الدروس الخصوصية

[آمة الله انفال]

هل انتم تؤيدون الدروس الخصوصية ام لا,هذه الظاهرة عمت في مؤسساتنا
انا مع دروس الدعم ,اعتقد ان دور الاستاذ في القسم غير كافي خاصة في المواد العلمية ارجو من الاعضاء التفاعل وتقديم آرائكم بصراحة..........

[ٵڶقًـ۾ًـږღٵڶڝۼےـړ]

نعم ، مع الدروس الخصوصية ،، أفادتني حقيقة


و نظرا لضيق الوقت و كثرة الدروس ،، بروجرام شارجي


سي اوبليجي الواحد يدير دروس الدعم ،، لأنو الأستاد معندوش الوقت الكافي باش يشرح الدرس مليح


مش بيدو ،، رأيي

[ahito]

أنا بصراحة ضد الدروس الخصوصية ، خاصةأنها تجعل الأساتذة يتقاعسون عن أداء دورهم الكامل في القسم
أضافة لأنها لا تمنح التلميذ وقت كافي للراحة و أسباب أخرى كثيرة و لو بدأنا بسردها يستلزم مقالة ...

[يُنبوع~العطآء]

السلام عليكم ورحمة الله تعاىل وبركاته
الدروس الخصوصية موضوع شائك
مرات يكون سلبي خاصة كما قال العضو تجعل الاستاذ لا يؤدي واجبه على اتم وجه
ولكن انا عندي استاذ الرياضيات ربي يحفظو يا رب ويطول في عمرو لا يترك شيئا الا وشرحه مرات ومرات
و عن كل شئ يعطيك مثال ويعطيك كل الطرق والافكار هو واستاذة العلوم
الا مادة الفيزياء سامحها الله هي عجوز وبقى لها 10 على التقاعد تصوروا نحلوا كل تمارين الكاتب ولكن لا معلومة يستفاد منها

[غصن الأمل]

صراحة أنا ضد الدروس الخصوصية لأنها تجيح الأساتذة وكي ماتفهمش حاجة يقولك رايهم يكينين دروس الدعم إيلا حبيت تفهم واش هاذ العقلية
لكن التلميذ إلي الله غالب عليه مليح ليه

[فراشة المحبة]

لا للدروس الخصوصية لا للدروس الخصوصية لا للدروس الخصوصية

الا كاش واحد حاب يفهم لازم يفهم في القسم ماشي حتى يخلص بدراهموا باش يفهموه وعلاه جابوا الأساتدة وخلصوهم يك باش يفهمونا ماشي باش يدوا الشهريا على ظهورنا واحنا ساكتين

بصراحة أنا منخليش الأستاد تاعي حتى نفهم الدرس ونقتلوا بالأسئلة المتكررة والا تديرونجا مني نفهموا بطريقة غير مباشرة بلي هدا حقي وراو خالص على خدمتوا وأنا جيت باش نفهم رغم أنوا مشكيتش كاين أستاد تقلوا مفهمتش وميفهمكش

ملزمش تسكتوا على حقكم اسألوا و أسألوا و اسألوا الا مفهمتواش حتى تفهموا .

والساكت عن حقه شيطان أخرس .

بالتوفيق للجميع ودمتم بود.

[imane1993]

انا نتمنى ندير دروس خصوصية بصح للاسف الوقت معدناش


وانا نفضل دائما نقرا الدروس الخصوصية في الصيف خاصة اللغات

[نبع الندى]

أنا مع الدروس الخصوصية فلقد أفادتني كثيرا في دراستي , شكرا على الموضوع

[ٵڶقًـ۾ًـږღٵڶڝۼےـړ]

لا للدروس الخصوصية لا للدروس الخصوصية لا للدروس الخصوصية

الا كاش واحد حاب يفهم لازم يفهم في القسم ماشي حتى يخلص بدراهموا باش يفهموه وعلاه جابوا الأساتدة وخلصوهم يك باش يفهمونا ماشي باش يدوا الشهريا على ظهورنا واحنا ساكتين

بصراحة أنا منخليش الأستاد تاعي حتى نفهم الدرس ونقتلوا بالأسئلة المتكررة والا تديرونجا مني نفهموا بطريقة غير مباشرة بلي هدا حقي وراو خالص على خدمتوا وأنا جيت باش نفهم رغم أنوا مشكيتش كاين أستاد تقلوا مفهمتش وميفهمكش

ملزمش تسكتوا على حقكم اسألوا و أسألوا و اسألوا الا مفهمتواش حتى تفهموا .

