ماتت زوجتي

[محب السلف الصالح]

السلام عليكم ورحمة الله إخواني بارك الله فيكم
لقد ضاع شبابي وضاع حلمي
إستيقضت في الصباح فإذا بأمي تخبرني أنا مهر الزواج أصبح ب 16 مليون + كبش + سعفة
كاد يقمى عليا ومنذ ذالك اليوم أنا مظطرب وأحسست أنها إنتهت حياتي للأبد
بالله عليكم كيف الحل

[*جوداء*]

العنوان فعلا مفزع اخي
لا تعسر على نفسك
واسئل الله من فضله العظيم ولا تسأل العبد
ولا تنسى ان الخير باق في امة سيدنا محمد الى يوم الدين وستجد حلا توكل على الله واصدق النية فقط وان شاء الله سيكون كل شيء بخير

[asma_83]

ربي يرحمها

[allmaza]

وعلاه كاين بنات الفاميليا في جهة الشرق عنابة والطارف وقالمة و سكيكدة مهرهم عادي ماش كيف الشاوية سمعت بيهم ب10 ملاين يبيعو في بقلرة هههه
انا كي خطبني راجلي قالي واش شروطك قلتلو تستحفظ بيا وتقدرني برك والماديات هي الاخيرة في حساباتي
والحمدلله متزوجة الان مند عامين في سعادة وهناء

[نورسين.داية]

سلام
من الواجب أن تدرك شيئ معين و تضعه مبدأ تسير عليه و هو أن الله لا يكلف نفسا إلا وسعها بالتالي تزوج من ترضى بمقدرتك وإمكانياتك المادية لأن قيمة المهر في الوقت الحالي هي عرف أصبح يخدم المشاريع و الصفقات
فتوكل على المولى و صدقني سوف تجد بنت الحلال التي تناسبك

[1954مريم]

السلام عليكم الله يهدي ياخي نحسب صح زوجتك ماتت

الا تسمع حديث النبي صلى الله عليه وسلم اقلهن مهرا اكثرهن بركة


انت من اول مرة تخطب قل ظروفك اذا تفاهمتوا الله يبارك واذا لم يقبلوا الله بارك وكاين لا يشتروطون الدين والاخلاق فقط

وعندي في العاية من تزوجت العام الماضي بربع ملاينا لافوق لاتحت وقبلت وراه عايشة وعندها بنت

وحدة اخرى نفس الشئ 6 ملاين لافوق ولاتحت وراه عايشة وعندها بيبي والحمد لله

بمعنى كاين الخير انت استخير وانطلق وثلاث على الله مساعدتهن الدي يريد الزواج بغرض العفة

ربي يعينك ويوفقك

[محب السلف الصالح]

إخواني بارك الله فيكم والله الوضع صعب جدا وإن لم تكن تملك هذا المبلغ فلا تتعب نفسك بالخطوبة لأنك مرفـــــــــــــــــــــوض
ولن تجد من يقبل بك البنات لا والله هم كذالك يعانون من المشكل نفسه تحدثت إلا بعض أخواتي من الرضاعة لماذا تعسرون عن إخوانكم
قالت إحداهن والله أنا المهم أتزوج ولا يهمني مهر المهم الستر لكن أمهاتهم طويلات اللسان أقرض الله ألسنتهم
يتكمون في الرجال مثل الخاتم وأي رجال

[fatehbougaa]

راك تحلم يا ولدي كاين تاع باطل

[مامارجاء]

انا برايي

الانسان في وقتنا هذا لازم يختار الانسانة الي ترفق بيه والعكس صحيح
و لازم يكون التفاهم و التواصل و الحوار بينهما
و ان شاء الله تجد الي تقدر بيك و تفهمك و تحس بظروفك
وفقك الله الى ما فيه الخير

[محب السلف الصالح]

اللهم آمين

[أريج ماريا]

إذا عندك علاه تبخل
fatehbougaa كاين تاع باطل ؟؟؟؟؟؟؟؟؟؟؟؟؟؟؟؟؟؟؟؟؟؟؟

[أم أمونة~]

لا حول ولا قوة الا بالله .

