكلّم أحد عن هكذا مواضيع بل كنّا نناقش الآن طرائق التدريس و ............

[rachassafi]

علينا ان نرتقي باهتماماتنا التربوية و لا نحصرها في المرتب
هذه النماذج من المعلمين هم من جعلوا منا مثار للسخرية و النكت عند كل المجتمع
المعلم صاحب قيمة عالية و عليه ان يحافظ عليها حتى في اختيار المصطلحات
على الاقل يتكلم و يكتب باللغة الفصحى التي يدرس بها التلاميذ
فعلا انه جيل المسابقات التي يكون مقياس الاختيار فيها أشياء لا علاقة لها بالتربية

[محمودعبدالنور]

بركا ماتضحك على روحك..المعلم صاحب المبادئ وصاحب رسالة ووووو...صح كل واش راك تقول..بصح خلصة طايحة مع المبادئ ماعندي ماندير بيها يا خو هدا الواقع يقول هكدا.....وماتفكرش بهدي العقلية الي خلاتنا الى الوراء....احنا رانا نقدموا في رسالة سااامية جدا تناسبها خلصة تليق بمقامك كمربي صح ياخو.....ونزيد نقول اني الي ماهوش عاجبو الحال الهدرة على الخلصة والراتب يقري باطل ياخو.....والي يقول انتم المعلمين والاساتدة بهدلتو بينا تهدرو على الخلصة برك .....نقولو انت لست معلم ولست استاد ماكش عايش وحاس بالمعلم والاستاد.....خلاص بزززاف قرينا اجيال واجيال وراهم فاتونا وسبقونا ودارو سيارات وفيلات واحنا هوما احنا....

[rachassafi]

فعلا لم تخيب ضني فيك يا خو

[محمودعبدالنور]

انت اكيد لست مربيا لدلك تقول هدا الكلام.....من حقك تقول واش تحب...

[rachassafi]

لا اخي انا معلم منذ 10 سنوات

[amicale21]

السلام عليكم
لااريد التدخل في شؤونكم رغم انني ابنة عائلة تنتمي الى الاسرة التعليمية
اريد ان اطرح ملاحظة اذا لم يكن هناك مانع طبعا؟؟ظ
لماذا تنحصر اغلب مواضيع هذا القسم في اجور المعلمين والتاخر في تسديدها او قلتها؟..لا.ارى مانعا في المطالبة بالحقوق طبعا.....لكن الشيء اذا زاد عن حده......
ارجو التفهم مسبقا

المنتدى مليئ باركان حسب رغباتك و اختاري ما شئت و ليس فيه ركن واحد فقط الا و هو انشغالات التربية
التي لا تناسبك و شكرا

[ملاك من البليدة]

صح ما يحس بالجمرة غير اللي كواتو كي تلحقي تدي مصروف تاع المواصلات من عند يماك وهي تتعصر باش دبرهملك تما تحسي كي تكوني خدامة و الشيعة خدامة و يماك تصرف عليك تما تحسي كي تظلي تعيطي في القسم وملي تدخلي وانت تهدري و ما تسعايش حتى 5 دينار في جيبك باش تفطري لانو لمطعم يقدم وجبة باردة حبة فرماج و 2 تمر و كثيرا من الاحيان مايفضلش حتى للتلاميذ لخطر المدير يظل يضبح لميزانية ماكفاتش تما تحسي اذا ما عجبكش النقاش ما تدخليش

[أبو اماني]

علينا ان نرتقي باهتماماتنا التربوية و لا نحصرها في المرتب
هذه النماذج من المعلمين هم من جعلوا منا مثار للسخرية و النكت عند كل المجتمع

[ana2010]

المطالب الاخرى راهي تتساقط علينا ... كل يوم نشرة ....يجب ... تقرر... قرر.... ........................
لكن من يحمل هم هذا المعلم ؟؟؟ ان النقابات تتصارع على عظام الخدمات الاجتماعية التي رمتها لهم الوزارة ، ولا واحد رايح يزيد يشوف فينا ، هم كانوا من الاول يبحثون عنها باغطية مختلفة ، ... حسبنا الله ونعم الوكيل

[ana2010]

علينا ان نرتقي باهتماماتنا التربوية و لا نحصرها في المرتب
هذه النماذج من المعلمين هم من جعلوا منا مثار للسخرية و النكت عند كل المجتمع


باش تترقى للاعلى في عصر مادي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟... و بالطريقة القذافية طز فيهم.
صح ان الحديث الكثير عن الاجرة والمخلفات فيه مبالغة ... لكن المطالبة بالحقوق مشروعة ورفع الغبن مشروع
وما ضاع حق وراءه طالب

[دردور عبد الله]

لم أكن أود الرد ولكن وددت ذلك وأرجو ان يتقبلم ذلك بصدر رحب في الدول المتقدمة أول شيء يفكرون فيه هو المعلم و أقول المعلم وليس غيره لماذا لانهم اخذوها من الاسلام حتئ يتفرغ المعلم لتلاميذته و لتربية الجيل لا بد من توفير الناحية المادية ثم الاجتماعية و و و و لماذا ؟ لان المعلم هو العمود الاساسي للمجتمع فكيف تترك المعلم يفكر في بطنه و اشياء اخرى وتريد ان يقدم العمل الممتاز .......

[محمودعبدالنور]

انت معلم من10سنوات برك يعني راك جديد احنا رانا فايتينك ب10سنوات يعني رانا طايبين في التعليم....منين كنت انت مازالك تقرا واحنا نقرو....يعني قتلك مازلت ماكش حاس بالجمرا....امالا ماتزيدوش تهدرو هكدا ....وانتم اصلا فئة المعلمين لم تضربوا معنا احنا جبنا الحق وانتم راقدين....اساتدة التعليم التانوي والمتوسط هم من جابوا الحق هدا لدلك راك تخلص بلا مادير اضراب من الاحسن تسكت احسن.....احنا غبنونا المعلمين كتير لان اغلبهم خايفينبزززززززززززززززاف من الخصم

[courpassion]

لاحدث.. انا اطلب من بن بوزيد ينقصلي ..خاطر ما رانيش نخدم راني نبريكولي معاه في خدمة يسموها التغبية .

[brammour]

اولا هذا قسم الانشغالات التربوية وثانيا تفكير الانسان في عصرنا الراهن يا اختي اصبح ماديا 100% فالنظرة المادية والتيار المادي هو السائد والحديث يطول

[zemima]

السلام عليكم :
إن الحديث عن المرتب يعد القطرة التي أفاضت الكاس. فالمشاكل التي يعاني منها عمال القطاع لا حصر لها . صحيح ان مدة ثلاث سنوات عمل في القطاع لم تمكني من الإطلاع على كل المشاكل التي يعاني منها الاستاذ . لكني أرى بوضوح ما آل اليه الحال في مجتمعنا من انتشار للجهل والفساد و الإنحطاط و الفقر و غيرها من الأمراض الاجتماعية التي تفشت في مجتمعنا علما ان السبب الرئيس في كل هذا هو فساد المنظومة التربوية التي تخرج لنا جيلا من عديمي المسؤولية . بل جيلا من الجهال . جيلا من طلبة النقاط لا طلبة العلم . جيلا من الإتكاليين . ولعل هذا اهم هدف تسعىإليه الوزارة الوصية بطلب من الهيئات العليا . والواضح أنها نجحت في ذلك . بدءا من الإنقسام في وسط الأسرة التربوية وصولا إلى الانقسامات في المجتمع والصراع و التناحر لأتفه الأسباب الى درجة أننا فقدنا حتى ثقافة الحوار .

[الجليس الصالح]

السلام عليكم
لااريد التدخل في شؤونكم رغم انني ابنة عائلة تنتمي الى الاسرة التعليمية
اريد ان اطرح ملاحظة اذا لم يكن هناك مانع طبعا؟؟ظ
لماذا تنحصر اغلب مواضيع هذا القسم في اجور المعلمين والتاخر في تسديدها او قلتها؟..لا.ارى مانعا في المطالبة بالحقوق طبعا.....لكن الشيء اذا زاد عن حده......
ارجو التفهم مسبقا

بارك الله فيك واكثر الله من امثالك
وفقك الله
موفقة بادن الله

[بعيدة]