والساكت عن حقه شيطان أخرس .

بالتوفيق للجميع ودمتم بود.


يا ختي ،، راكي فاهمة غالط ،، لي راو يديلك في حقك ،، >>>> بن بوزيد و لا غير


لوكان مادارلكش هداك برجرام شارجي حتى لتم البروف يفهمك فالدرس و نص و 25


ادا كان درس معين متلا يستاهل باش يفهمك فيه الاستاد في 4 سوايع


السي بن بوزيد راو فرض على بروف باش يقدمو في ساعة ،، ملا نت متستنايش البروف يخترع آلة زمن


باش يكفيه الوقت و يفهمك ،، هو لازم كي يخلاص العام يكون قدملك الدروس كومبلاتمو



غير ادا حابة تقراي دروس تاع فصل في عام ،، هكداك تفهمي و نص و متسحقيش دروس خصوصية



ملا الأستاد خاطيه ،، و خاطيه و خاطيه ،،، شوفي لي راو يتحكم فيه ،، فقط لا غير



(طبعا فيهم و عليهم ) ،، موّفقه

[ღأُسَامَةُღ]

طبعااا ضد الدروس الخصوصية اولا الوقت لي نقرااا فيه دروس خصوصية نحل فيه تمارين ،،+حاجة اخرى في القسم نفهم مليح باش كي نروح مانقعدش نراجع ديراكتومنت تمارين +حاجة اخرى كي مانفهمش استاذ مانخليه قاع نروح ليهم +كيتقول راني مباعدا نفهم في الدروس الخصوصية هذااااا خطأ كبير لانك مش حاب تفهم في القسم

[ناحر دخـ48ـلاء]

هل انتم تؤيدون الدروس الخصوصية ام لا,هذه الظاهرة عمت في مؤسساتنا
انا مع دروس الدعم ,اعتقد ان دور الاستاذ في القسم غير كافي خاصة في المواد العلمية ارجو من الاعضاء التفاعل وتقديم آرائكم بصراحة..........



هه ما تكونوش نية الأساتذة راهم ياكلو في الجزائر و الضحية هم أولياءنا أنا مثلا مع أختي تقريبا 3500دج في الشهر و في القسم ماني ندي في حتى معلومة في 5مواد و حسبي الله و نعم الوكيل

الطمع ، الجشع ، لما يصبح الصانع هكذا كيف ستكون صنيعته

لما يتحول مصنع أجيال الأمة هكذا كيف يصبح غدها

بجيل لم يرى إلا صناعا أكلوا مال الاحتيال

مال الرشاوي و الربح على ظهر طلاب

علم أمثالنا لم يثقفو الدنيا مثلهم

لما يقول المدير^دير لإبنك ليتيد^

لما يقول أعطني كذا و إبنك مرتقي

لما يهدد الإبن بالسقوط في شرك نصبه أستاذه

أو السقوط في حفرة مآلها الطرد من الحياة و الولوج

إلى أرذل المنــــــــــــــازل فما على ذلك الأب المسكين إلا

أن يدفع لمن لا يقومون بواجبهم كي يدرس ابنه دروسا خصوصية

في دولة شعارها الأول التعليم المجاني ( جعله الأساتذة و المدراء غالي الثمن )


ما قلته قليل لكن قلمي تعب من النواح بشأن معظم أساتذة التعليم في الجزائر

اللهم إهدنا سبيلك المستقيم و إلى ما تحبه و ترضاه

[*أســيـــــرツالــبــســـمـــة*]

السلام عليكم ورحمة الله تعالى وبركاته

اختي الكريمة شكرا على طرحك المميز

أرى أن الدروس الخصوصية أصبحت مطلب أساسي للطالب في مجتمعنا لأسباب عدة

تجاهل الأساتذة لواجبهم نحو التلميذ والمستوى الدنيء لمعظم الأساتذة وعدد التلاميذ في الحجرة الواحدة

هذه الأسباب تجعل الطالب ملزما على اتباع الدروس الخصوصية


تقبلي مروري وتحيّتي

وفقكم الله

[nasser17]

السلام عليكم

درك نحكيلكم بالعربي و نتفلسف عليكم

الدروس الخصوصة عندها ابعاد كثيرة

ادا لاحظنا بيداغوجيا و نفسيا صراحة ترهق الطلاب و التلاميد لأنـو تكون ما بين القراية والقراية قراية مع استادة الدعم و التي اسميها محلات

لان طابعها و زيهاا الحقيقي ربح مـادي ليس الا و اصبح بعض الاساتدة ربي يهديهم و يهدينا ما يلحقوش المعلومة فالقسم عمداا و كي تقلوا ما فهمتش

يقلك انــــــي داير دروس خصوصية و أبـــدا عنديـ نتـــــهلا

وكــــــااين اساتدة الدروس الخصوصية والتي اصبحت كثيرة و انا لا أنكــــر انني واحد من الناس اللي بادي فليتùــد و قليل منين نروح

بويسك ولـأـ العدد اكثر من طلاب القسم سعنس الطلاب اغلبيتهم يقراو دروس خصوصة

هــــــــــدا رأي دمتم بود

[آمة الله انفال]

شكرا لكل من قدم رايه ولكن مثلا نحن في المؤسسة انتاعنا الادارة سامحها الله لم توفر لنا اساتذة في المستوى خاصة في الرياضيات والعلوم رغم اننا في الثانية العام المقبل الثالثة والاغرب من ذلك عندنا اساتذة على مستوى المؤسسة ممتازين ........يمدوهم لجماعة البيسطو...........اتحد كل واحد يقولي يقدر التلميذ يعتمد على نفسه في هذه الاوضاع خاصة في المواد العلمية........ولكن في حال توفر الاساتذة الممتازين لا ريب ان التلميذ ليس بحاجة لاي دروس اضافية ,شكرااااااااااا

[ٵڶقًـ۾ًـږღٵڶڝۼےـړ]

يا ختي ،، والله المشكل الأول و الأخير لي خلا لي بروف يوصلو لهاد الشي



و أعني أنو فيهم و عليهم ،، مش كامل



هو البرنامج ،، برنامج شارجي حتى لتم ،، هو لي خرج بهاد النتائج



هو لي خلا التلميذ يولي اوبليجي يقرا دروس خصوصية ،، هو لي خلا بعض الاستاذة


على حد ذكركم يستغلو الأمر لصالحهم ،، من أجل الربح المادي ،،



و و وو و ،، كلها نتائج سببها البرنامج ،،



اما عن استذتنا في ثانويتي ،، فالحمد لله تمام الحمد ،، لا نعاني من الظاهرة بتاتا


الأستاذ يشرح و يقدم ما عنده قدر الامكان ،، و لي حب يزيد لي كور يزيد ،،

[آمة الله انفال]

ربي يدومها نعمة عليكم ,,صح البرنامج كان عندو اثار ايجابية ولكن السلبية كانت واضحة,,,,,,,,ووهذ البرنامج ما ينجح فيه الا الذكي والمثابر اللي عندو قدرات كبيرة اما الباقي فعلى الدنيا السلام,اعتقادي

[ٵڶقًـ۾ًـږღٵڶڝۼےـړ]

اي اصبت خيتوو ،،

[saifogas]

السلام عليكم
لدي رأي لو سمحتم
بالنسبة للروس الخصوصية إذا كانت مجانية و بدون مقابل يتطوع الأستاذ من خلالها لإكمال رسالته على أتم وجه
ويساعد بها التلاميذ فالله يباركها
أما إذا كانت بعقلية تجارية مادية بحتة فيصبح العلم سلعة تباع بأسعار مختلفة حسب الأستاذ و حسب المادة المدروسة
وهذا ما جعل مردود غالبية الأساتذة يتراجع ............إلا ما رحم ربي
و أقول لكم : التلميذ الذي ينتبه في القسم و يعيش الدرس بكل محطاته ويسأل عن كل صغيرة وكبيرة .........فهو ليس بحاجة الى دروس الدعم
تقبلوا تحياتي

[غصن الأمل]

السلام عليكم
لدي رأي لو سمحتم
بالنسبة للروس الخصوصية إذا كانت مجانية و بدون مقابل يتطوع الأستاذ من خلالها لإكمال رسالته على أتم وجه
ويساعد بها التلاميذ فالله يباركها
أما إذا كانت بعقلية تجارية مادية بحتة فيصبح العلم سلعة تباع بأسعار مختلفة حسب الأستاذ و حسب المادة المدروسة
وهذا ما جعل مردود غالبية الأساتذة يتراجع ............إلا ما رحم ربي
و أقول لكم : التلميذ الذي ينتبه في القسم و يعيش الدرس بكل محطاته ويسأل عن كل صغيرة وكبيرة .........فهو ليس بحاجة الى دروس الدعم
تقبلوا تحياتي
والله نعم القول

