لحراير يدخلوا

[امراة غريبة]

:dj_17:راني حابة نعف طريقتكم في تفوار التليتلي عااااااااااااااااااااجل:o

[Best hope]

أنا مانفووارهاش :

في مقلة ملعقة زيت و نحامروها بعد تواجدها لصوص بيضة مع لحم + حمص نصفي لصوص و نسقي بها .
و في الفرن
بعد ١٠ د نضع لحم و الحمص ( في نص طيب حتى ما ياهابتوش تحت)

[طائر النورس مغتربة]

بنات واش هو التليتلي

[امراة غريبة]

التليتلي يشيه الارز روحي لمحل المواد الغدائية واطلبيه منو ورايحة تعرفيه

[OU SS AMA]

قطع دجاج +كمية من اللحم المفروم (يمكن الاكتفاء بأحدهما)
كيس تليتلي 250غ ( يشبه الأرز لكنه أسمر)
حبتان بصل مفروم ناعما
حفنة حمص منقوع
ملعقة طماطم مصبرة
ملح
فلفل عكري (احمر)
فلفل اسود
ملعقة صغيرة زعفران
ملعقة صغيرة فلفل أسود
3 ملاعق زيت للمرقة +ملعقتان للتليتلي
بيض مسلوق

التحضير الإعداد:

في طنجرة حمصي في الزيت قطع الدجاج جيدا حتى تحمر
حمصي البصل حتى يذوب ثم اضيفي قطع الدجاج و الطماطم المصبرة و الحمص والتوابل ومرقي بلتر ونصف من الماء واتركيه يطبخ على نار هادئة مع تغطية الطنجرة
انزعي قطع الدجاج
واصيفي كويرات اللحم المفروم الممزوج بالبصل المفروم وحبة بيض والتوابل وغطي الطنجرة لدقائق حتى تنضج الكويرات
من جهة اخرى حضري التليتلي
في جفنة امزجي التليتلي مع الزيت جيدا باليد
حمصيه في طاجين حتى يحمر قليلا مع التحريك المستمر
ضعيه في الجفنة وأضيفي له كوب ماء واستمري في التحريك حتى يمتص الماء كله
"فوريه في كسكاس مدة 7 دقائق
ضعيه في الجفنة واسكبي عليه كوب ماء وحركي بلطف حتى يمتص الماء"
كرري العملية " ..." ثانية وثالثة بنفس الطريقة
يجب ان يكون التليتلي طازجا طريا ولا يتعجن ولا يكون يابسا
ضعيه جانبا
قبيل التقديم بدقائق انزعي من الطنجرة كويرات اللحم والحمص وفي مقدار كوبين من المرق ضعي التليتلي وما أن يمتص المرق (لا ينشف تماما)اقلبيه في صحن التقديم وزينيه بالكويرات وقطع الدجاج والحمص والبيض المسلوق .<script src='http://img402.imageshack.us/shareable/?i=indexqa.jpg&p=tl' type='text/javascript'></script><noscript>http://img402.imageshack.us/img402/7724/indexqa.jpg (http://img402.imageshack.us/i/indexqa.jpg/)</noscript> <script src='http://img850.imageshack.us/shareable/?i=indexr.jpg&p=tl' type='text/javascript'></script><noscript>http://img850.imageshack.us/img850/9545/indexr.jpg (http://img850.imageshack.us/i/indexr.jpg/)</noscript>

[ملك اريج]

مساء الخير
نشاء الله نفيدك طريقتى في اعداد التليتلى
المرق:
بصلة ، ثوم :، لحم غنمى ، حمص منقوع ، زيت ، ملح ، فلفل اسود ، قرفة
ديري البصلة وثوم وقرن فلفل حار ارحيهم ديريهم فى الكوكوط زيديلهم الزيت واللحم والتوابل وقليهم ملبح بعد مايتقلاو زيديلهم الحمص ومرقي ومرقي الكوكوط ديالك اقفليها مدة ساعة
من جهة ثانية ديري تليتلى فالكسكاس ادهنيه بشوى زيت حطيه بتوفر مدة ة15 د
البرمة نتاعك يكون فيها الماء يغلي زيديلو شوي ملح ولوحى التليتلي يطيب بعد مايطيب صفيه
مبعد ديري شوى زبدة لتليتلي ولوحي عليه لاصوص مايكونش بزاف خليه يشرب يجي بنين وكل حبة وحدها.