انت معلم من10سنوات برك يعني راك جديد احنا رانا فايتينك ب10سنوات يعني رانا طايبين في التعليم....منين كنت انت مازالك تقرا واحنا نقرو....يعني قتلك مازلت ماكش حاس بالجمرا....امالا ماتزيدوش تهدرو هكدا ....وانتم اصلا فئة المعلمين لم تضربوا معنا احنا جبنا الحق وانتم راقدين....اساتدة التعليم التانوي والمتوسط هم من جابوا الحق هدا لدلك راك تخلص بلا مادير اضراب من الاحسن تسكت احسن.....احنا غبنونا المعلمين كتير لان اغلبهم خايفينبزززززززززززززززاف من الخصم

انا نكره التعبير بالعامية بصح لانك استعملتها ما نغبنكش 80 بالمئة من المعلمين اضربوا في حين متوسطات بكاملها لم تضرب و50 بالمئة من الثانويين لم يضربوا وعلاش نغبنوك يا سيدي عندك نقابة خاصة تنادي لاضراب من غدوة و روح اضرب على روحك حنا حقرنا بن بوزيد غير من هاذ النيفو الطايح والتفرق معلم الابتدائي قراك ودرك راك تتهمه بالخوف وعلاش انت لو كان ماشي على الدراهم دير الاضراب عمركم ما اضربتم على برامج ولا على قيمة الاستاذ الاجتماعية لي راحت الحمد لله حنا مازال محترمين انفسنا ومحترمينا الاولياء انتم قدركم راح لو كان تخلص 10 ملايين ما يقادركش حتى التلميذ لي راك درسه غير تتاخر الخلصة يومين تخرجوا التلاميذ حنا نخافوا بصح غير من ربي

[BENDJDIA]

حشاوهالنا ما معنى هذه الالفاظ يا سي محمود عبد النور زين كلامك

[zemima]

السلام عليكم :
إن الحديث عن المرتب يعد القطرة التي أفاضت الكاس. فالمشاكل التي يعاني منها عمال القطاع لا حصر لها . صحيح ان مدة ثلاث سنوات عمل في القطاع لم تمكني من الإطلاع على كل المشاكل التي يعاني منها الاستاذ . لكني أرى بوضوح ما آل اليه الحال في مجتمعنا من انتشار للجهل والفساد و الإنحطاط و الفقر و غيرها من الأمراض الاجتماعية التي تفشت في مجتمعنا علما ان السبب الرئيس في كل هذا هو فساد المنظومة التربوية التي تخرج لنا جيلا من عديمي المسؤولية . بل جيلا من الجهال . جيلا من طلبة النقاط لا طلبة العلم . جيلا من الإتكاليين . ولعل هذا اهم هدف تسعىإليه الوزارة الوصية بطلب من الهيئات العليا . والواضح أنها نجحت في ذلك . بدءا من الإنقسام في وسط الأسرة التربوية وصولا إلى الانقسامات في المجتمع والصراع و التناحر لأتفه الأسباب الى درجة أننا فقدنا حتى ثقافة الحوار .

[نجمة ساطعة]

السلام عليكم
لااريد التدخل في شؤونكم رغم انني ابنة عائلة تنتمي الى الاسرة التعليمية
اريد ان اطرح ملاحظة اذا لم يكن هناك مانع طبعا؟؟ظ
لماذا تنحصر اغلب مواضيع هذا القسم في اجور المعلمين والتاخر في تسديدها او قلتها؟..لا.ارى مانعا في المطالبة بالحقوق طبعا.....لكن الشيء اذا زاد عن حده......
ارجو التفهم مسبقا

أنا نجاوبك لانوا كي يزيدوا لكل القطاعات و زيادات معتبرة حتى واحد ما يسمع

بصح حنا نهار يزيدوا زوج دوروا تكون في الصفحة الاولى يسمع بيها الجاهل قبل

المتعلم ..... و كي يعطوهالك يمدوها بالتقسيط بينما فئات اخرى الزيادات بالملايين

و عطاوهالهم دفعة وحدة .......

امنيتي برك كل واحد يحل فموا تعطوه 50 تلميذ نصهم حابس و الاخر مش متربي

شديهم ساعة واحدة و انت تحسي

[الجليس الصالح]

بارك الله فيك واكثر الله من امثالك
وفقك الله
موفقة بادن الله