تسجيل الدخول

مشاهدة النسخة كاملة : للاسف فشلت تجربتي لحنيفيات زهرة

رحيق الايمان
2011-03-11, 15:53
للاسف جربت حنيفيات زهرة البسامية للاسف فشلولي من ناحية الشكل المذاق تاعهم مليح يهبل بالصح شكلهم ما صلحليش وااااااااااااااعععععععععع قريب نبكي يا ريت زهرة تزيدي تفهميني
هاو ليكم كيفاش خرجلي و ما تضحكوش
http://store2.up-00.com/Mar11/jwD55177.jpg
nadiem
2011-03-11, 16:31
ماعليش ختي الدنيا تجارب ومن الخطء نتعلم...
remadna
2011-03-11, 16:56
ما فيها والو أختي رحيق الايمان رانا كل نتعلمو، تقدري تعاوديها المرة المقبلة
المرة الأولى دائما صعبة لمعضمنا
بالنسبة لوصفة الميرانغ البسيطة أكثر من 7 مرات باه جاتني مليحة (كمثال فقط)
نسيبة 2009
2011-03-11, 18:17
علاه جاتك هكدا
معليهش حنونة عاوديها ان شاء الله تنجحلك
نينا الجزائرية
2011-03-12, 00:18
معليش حنونة الصح في البنة
رحيق الايمان
2011-03-12, 16:12
ربي يخليكم طلعتولي المورال ضرك نعاودها الا شتاء20 مرة و المهم تصلح
remadna
2011-03-12, 17:16
ربي يخليكم طلعتولي المورال ضرك نعاودها الا شتاء20 مرة و المهم تصلح

ان شاء الله تصلح من المرة الثانية بالتوفيق
ام ظافر
2011-03-12, 17:51
باين الزيت كانت سخونة بزاف على هذاك تحرقولك لازم تسخني الزيت ومن بعد تذلي النار تحتهم خلاص باش يطيبو من الداخل وما يتحرقوش من البرى يطيبو كيف كيف
تم تقيدي بالكيلة تماما( زبدة التوريق ذايبة) لانها باينة عليك زدت ليدام راهي تبان مشققة على الحواشي لانها لازم تجيك عجينة ما تشققش وكثري بيناتها النشاباش تجيك مورقة ويبانو الطبقات راني نهدر من واقع تجربة طويلة في هذا القاطو دائما ما يصلحليش حتى صبت هذه الوصفة الصحيحة
رحيق الايمان
2011-03-12, 18:41
ربي يعيشك ام ظافر رام تحرقولي كي هبطلي المورال سهيت عليهم و راني تقيدت تماما بالمقادير مشكلتي في الشكل ما طلعوليش في الزيت و زيد ما جاش شكلهم كيما تاعك و تاع زهرة جاوني اندري ملصوقة تعيشي زيدي فهميني كيفاش ندير الحية بالتفصيل ومعليش يفسدو نورمال هكا نتعلم
ام ظافر
2011-03-13, 18:09
شوفي يا اختي انا درت بول تاع الحريرة هو الكيلة وكيلت بيها كل شيء حسب الوصفة ذوبت زبدة التوريق تاع سيفيتال (تجي علبة ورق تاع رطل ) وخدمتها مليح مع الفرينة والخميرة درت غير 2 مازدتش النص لان الكيلة صغيرة غير نجرب ولميتهم بالحليب وماء الزهر ماتجيك يابسة ما تجيك طرية كيما تاع الباقلاوة وخليتها ركحت شوي ومن بعد حليتها مليح بالماشينة وذريت النشا بزاف ولفيت القطعة طولها حوالي 20 سم او اكثر بقليل لاني كي لفيت قطعة كبيرة ما طابوليش الداخل مليح وخدمت كل الكمية ومن بعد غطيتهم ودرت نقلي فيهم على نار هادئة وهوما قاعدين ينتفخو وما تنسيش تغلقيهم بالحليب على الاخير باش ما يتحلولكش في الزيت ومن بعد عسليهم وان شاء الله تنجحي فيها لانها بنييينة
رحيق الايمان
2011-03-13, 20:05
ربي يخليك ام ظافر فهمت انا درت الكيلة تاعي كاس تاع القازوز ودرت لابال تاع التوريق بالصح ما زوتش النشاء حليت بيه برك نعاودها ان شاء الله تصلحلي
Roumyssa
2011-03-13, 20:12
ههههههههههههههه انا ثاني ما صلحليش نهار الجمعة تبهدلت لي يجي يضحك عليهم
ايا لمزية منيش وحدي
*أم كوثر*
2011-03-18, 19:56
رحيق الايمان في هدا الرابط تلقاي الوصفة بالتفصيل الممل
حظ موفق
http://www.djelfa.info/vb/showthread.php?t=537538
رحيق الايمان
2011-03-28, 11:16
شكرا جزيلا ام كوثر
نور الصفاء
2011-04-21, 11:22
رحيق مافيها والو
جربيهم وعاودي حتى تنجحي فيهم
ربي يوفقك
ام ساجد
2012-10-27, 07:38
اختي السر في النشاء لازم تعملي طبقة لاباس بيها باه تجي مورقة شوفي موضوعي قراقش النشاء بالتوفيق ان شاء الله
ninafret
2012-10-29, 14:30
اختي العزيزة نتمنى تجربيه ويصلحولك وراني حطيت امس طريقتي بالتفصيل الممل في قسم الحلويات وطريقتي مضمونة وناجحة 100/100 راني عملتهم هاذ الاسبوع للعيد شوفيهم وقوليلي رايك