[nadiem]

هذي طريقتي=المرق عادي كيما باقي الاخوات
التليتلي=ديريلو شوي زيت وفوريه فوق المرقة..(باه يجي بنين ماتفوريهش فوق الماء) ثم شمخيه بالماء و الملح وخليه يشرب ثم فوريه وشمخيه 4 مرات في الاخير ديريلو طرف زبدة ..صفي لمرقة وحطي فوقو حتى تغمريه وخليه يتجمر وقبل ماينشف نحيه.....وقدميه:19::19::19::19::19::19::19::19::19 ::19:

[ام ظافر]

تقريبا طريقتي مثل الاخت ناديم غير اني نفورو لوحدو والمرقة نقفل عليها الكوكوط وحدها لازم الزيت على الاول ومن بعد فوريه بالماء كل مرة حتى يطرى مليح ماشي يطيب خلاص مازال يكمل في المرقة تاعو
واهم شيء لازم المرقة تكون ثقيلة وقليلة لانه كل ما كانت بزاف كل ما يتعجنلك التليتلي

[mimicha1977]

يعطكم الصحة كامل

[منى84]

نعطيك طريقتي ساهلة و سريعة و ما يتعجنشلكش التليتلي أولا حطيه في قصعة حطيلوا ملعقة كبيرة زيت و حكي التليتلي بين يديك بالزيت و حطيه في الكسكاس تحتو برمة فيها الماء لما يفور مدة 15د صبي عليه الماء الغليان خليه في الماء 5د ثم صفيه من الماء وزيديلوا الملح و رجعيه يفور على برمة المرق ونحيه وبخي بالماء دافئ ورجعيه يفور . بربي تعجبك و تنجحي فيه

[امراة غريبة]

ربي يحقلكم كل امنياتكم والله راكم حراير انتاع الصح

[amel algeria]

انا نستعمل نفس طريقة المرقة نطيبها وحدها فالكوكوت و لكن ما ننزعش الكسكاس من فوق النار نضيف الماء و هو يطيب و ( نغمرو بالماء) ما تخافيش هاداك الماء كامل يهبط فالقدرة التحت و نخلط بملعقة خشب و كي تشوفيه طاب ضيفيه للمرقة وخليه يتكتك غير شوية من بعد قدميه و شهية طيبة

[amel algeria]

نضيف الماء عدة مرات حتى يطيب و لكن في الاول نضيفلو 3ملاعق زيت و نخليه يتشرب مليح باه مايلسقش

[ملاك من البليدة]

نعطيك طريقتي سهلة و سريعة ايلا حبيتي تحمري شوية التليتلي في المقلاة و الا لا كيما تحبي و في قدر سخني الماء لدرجة الغليان و نحيه من النار ثم افتحي باكي نتع التليتلي و رميه في هداك الماء الساخن بلا ما يكون على النار و اضيفي الملح باش مايجيش صامط من داك حركيه خليه تقريبا من ربع ساعة الى عشرين دقيقة كي ديره بين اسنانك تشوفيه ولا طري صفيه ثم ديريه في الجفنة او القصعة دوقي الملح وحليه بشوية زيت و فوريه مرة فقط ايلا المرقة نتاعك راهي واجدة جمريه بالمرقة بعد ماتكوني صفيتي الخضروات وللخم و الحمص باش تشبحيهم في الاخير من لفوق + شوية زبدة وراكي كملتي و بصحتكم

[merieme hassi]

انا ثاني استفدت منكم
بارك الله فيكم