عاجل [الأرشيف] - منتديات الجلفة لكل الجزائريين و العرب

مشاهدة النسخة كاملة : عاجل

looona

2011-03-08, 09:42

أخواتي الأعزاء أنا نحب الحلويات التقليدية
حابة توريولي الطريقة التقليدية ولا حتى الجديدة لصنع الغريبية
أنا نحبها ونحب نديرها بصح ماتحبش تطلعلي بلاك نفتح عليها الفرن

nadiem

2011-03-08, 10:44

loona...الغريبيةالتقليدية=كيلة زبدةطرية(500غ) تخبطيها بالباتور او بيدك حتى تبياض ثم تضيفيلها نص كيلة سكر (250غ) .وتكملي تخبطي مليه المهم تكون يدك باردة باه ما تذوبش الزبدة او تحطي الوعاء لي تخدمي فيه فوق وعاء فيه ما جامد ..كي تطلعلك مليه شيحي بالفرينة وشكليها وطيبيها في فور هادئ....ماتحليش عليها..راهي ما تطولش..كي تشوفيها بياضت ونشفت نحيها بلا ماتمسيها حتى تبرد..........الغريبية من الطبيعي تجي سهلة التفتت خاطر ما فيهاش بيض يحكمها ونشالله تصلحلك ..جربيها بنص المقادير وقوليلي كيفاش جاتك...
الغريبية الجديدة لي تجي بزبدة ذايبة جربتها بصح ماجاتش تذوب فالفم جات يابسة كتر من البتي فور
حبيت نسقسيك لا عندك المقادير تاع البتي فور لي يتباع في المقاهي لي يجي كلي باللمبوط وطويل وزوج لاصقين معا بعضاهم بالكونفيتور و لونو اصفر

janna

2011-03-08, 11:18

هاذي ياختي غريبية بالكاوكاة ديري كيلتين زبدة كيلة 1 سكر ارطب ظربيهم مليح حتان يعودو كيما لكريمة زيدي كيلة 1 كاوكاو مرحي ارطب خلطي مليح و نشفي بالفرينة قرصي واطبعي ولا كوريها كيما لغريبية التقليدية وما الطولش في الفور غير تنشف وبدا لونها يتبدل نحيها انشاءالله تنجحي فيها

OU SS AMA

2011-03-08, 11:55

http://t1.gstatic.com/images?q=tbn:ANd9GcSKPPjYqtvWh51s_xYYU9xeKfJ8gjG6e RuvKHboqr85Imz1Q6-B http://t0.gstatic.com/images?q=tbn:ANd9GcSWpyjCticHIvIq_NxwwaHYyLmb1wsYH-CDe9ziWKRs2BuKIQmsdQ http://t3.gstatic.com/images?q=tbn:ANd9GcR_J9NsGE_XWWiFklcS-5e3yaMfkE0EmH5QOLEn52iGVDs2TtugMQhttp://t0.gstatic.com/images?q=tbn:ANd9GcS4RfEUwTFp0urbZaWEfhieQGGCvgwVU lmgxPJv-FIWqQDNAv_chttp://t0.gstatic.com/images?q=tbn:ANd9GcSZO02YEGhE544Ncyy9u7AqHpXVtexk5 fZ0cvgt3aunsF7tLFv7iQhttp://t1.gstatic.com/images?q=tbn:ANd9GcTUo2v3f7ZvLhvoIICFoSnsq6aaDZlPb KQUkIdtQXEwx_E2zipvBghttp://t2.gstatic.com/images?q=tbn:ANd9GcQlQapBuZnJ7WUzU5DiAVozCoRXQDWSF zDs3BVt48uk-5fAu4U4 الى تعرف دير الغريبية تاع الصح الي تدوب في الفم وتشم ريحتهاتاع الصح الله الله على غريبية اجدادنااين دهبت الوصفات تاع زمان

looona

2011-03-16, 11:27

أشكركم يأخوات ربي يعيشكم

looona

2011-03-16, 11:37

أختي اليوم وين طليت على الأنترنات كنت ماشي قاعدة
كانت أختي اللي في الغربة مريضة
الوصفة اللي طلبتيها مني منعرفهاش
يعطيك الصحة

nadiem

2011-03-16, 11:43

ماعليهش راهم جاوبوني الاخوات..ربي يشفي اختك

sofiane2075

2011-03-16, 15:49

ان شاء الله ربي يشفي اختك و ترحعلكم بالسلامة انا تاني عروستي في الغربة و لحد الان راهي في المستشفى نتمتى تدعو معايا ربي يشفيها عندها فير ربي في بلاد الغربة تفكيرنا غير فيها كي نتقلق نطل على المنتدى

أم ياسين الزهراء

2011-03-16, 16:17

وانا هذي كيفيتي انت تبعي الخطوات وراح تنجحي ان شاء الله

كيلة تاع سمن المدينة ضربيه مليح بالباتور حتى يولي كالكريمة ومنبعد كيلي بالكيلة نفسها سكر قلاص ونقص حوالي 2 صباعتين منه وفرغي على السمن وزيدي ضربي مليح منبعد ديري الفرينة مع شوي ملح طبعا بالشوي وخلطي بيدك ماتيبسيش العجينة لازم تجي طرية وهذي نصيحة من عندي لمي العجينة انتاعك وحطيها في الثلاجة ترتاح حوالي 3 سوايع واذا حبيتي اخدميها الصباح ولعشية طيبيها اهنا نجي للطياب انا نشكلها باللمبوط ( المحقل ) تجيني اسهل وحطيها طيب وماتكثريش تمسيها وربي يسهلهالك

أم ياسين الزهراء

2011-03-16, 16:20

انا عجوزتي قالتلي كانو زمان يديريها بالزبدة الحرة يذوبوها في النار وينحولها الكشكاش اللي تطلع ويديروها في قوطي ويحطوها في المبرد ليلة كاملة وغدوة باش يبداو يخدموها واش من الخدمة بيديها مرى دارتها كيكانت على ديدانها الله يبارك رووووووووووووووووعة تقولشي ماشينة اللي خدمتها

أم ياسين الزهراء

2011-03-16, 16:22

وكاين الغريبية تاع الفرينة المقلية 3 نقط على القاف واللبلابي واووووووووو مرى درتها رووووووووعة دوق عيت اذا حبيتو المرى الماجية نقلهالكم:19::19::19: