تسجيل الدخول

مشاهدة النسخة كاملة : ... يا حسرا على الزمان ...

maram26
2011-03-14, 18:53
هادي الدنيا صح دوارة
كيف ما مشيت معاها تبقى غدارة
مرات تتبسملك و تفتحلك البيبان
و مرات تخليك طول عمرك حزنان
مرات تعيشك فرحان
بصح تلقى روحك في المنام غرقان
تديك و تجيبك كيما تحب
و ما يبقى غير الفيد في القلب
القلب لي كنت بيه عشقان
ما داملكش و بين بلي كنت غلطان
غلطت في رايك و حساباتك
و الحسرة الكبيرة جات بعد ندامتك
الحسرة اللي خلاتك تتبدل على الدنيا
وتعاود تقول واش درتي بيا
كنت نشوف فيك كل حاجة حلوة
و كل لحظة شابة نعيشها مرة
بصح تطلع و لا تحبط الجبال
لي كتبتلك لازم تديها بالحلال
كاين بزاف لي عرفتهم سنين طوال
بانو بلي ما يعرفوش معنى كلمة فيدال
و الدنيا حتمت علينا الفراق
و ساعات يكون القلب ليهم مشتاق
كي نتفكر هادوك ليام
لي كنت فيهم طايرا كي الحمام
نفرح و نغني طول العام
بصح تبين بلي كان منام
منام و مننامات بزاف طوال
ما قعد منهم غير شوية في البال
همسة القلوب
2011-03-14, 19:01
كلامك صحيح بكل معانيه
نحن كالدمى بأيدي الزمان يلعب بنا كما يشاء---
أعجبتني الخاطرة بالدارجة التي نفضفض بها لدواخلنا
شكرا اختاه
تحياتي
maram26
2011-03-14, 19:17
شكرا لك لقد اسعدتني مشاركنك جدا و جزاك الله الجنة
اصيل الصحراء
2011-03-14, 19:46
رائع ما كتبت
فقلمك اليوم نزف جواهر بدل الحبر أخي تقبل فائق إعجابي بما كتبت لكن ليت خاطرتك كانت بالعربي الفصيح ليفهمك كل أعضاء المنتدى على الرغم من ؟أني أدري أن الخاطرة تكون نتيجة شعور فتعبر عنه كما أردت
لكن صراحة خاطرة جميلة بالهجة الجزائرية العامية
djanna210
2011-03-14, 20:14
عندك الحق الدنيا هدي ما تفهم عليها داخلة في بعضاها