اين هو الراتب

[خديجة البليدية]

اذا كان البوانتاج نحطوه من 1 الى 5 من الشهر فمتى يدخل الراتب

[aminosaidi]

تخلصه في بداية الشهر يلي بعدو

[star_123]

من 1 حتى 5 يعني عندك عقد تاع لاداس

[aminosaidi]

هادا ليس راتب بل منحة على جال الراتب يخلصه صاحب المنصب الدائم

[star_123]

هادا ليس راتب بل منحة على جال الراتب يخلصه صاحب المنصب الدائم


شكرا على التنويه

هههههه :1::1:

[aminosaidi]

شكرا على التنويه

هههههه :1::1:

عفوا ولا واش قلت أخي العزيز منيش غالط

[عاشقة السكـون]

السلام عليكم
ليس في بداية الشهر الجاي بل في العشر الاواخر وقد يتعداه الى بداية الشهر الاخر

مثلا حطيتي بوانتاج نتاع شهر فيفري في اول مارس يكون الراتب مابين 19 مارس الى اقصى اجل هو 3 افريل فاذا تعدت هاته المدة فيعني لازم تروحي تشوفي لك حل معاهم هذا فيما يخص ( لانام) اما( لاداس) لا علم لي بها

[medmay86]

حنا تاع لانام مازال مخلصناش هد المرة و كنا ديما في 5 ايام الاخيرة نخلصو و الله أعلم.

[طيطومة]

يا جماعة انا دخل الراتب نتاعي الخاص بشهري ديسمبر و جانفي
يوم 05 مارس2011
الحمد لله بع صبر طويل سلكوني في شهرين

[طيطومة]

يا جماعة انا دخل الراتب نتاعي الخاص بشهري ديسمبر و جانفي
يوم 05 مارس2011
الحمد لله بعد صبر طويل سلكوني في شهرين
و شريت دجاجة طايبة
الله غالب الفقر قتلني

[عاشقة السكـون]

بصحتك طيطومة
وبالف هنا وشفا

[khaledsalame]

جماعة الخير...ولي دخلو منحة ديسمبر وحط -بوانتاج -تع جانفي وفيفري ومازال ماخلصخ فيهم كيفاه يدير..؟؟
a ce que ci normal ydiro rotard walaa non??p

[مشونش]

انا العقد ديالي بدا في 19 ديسمبر و استلمت المنصب في الثانوية 18 جانفي؟
فكيف سيحسب راتبي

[عاشقة السكـون]

جماعة الخير...ولي دخلو منحة ديسمبر وحط -بوانتاج -تع جانفي وفيفري ومازال ماخلصخ فيهم كيفاه يدير..؟؟
a ce que ci normal ydiro rotard walaa non??p

jتوجهي الى وكالة اللي حطيتي فيها الملف نتاعك واعطيهم فوتوكوبي نتاع البوانتاج واخبريهم انك ماخلصتيش اذا شفتيهم طولوا عليك يعطوك عنوان مديرية التشغيل اللي تابعين ليها وسيحل المشكل ان شاء الله لاتتاخري
انا العقد ديالي بدا في 19 ديسمبر و استلمت المنصب في الثانوية 18 جانفي؟
فكيف سيحسب راتبي
الراتب يبدا من يوم وقع العقد يعني 19 /12 حتى لو لم تعمله
انا شخصيا العقد توقع في 09/2009 وبدات في اكتوبر قالولي جيبي البوانتاج نتاع سبتمبر حتى لو لم تخدمي فيه وواحدة زميلتي بدات في 12 اكتوبر والعقد مسجل في 03 سبتمبر خلصت على سبتمبر

هذا من تجربتي والله اعلم راني نشوف كل وكالة تخدم على هواها !!!!!!!!!!!!!!!!!!!!