[غصن الأمل]

أستاذ saifogasنتمنى أن نرى منك مواضيع من إنشاءك نتناقش فيها. لانه لحد الساعة أنت ترد فقط رغم أن أفكارك وأقوالك رائعة جدا وعذرا على كل حال أرجو أن تأخذ طلبي بعين الإعتبار
سلام

[غصن الأمل]

أستاذ saifogasنتمنى أن نرى منك مواضيع من إنشاءك نتناقش فيها. لانه لحد الساعة أنت ترد فقط رغم أن أفكارك وأقوالك رائعة جدا وعذرا على كل حال أرجو أن تأخذ طلبي بعين الإعتبار
سلام
سلام أستاذ أتبخل علينا أفكارك الجد رائعة

[saifogas]

شكرا جزيلا
.....ولكن احب أن أشارك الآخرين أولا في أفكارهم وإهتماماتهم
وبعدها يأتي الدور

[saifogas]

...........الموهبة
سؤال للنقاش :
هل الموهبة فطرية-تولد مع الإنسان -أم مكتسبة -يكتسبها من خلال تجاربه اليومية في الحياة؟

[saifogas]

مثلا ....أنت لديك موهبة الإنشاد....وهي لديها موهبة الشعر والتعبير عن الذات
...وهو لديه موهبة مداعبة الكرة................وغيرها

[غصن الأمل]

أخsaifogas قصدي أن تجعله في موضوع جديدا بإسمك لكي يكون واضحا لجميع الأعضاء ويمكنهم مشاهدته جميعا وعذرا ما يأمر عليك ظالم
سلام

[saifogas]

...........على بالي الموضوع المطروح كان غريب نوعا ما

[غصن الأمل]

أظن أنها فطرية سلام أترككم بعافية http://forum.hawahome.com/nupload/162255_1258079604.gif

[kwaydar]

أنا بصراحة ضد الدروس الخصوصية ، خاصةأنها تجعل الأساتذة يتقاعسون عن أداء دورهم الكامل في القسم
أضافة لأنها لا تمنح التلميذ وقت كافي للراحة و أسباب أخرى كثيرة و لو بدأنا بسردها يستلزم مقالة ...
:rolleyes: وهل هم أساسا يقومون بأداء دورهم الكامل
انا 1000000000000000000000 مرة مع الدروس الخصوصية لان الاساتذة الجبناء لايقومون بأي دور تجاه الطلابة

[فراشة المحبة]

يا ختي ،، راكي فاهمة غالط ،، لي راو يديلك في حقك ،، >>>> بن بوزيد و لا غير


لوكان مادارلكش هداك برجرام شارجي حتى لتم البروف يفهمك فالدرس و نص و 25


ادا كان درس معين متلا يستاهل باش يفهمك فيه الاستاد في 4 سوايع


السي بن بوزيد راو فرض على بروف باش يقدمو في ساعة ،، ملا نت متستنايش البروف يخترع آلة زمن


باش يكفيه الوقت و يفهمك ،، هو لازم كي يخلاص العام يكون قدملك الدروس كومبلاتمو



غير ادا حابة تقراي دروس تاع فصل في عام ،، هكداك تفهمي و نص و متسحقيش دروس خصوصية



ملا الأستاد خاطيه ،، و خاطيه و خاطيه ،،، شوفي لي راو يتحكم فيه ،، فقط لا غير



(طبعا فيهم و عليهم ) ،، موّفقه



أكيد بن بوزيد في قمة الهرم والي يجي بعدو الأساتدة طبعا واحنا نحاولوا ندوا حقنا من الأستاد وبن بوزيد الله غالب منقدروش نوصلوا ليه وبالتالي نوكلوا عليه ربي
مي الأستاد لازم يقوم بدوره على أكمل وجه لأنو كاين أساتدة بصراحة ربي يهديهم و زيد كاين مواد والله برنامجها فارغ كيما الانجليزية والفرنسية العام كامل واحنا نلعبوا في حصتهم ندوها ساعة فراغ مي في أخير العام نخلصوا البرنامج و بالمقابل الرياضيات والفيزياء و العلوم لازملهم تركيز في الدرس و خدمة من الأستاد و والله غير كامل يخرجوا فاهمين ولا واحد يحتاج دروس خصوصية
والبرامج بصفة عامة تحتاج بدل جهد وعمل ماشي حاجة فوق الطاقة مي احنا والفنا الراحة والنقاط يجونا بالرقاد ياك يقولك من طلب العلا سهر الليالي حاب العلم ايه اقرى وتعب ومحال متديش مليح