لهذا ازدادت نسبة العنوسة انا نشوف الي يدفعو فيهم مهر غالي و يديروا عرس مطنطن

اغلبهم حياتهم الزوجية فاشلة لان الساس متبناش صح

ان زوجي دفع مهر ستة ملاين دينار و كبش مع انه متيسر الحال

و الحمد الله الهنا يغلب لغنى

[مطيعة الله]

ايييييييييه وين لحقناااا
سبحان الله الناس كاملة رهي تشوف للمادة
نصيحة ملعندي ماتشكي ما والو خدم على ر وحك غير شوية
و امن بر بي و دير حاجة لي يبغيها او يرضها و الله الا جبتها غير بخاتم تاع 700 الف و الله
الرسول شاقال
التمسو و لو خاتم من حديد

[محب السلف الصالح]

بــــــــــــــــــــارك الله فيكم ونفع بكم

[asma_83]

ندبر عليك هز سلفية وسدد المهر

[محب السلف الصالح]

وأين أجد السلفية التي هي حلمي الوحيد

[aiche]

ربي يرزقك من بابه الواسع

[صقر القدس]

السلام عليكم ورحمة الله إخواني بارك الله فيكم
لقد ضاع شبابي وضاع حلمي
إستيقضت في الصباح فإذا بأمي تخبرني أنا مهر الزواج أصبح ب 16 مليون + كبش + سعفة
كاد يقمى عليا ومنذ ذالك اليوم أنا مظطرب وأحسست أنها إنتهت حياتي للأبد
بالله عليكم كيف الحل



لا حول ولا قوة الا بالله العلي العظيم ..

أنا متأكد عندما يجد أهل البنت الشاب الصالح والمناسب لبنتهم مهما كان غنيا أو فقيرا فإنهم بلا
شك " العاقل منهم " سوف ييسر ون على هذا الزوج المستقبلي لابنتهم قدر المستطاع لانه أيضا في مصلحتهم ومصلحة ابنتهم..

[mustapha213]

يا اخي هذا ليس بيع و شراء و المبلغ ليس محدد و مثبت فالمهر يختلف من اسرة الى اخرى و هناك من يبحث عن الهناء و اللصحة و الالفة لابنته .و ربي يتمم ان شاء الله.

[محب السلف الصالح]

يا جماعة الي ماراهو ش مصدق يجي يشوف بعينو

[عوماري]

ايييييييييه وين لحقناااا
سبحان الله الناس كاملة رهي تشوف للمادة
نصيحة ملعندي ماتشكي ما والو خدم على ر وحك غير شوية
و امن بر بي و دير حاجة لي يبغيها او يرضها و الله الا جبتها غير بخاتم تاع 700 الف و الله
الرسول شاقال
التمسو و لو خاتم من حديد

اكثر الله من امثالك اختاه

[..دمي ولا دمعة ابـي..]

خويا الله غالب راك في الجزائر
وبالنسبة لي الاب الي يطلب مهر كبير
اسمحلي على هذي الكلمة
اب جيعان
وزواج ميكونش فيه بركة
غير اخطيك متتزوجش الزوجة ماتت الله يرحمها

هههه تقبل مروري

[محب السلف الصالح]

إن لله وإن إليه راجعون

[محب السلف الصالح]

- من لم تعزه التقوى فلا عــــز له


2 - حفظت القرآن وانا ابن سبع سنين


3 - السخاء والكرم يغطيان عيوب الدنيا والآخرة


4- اذا تصدر الحدث فاتــه خير كثير


5 _ اشد الأعمال ثلاثة : الجود من قلة ، والورع في


خلوة ، وكلمة الحق عند من يرجى ويخاف

[ندرومة49]

إنّا لله وإنّا إليه راجعون

[عُضو مُحترم]

ربي يرحمك

و يرحمني




هههههه

يااو انت اللي راك ميت


قصدي احنا ( انا و انت و الزبرجد)

[سوسو الطموحة]

نقولك اصدم واخطب راهم على الاول يشرطو ومن بعد كي تقوللهم هذا واش نقدر راهم يسكتوا.....اذا حبوا هوما يوليو للوراء خليهم يوليو على خاطر لبنات كاين بزاف اللي راهم يستناو في راجل المهم يقولولك خدام وولد فاميليا.......اهبط للبرج....تلقى واش تحب ...ماشي يعني لبنات اللي ماعندهمش قيمة لكن حنا عندنا نديرو قيمة لبناتنا با لقدر والاحترام والهناء هو كلش.....علاه 16ملين وتجيبها garantee...كل صبع بصنعة .