[حسينة 36]

لكن احنا عندنا انت وزهرك الا لقيت ادارة تحسبلك من يوم الي تمضى العقد يحسبولك كلشي والا ما لقيتش يحسبولك من اليوم الي تنصبت فيه
القانون واحد لكن التطبيق بهواهم وحسب ما يخدم مصالحهم
شيء محير

[khaledsalame]

[QUOTE=عاشقة السكـون;5221514][B]jتوجهي الى وكالة اللي حطيتي فيها الملف نتاعك واعطيهم فوتوكوبي نتاع البوانتاج واخبريهم انك ماخلصتيش اذا شفتيهم طولوا عليك يعطوك عنوان مديرية التشغيل اللي تابعين ليها وسيحل المشكل ان شاء الله لاتتاخري
مشكورة أختي-عاشقة السكون-..لكن *خالد سلام* ذكر ليس مؤنث ههههه:1:

[khaledsalame]

لكن هناك مشكل...البوانتاج مادرتلوش صورة طبق الأصل..مالعمل؟؟!!!

[amineh1231]

لازم لي يمضيلك على ورقة البوانتاج يعاود يمضيلك عليهم من جديد ...باش تحاسبي بيهم ...عاوديهم

[عاشقة السكـون]

مشكورة أختي-عاشقة السكون-..لكن *خالد سلام* ذكر ليس مؤنث هههه
آسفة اخي
تآمن بربي والله حتى بعد ان رديت عليك قرات الاسم خطئي اني لم اعتذر اليك مشكلتي اقرا كتابات الاعضاء دون النظر الى الكاتب
اكرر اسفي
وربي يوفق الجميع

[عاشقة السكـون]

لازم لي يمضيلك على ورقة البوانتاج يعاود يمضيلك عليهم من جديد
هذا احسن حل لكن في نفس الوقت لازم يكون توقيع لانام
ومع ذلك حاول والاحسن توجه مباشرة الى المديرية التي تتبع لها وكالة التشغيل فهم يعطونك الجواب او الحل فورا ويشوفوا وين المشكل عكس الوكالة تقعد رايح /جاي

[khaledsalame]

آسفة اخي
تآمن بربي والله حتى بعد ان رديت عليك قرات الاسم خطئي اني لم اعتذر اليك مشكلتي اقرا كتابات الاعضاء دون النظر الى الكاتب
اكرر اسفي
وربي يوفق الجميع

Hhh..ci pas grave Ma soeur:1::1::19:

[moonlight19]

انا بدا محضر التنصيب تاعي في 24 جانفي و بديت العمل في 02 فيفري .قالولي في لانام اكتبي لبوانتاج تاع شهرين جانفي و فيفري و مارس
و حتى 25 مارس باش نحط لبوانتاج و الخلاص مانطمعش مزال بعيييييد.

[ليلى الجزائرية1]

لسلام عليكم
أنا الكونترا نتاعي تسنيات نهار 17/01/2011
ومحضر التنصيب تسنيا في 22/02/2011 .
يا ريت لو تفهموني كيفاه يتحسبلي البوانتاج

[fifi180]

ana ma7dar tansib ta3i fi 16 janvier w 3aytoli le 10 février w ki daroli le pointage bdawli man le 16 février w ldork machof doro ma3a l3ilm rani nakhdem contra DIAP fi laboratoire ta3 polyclinique w ida possible fahmoni wach ndir w wa9tah tji drahem?? walla win nroh nsa9si stppppppppppppp

[عاشقة السكـون]

السلام عليكم
البوانتاج يتحسب من نهار تمضى العقد وليس محضر التنصيب ولازم المدير اللي تابعه ليه يمضيلك عليه حتى لو لم تشتغلي
هذا شي متاكدة منه

[ليلى الجزائرية1]

يا ؤيت لو تعطيوني نموذج نتاع البوانتاج على خاطرش المؤسسة اللي نخدم فيها ما عندهمش نموذج واجد

[geld]

شكراااااااااااااااااااااااااااااااااااا

[عاشقة السكـون]

ليلى اختي البوانتاج اجيبيه من وكالة التشغيل ليس المؤسسة التي تشتغلين فيها
المفروض هم لما اعطوكي العقد يعطوك نسخة من البوانتاج فاما تعملي عليها نسخ وكل مرة تعمريها او تخدمي نسخة عليها ف الميكرو عادي او حتى ممكن نقليها من عندهم بـفلاش ديسك المهم اتجيبيه من وكالة التشغيل اطلبيه منهم يعطولك نسخة