[منىك]

:dj_17: السلام عليكم
والله يا أختي موضوع رائع و أنا معا الدروس الحصوصية في حالة ما إذا كانت ادارة المؤسسة غير عادلة تمد الأساتذة الي عندهم ضمير غير التلاميذ البيسطو. أما ضد الدروس الخصوصية إذا كانت حقوق التلميذ محفوظة من ناحية الأساتذة فهدف التلميذ هو معلومات الأستاذ لأنه في سنة دراسية مقبل على شهادة الباكالورياو تعرفون أنها شهادة على المستوى الوطني للجزائر

[samira 1993]

نعم انا مع الدروس الخصوصية

[saifogas]

..................و في النهاية.........
http://a1.sphotos.ak.fbcdn.net/hphotos-ak-ash1/168897_184475951591724_100000879601919_379474_1218 90_n.jpg (http://www.djelfa.info/photo.php?op=1&view=global&subj=100000602737420&pid=313427&id=100001393946541)

[amira saida]

انا صراحة نقرا دروس خصوصية الله غالب ملقيت عليها وين بصح والله غير راني كرهتهم بزاف راني نخمم فالعام الجاي كيندير والله بروبلام انا يبانولي les cours حاجة مش مليحة خلاص علاش
انا العلوم نقراها في ليسي والفزياء في ليسي وبعاد علينا بزاف والرياضيات مقريتهاش علاخاطر راهي من 5حتى 6
والتعب والله غير ماراهوش يبقالي الوقت باش نراجع كي نجي من لي كور نجي فابلة منقدر لا نقرا لاوالو
والاساتدة ميشرو ماوالو ماعلابالهمش قاع
+التلاميد اللي نقرا معاهم في الليكور بزاااااااف والله غير تحسب روحك فالصومال خمسة صفوف في كل طاولة يجلوسو 3تاع تلاميد
شوفو الجماعة انا مقدرتش واللي مخوفني اكثر هو العام الجاي
بلييييييز اللي عنده حلول ولا بروغرام دايره للمراجعة يمدهلي بليز راني محتارة
ادا قريت ليكور راك تتعب وتهمل دروسك وادا مقريتهمش الاستاد مراحش يفهمك والنتيجة وحدا متجيبش معدل مليح
انا ماما راهي مهبلتني قتلها نحبسهم قاتلي لالا

[ٵڶقًـ۾ًـږღٵڶڝۼےـړ]

السلام عليكم
لدي رأي لو سمحتم
بالنسبة للروس الخصوصية إذا كانت مجانية و بدون مقابل يتطوع الأستاذ من خلالها لإكمال رسالته على أتم وجه
ويساعد بها التلاميذ فالله يباركها
أما إذا كانت بعقلية تجارية مادية بحتة فيصبح العلم سلعة تباع بأسعار مختلفة حسب الأستاذ و حسب المادة المدروسة
وهذا ما جعل مردود غالبية الأساتذة يتراجع ............إلا ما رحم ربي
و أقول لكم : التلميذ الذي ينتبه في القسم و يعيش الدرس بكل محطاته ويسأل عن كل صغيرة وكبيرة .........فهو ليس بحاجة الى دروس الدعم
تقبلوا تحياتي


اتفقت معك في النقطة الأخيرة ،، لكن اختلفت تماما في النقاط الأولى


لا أحد يقدم دروس مجانية ،، طبيعيا أخي ،، الامر واضح و لا داعي للشرح

[غصن الأمل]