[زكرياء1409]

يا أخي نصبروا حتى يفرج ربّي
ونلقاو المخرج بإذن الله
المهم أن نصبر ونستعفف والباقي على ربّي سبحانه
وإذا كتّب ربي علينا ما نتزوجوش في الدّنيا
إن شاء الله نتزوجو في الآخرة في جنّة عدن .

[الزبرجد]

ربي يرحمك

و يرحمني




هههههه

يااو انت اللي راك ميت


قصدي احنا ( انا و انت و الزبرجد)

أنا زوجتي حفظها الله و رعاها ......طلبت مني 30 مليون و طقم ذهب 24 قيراط و يكون ماسيف


من بعد جبتلها شهادة من مديرية الضرائب تاع la franchise de tva

و زدتلها réclamation c o n t e n ieuse et gracieuse

و درتلها تصريح بالمداخيل .....و في الأخير و بعد المداولات قبلت ب 8 ملاين و زوج حوايج ذهب (حاجة كبيرة و حاجة صغيرةمثلا خاتم\سنسلة ......قرط\سباعيات )

و كان الحال هكاك : جبت سنسلة و خاتم و العشرملاين خلصتهم par tableau mensuel

:1::1::1:

[madridano]

الله يرحمها و يوسع عليها

[سحر الجزائرية]

الله يسامحك خلعتني خويا عمبالي صح
عظم الله اجركم
واش نقول لخويا لعزيز والفتى الصغير وكامل
حطو عقولكم في ريسانكم وتوكلو على ربي ومتخلطوش في بنات الناس (ههههه عمبالي رجالة متخدموهاش) وربي يجازيكم ببنات لحلال لي الشرط تاعهم لهنا وراحة البال وطامعين في لاخرة يفوز بالجنة
مي حايرة فالولاية تاعي قليل لي شرطو منسمعوش بيهم بالزاف
ربي يرزقكم ببنات الحلللللللال
قولو ااااميييييين

[بنت الباهية]

الله يهديك هذا عنوان هذا
كل واحد يشوف وحدة على حسابه كل واحد يحسن عونه
في وقتنا الدراهم ما راهي دير والو يا أخي
الله يجيب الخير و يرزقك ببنت الحلال

[العداءلا]

خلعتنى ولله الحمد اللى جات فى المهر

اصبر وفوض امرك لله وتجيك وحدة بالمهر المناسب وفى الوقت المناسب

ان شاء الله يعوضك خبر ااااااااااامين

[ناشدة السؤدد]

الله يسامحك خلعتني خويا عمبالي صح
عظم الله اجركم
واش نقول لخويا لعزيز والفتى الصغير وكامل
حطو عقولكم في ريسانكم وتوكلو على ربي ومتخلطوش في بنات الناس (ههههه عمبالي رجالة متخدموهاش) وربي يجازيكم ببنات لحلال لي الشرط تاعهم لهنا وراحة البال وطامعين في لاخرة يفوز بالجنة
مي حايرة فالولاية تاعي قليل لي شرطو منسمعوش بيهم بالزاف
ربي يرزقكم ببنات الحلللللللال
قولو ااااميييييين

السلام عليكم

يعني قداش المهر عندكم؟

و الى صاحب الموضوع كل منطقة و كيفاش

مجيبهاش من ولايتك اذا مزروب مع أنو الطفلة في الولاية و ماتقدرش تعرفها أحيانا على حقيقتها ف كيفاش بالبعيدة ، و الا كل عطلة فيها خير ربي ييسرلك

عندنا 10 ملاين و زوج نعاج و الخاتم دايما

في مناطق أخرى أقل

و عمن قالت أن الأب طماع نقولها لا ، هو ما يحبش يبعث بنتو هكذاك ، العشر ملاين يشريهملها مgواسة و Point final

[محب السلف الصالح]

ربي يفرج علينا

[سهم14]

لم أتوقع اليأس منك أنت يا أبا عبد الرحمن.

اسأل الله من فضله، وهو يمن عليك بالمرأة الصالحة.