انا صراحة نقرا دروس خصوصية الله غالب ملقيت عليها وين بصح والله غير راني كرهتهم بزاف راني نخمم فالعام الجاي كيندير والله بروبلام انا يبانولي les cours حاجة مش مليحة خلاص علاش
انا العلوم نقراها في ليسي والفزياء في ليسي وبعاد علينا بزاف والرياضيات مقريتهاش علاخاطر راهي من 5حتى 6
والتعب والله غير ماراهوش يبقالي الوقت باش نراجع كي نجي من لي كور نجي فابلة منقدر لا نقرا لاوالو
والاساتدة ميشرو ماوالو ماعلابالهمش قاع
+التلاميد اللي نقرا معاهم في الليكور بزاااااااف والله غير تحسب روحك فالصومال خمسة صفوف في كل طاولة يجلوسو 3تاع تلاميد
شوفو الجماعة انا مقدرتش واللي مخوفني اكثر هو العام الجاي
بلييييييز اللي عنده حلول ولا بروغرام دايره للمراجعة يمدهلي بليز راني محتارة
ادا قريت ليكور راك تتعب وتهمل دروسك وادا مقريتهمش الاستاد مراحش يفهمك والنتيجة وحدا متجيبش معدل مليح
انا ماما راهي مهبلتني قتلها نحبسهم قاتلي لالا
أعانكم الله أختي والله حنا رانا في نعمة الأساتذة تبارك الله عليهم وأيضا الجو في القسم مناسب للدراسة كيان 3صفوف و25 تلميذ في القسم أدامها الله نعمة وحفظها من الزوال

[ٵڶقًـ۾ًـږღٵڶڝۼےـړ]

أكيد بن بوزيد في قمة الهرم والي يجي بعدو الأساتدة طبعا واحنا نحاولوا ندوا حقنا من الأستاد وبن بوزيد الله غالب منقدروش نوصلوا ليه وبالتالي نوكلوا عليه ربي
مي الأستاد لازم يقوم بدوره على أكمل وجه لأنو كاين أساتدة بصراحة ربي يهديهم و زيد كاين مواد والله برنامجها فارغ كيما الانجليزية والفرنسية العام كامل واحنا نلعبوا في حصتهم ندوها ساعة فراغ مي في أخير العام نخلصوا البرنامج و بالمقابل الرياضيات والفيزياء و العلوم لازملهم تركيز في الدرس و خدمة من الأستاد و والله غير كامل يخرجوا فاهمين ولا واحد يحتاج دروس خصوصية
والبرامج بصفة عامة تحتاج بدل جهد وعمل ماشي حاجة فوق الطاقة مي احنا والفنا الراحة والنقاط يجونا بالرقاد ياك يقولك من طلب العلا سهر الليالي حاب العلم ايه اقرى وتعب ومحال متديش مليح


في قمة الهرم و ميجوش الاساتدة بعدو ،،


اما فيما يخص يقوم بدورو و لا ميقومش ،، موحال تلقاي خاصية و لا حاجة فالمجتمع كاملة من كل النواحي


هكدا خلقنا ربي ،،، لازم يكون الصالح و الطالح ،، على هاديك لي بروف فيهم و عليهم



و تختلف نسبة الملاح و لي مش ملاح ،، من مؤسسة لأخرى ،، و على ما يبدو ان ثانويتكم أختي


فيها من الطالح أكثر بكثير من الصالح ،،


و فالنقطة الأخيرة ،، بروجرام ديالنا لازملو تعب و جهد كبيييييييييييييييييير ،، على هاديك حنا



نقراو بزاااااااااااااااااف و نفهمو شويييييييييية ،، و هوما يقراااااااو شويييييييية و يفهمو بزااااااااف


هوما البوس ديالهم ديمارا و حنا مازلنا ف لاري ،، :confused:

[*منارةツالبحر*]

أنا أرى أنها دروس ضرورية في وقتنا الحالي و ليست خصوصية نظرا لضعف المجهودات المبذولة من طرف أساتذتنا اطال الله في عمرهم
شكرا على الموضوع بارككي الله

[ٵڶقًـ۾ًـږღٵڶڝۼےـړ]

أنا أرى أنها دروس ضرورية في وقتنا الحالي و ليست خصوصية نظرا لضعف المجهودات المبذولة من طرف أساتذتنا اطال الله في عمرهم
شكرا على الموضوع بارككي الله

لاحظت انكم لا تخصون بالذكر فئة معينة ،، تجحفون في حق الآخرين حقيقة


و الله انا ارى انا الأغلبية من الاساتدة يبذلون كل المجهود فقط لتحصيل نتائج راقية مميزة


تليق بأن يقال أن القسم ذو المستوى الراقي يدرسه أستاد فلان ،



ليس لضعف المجهودات ،، (هناك البعض ممن لا يبذلون أدنى مجهود فعلا)


بل بل للبرنامج التربوي التعليمي المنتهج غير المدروس ،،

[غصن الأمل]

يعطيك ألف صحة وهناء أختي تاجي

[ٵڶقًـ۾ًـږღٵڶڝۼےـړ]

بلامزيتي خيتو ،، يشرفني الحضور في موضوعك أختي


و لو بأفكار بسيطة ،، موّفقة